“Ёнғин хавфсизлиги ойлиги”- давом этмоқда!

Республикамиз ҳудудида 15-ноябрдан 15-декабрга қадар “Ёнғин хавфсизлиги ойлиги” ўтказилмоқда. Ушбу ойлик доирасида шунингдек, куз-қиш мавсумида юзага келиши мумкин бўлган фавқулодда вазиятлар ва ёнғинларни олдини олиш юзасидан вилоятимизнинг Ёзёвон тумани Фавқулодда вазиятлар бўлими ходимлари томонидан мазкур туманда профилактик тадбирлар амалга оширилди. Профилактик тадбирлар дастлаб тумандаги 36-сонли ИДУМда таҳсил олиб келаётган ўқувчиларга теҳникалар намойиши ҳамда табиий ва суюлтирилган газдан фойдаланишда хавфсизлик қоидалари ва талабларига риоя этилмаслик, эътиборсизлик оқибатида газдан заҳарланиш фожиали оқибатларга олиб келиши, газ иситиш асбобларидан нотўғри фойдаланиш туфайли чиққан ёнғин эса инсонлар ўлими ҳамда жамиятга моддий зарар етказиши мумкинлиги талабаларга тушунтириб ўтилди. Шунингдек, овқатдатдан заҳарланиш ботулизм касаллигини олдини олиш бўйича ўқувчиларга амалий семинар ўтказилди. Бунда ботулизм касаллигини келиб чиқиш сабаблари ва оқибатлари ҳақида соҳа мутаҳассислари томонидан етарлича тушунча ва тавсиялар бериб ўтилди. Шундан сўнг мутаҳассислар Ёзёвон тумани Мактабгача таълим тасарруфидаги 1-сони Мактабгача таълим ташкилотида ҳам бўлиб у ерда ишовчи тарбиячи ва тарбиялаланаётган ёшларимизга таълим ташкилоти ҳудудида ва яшаш уйларида содир бўлиши мумкин бўлган фавқулодда вазиятларни олдиги олиш ва бундай вазият рўй берганда қандай тўғри ҳаракат қилишлари бўйича ўзларининг тавсияларини бериб ўтишди ҳамда ташкилот ҳудудида шартли равишда содир бўлган ёнғинни ўчириш бўйича амалий тадбирларни кўрсатиб ўтишди. Шунингдек, тумандаги “Тошховуз” МФЙ худудидаги аҳоли яшаш ҳонадонларида куз-қиш мавсумида юзага келиши мумкин бўлган фавқулодда вазиятлар ва ёнғинларни олдини олиш, газ ва ҳаво аралашмаси чақнаши ва ис газидан заҳарланишини олдини олиш, озиқ-овқат махсулотлари ҳамда уй шароитида тайёрланган консерва тузлама маҳсулотларидан заҳарланиш (ботулизм) билан боғлиқ кўнгилсиз ходисаларни барвақт олдини олиш бўйича зарур тавсия ва тушунчалар берилди. Профилактик тадбирлар давомида МФЙ ҳудудидаги 350 та хонадон кўрилиб, у ерда яшовчи 600дан ортиқ фуқароларга керакли тушунчалар бериб ўтилди.
Ёзёвон туманининг Ёзёвон маҳалласидаги туман Тиббиёт бирлашмасининг 50 ўринли туманлараро қўшма жароҳатлар ва ўткир юрак-қон томир тизими касалликларини даволаш маркази қуриб битказилмоқда. Ушбу марказ қурилишида ишлаб келаётган 30 нафардан ортиқ қурувчи ва пардозловчи усталар билан қурилишда техника хавфсизлиги қоидаларига риоя этиш хамда ишчиларнинг тунгги ётоқхоналарида ис газидан заҳарланишни олдини олиш ва газ-ҳаво аралашмаси йиғилиб қолиб, унинг чақнаши каби содир бўлиши мумкин бўлган ҳолатларга асло йўл қўймаслик юзасидан тизимли профилактика тадбирлари олиб борилди.

ФВБ Матбуот хизмати.
Канални кузатиб боринг!
Telegramm 👉t.me/fvbuz👈
Facebook https://www.facebook.com/Farg'onaviloyatiFVB
YouTube👉https://youtube.com/channel/UCgq8_GbRvldKbOuzls8bqLQ