مدونة حل المشاكل الدراسية لفريقنا ❤😇

مدونة حل المشاكل الدراسية لفريقنا ❤😇 via @SY5Bot

مسيرة الألف ميل خطوة 🖤 فما أجمل أن تكون نهاية المسير نجاحٌ مبهر عند كل مفترق لتلك الخطوات التي مضت و نحنُ نمشيها آملينَ أن نصل لمسعانا و مبتغانا 🎓.

بسم الله أبدأ❤️

أهم النصائح لكَ كطالب/ة مقبلين على امتحان يحدد مصير مستقبلكم 💫:

١النوم باكراً للاستيقاظ باكراً😴🥱 (بيجي واحد بيقلي انا بدرس بالليل و لازم راجع وووووو الخ رح قلك انو في قسم من رفقاتي عمل متلك و راحوا شبه نايمين عالامتحان فقدوا التركيز و صار بدهم مو قهوة صار بدهم رش بمي باردة ليصحصحوا ) النوم شي مهم جداً لكَ و لتركيزك👌🏻.
بتنام عال١٢ كأقصى حد مشان تروح عالامتحان مركز تمام 👍🏻.

٢ أسئلة متوقعة و توقعات💯🚫 (عقولة هاد ممكن و هاد لا ، لا تدرس هاد ما متوقع ،احذف هاد ) هالحكي ما فيه تأكيد و لا ممكن حدا يخمّن شو ممكن و شو لا
بقولولك هاد الأستاذ أو هي الآنسة كل شي بيكتبوه بتلاقيه بورقة الفحص هاد الحكي مو لأنو هدول عالمين بالغيب لاا ابدا بس لأنو هدول المعلمين صرلن فكرة عن الأسئلة من خلال حل دورات و تدريس مناهج بشكل متتالي فصار عندن خلفية عن طريقة تفكير يلي ممكن يحط الاسئلة و كل هالحكي لا يثبت انو ممكن يلي بيكتب توقعات لشي يجي منها يعني بدك تحط ببالك انو كل شي وارد مو بس هالورقة يلي فيها التوقعات .

٣الاستيقاظ باكراً و الصلاة و الدعاء🤲🏻 فهي أحد أسباب توفيقك ❤️لأن التوفيق بيد الله وحده و لا أحد لديه القدرة على إعطائك إياه سواه 💫 فادعُ الله صباحاً و قل يا رب وفقني كن معي و ارزقني النجاح و فرحته 🤲🏻.

٤الإفطار بشكل جيد😋 (لا تعمل حالك ما بيهمك و عادي اذا ما فطرت ممكن بسبب الضغط و التوتر يلي مريت فيه كل هالفترة يكون جسمك خسر كتير طاقة و صحة لهيك بتفطر فطور منيح بحيث تركز بالأسئلة و ما يصيبك قلق و لا دوخة و لا غيرها . أن تقي نفسك الوقوع في السوء أفضل من أن تقع فيه .👌🏻

٥_اقرأ أهم الأفكار يلي لخصتا خلال السنة و عن طريق أساتذتك 📑يعني أهم شي مثلاً كمادة الفيزياء (القوانين و التحويلات و المعلومات النظرية يلي ممكن دماغك ينساها )بساعتين بيخلصوا بكل رياحة اذا دارس كويس من قبل ♥️

#القسم الأول📚 #نصائح ما قبل الامتحان📚
#يتبع...

DENTIST.HUDA.NAKRASH
HODA.SHAM

3.0K views14:23

مدونة حل المشاكل الدراسية لفريقنا ❤😇 via @SY5Bot

٦وصلت للمركز استعد نفسياً لأي شي ممكن تسمعو من رفقاتك من الأساتذة المراقبين من الناس من أي حدا
بحيث لا تحاول تتأثر بالشي السيء (عقولة عدت المنهاج مرتين و خلصتوا ، عقولة انتو جيل فاشل ما عنكم طموح ، عقولة رح نفوت نتنقل و منجيب تامة ، عقولة انت اذا جبت النجاح منيح)فالمحبطين كثيرين و ما عليك إلا أن تصمّ آذانك عنهم👂❌.

٧ لا تغش (فمن غشنا ليس منّا ) يمكن نصف يلي رح يقرأ هالعبارة ما رح يقتنع فيها و رح يكون حاطط ببالو الغش او انو رح ينجح من وراه 💯🚫 بس رح قلك شي و خليه ببالك فقط يلي دارسين منيح يلي بيعرفو يغشوا كيف يعني؟ يعني( بينقلوا صح لانن دارسين صح) هي نصيحة من أخت إلكم:
هاد مستقبلك انت مو مستقبل حدا تاني اذا بلشتو بشي متل الغش رح يكون بكل بساطة مستقبل شخص غشّاش فإذا انت قبلان تاخذ تعب غيرك او مستقبل غيرك ممكن تقبل أي شي تاني بعدين بحياتك . خليك نسخة نادرة لا تكون نسخة من هالنسخ الفاشلة بالمجتمع👍🏻💫 (رفقاتي يلي طلعلن كليات عالية عالغش و مو بجهدن لهلق لساتن سنة أولى و تانية و عم يحملوا مواد و نحنا متخرجين🎓❤️) فشوف وين ممكن يكون طريقك شخص فاشل بالجامعة بعد غش البكالوريا و لا شخص ناجح بالجامعة بعد جهد البكالوريا و لو كانت كليتك مانها حلمك .(الخير فيما اختاره الله و ليس أنت)💚

٨طلعت من الامتحان رح تسمع كتير حكي و أجوبة كمان لا تسمع لشي منن و تتوتر و تخاف و ينزل ضغطك و في ناس بتقعد تبكي و بعرف اشخاص منن (لا تسمع شي ارجع عالبيت غسل و بدل تيابك و صلي و اسأل استاذ موثوق عن الحل يلي إلك ) و شو ما كان الحل انسى و كفي للمادة يلي بعدها لانو اخطاءك بالمادة الاولى ما رح تكون بالمادة التانية كل مادة شكل و هالشي بيعتمد على مدى اصرارك لتنسى كل شي و تستفاد من غلطك و تدرس منيح للمادة يلي بعدا 📖📝.

٩ادرس المادة يلي بعدا و توكل على الله و نعم بالله و توفيقه و رضاه و بوس ايد امك و اطلب الرضا و اطلب الرضا من أبوك لانو رضا الله من رضا الوالدين و ممكن دعاؤهم و رضاهم يكونوا السبب بنجاحك💜😍و يا محلا فرحة النجاح و رفع راس الاهل فيك😍🎊🎉.

١٠_ النصيحة الأخيرة للغوالي طلابي المتفوقين يلي واثقة جداً بقدراتهم 🤍 و باقي طلاب البكالوريات💫 :
ما بعد الجهد وعد من الله لك سيسير إليك في قدرك دون تفكيرك به أو حتى علمك به فكل أمر من الله خير و لو تأخر أمرك و استجابة دعائك و لم تحصل على حلمك فهناك فرح عظيم ينتظرك سيروي قلبك و تدمع عيناك و يسر خاطرك و يكون لك دون غيرك ❤️ فهنا يكون النجاح و هنا يكون الحلم و هنا تكون النتيجة ❤️

بتمنالكم من قلبي كل التوفيق يا قدوة الأجيال 😎😍😌
نحن للحلم و الحلم لنا 😌👏🏻

#سنصل_بإذن الله ❤️

#القسم الثاني📚 #نصائح ما قبل الامتحان📚

DENTIST.HUDA.NAKRASH
#HODA.SHAM

3.0K views15:39

مدونة حل المشاكل الدراسية لفريقنا ❤😇 via @like

آخر شي لليوم و يلي هو أحلى شي 😍❤️ و اللهم استجابة لجميع أدعيتنا 💙🤗

الدعاء الشامل :💫

في البداية اللهم #أختي هبة و امتحانها و توفيقها في ودائعك يا الله فما ضاع من أوكل أمره لله عز وجل 💛اللهم وفقها و كنْ معها في كل خطوة و سؤال💫

لأخواتي الصبايا في الفريق 😍من كانوا مع الطلاب خطوة بخطوة 📚 و أتمنى لهم مستقبلاً زاهراً يليق بإبداعهم💗
أسماء آدم _زينب شنكان _نرجس طاهر

للصبايا يلي اتعرفت عليهم بالصدفة و أتمنى لهم التوفيق الدائم 💞
بتول _نرجس _غنى _آية

أخواني شباب الفريق 😊يلي كانوا مع الطلاب خطوة بخطوة🌸و أتمنى لهم التوفيق و النجاح كما يتمنون 💙
محمد نور قدور _عادل _ثروت حسن .

لأخواني أصحاب القنوات يلي فادوا الطلاب و كانوا معهم خطوة بخطوة 🌸و أتمنى لهم التوفيق 🌸
حسين علوش _ محمد الجموعة _زكريا سليمان .

و لباقي الصبايا و الشباب يلي راسلوني خلال السنة 💙و بعتولي عالبوت اليوم 💜
💜نغم _آية _تسنيم _شهد_رغد _شروق _رهام _آلاء_جولي _رانيا_سولين _نور _بشرى _سامو_سيدرا 💜

💙نور الدين جبلي_عبد الله الأشقر _يوسف _عبد الله _محمد علي عرواني _ عبد الرحمن عرواني _نادر رحمون_محمد_براء_عمران شروف 💙

و لكل طالب/ة بكالوريا 😍❤️اللهم وفقهم جميعاً و اجعل النجاح و التوفيق حليفهم و اجعل أسئلة الامتحان سلسة كالماء بين أيديهم و اجعل لهم في كل سؤال حل صحيح و في كل جواب علامة مميزة و اجعل لهم في كل خطوة للامتحان أماناً و سلاماً لهم 💙فأنت الحفيظ و الموفق و القادر على كل شيء يا رب 💙

و ما توفيقي إلا بالله عليه توكلت و إليه أنيب 💗

_هدى ♡

4.0K views20:02