#من_رسائلكم

مرحبا انا طالبة بكلوريا علمي
خلصت المنهاج و حاليا ضل عندي هالايام شو بتنصحوني ارجع عيد المنهاج مرة تانية او حل اسئلة دورات انا ضايعة كتير و ما عرفانة شو اعمل

الحل💙👇

ياهلا💙

انا مافيني قلك اذا تحلي دورات او تعيدي
هالشي بيرجع الك ... شوفي انتي اذا خلصتي حفظ متل العادة وركزتيون حلي دورات

بس فيكي تحلي وراق مكثفات بحيث بيشملوا كلشي من المنهاج وشوفي وين نقطة ضعفك او الشغلات يلي مانك فهمانتيا ودرسيا كويس

هالشي بساعدك بحيث تراجعي دروس المنهاج وتختبري حالك وكل ما أغلطتي بالحل بكون كويس
كتشفي الشي يلي مو مركزتيه هلق احسن من بعدون
#بالتوفيق
#Źàîńàb
@futuredoctorbacalorea

#من_رسائلكم
مرحبا انا هي سنة خلصت حادي عشر وصرت بكلوريا المشكلة أنو انا دائما خايفة عم حضر من هلق بس دائما شعور الخوف مرافقني لدرجة انو ببكي دائما بحس بالفشل وانو مارح انجح وكل مابفكر هيك عم اكره ادرس وحابة تنصحوني شو اعمل وشكرا 💙🦋

الحل💙👇

ياهلا💙

مافي داعي لكل هالخوف معك سنة لسع تقريبا وبتلحقي انشاءالله وبكل سهولة

شي اجباري الكل يحس بالفشل لانو مابيولد النجاح الا بعد تكرار الفشل
وكل ما فشل الشخص اكتر كان النجاح يلي رح يوصلو اكبر

والشي يلي عم تحسيه شي كتير طبيعي يعني لاتخافي او تتوتري وتخلي هالشي يأثر ع دراستك ويضيع مستقبلك 😕💙

لاتخلي هالاحساس يكرهك بالدراسة متل ماقلتي
بالعكس قولي انا رح اتغلب ع هالشي وشجعي نفسك ديما وهالشي رح يساعدك كتير

انتي بس درسي كلشي أول ب أول ولا تعملي تراكم دراسة عليكي رح تنجحي وبتحققي حلمك انشاءالله وتعالى👌😌
#بالتوفيق
#Źàîńàb
@futuredoctorbacalorea

#من_رسائلكم

مساالخير
انا طالبة اعاده عدت السنه مشان اوصل لطموحي وهوي التحضيريه
دارسه كلشي بس هالشهرين هدول مليت كتير ومشكلتي بتوتو كتير وخايفه ماعد لحق
دارسه كلشي ضللي تركيز بالرياضيات وعيدو اخر مره
والفيزيا درستا كتير بس مع هيك بضل عندي ضعف ولامرة جبت تامه فيها خايفة ماعد لحق ادرسا
مابعرف اذا فيكن تساعدوني😥

#الحل💙👇

ياهلا💙

بما انو انتي اعادة ف انتي مريتي بهالتجربة من قبل مالازم تتوتري
ممكن هديك السنة ماقدرتي توصلي لحلمك لانو خليتي التوتر والخوف يأثرو ع دراستك ووقفوا بطريق حلمك ومستقبلك

هالمرة ماتعملي نفس الشي💙👌
ماتخلي المشاعر انو ماعاد تلحقي وخايفة ومدري شو كمان يأثرو عليكي

عندك حلم معناها عندك القدرة انو تحققيه وبتقدري 😌😌👌

بالنسبة للمل شي اجباري تحسي فيه وهو شعور بدوم لفترة بعدون بروح

مشان الفيزيا مادام درستيا كتير كويس ومشان تركزيا حلي اسئلة دورااااات
مابتتركز غير لما تحلي اسئلة دورات وتأغلطي وتتعلمي من غلطك😌💙

والرياضيات كذلك الأمر عيديا اخر مرة وحلي اسئلة دورات
وكل ماحليتي اسئلة دورات بتتمرني عالحل اكتر وبتحلي بطريقة اسرع
#بالتوفيق
#Źàîńàb
@futuredoctorbacalorea

#من_رسائلكم

يعطيكن العافية💕
انا بكالوريا علمي مخلصة المنهاج وعم عيد بقيلي من الاعادة العربي والانكلش والفيزيا بس خايفة مايلحقوا معي ابدا شو رأيك بلحقوا او لأ ؟ وشغلة تانية انو حاسة كل يلي عدتو مو متذكرة منو شي وخايفة كتير من هالشي وعم يأثر ع تركيزي وقت الدراسة لانو بخاف يجيني شي سؤال بالامتحان وما اعرف جاوب عليه ساعدوني لو سمحتوا☹️🖤

الحل💙👇

ياهلا💙

شي اجباري تحسي حالك انك نسيانة كلشي حفظتيه وهالشغلة بتصير مع كل الطلاب بدوون استثناء

وشي اكيد بتلحقي انشاءالله بس انتي وثقي بقدراتك وخلي ثقتك بربك كبيرة انو مارح يضيعلك تعب وشدي الهمة وبيمشي الحال

عملي برنامج منتظم وبتلحقي تعيدي هالمواد يلي بقو واذا بدك تعيدي مرة تانية المنهاج بتلحقي👌💙

انتي بس خلي عندك امل وتفاؤل ولا تيأسي او تتعبي

ودائما وانتي عم تدرسي قولي اللهم اني استودعك ماحفظت وما احفظ وما سوف احفظ لتعيده لي في الوقت المناسب
#بالتوفيق
#Źàîńàb
@futuredoctorbacalorea

-

#من_مشاكلكم :🌸

مرحبا...انا طالب ثانوية فحصي بعد 23 يوم ...ومخلص ومعيد مرة ثانية...كنت عم فكر حط ساعتين باليوم لكل مادة (لغات.ديانة.كيمياء)...اما المواد التقيلة متل (رياضيات .علوم.فيزياء) حاططلها ٣ ساعات...شو رأيكن بها طريقة؟...مع ذلك حلمي 240...بلحق!?


الحل 🤍👇🏻:

أهلآ...
الطريقة منيحة ، كونك بدك تعيد موادك...
طبعآ إذا بتقدر تدرس المواد كلها مع بعض بتركيز و هالشي يناسبك فخليك ع الطريقة هي....أما إذا ما قدرت تستوعب كل المواد ، #نصيحة: ادرس ٣ مواد أو ٤ كحد أقصى ، الفترة الصباحية تكون للمواد الحفظية ( علوم ، قومية، إسلامية) و الفترة المسائية للمواد العلمية ( رياضيات ، فيزياء ) ، يبقى عندك فترة قبل ما تنام بساعتين تدرس فيها اللغات ، هي #طريقة_ثانية إذا ما قدرت تنظم موادك و تركز فيهم بطريقتك...😊

طالما عندك حلم و هدف عالي، فآنت قادر تعمل كل شيء من أجله ، بتلحق أكيد إن شاء الله بس لا تتوتر ولا تخاف و خلي عندك ثقة بنفسك أنك قادر تحقق حلمك 😍

#تمنياتي_لك_بالتوفيق_الدآئم 🤍

#Fàťįmà

#فريق_أطباء_المستقبل 🩺💊
@futuredoctors_official

#من_رسائلكم

مرحباا..🌸✨
انا طالبة حادي عشر نجحت ع البكلوريا .. عندي مشكلة كبيرة كتير باللغات ..فرنسي، انكليزي.. يعني عندي عقدة منهم بس بالمقابل شاطرة كتير بالمواد العلمية ومالي آكلة همهم ابداً .. وانا ما بقدر ادرس اللغات الا عند مدرس ولحد الآن لسى ما بلشت فيهم .. هلق خلصت الكيميا الوحدة الاولى مع اول ٤ دروس علوم ومراجعات فيزياء ورياضيات .. وبلشت هلق بالديانة والقومية .. منيح
هيك ؟ .. لأن انا بدي اجيب التحضيري ان شاء الله.. سؤالي؟ ايش اعمل هلق ؟ وبلحق ادرس اللغات مع الاستاذ بالمعهد بس يفتحوهم ؟؟

#الحل💙👇

مرحبتين يا هلااا 💙
حلو كتير لسا معك وقت طويل كتير يعني هلأ بتبلشي وانتي مرتاحة بدون ما تضغطي ع حالك...وبالنسبة للغات لازم تكوني مخزنة كمية كبيرة من المفردات لانها بتساعدك أثناء الدراسة وطبعاً مواد سهلة مابدها بس عليكي تركزي فيها شوي #اللغات متل ما حكيتلك ١- بدك تحفظي مفردات كتيرة
٢- بعدين عندك القواعد سهلة وما بدها شي بتفهمي القاعدة وبتطبقي عليها " أسألة دورات بتساعدك "
٣- بنجي هلأ للمواضيع يعني فيكي كل يوم تحفظي موضوع بما انو الوقت طويل معك بس الأيام بتمرق بسرعة وما بتحسي فيها
٤- واخر شي بقي عندك النصوص بدك تقري النص وتفهميه فهم وأهم شي تكوني منيحة بالترجمة
٥- بقي عندك تدرسي الكتابين منيح لأن الأسئلة بتجي من الكتاب فقط

وقتك منيح وكافي اذا بتحبي تحطي برنامج مناسب الك بس بحيث ما تضغطي حالك لان اذا ضغطتي حالك بالدراسة هلأ وقت تيجي للبكلوريا بتكون روحك طلعت وهالشي مو منيح...خليكي عطول متفائلة وعندك أمل وثقة بحالك واقنعي حالك انو انتي بتقدري توصلي...ولحتى نوصل للشي يلي بدنا اياه لازم نتعب ونجتهد لحتى نحس بطعم النجاح 😌💙
#وان_شاء_الله_كون فدتك منيح 🌸
#saja
@futuredoctorbacalorea

#من_رسائلكم

يسعد اوقاتك بكل خير يارب 💙
شكراً من القلب ع كلشي عم تقدمو الله يديمكم 🥺💙 ...انا طالبة SAT الأمريكي دخلت لدراستو بشغف عالي كتير كتير بس عم واجه مشكلة حالياً انو قل شغفي لدرجة كبيرة صرت ما عم ادرس يمكن باليوم ساعة او ما بدرس..😞 كتير عم ماطل كتير قل الشغف كتير حاسة روحي مطفية تجاه الدراسة خصوصا هي الفترة...😭 انا الحمد لله متفوقة وهدفي وحلمي ع الطب ان شاء لله وكل الناس املها فيني وانا املي بحالي كماااان 🥺 بس قل الشغف كتير وما عم اعرف ادرس مثل العالم ساعتين ورا بعض.. كتير بحفز حالي كتير بشد عليها بحاول ما خليها هي هدفها شو عندي كتير واجبات وكتب لازم خلصن بس مش عارفة ليش كل هذا عم يصير مع اني ما تغيرت طريقة دراستي بالعكس حاول دائما ادرس بحب بإيجابية...😭🤍 يعني لما وصلت لاخر محطة قبل الهدف كتير قل الشغف انعدمت الطاقة مافي شي عم اعملو وكملو كتير مزعوجة من حالي ياريت هيك تبهدلوني عنجد بدي بهدلة بلكي ارجع ع شغفي ودراستي بكل طاقةةة😭😭😭

#الحل 💙👇


وأوقاتك أسعد ان شاء الله 💙
الشكر لله تعالى هاد واجبنا
- النجاح ما بيجي بسهولة بدك تتعبي كتير وتبذلي جهد ...تذكري الدافع يلي دخلتي فيه ارجعي جدديه خليكي مقتنعة انو الشغف مرافقك عطول وانو هي فترة عم تمري فيها ورح تمرق ان شاء ...خليكي قوية ودائما احكي بينك وبين حالك انو أنا رح صير دكتورة مشهورة وبدي ابدع بمهنتي وخليكي متفائلة على طول وخلي عندك ثقة بنفسك وبقدراتك وتوكلي ع الله ولا تخافي واكيد ما رح يضيعلك تعب 💙
#وان_شاء_الله_كون فدتك منيح🌸
#saja
@futuredoctorbacalorea

#من_رسائلكم

أنا مشكلتي انو ما بحسن ادرس غير قبل الفحص
و كتير بحب حالي مضغوطة
بس خلال ايام الدوام بمل و بشرد و انا عم ادرس شو الحل

#الحل 💙👇

#الحل انك ترسم هدف وحلم مشان تعرف حالك ليش عم تتعب وتجتهد لان بدون الهدف رح تتكاسل وتأجل اي اليوم واي بكرا خلي ببالك فرع انت بدك توصلو واطمح للأعلى منو حتى توصلو
هدف + خطة + جهد + تفاؤل + ثقة بالنفس = نجاح ✨🌸
#وان_شاء_الله_كون فدتك منيح
#saja
@futuredoctorbacalorea

#من_رسائلكم 🌸

كل عام وانتم بخير يارب وانشاءلله بتحققو كلي ببالكن انا طالبة بكلوريا 2021 ع أساس رح تفتح المعاهد بعد العيد بس حالات كورونا عم تزيد 😞😞الله أعلم شوحيصيرر فينا وانا مابلشت شي بلمواد أبدن شو بتنصحوني ومن وين بدي أدرس 😢
مع العلم أنا مااخدت شي بلحادي عشر ولا العاشرر مابعرف خايفة أفشل بلبكلوريا لن مااخدت حادي عشر 😢😢😢

الرد👇🏻

وانت بالف خير يا رب ❤️
انشالله بتحققي كلشي ببالك 🌸
بلشي بلمواد الي ما بتعتمد ع معاهد ولا بدها معلومات سابقة مثلا قومية وحتى عربي من هون لتفتح المعاهد بتكوني خلصتي كمية كبيرة منن
الفيزيا والكيمياء والرياضيات فيكي تدرسي ورا الاستاذ فارس جقل منزل شرح المنهاج
وعلوم فيكي تشوفي اساتذة ع يوتيوب
الاستاذ علي شباط والانسة شهلا 🤍

في الف طريقة اذا حابة تبدأي هلق
ولا تخافي ولا تتوتري اكيد المعاهد رح تفتح وبتلحقي منهاجك مع اساتذتك وزيادة 😊
وموفقة يارب 💭💜
هدول القنوات الي بتفيدك 🤍🤍
@faresjacal1
@faresjakal7
@faresjacal2

#Leen

@futuredoctorbacalorea

#من_رسائلكم 🌸

مسالخير
مرحبا انا طالبة تحضيري درست بمعهد وخلصنا تلت المنهاج تقريباً وانا من اول السنه معتبرا حالي بكالوريا وعم ادرس منيح وفيق بكير مشان ما روح وقتي وقت وقف المعهد واجت العطلة كملت دراسة وعدت من الاول كل شي بس لما اجي اقدم مذاكرات او حدا يسمعلي ما بعرف اعرف وسمع حتى لما عيد المعلومة عم حس حالي انو اول مرة بتعدي علي 🥺 واهلي وكل اساتذتي بدن ياني فوق الكلية الطبية وانا كمان بس كتير خايفة ما اوصل لهل شي انصحوني شو ساوي