📒انا تخصص لغة انجليزي.
-وعشان تخصصي انجليزي طبيعي كل شي بيكون باللغه الانجليزية
اول سنتين تدرسين الاربع سكلز الي هي القراءه والكتابة والقرامر والليسننق والسبيكنق ومادتين عامة.

-طبعا الي بتتخصص انجليزي اقولها الصيفية هذي تشتغل على نفسها بزيادة تحاول تقراء قصص اطفال بالانجليزي تقراء كوتس الي هي اقتباسات تتابع حسابات اجانب وتحاول تقراء الكابشن حقهم تحت كل صورة.

-واذا تطورت تشوف افلام او مسلسلات بترجمة انجليزية لانه من اول ماتبدي تدرسي اللغة ماراح يبدو بالحروف والكلمات البسيطة لا راح تعاملك على انك فاهمه وعارفة للغة وخلاص هي تبدا تكمل يعني كانك متأسسة ويمكن هذا الشي الي وهقني لان محد قد قالي انهم بيخشوا بالعميق على طول.

-حبي اللغة وحاولي قد ماتقدرين تعدلين نومك عشان تصحي مروقة وتتعلمي ونفسك منفتحة للشي هذا.

-كمان شدو حيلكم من اول سنة وذاكروا للميد كانوا فاينل ابدا لاتستهينوا باي شي علية درجات وصلاتكم حافظوا عليها مارح تتوفقي وانتي متهاونة بالصلاة.

-اول سنة راح تلاحظي الفرق الي بين الثنوي والجامعة ويمكن يجيك احباط مع ذلك ابدا لاتستسلمي محد ينولد وهو عالم واقري اقري اقري كل شي تشوفيه قدامك باللغة الانجليزية اقريه هذي نصيحة دكتورتي لنا العام.

-والله يوفقكم جميعا ويسهل لكم وادعولي معاكم 💕

وعليكم السلام ورحمة الله
تخصصي كان اعلام( علاقات عامه)
اغلب المناهج كانت عربي بس في كم منهج انجليزي
لازم تكونين جريئه هذا يتطلبه قسم الاعلام بشكل كبير م ينفع الشخصيه اللي تستحي وماتشارك ابدا
اول سنتين ادري الاعلام بشكل عام بعض المواد اللي اخذتها
مدخل لدعايه والاعلان
مدخل لصحافه
مدخل للعلاقات العامه
مدخل للاذاعه والتلفاز
تحدث واستماع
ايوا في تخصصات في قسم الاعلام صحافه وعلاقات عامه 
تجربتي والله القسم جدا جمميل وممتع وينحب وسهل والمواد اللي تدريسها حلوه مره واغلبها عن حياتنا يعني شي معروف وبنفس الوقت حلو  بس برضو لازن تشدين حيلك وتتعبين شوي وبتشوفين ب النهايه تعبك م راح ع الفاضي والله يوفقك يارب ♥️♥️

🧡 تخصصي اعلام الدراسه عربي بس داخل فيه مواد انقلش الاعلام يعتمد على مهاره الالقاء والتفكير ولازم ثقتك بنفسك قويه وتقدرين تواجهين الجمهور  يندرج تحت الاعلام التخصصات ذي اللي هي العلاقات العامه والصحافه  اول ماتدررسين تدرسين سنتين اعلام عادي يعني شامل بعدين بعد السنتين يخيرونك بين العلاقات العامه والصحافه اذا تبين علاقات يعني انو شغلها فالشركات والمؤسسات وهي مسئوله عن سمعه المؤسسه اما اذا صحافه تتوضفين بصحيفه او مجله  وكذا وتجربتي للحين فالاعلام الحمدلله تخصص سهل وممتع وبالتوفيق للجميع ❤️🥺

افضل الدكتوورات بجامعه الجموم صالحه الغامدي وافنان النمري🧡

💛- حابه اسالك ايش تخصصك؟! اعلام
- المناهج عربي ولا انجليزي ؟! عربي بس اخر مستويين في مادتين انجلش
-ايش اكثر حاجه يعتمد عليها قسمك ؟ كمهارة كتابة - تصميم - تصوير - تسجيل

- ايش المواد اللي تاخديها ؟! مواد عن الاذاعة و نشأة الاتصال وبداياته وكل مميزات وعيوب قنوات الاتصال سواء اتصال تقليدي صحافة واذاعة وتلفزيون او من السوشال ميديا وغيرها ..

- هل يندرج تحت هذا الكليه تخصصات وايش أقسامها ؟؟! ايوا صحافة - علاقات عامة - اذاعك وتلفزيون ( للاولاد)

- اذا تقدري تكتبي لي تجربتك ف التخصصك ♥️✨
تخصص ممتع وجميل وسهل والدكاترة من أفضل الدكاترة الا كم استاذ ودكتور زي اي قسم

- مين افضل الدكاترة ف تخصصك ؟ 💜
عزة جلال
هبة عطار
عزة كحكي
ايمان فتحي
آمال حلبي
منى الطوخي
رشا مزروع
رشا مرسي
شيماء مسرحي
زران عالم
غيداء الزيد
هناء بكري
نجود الحازمي
دعاء الصادق
هويدا لطفي
مروة ينكصار
الهام فلاته
سماح جمال

انتي ف الجامعه اكيد مريتي بمواقف وقلتي يالله ليت احد من قبل علمني عليها عشان اخد احتياطي " ايش النصيحه اللي تعطيها البنات " ♥ تشد حيلها من اول سنة ما تاخذها وناسه ولعب لانو المعدل مرة مرة مهم اول سنة هو الي يرفع معدلك - تاااااخذ دورات الجامعة ندمت اني ما استغليتها وحتى لو دورة مهمة بيوم الاوف خذي صار الوظايف تعتمد على الدورات موب بس وثيقتك - اي شغل سويتيه خلي عندك نسخه منه مثلاً فلم مميز دخل المعرض - بوستر كان حلو ومرتب كل شغلك خلي عندك نسخه منه تخطيها بالسي ڤي حقك - شدي حيلك بالمواد الي ساعاتها ٣ او ٤ مرة ترفع وتخفض بالمعدل
اذاعه * تحطيها* 💛

❤️ تخصصي ولله الحمد إعلام-علاقات عامة.
المناهج عربيه واكيد فيه ماده انقلش لها ٣ مستويات.
الفهم واجتهادك الشخصي في الاول والاخير كمهاره علمك في التقنيه لإن اغلب التكاليف تكون برزنتيشن واحنا في الإعلام نعتمد بشكل اساسي على التقنيه.

فيه علاقات عامه - صحافه - اذاعه وتلفزيون بس الاذاعه للأولاد بس💔.
درست اول سنه تأهيلي وكانت سنه تخوف حرفياً درست مواد كليه واشياء ما تخصني لكن عدت فرحت اني تخصصت برغبتي واحمد ربي عليه دايماً كمان اول سنه في التخصص كانت جديده وغريبه عليا تعلمت منه انو لااازم اتغلب على خوفي واواجهه الجمهور متفأله جداً فيه احب الدكتورات وما يقصرون في اي شي الوحده تبغا توصل لعقلك وتفهمك اكثر من انتي تبغين الدرجات الله يجزاهم عنا🧡🧡.

يعمري الله يوفقك ويفتح عليك ويجزاك خير.
اول شي الحضوور الحضور الحضور ما يهمك البنات وفلتهم لأن الجامعه مو زي المدرسه ابداً ولا يدومون اليوم معاك بكره تمر من جنبك ما تعرفك
اعرفي من بدايه الترم كيف تقسيم الماده وحافظي على كل درجه المعدلات بدايه المستويات ترتفع وتنزل بشكل رهيب من المستوى الخامس لن يتزحزح للأعلى وينزل بسرعه بعد حطي في بالك الA من بدايه الترم
كمان لا تعتمدين نهائياً على احد في التحديد خليك قدام احضري بدري وشاركي حددي بنفسك لأن عادي يكون عندهم التحديد وما يرسلوه.

الى اليوم مافيه دكتوره ينشرد منها الا مرام العصيمي🙃.
كلهم يجننون مافيه مافيه وحده معقده او تستقعد لك يا تعطيك حقك يا تزودك.

في الأول والأخير الجهد كله عليك وخذي مع الكويسات.
كمان في التكاليف-الواجبات🙃 حاولي تكون مجموعتك مع بنات نفس مستواك الدراسي او اعلى منك لاتاخذي مع مهملات ابداً لأن وقت التسليم الدكتوره تبغا التكليف كامل وبتشوفكم كمجموعه مو انا اشتغلت وهيه لا.

صراحه كنت اتمنى احد يعلمني عن المعدل وتقسيم الدرجات لأن راحت درجات كثير كان ممكن امسكها وبالمقارنه بين درجات اول مستوى واللي فات فرق كبير وانا اللي تعلمت لكن معد ينفع لأن المعدل تقريباً بيكون ثابت.

لما تعلمك الدكتوره عن تقسيم الدرجات اكتبيها واعرفي ان عشره المشاركه ما تعوض عشره التكليف وعشرين الاختبار النصفي ما بتقدرين تعوضينها بالنهائي تمسكو بدرجاتكم درجه درجه بيدينكم ورجلينكم. ❤️

💚 تخصصي اعلام
المناهج في عربي وفي انقلش
المهاره الوحيده التحدث بطلاقه
المواد اول سنتين تدرسين مواد الاعلام ككل واخر سنتين تتخصصين اذا تبي علاقات عامه او صحافه
انا من كلية العلوم الاجتماعيه تندرج تحتها تخصصات زي الانقلش و الخدمه الاجتماعيه والجغرافيا وغيرها كثير
كل دكاترة الاعلام بشكل عام كويسات مره والمصريات كويساااات مرره💚

💙 مساء الخير :)!
انا طالبة قسم اعلام سنة تانيه ..
القسم جداً جميل وممتع ومااوصف لك قد ايش اغلب الدكاتره اللي فيه لطيفات وجداً متعاونات وكيلة القسم أ.انعام جداً طيبة ومتعاونة مع الطالبات :)!
اكتر شيء غير فيني القسم،سرت واثقة من نفسي اكتر مااتردد ادا عندي سؤال
راحت مني الرهبة ..الحمدالله♥️
القسم يعتمد ويحتاج طالبات صاحبات فكر ومبدا،حتى ان كنت مو زكدا راح تسيري كدا لان القسم جميل .. راح تتعلمي كل شيء يفيدك في مستقبلك وخصوصا مع رؤية 2030 راح تدرسي في انجليزي وحاسب وغير التدريبات في المستويات الاخيرة.
طبعاً تدرسي سنتين اعلام عام وسنتين تخصصي يا علاقات عامة او صحافة :)!
والله يوفقكم جميعاً♥️.

وعليكم السلام 😚♥️
تخصصي علاقات عامة *اعلام* المنهج عربي فيه كم مادة انقلش بس سهالات مو مشددين مره ، اي وحده ناوية تدخل العلاقات العامه  لاتدخله بس عشانه سهل ولا عشان الناس مدحوه نصيحه شوفي نفسك اول شي ايش وضعك وكيف مودك وعندك قدرة تتعاملين مع الناس وعندك اسلوب وتحبين ذا الشي ولا وتقرا عن التخصص كثييير وايش يدرس قبل تدخله😅 المواد بسيطه وسهله ومفهومه يعتمد على التكاليف اكثر شي الي تبي تدخل القسم لازم تطور مهارتها بالانقلش صحيح ممكن ماتحتاجه بالدراسه بس الوظيفه اول شي يطلبونه اللغه ✋🏻 اغلب استاذات القسم جيدات فيه د: رشا مزروع/ د: رشا مرسي / أ/نجود الحازمي /أ:علياء تركستاني/ أ: شيماء مسرحي/ د: منى الطوخي / أ: الهام فلاته/ أ: غيداء الزيد / هذول الي قدرت اتذكرهم وكانو كويسين واخلاق وبس الله يوفقكم جميعاً 🤩

💜 اول شي تخصصي اعلام، المناهج لين الحين كلها عربي بس في مصطلحات انجليزيه وفي ماده انجليزي بس اجتيازي ،طبعا انا دحين حروح ثاني سنه فالقسم لين الحين كلو تمام حمدلله.

يعتمد على الجراءه غالبا ويفضل الوحدة تحاول تتغلب على الخجل ،في مواد عامه وفس مواد تخصص وكلها حلوه وسهله حمدلله.

ايوا في اكثر من قسم في كليه العلوم الاجتماعيه.
اللي هيا الاعلام واللغه الانجليزية والجغرافيا والخدمة الاجتماعيه.

افضل الذكاتره اللي لين الحين شوح بذمه وضمير واختبارات تجنن استاذه روضة بشيير طبعا توب عندي وهند زمزمي وهناء بكري هذول من اللي جربتهم الباقي مو مرا عجبوني يعني وكل شخص طبعا له راي ويختلف ممكن م تناسب غيري.

م في شي صراحة قلت يليت احد قلي من قبل يعني احس كل شي كان تمام حمدلله غير كذا ترا بتلاقي اللي بتكشخ واللي م بتكشخ يعني عادي لا يشيلو هم حتلاقي ثقافات في الجامعه مرااااا كثير واراء واذواق مختلفه مراا فعادي.💜

🖤 👩🏻‍💼 حابه اسالك ايش كان  تخصصك؟!
اعلام
👩🏻‍💼 وكيف طبيعه دراسته ؟
الدراسه فيها السهل وفيها الصعب.
فيها النظري وفيها الميداني.
👩🏻‍💼 ايش اكثر حاجه يعتمد عليها قسمك ؟ كمهارة.
لازم تتخلصي من الخجل
تتمتعي باسلوب لبق
ذكيه وسريعة بديهه
تكوني شغوفه بالتعلم وتطوير ذاتك
لازم تكوني قادره على المواجهه
تكوني انسانه اجتماعيه وتعرفي تكوني علاقات مع غيرك
واهم شي تهتمي وتطوري اسلوبك.

اشياء اكثر كمان حتتعلميها لو فكرتي تدخلي التخصص.

👩🏻‍💼 المناهج عربي ولا انجليزي ؟!
- ٨٠٪؜عربي الباقي انقلش بسيط.
- واصلاً الان لازم تطوري لغتك في اي تخصص تدخليه.
- لانه فعلياً ماينفع تتخرجي بدون مستوى جيدجداً في الانقلش.

👩🏻‍💼 هل يندرج تحت هذا الكليه تخصصات وايش أقسامها ؟؟!
في الصحافه
وفيه العلاقات العامه
👩🏻‍💼 ابش المواد اللي تاخديها ؟!
مواد عن الاداره
مواد عن الانتاج
مواد عن الاعلان
مواد عن الاعلام
تدريب ميداني
ومصطلحات انقليزيه بسيطه.

👩🏻‍💼 كم نسبه الموزونه له صح تختلف من الدفع بس التقريبي كم يكون
- احياناً تنزل.. واحياناً ترتفع... القسم جداً ممتع..
- والان مسكه رئيس جديد.. وجالس يطور فيه
- بس لازم تكوني شعوفه انتي فيه.
- وغير كذا قسم متطور على طول فلازم تكوني شغاله على نفسك على طول عشان تتميزي عن البقيه🖤.