🔸خطه تخصص الأنظمة

دورة التأمين.pdf

💛تسويق..
سهله وتعتمد عليك وعلى الدكاتره...
التركيز والفهم..
التخصص جداً ممتع حبيه من البدايه عشان تقدري تكملي فيه وتتخرجي بمعدل كويس والاعتماد الكبير كلو عليك انك تكوني ماخذه فكره عن الماده واغلب المواد من واقع حياتنا اسلوب الحوار وكيف تبيعي سلعه بقيمة كويسه كيف تكسبي زبون وفي المواد العامه كل شي يعتمد على تركيزك وحفظك🧡..

مره حلو التخصص وممتع ف البدايه كنت زيكم مو مقتنعه ب التخصص ومره خايفه منو و البنات كانو يخوفوني زياده ف قلت ما بسمع لاحد و بجرب بنفسي واتقبلت التخصص و ذحين مره حابتو وسهل ابداً لا يجي ف بالك انو فيه رياضيات وحيكون صعب كلها جمع وضرب وطرح يعني اشياء بسيطه وحتكون معاك اله حاسبه اصلن حتى ف الاختبار.
- واهم شي لا يسمعو لاحد ويجربو بنفسهم.
-و الدكاتره مره متساهلين.
-وما تملي من المواد اللي تدرسيها.

💗تسويق عربي بس في كم ماده انقليزي والقسم يعتمد ع اللي تحب مجال التسويق ولازم تكوني اجتماعيه لنو القسم يحتاج   وكذا يكون ف تواصل مع الناس سهل مرا وحلو يعني كدا خفيف ولطيف ومرا القسم فنان👌
ولحد يسمع كلام احد كل وحده تجرب بنفسها وتحكم لاتسمع لي احد مرا كل الدكاتره طيبين لو حابه تكلمي بكلوريوس نفس قسمك تجيبي معدل 3ونص وتكملي سنتين وكذا تخاذي شهادتين دبلوم وبكلوريوس.

وماشاءالله قسمنا لو وظايف مرا كثيره✅
هذي شي ف كل مكان حنلقى وظايف باذن الله.

🔹قناه تخصصات أم القرى
https://t.me/futurebright2030

تخصصي دبلوم تسويق.
التسويق له درجتين ١ دبلوم ٢ بكالوريوس
دبلوم التسويق غالباً عربي بس فيه شوية انقلش ومدة دراسته ٢ ونص وطبعاً في تدريب وتجسير
اما البكالورريوس ف كلو انقلش ومدة دراسته ٤ سنوات بتدريب.

✨ بالنسبه لي وللكثيرين تخصصننا احسن تخصص فالدبلومات واسهلهم وله مستقبل اكبر واوسع لان بندرس فيه الاداره والاقتصاد والتسويق والعلامات العامه خبراتنا تكون اكتر من غيرنا من الدبلومات وتخصصنا جداً ممتع وجميل ودكاترتنا متساهلين معانا وطيبين الله يحفظهم ويسعدهم.

🍃 اشوف الشي الي يعتمد عليه التخصص فهم وتركيز ومعلوماتك السابقه حتفيدك لانو تخصصنا واقعي معلوم طبعاً فيه رياضيات شويه بنسبة ١٥٪؜ لكن مش صعبه هي مواد بسيطه الي ندرسها وغالباً انها ٣ مواد.

🍃موادنا متشابهه مرهه وتلخبط لو ما كان في تركيز  المستوى الاول درسنا فيه
حاسب و مبادى تسويق ومبادى محاسبه ومبادى اقتصاد وانقلش ومقدمة في ادارة الاعمال
المستوى الثانيه درسنا فيه
لغة عربيه ثقافة اسلاميه مهارات اتصال مقدمة في تقنية المعلومات اداره العلاقات العامه والاعلام مبادى بحوث التسويق التحليل الكمي للتسويق والمبيعات.

عندنا المحاسبه والتحليل الكمي فيهم جزئين نظري وعملي العملي رياضيات وقوانين.

كلية المجتمع لها ٣ تخصصات غير تخصصي ١ دبلوم المصارف ٢ دبلوم المحاسبه ٣ دبلوم الحاسب.

المستوى الثالث حناخذ فيه باذن الله
انقلش مهارات وفنون ادارة العملية البيعيه . مبادى الاحصاء تحليل المشكلات التسويقيه المعاصره نظم التجارة السعودية استخدام الحاسب الاليء فالتسويق
المستوى الرابع والاخير باذن الله
اخلاقيات المهنه تاريخ المملكه المراسلات التجاريه باللغه الانقليزيه تسويق الخدمات مبادى التسويق الدولي التسويق والتجاره الالكترونيه دراسات الجدوى الاقتصاديه.

بكذا يكون خلصنا تخصصنا الممتع
نختار احد المنشات ونتدرب فيها.
ونقدر كمان اذا كان معدلنا عالي نسوي تجسير.
تجسير دا ندرس فيه سنتين بكالوريوس وناخذ درجة البكالوريوس بدال الدبلوم.

🔹قناه تخصصات أم القرى
https://t.me/futurebright2030

🔸خطة دبلوم التسويق

تخصصي كـ محاسبة جداً جداً ممتع وجميل رغم اني كنت ادبي بالثانوي و م احب الرياضيات والاشياء ذي بس المحاسبة شي مختلف وجمييييل زعلت فالبدايه انه دبلوم حسيت انه فيه شوية تنمر عشان مستوى الدبلوم يعتبر اقل مستوى بالجامعه لكن بعد ماعرفت انه اقدر بعد الدبلوم اخذ بكالريوس تغيرت نظرتي وقفلت اذني عن اي كلام لاني ف اربعه سنين بدل م اتخرج بشهادة وحده بكالريوس راح اتخرج بشهادتين دبلوم وبكالريوس وبتخصص مطلوب ف سوق العمل بشكل كبير ف اي وحده زعلانه انها دبلوم لا تزعل ابداً بالعكس تنبسط وهذي فرصه لازم تستغلها و التخصصات الي تندرج تحت الدبلوم كلها تخصصات مطلوبه ف سوق العمل مثل " الهندسة- الحاسب- المصارف- التسويق- المحاسبة...."
ــــــــــــــــــــــ
المناهج فالمحاسبة عربي اول سنه وفيه دراسة بالانجليزي بسنه الثانيه
ــــــــــــــــــــــ
المواد الي اخذتها اول سنه
الترم الاول: اصول محاسبة١ - اصول الادارة- مبادئ الاقتصاد- الانجليزي١ - الثقافة الاسلامية- فقة المعاملات
الترم الثاني: اصول محاسبة٢- محاسبة تكاليف- محاسبة حكومية- محاسبة متوسطة- الحاسب الالي- اللغة العربية- الانجليزي٢.

اكثر شي يعتمده قسمي التركيز الحفظ اول باول هذا شي عام ف اي تخصص بالجامعه وكمان السرعه مرا مهمه
ــــــــــــــــــــــ
افضل دكاتره: فاطمه مصطفى/ كثير يشوفوها عصبيه بس هيا كذا مع الي تقل ادبها او و تلتزم بشروطها لكن ماتظلمك ف حاجه شرحها اسألتها كل شي سهل معاها تسهلك وتختصر بشكل وكمان
دكتورة امامه/ هذي حرفياً عافيه عافيه عافيه تحببك بالجامعه وبوقت الدوام درستني اصول ادارة تزرع فيك اشياء حلوه بكل محاضره
ودكتوره ابرار مهدي/ ثقافة اسلامية كويسا مرااا تحب شي اسمه بونس تكثر منه
دكتورة عبير/تونس وغصباً عنك تفهمممك بس توزيعها لدرجات بالفاينل مو حلو لازم تركزي
دكتوره سحر/ لطططططييييففففهه جداً واسألتها زيها
دكتور حسن رمادي/ يوزع درجات من الله يضحك محاضرته حلوه م يطول ابداً ولو طول يعتذر والمحاضره الجايه يختصر
دكتور ابرااااهييييممم/ اضمني شي اسمه A+
دكتور محمد صديق/ تجاوزي النصفي بسلام واحفظي كل كلمه ونقطه وفاصله بالمذكره ويضمن لك ال A+ بالفاينل بس تجاوزي النصفي بشي حلو
دكتوره نوال/ تعطيك حقك وزياده مستحيل تخرجي مو راضيه.

النصيحه انه نص الدكاتره الي قلت لك عليهم قالو انهم مرا ظالمين وابعدو عنهم و هرج كنت اداوم خايفه اوصل درجه ابكي بس لين اول شهر اكتشفت انه اي دكتور او دكتوره عصبيه او غيره انتي تحددي كيف يكون معاك واحب اقول مافي احد ظالم يرسب من عنده وعلى كيفه مهما سبو وقالو لا تسمعي لانه انتي الي بتحددي كيف يكون معاك ويعطونك جهدك التزمي بشروطهم وبس.

بالجامعه قفلو اذنكم عن اي شي سلبي اي كان.

واتمنى اكون اعطيت فايده وشكراً❤️

🔹قناه تخصصات أم القرى
https://t.me/futurebright2030

💜نصائح بنات المحاسبة

من ناحيه القسم مرا مرا جمييييل والبنت اللي حابه تخصصص المحاسبه راح تبدع.

من ناحيه أفضل دكاترة بالقسم كلهم حلوووويييين ويفهمون الدبلوم والبكالوريوس كلهم عسسسسل ومايطلعونك من المحاضره الا وانتي فاهمه المحاضره.

نصيحتي ان لاتسمعين للبنات من ناحيه ان الأستاذة ذي ما تفهم او الأستاذة ذي ما تعطي درجات انتي مو زيها يمكن ربي يسخرها لك وتكون لك كويسسسه عن تجربه أتكلم.

من ناحيه أفضل دكاترة بالقسم كلهم حلوووويييين ويفهمون الدبلوم والبكالوريوس كلهم عسسسسل ومايطلعونك من المحاضره الا وانتي فاهمه المحاضره🖤

اكتر شي تعتمدي عليه جدول الضرب والحاسبة
نصيحتي لكل واحدة دخلت القسم دا اجتهادي من اول شي وانتبهي تحملي المواد الي لها متطلب حتتعبي وتكرهي القسم والله يوفقكم اجمعين 💜💜
_________

⭐️
الدراسه بالعربي وفيه مواد بالانقلشE1وE2 وموضوعات محاسبيه باللغه الانجلزيه.
يتعمد ع الدكاتره وعلى الفهم اكثر شي.
مرره يبغالوه تركيز وماينفع معاه اهمال وفيه تجسير بعد الدبلوم  يشترط المعدل 3.25يكملون بكالوريوس في نفس التخصص.

دراسته سنتين ونص مع التدريب ويقدرون ياخذون التدريب صيفي.

ركزو على المواد المتعلقه بمواد زي اصول محاسبه1في المستوى الاول لاقدر الله احد حملها م تفتح لها محاسبات الترم الثاني وفيه 4محاسبات وتتاخر سنه موبس اصول محاسبه 1كل المواد المتعلقه بموادركزي عليها تعرفين من الخطه المواد المتعلقه بمواد
والمواد الي من 3او4ساعات تاخذ من المعدل اكثر مرره ركزو عليها مو يعني تتركرون المواد من ساعتين لاطبعا ذاكروها كلها المعدل التراكمي من اول مستوى لكم الين تخرجكم وبنات الجامعه اغلبهم مصالح نادر تلقون احد يساعدكم واذا يبغون واجب ولا شي يجونك غيرها مايعرونك حتى بعض الصحبات لي الاسف مصالح حاولو  انكم ماتغبون وتسلمون الواجبات والمشاريع وتعمدون على نفسكم كل شي بدرجاته
ذا الكلام عن تجربه 💔

🔹قناه تخصصات أم القرى
https://t.me/futurebright2030

🔸خطه تخصص المحاسبة

👩🏻‍💻سلام عليكم
اول شي انا طالبة في جامعة ام القرى بكلية المجتمع
تخصص دبلوم حاسب آلي .

١- الدراسة :
طيب اول شي احب اقلكم ان الدبلوم شي مره حلو
من كل النواحي من ناحية الدكاترة والدراسة وكل شي
طبعاً الدبلوم هو عبارة عن سنتين
تدرسي سنتين وتتخرجي ولو حابة تكملي بكلوريوس
لازم في خلال السنتين دي تشدي حيلك عشان تجيبي معدل عالي وتسوين 'تجسير' وتكملي بكلوريوس .

٢- تعديل الجداول :
طبعاً انتي كمستجدة اول سنة لك مارح تقدري تعدلي جدولك بنفسك الجامعة نفسها هيا الي تسويلك جدولك
( يعني لما تبي تتعرفي على صحبات تعرفي على وحدة جدولها نفس جدولك او تقريباً تتقابلون في اغلب المحاضرات 😢💔)
فقط تقدري تغيري الشعب
(يعني تقدري تحولي للشعبة الي فيها صحبتك لو كانت معك بنفس المادة😉)

ولو حابة تغيري الشعبة تدخلي من الموقع على بوابة الخدمات الالكترونية > البوابة الاكاديمية > طلب تغير الشعبة بموافقة القسم وتبدي تغيري الشعبة راح يسألوك ايش سبب التغير مثلاً ماتبي مع الدكتورة الفلانية او موعدها مايناسب الباص مو موجود او اي سبب من الاسباب المهم سبب مقنع عشان يغيرون شعبتك ( ماتقدري تغيري شعبتك الا اول اسبوع في الدراسة بعد كدا مايمديك ).
بعد كدا السنة الثانية تقدري تعدلي على جدولك زي ماتبي .
 
٣طريقة الدراسة:
طبعاً الدراسة في تخصص الحاسب الآلي كلها تعتمد على الحاسب او اللابتوب او التابلت يعني تقريباً احنا استخدمنا الكتب في اول ترم بس لانها كانت مواد عامة ولكن بعد الترم الاول الشنطة تصير فاضية وتستبدليها بشنطة يد 😃 مافيها الا ورقتين ، لان كل شي عالكامبيوتر الاختبارات والملخصات والدروس والدرجات والبونسات كل شي تقريباً يعني تروحي خفيفة وترجعي خفيفة 👏🏽
ولكن خلي معك نوت او كُتيب صغير عشان تسجلي فيه الملاحظات المهمة .

موقع الكلية:
كلية المجتمع العام الترم الاول كانت في المنصور
بس تغير عشان الصيانة والترم الثاني نقلوا مقر الكلية  في ريع ذاخر والسنة دي قالو يمكن تكون في العزيزية (هجولة)🤦🏼‍♀💔، لين دحين الخبر مو اكيد لكن حالياً هيا في ريع ذاخر .

المكافأة :
طبعاً للاسف جميع تخصصات الدبلوم مافيها مكافأة ☹، فقط تخصصات البكلوريوس .

المسؤول عن القسم :
المسؤولة عن قسم الحاسب الآلي هي الاستاذة "اميرة دقنة " كل شي يخص القسم من استفسار او مشكلة او تعديل على طول تروحون لها ✨.

🔹مجالات العمل :
طلاب الحاسب الآلي هذا الجيل جيلكم

🔹تخصصكم في كل المجالات داخل يعني لاتشيلون هم الوظيفة ، عمرك قد شفتي وظيفة بدون كمبيوتر ؟
مافي،  كل مكان يحتاج شخص متخصص في الحاسب لان كل شي صار إلكتروني بالكمبيوتر
١- المستشفيات
٢- الدوائر الحكومية
٣- القطاعات الخاصة
٤- المكاتب
٥-الفنادق
٦-الاسواق
٧- المدارس
٨-المصانع
٩- الصيانة
١٠-مصمم مواقع
١١-مصمم برامج
١٢-فني حاسب
واكثر واكثر كمان 👏🏽.

التخصص مرة حلو بس يحتاج منك "تحبيه" عشان تقدري تكملي او عالاقل "تتقلبيه" لانه شي مرة جميل لما تتعرفي عالحاسب عشان حياتنا الحين صايرة تعتمد عالحاسب بكل اشكاله .
وطبعاً بنات كثير لما يسمعوا انو دبلوم يحسبوا انهم اقل من طالبات البكلوريوس وهادي الفكرة طبعاً مو صحيحة
لان خريجين الدبلوم عليهم اقبال كثير في سوق العمل
وكمان تتخرجي بدري وتلاقي وظيفة وراتب ممتاز
وتقدري تكملي بكلوريوس وانتي تشتغلي لو حابة برضو.

تااابع ..👇🏼
https://t.me/futurebright2030

-المواد :

طبعاً المواد الي راح تدرسها في تخصص الحاسب مواد جميلة جداً فقط يحتاجلها تركزين مع الدكتورة شوي👌🏽
وكل ماكان عدد ساعات المادة اكثر كل ماكانت مادة مهمة وتلعب دور مهم في المعدل يعني اي مادة من ٣ او ٤ ساعات لا تستهوني فيها ابداً هيا الي ترفع او تنزل المعدل .
رح تدرسي اول ترم :
لغة انجليزية: -٣ساعات-مادة اساسية-اخذتها مع الاستاذة "نوال زاهد" مررره عسل ومن ناحية الفهم مرة لاتشيلي هم لان المادة سهلة اصلاً.

ثقافة إسلامية: -٢ساعتين - مادة عامة- اخذتها مع الاستاذة "سلوى باوزير" مرره محاضراتها حلوة وتلخص كمان يعني مرة مادة جميلة والاجمل انه معاها.

مبادى الحاسب الآلي:-٢ساعتين-مادة اساسية -اخذتها مع استاذة "رنا " الي يدرس مع رنا دا محظوظ صراحة صح انها تهرج كثير و تجيب الصداع لكن والله يابنات عسل عسل تطلعي من المحاضرة فاهمة وقبل الوقت كمان وملخصها مختصر جداً .

 رياضيات عامة: -٤ساعات-مادة اساسية- اخذته مع الدكتورة " امل عيدروس " طبعاً المنهج دا سهل يعتمد على مناهج الثانوي يعني لو كنتي مركزة في الثانوي رح تعدي ، بس انا اخذته معاها كانت مرة متشددة معانا والكلمة الي تقولها تمشي من غير كلام والله كانت مره شديدة وماتتساهل ابداً لكن للامانه كانت تدخل المعلومة في راسك غصب يعني تفهمي تفهمي ،الحمدلله عديت المادة بمعدل حلو واتوقع قالوا انها دي السنة مارح تكون موجودة لانهم سو معاها تحقيق لان نسبة الراسبين عندها كثير، المهم انتي لازم تشدي حيلك فيها لان لو ما نجحتي في المادة ما رح تدرسي مادتين في الترم الثاني .

 فيزياء عامة:-٤ساعات-مادة اساسة- وصلنا للزين 😍❤ طبعاً واكيد رح تحبي المادة دي لانها مع استاذة " اميرة دقنه" الغني عن التعريف اكيت والطف واجمل استاذة في الكلية محبوبة عند الكل ، تفهم وتشرح تمام و تمزح وتوزع درجات وتاخدي بونسات اضافية مع كل اختبار يعني تعدي المادة وانتي مرتاحة .

الترم الثاني :
لغة انجليزية ٢:-٣ساعات - متطلب ( يعني ماتقدري تاخذي المادة دي الا اذا نجحتي في المادة الاساسية الي قبلها ،يعني لو نجحتي في E1- تقدري تاخدي E2 الترم الي بعده).

 مهارات اتصال:-٢ساعتين- مادة عامة-اخذتها مع الدكتورة "رشا الصيدلاني" طبعاً المادة سهلة مره لكن الدكتورة دي رح تكون السهل المُمتنع يعني تركزي تعدي ماتذاكري اول بأول تورطي لان المنهج كثير ويحتاج مذاكرة اول بأول ولا الدكتورة مره تجنن ومحاضراتها كلها مزح وضحك وحش لكن لا يغرك لانها تحب تلعب في اسئلة الاختبار خلك مركزة على كل كلمة  .

مقدمة في تقنية المعلومات:-٢ساعتين - متطلب-
اخذته مع الاستاذة "فاطمة جعفر " تجنن تجنن اتعب وانا اقول تجنن و محاضرتها مافي احلا منها وطبعاً تعطيك حرية الاختيار لو تبي تطبعي الملخصات من الموقع او تحضري بلابتوب او تابلت مرة تجنن😍.

تاريخ المملكة:-٢ساعتين-مادة عامة - درسته مع الاستاذة "تركيا الطويرقي"المادة حلوة وممتعة وتستمتعي لما تسمعي قصص وكيف نشأت المملكة والصراعات الي صارت عشان الحكم مره حلوة والاحلى انها مع دي الاستاذة صح ماتفهم مره بس والله متساهلة وحتى اختباراتها بسيطة .

📚مدخل الى البرمجة:-٤ساعات- متطلب- طبعاً دي اهم مادة بالتخصص بكبره لو مانجحتي فيها مو ماتاخذي مادتين الترم الثاني وبس كمان ماتقدري تنزليها الا في ترم خامس هيا والمواد التابعة لها وماتقدري تاخذيها صيفي  يعني تتاخري ترم ، طبعاً درستها مع الدكتورة "بشرى المطرفي " دي نسخة من استاذة اميرة مره تجنن تحبين البرمجة على يدها بس لو ماشديتي معاها انسي النجاح المادة مهمة لدرجة لو ماراجعتي المحاضرة بيومها مارح تتذكريها لانها تحتاج تركيز.

📚دوائر كهربائية:- ٤ساعات- متطلب- دي مادة الحُب استاذة “اميرة دقنة" برضو اي مادة مع دي الاستاذة لازم تحبيها .

الترم الثالث :
لغة عربية:-٢ساعتين - مادة عامة - باقي مادرستها.
📚اخلاقيات المهنة:-٢ساعتين-مادة عامة-باقي مادرستها.

📚برمجة حاسبات:-٣ساعات-متطلب- باقي مادرستها.
📚مبادئ الكترونيات:-٣ ساعات -متطلب-باقي مادرستها .
📚دوائر رقمية:-٣ساعات-متطلب -باقي مادرستها.
📚تطبيقات الحاسب الآلي:-٣ساعات-متطلب -باقي مادرستها.
📚بنية وتكوين الحاسبات:-٣ساعات-متطلب -باقي مادرستها.

الترم الرابع :
📚برمجة متقدمة:-٣ساعات-متطلب -باقي مادرستها.
📚تركيب البيانات:-٣ساعات-متطلب -باقي مادرستها.
📚والخوارزميات:-٣ساعات-متطلب -باقي مادرستها.
📚قواعد البيانات:-٣ساعات-متطلب -باقي مادرستها.
📚اساسيات نظم تشغيل الحاسب الآلي:-٢ساعات-متطلب -باقي مادرستها.
📚شبكات الحاسبات:-٣ساعات-متطلب -باقي مادرستها.
https://t.me/futurebright2030

🔹التجسير :
فايدة التجسير انك تتخرجي بشهادتين
يعني بعكس طالبات البكلوريوس يدرسون خمس سنوات ويتخرجون بشهادة بكلوريوس بس .

التجسير يعني بعد ماتخلصي سنتين الدبلوم لو تبي تكملي البكلوريوس

🔸طبعا التقديم بيكون من نفس الموقع الجامعه جهه بوابه القبول الموحد

طيب ايش شروط التجسير ؟
١- وثيقه تخرجك من الدبلوم. Pdf
٢- الحصول على معدل تراكمي 3 او اعلى .
٣- صورة شخصيه لك pdf
٤- شهادة الثانوي pdf

📌نقطه مهمه نظام التجسير كل سنه بتغير ابدا مو ثابت
من ناحيه معادله المواد + عدد السنوات بعد الدبلوم + عدد الأشخاص الي ينقبلو لتجسير .

طيب بعد ماتسوين تجسير يسون لك معادلة في المواد، المواد الي درستيها خلاص معد تدرسيها تاني بس تدرسي المواد الي باقي ما درستيها

( طبعاً من غير مقابلات ولا سنة تحضيرية على طول تتخصصي 👏🏽) 

🔹 الحاسب و التسويق اتلغت السنه التحضيريه فقط تتخصص ع طول .

🔸عدد السنوات بيختلف ع حسب التخصصات
▫️ حاسب 4 سنوات ، مقرالزاهر ، دراسه انقلش
▫️تسويق 4 سنوات ، مقر يع ذاخر دراسه انقلش
▫️محاسبه سنتين ونص، مقر ريع ذاخر دراسه عربي
▫️مصارف سنتين ونص ، مقر الزاهر دراسه عربي

✨اخيرا :
اهم نصيحه راح تحتاجوها استغلوا الاجازة ف دراسه لغه الإنجليزية لانو هي الاساسا كل ماتعلمتي اكتر راح يخفف عنكم جهد ووقت كبير ف البكلوريوس .

🔸 غير كذا القران استغلوا وقت الفراغ تحفظو أجزاء اكتر لانو بعدين مع انشغال الدراسه و ضغط الواجبات بيكون صعب عليكم ابدو ولو بشي بسيط والله يوفقكم ويسهل عليكم 💙✨
١٤٤٢
🔹قناه تخصصات أم القرى
https://t.me/futurebright2030