تخصصي محاسبة
الدراسة عربي سوء الدبلوم او البكالوريوس
اكثر حاجة يعتمد عليه قسمي الحسابات فهم القيود المحاسبة تتاسسي صح في المحاسبة كل شي يتسهل معاك تتاسسي غلط صدقيني تضيعي المحاسبة حلوه جدااا وهي من ضمن التخصصات اللي مطلوبة في رؤية ٢٠٣٠ ومستقبلها الوظيفي رهيب
مواد كثير ايش اقول وايش اخلي
كليتي ادارة الاعمال تخصص محاسبة كلية جدا لطيفة وحلوه والدكتورات كلهم متعاونات مع الطالبات ذي في البكالوريوس
اما في الدبلوم كلية المجتمع برضوا في مبنى ادارة الاعمال بس دكتورات الدبلوم احن واطيب واخوات او بالاصح امهات للطالبات جدا زي العسل
والله للامانه الكليتين دكاترتهم طيبات مستحيل تلقي سب الى من الطالبات المهملات ولا والله شهادة اخذها في ذمتي ليوم الدين الدكتورات في الكليات متعاونات مع الطالبات جدا لدرجة ارقامهم يعطوها البنات ايميلاتهم مفتوحه لنا في اي وقت نرسل لهم ويردوا علينا مكاتبهم مفتوحة لك تعالي ادخلي اسئلي وافهمك لو م فهمتي وقت المحاضرة
اذا تكلمنا على كلية المجتمع
تخصصاتها محاسبة ، مصارف ، تسويق ، حاسب
اما عن كلية ادارة الاعمال
ادارة اعمال( اللغة انغليزي) ، محاسبة ( اللغة عربي) ، السياحة والفندق ( اللغة عربي) تسويق ( اللغة عربي)
افضل الدكتورات والله كلهم طيبات بس بقولك عن كم وحده وانتي بس اسئلي وتشوفي المدح عليهم
كلية المجتمع
استاذة مشاعل مليباري ♥️♥️
امامة برقاوي ، فاطمة السيد ، عبير ابراهيم ، ابرار الجحدلي ، فادية البلوي ، محمد ادن ، نوف الحازمي ، صالح باقادر، عصام بازرعة
كلية ادارة الاعمال
هوازن الزبيدي ♥️♥️
ملاك مليباري ♥️♥️
جواهر العتيبي ، ملاك احمد، لمياء برزي، بيان العمري، فادية الجهني ♥️♥️♥️♥️♥️♥️، سلطان البقمي، سماهر الجديبي، حنان العتيبي

اكتبي اساميهم في تويتر يطلع لك حساباتهم وشوفي مدح البنات لهم وهم يردوا على البنات

اي نعم كنت دبلوم في كلية المجتمع تخصص محاسبة الحمدلله تخرجت بمعدل ٣ وكملت تجسير على نفس التخصص وعادلوا لي المواد اللي في الدبلوم والحمدلله ذي اخر سنة لي في البكالوريوس

🔹قناه تخصصات أم القرى
https://t.me/futurebright2030

اول شي حابه اقولك انو تخصصنا مرا حلوو ومطلوب واللي بيدخل فيه مو خسران ابدا ابدا رغم انو انا ع فكره م كنت حابه التخصص ولا واحد بالميه وكنت مصره اني أحول لكن رب العالمين يبالي الخير وم حولت ولمن حملت ماده اكتئبت اكثر واصريت اكثر اني أحول لكن رب العالمين كمان يبالي الخير شوفي مافي تخصص فيه الراحه ومافي تخصص فيه الدرجات بالساهل لازم تتعبي وتشدي ع نفسك بقولك حاجتين الأولى انو فتخصصنا م عندنا دكاتره يدفو بالدرجات بذات بمادة اصول المحاسبه بالمستوى الأولى أو الثاني أو باقي المستويات وكمان دراستنا باللغتين يعني بالبدايه بالعربي وفيه انقلش اجتيازي وبس بعدها يا ناجح او راسب بعد م تمشي بالمستويات راح تدرسي محاسبه بالانقلش وكمان مجال تخصصنا يحتاج اكثر من لغه يعني العربي والانقلش م يكفو ولازم بااول ترم لازم تشدي حيلك انتي وغيرك هوا اهم ترم صدقيني لا تحاولي تغيبي عن أي محاضره بذات لمواد المحاسبه بالنسبه لعدد الساعات يعني شويا كثير من 19 ساعه ل 17 ساعه يعني من البدايه لازم تبدي الترم بشدة حيل وحماس والأهم انو م تسمعي للناس اللي يقولو انو التخصص مختلط ومن ذا الكلام أو انو صعب كل واحد وقدرتو مرحبا لكن صدقيني بنات التخصص مرا راح تحبيهم مرا وكلنا راح نعين ونعاون وبالنسبه للرياضيات ترا مرا مرا مرا سهل أشياء قد اخذناها يعني تطلعي نسبة الربح وكذا ودكتورة الماده تجنن عسل لكن سريعه فالشرح مرا
سريعه لكن والله طيبه وعسل عسل عسل اتعب وانا امدحها ولمادة المحاسبه راح تدرسي مستويين محاسبه 1 و 2 الترم الاول و الثاني مثل م قلتلك شدي حيلك بقد م تقدري ودكاترة المحاسبه هما ثنتين دكتوره الاء ودكتوره حسنه اللي ماسكه الرياضيات انا درست عند دكتوره الاء كويسه تفهمك وتوصل المعلومه لكن م تديكي الا حقك بزياده مافي وانا عشان كذا حملت الماده عندها يمكن لاني

كنت مستهتره يمكن لكن انا مبسوطه اني تعلمت من ذا الشي وكوني اعتمدت ع نفسي وان شاء الله محد يجرب ذا الشي بس شوية اهتمام وتركيز والأمور فالسليم والله يوفقك يارب.. ❤️❤️

للحابه تسال اي شي او اساعدها ف المحاسبه
انستقرامي
roonsh.9
babaaoooi

🔹قناه تخصصات أم القرى
https://t.me/futurebright2030

🔰 روابط مفيده
https://youtu.be/HsFwOochgnI

https://youtu.be/HwwvQqpMOEo

https://youtu.be/HrdWpavbJEQ

https://youtu.be/netshTffxjU

📍‏- حابه أسألك ايش تخصصك؟
▫️تخصص السياحة والفندقة🏨✈️

📍- المناهج عربي ولا انجليزي ؟

▫️المناهج كلها بالانقلش ماعدا المواد العامة
قرآن - ثقافة - سيرة نبوية

📍-ايش اكثر حاجه يعتمد عليها قسمك؟ كمهارة

▫️يعتمد على اللغة لو لغتك تمام حيسهل عليكي كل شي ومع الممارسة برضو حتسيري متمكنة

📍- في مواد معينه حاب تشرحيها بالتفصيل؟

▫️ممكن مادة ادارة قسم الغرف ومواد الاغذية والمشروبات هادي مواد اساسية فيها حاجات ضرورية لازم الكل يكون عارفها او يعرفها لانو حتواجهوها مستقبًلا وتطبقوها عملي وحتكلم فيها بشكل مفصل لو في احد حابب التخصص وراح يدخل فيه💗

📍- ماهي المسميات الوظيفيه واماكن العمل المستقبليه للتخصص

▫️المسميات الوظيفة كتير جدًا ومختلفة في القطاع السياحي والفندقي ممكن مديرة فندق - مدير قسم - مدير مطعم - مدير شركات سياحية - مرشد سياحي - تشتغلي في المطار - في القطارات ،، كل حاجة تتعلق بالسياحة والمجال كبير جدًا من ناحية التوظيف بمناسبة مواكبة التخصص لرؤية 2030 فالفرصة جدًا في صالحنا بإذن الله من ناحية التوظيف👩🏻‍💼✨

📍- ايش المواقع او المصادر الي ممكن تفيد الطلاب ف التخصص دا

▫️المواقع مافي شي اساسي نعتمد عليه لانو اغلب اللي بندرسو حاجات معروفة ومع الدراسة حتعرفو معلومات جديدة يمكن برضو مو الكل عارفها بالنسبة للمصادر الشي الاساسي الي تعتمدوا عليه السلايدات والمراجع اللي يعطوكم هيا الدكاترة لا تدوروا بعيد وتلخبطوا نفسكم لانو حتبحثوا بعدين لمن يطلبوكم ابحاث ف خلوها للشيء الضروري

📍- ف اخر مستوى هل يوجد تدريب ميداني او بحث تخرج ؟

▫️عندنا في التخصص تدريبين وكل تدريب ب 200 ساعة لازم نخلصها التدريب الاول لازم يكون في الفنادق والتدريب التاني في اي قطاع سياحي وكمان عندنا مشروع تخرج اللي هوا دراسة جدوى✨

📍- اذا حابه الطلاب يتواصلو معاك ضيف حساباتك ف السوشل ميديا 🙏🏼

▫️حساب تويتر :
@JanaTelmesani
واتس أب :
0505506109
تيلقرام:
@Janatelmesani

📍- انت ف الجامعه اكيد مريت بمواقف وقلت يالله ليت احد من قبل علمني عليها عشان اخد احتياطي " ايش النصيحه اللي تعطيها للطلاب سواء الي ناوين يدخلو تخصصك أو قد دخلو " ♥

▫️ النصيحة الأولى والاخيرة للي يبغو يدخلو التخصص دا ادخلوه عن قناعة وانتو حابينو منجد مو تسمعوا كلام الناس ولمن تجو تدخلوه تنصدمو بالواقع في النهاية كل تخصص فيه السهولة والصعوبة لكن لو انتي حابتو حتتجاوزي كل شي

▫️ماواجهت صعوبات الحمدلله كل شي كان حلو ومرتاحة فيه وخلو المزاكرة اول بأول ولا تراكمو اسألو قد ماتقدروا الدكاترة لأنهم يحبوا الطلاب المجتهدين وحيتعاونو معاكم

▫️مارسوا اللغة الانجليزية قد ماتقدروا لانو حتواجهوا مصطلحات كتير في السياحة والفندقة ولمن تروحو تتدربوا عملي حتستخدموها كمان ف تكونو عارفين

▫️لا تقروشوا نفسكم وتفكروا في البعيد عيشو اللحظة الي انتو فيها بكل حلاوتها ومُرها لمن تخلصو مرحلتكم الاولى فكروا ف اللي بعدو لانو ما بتستفيدوا غير الهم ووجع الراس وفي النهاية الله يوفقكم ويسهل امركم ، الحياة الجامعية جدًا حلوة لو عرفتو تستغلوها مزبوط

🔹قناه تخصصات أم القرى
https://t.me/futurebright2030

تخصص السياحة والفندقة✈️🏨
حتكلم لكم عن دا التخصص اول شي هوا تخصص يندرج تحت كلية ادارة الاعمال و جدا جميل ومميز بالنسبالي والحمدلله اخترتو عن قناعة تامة وكان اول رغباتي كمان في وضعنا الحالي متوافق ومواكب رؤية 2030 وبإذن الله مستقبلنا في الوظايف حيكون متنوع سواء في المجال السياحي او الفندقي نقدر نشتغل في شركات سياحية او المطار او فنادق ونمسك مناصب مميزة بإذن الله💪🏼

⁃ خطتنا الدراسية:
الخطة طبعا حتكون 4 سنوات دراسية سنة اولى تحضيرية مشتركة
و 3 سنوات تخصص

⁃ السنة التحضيرية كلكم حتدرسوا نفس المواد وبعد ما تتخصصوا بإذن الله برضو حتكون في كم مادة مشتركة بينكم زي اول سنة تخصص حتشتركو في المواد العامة اللي هيا القرآن والثقافة في الترم الاول ، مبادئ تسويق ، مبادئ اقتصاد ، مبادئ محاسبة ، رياضيات الاعمال ، لغة عربية
⁃ الترم الثاني :
بيئة قانونية ، انصالات ادارية ، سلوك تنظيمي ، سيرة نبوية ، إدارة مالية *نفس المحاسبة* ، المواد الخاصة بتخصص السياحة والفندقة ( مبادئ سياحة وفندقة - ادارة اعمال سياحية)

وبعد كدا لمن تتخصصوا حتشوفوا ف الخطة المواد الي حتاخدوها في السياحة والفندقة ، طبعا الدراسة كلها باللغة الانقليزية والدكاترة شرحهم بالعربي ومافي شي صعب مع الممارسة والترجمة حتتسهل عليكم كل شي.

بالنسبة للدكاترة في دكاترة اغلبهم محتكرين المواد وحقولكم عليهم ومن رأيي ووجهة نظري الحمدلله ما واجهت عوائق كبيرة في دا التخصص يعني معروف كل تخصص فيه السهل وفيه الصعب وممكن مشاكلي تختلف عن مشاكلكم اللي بتواجهوها لكن كل ما تذاكروا اول ب اول وتجتهدوا حتلاقو الدرجات الي ترضيكم💗


دكاترة السياحة والفندقة :
⁃ دكتور هاني سيد عبدالحميد
⁃ دكتور عبدالله الزهراني
⁃ دكتور علي القاسم
⁃ دكتور حاتم رضوان
⁃ دكتور محمد الضيف
⁃ دكتور يسري نبيل
كلهم اخذت معاهم والحمدلله درجاتي عاجبتني واكيد حتسمعوا كلام انو بعضهم مرا دقيق وبعضهم ظالم لكن على حسب تجربتك الشخصية وشطارتك
كل دكتور له اسلوب تعامل يختلف عن الثاني لكن من ناحية شرح كلهم شرحهم تمام وطبعا مافي احد كامل اكيد حنلاقي ايجابيات وسلبيات

دكتور عبدالله حتاخدو معاه كم مادة زي ادارة قسم الغرف و تسويق سياحي وفندقي ،، شرح مميز وما تخرجوا من عندو الا وانتوا فاهمين كل شي ولو ما فهمتوا حيعيد ويعطيكم حقكم لذلك لا تستهينوا ف المذاكرة والفهم وحضور المحاضرات يحب الناس المجتهدة جدًا

دكتور هاني برضو حتاخدوا كم مادة معاه خاصة بالفنادق ( ادارة اغذية ومشروبات - مراقبة تكاليف - ادارة عمليات انتاج -) ونصيحتي لكم خلوكم مذاكرين اول ب اول عشان ترتاحو لانو يحب الاختبارات الشفهية🙄

دكتور علي اخذت معاه مادة وحدة وهيا لغة اجنبية 2 والمادة جدًا سهلة سهلة سهلة بشكل ما تتصوروه لأنها كلها مصطلحات وتعاريف بس برضوا افهمو واحفظو ووضعكم في السليم لو اخذتوا معاه واحتمال تاخدوها مع دكتور حاتم او دكتور عبدالله او دكتور يسري وقلت عليها ك خلفية بسيطة

دكتور يسري دكتور جدًا رائع مافي احد ما يمدحوا ف دفعة السياحة والفندقة خلوكم مذاكرين اول ب اول برضو وجاوبو عليه وشاركو واتفاعلو وحتشوفو الدرجات الحلوة

دكتور حاتم اخدت معاه مادة ادارة اعمال سياحية - لغة اجنبية 1 - ادارة عمليات فندقية ، ويشرح برضو بأمانة والمواد سهلة معاه

دكتور محمد الضيف اخدت معاه تخطيط وتنمية سياحية للامانة المادة تمشي بالفهم هيا والمحاسبة الادارية لذلك خلوكم مركزين معاه ويحب الناس المتفاعلة واللي تسأل

🔹قناه تخصصات أم القرى
https://t.me/futurebright2030

✈️- حابه اسالك ايش تخصصك؟!
سياحة وفندقة
- المناهج عربي ولا انجليزي ؟!
إنجليزي.

-ايش اكثر حاجه يعتمد عليها قسمك  كمهارة؟
 الإلقاء ومواجهة الجمهور وفهم العملاء ومهارة اتخاذ القرارات دي المهارات العامة ولازم طبعا يكون عندك لغة انجليزية

- ايش المواد اللي تاخديها ؟!

يختلف حسب كل مستوى ودي بعضها :

ادارة مالية
محاسبة فندقية 
ادارة مشروبات واغذية
ادارة الأعمال السياحي
البيئة القانونية لإدارة الأعمال بالمملكة
ادارة قسم الغرف
تسويق
إدارة العمليات الفندقية
مبادئ السياحة والفندقة
التخطيط والتنمية السياحة المتواصلة
لغة أجنبية.

- هل يندرج تحت هذا الكليه تخصصات وايش أقسامها ؟؟!

هي للآن تحت كلية إدارة الأعمال لكن رسميا احنا سرنا كلية منفردة لكن لسع جالسة تتشكل بأعضاء هيئة تدريسها وموادها واقسامها بنسبة لإيش تندرج من تخصصات حاليا : تسويق ، وإدارة أعمال.

- اذا تقدري تكتبي لي تجربتك ف التخصصك ♥️✨

انا طالبة مستوى خامس بقي سنة كمان وأتخرج من تجربتي خلال دي الفترة حبيت التخصص أكثر من إلي كان ينقال عنه تخصص جدددا مممتع وسهل واعضاء هيئة التدريس فيه نادر تلقي احد يشتكي منهم حقيقي متعاونين مع الطالبات لأبعد حد يلخصو وشرحهم كويس 👍🏻 وكل واحد يحببك في التخصص أكثر وأكثر... بإختصار اجمل شيء في التخصص انه ميداني اكثر من كونه فقط نظري وثابت حلو لأي وحدة تحب شغل فيه حركة وروحة وجية ويكون متنوع مو في مكتب ثابت.

- مين افضل الدكاترة ف تخصصك ؟ 💜

بالنسبة لي دكتور علي القاسم هو رئيس قسم السياحة والفندقة ... ومتأكدة أنو لو سألتي أي وحدة بتقلك دا الإسم بلا منازع ... محتوي كل طلاب وطالبات القسم بأسلوبه الراقي  وإهتمامه الحنون  بينا وعلى مستقبلنا دايما ينصحنا ويلهمنا كثيير في تخصصنا ومن أكثر الشخصيات تأثير بكل الدفعات بقسمنا لذلك نادر جدا تلاقي وحدة ما تحب تخصصها لإنه دايما حريص كل الحرص يحببنا بالتخصص ويورينا المستقبل الباهر إلي ينتظرنا من وراء دا التخصص.

🔹قناه تخصصات أم القرى
https://t.me/futurebright2030

تخصصي سياحه وفندقه وكله بالانجليزي من ناحيتي احس قسمي يعتمد على اللغه اكثر شي ويحتاج وحده عندها جرأه من ناحية المناقشه او مواجهة الناس لان فيه مشاريع وزيارات للفنادق يعني حتضطرين تتناقشين مع الناس وبخصوص المواد تقريبا اول سنه كل الاقسام الاداريه مثل بعض ندرس اقتصاد واداره ماليه وسلوك تنظيمي ومحاسبه تقريبا كلنا زي بعض لكن في المستوى الخامس تبدا مواد التخصص بخصوص الكليه انا اندرج تحت كلية ادارة الاعمال وادارة الاعمال تندرج تحتها تسويق واداره عامه وسياحه وبخصوص الدكاتره في كل قسم فيه الصالح وفي الطالح لكن تقريبا كل الدكاتره كويسين بس فيهم الشديدين لكن مافيش مفر منهم لانهم محتكرين الماده مثل دكتور حاتم وهاني بس والله كويسين لو شاركتي معهم وتفاعلتي اهم اهم نصيحه للبنات انهم يشاركون ويتفاعلون ويكون اسمهم معروف ولاتتاخرون وقت المحاضرات احيانا الدكتوره تاخذ عنك فكره سيئه عشان تاخرتي ويعتبرونك مو مجتهده

وافضل شي من ناحيتي انه مسموح لنا الدراسه ب الايباد منها اوفر وحمل اقل✅

تحملين السلايدات بالايباد وتفتحين المجلد وتكتبين ملاحظاتك

🔹قناه تخصصات أم القرى
https://t.me/futurebright2030

- حابه اسالك ايش تخصصك؟!
تخصص ادارة سياحة وفندقة

- المناهج عربي ولا انجليزي ؟!
المنهج بالكامل انقليزي باستثناء المواد العامة مثل الثقافة والسيرة وفقة المعاملات..الخ

-ايش اكثر حاجه يعتمد عليها قسمك ؟
لو تبغي تكوني شخصيه ناجحه بالقسم لازم تكتسبي المهارات التالية:
١- مهارات الاتصال والتعامل مع الاخرين لان القسم في مجال الدراسة بطريقة التيم اي انك حتشتغلي مع اشخاص ، وبشكل عام غالباً قسم السياحة متصل بشكل مباشر مع العملاء
٢- التسويق ، حيساعدك في تعاملك مع العملاء واقناعهم
٣- القيادة ، لازم تقوي ثقتك بنفسك وتضعي نفسك في محل القائد لان زي ماقلت قسمنا ادارة سياحة وفندقة وبيأهلك انك تصبحي مديرة بإذن الله

- ايش المواد اللي تاخديها ؟!
حضع لكم الخطة الدراسية لكن اغلب المواد علمية بتتطلب فهم وليس حفظ

- هل يندرج تحت هذا الكليه تخصصات وايش أقسامها ؟؟!
كلية ادارة الاعمال يندرج تحتها:
*ادارة الاعمال- له تحضيري
*ادارة السياحة والفندقة- له تحضيري
*التسويق-له تحضيري
*المحاسبة-لايوجد سنه تحضيريه

- مين افضل الدكاترة ف تخصصك ؟
كل دكاترة القسم ماشاء الله مثل د/يسري ، د/هاني، د/محمد الضيف ،د/سلطان ، أ/ فردوس ، أ/خديجة ،أ/سمية👌🏼
لكن اول سنة في التخصص مشتركة موادها مع تخصص ادارة الاعمال والتسويق وكانو افضل الدكاترة هم:
أ/اريج محاسبة وادارة مالية، د/اسماء الريس اقتصاد، د/سماهر اتصالات ادارية ، د/منال مبادئ التسويق
ذول اللي اتذكرهم
-
في النهاية تجربتي في التخصص جداً جميلة خصوصاً بإن نعتبر التخصص الوحيد اللي بالكلية مركز بشكل كبير ع الجزء العملي بيعملو لنا جولات للفنادق وغيرها وكمان عندنا في الخطة تدريبين ودكاترة القسم قريبين مننا وبيشاورونا وبياخذو بأرانا في تطوير القسم وهذي برضو ميزه ، والقسم جديد في ام القرى ومطلوب في القطاع الوظيفي وبإذن الله الفرص الشاغره موجوده والعين علينا👏🏼 .

-نصيحتي لكم لاتحطو في بالكم اللغة الانجليزية كعائق انا بدايتي كنت ماعرف حتى اقرأ انقليزي واليوم الحمد الله اقرأ واكتب واتحدث به ، ومن الاساليب اللي استخدمتها عشان اتحسن فيه كنت ابادر بالمشاركه في كل الكلاسات لمن ينطلب انه شخص يقرأ ، فكل مرا اقرأ واغلط بكلمة حتنحفر في ذاكرتي تصحيح نطقها ومع الممارسة حتلقو قرأتكم اتحسنت ، بالاضافة الى اني كنت احاول احفظ اكبر قدر من الكلمات في السنه التحضيرية واللي سهل عليا عملية الحفظ هو استعمالي للكلمات في حياتي الدراسية والخاصة + اتكررت اغلب الكلمات في المواد فذا برضو يرسخها.
اخيراً اسأل الله ان يوفقكم وينير دربكم وين ماكنتو💛

🔹قناه تخصصات أم القرى
https://t.me/futurebright2030

‏اهلا معكم شيماء اللحياني خريجة 2021 قسم سياحة وفندقه 🤍

- حابه أسألك ايش تخصصك؟ ✅
كلية اداره الاعمال - قسم السياحة والفندقه
٤ سنوات من ضمنها السنه التحضيريه الاداري .
السنه التحضيريه (مستوى 1 ومستوى 2) المواد موجوده في الفايال المرفق تحت 👇🏻 .

- المناهج عربي ولا انجليزي ؟✅
مواد عامة ( قران ٤ - ثقافه٤ - لغة عربيه ١ - السيره النبوية ١ )
مواد التخصص (كلها انجليزي ) ولا تخافوا منه ترا جدااا سهل بس خليك اول باول مذاكره🌝 ومع الممارسه بيسهل عليك الموضوع والدكاتره بيراعوا كثير بخصوص اللغة .

-ايش اكثر حاجه يعتمد عليها قسمك؟ كمهارة✅
١- العمل ضمن فريق (حتشتغلي كثير مع قروبات).
٢- برامج الاوفيس (الوورد- البوربوينت) حتعملي تقارير وبحوث و برزنتيشنات كثيرررر ( عروض تقديمية) .
٣- اللغة الانجليزية (حلو انو تكون لغتك متوسطه على الاقل عشان تساعدك في الدراسه ).


- في مواد معينه حاب تشرحيها بالتفصيل؟✅
بصراحة مافي ماده معينه في بالي اشرحها ولكن عموما مواد التخصص جدا حلوووه ومفيددده وراح تستمتعوا اكثر مع دكاترتنا خصوصا د.يسري ود.هاني ود. فادية الجهني ، د.ملاك مليباري ود.سميه مدني والكيوتتت والحبوبه د.فردوس .

-ياليت لو تقدري ترسلي خطه التخصص .✅
8 مستويات (اي 4سنوات ) شامله السنه التحضيريه موجوده في الفايل المرفق تحت 👇🏻.

- ماهي المسميات الوظيفيه واماكن العمل ؟ المستقبليه للتخصص ؟ ( راح اذكر واعدد شي بسيط وحتحصلوا كثيرا في الانترنت خصوصا انو رؤيه ٢٠٣٠ بتدعم قطاع السياحه والضيافه بشكل كبيرررر ) ✅
⁃ الارشاد السياحي
⁃ الضيافه الجوية
⁃ مكاتب شركات الطيران
⁃ المطارات
⁃ تنظيم الفعاليات والمؤتمرات
⁃ اداره الفنادق واداره المطاعم
⁃ المكاتب السياحية
⁃ وزاره السياحة
⁃ الهيئه الترفيهية
⁃ وطبعا اذا كملتي ماستر ودكتوراة تقدري تكوني معيده او دكتوره في الجامعة تحت قسمك 😍


- ايش المواقع او المصادر الي ممكن تفيد الطلاب ف التخصص دا ؟✅
ممم بصراحه م اذكر في مواقع معينة ولكن عموما اي مواقع خاصه طالبها الدكتور في ريبورت او برزنتيشن الدكتور راح يذكرها ويرسلها لكم . والمصادر كذلك .

- ف اخر مستوى هل يوجد تدريب ميداني او بحث تخرج ؟✅
عندك مادة دراسة جدوى المشروع (مشروع تخرجك )2 ،حتاخذيها في المستوى 7 و8 هذي بتتكلم عن مشروعك الخاص انتي لوحدك او ممكن مع التيم تبعك وهي عباره عن كلاسات ومهام كل اسبوع يعطيكم هيا الدكتور وتعملوا عليها سيرش وتكتبوها في تقاريركم ويكون لها نتائج وتحليلات وكأنكم راح تطبقوا المشروع على ارض الواقع (ان شاء الله ليش لا 💃🏻).
—-
عندك ايضا تدريب ميداني 2
في المستوى السادس تاخذي (تدريب عملي 1) في قطاع الضيافه (الفنادق) تدربي في احدى الفنادق في جميع اقسامها مثل الريسبشن-الحجوزات-خدمة العملاء-قسم الفود اند بافرج ، (( وتطبقي الي اخذتيه نظري في الجامعة وكيفية استخدام نظام الاوبرا )) .

في المستوى الثامن تاخذي ( تدريب عملي 2 ) تدربي في قطاع السياحة مثلا زي شركات الطيران - شركات السياحة - المطارات -القطارات ، (( وتطبقي الي اخذتيه نظري في الجامعة وكيفية استخدام نظام اماديوس )) .

- اذا حابه الطلاب يتواصلو معاك ضيفي حساباتك ف السوشل ميديا . ✅
تقدروا تتواصلوا معي في اي حاجه تحتاجونها بخصوص التخصص وان شاء الله م راح اقصر معكم بالشي الي اعرفه 🤍.
Instagram: Shaim_997


⭕️⭕️⭕️
وفي الاخير حابه اعطي كم نصيحه لكم بشكل عام سواء كنتي داخله تخصص السياحه او غيره :
1- لا تدخلين او لا تكملين في تخصص انتي مو حابته او ما قدرتي تحبينه وتشوفين نفسك فيه ، بالمستقبل .
2- لا تراكمييييين لا تراكمين الواجبات والمذاكره لان هالشي ابدا مو في صالحك حاولي تخلصي مهامك و واجباتك اول بأول كل نهاية اسبوع .
3 - احيانا تمر عليك مواقف وتعصبين وم تقدري تمسكي نفسك سواء مع الدكاتره او زملاءك في الجامعه حاولي تمتصي الغضب وتجاهلي عشان مصلحتك .
4 - بليزززززز لمًا تدخلي مع تيم ادخلي مع تيم كووويس وشاطرين يعني متفاعلين وحابين يتعلموا اكثر عن القسم والدراسه فيه عشان م تتعبين معهم في المهام وتنفيذها🦦.
5- لا تخلين اللغة الانجليزيه عائق لتخصصك خصوصا لما تكوني انتي حابه هالتخصص كثيررر ولا تسمعين للناس المحبطه والسلبيه لان هذا الشي حيأثر عليك ف صاحبي الايجابين وكوني ايجابيه واحلمي وابدئي في مشوار تحقيق احلامك
“ if you can dream it , you can do it “🤍 .

وهذي كانت الاجوبة من خلال تجربتي الشخصية وبالتوفيق لكم جميعا 🤍🤍💃🏻.

🔹قناه تخصصات أم القرى
https://t.me/futurebright2030

✨هذي بعض الفايلات المهمة لك كطالبة سياحه وفندقه بتتكلم عن نظام الاوبرا (في الفنادق ) ونظام اماديوس ( في السياحة والطيران ) والي راح تدرسوها اساسا في التخصص 👇🏼

‎⁨قسم ادارة السياحة والفندقة⁩

‎⁨مكتبة نور - شرح برنامج الأوبرا العالمي لإدارة الفنادق⁩.pdf