اوكي اول حاجة تخصصي هو علاج طبيعي يندرج تحت كلية العلوم الطبية درست سنه تحضيرية صحية وبعدها حسبولي المعدل + موزونة دخول الجامعه ودخلت تخصص العلاج الطبيعي ، طبعا من السنة التحضيرية لين اتخرج حتكون الدراسة بالانقلش ، بالنسبة للسنة التحضيرية المواد كانت كالتالي : الترم الاول؛فيزياء طبية + انقلش + حاسب الي+ كيمياء حيوية+ الوراثه البشرية

الترم الثاني ؛ برمجة+ نيرسنق(مصطلحات طبية) + كيمياء حيوية ٢ + علم الخلية+ مهارات التعلم ( المادة الوحيدة الي دراستها بالعربي بالسنه التحضيرية )..

العلاج الطبيعي قسم يندرج تحت كلية العلوم الطبية التطبيقة ✨ وهو عبارة عن : سنة تحضيرية + ٣ سنين تخصص + سنة تطبيقية = ٥ سنين وتتخرجي كاخصائية علاج طبيعي " Physiotherapist “ .

وشي حلو ان هالسنة بالزبط ام القرى فتحت برامج الماجستير لتخصص العلاج الطبيعي 🤩❤️ يعني الي تفكر تكمل مسار اكاديمي يمديها تكمل بام القرى ✨

طيب بالنسبة للاسباب الي خلتني ادخلو اول حاجة التخصص ٥ سنين دراسة وهالشي يهمني ثاني شي بيئة العمل غالبا حتكون بالعيادات الخارجية بالمستشفى ( يعني عيادة خاصة بالعلاج الطبيعي بالمستشفى) ثالث شي حتعالي المريض باشياء كثيرة غير الادوية العلاج الكهربائي ، التمارين ، الخخ .. رابع شي فرصه الوظيفية كل مالها تكبر 🤩🤩 وهالشي برضو يهمني ✨عموما حسيت التخصص لطيف وخفيف 😍❤️❤️.

👩🏻‍🔬تخصصي تغذية علاجية
تحت كلية العلوم الطبية التطبيقية
سنة تحضيري- ٣ سنين تخصص - سنة امتياز- تدريب ف مستشفى

الدراسة كلها بالانقلش الا المواد العامة طبعاً
ماقدر اقولك القسم يعتمد ع الفهم بس ولا ع الحفظ بس
لازم يكون عندك الاثنين
بصفه عامة دراستنا تعتمد على كذا نقطة
اولها واهم مادة كانت على عدة متسويات : التغذية العلاجية واللي هي ندرس امراض الجسم كافةً من كل النواحي اسبابها واعراضها وكذا وبعدين ناخذ التدخل التغذوي الخاص بالمرض
يعني لازم نعرف كل مرض
ثاني نقطة اللي هو الارشاد والتثقيف التغذوي
يعني كيف تفهمي المريض وتعلميه ايش اللي ينفعه وايش اللي يضره وكيف توصلي له المعلومة بالطريقة الصح بناءً على عدة عوامل

كنا ندرس مواد نظرية كمان عن تغذية المجتمع وكذا
كمان اخذنا مادة اسمها التغذية خلال مراحل الانسان ، بدينا ندرس الانسان من لما يكون جنين لحد مايولد لحد سن المدرسة وووو
كل عمر ايش اللي يحتاجه وايش اللي ينقصه

كمان جزء من قسمنا اللي هو تداخل الغذاء والدواء
ف كنا ندرس اهم الادوية اللي بيصير بينها وبين الاكل تفاعل يؤثر على فعالية احدهم سواء اكل او دوا.

🌟💡حابه اسالك ايش تخصصك؟!
كليه العلوم الاجتماعيه تخصص خدمه اجتماعيه.
💡 المناهج عربي ولا انجليزي ؟!
دراستنا باللغه العربيه لكن فيها شويه مصطلحات انقليزيه خاصه فينا ولا تشيلي همها سهله وبسيطه.
💡 ايش اكثر حاجه يعتمد عليها قسمك ؟ كمهارة
انك تكوني انسانه بكل معنى الكلمه.
اذا عن التخصص فهو تخصص نبيل جدا وانساني يحثك على فعل الخير واذا انتي من الأشخاص اللي يحبون الخير راح تحبي التخصص

مهنه الاخصائي الاجتماعي هي مهنه ساميه وتدخل في اغلب المجالات المهنيه لها ٣ اهداف وقائي وعلاجي وانشائي تنموي تساعد الأفراد على حل مشكلاتهم وتنميه قدراتهم وانو يتأقلمو مع سياسه المجتمع وكمان تنمي مهاراتهم وقدراتهم

 واذا حابه تعرفي عن وضائف الاخصائي الاجتماعي بقولك أنو نشتغل في اغلب الاماكن
 مثل المصانع لحل مشاكل العمال
 والمدارس كمرشدين طلابيين والمستشفيات كأخصائين يساعدون الدكاتره على الاعتناء بالمرضى والشركات كإداره او علاقات عامه وكمان نشتغل في مؤسسات الدوله اللي هي مؤسسات الضمان الاجتماعي ودور الأيتام والأرامل والمطلقات وكمان في الجمعيات الخيريه.
ونقدر نسوي خطط تنموية وتنظيميه لأي مؤسسه أو منشاه.

💡وكيف طبيعه دراسته ؟
طبيعه الدراسه اول سنه تكون مواد عامه ومواد تأسيس يعني مداخل أو أسس وقواعد المهنه حقتنا والسنه الثانيه تبدأي تاخذي كل شي بطريقه مفصله اكثر وعندنا ٤ مستويات تدريب ميداني اول مره يكون زيارات تزوري مؤسسات ومستشفيات ومدارس بعدين ثاني مستوى يكون مدارس تطبقي فمدرسه كمرشده وتكتبي تقارير  وبعدين تطبقي في مؤسسه اللي هي دار ايتام أو ضمان اجتماعي أو حتى مؤسسه توحد أو متلازمه داون واخر شي طبي يكون في مستشفى طبعاً التدريب مره كل اسبوع لمده ٤ ساعات.

💡 اذا عن التخصص فهو تخصص نبيل جدا وانساني يحثك على فعل الخير واذا انتي من الأشخاص اللي يحبون الخير راح تحبي التخصص


2/ دراستنا باللغه العربيه لكن فيها شويه مصطلحات انقليزيه خاصه فينا ولا تشيلي همها سهله وبسيطه طبيعه الدراسه اول سنه تكون مواد عامه ومواد تأسيس يعني مداخل أو أسس وقواعد المهنه حقتنا والسنه الثانيه تبدأي تاخذي كل شي بطريقه مفصله اكثر وعندنا ٤ مستويات تدريب ميداني اول مره يكون زيارات تزوري مؤسسات ومستشفيات ومدارس بعدين ثاني مستوى يكون مدارس تطبقي فمدرسه كمرشده وتكتبي تقارير  وبعدين تطبقي في مؤسسه اللي هي دار ايتام أو ضمان اجتماعي أو حتى مؤسسه توحد أو متلازمه داون واخر شي طبي يكون في مستشفى طبعاً التدريب مره كل اسبوع لمده ٤ ساعات


3/ مهنه الاخصائي الاجتماعي هي مهنه ساميه وتدخل في اغلب المجالات المهنيه لها ٣ اهداف وقائي وعلاجي وانشائي تنموي تساعد الأفراد على حل مشكلاتهم وتنميه قدراتهم وانو يتأقلمو مع سياسه المجتمع وكمان تنمي مهاراتهم وقدراتهم


4/ ناخذ 55 ماده في 4 سنوات اغلبها مواد تخصص وناخذ تدريب اربع مستويات وعدد الساعات اللي ندرسها 132 ساعه وفيه مواد عامه مثل القران والثقافة الإسلامية واللغه العربيه والسيره النبويه 
القران والثقافة تأخذهم اربع مستويات
اللغه العربيه مستويان
السيره مستوى 1
وعندنا اختبار انجليزي اجتيازي ماله محاضرات بس سهل ولاتشيلو همه فيه مذكره ,( ملزمه) في موقع الجامعه تذاكروا القاعدات منها وتجتازوه

 مايندرج تحته تخصصات احنا من ظمن كليه العلوم الاجتماعيه تخصصاتها جغرافيا وعلم معلومات وانقليزي وخدمه اجتماعيه وإعلام

🔷️حابه اسالك ايش كان  تخصصك؟!
خدمة اجتماعيه
🔷️ايش الوظائف بعد التخرج .
تتخرجين اخصائيه اجتماعيه
وظايفه بالمدرسه المتعارف عليه عندنا مرشده بس الحين لازم يكون في اخصائيه
او تتوظفين بمستشفى
او دكتوره بالجامعه.

و دراسته حلوه و سهله يعني احسه شي واقعي و انساني تساعدين الناس معنوياً و مادياً تعرفين مشاكلهم و كذا ممكن بعد تتوظفين بالضمان الاجتماعي.

التخصص اذا تحبين تدعمين خبرتك تاخذين دورة المدرب الشخصي او الكوتشنج تطور من معرفتك كثير بس عند مدرب او مدربه ثقه و سمعتهم معروفه بس مو ملزومه فيها من باب الاجتهاد يعني.
🔷️ايش اكثر حاجه يعتمد عليها قسمك ؟ كمهارة
محاوره متفهمه مستمعه و صبوره و عندك مهارة التواصل و الاقناع عشان تعرفين تتعاملين بعدين مع الفرد او الجماعه او المجتمع.
🔷️ المناهج عربي ولا انجليزي ؟!
عربي و ماده وحده اسمها نصوص انجليزيه باقي مادرستها فما ادري هيا انجليزيه او عربيه.
🔷️ ابش المواد اللي تاخديها ؟!
علم اجتماع و علم نفس و انثربولوجيا رعايه اجتماعيه اسس الخدمه العمل مع الحالات الفرديه و الجماعيه و تنظيم المجتمع و في مواد عامه سيره نبويه و قران و ثقافه و عربي و مادة اجتيازيه انجليزي مايأثر على المعدل.

🌌 حابه اسالك ايش كان  تخصصك؟!
خدمة اجتماعية.

🌌 المناهج عربي ولا انجليزي ؟!
عربي . بس في كم مادة مصطلحات انجليزيه.

🌌 وكيف طبيعه دراسته ؟
عاديه نظري . و٤ مستويات تدريب عملي خارج الجامعة.

🌌 ايش اكثر حاجه يعتمد عليها قسمك ؟ كمهارة.
امممم يعتمد ع شطارتك ف الميداني عشان تستفيدي من المهارات اكتر شي وطريقة تطبيقك الي درستيه.

🌌 ابش المواد اللي تاخديها ؟!
كتيرررررة كلها عن علم الاجتماع والتربية وعلم النفس ومواد عامة زي الثقافة والقران ومستويين انجليزي.

التخصص: خدمة اجتماعية👩🏻‍💼💛.

السلام عليكم ورحمه الله وبركاته🍃🌟.
صباح الخير يا اخصائية المستقبل☀.
لأي وحده مستجده.. فعلياً بعيداً كل البعد عن التحطيم او التخويف قسم الخدمه" مممممممتع" حطي هذا الشيء في بالك حبي تخصصك لا تسمحي لاي احباط او اي شيء سيء.. "كل وحده وقدراتها" حطي في بالك انها بدايه حلوه لكي شيء جديد ومافي شيء صعب واتوكلي على الله دائماً ومافي شيء صعب ومافي شيء مستحيل" كوني قدها💪🏻" خليها قاعدتك💛💛.

راح أتكلم عن نفسي وعن تجربتي في القسم بما اني ليا سنه في التخصص وممكن افيدك؛ عامه القسم حلو ولطيف بالنسبه ليا افضل من اي قسم احسه فطره ربانيه [ مساعده الاخرين، حل المشاكل، والايجابيه].. فالخدمه هو اول قسم يتولى هذا الامر 💛💛.
وانا فخوره اني انتمي لهذا التخصص👌🏻💛.

💭بالنسبه للوظايف🍃🌟:
لا تسمعي لأي شخص يقولك مالوا وظايف كل شيء بيد ربنا.
بالعكس الخدمه الاجتماعيه له النصيب الاكبر في التوظيف لانو في كل مجال تقدري تتوظفي فيه
* في المجال المدرسي
* في المجال الطبي
* في مجال رعايه السجناء
* في مجال رعايه الشباب
* في مجال رعايه المسنين
* في مجال الفئات الخاصه
* في مجال الضمان الاجتماعي
* في مجال الاحداث
* في مجال الاسره والطفوله
* في مجال النشاط الاهلي
* في مجال التنميه
هذه الفرص الوظيفيه مابعد التخرج👩🏻‍🎓.
وان شاء الله اكون افدتك.
والله يسهل عليكِ كل صعب يارب🍃💛.

💜- تخصصي "خدمة اجتماعية"
الجموم
- المنهج عربي لكن فيه مصطلحات انجليزية لكن سهله جدًا
- يعتمد على الحفظ والإبداع أكثر في حال طلبت منك الأستاذة تدرسي حالة انتي هنا تبدأي بالتفكير في حالة ممكن تكون نادرة في المجتمع وكيف تقدري تعالجيها .
- أفضل الدكاترة: - فاطمة الصعب - مشاعل البشري - سوزان الرحيلي .
- التخصص إنساني ممتع جدًا يحاكي المشاكل والقضايا الموجودة في المجتمع وكيف معالجتها وايش دورك انتي كأخصائية ، اذا داخلة التخصص عن رغبة راح تحبيه أكثر وتبدعي فيه😻👌🏻، التخصص هذا كان حلمي والحمدلله ربي كتب لي القبول فيه .
- التخصص يعتمد على الحفظ أكثر ونصيحتي هي المذاكرة أول بأول عشان لما تجي الاختبارات ما تتراكم الدروس عليك .
وأولًا وأخيرًا التخصص جدًا جدًا ممتع لكن مو سهل يبغى له صبر واجتهاد عشان توصلي للي تبغيه❤️

💛تخصصي خدمه اجتماعيه المناهج كلها عربي ياعيوني ماعادا فيها تدرسي اول سنه انقليزي لانو من المواد العامه للي لازم تدرسيها قسمي يعتمد اكتر شي ع الجانب الانساني يعنى مثلا حقون الطب مو هما يعتمدو ع الجانب الجسمي نحنه العكس ع الشي النفسي والانساني يعنى صدقيني لو دخلتيه ماحتندمي ابدا صراحه المواد مره كثير

وكليتي اسمها كليه العلوم الاجتماعيه ويندرج تحتها
الخدمه الاجتماعيه
الاعلام
الانجليزي
جغرافيا

صديقني الدكاتره بالجامعه كتيرر وصدقيني لا تاخدي من احد فكره عن اي دكتوره او دكتور لانو التجربه تختلف من وحده لوحده فمن كدا مرره لا تخاافي واغلب الدكاتره كويسين

شوفي تجاارب انو مريت فيها انو اختاري الصحبه الصح للي زيك بضبط نفس مستواكي الدراسي علشان ماتضيعي وبنفس الوقت علشان ماتكوني غير عنهم يعنى ادا كنتي شاطره شوفي للي زيك

وغير كدا الجامعه صدقيني حلوه جدا والتجارب فيها كثير بس اهم حاجه لا تعتمدي ع احد ابدا لانو الجامعه عكس المدرسه انتي للي تجري وراء درجاتك مو هما وراكي