👩🏻‍🎨كليه التصاميم فيها اربع تخصصات
-ملابس ونسيج اللي هو تصميم الأزياء
-سكن وإداره المنزل
-ديكور داخلي(هذا جديد ثاني سنه له)
-اعلانات ومطبوعات(برضوا جديد ثاني سنه له).

شوفي الدكاتره حقين القسم أغلبهم متساهلين معانا بالمره مختلفين عن حقين الزاهر.

أفضل الدكاتره من ناحيه القسم واللي درسوني
-احلام النامي
-سمر مقلان
-فاطمه العيدروس
-حنان ضعيف
-رحاب رضاء
-نوف عليوه
-منى حجي
-نجلاء الثبيتي يمدحونها
-فاديه الخطابي
كثير والله كويسين
في دكتوره افنان القاضي صح تشيب رأس الواحد وتخليك تعيدين شغلك فوق العشر مرات لكن تخرجك وانتي بطله بالماده.

دلال الشريف(مزاجيه مره معاك مره عليك)
افنان الطيار(ماجربتها لكن كثير مافضلها وترسب يقولون)
نوف الكريديس(انسانه تدقق كثير).

انصح اللي بيمشي بالتخصص هذا وحاب يكمل فيه يكون ملتزم بالخطه لأن لو صار متعثر مايقدر يكمل بالراحه زي باقي تخصصات لأن الأغلب يكون له متطلبات ماتأخذين الا تجتازين اللي قبل صحيح في بعض مرشداتهم يحطون لهم تجاوز بس يكون صعب عليك لأن كيف تدرسين ماده التجاوز وأنتي مو عارفه ايش اساسها اللي هو متطلبه اللي قبله.

واللي ماتحب تكمل وبتغير تخصصها انصحها تحول من الترم الجاي لأن اول ترم عباره عن نظريات وحفظ اكثر شئ وتقدرين تأخذين معدل عالي بالراحه لكن من بعد الترم الثاني يبدا الشغل العملي أكثر من النظري وشغلك ودقته يحدد معدلك فاللي ماتحب الشغل أول بأول تسحب نفسها

تتابع 🌸..

التصميم الداخلي تخصص هندسي يعتمد على رسم المباني من الداخلي وتوزيع الغرف والشكل الخارجي للمبنى مايهتم بالديكور.

الملابس والنسيج تخصم الخياطه وتصمم الملابس

السكن وادارة المنزل هوا تخصص الديكور وتاثيث المنزل وتزين الاشياء زي عندهم بيجيبو طالوله ويزينوها بالورد وتكون مشاريعهم يعملو غرفه كامل او ركن او حتى شقه كامله.

درست تصميم سكن وادارة منزل ودرست خدمة اجتماعيه الاعلام لسا ما اعرف عنّو دوبنا نبدا بس حقلك عن التخصصات الي درستها.

المناهج عربيه وحتى الانقليزي يكون اجتيازي يعني ينزلك في الجدول مع اسم دكتوره وكل شي بس ما تدرسيه تختبري فاينل وبس يعني على نهايه الترم دكتورتك ترسلك عالايميل مذكره اسئله تذاكريها وتختبري منها ومرا سهلل ومالو نسبه حتى يعني يا ناجحه يا لا وماينزل معدلك اذا ما نجحتي بس تحملي الماده وتختبري فيها فاينل الترم الي بعدو.

بالتصميم اغلب الدكاتره يجننو ويعطو درجات حتّى ويراعو المواد برضو مو صعبه واللي يقول كانو اقتصاد منزلي لاتصدقوه لانو دا تصميم بس جامع بين انواع التصاميم بتخصص واحد الي هوا سكن وادارة المنزل.

واذا عن الخدمه الاجتماعيه نصيحه لاتدخليه الا وانتي حابتو من جد مهو صعب بس يحتاج دراسه بحب من ضمن المواد علم النّفس والمدخل للعلوم الاجتماعيه والاقتصاد الاسلامي وحتى بيئة ومجتمع المملكه واسس الخدمه الاجتماعيه.

حلو التخصص وسهل وممتع بعيون الي حابينو.

الله يسعد قلوبكم ويكتبلكم الخير ويوفّقكم👏🏻💖.

بالتصميم نجوى الحازمي وحنان فلمبان ورانيه عبدالرحمن اكتر دكاتره حرفيا كلمه يجننو قليله بحقّهم.

وبالخدمه دكتوره رنا وما افتكر لقبها بالزبط بس تدرس اسس الخدمه تفهم مرا مرا مرا كويس وتعطيكي حقّك واسئلتها كويسه مرا ناسيه الباقيين بس دي الي فاكرتها):.
 
وافضل الدكاتره ( رانيا عبدالرحمن وهديل عمران و ايمان الرفاعي رئيسه القسم و منيره منصور وعليا مختار ونجوى عبدالقادر وعفاف قبوري وجوهره خليوي وفيه دكاتره يعني ينفعون نظري بس وفيه دكتتره كويسين بس بالعملي

♥️ تخصصي كان اسمهه ( سكن واداره منزل ) وغيرو اسم التخصص حاليا صار اسمه مقسم مثلا تصميم داخلي وكثير اسماء مناهجه عربيهه ولاتبت بصلهه بالانجليزي الا ببعض المواد مثل الحاسب تاخذين منها مصطلحات انجليزي بس مو كثير فيه ماده انجليزي لكننن قليله وسههله.
_ وطبيععه دراستها ححلوهه ممتعه كون انك تشغلين عقلكك وتفكريننن بافكار تنسيق ورسم وتركيب واختيار تناسق الالوانن تدخلين حتى وانتي ماتعرفينن شييي ويجي ببالك تقولين بنفسك انا فاشله ماراحح امشي بس انتي بتمشين لو حاولتي تركزينن يبيله جهد وتعب شويتين ويبيله فلوس طورو الخطه الدراسيهه تبع المواد في الخطه الجديده انا حقتي من الخطه القديمهه وكانت صععبهه مرهه في التعب والجهد المضاعف بعكس الخطه الجديده حلوه وسهله وممتعه وحذفو مواد كثير من المواد العمليه المشغولهه يعني اللي فيها شغل كثير هذي الكليه مافيها سنه تحضيريه كانت في كليه التصاميم في شارع المنصور وحالياً نقلوها الجامعه في مبنى جامعه العزيزيه وصار اسمها هناكك في العزيزيه كليه التصاميم.
وهالكليهه فيهااا تصميم ازياء متعبههه شويتين لكن بعد في خطتهم الجديدهه رهيبه وغالبها صار دراستها على اجهزه زي مثلا رسمم البترونات تتعبين بورقه ترسمين بترونن تغلطين بمقاس تتعبين حيل اللحين صار في الجهاز تحطين المقاسات وهو يرسمها لك فيه عندنا دبلوماتتت حاسب وعربي وفيه بجامعتنا انتساب..
_ يعتمد على التفكيييرر وتوسيع الخيال شويييي واليد اللي تشتغلهه لازم تكون ايدك خفيفهه مرسيهاا عالاعمال حاولي تفكريننن اكثر عشان تبدعين اكثر ابحثي دوري افكار ادمججييي بين الافكار حاولي تفكرين وتجيبين من الصوره واحد فكره ومن الصوره الثاني فكرهه وركبيها ببعض فكري بشيء جديد النسبهه ب ٧٠وفوق يقبلونكك يقبلونن عادييي اي نسبهه.

👩🏻‍🎨جرافيك ديزاين.

الدراسة بالعربي بس البرامج اللي نشتغل عليها بالانقيلزي.
طبيعة الدراسة ندرس كل شيء يخص الاعلان والمطبوعات ومن ضمنها الشعارات والملصقات والكارت الشخصي وافلام الكرتون وال 3D والباكج والطابعة وجميع الملاصقات والاعلان.

القسم طبعاً يعتمد على التصميم وأحنا نصمم على برامج الادوبي مثل الفوتشوب والاستريتور وطبعاً يعتمد على الابداع وذوقك الشخصي وعلى الافكار المتجددة ❤️✨.

يعني اغلبه عملي مايعتمد على المذاكرة والحفظ يعني فيه واجبات والمشاريع ماكنت أذاكر الا في الأختبارات النهائية والنصفي😀يعني أبداً مافي ضغط مذاكرة.

وطبعاً التخصصات مجالاته واسعة الجرافيك في كل شيء نحتاجه.

ومو بس نصمم أعلان ومطبوعات لا بعدين راح نصمم مواقع بس أحنا متعمقين في المطبوعات🖨.

التخصص جميل وممتع طبعاً للي حابته ومو معقد يعتمد على الأبداع والأفكار وأن تصميمين بأسلوبك وشخصيتك👩🏻‍💻❤️✨

طبعاً التخصص في كلية التصاميم الترم الاول تدرسين مواد عامة تدرسها كل كلية التصاميم وفيها رسم بس التخصص مايعتمد على رسم بعدين الترم الثاني تدرسين مواد تخصصك.

وميزة التخصص أنه توه فتح العام والدكاترة يجنون 🥰❤️ ، والمقابلة الشخصية على دفعتنا ما كان فيه

بس أتوقع يسالونك على برامج التصميم اللي هي برامج الادوبي أبحثي عنها 🌹🙏🏼
وأيش هو فن الجرافيك 🎬📸📽؟ أحسه أهم سؤال👩🏻‍💻💁🏻‍♀️ ، وممكن تسألك عن الالوان وأنواعها🎨 الباردة  ،الحارة أساسية ،  ثانوية ..
ممكن تسألك عن الظل والنور ؟
عن أنواع المطبوعات 🖨✨

❤️اول شي مبرووك لكل المحولات وان شاءالله تنبسطوا في التخصص وتكونوا راضين عنو
تخصص الجرافيك
نبذة عنه:
تخصص ممتع جداً ويحتاج ابدددااااع وتفكري دايماً خارج الصندوق مافيه روتين ابداً ومو ممل
وكل يوم تتعلمي شي جديد ومختلف
اعمال مصمم الجرافيك:
اغلفة كتب - شعارات و logos - اعلانات - انيميشن -بوسترات - انفوجرافيك - موشن جرافيك - فيدوهات - تصميم مواقع انترنت - تصميم ابليكشن - مجلات - صور - رسوم توضيحية
ذي بعضها وفي اكثر
مواد التخصص:
تاريخ التصميم الجرافيكي ( هذي المادة نظرية ومن ساعتين سهلة بس تحتاج تركيز وحفظ )
نظريات اتصال جرافيكي ( مادة نظرية من ساعتين جداا سهلة وتحتاج فهم)
مبادئ تصميم جرافيكي ( تنقسم ذي المادة لجزئين نظري وعملي هي ٥ ساعات بس المعتمدة ٣ ساعات ممتعة جدا وحلوة)
تصميم جرافيكي بالحاسوب١ ( تنقسم برضو لنظري وعملي من ٥ ساعات والمعتمدة ٣ ساعات بالنسبة لي ذي اكثر مادة تعبت فيها بس اكثر مادة احبببهاا جدداااا ممتعة وكله يعتمد على ابداعك وفنك)
متطلبات التخصص :
لابتوبك الشخصي ونزلي عليه adobe Photoshop و Adobe illustrator  ذي البرنامجين المهمة في السنة الاولى
وبالنسبة لمادة مبادئ تصميم جرافيكي حتحتاجوا سكيتش وباقي الاشياء على حسب الدكتورة
الاختبارات والمشاريع:
عادية زي اي تخصص في عندنا ميد وفاينل + الميد والفاينل حق العملي
بالنسبة للمشاريع مو كل الدكتورات يطلبو مشاريع يعني كل دكتورة وتوزيع درجاتها
الجدول وساعات الدوام:
الجدول طبعا كل وحدة حتعدلو على حسب راحتها والشعب وكذا وعادة يكون في يوم اوف بالنسبة للدوام اقصى شي جلسنا فيه في الجامعة للساعة ٦ المغرب بس الدكتورة كانت تطلعنا بدري
الدكتورات:
كلللهههم عسلل بلا استثناااء
دكتورة شيماء محمود
دكتورة اماني الثقفي
دكتورة رزان عرقسوس
ودكتورة نجوى عبدالقادر بس للاسف انها محا تكون موجودة

طبعا الجامعة تقريبا كل اسبوع تسوي دورات بمختلف المجالات ف اللي حابة تطور من نفسها تقدر واللي تبا تستغل الاجازة الطويلة ذي تقدر تدخل على ذا الموقع او تحمل الابليكشن وتسوي حساب وتشترك في الدورات اسعارها حلوة وكمان في دورات كثير مجانية سواء كانت للفوتوشوب او اليستريتور او عن الجرافيك بشكل عام وطبعا في مواضيع كثثيير ثانية  udemy ذا اسمو


حاولت اكتب عن كل شي واي استفسار او سؤال اتفضلوا  ♥♥♥

🧡جامعة ام القرى قسم تصميم داخلي تخصص (جرافيك)
نبذة عن التخصص :
تخصص ممتع جداً ويحتاج ابدددااااع وتفكري دايماً خارج الصندوق مافيه روتين ابداً ومو ممل
وكل يوم تتعلمي شي جديد ومختلف
اعمال مصمم الجرافيك:
اغلفة كتب - شعارات و logos - اعلانات - انيميشن -بوسترات - انفوجرافيك - موشن جرافيك - فيدوهات - تصميم مواقع انترنت - تصميم ابليكشن - مجلات - صور - رسوم توضيحية
دي بعضها طبعاً واكيد في اكتر
والمناهج عربيه.

💛جرافيك ديزاين.
المنهج عربي
كلية التصاميم تحتها ٤ اقسام تصميمات مطبوعة واعلان و تصميم داخلي و ادارة سكن و تصميم ازياء.

طبيعة دراسته على اللابتوب يعني اهم شي يكون عندك لابتوب

اول شي التخصص مرة ممتع لو انتي من النوع الي له خلق يقعد على اللاب وقت طويل ، ما بقول انو مو متعب طبعا كل التخصصات فيها تعب بس مرررة حلو تتعلمي فيه اشياء مرة حلوة شفتي الكروت الاعلانات الفديوهات و تعديل الصور و اي شييي يحتاج له تصميم تتعلميه هو جرافيك يعني بإختصار تتعلمي في كل شي يخص الجرافيك المواد ممتعة و حلوة و الدكاترة كلهم طيبين اصلا كلهم ٤ دكاترة و مرة يراعوا
و المواد اغلبها عملي محاضرة العملي طويلة بس الدكاترة يعطونا بريك طبعا الدرجات للعملي اكثر يعني مثلا اختبار العملي النهائي ٤٠ درجة و الاختبار النظري ٢٠
يعني العملي اهم شييي ، و التخصص جديد ومطلوب مرة
بسس اذا كنتي حابة المجال راح تمشي فيه اذا ما تحبي طبعا ما بترتاحي و دا الوضع مع اي تخصص
اول ترم يكون مواد يدرسوها كللل بنات الكلية كل التخصصات اول ترم زي بعض تدرس فيه مهارات رسم يعني اساسيات الرسم بس و في مادة اسس تصميم تتعلم دائرة الالوان و اشياء كذا و في مادة حاسب تتعلم فيها اساسيات فوتوشوب ذي المواد العملي اما النظري تاريخ و سيرة وكذا والانقليزي اجتيازي و الترم الثاني تبدا مواد التخصص ، التخصص تحت قسم التصميم الداخلي يعني انتي ينكتب قسمك تصميم داخلي و تخصصك جرافيك زي لما احد يقولك انا قسمي طب وتخصصي اطفال كذا يعني بس التصميم الداخلي قسم مختلف مرة يميل للهندسة اكثر ، بالتوفييقق.

💚انا تخصصي تصميمات مطبوعة واعلان ( تصميم جرافيكي)
المناهج كلها بالعربي لكن لازم تكوني تعرفي انجليزي لو شوية لان برامج التصميم بالانجليزي وكل مصطلحات التصميم كمان واغلب الأشياء اللي تبحثي عنها اونلاين وافضلها انجليزي.

القسم يعتمد كليا على استخدامك للحاسب و هل تقدري تشتغلي ساعات متواصلة عليه و مرة مهم تكوني تعرفي ترسمي او عندك استعداد تتعلمي لان فيه مواد رسم وغير انه بيزيد من جودة شغلك لو عندك مهارة الرسم
بالنسبة للمواد انا في أول دفعة اللي هيا 2019 فلسة ما اخذت مواد كتير لكن فيه الخطة اذا تبي ممكن ارسلك هيا، المواد اللي اخذتها اول ترم كلها مواد عن الفن بشكل عام زي تاريخ تصميم وأسس تصميم ومبادئ تصميم بالحاسب وكمان مهارات رسم زي كدا، دي المواد موحدة للكلية كاملة في الترم الاول.

كلية التصاميم فيها تقنياً 3 تخصصات ( تصميم داخلي - تصميم ازياء - سكن وإدارة منزل ) قسم التصميمات المطبوعة او الجرافيك ديزاين مندرج حاليا تحت التصميم الداخلي لأنه اول دفعة.

🛑 التخصص مرة مرة مرة ممتع اذا عندك استعداد تشتغلي على حاسب وقت طويل و تحبي الفن بشكل عام.
دي أهم نقطتين التخصص 100٪ حاسب و فن.

الترم التاني بدأنا مواد التخصص، تاريخ تصميم جرافيكي و مبادئ تصميم بالحاسب 2 و تصميم جرافيكي بالحاسوب ( دي المادة 5 ساعات وهيا اكتر مادة مرتبطة بالتخصص) و مبادئ التصميم الجرافيكي ( برضو 5 ساعات ودي المادة تعتبر رسم بس للجرافيك يعني قبل نصمم في اللاب نصمم في السكيتش اول - sketching -) و نظريات الاتصال الجرافيكي دي نظري وحلوة وظريفة.

ونصيحة للاا تأجلوا شغلكم ااببدداا سوي المطلوب منك كل أسبوع بأسبوعه ان كان شغل أو واجبات او بحوث كلوه سووه في وقتو لان كل الدكاترة حيطلبوا وطلباتهم كثير وواجبات وبحوث فسووها اول بأول.

وكمان لو قالت لك اي دكتورة دا مثلا مشروع او اختبار والتسليم اخر الترم علىىىى طوووول ابدأي اشتغلي لو شوية شوية.
نصيحة مجرب اكلت تبن عشان أجلت بحوثي وكنت حبكي على اخر الترم من الضغط 💔🤦‍♀️.
الدكاترة اصلا ما عندنا كتير في التخصص اللي درسوني
د نجوى عبد القادر الله يسعدها مررررة طيبة وتدريسها حلو واللي تلاقيها تاخد معاها اي مادة
د اماني الثقفي أطيب منها في الجامعة مافي بس تدريسها شوية مش ولابد الترم الاول تعبت معاها بس مستحيل تظلم احد في الدرجات نصنا اخد أ و أ+
التاريخ درستني دكتورة فريدة بس مشيت من الجامعة مرررة انبسطت معاها
المواد العامة كلها ما افتكر اسماء الدكاترة
الترم التاني درستني
دكتورة شيماء محمود برضو طيبة مرة بس معايرها عالية يعني حتعيدي الشغل 100 مرة لين يعجبها او تقنعيها بشغلك بس بلطافة وذكاء، اختباراتها مو صعبة لكن لو منتي فاهمة معاها البرنامج ما حتحلي حتعطيكي مذكرة لكن ما تفرق كثير لو ذكرتيها ومنتي فاهمة البرنامج ( اغلب المواد اللي برامج زي كدا) في مادة نظري تعبت معاها وحست فالعملي معاها احسن
د رزان عرقسوس اتعب وانا اوصلها وامدحها، منظمة وفاهمة وشرح وتدريس مافي منو واختبارات سهلة وتساعدك بس تضغط يعني كل أسبوع في واجبات ومتطلبات وعندها نظام معين في تسليم الشغل وكدا
وبرضو درستني تاني د اماني و د نجوى.

بالنسبة للنصيحة لما تدخلي الجامعة وتعدي عند الأمن نزلي التنورة والبسي جاكيت وقفليه بعدين لما تدخلي عادي 😂👌🏻.

ولا تكشخي كتير في المحاضرات الطويلة البسي شي مريح.
واحسن شي تشتري شنطة ظهر.
واذا دا التخصص مرررة مهم يكون فيها جيب مخصص للاب.
وحاولي تجيبي معاكي اكل لان كليتنا مافيها ولا شي تقشف بس بقالة وبيت الدونات معدوم 😂💔.

واحفظوا الفترات الكل حيتعامل معاكم على أساسها اول ترم يكلموني ما افهم.