Future Tech Computer

K-pay ငွေမှားလွှဲမိပါက ပြန်လည်ရယူရန်
လုပ်ဆောင်ရမည့် အဆင့်ဆင့်
============================

လူတစ်ရာမှာ အနည်းဆုံးတစ်ယောက်‌တော့
ငွေမှားလွဲတတ်ကြပါတယ်။ ငွေမှားလွဲမိပါကပြန်လည်ရယူရန်👇👇👇
အကယ်၍ KPay တွင် ဖုန်းနံပါတ်မှားယွင်း၍ ငွေလွှဲမိပါကငွေပြန်လည်ရရှိရန်အတွက် အောက်ပါအဆင့်များကို စနစ်တကျ ဆောင်ရွက်နိုင်ပါတယ်။
___________

🔰 - KPay Customer Service သို့ ချက်ချင်းဆက်သွယ်ခြင်း
KPay Call Center (Customer) ၃၂၁၁ သို့ ချက်ချင်းခေါ်ဆိုပါ။
ငွေမှားလွှဲမိကြောင်း အကြောင်းကြားပြီး၊ ထိုအကောင့်မှ ငွေအသွင်း/အထုတ်များ ယာယီပိတ်ဆို့ပေးရန် တောင်းဆိုပါ။
သတိပြုရန်- KPay မှ အကောင့်ကို ယာယီအားဖြင့် ၃ ရက် သာ ပိတ်ဆို့ပေးမည်ဖြစ်ပြီး၊ ထို ၃ ရက်အတွင်း အကောင့်ပိုင်ရှင်နှင့် ညှိနှိုင်းရမည်။
၃ ရက်ကျော်ပါက အကောင့်သည် ပုံမှန်အတိုင်း ပြန်လည်ပွင့်သွားပါမည်။
Call Center မှ ပေးအပ်သော Ticket No. (သို့မဟုတ် Reference No.) ကို သေချာစွာ မှတ်သားထားပါ။
_________

🔰အကောင့်ပိုင်ရှင်နှင့် တိုက်ရိုက်ညှိနှိုင်းခြင်း
မှားယွင်းငွေလွှဲမိသော ဖုန်းနံပါတ်ပိုင်ရှင်နှင့် အဆက်အသွယ်ရယူပြီး ငွေပြန်လည်ပေးရန် ညှိနှိုင်းပါ။
အကယ်၍ အကောင့်ပိုင်ရှင်မှ ငွေပြန်လည်ပေးအပ်ပါက - ကျန်အဆင့်များကို ဆက်လက်လုပ်ဆောင်ရန် မလိုအပ်တော့ပါ။
အကယ်၍ အကောင့်ပိုင်ရှင်မှ ငွေပြန်မပေးပါက - အဆင့် (၃) သို့ ဆက်လက်ဆောင်ရွက်ပါ။
_________

🔰 တရားဝင် အကူအညီရယူခြင်း
ရဲစခန်းတွင် တိုင်ကြားစာ ရယူခြင်း-
နီးစပ်ရာ ရဲစခန်းသို့ သွားရောက်ပြီး၊ KPay မှားလွှဲမှုဖြစ်စဉ်၊ ငွေပြန်ရလိုကြောင်းနှင့် သက်ဆိုင်ရာဌာနမှ အဆင်ပြေစေရန် စီစဉ်ပေးပါရန် တောင်းဆိုသည့် ရဲတိုင်ကြားစာ (ရဲစာ) ကို ရယူပါ။
ရဲစာတွင် Transaction No.၊ Ticket No.၊ ငွေလွှဲမိသည့် အချိန်နှင့် နေ့ရက် တို့ကို အသေးစိတ် ထည့်သွင်းဖော်ပြပါ။

KPay သို့ Email ပေးပို့ခြင်း-
Call Center သို့ ဖုန်းခေါ်ဆိုပြီး KPay ၏ Email လိပ်စာ ကို တောင်းယူပါ။
ရရှိလာသော ရဲစာကို ဓာတ်ပုံရိုက် သို့မဟုတ် Scan ဖတ်၍ KPay Email လိပ်စာသို့ ပေးပို့ပါ။
ရဲစာပေးပို့ခြင်းဖြင့် KPay ဘက်မှ သင်၏ ကိစ္စရပ် ဖြေရှင်းမှု မပြီးမချင်း ဟိုဘက်အကောင့်အား ဆက်လက်၍ ပိတ်ထားပေးပါလိမ့်မည်။
_________

🔰 နောက်ဆုံးအဆင့် ညှိနှိုင်းမှုနှင့်
ငွေပြန်လည်ရရှိခြင်း
KPay ၏ ဆက်သွယ်မှု စောင့်ဆိုင်းခြင်း-
ရဲစာ ပေးပို့ပြီး အလုပ်ဖွင့်ရက် (၁၀) ရက် အတွင်း KPay Call Center မှ သင့်ထံသို့ ပြန်လည် ဖုန်းခေါ်ဆို ဆက်သွယ်ပါမည်။
ပထမဦးစွာ KPay မှ နှစ်ဦးနှစ်ဖက်ကို အချင်းချင်း ပြန်လည်ညှိနှိုင်းရန် တိုက်တွန်းပါလိမ့်မည်။
ဘဏ်/KPay Center သို့ သွားရောက်ခြင်း (ညှိနှိုင်းမရပါက)- ယခုအဆင့်ထိတိုင် ညှိနှိုင်းမှု အဆင်မပြေပါက၊ နီးစပ်ရာ KPay Center ရှိသော ဘဏ် သို့ သွားရောက်ပါ။ ဖြစ်စဉ်အလုံးစုံကို ပြောပြပြီးနောက်၊ ထိုဘဏ်မှနေ၍ Call Center သို့ ဖုန်းခေါ်ကာ အဖြစ်အပျက်ကို သူတို့ချင်း ပြန်လည်ပြောဆို စေပါ။ ငွေ Auto Reversal ဖြင့် ပြန်လည်ဝင်ရောက်ခြင်း- အပြီးသတ် ညှိနှိုင်းမှုများ ပြုလုပ်ပြီးနောက်၊ ၄ ရက် အတွင်း ငွေသည် သင့်အကောင့်သို့ Auto Reversal စနစ်ဖြင့် ပြန်လည် ဝင်ရောက်လာပါမည် ငွေထုတ်ယူခြင်း- Reversal ငွေ ပြန်ရောက်ပြီးပြီးချင်း ထိုငွေကို KPay အက်ပ်မှတစ်ဆင့် လွှဲပြောင်းခြင်း၊ ထုတ်ယူခြင်း ပြုလုပ်၍ မရနိုင်သေးပါ။
အားလုံးပေါင်း ၃ ပတ် ခန့် ကြာပြီးနောက် ငွေပြန်ဝင်လာနိုင်ပါတယ်။ ငွေပြန်ဝင်ရင်လည်း ချက်ချင်းထုတ်မရသေးဘဲ ဖောင်ဖြည့် ရပါမယ်။ ကိုယ်တိုင်ကြုံလာရင် အဆင်ပြေစေဖို့ Share ထားသင့်ပါတယ် လုပ်ဆောင်ရမယ့်အချက်တော့များတယ်ရှင့် ငွေပမာဏနည်းရင်တော့ ကိစ္စမရှိပေမယ့် စီးပွားရေး-အကြီးစား-သမားတွေ မှားသွားခဲ့ရင်၊ ပြန်လည် အဆင်ပြေနိုင်အောင်
ဒီနည်းလမ်းလေးနဲ့ ပြန်လည်မျှဝေပေးလိုက်ပါတယ်နော်..အားလုံးပဲ အဆင်ပြေကြပါစေရှင်🥰🥰
အခြားသူတွေလဲသိရအောင်များများ Share ပေးပါ။
#hein_min_soe
#နည်းပညာ #technology
#kpay

1.88K viewsU Hein Min Soe, 16:18