⚽️⚽️ Суперлига-2025. Биринчи даврада мураббийлар томонидан айтилган фикрлардан сара иқтибослар

🎙 Ҳозирда одамлар футболга қизиқмай қўйдими? Бу борада фикрим бор, аммо буни ўртоқлашмайман.
🎙 Вазиятни ўнглаб олиш ва хулоса қилиш учун бир маротаба 0:4 ёки 0:5 ҳисобида мағлуб бўлган яхши.
🎙 Рўзиқул Бердиев мени нима учун мақтади? Эҳтимол, уни 10 йилдан бери юта олмаганим учун бўлса керак.
🎙 Менга бир мураббийим айтган эди: "Мағлуб бўлмайдиган жамоа яратиш учун ҳимояланишни билиш керак, аммо ғалаба қозонадиган жамоа бўлиш учун ҳужум қилишни билиш керак".
🎙 Битта муҳим нарса бор: барчаси ўйинчиларга боғлиқ, президент ёки кимгадир эмас.
🎙 Мен VAR'ни тушунмайман, тўғриси. Бир ўйинда бошқача талқин қилинади, иккинчисида эса умуман бошқача. Қоидаларда адашиб кетганман.
🎙 Стадион ходими ёки Миллий гвардиями ким, билмадим. Аммо менга тегмасликларини хоҳлардим. Бу футбол, эмоция, ҳаммаси шу ерда қолади. Мени ўғлим ва қизим кузатади, улар мени қандайдир жиноят қилган деб ўйлашлари мумкин. Энди уни уйга борганда тушунтиришим керак. Бу биринчи марта эмас, илтимос қиламан. Ҳеч қандай ёмон нарса қилганим йўқ.

БАТАФСИЛ: https://championat.asia/t/t09lN00q

@championatasia

Ғиштдан дарвоза қуриб ўйнаган, "Атлетико" майдонида энг яхши футболчи деб топилган ҳамда Роналдудан жарима зарбаси тепишни ўрганган "Пахтакор"нинг янги легионери билан яқиндан танишамиз

Бир куни мураббий ўйинимизни кузатди ва менга: "Эртага соат 6 да машғулотга кел", деди. Мен тушдан кейин соат 5 да ташриф буюрдим, лекин майдон бўм-бўш эди, у ерда фақат битта бола – маҳалладош дўстим бор эди. "Соат 5 да келдим, ҳеч ким йўқ-ку" дедим. У: "Машғулот эрталабки 5 да бошланади", деди. Мен ҳайрон бўлиб: "Эрталабки 5 да? Ҳеч ким ақлдан озмаганми?" дедим...

👉 Батафсил: https://championat.asia/uz/news/386158

@championatasia

Илк ўйинида уйига йиғлаб кетган, 15 ёшида терма жамоада дебют қилган ҳамда самолётда шуғулланган "Нефтчи" ҳужумчиси Сильванус Нимели билан яқиндан танишамиз

🔹Уйга тиззаларим шилиниб, қонталаш бўлиб қайтардим. Чунки ерда, асфалтда, тош ва қумлоқ ерда оёқяланг тўп тепардик. Онам эса аҳволимни кўриб, йиғларди.
🔹Роналду ва Месси ҳақида баҳс бошланиши билан мен ҳам шиппакларимни ечаман...
🔹Уруш бизга ҳаётни қадрлашни, бир-биримизга ғамхўрлик қилишни ўргатди...
🔹Уйга борганимда, онамнинг биринчи қиладиган иши сумкаларимни олиб, ўзининг хонасига бекитиб қўйиш бўлади.
🔹Фаолиятимда илк бор бутун ҳафта давомида шуғулландим, ўйинга тайёрландим, баҳс учун бошқа шаҳарга учиб келдим, ўйинолди машғулотни ўтказдим, стадионга келдим ва кийим алмаштириш хонасида либосим йўқлигини билдим.

Батафсил: https://championat.asia/t/Y8NXjv3Y

@championatasia

Равшан Эрматов билан дуч келган мундиалда майдонга тушиш учун пул тўлаган, "Атлетико Мадрид" либосини кийган ҳамда Арманистонда рекордлар қайд этган "Насаф"нинг янги легионери билан яқиндан танишамиз

Шунингдек, у Европа Конференциялар лигасининг 2022/23 йилги мавсумида гуруҳ босқичининг энг чиройли голига муаллифлик қилган.

👉 https://championat.asia/t/XFS5V5iK

@championatasia

Машинани эмас, ҳайдовчини алмаштириш керак

Йил аввалида "Янги Фарғона" газетасида "Нефтчи"ни Ўзбекистоннинг "Манчестер Юнайтед"ига қиёслашганди. Ўхшатиш ҳозирги МЮга нисбатан бўлса, фикрга қўшиламан.

👉 https://championat.asia/t/IGMhdaJz

@championatasia

11 август куни "Пахтакор-79" фожиасига 46 йил тўлди. Сайтимиз журналисти Оқил Абдубарноев мазкур воқеага назмий муносабатини билдирди.

“Пахтакор-79” хотирасига

Қушлар қоқади қанот
Тошкентнинг осмонида.
Эшитилар оҳ-фарёд
“Пахтакор” майдонида.

Қушлар қайтади бир кун
Сафларини бузмасдан.
Кўкка термуламан мен
Умидимни узмасдан.

Дили оғримасин деб,
Ҳеч ким ростин айтмайди –
“Пахтакор” самолёти
Энди ортга қайтмайди.

Кўз ўнгимда гўёки
Қад кўтарар тирик жон.
Юлдуз футболчи асли
Самони айлар макон.

Ўғлонлар эрта кетди,
Шижоати сўнмасдан.
Бири ёш куёв, бири
Чимилдиқни кўрмасдан.

Бирида – мўрғак ўғил,
Бурунчаси пиқирлар.
Билмайди у... билмайди...
Ҳар куни эшик пойлар.

Энди дийдорлашишнинг
Бўлмайди ҳеч фурсати.
Қўлида падарининг
Кулиб турган сурати.

Отасининг жамоасин
Эслаб қолган у зукко.
Сўлакчасин оқизиб,
Шивирлайди: “Па-та-ко...”

Тилга киради сурат:
“Йиғламагин, жужуқча.
Қаерда бўлмагин, мен
Ҳамиша ёнингдаман.

Отангнинг руҳин шод қил,
Кўрсат матонатингни.
Бошингни баланд кўтар,
Ғоз тутгин қоматингни!..”

Муштипари дод солар,
Бағрида ҳўл ёстиғи:
“Сенинг ўрнингга, мана,
Мен ўлсам бўлмасмиди...”

Учаётган қушларга
Она пичирлар ғамгин:
“Куликово даштига
Нолаларим етказгин...”

Шикастланган Исоқов
Кўкка паришон боқар.
Кўзларига қўшилиб,
Оёғидан ёш оқар.

Дер: “Оёқ-ку, тузалар,
Аммо етишмас ҳаво.
Қалбда қолган чандиққа
Топиб бўлмайди даво...”

...Қушлар қоқади қанот
Тошкентнинг осмонида.
Эшитилар оҳ-фарёд
“Пахтакор” майдонида.

Қушлар қайтади бир кун
Сафларини бузмасдан.
Кўкка термуламан мен
Умидимни узмасдан.

Дили оғримасин деб,
Ҳеч ким ростин айтмайди –
“Пахтакор” самолёти
Энди ортга қайтмайди.

Бугун улғайган ўғил,
Сочларига ёққан қор.
Фарзандига отасин
Эслатар такрор-такрор.

Бобосининг жамоасин
Ёд олган жажжи зукко.
Сўлакчасин оқизиб,
Шивирлайди: “Па-та-ко...”

Улар кўзлаган йўлни
Авлодлари забт этар.
Мамлакат ўғлонлари
Дунёни зир титратар.

Узоқлашмайди биздан,
Қалбимизда сийрати.
Акс этар юлдузларда
Кулиб турган сурати.

Тилга кирар юлдузлар:
“Таслим бўлма ҳеч қачон.
Қаерда бўлмагин, мен
Ҳамиша ёнингдаман.

Аждодлар руҳин шод қил,
Кўрсат матонатингни.
Бошингни баланд кўтар,
Ғоз тутгин қоматингни!”

Оқил Абдубарноев
2024 йил

👉 https://championat.asia/uz/news/371385

@championatasia

Бенту қўлдан чиқди, навбат Гжегож Бржэнчшчикиевичга

Ўзбекистон терма жамоасига янги бош мураббий тайинлаш борасидаги барча воқеаларни қайнона-келин мавзусидан ўзлари ҳам зериккан режиссёрларга сериал сифатида таклиф қилса бўлади. Африка об-ҳавосидан қолишмаган ёз фаслидан буён деярли ҳар ой картинада янги қаҳрамон пайдо бўлмоқда ва қизиқ жойига келганда, чекинмоқда. Тимур Кападзени эса Форрест Гамп сифатида гавдалантириш мумкин.

👉 https://championat.asia/t/6XxK86Om

@championatasia

🇺🇿🇮🇹 Ўзбекистоннинг италиялик таҳлилчиси Каннавародан таклиф, "Squadra Azzurra"нинг муваффақиятсизлиги ҳамда U-17 жаҳон чемпионати нимчорак финали ҳақида гапирди

💬 Мен Фабио Каннаваро томонидан Дубайдаги турнир учун таклиф қилинганман.
💬 Италия ўз обрўсини йўқотмаган деб ҳисоблайман; бизда ҳали ҳам дунёнинг энг яхшиларидан бири бўлган мураббийлик мактаби бор ва беш йил олдин Европа чемпионлигини қўлга киритганимизни унутмаслик лозим.
💬 Шубҳасиз, Италия ва Ўзбекистон ўртасида ажойиб беллашув гувоҳига айланамиз. Ишончим комилки, навбатдаги босқичга йўл оладиган жамоа қаттиқ тер тўкишига тўғри келади.

👉 https://championat.asia/t/ryBp0vKJ

@championatasia

Суперлига-2025. Мавсум давомида мураббийлар томонидан айтилган сара фикрлар

🎙 Футболда "юлдуз" футболчилар бор ва "юлдуз" жамоалар бор. "Юлдуз" футболчилар майдонга деярли югуришмайди. Шундай "юлдуз"ларни нима қилиш керак?
🎙 Агар "Нефтчи" чемпион бўлса, қаҳрамонларни майдондан излаш керак эмас. Улар майдон ортида бўлади.
🎙 Майдонда пул футбол ўйнамайди, футболчилар футбол ўйнайди.
🎙 Каннаваро таклифига "D’accordo" дея оламанми? Бу саволга жавоб беришим қийин.
🎙 Четдан келаётган кўп легионерлар Ўзбекистонда пиёда юриб футбол ўйнайман, деб ўйлайди.
🎙 Қандай қаршилик ҳақида гапиряпсиз? Биз ўзимизга ўзимиз бешта гол олиб келдик. Агар ҳассага таянган кампир майдонга чиқса ҳам олтита гол урарди.
🎙 Футболда ҳар доим ҳам икки карра икки тўрт бўлавермайди.
🎙 Мана, нечанчи ўйиндирки, ҳакамлардан азият чекяпмиз. Ҳакамларни деб очко йўқотяпмиз.
🎙 Вилоят ҳокими келаси йил совринлар ютадиган жамоа тузилишини, бу борада ёрдам беришини айтди ва вазифа қўйди.

👉 БАТАФСИЛ: https://championat.asia/t/t09lN00q

@championatasia

🌎 Мундиал тарихи. Футболчи сувга тушиб кетган, майдон четидаги полиция голли узатма берган ҳамда мураббийлар ҳакамлик қилган илк жаҳон чемпионатини ёдга оламиз

🔹Терма жамоалардан бирининг таркибини мамлакат қироли тузган;
🔹Баъзи ўйинларда катта жанжал содир бўлиб, қонли тўқнашувга айланган;
🔹Чемпион сафида бир қўлидан айрилган футболчи ўйнаган; жамоанинг асосий дарвозабони эса аёллар билан кўнгилхушлик қилгани учун мундиалдан четлатилган;
🔹Финал олдидан ҳуқуқ-тартибот органлари 1600 та тўппончани мусодара қилган.
🔹Ҳал қилувчи ўйиннинг биринчи бўлимида бир жамоа, иккинчи бўлимида рақиб жамоа тўпидан фойдаланилган.

👉 https://championat.asia/uz/news/392065

@championatasia