មជ្ឈមណ្ឌល FTC ផ្តល់ការគាំទ្របច្ចេកទេសដល់សិប្បកម្មក្នុងស្រុក ដើម្បីលើកកម្ពស់គុណភាព និងនវានុវត្តន៍ផលិតផល
-----------------

រាជធានីភ្នំពេញ ថ្ងៃទី២២ ខែកក្កដា ឆ្នាំ២០២៦៖ មជ្ឈមណ្ឌល FTC បានផ្តល់ការគាំទ្រផ្នែកវិភាគគុណភាព និងសុវត្ថិភាព ក៏ដូចជាប្រឹក្សាយោបល់លើលទ្ធផលវិភាគ ដល់ "សិប្បកម្មផលិតគ្រឿងទេសបួសខ្មែរ Hsama Food និង ភ្នំពេញគុយទាវអនាម័យ ហ៊ុយ លាង 1980" ក្នុងគោលបំណងលើកកម្ពស់គុណភាពផលិតផល ជំរុញនវានុវត្តន៍ និងពង្រឹងសមត្ថភាពប្រកួតប្រជែងរបស់សហគ្រាសធុនតូច និងមធ្យម (SMEs) នៅកម្ពុជា។

ការគាំទ្រនេះ មិនត្រឹមតែជួយដោះស្រាយបញ្ហាប្រឈមផ្នែកបច្ចេកទេសរបស់សហគ្រាសប៉ុណ្ណោះទេ ប៉ុន្តែថែមទាំងរួមចំណែកជំរុញនវានុវត្តន៍ លើកកម្ពស់ស្តង់ដារសុវត្ថិភាពម្ហូបអាហារ និងពង្រឹងសមត្ថភាពប្រកួតប្រជែងរបស់ផលិតផលកម្ពុជានៅលើទីផ្សារ ប្រកបដោយចីរភាព។
-----------------
Social Media:
https://ftc-prject.vercel.app
#MISTI #NISTI #GDSME #STINL
#FTC #Foodprocessing #CambodiaFoodIndustry

[English Below]
-----------------

មជ្ឈមណ្ឌល FTC គាំទ្រសហគ្រាសក្នុងស្រុក ឆ្ពោះទៅរកការលើកកម្ពស់គុណភាព និងនវានុវត្តន៍ផលិតផល

នៅថ្ងៃទី២៨ ខែកក្កដា ឆ្នាំ២០២៦ មជ្ឈមណ្ឌល FTC បានគាំទ្រសហគ្រាស «សំបុកត្រចៀកកាំ វឌ្ឍនៈ» ក្នុងការសាកល្បងប្រើប្រាស់ម៉ាស៊ីន «Retort Sterilizer» សម្រាប់សម្លាប់មេរោគលើផលិតផល «ទឹកត្រចៀកកាំ» ដែលវេចខ្ចប់ក្នុងដបកែវ។

ការសាកល្បងនេះមានគោលបំណងជួយពន្យារអាយុកាលផលិតផល ដោយមិនចាំបាច់ប្រើប្រាស់សារធាតុរក្សាទុក ព្រមទាំងធានាបាននូវគុណភាព និងសុវត្ថិភាពសម្រាប់អ្នកប្រើប្រាស់។

បន្ទាប់ពីបញ្ចប់ការសាកល្បង សហគ្រាសគ្រោងនឹងបន្តកែសម្រួលលក្ខខណ្ឌផលិតកម្ម និងអភិវឌ្ឍផលិតផលឱ្យស្របតាមស្តង់ដារគុណភាព ដើម្បីត្រៀមខ្លួនពង្រីកការចែកចាយទៅទីផ្សារ។

មជ្ឈមណ្ឌល FTC នឹងបន្តគាំទ្រ ជំរុញ និងលើកទឹកចិត្តដល់សហគ្រាស និងអាជីវកម្មក្នុងស្រុក ក្នុងការអភិវឌ្ឍផលិតផលប្រកបដោយគុណភាព សុវត្ថិភាព និងនវានុវត្តន៍។

-----------------
Social Media:
https://ftc-prject.vercel.app
#MISTI #NISTI #GDSME #STINL
#FTC #Foodprocessing #CambodiaFoodIndustry

មជ្ឈមណ្ឌល FTC រៀបចំកិច្ចប្រជុំបូកសរុបលទ្ធផលការងារប្រចាំឆមាសទីមួយ ក្នុងឆ្នាំ២០២៦ និងទិសដៅការងារឆ្នាំ២០២៧

រាជធានីភ្នំពេញ ថ្ងៃទី៣០ ខែកក្កដា ឆ្នាំ២០២៦ — មជ្ឈមណ្ឌល FTC បានរៀបចំកិច្ចប្រជុំបូកសរុបលទ្ធផលការងារប្រចាំឆមាសទីមួយ ក្នុងឆ្នាំ២០២៦ និងទិសដៅការងារឆ្នាំ២០២៧ ក្រោមអធិបតីភាព ឯកឧត្ដម ហុង រ៉ាដា អនុរដ្ឋលេខាធិការ នៃក្រសួង ឧ.វ.ប.ន. និងជាប្រធានគម្រោង។

កិច្ចប្រជុំផ្ដោតលើចំណុចដូចខាងក្រោម៖
១. បូកសរុបសមិទ្ធផល និងវឌ្ឍនភាពការងារដែលសម្រេចបាន
២. ពិភាក្សាលើបញ្ហាប្រឈម និងដំណោះស្រាយ
៣. ទិសដៅផែនការការងារឆ្នាំ២០២៧។
-----------------
Social Media:
https://ftc-prject.vercel.app
#MISTI #NISTI #GDSME #STINL
#FTC #Foodprocessing #CambodiaFoodIndustry

[English Below]
-----------------

មជ្ឈមណ្ឌល FTC គាំទ្រសិប្បកម្មក្នុងស្រុក ឆ្ពោះទៅកាន់ការផលិតប្រកបដោយគុណភាព និងនវានុវត្តន៍

នៅថ្ងៃទី៣០ ខែកក្កដា ឆ្នាំ២០២៦ មជ្ឈមណ្ឌល FTC បានគាំទ្រសិប្បកម្ម អ៊ែមភល អាហ្គ្រោ ក្នុងការសាកល្បងប្រើប្រាស់ម៉ាស៊ីន Colloid Mill Machine សម្រាប់ផលិតទឹកដោះចន្ទី។

ការសាកល្បងនេះជាជំហានសំខាន់ក្នុងការផ្លាស់ប្តូរពីការប្រើប្រាស់ម៉ាស៊ីនក្រឡុកតាមផ្ទះ ទៅរកបច្ចេកវិទ្យាផលិតកម្មដែលមានសមត្ថភាពផលិតបានក្នុងបរិមាណកាន់តែច្រើន និងមានគុណភាពស្របគ្នា។

ជំហានបន្ទាប់ សិប្បកម្មនឹងបន្តសាកល្បងម៉ាស៊ីន និងកែសម្រួលរូបមន្ត ដើម្បីបង្កើតរសជាតិដែលមានគុណភាព និងឆ្លើយតបតម្រូវការទីផ្សារ។

មជ្ឈមណ្ឌល FTC បន្តរួមចំណែកគាំទ្រសហគ្រាស និងសិប្បកម្មក្នុងស្រុក ក្នុងការអភិវឌ្ឍបច្ចេកវិទ្យាផលិតកម្ម លើកកម្ពស់គុណភាពផលិតផល និងជំរុញនវានុវត្តន៍។

-----------------
Social Media:
https://ftc-prject.vercel.app
#MISTI #NISTI #GDSME #STINL
#FTC #Foodprocessing #CambodiaFoodIndustry