كـ صيادلة شنو نسأل المريض لما يجينا عنده بواسير ؟

الاسئلة تكون كالتالي :

1 صارلها شكـد الاعراض ؟
اذا فوك ال3 اسابيع يحال الى الطبيب مباشرة .

2 نحاول ننعرف الدرجة مال البواسير
اذا كال اني ارجع النتوء بأصبعي فهنا يا اما 3rd او 4th
فـ يحال للطبيب افضل
لأن هاي الدرجات ممكن تسبب تجلط بالدم Thrombosis .

3 نسأل عن الالم
اذا كان قوي وما يحتمل فـ نحيله لطبيب
لأن ممكن يكون شق شرجي
Annal fissure
معليكم بالحالة المهم تحيلونه لطبيب

4 نسأل اذا اكو دم ـ نحيله للطبيب

5 عندك اعراض ثانية ؟
اذا كال عندي صخونه
او عندي تقيؤ والم بالبطن
فـ نحيله للطبيب .

6 نسأل اذا دياخذ ادوية
ممكن ياخذ دوا يسبب امساك وهذا بدوره راح يدهور الحالة لذلك لازم تتوقف جميع الادوية اللي تسبب الامساك .

قبل لنفوت للأدوية 💊
كصيدلاني مسموحلك تعالج فقط اسبوع واحد
اذا ما اتحسنت الاعراض فتحيله لطبيب

الادوية راح تكون بشكل تحاميل او مراهم او كريمات .

طبعا قبل ذني ننصحه ياكل اكل بي الياف حتى يقلل الامساك اذا جان عنده وايضا يشرب سوائل هواية ويتجنب الاكلات الدسمة ويحاول يسوي رياضة
ويقلل وقت جلوسه بالحمام .

ايضا اكو طريقة انو يكعد المريض بمي دافي كطريقة حتى تهدأ اعراض الحكة والالم الي بالشرج .

التحاميل ننطيها اذا جان البواسير داخلي .
اما الكريمات والمراهم فيصير ننطيها للحالتين(داخلي وخارجي)

طبعا اذا داخلي فنخلي المرهم او الكريم بapplicator يدخل بالشرج لسهولة الوصول للمنطقة الهدف .

هسه الادوية بشكل عام حتكون مزيج من اكثر من مادة .
لذلك راح نوضح كل مادة شنو دورها حتى تفهمون فائدة العلاج اول ما تشوفون مكوناته .

نقسم العلاجات الى ما يلي :-

1 Anesthetic :
يعني مادة مخدرة وفائدتها تقلل الالم والحكة
Pain and itching
شنو هيه هاي المواد ؟
Lidocaine
benzocaine
Cinchocaine


2 Astringents
هاي مواد تشد الجلد
وترسب البروتينات وتسوي غطاء على البواسير وحتقلل الحكة والالم .

مثل شنو هاي المواد ؟
Bismuth
Zinc oxide
Peru Balsam

3 Anti-inflammatory
مواد تقلل الالتهاب والتورم
كذلك تقلل الالم والحكة
مثل شنو هاي المواد ؟
Hydrocortisone (OTC)
Fluocinolone (not OTC)

4 Protectants
تسوي حاجز على الجلد وتمنع التهيج وتحفظ الرطوبة وهيج راح تقلل الحكة

مثل شنو هاي المواد ؟
Zinc oxide
Calamine

5 Antispetic
مادة مطهرة
مثل شنو ؟
Resorcinol

6 Counter-irritants
مادة تنطي شعور يخلي المريض مثل الي ينسى الالم او الحكة
يعني يغطي على ذني الامور
مثل شنو ؟
Menthol

7 Vasoconstricto
ننطي مواد موضعية تسوي توسع بالاوردة وهيج نزيد الblood flow للمنطقة
مثل شنو ؟
Diltiazem
Nifedipine
هل استخدامهن مصرح بيه ؟
لا Off lable

Proctocinolone
هذا بي اربع مواد
Fluocinolone
acetonide
Lidocaine
Bismuth subgallate
Menthol
كلهن شرحنا شغلهن .
متوفر بشكل مرهم وتحاميل
Ointment
Suppositories

ميصير ننطيهن للحامل والمرضع .
طريقة اعطائه :
1 التحاميل مرتين
2 المرهم مرتين او 3 مرات

طبعا هذا العلاج لا يصرف إلا بوصفة طبية .