حبايبي هناك حنزللكم قصة اريد الكل هنا وربي 😘 دا انشر بل قناا ستوريات وقصص دخلو
https://t.me/ko0r5ko0r5

قصة سناد ﴿ بذره امل اليتيمه ﴾ حقيقيه 🍂-


بارت 1 شاركو القصه مع اصدقائكم

جالسة قرب نافذتي وأنضر الى قطرات المطر التي تسقط ؤأنضر إلى البوم صور العائلةاتمعن النضر بصورة والدي...
أبي،،،
نعم انه أول عشق في قلب الفتاة احببته دون ان اراه توفي وانا في عالم الارحام ولدت بعد وفاة والدي بخمسة أشهر...
انا الفتاة الاصغر بالعائلة الحزينة...
اسمائنا على وزن واحد مثل ما أختارها الوالد
اسمي سناد...
اخي جهاد...
أختي سعاد...
كان الوالد حاس انوا ما راح يشوفني حسب ما سولفت الي اختي سعاد

الأب،،،

سلوى اني حاس ما راح اشوف هذا الطفل واو الطفلة لان قلبي يكلي هذه بنية وما اأريد تغيرين اسمها الي أختاريته الها
سلوى،،،
حطت ايدها على حلكه كالت اله لاتكول هالحجي مصطفى أن شاء الله تعيش وتربيهم وتشوف احفاد أحفادهم وترجع لي بالسلامة تدري أموت وراك أني...

صحاها من ذكرياتها ابنها محمد ماما ماما،،،
زيد ما يقبل يلون الرسمة وياي هسة حبيبي اني وياك وزيد نلون...
كانت سناد...
كل ما تدخل لغرفتها تسترجع ذكرياتها ويه عائلتها...
سناد،،،
كان عمري ٦ سنوات وتوفت والدتي اذكر البيت يخنك من كثر الناس الموجودة وبيبيتي شاكة ثوبها من يم الصدر....
وختالاتي يبجن ويلطمن واني مثل كل طفل ساعة اروح اشتري والعب وساعة اجي أبجي بحضن سعاد،،، @iq_gril
الي حالها اتعس من بيبي وخالاتي أجيت شبكتها وكمت ابجي كتلها سعاد يعني بعد ما أشوف ماماخلص وكمت أشهك وهيا هم كامت تبجي وصيح وينج يمة تعالي شوفي بنيتج تسأل عليج،،،،،

جرتني لحضنها وطمنتني انها حتكون الي الام

وفعلا من ذيج اللحضة سعاد...
صارت الي أم
وجهاد...
صار اب الي رغم صغر سني لكن أذكر حنان أمي وعطفها علينا..
يمة وينج؟
حبيبة يا أم كلب الحنين❤️
يا حبيبة وينج؟
صدك رجتي وما تجين☹️
يمة مختنك وانتي الهوى😭
يمة شيطيب الجروح!
يمة اذا ما نكعد سوا !
يمة مشتاك لضحكتج!
يمة أرجعي على بختج😢
يمة وينج؟
يمة يا ام كلب الحنين❤️
صدك رحتي وما تجين☹️
خلصت أيام الفاتحة وكلمن رجع لبيته...
اجت خالتي تلي مأخذه عمي وسكنت ويانه وهذا أول شي صار بمصلحتهم،،،،
اني سامعة اذا راحت الامهات عليكم بالخالات وما شفت هالشي....

يتبع...

قصة سناد ﴿ بذره امل اليتيمه ﴾ حقيقيه 🍂-


بارت 2 شاركو القصه مع اصدقائكم

سناد....
كانت خالتي عدها ٣ اطفال   اثنين اولاد وبنية...
الولد الاصغر الها كان اكبر مني بسنة بس...
أشوف خالتي شلون تتعامل ويه اولادها بعطف وحنان....
واحنه اي كلمة طيبة ماكو...   أضافة إلى انوا ابنها الاكبر مني  سرمد....
شكد كان يأذيني يعني يراويني الالعاب الي يجيبهم أبو الي هو عمي...
ويكلي انتي ماعندج ام واب يجيبولج..
أنقهر وابجي تسحبني سعاد  وتحضني وبدموعها وياي.....
تواسيني وتكول سناد....
ما اريد اشوف دموعج اريد قوية وسند  اني اكون الج اب وام وكل شي....
تكعد سعاد....
تسولفلي شلون من جنت زغيرة جهاد مداريني...
يشد الكماط برجله والجهة الخ بالكاروك ويضل الليل  كله يهز حتى ما تبقين تبجين...
الممة هو يرضعها الي
فعلا من وعيت لهل الدنيا كان...
جهاد.....
كان الحارس الامين النا ومايثبل احد يجرحنا  كلام أو بفعل...
سناد....
كاعدين اني وسعاد.... سعاد تدرس   سمعنا خالتي تصيح  سعاد سعاد...
وطرم تعالي نضفي الطارمة ...
ردت عليها سعاد....
خالة... والله نضيفة البارحة منضفتها وعندي أمتحان...
سناد...
خالتي ضربتها كف وةالت الها لا جاوبين  تردين تصيرين دكتور ة بت سلوى...
اخذت ادوات التنضيف وصارت تنضف وتبجي بحركة والله البارحة نضفتها شسوي لورق الشجر.....
بهل الاثناء دخل اخوية جهاد وشاف سعاد تبجي.....
سألها عن السبب رغم هو متأكد منو وراء هل الدموع...
أخذ ادوات التنضيف وصار يتضف بمكانه....
سناد أباوع اله وأشوفه شلون ينضف بمكان أختي سعاد   واكول الله لا يحرمنا
  منك.....
أبتسم الي بعد ما خلص  وراح لخالتي   وكال الها انتي بأي  حق تضربيها
عمي كان موجود اجه لاخوية جهاد وضربه وكاله شنو يعني خالتهن وتربيهن
هههههه بدل ما يدافع عنه  هو يضرب جهاد....
مرت الايام بنار الاشتياق والفقد لاكبر سند للانسان بحياته الام والاب.....
جنت اكوم واكعد اسمع كلمة بومة فكر....
قبل لا تجي كرفت أبوها ومن اجت كرفت أمها   هل الكلمة صارت جزء من يومي دائما اسمعها....
انقهر وابجي والوذ لاماني أخي جهاد.....
الي جنت مدلعته بشبوشي
أو لاختي سعاد.....
هالشخصين لو شما أكول عنها وشأوصفهم قليل بحقهم
  عرفنا محد النا غير بعضنا لازم نتكاتف
ونكمل مسيرة حياتنا....

  سناد.......
تسجلت بالمدرسة وجنت بقمة. فرحي  لبستني سعاد....
ملابس المدرسة ومشطتلي وخلتلي شرايط  وشلت جنطتي ورحت للمدرسة....
دخلت للمدرسة ما استغربت وبجيت مثل الاطفال  دخلت فرحانة  بنفسي...
وبالكتب  والدفاتر والقرطاسية الي سلموهن الي....
واني قبل دخولي للمدرسة جهاد... علمني حروف وأرقام   وحتى الحروف والارقام الإنكليزية جان يأخذني ابايسكله يفرني وطول الطريق نحسب ونحفظ
سناد....
اخوية جهاد ترك المدرسه وصار  يشتغل حتى ما نحتاج أحد.... اختي سعاد صارت بالمتوسطة...
رغم راتب ابوية بس ما نشوف شي منه كله بأيد عمي وخالتي
كانت خالتي كل يوم تريد تبطل أختي سعاد  بس جهاد وكف الهم مثل العضمة بالبلعوم وكال الها ما  أبطلهن ابد هو اني ليش تركت غير  حتى اوصلهن الدراسه سند الهن وسلاح بأيدهن....
لمن اموت  عود ذيج الساعة تكدرون تبطلوهن +
  رغم زغيرة بس افهم بداخلي ضحكت يعني بنتها حلال داوم....
سناد...
سمر بنت عمي جدا مغرورة تحس نفسها هيا اعلى  وأفضل منا....
شكد حاولنا اني وسعاد....
نتقرب منها ونصادقهالكن هيا ما تقبلتنا تركناها هههه منو امها وأخوانها...
طلبوا جهاد للخدمة العسكرية خفنا اني وسعاد....
شلون حنفاركه خالتي راح تأذينا هواي...
اني احس شي انسلب مني....
اني أخاف من الفقد لاني مجربته  وما اكدر اخسر بعد...
دعيت الله يحفضه النا  شكد بجيت بيوم الي راح لكن هو كالعادة يطمني
بكلامه و بعيونه  وبحضنه و أحتوائه الي...
ابن عمي دائما يسوي مشاكل وتوكع براسي....
واني انضرب  واشوفه يضحك عليه  من انضرب  وازيد حقد وكره عليه  اتمنى اضربه  وأخذ حقي منه....
أشوف أختي سعاد خطية تنام بالليل مرهقة لان شغل البيت والدراسة  ف تتعب...
كانت هاي ضريبة بقائها بالمدرسة   وطبعا سمر....
الأميرة النائمة  ما تحرك الورد ودرجاته من سيء الى أسوء...
اللهم لا شماته  مو هاي الي تصيح خالتي راح تصير دكتورة...
تسولف للجيران وأهل المنطقة  انوا هذا بيتها ولان احنه يتامى مشفقة علينه ومكعدتنا عدها.....
عجيبة الناس  مصدكيها هههه..
مو انتو تدرون هذا البيت النه و بعد وفاة أمي وأبوية  انتقلوا يمنه    صرت أكره خالتي  كذابة وقاسية وتعاملنه بجفى بس صارت تحسب حساب لجهاد من  موجود ما تأذينا ومن يروح طلع القضى والمضى احنه ما نسولف الجهاد نخاف من المشاكل...
مشت الايام واني وصلت صف خامس ابتدائي قبل  وسعاد الحمد لله دخلت الاعدادية...
وبيوم راجعة من المدرسة   اليوم ينزل جهاد من الدوام ويأخذني لمدينة الالعاب  ويجيبلي كلشي أحبه   من وصلت البيت تفاجأت بيبيتي وخالاتي  موجودات يمنا  ...
بداخلي كلت شنو ذكروا عدعم أولاد اخت  وأجوا يسألون علينه مديت رأسي من المطبخ شفت سعاد بالمطبخ هلو سو سو... شفته حزينة ومثل الباجية كالت هلو يا عمري روحي بدلي حتى  تتغدين وتكملين واجباتج...
مشيت من يم باب الاستقبال وسمعت شي خلاني انصعق....

يتبع....

قصة سناد ﴿ بذره امل اليتيمه ﴾ حقيقيه 🍂-


بارت 3 شاركو القصه مع اصدقائكم

سناد....
جنت اريد اروح للغرفة ابدل وسمعت أخوالي وبيبتي يسولفون +
اخوية جهاد.. . أثناء ما منتقلة وحدتهم مكلوبة بيهم السيارة ومشكوك حلكه ومتكسر ومكسور عضم الترقَة عند وهذا العضم مايجبر...
اني سمعت واني عطت عيطة وانغمه عليه حسيت واني بخضن أختي ومقربة مني العطر وتغسل وجهي من صحيت دخلت بنوبة بكاء وصورت اليوم الي توفت بي أمي الله يرحمها....
هدأتني سعاد... وشربتني مي وضلت حاضنتني أحس رَحي هدأت...
وأصريت اروح وياهم للمستشفى اني وسعاد...
طلعنه من الصبح هذا أذا نمنه من أصله... رحنا مستشفى الرشيد العسكري وأشوف أخوية ونور عيوني ملفلف كله شاش وصوندات مشكليهن بجسمه بصراحة أول مرة اشوف مريض بهل الشكل....
قبل جنت أتوقع المريض بل المستشفى بس نايم على سرير وجنت أتوقع هاي بادزفلا والمسلسلا كذب....

دخلت وعيوني تبجي وأضحك بنفس الوقت تبجي على شوفت سندي هيج صاير بي... وأضحك لان لكيته عايش....

... هو مد ايده وصاحلي رغم سودة عليه اديه مشدودة دنيت عليه وخفت ارتمي بحضنه خفت عليه.....
كلي تعالي بنيتي تعالي يمي ولاتبجين ترى اذا بجيتي بعد ما أخليج تصيحيلي بشبوشي وما أشيلج على متوني
أه هذا اخوية حبيبي وسندي كمت ابوس بي على كيف واكله ما صدكت بيهم انت عايش تله لمن شفتك...
قضه أخويه جهاد...
فترة بالمستشفى وبهل الفترة خالتي حاربتنا كلش ومل يوم. مسويتلنا سالفة غير التقنيط بالمصروف...
تغيبنا هواي عن المدرسة و ومستوانا الدراسي نزل المعونة جارتنا وكانت صديقة الوالدة وتعرف وضعنا كالت سناد...
انتي شغلتي يمي لاتخافي وسعاد اني اروح وياها لان مديرتها صديقتي أضافة لحالتنا النفسية التعبانة.....
اليوم موعد خروج أخوية وسباح كلبي من المستشفى نخبصت سعاد أختي شسوي من أكل لان خوالي وعوائلهم راح يجون يتحمدون لجهاد بالسلامة.....

فخالتي صارت مجبورة تروح للسوك وتسوك بس شنو قضتها بس تنافخ وتدرم هيا بالاساس فلوسنا شكو ضايجة لعد لو منها شلون.......
اني كل ساعة اروح وأعدل فراشة وانكثه عبالك اليوم دا أفرش فرشة عرسه....
يمه وصل نور عيوني للبيت صح بعده تعبان وضعفان بس ميخالف المهم رجع.... دخلت ودموعي تجري وحضنته وأبوس بي وكعدت يمه كأني أكل للعالم أجمع طلع سندي بعد محد يكدر يأذيني ويسمعني حجي...
وكانت هناك عيون جفاها النوم
وقلب يدعي لجهاد يكوم بالسلامة

سناد....
كان من يدعو لاخوية جهاد  بدعاء صادق من قلبه وهي
فاطمة....
حبيبة جهاد...
الي مشتاق يسمع صوتها ويشوف نضرة عيونها الي ياما سهرته  وهو يتمنى اليوم الي تصير بي حلاله...
جهاد اخوية أشتغل عند الحجي جارنا تاجر للمواد الغذائية.....
كان الحجي يدزه للبيت اما يودي المسواك وأحتيجات البيت او يجيب مواد للمحل لان الحجيما عنده ولد بس زوجته وبنته ومسوي المخزن بالبيت.....
كان من يشوف فاطمة  عيونه تحجي كلام ولا حكايات الف ليلة وليلة...
   صحه من صفنته ع صوتها الي يعتبره موسيقة تعزف على اوتار قلبه....
تفضل جهاد رايد شي...
كاله جهاد اي  انتضر شوكت تنورين بيتي....
فاطمة كأنه طارت فوق الغيوم  وضلت صافنة بوجه جهاد  ولا ارادياً كالت أن شاء الله...
هههههه ضحك جهاد..
صحاهم صوت الحجية  يمه فاطمة بنيتي منو ع الباب...
ها ماما هذا جهاد... طلعت الحجية هلا وليدي كول يمه شرايد....
رد جهاد... أخوية هلا حجية شلونج  صحتج لا والله الحجي دزني لامخزن أريد غراض اي يمة تفضل شلونهن خواتك وليدي برحمته الله حجية...
عساكم ليش ما جيب الزغيرة بعد ...
والله حجية عبالك صارت بل الكلية كل ما أكلها كومي أطلعلج تكلي عندي دراسة...
وهيا ما شاء الله شاطرة....
  ردت الحجية الله يخليكم لبعض  يمة ويخليك خيمة على روسهن ويرزقك بنت الحلال.....
تسلمين حجية  أمين يا رب العالمين  وغمز لفاطمة الي صارت طماطة من الخجل...
سناد......
جهاد أخوية جان جدا حريصة على فاطمة ويريد كل شي بالحلال  يعني بابصدفة يكلمها وأغلب لغتهم بالعيون ولا مواعيد ولا خرابيط فاطمة....
بعمر أختي سعاد  ونفس المدرسة  جانت أختي سعاد تعرف بعلاقتهم وتتمنى يجي اليوم الي جهاد يرتاح ويأخذ الانسانة تلي ختارها الي  قلبه....
كان جهاد....
كاعد بالمحل وأيده على خده  وصافن بوضعه وضع خواته دخل الحجي وكاله السلام عليكم ها بوية خيرك....
. يا الله ...
صار شكد ما سامع هل الكلمة من عمري عشر سنين  الف رحمة  على روحك يا به راح والدي وما رجع......
  وعليكم السلام حجي لا مابيه سلامتك
كعد الحجي وبعد ما سجلوا شمستلمين ومسلمين  من مواد...
الحجي كال لجهاد بويه ليش ما تزَج انت ما شاء الله كبرت وصرت رجال....
جهاد...
ضحك حجي تعتقد أكو وحدة تقبل وبوضعي وثاني شي أني اريد اطمن  على خواتي اني...

رد الحجي وشبي وضعك بويه الف من تتمناك مال وجمال وأخلاق...
رد جهاد....
حجي يعني هسة أنت تقبل  أتقدم لبنتك صفن الحجي لان ما توقع طلب  رد جهاد...
بس هو يعرف جهاد ومربي على ايده  ومعلمه أمور الدين والصلاة والصوم...
أضافة إلى أنه رجل بكل ما للكلمة بالمعنى...
  من  شاف جهاد الحجي تأخر بالر د  أعتبر سكوته عدم رضا...
حجى  جهاد شوف حجي ها ي عود انته ومربيني  وتعرف وضعي  كيف الي مايعرفني   أي طبعا اني وين  وانتوا وين  حجي أترك الموضوع رحمة لاهلك....
ضحك الحجي كله هسة   انه ما عرفتك جاي تخطب  جاي  تحجيلي وضعك..
دنك جهاد وما حجه شي ....
حجي كله كوم بويه ولك انته ياهو ما ينطيك مرة ولا تنتقص من نفسك أبد انت رجال من ضهر رجال والثانية بعد انه ما اريد نسيبي يقلل من قيمة نفسه....
ما صدك جهتد كام على الحجي بوسه  وشكر منه....  الحجي رد عليه كاله بس كلمة حق رب العالمين أني سأل البنية....
طبعا جهاد ضامن الاجابة   مستحيل فاطمة ترفضه...
وكان هذا اليوم اسعد يوم بحياة جهاد بعد وفاة والدة والدته......

يتبع....

قصة سناد ﴿ بذره امل اليتيمه ﴾ حقيقيه 🍂-


بارت 4 شاركو القصه مع اصدقائكم -

سناد.....
كان هذااليوم أسعد يوم بحياة جهاد أخوية....
يتخيل وشوكت راح يجي اليوم الي تنور بيته وحياته لكن دائما ما تكون هناك عقبات......
أجه جهاد من الشغل و سأل على عمي جاوبت خالتي كالتله عمك عنده شغل وباجريجي....
وأجه عمي ثاني يوم ومن كله جهاد...
عمي أني أريد أزوج وأخطب بنت الحجي عمي كلب الدنيا وكام يصيح وانت شنو ومن كيفك تحجي وليش بنتي شبيها...
جهاد....
عصب وكله اني ما جاي أخذ رأيك جاي انطيك خبر و تريد تروح وياي كونك عمي الوحيد أهلا وسهلا ما تروح ضلت يمك....
والثانية وبعد بنتك اعتبرها مثل خواتي ما مفكر بيها طبعا عمي مو محبة بينا ولا بجهاد بس حتى يضمن بقائهم بالبيت لان أذا جهاد زوج لازم يطلعون.....
راح جهاد لخوالي ولاول مرة خالي الجبير يوكف ويانا وأجه حاجه عمي كاله هاي قسمة وعشرة عمر......
لازم عن قناعة والحمد لله صارت خطوبة جهاد وحسيت هذه أول فرحة بحياتي لكن ليش الافراح ما تدوم ليش دائما الناس ضدنا ومن هؤلاء الناس الي تسميهم أهلك.....
بيوم جانت طالعة خالتي هيا وبنتها وأبنها سرمد وعمي. ...
وأني بالمدرسة وجهاد بشغلة وأختي سعاد...
ما مداومة عدهم سفرة وهيا ما تحب السفرات...
كملت سعاد شغلها وراحت تسبح ومن طلعت من الحمام طبت لغرفتها مشطت شعرها ورجعت للمطبخ تشوف الاكل على الطباخ....
وتفاجأت بأحمد أبن عمي وراها بينها وبين نفسها كالت ياله هذا شجابه هسة ...
وهيا تتعقد منه وشافت نضرته قذرة يباوع عليها مثل الكلب الي يلهث أجلكم الله لكن الي صار أعترض طريقها وكالها وين ياحلوة....
هيا خافت لكن رادت تبين روحها قوية كالت اله شتريد انته ضحك ضحكة مقززة وكالها أريدج أنتي....
لطمت على صدرها وكالتله يا قذر اني عرضك هو كال لا تخافين بس بوسة على حضنه لامن شاف ولا من دره وج انتي ما تمشين على الكاع تمشين على كلبي....
و اني كل يوم أحلم بيج ولج وأنتي ما مطيتني وجه أختي سعاد كالتله شوف نجوم السما أقربلك والله ثم والله أذا أقتربت من ما تعرف شسوي بيك بقى على أبتسامته....
كام يتقرب منها وحاصرها من شافت ماكو مهرب عضته من أيده عضه قوية وهو ضربها على خدها.....

بس كدرت تنفذ منه هو فرك ايده وكالها بنت ال... وشتم أمها وأبوها هنا سعاد جنت وسحبت سجينة وغرستها بكتفه لان شتمها ولان ما تأثر بالعضة وعرفت ما راح يتركها.....

هيا شافت الدم وهيا صارت ترجف وأحمد لزم كتفه وكام كاله انتي تضربيني اله أندمج اليوم اله أكسر خشمج.....

بهل الاثناء دخلو بيت عمي وخالتي شافت أبنها َجن جنونها على سعاد كامت تضرب بيها وتشتم بأمي وكلام بذيء تنعت اختي بي.....

دخلت من المدرسة يمه وأشوف شلون خالتي تضرب بسعاد وأني ما أعرف شصار بيه عبالك الله أنطاني القوة ودفعت خالتي الي ارتدت لي وره .....
ودور سحبتني اني وأختي وكامت تضرب بينا أثنينا وسعاد تكلها لانشتمين أمي ابنج حقير لو استقويتو علينا وينج يمة تعالي شوفي بناتج شصار بيهن ومن منو من اختج تعال يابه شوف أخوك شسوا بينا.....
والله اني عفت الهوسة وركضت لمحل جهاد وكتله الحك خالتي كتلت سعاد....
ركضنا للبيت لكينا سعاد  تنزف من راسها وشبه فاقدة وعمي مأخذ دور المتفرج لا يحل ولا يربط......

يمة هو طب جهاد وشفته تحول لاسد صار يزئر ويصيح شسويتوا بأختي اول ماطب انطه لأحمد كله ورجع حتى عمي وخالتي ضربهم وصارو هم عمي واحمد واحد يضرب الثاني....
واني ركضت على اختي وفقدت وكمت أصيح لاتروحين لاتعوفيني مثل ماما وبابا....
شفت أختي صارت زركة وتتنفس بصعوبة وأصيح جهاد..
أشوفه فاقد ما منتبه عليه ولا يسمعني....
باوعت مزهرية باب المطبخ شمرتها بالكاع أنتبه عليه كتله ألحك سعد ماتت... والله ركض عليها وهو عنده سيارة الحجي شالها وكبل للمستشفى ....
تبين سعاد عدها هبوط حاد صاير وعالجوا جرح رأسها والحمد لله صديق جهاد دكتور بالمستشفى كاله ما اريد لا شرطة ولا شي أريد اعالجها واطلع.....

رهمها الدكتور ويه الشرطة بعد ما كلنه انها من الهبوط واكعة وراسها صاير على حافة الطبلة.....
أحس دموعي نشفن يا الله شنو نشوف بعد واله جان فقدت أمي وأختي وصديقتي بجيت لحد ما أحس خلصن دموعي هذا كله وما نعرف المشكلة على شنو ......
جهاد انطى خبر لخوالي وللعصر طلعنا حبية قلبي من المستشفى أحس روحي رجعت الي أجن فاطمة وأمها ما قصرن فاطمة بدلت الها ومسويتلها شوربة وكلتها وشكد حاولت ويه جهاد يأخذها لبيتهم ما وافق كال ما أكدر أنام اله هنه كبالي بس قبل لا نطلع كعدبس هو وياها وحجت اله الصار كله .....

رجعنا للبيت لكينا خوالي كلهم ملتمين لكن الي تفجئنا بي خالي يريد يسحب سعاد أختي ويضربها ويصيح اليوم أنهي العار
أثاري فارين السالفة وما حاجين الحق ههه موجديدة عليهم والموقف انقلب ضد سعاد.....

بس شما أشكر رب العالمين يلي أنطانه هل الاخ وكف بوجهم جهاد...
وكال على أي حق تضربوها ليش شمسويةأختي انتوا على أي أساس تحكمون وانتوا سامعين من طرف واحد...
هم مسولفين لخوالي على أساس سعاد هيا الي غاويته ولمن شايفه بيت عمي طابين ضاربته.... أخويه جهاد صاح سعاد...
وكالها أكعدي سولفي والي يقتنع يقتنع والي ما يقتنع الباب يوسع جمل أنتي تربيتي و أني أعرف بيج....
وعمي كال هسة فضن للمشكلة نزوجهم
أحسن من الفضايح هنا جهاد تخبل كلهم شمعنا صدكتوا  بأبنكم وما صدكتوا بأختي؟
أختي وأني واثق بسها أكثر من نفسي......
هنا هم تفقوا أذا سعاد مأخذت أحمد يتبرؤن من عدنا!!!
ولاتنسى أنت خاطب كلهم جهاد على أساس انتوا تدرون شلون عشنا وشلون كبرنا تدرون شلون يتعاملون عمي وخالتي ويانا ....
أني الي ربيت خواتي وصرت الهن أم وأب والي تطلبوا ما يصير اله على كص ركبتي.....

وخالتي الي هيا خالتي أسألها شلون كانت تفرق بين بزرها وبينا وعمي الي لازم يعتبرنا بزره ما يوم فرح هالزغيرة على الاقل بالعبة مثل ما يفرح جهاله وكل هذا وكلت ميخالف.....

تركت دراستي وضحيت بمستقبلي لاجل هل العيون ذني مأشوف بيهن حزن لكن لهنا وحدها اله خواتي......
والكل يتفضل برة وأول الطالعين بيت عمي.......
أباوع لخالتي وجها أنطعن أزرك بعد ما جانت بس كاعدة وتباوع على أساس بس الزلم تحجي وهيا كله من جوة راسها بيومها تدري بسعاد ما مداومة....

صفنت وكلت ليش هيج البشر بشنو ضاريهم أحنه غير همه أحن الناس علينه

والله الكل طلعوا من البيت حتى بيت عمي راحو ويه خوالي ....
روحه بلا ردة وبعد ما طلعوا كمنا شبكنا جهاد وكمنا نبجي وندعيله كال ما أريد دموع بعد أنت كل وحدة تمثل عين من عيوني ...... والله بعد أسبوع ندكت الباب لن خالتي وبتها طبن دفعني كأنوا حشرة كدامهن وشفتهن راحن يلمن بالغراض مالتهم.......

يتبع...

قصة سناد ﴿ بذره امل اليتيمه ﴾ حقيقيه 🍂-


بارت 5 شاركو القصه مع اصدقائكم

سناد.....
الضاهر بيت عمي لاكين بيت  وأخيرا الحمد لله راح يطلعون
ومراًكم يوم وأحو بيت عمي نقلوا غراضهم....
با وعت علينه خالتي وكالت طالعين أحنه كون الله لايهنيكم  ردت سعاد عليها كون الله لايهني الي يأذينه.......
الحمد لله سعاد...
تحسنت صحته شوية  أخذنه جهاد ورحنا  لخوالي وكعد جهاد وياهم وبينهم الموضوع كله   أول شي صار مصايح  وبعدين أخوية فديته عرف شلون يسكتهم
رجع خالي كال خل يأخذها أبن عمها ويستر عليها.....

كله جهاد أختي صافية وأصفه من الحليب شمسوية ويستر عليها.....
وطول ما خشمي يشم الهوى ما أخليهن ينضامن  رجعنا للبيت مرتاحين
تسريع حتى ندخل بحياة البطلة.....
سناد...
بعد مرور سنوات  أختي سعاد تزوجت  طالب وياها بكلية الطب وصارت عدها بنوته أسمها عسل وزوجها أنسان خلوق  ويعاملها معاملة حلوة وأخذها وسافر)عدهم بعثة دراسية...
وجهاد...
تزوج حبيبتة فاطمة وصار عدهم ولد  سموا مصطفى على أسم الوالد كان روحي من الدنيا.....
وبيوم دخل جهاد وكال سوا طريق
تعجبت وأني أشوف    يدخل وياه سرمد أبن عمي...
كتله جهاد شعجب بعد هاي القطيعة أجه...
رد جهاد أنوا هوجايه للمحل وكايله اني أريد أنهي ٠القطيعة  واني جنت زغير بوقت المشاكل وأنت اخوية وابن عمي ....
وهاي صلت رحم فبعد شنو تردين أكله طبعا وافقت  كلي سناد أحنه كلبنه مو أسود أدري بيج ضايجة منهم وذكرين الي سوا بينا.....
سكتت والصراحة أني ما ردت أسلم عليه أذكر شلون جنت أنضرب بسببه  باوعت من شباك المطبخ دخله جهاد....
ما شاء الله صاير شكبره ضخم طول وجسم  وشكله متغير...
المهم بيومها تغده يمنه والعصر راح..
أني صرت بل المرحلة الإعدادية والحمد لله  جدا متميزة....
جنت ستوني جاية من المدرسة   وأندكت الباب رحت فتحتها  هذا سرمد شفته تفأجه  شو هذا ما سلم رأسا كال أكيد أنتي سناد...
كتله نعم  وعليكم السلام ورحمة الله وبركاته  الناس تسلم أول.....
شو هذا بساع كلي شلون تفتحين الباب أنتي  من سمعتي صوت رجال...
كتله أولا ما يحتاج أبرر ألك  ثانيا هسة أصيحك جهاد....
رحت صحته كتله عيني أبن عمك بالباب كال دخلتي كتله لا انته أطلعله....
رحت لغرفتي وأني ادردم والله يا الله هذا شبي ذيل الجلب ما ينعدل لا وفوك هذا ة....
صاير حمش ليش انتي فتحتي  الباب  وأقلده شكد اكره هل العائلة
بيوم رحت للمدرسة وحدي  صديقتي زينة جانت مأخذة أجازة مرضية  والدنيا حارة وأني صايرة حمرة من الشمس......
شفت ولدأثنين  واحد كال  لك بيش الطماطة اليوم والثاني يكله لا والله أعرف بس سعر الكيمر......
أني سمعت  هيج وأني كمت أرجف وكمت أمشي سريع أشبه بالركض...
تقرب واحد يمي وراد يخلي رقم  تلفون بأيدي بوقتها ماكو موبايل بس التلفون الأرضي بأيدي وما أسمع اله صوت خشن صاح.....
سالمين خوية   شعندك هنا  وأنتي ذيج السيارة كدامج بابها مفتوحة روحي صعدي على ما اجي التفت شفت سرمد.....
يا هذا شجابه يمة واني  من الخوف صدك ركضت للسيارة كعدت بيها وما أشوف اله الولد أنشلوا وركعوا والناس ألتموا ههههه لعد وين جنتوا قبل شوية الشارع فارغ...... 1
أجه  وعيونه أحسه تريد تطلع من مكانها كال تعالي كدام سايق مالتج أني بابا مايصير اكعدين وره.....
كتله مرتاحة عاط كال تعالي كدام أني دمي فاير.....
يا هذا أكيد مو صاحي ولو همه بيت عمي مابيهم واحد صاحي  درت كعدت لكدام
مشينه شوية وأحنه ساكتين ألتفت عليه كلي منو هذا تضايقت من سؤاله كتله ما أعرفه ....
،كال شلون ما تعرفي وليش وحدج شنو ما عندج صديقة تمشين وياها كتله أنته شنو داشكك بيه و مع هذا راح اجاوبك صديقتي غائبة وبعدين أنته ما مسؤلول علسه عندي أخ بأي حق تحجي وياي هيج.....
شفت كام يتبسم ويحجي برود أبن عمج وأخاف عليج
بهل الاثناء وصلنا للبيت وأني بسرعة نزلت وركعت باب السيارة حيل وكتله بالمناسبة  محد كلك تخاف عليه ولا تدخل بعد  وثانيا أنت شعندك يم مدرستي.....

طبيت لكيت جهاد جاي كتله سرمد بالباب.....
  كالتلي فاطمة شبيج شومو على بعضج  كتله مو بيت عم غضب هسة شردهم علينه مو خلصنه....
كتله بعدين أسولفلج كالت يله عيني روحي بدلي وتعالي تغدي......
   هو طببه جهاد  أسمعه يكله يا معود شجاك دنيا الضهر وين تروح  تعال شلون بامية مسوية أم مصطفى....
أني ما حبيت اكعد وياهم كعدت بالمطبخ وفاطمة بقت وياي  سولفت الها....
كالت عادي غير أبن عمج لو شايفهم وماشي جان شكلتي عليه وجيته من يم مدرستج جائز صدفة.....
لا تنسين هو كلية  و ما يطلع هسة يتأخر...  بعدها رحت حضرت  دروسي ورحت خابرت زينة   كتلها داومين باجر كالت أي مأريد تفوتني دوس.....
سديته منها وخابرت سعاد مشتاقة الها   أني سمعت صوتها وأني كنت أبجي كتلها شوكت تجين كالت على العطلة أن شاء الله نجي.....

سألتها على بتها وسألتني على جهاد وأبنه وزوجته  كتلها زينين ونايمين هسة....
وأسمع صوت  يمها كتلها ها عسولة كالت أي كتلها أنطيني أحاجيها كالت شتفتهمين منها.... +
أنطتها الي كتلها شلونج خالة كون يمي وأكل خدودج ترد عليه لاله لاله عود خالة كتلها تروح الج فدوة خالة....
سديته  والله دا أروح للغرفة ودك شلت السماعة أصيح الو الو أسمع صوت تنهيدة وكال ألو شعندج يم التلفون....
كتله شنو تحقق انته مين الله مسلطك عليه  أنته شعندك مخابر هسة حسيته أنحرج كال ها عندي شغلة ويه جهاد.....
كتله جهاد نايم  كال هاي أنتي كل واحد تحجين وياه هيج عصبية كتله لا بس أنته لان أنته تنفرز  ومع سلامة أريد أنام عندي دوام ما أنطيته مجال يرد طبكت السماعةورحت نمت.....

يتبع....

قصة سناد ﴿ بذره امل اليتيمه ﴾ حقيقيه 🍂-


بارت 6 شاركو القصه مع اصدقائكم

سناد،،،،
رحت نمت وأني دمي فاير صدك ما اريد أشوفه بعد  هو كام دائما يتردد وأني ما أطلع بس دائما ألمحه قريب من مدرستي....
أني دائما أرتب نفسي حتى لو ما كو أحد جنت لابسة فستان وردي ....
أجت جيرانه  العصر يمنه وأني رحت سلمت وديت التقديم عصير وكيك ......
سلمت عليها وكعدت يمهن هاي جارتنا من حياة أمي الله يرحمها وجهة كلامها لفاطمة....
كالت عيوني أم مصطفى  أني رايدة القرب منكم  أخوية مهندس  شايف  المحروسة بتكم وعاجبته و أني أعرفهن وأعرف  أخونهن ونعم من تربيتهم.....
وهاي صورته حتى تشوفه  أني خجلت  وردت عليها فطوم....
حبيبة كل الهلا بيج يجي أبو مصطفى ويصير خير..... و
الرأي الاول والأخير للبنية وتعرفين أنتي بعدها طالبة  ...
كالت أهلها طبعا أحنه ما عدنا أعتراض على دراستها....
اني كمت رحت للمطبخ هيا شوية وراحت سألتني فاطمة كتلها  أني بعد هسة ما مفكرة بالزواج وهذا الشي حيأثر على دراستي....
كالت دشوفي ما شاء الله الله يحفظه شلون شاب
ههههه كتلها ها أم توفي خليتي عينج كالت لا وج اني أمام جهودي كل الرجال عدم اروح اله فدوة....
أنطتني الصورة شفت خوش شاب مرتب بس اني ما مفكرة بالزواج هسة....
الله كريم الله يحلها...
تقريا أسبوع وصار زواج أبن خالتي الثانية اني ما ردت أروح  ما أحب التقي بيهم ما اعرف كره او حقد؟ 1

بس جهاد.......
ما قبل  كال شون تبقين وحدج  أمشي ويانه كتله أروح لخالة أم فاطمة ما قبل....
المهم رحنه  وبعد السلام كالت فاطمة أمشي نروح للمطبخ عيب وهذا مصطفى ما يكعد  عاد ألهي هناك.....
رحت يم البنات  لكيتهن مشغولات ما شاء الله ما يكدرن يحكن روسهن....
تلكتني بت خالتي أي الله جابج تعالي فوتي من المنور أنطي العصير لواحد من الولد....
أني جنت لابسة نفنوف زيتوني كلوش طويل وحجاب  كلش حلو أعشق هاللون....
المطبخ بي بابين وحدة على الصالة وحدة كدامها منور طويل على الحديقة  الاستقبال تصير بداية الباب   يعني نص الحديقة مستغليها....
فتت بالمنور ومديت راسي الطارمة متروسة ولد خلاتي ولد خوالي  ياله هسة شلون أصيح والله وأشوف سرمد أجه بأتجاهي يالله ما شفتني غير أنته كال شلونج ويتففحصني بنضرته....
كتله الحمد لله أكو بعد ترى وراح اجيب الصينية الخ...
كال ها ماكو غيرج كتله شنو ليش لعد وأذا أني أجيبه كال ما شوفين متروسة شباب كتله مو غربه بس أريد أعرف انت شكد تدخل  هو  خزرني  عيونه تكص كص...
عابت شلون يباوع بيني وبين نفسي كلتها  شو هذا عايش دور أبن العم الحريص مصدك نفسه أسمع كلامه  وألله لو مية صينية اله كلهن أخذهن أني هههع....
أخذت الصينية وطلعت شفته ضايج كال أنتي ليش عنيد ة  أني ما أريد أحد يشوفج وتعالي شنو خطوبة وخرابيط منوهذا..

كتله ليش يعني ما يصير أنخطب  شو كاملة مكملة كال راح أودي هل الوجبة وأرجع ما أريد احد يحس أحجي وياج من أنعل عشيرتي وعافني ومشه......
هذا شبي هذا؟
  ما انطاني مجال أرد شو راح أرد عليه
دور حتى بخطبتي يتحكم لازم  اوكفه عند حده شنو ولي أمري هو   وشعليه بيه والله يا الله...
اخذت الوجبة الثالثة ورحت كال شوفي سناد....
وحقه هو الحق أذا وافقتي أقتله وأقتلج....
كتله هي شنو أنته تهدد اني مواعدتك بشي  شو أوافق عليه  وأنت مو من حقك  تدخل و بعد العرس أنطي  موافقتي...
كال أستغفر الله سناد....
لا تأذيني اني أحبج والله وما أتخيل تصيرين لواحد غيري ولا تسألين شلون وشوكت لان أني ما أعرف شلون دخلتي كلبي وتربعتي بي.....
هو كال هيج واني كمت أرجف شنو أحبج  لا لا هذا اكيد يشاقى بس شنو يشاقه  أحنه ما كو ميانه بينا   يدري اني ما اطيقه.....
   هو كال هالكلمة وراح ما أدري أني انهزم هو ينهزم   درت وجهي  ومشيت بدون وعي  احس جسمي ثلج رغم الجو حلو مو بارد يارب شلون أدخل أكيد حيبين عليه......
أخذت شهيق زفير ودخلت من المطبخ رحت على الصالة شفته واكف  يم خالتي شافتني أندارت عليه كالت خالة...
شبي وجهج مصوفر كتلها ها خالة طفرت عليه بزونة كالت يا خالة دطبي من بزونة صوفرتي....
هو واكفة يمشي أيده على لحيته ويبتسم فتت من يمه كال أني أعلمج سويتيني بزونة.......
رحت يم فاطمة حست عليه كالت  شبيج كتله بعدين أحجي....
  كملنه الغده  وغسلنا الماعين  هو كل ساع يطب ويطلع  اباوع  أسمر بس سماره حلو  وجسمه ضخم بس برشاقة وطوله  أطول مني بهواي اني قزومة ههههه.......
  سناد......
كلت بيني وبين نفسي شبيج  شو من حجاية كمتي تباعين   مو أنتي ما طيقي أمه وأخته مجاين بيت العروس.....
لان كلنه أقارب فنقسمنه قسمين  بيت العريس وبيت العروس......
العصرتحضرنا  أني عندي بدلة سودة الصدر بي فضي والذيال هم وحذاء فضي وجنطة فضي وتخم كريستال  وأني توب بالميكب.....

جهزت فاطمة وحطيت شي قليل  وأني من زمان ما مجتمعة بأقاربنا شافني كالن اللهم صل على محمد وعلى آل محمد...... +
طالعة لعابة أن ياله الي خطبج ابتسمتلهن كامن يصحيني حتى أخليلهم مكياج يمة متت تعبت......
تالي على ما لكيت جبتي وحجابي كلهن طلعن وراهن اني وفاطمة  لا كينا جهاد بالباب.......
كال يله يا عيني السيارة الجبيرة قبطت تعالن أصعدن ويه سرمد لان أني ما اكدر دا أروح أجيب الهم شغلات.....
ندست فاطمة كتلها ما أريد وياه كالت لعد شنسوي السيارة الجبيرة ما لحكنه عليها والبقية كل وحدة ويه رجلها وجهالها  شعليج منه هسة انتي شكل لجهاد كتلها اوف منه هذا رجلج......
  صعدنه وياه اشوفه مانزل عينه مني يبو درت وجهي على الجامة وبعد ما باوعت أبد أحس ركبتي أنكسرت من كد ما متوترة....

وصلنا كال أم مصطفى بالرجعة هم وياي أن شاء الله  نزلت وأني وراها.....

كالي  تخبلين بس ليش حاطة مكياج والله على الطبيعة أحلى خزرته ونزلت

سرمد......

هسة أجه الوقت الي تتعرفون بي عليه  اكيد ماخذين عني نضرة خبيث وصاحب مشاكل  ومؤذي وما تحبوني ههههههه....

بس هذا من جنت زغير بعد المشاكل الي صارت بينه وبين بيت عمي وطلعنا منه وانقطعت علاقتنا بيهم

بس اني بقى شي يجذبني الهم ما أعرف الحنين للبيت الي تربيت ذي لو  للاشخاص الي بي كبرت وعرفت ان أهلي ضلموا اولاد عمي واني واحد  منهم.......

من كبرت  قررت أرجع أحاجي جهاد أدري بي كلبه طيب  ورغم  جنت أذي سناد.....

بس ماكان يقسي عليه  وجان شنو يجب الها يجيبلي يكلي انته اخوي عكس أبويه يجيبلي وما يجيبلهم....

فمن رحت أستقبلني الولد ورد عليه أني مو من انته وزغير كتلك أنته اخويه  ماكو أخوا يتبرى من اخوا.......

وأخذني وياه لبيتهم مرة بعد مرة صرت أروح الهم ومرة تفا جأت بسناد.....

فتحت الباب أنثى كاملة مكملة والكامل رب العالمين وبدون سابق أنذار حبيتها وتغلغلت بأعماق كلبي وهزت كل كياني.....

وبيوم الي تحرش بيها الولد ردت أرتكب جريمة وصعدتها وياي ولحيت بالاسئلة بس ما تخاف وحسيتها لا شنو حسيت متأكدة كل شي ولا تشوفني.....
وبعدين سمعت مخطوبة روحي فارت نار وشبت بصدري   شلون   سرمدي شنو شلون شبيه اني بنية حلوة ومودبة  ليش ما تنخطب لازم اعترف الها......
أذا شفتها لانت وتقبلت مني خير على خير حتى لو تعبني قابل وأذا شفتها لا والله مثل ما أعرفها عنيدة  او مثل كلامها بس مني تتنفرز ......
أصير همجي وأنهي عليها المهم تصير ألي  وما اريد شي بعد....
وبيوم العرس شفتها شايلة صيتية العصير احس كلبي طار وغرت لا احد يشوفها لان هيا ما تجي بمناسبات أقاربنا شفتها كشولت وما عجبها هينة وين ترحين اله اخلي تموتين عليه فلا أني سرمد....

شفته من أدخل للبيت تباوعلي يالله بادرترخير هينه سناد أن شاء الله تحبيني.....
ومن أعررفت الها انصدمت وسوتني بزونة من ا لخرعة ههههههه...
وصلتهم لبيت العروس ودي اكول الها ابقي يمي ولا ترحين بس خزرته خربطت كل شي هههه...

يتبع....

قصة سناد ﴿ بذره امل اليتيمه ﴾ حقيقيه 🍂-


بارت 7 شاركو القصه مع اصدقائكم

سناد،،،،، +
وصلنا لبيت العروسة جانت الأجواء خلوة تجبرك تندمج وياها   أحنه عادتنا نسوي مرلد لمدح اهل البيت  وجانوا متفقين هيا حنة هيا زفة.....

بعد ما خلصت الحنة أجت الزفة و دخل العريس عيونه تلمع من الفرحة وكأنه ما شايف أحدرغير عروسته......

تقدم باسها براسها وأخذوا صور ورجعنا أني تعمدت ما أرجع وياه رحت للسيارة الجبيرةههههه

كان عرسهم جميل   رجعنا لبيت خالتي و هوسات المعتادة بالاعراس،،،،،

أفرح لابن العم تحتاج أيامه

والف الصلاة والسلام عليك يا حبيب الله محمد،،،،،

لنص الهوسة تقرب مني وهمس ليش شردتي ها...

يله أن شاء الله يوم النه  وأكون أسعد واحد بالدنيا   عزا خليت وشردت للمطبخ....

هذا ولا يستحي مصدك نفسه  دخلت سمر أخته  وكالت شراد سرمد منج....
حسيت بيها مراقبتني
كتلها ها راد مي كالت اممممم عالعموم اني راح اخذ اله مي....
كتله براحتج طبعا هيا لحد هسة ما مزوجة  والسبب خالتي وطمعها   ياهو الي تقدم الها تضرب بالعالي وشردهم.... 1
بعدها شالوا العريس وزفوا لغرفته وطلعوا الشباب ....
خالتي كالت يله بنات  نصب العشه للمعازيم كمت اني كتلها تدللين بس أبدل....
رحت للصحيات النسوان الكبار دا تتوضأ
أكو عدهم حمامات بالخلفي كلت خل اروح لان الزلم جوارينهم فتحوا البيت ألهم.....
رحت الحمام مبني وبصفه مكان للمغسلة هم معزول بحيث ا ذا وكفتي لاتنشافين ولاتشوفين.....
أخذت وياي بنية حتى تكمش  عباتي دخلت وطلعت  ولن أشوف كبالي سرمد....
  تفجأت وهو هم كتله أنته ما تخجل وين ما أروح وراي وراي بعدين انتبهت  عليه هذا فاك حلكه وفاصل يباوعلي  واني شهكت عباتي....
شفته تقدم عليه كتله سرمد أعقل وروح منى  لا أصيح وأفضحك جر شعري وكام يشم بي وتقرب  ؤأنفاسه حارة لفحت وجهي باسني من خدي....

يمه أني صخنت وأنتهيت  ودور دفعته وردت أضربه  لزم أيدي وكالي ديري بالج  دفعني للحمام وكال لاتفتحي هسة أجيب عباتج.....
شوية وندكت الباب فتحته شوية  ومديت أيدي انطاني عباتي وطلعت وأني مدنكة وأحس نفسي أريداتبخر....
سرمد.....
بعد ما حجيت ويه سناد،،،،.
بالزفة شفتها صارت حمرة من الخجل وراحت شوية ورجعت بعد ما شالت عينها أتجاهي...
توقعتها زعلت من حجايتي والله لو مو زعلين  اله أخليج تموتين وتذوبين بيه،،،،،
سرمد،،،،
  بعد الهوسة وبعد ما زفينا العريس لغرفته  ردت أتوضأ شفت السرة ملت خل أروح للحمامات  الخلفية  والله رحت اريد أ فتح المغسلة وأشوف حوريتي طلعت من الحمام مصبوبة صب فكيت حلكي.....

شو هاي بسرعة نهدت بيه   شعندك وراي وما تستحي  هيا تحجي وأني فاصل بما أبدع الله هيا انتبهت سلون أباوع  لطمت صدرها وصاحت عباتي ورادت تضربني من بستها كتلها ديري بالج ودفعتها للحمام.....
رحت أركض لكيت طفلة تسحل بعباية كتلها شنو هاي كالت هاي أكو بعد عروسة جوه كتلها جيبي أني العريس ههههه.....
دكيت الباب مدت أيدها يايابة مو أيد مرمر أخذتها وطلهت مدنكة أني سويت الها طريق وهيا راحت ركض.......
سناد....
يمه شلون موقف فرحت وحزنت  ما أعرف شنو بيه حزنت لانه شافني بهيج منضر واني محرمةوعليه.....
وفرحت لان بطبيعة الأنثى تحب المدح بشكلها ومحاسنها
رحت لبست نفنوف وجيت ساعدت البنات....
باليل جلبن بيه البنات كالت فاطمة....
أشوف جهاد وأجي أكلج والله راحت وأجت كالت عيني يكول خل تبات وأحنه من الصبح جايين
كتله روحي عيني اخذي الحب وخل يخلالكم الجو وعوفي توفي يمي كالت لا يمه ما أعرف أنام.....
بقينه أني وبنات خالاتي للخمسة الصبح نسولف ونضحك  والعجايز كل ساع وحدة صايحة ما تنهمدن شبيجن تريد نام.......
ما عرفنا شوكت نمنا ككعدتنا خالتي والنعاس بعيونا  وكعدنا كلنا سوه لان ماكو غربة  ولد خالاتي ولد خوالي كلهم موجودين كتلها خل أدك على جهاد كالت لا وج خليهم نايمين بالعسل خو مثل حضنا ليش تكطعين رزقهم......

دا أصب جاي شفت سرمد صبح عليهم ودنك على أمه باس راسها  شاقته بيبيتي كالتله يوم الك سرمود....

كاللها اي وعلي بعد ما عندي صبر زوجوني ويباوعلي  اني سويت روحي أصب جاي
خالتي كالت يوم المبارك بس أشر بأصبعك راح تصير ضابط والف من تتمناك.....
كالها لا اني اريد من هل الالف وحدة أدعي الله يهديها عليه  كالت يا يمة منو هاي ما ترضى بيك ضحك .......
كالت أبتهال بت خالي كالت وج هذا حاط عينه على وحدة  وهل وحدة يمكن بينه علراه اني دشوفي الطَل والجسم والسمار.....

بدون شعور مني كرصتها  صاحت أخ بصوت عالي تالي كالت جاي وكع عليه
وكامت لحكتها للمطبخ و طكناها ضحكة
بعد الأحداث الي صارت بيني وبين سرمد كمت اتهرب منه  اريد اتعلق بي جنت بصراع بين كلبي وعقلي كلمن يملي شكل.....

يمكن الطفولة بعدها مأثرة ويمكن أعرف خللتي شنو رأيها بينا من عاشت ويانه ما تريدنا دورأصير جنتها واليوم بعد ما كعدت العصر من النوم سمعت صوته أحس مشتاقة اله.....
شفت فاطمة دايخة كتلها خيرج  كالت نا أعرف اليوم دايخة بعدها تحجي وياي وأغمى عليها ركضت أدك. على وجها  وأصيح جهاد الحكلي،،،،،
ركضنا بيها للمستشفى قاسوا الضغط هابط  وبعد التحليل تبين راح يجينه اخو لو أخت لتوفي +
والله خفت عليها هاي صديقتي موبس زوجة أخوية مرات رب العالمين ينطينا نعم على هيئة بشر وهل النعمة فاطمة

واني صارت بي ا عقدة أسمها الخوف من  الفقد من طفولتي لان عشته مرة بولادتي يتيمة ومرة بفقد أمي......
جهاد....
راح يجيب دوة وفاطمة نامت  طلعت توفي برة وطلعت لان تنحس  دنا يمي سرمد.....
كال شكد ضالمة وقاسية وعنيدة شلونج مشتاق لج والله وج مرمرتي هذا ويإشر على كلبه ضحكت......

كال اضحكي مايلام كاضم من كال دلل عليه دلل دلل عليه بويه دللي...
طلعنه فطوم َرجعنه لليل دكت سعاد كالت أن شاء الله بداية الشهر جايين....


لليل رجعنا من المستشفى أخذت فاطمة لغرفتها ونيمتها و طلعت لجهاد......
حتى يجيبلنا عشه لو هو يسوي أني كلشي ما اعرف......
طلعت كتله   كال جهاد هسة أروح أجيب   كلشي ما تعرفين يا سناد شلون بله قصفني أبو الجوج..... +
وجان سرمد يكول عمي أني اتبرع أسوي العشه  كاله جهاد أي رحم الله والديك.....
كاله سرمد بس أريد مساعد وياي  جهاد كله أكيد مو أني مرتي مريضة وأريد أروح أشوفها وترى اني جوعان مو تخلينه بلا أكل  كاله أعجبك  اله أخليك تإكل ماعونين......
أني كتله أريد أدرس كال ميخالف بس حضريله المواد وروحي اوف  اليوم جهاد...
هم قافل  هسة اني عاتبه عليه   يسويلنه  عشه.....
أمري الله  خل أشوف شيريد  كال راح أسوي تبسي باذنجان على لحم اني صفنت كلت بيني وبين نفسي يسوي تبسي واني  دوب أطك بيضة لتوفي
تنبهن عليه كلي هيج حلو وصافنة بوجهي......
كتله ها اي  لا خجلت ضحك  ضحكته هزت أوتار قلبي.....
طلعت الحم وباقي الغراض  كال أني راح أثرم اللحم وأنتي كشري المواد وثرميهن   كتله أوكي......
هو يشتغل وعيني صارت عليه شو هذا حلو اللحية محددة والشارب والعيون وساع والرموش كثيفة والجسم والاكتاف عريضة طويل وأني كصيرة ههههه شو كمت أقارن بيني وبينه....
صاح أذا تبقين تباوعين الي اليوم ما نتعشه  يبو أني هل المرة صرت بنص هدومي من الفشلة   كمل كلامه  سرمد...
وكال وهاي الخدود الي جنه طماطة صارن راح أخلسها للتبسي بدل المعجون بسرعة كتله أني راح اروح أدرس ....

كال لحضة عندي حجي وياج  بعدني ما راده عليه  سمعت صوت جهاد.....

صاح ها كمل راح نام بلا عشه هههه كاله سرمد أنطي صبر مو جنت نايم بالعسل وهسة جاي تريد أكل......

كله جهاد لا والله بس هذا تنحس على أمه ونميته هم زين موكله لفة َلو تدري فاطمة... مأكل من برة اله طردي عمل شعبي،،،،،،
ضحكنه  حضرته الزلاطة والماعين بين ما يكمل وكمت غسلت الماعين  الي توسخن...
سناد......
رحت كعدت فاطمة  وما قبلت اجيب اله العشه للغرفة كالت ما إعرف اكل وحدي مايه شي أن شاء الله......
كعدنه كلنه سوا والله جان كلش طيب كالته فاطمة.....
عاشت أيدك  والله عمي أنيالها الي تأخذك رد عليها سرمد....
كال الها والله خوش جنة  الي يأخذني يرتاح كلشي أعرف  ويباوعلي ضحكنه....
  تعشينا وشربنا جاي كل البيوت العراقية ما تستغني عن الجاي....
كمت سلت الماعين ونضفت المطبخ ورحت ردت أقرا ما كدرت ضليت أفكر بكلامه معقولة حبني ومنو  وانتي شبيج سناد.......
مو جنتي ما طيقين حتى أسمه  ما لكيت مبرر للي دا يصير ولاحاسيسي ما عرفت أفسرهن  عفت كل شيء على رب العالمين......
ثاني يوم بعد ما خلصت أمتحان جانت أمتحانات أخير السنة صف رابع أعدادي  طلعت  اني وصديقتي علياء....
شفته واكف السيارة  كلت أهو بدت رحمة الله  ندستني علياء...
كالت لاتكولين هو هذا ابن غمج الي تحجين عليه كتله اي كالت لوما شارع جا كطعت عمي دباعي الطول والشكل لا فوكاها يركض وراها عمي أنتي أسماعيل ياسين لو عادل أمام هواي عليج.....
غميتها وضجت شو هاي أكلته بعيونها...

شافني أشرلي اصعد  وياه  كالت روحي عمي حضوظ أني حتى ابن عمي... و وجهه ما يكصه الطبر ضحكت على سوالفها وصلت يمه سلمت كتله سرمد.....

شلون تجي للمدرسة كال يابه غير كلها  تعرف أبن عمج شكو منها....
كتله ولو أني ما اريد أسمع حجاية كل يابة غير أكص لسانه الي يجب طاريج
وصعدي واني أفهج صعدت كتله أني ما اريد أصعد وياك ليش تجي للمدرسة بصفتك شنو رجاءً سرمد ما أريد ارجع أتهجم عيلك بالكلام.......
تنهد وكال سناد.....
كال بوية شلون عناد وشلون لسان يابة