قصة هبه ﴿ المغتصبه والضابط ﴾ حقيقيه 🔞-


بارت 11 شاركو القصه مع اصدقائكم

صعدت وي ابويه بالسياره واني ابجي حسيت ابويه مهظوم عليه ..
وسألني كال .. شلون صار هيج من شفتي نفسج ممرتاحه يمهم اتصلي بيه تالي هذا الكلب يفرط بشرفنا بهاي السهوله ..
يابا انت عفتني شمرتني ..
ماشمرتج ردت ازوجج واخلص و تعيشين وي مؤيد ..
يابا مؤيد مااعرفه ...
ليش تكذبين اني شفته بعيني يمج وبغرفتج اريد علي يرجع حتى تتزوجين ووتنتهي السالفه ..
سكتت ماجبت طاري سالفه ناديه ومؤيد جانوا علاقه والظاهر ابويه مقتنع بكلام ناديه ..
وصلنا للبيت اتفاجات بيه مو بيتنا جان الاثاث احلى موديل وناديه لابسه ملابس عمري مشفتها  بهيج صورة وبناتها كبرانات ماعرفتهم كاعدات يقرون صاروا بالابتدائيه وحده بيهم نسخه من امها هاي الجبيرة اسمها هند والثانيه الصغيره  اسمها رند ..
من شافتني اجتي تركض رغم هي ماعرفتني متذكرني بس كالتلي حتعيشين يمنا انتي ..
صاحت ناديه بيها لج رند تعاي هنا. .. اني سلمت من طارف خشمي وطبيت لغرفتي لكيتها مسويتها غرفه لبناتها واسمع عند تكول لامها شنوحتاخذ غرفتنا هاي ... سبحان الله العرگ مال امها واهلها ...
طبيت ردت اخلي غراضي بمكان محد يعرف بيه  رجعت على ابويه ..
يابا اريد مكان الي ..
ردت ناديه باستهزاء ابقي هسه يم البنات بين ماباجر ترتبين المخزن ..
ابويه .. ناديه البنيه تعبانه وشلون تكعد بالمخزن ..
ياله عيني على أساس حامل بابن الحلال متعجبه اني شلون لسه مبقيها تشتم الهوى ..
رديت عليها بصوت عالي ...
اسمعي ابويه ظلمني مرة بسالفه مؤيد لكن هالمرة مراح يظلمني وانتي تعرفين الحقيقه كلش زين لاتخليني اذكرج بعد ..
سمعت صوت بجي طفل من الغرفه ..
جان تصيح ناديه بخوف بعد ماشافتني مااسكت والكلمه اردها بعشره وشافت ابويه متأثر بيه ..
شفت بنتك بصوتها العالي كعدت الطفله وفززتها حتصير خرعه بيها .. وراحت للغرفه ..
باوعت لابويه صافن وتعبان ..
يابا هاي منو الطفله بالغرفه تبجي ..
هاي اختج.... ناديه خلفتلي هالبنيه ...
رف گلبي عليها من كال اختج ..
يابا شنو اسمها ...
ريم ..
فرحت كلش عندي اخت صح هيه بت ناديه بس اني وياها نفس اسم الاب ..
طلعت ناديه تأفأف ...
كمت اخذتها منها وبستها جانت تشبه ابويه ..
ناديه فرحت من اخذتها لان تدري بيه احب الجهال حتى تذبها عليه ...
جانت ريم عمرها سنه ونص وصلت تباوع عليه من شايلتها وخليتها بحظني تمنيت ريم من امي وتخيلت بيبي شلون جانت تداريني وتخاف عليه ..
طبيت للمخزن رتبته وباوعت ريم تباوع عليه واكفه بالباب وكعدت صافنه عليه ..
جانت الساعه ٢بالليل واني ارتب المخزن باوعت ريم نعست والمخزن بارد مو مال تنام بيه رحت لكيت ابويه نايم وناديه هم دكيت الباب ردت عليه ناديه نيميها يمج علميها عليج .. ونطتني صوبه وملابسها حتى ابدللها .. خليت الصوبه بالمخزن وبدللتها وشربتها الحليب ونامت راساً ..
ضميت غراضي بالبوفيه مال فراش مالتها ونمت بس جانت نومتي قلقه من وجع بطني ..
ضليت يومين اشتغل واتعب وريم جانت فرحانه بيه وابتسامتها تخفف عليه وبيوم رحت للسوك واخذت هند وياي اشتري كم شغله ورجعت مكدرت امشي هواي من التعب والالام بطني ..
وصلت للبيت .. لكيت ناديه باب الغرفه وشايله الاوراق بايدها ..
واني داانزع الحجاب التفتت على صوتها وهي تكولي كل هاي عندج وماحجيت ..
تفاجات منها وجربت الاوراق منها وكتلها معليج انتي ..
هسه اشوفج منو عليه ..
ضليت بمكاني خايفه ياربي شلون عرفت مكان الاوراق وعرفت الاملاك كلها باسمي هاي امانه مو ملكي خالي راد يحافظ عليها من خيريه توكع بيد هاي الحقيرة ناديه ..
اجا ابويه بالليل مكدرت يكمل شغله من البرد والمطر جان قوي وحتى الكهرباء كامت تطفى وتشتغل ..
اول مااجا اخذته ناديه الغرفه وبدت تحجي برأسه ..
اني خفت منها بس بعدين كلت ليش داخاف لو اعرف ارجع لبيت خالي وانطيه الاوراق واخلص منهم وارجعله كلشي .. بس البيت الصغير الي ..
اجاني ابويه الغرفه ..
هبه صح الي سمعته املاك باسمج ..
اي صح بس هاي الاملاك باسمي حتى اشتري بيها حياتي ..
شلون يعني ..
يعني حتى اتزوج من علي ويعترف بابنه ارجع المال الهم لان خيريه او ولدها رفعوا قضيه حجر بس خسروها وخالي باعلي كلشي حتى يأمن عليهم ..
واني هم اريد أمن عليج ..
شتقصد ..
حولي كلشي باسمي اني ابوج حتى يصير ضغط عليهم ويعترف بزواجه والولد  ..
يابا هاي امانه وشكو فرق الامانه اذا يمي او يمك ..
بنتي اريد اذلهم مثل ماذلوج ...
يابا خالي معليه ...
صاحت ناديه انطينا الاوراق وحولي لابوج كلشي وعوفيه لعلي الف واحد يتمناج ..
وشلون اتزوج واني مو بنيه. .
معليج عوفيها على خالتج ناديه اجيبلج  احسن قسمه ابن اختي ذاك الشاب ونسويلج عمليه ترقيع ولا علي ولا غيره .. وثمن الي سووه بيج اخذتيه أملاكهم وانسيهم ..ّ

باوعت عليها هاي شيطان مو مرة ..
وخلي افرض طاوعتج ليش احول الاملاك باسم ابويه تبقى الي شنو الفرق ..
الفرق اذا تزوجتي واجا خالج يريد أملاكه خاف يرفع قضيه او موقعج على شي وانتي متدرين المحكمه اكيد حتراجع وراح واشوف عندج أملاك لو لا   واذا عرفت اكو املاك حتسحب الاول والتالي منج ...
بس خالي مموقعني على شي ..
وانتي شمعرفج يجوز عنده اثبات ..
ابويه .. بنتي كلام ناديه صح خليني الزمهم من ايدهم الي توجعهم ..
زين وابني شلون الي بطني ...
انزله الج واذا متقبلين احنا نربيه الج .... ناديه كالت ..
ضليت ساكته خفت احجي حتى يأمنون بيه مستحيل احول شي لابويه مو لان مااثق بيه اني ادري ابويه يريد ينتقم منهم ويذلهم لكن ماامن او اثق بناديه لاتلعب لعبه وتقنع ابويه يسلمها كلشي ..
ضلت بطني توجعني وناديه تتلوك الي بهذا اليوم وكتلهم اني موافقه ابيع لابويه انتظرتهم ينامون وخليتها تفرح وانهزمت بالليل اخذت اوراقي والذهب وكلت انهزم لغير مكان اروح اخذ الايجارات واعيش بيها بغير مكان لحد مااجيب  واتصل بخالي واكوله على ناديه شقرت براس خالي  والله يحلها ..
انطفت الكهرباء وناموا الكل وجانت ريم يم امها لان كتلها بطني دتوجعني حتى من اطلع لاتضلين وحدها بالغرفه ..
صارت الساعه ١٢ تقريبا والكل نايم طلعت امشي على كيفي ... مشيت بالشارع الدنيا ظلمه ومحد بالشارع .. قريب مااوصل الشارع العام ركض ورايه چلب من الخوف ركضت سريع وقررت ارجع للبيت من خوفي وجان بيتنا قريب على الشارع وكعت بحفره قويه لان جان الشارع كله طسات وحفر وانضربت على وجهي او وكعت على بطني .. صار الم بطني وشفت نفسي انزف كمت  بالكوه ردت ارجع بس سمعت صوت الچلاب اقترب خفت اقتربت للشارع شفت سيارة تمشي على كيفها بس جنت خايفه ودايخه وأتوجه ابو السيارة عليه وصدمني بسيارته  ومشى شويه او وكف نزل عليه واني بديت افقد الوعي وهو فتح ضوة الجداحه وباوع عليه ... وشالني بسيارته .... حسيت الدم ملى السيارة اريد اكوله رجعني للبيت ومكدرت احجي ..

هبه ..

تذكرت من صحيت وشفته كدامي بالمستشفى وكالي الحمدلله على السلامه ..
شفته اول مرة حسيته قريب مني وكأنه اعرفه من زمان وخاصه من كال اسمعج اذا مضلومه اساعدج .. سمع قصتي وفهمني ومن جنت ابجي يتألم عليه إلا بيوم اجاه تلفون وطلع وكال باجر اجي اطلعج من المستشفى اخليج يم امي واختي ..وأخذ حقج من الي ظلمج وين رحت عمار ليش مااجيت طلعتني من المستشفى وحميتني من هاي المصايب  معقوله هاي العيون تكذب وتخلف وعدها وياي ...
بهاللحظه نوريه جابت صينيه الجاي والكليجه .. شلون سويتلج كليجه والجاي المهيل .. شبيج بنيتي ليش صافنه ..
لا ماكو شي بس داافكر بخالي ...
اشبيه .. راح ترحين عليه ..
اي خاله لازم ...
ليش صار شي جديد ..
اي ابويه يريد يشتكي على خالي على أنه خطفني ..
يومه شلون قهر هذا ..
اي خاله مو خوش وكت ..
اتصلت بخالي ثاني يوم واتفقت وياه اشوفه ثاني يوم الصبح .. كعدت الصبح واخذت اوراقي وشربت كوب الجاي من ايد خاله نوريه  باوعت جانت حزينه ومبين عليها حزينه وتكابر كوة ودعتها وبجيت حسيتها امي الي فقدتها وحنانها مثل ماجانت بيبي تحن عليه او وعدتها ازورها وماانسى طول عمري وكفتها وياي ...
التقيت بخالي وعزمني على مطعم جنت مشتاقه اشوفه ومن شفته شبكته وبجيت ..  وحجيتله على سوالف ناديه وشلون قنعته لابويه حتى احول الاملاك باسمه .. وشلون طلعت بالليل وصدمتني سيارة وتعرفت على ضابط وكال اساعدج واختفى مااعرف ليش ..
خالي كال لاتوافقين على بيع الاملاك واذا جبروج كولي عليه صكوك اذا بعت الاملاك خالي يسوي عليه القاء قبض .. حتى انتي تضمنين هو مايجبرج على شي وياخذون منج شي .. سوينا صك مصدق وخالي صور منه نسخه وخلاها يمي والنسخه الاصليه تلفها لان الاصليه اكيد حتكون يم خالي وبنفس الوقت من يشوفون صورة من الصك يصدكون .. خلي يبسطني ابويه بس المهم ماافرط باملاك خالي وحتى تأخذهم ناديه .. وكال  ياله اوديج للبيت وافهم ابوج علمود زواجج من علي لان علي اقتنع وخضع للأمر الواقع ..
اخذني خالي لبيت اهلي .. كلش خفت بس لازم افض موضوع زواجي واخلص من ضلم ناديه تعبت صار سنين من مكان لمكان اريد ارتاح واحس عندي بيت حتى لو كان زواجي من علي رغما عنه لازم يتحمل مسؤوليه غلطته ويدفع الثمن ..
جانت رند بالباب تلعب وريم كاعدة باب الحوش كاعدة تاكل نستله من شافتني ريم راحت تركض للبيت تبلغ اهلها اجونا خطار ..
طلع ابويه بالباب
وخالي كال السلام عليكم
ومن شافني ابوي كال ..هاا انتي وين جنتي وبيش جايه هالمرة ..
كاله خالي اول شي رد السلام ..
سعدون مابيناتنا سلام ..

يتبع....

قصة هبه ﴿ المغتصبه والضابط ﴾ حقيقيه 🔞-


بارت 12 شاركو القصه مع اصدقائكم

حقك رحيم الي سواه ابني ميتسولف بس خليني اطب اريد اشرب مي ريكي نشف اني بيه سكر ..
طب خالي واني وياه ..
جانت ناديه بغرفتها وطلعت وكالت ياهلا بابو علي .. شلونك ..
هلا خيتي ..
باوعت عليه ها خاتون شرفتي ..
خالي رد عليها بيت ابوها وبيت خالها ماراحت بعيد واحنا اهل بيناتنا لاتدخلين ..
صاح ابويه .. ناديه اخذي بناتج وطبي جوة ...
ها سعدون شعندك ..
كمت جبت مي ونطيت لخالي جان تعبان وشرب الكلاص كله من العطش خالي تعب هواي بسببي وبسبب ابنه ..
اسمعني ابو هبه ..
اني جاي اخطب هبه لابني علي ... شتكول ..
هو وينه الولد خلي يجي اشوفه اريد احجي وياه ..
ان شاءالله يجي وياي ..
من يجي هو وياك نتفاهم ..
ان شاءالله خير ... اني اروح واجيكم بعد اسبوع .. بس مثل ماكتلك انطيني كلام متأذوها بعد لهبه .. رحيم هاي بنتك ميصير هيج اتعبها وتاذيها هاي يتيمه منو الها احميها اني ماالوم بس علي ابني .. لا الومك الك انت عفتها والصار صار ...
مو انت يمها خالها ليش ماحميتها ..
علي مجان موجود بذاك اليوم وهيه جانت سادة بابها واحنا علمناها متفتح باب بس هبه فتحتها سمعت صوت وخافت .. وصارت بعد وهسه راح يصلح غلطته ..
اهم شي الولد يسجله باسمه ..
لا يابا اني اجهضت من طلعت من يمكم بالليل ..
الحمدلله احسن .. واني لخاطر خالج سكتت بعدها ترحين لبيتج وبعد ماريد اشوفج وهذا خالج يسمع ..
ليش يابا ..
لاتسالين ليش كل الي صار بيج عقاب رب العالمين طلعتي من شوري واتلقيتي اعمالج ..
بقيت بيت ابويه اشتغل واتعب وريم ويايه ماعافتني تلعب يمي وبس تضحكلي ..
وبدا ابويه يبات بره ويوصي ناديه ديري بالج على البيت جان يروح يشتغل بغير محافظه يتصل بيه المقاول ويروحون يشتغلون ببيوت يستلموها بالبدايه كاع ويبنوها وابويه شغلته تنصيب الابواب والعمل بيها ..
بالليل واني نايمه سمعت صوت الباب انفتحت اجا بالي ذيج الليله من طببت ناديه مؤيد للبيت جانت الساعه ٢بالليل تقريبا .. انتظرت فترة وكمت على كيفي خليت اذني على الباب سمعت صوت قليل ماافهمه ..
دكيت الباب حيل .. صاحت ناديه منو.  
اني ..  .
شتريدين ..
افتحي الباب ..
ليش ..
منو يمج ..
ماكو احد ..
افتحي الباب احسن الج ..
  شتريدين مني ..
شوفي اذا مافتحتي الباب راح الم الناس كلها عليج سمعتي لو لا ..
فتحت الباب بسرعه ولزمتني من شعري وبدت تضربني وفجأة طلع واحد من غرفتها وراح يركض على الباب الخارجي وهيه تضرب بيه حتى مااشوفه دفعتها بقوة وضربتها بكل قوتي تذكرت الي سوته بيه وشلون خلت ابويه سالفه بحلوگ العالم .. ضربتها وكامت تون من الوجع وكوه فكت نفسها مني وراحت لغرفتها وقفلت الباب ..
اجا ابويه كلشي ماحجتله وكامت تبتعد عني وحست نفسها بعد ماتكدر عليه..
كبرت هبه مو هاي الي تكفخ بيها .. راح تواجه الناس وتأخذ حقها من الكل ..
بعدها بيومين اجا خالي وعلي وكم واحد من كرايبه قروا فاتحتي وناديه هلهلت من كل كلبها خلصت مني ..
ابويه شرط على خالي وعلي .. أنه من باجر او بعده يعقدولي بالمحكمة وياخذوني لبيتهم وبكيفهم يردون يسوون حفله او اي شي ميريد هوسه بيته ..
خالي وافق وعلي جان ساكت كلمه مانطق ..
وفعلا اجوي ورة يومين واجا ابويه وياي للمحكمه وعقدولي على علي .. بجيت من كل گلبي كل الناس تفرح بهاليوم الا اني كرهت كلشي بس الشي الوحيد الي حبيته بحياتي هو عمار .. راح ابويه وعافني من المحكمه وكال هذا بيتج صار بيت خالج ارفعي راسي كافي الي صار تعبت منج ...
ماقبلت يسوولي هوسه هيه حفله على اساس وكلها تبجي خيريه ومنار واني هم جنت ابجي .. وسووا اكل لكرايبهم جانت الكل تباوع عليه اني احلى منه بهواي محد جان يحبه الكل تعرفه ابو نسوان ..
وزفوني عليه ..
جنت لابسه بدله بيضه وتسريحه بسيطه كدام العالم بس فرحه  زواج  ماكو.. ومن دخل عليه مباوعت بوجهه واخذت بجامتي ولبستها  بالحمام طلعت من الحمام نشفت شعري ومشطته وهو يكرز بالحب ويباوع بالتلفزيون ..   مديت فراش بالكاع ومددت ..
شو نمتي بالكاع ..
بس لا عبالك من صدك مرتك ..
مو شرط اني انام وي مرتي ..
يعني شنو ..
يعني كومي لبسيلي شي خفيف اريدج تونسيني ..
اني اونسك الك انت بس لا عبالك اني احبك ومچلبه بيك غير حظي جابني عليك ...
فز من مكانه وجرني بقوة ونام فوكايه ..
وخر عني حقير ..
لزمني بقوه وضربني راجدي وبنفس قوته نزعني   ملابسي واني ادفع بيه وجبرني واخذ حاجته  جان مثل الحيوان وياي يتعامل ..
ينام وياي وينزل ياكل اني جنت ابجي جنت اكره ريحته وأكره من يلزمني بحيث اسبح واحس اثار اصابيعه بعدها تلامسني .. جنت خايفه لا اصير حامل منه واشتريت شريط حبوب تمنعني من الحمل  ومن جان يجي الليل اموت لان حيقترب مني وخاصه من يجي سكران ضرب وقوه ونوم غصبن ماعليه..

جان خالي يحس بيه ممرتاحه واني هم احس بيه ممرتاح ويه خيريه ورجعها لبيته لان يعرفها هي الوحيده الي تأثر على علي حتى يتزوجني ويستر عليه ..
جان يكولي دائما احنا ظلمناج ويانا ..
الا خالي المهم انت وياي اني مرتاحه ..
خيريه ماتحجي وياي بس وكت الشغل واني كمت مااهتملها بس خالي ماعفته ابد بدت صحه خالي تدهور وتتعب إلى أنه فد يوم اجيت عليه حتى اكعده يتريك ماكعد ... لزمته بارد وعرفته ميت من الليل .. صرخت من كل كلبي وبجيت عليه ... هذا اخر انسان جان يحن عليه وراح مني ..


عمار ..
بعد مالكيت عنوانها فرحت لكيت هبه واخيرا راح اعوضها الي خسرته كله لازم اطلعها من هاي البيئه الي عايشه بيها ناس ماترحم لا اب يعتني بيها وياخذلها حقها او عدها اخ او ام يشيلون عنها ويخففون عنها مصايب  الدنيا ... 
وصلت للبيت اتلكتني مريم . 
شو تاخرت ..
شغل عندي .. حضريلي  عشه جوعان وشوفيلي ملابسي مال الشغل  غسليهم واكويهم ..
ليش خلصت اجازتك ..
لا عندي شغل لازم اكضيه هاليومين .. اتعشيت وشربت الجاي ..
مريم .. شبيك عمار ..
لا مابيه ...
مو على بعضك احس ..
لا بس لكيت خبرعن هبه ..
صدگ ..
اي الحمدلله ..
اروح انام وادعيلي باجر ابدي ...
شتبدي ..
ادعيلي وبعدين تعرفين ..
صعدت نمت بغرفتي اول مرة انام مرتاح ..
ثاني يوم رحت للشغل رغم اجازتي ماخلصت بس بديت امارس عملي ..  ودزيت اثنين يجيبولي معلومات عن بيت اهل هبه  قبل كلشي ..
جابولي معلومات أنه ناديه تلتقي بشخص   مشبوه بيتها وفوك هذا كله هو صارله سنه من طلع من السجن بتهمة سرقه سيارات ومحلات ذهب كان اسمه عباس .. سألت عن مؤيد عرفته عايف المنطقه من زمان ورايح لمحافظات ومتزوج هناك ..
اتصلت بمراد وحجيتله .. كال لازم اطلع وياك ونداهم بيتهم حتى نعرف شلون نفرها عليهم بس سالني سؤال ..
ناديه عدها اطفال ..
ابن الشيخ كالي عدها بنيه من رحيم .. وكالت هبه عدها بنات اثنين من زوجها المتوفي ..
شوف عمار احنا راح نداهم وبنفس الوقت  الفضيحه مو حلوة واحنا ماالنا حق عليها احنا اصحاب عوائل نهددها لمرت ابوها ونشوفها تجر عدل لو لا ..
هذا هو اني هم اريد هبه اخذها ومعليه باحد ..
شوكت نبلش ..
باجر بالليل تعال انت وحدك  عليه اني ارتب الك الموضوع ..
مع السلامه ..
انتبهت على كلام مراد شكد گلبه طيب ويخاف لان يتامى عدها لناديه امهم نفسها مافكرت بيهم ومراد حن عليهم ..
جنت انتظر باجر بفارغ الصبر اريد بس الوكت يمشي حتى اشوفها واسولفلها الي صار رغم عني اني ماعفتها ..
رن تلفوني ..
بدون ماانتبه على الرقم ..
هلو عمار شلونك ..
اهلا ازل اتفضلي ..
حبيت اسال عليك  ..
شكرا محتاجه شي اوراقج او وصلتج او حقوقج كلها كامله ليش دتتصلين حتى تگلبين المواجع عليه ..
نهيت المكالمه واني انفعلت واكتئبت من اتصالها كل الي اني بيه هيه السبب ... قدمي وخسارتي لهبه وحتى سيارتي .. ماعدا حرگ الاعصاب ..
مر اليوم بطىء كلش واجا الموعد واني فرحان واتصلت بمراد وكالي كل شي تمام ..
وبدت الشغله ..
مراد ..راح نطب لبيتهم كانه تفتيش عدنا وانت طب وياهم بالغرف بلكت تلكاها .. واول شي راح ندخل على كم بيت حتى الموضوع يصير طبيعي كانه عدكم اسلحه وماشابه من هاي السوالف .. جان مراد رتبته مقدم ..واله هيبه من يمشي وهو صاحب طول وجسم ..
ان شاءالله مراد هواي تعبتك ..
لا لتكول هيج احنا خوان على بختك ..
صارت الساعه عشره بالليل ..
وتوجهنا لبيوتهم جانت الشوارع ظلمه ومخيفه استغربت شلون كدرت تطلع بهاي الليله الي لكيتها بيها ..
دخلنا كم بيت بس من الباب سلام وكلام بهدوء وسألنا عن سلاح وجان الوضع طبيعي ..
وصلنا لبيت هبه دكينا الباب .. بدا گلبي يدك واني فرحان راح اشوفها واخيرا راح الكاها واحجيلها شكد دورت عليها ..
فتح الباب رجال جبير مبين ابوها باوعت عليه بيه هواي ملامح من هبه اتفضلوا عمي ..
عدنا تفتيش عمي بس بلغ الكل يكعد خاف عندك احد نايم ..
اي عمي صار لحظه شو دخل ثواني وطلع وكال .. اتفضلوا ..
عصرني گلبي ودخلت ضل مراد يحجي وي الاب طبيت غرفه غرفه ماكو هبه انسطرت هاي وين وداها ..
طبيت لغرفه بيها بنات اثنين عرفت ذولي بنات ناديه .. وجانت اكو بنيه صغيره تفتر وراي وتباوع بالبيت ..
ماكو كدامي غير اسال بس المن اسال ..
اشرتله لمراد ماكو .. افتهمني مراد ..
حجي شنو ماعندك ولد ..
لا والله بس هاي البنات ..
كتله .. بس بناتك صغار شعجب ..
كال قسمتي الحمدلله تزوجت متأخر..
بس ذولي عندك ..
اي ماعندي غيرهم ...
ماذكر هبه ابد ولا ذكرلها سيره ..
شلون ياربي ..
التفت لكيت غرفه ...
كتله حجي هاي شنو ..

يتبع....

قصة هبه ﴿ المغتصبه والضابط ﴾ حقيقيه 🔞-


بارت 13 شاركو القصه مع اصدقائكم

كال غرفتي عمي ..
كتله ماطبيت عليها خلي اشوف ..
راد يجي وياي ..
مراد سأله حجي مااعرف وين شايفك اني .. راد يلهيه عني ..
دكيت الباب فتت ..
لكيت وحدة كاعدة متوسطه بالعمر كامت تعدل بنفسها جانت خايفه ..
طبوا وياي كم واحد هما يفتشون واني سالتها ..
انتي زوجه هالرجال ..
اي ..
عدكم سلاح ..
لا والله خيي ماعدنا .
اسمعي زوجج ماموجود .. منو عباس ..
هااااا ..
مثل ماسمعتي ..
هذا مجرم خطير ولو انتي متعلمه عندج طبيعي عباس يطلع مؤيد يرجع  ..
كامت ترجف وتخاف .. هاي شنو هاي شتحجي سيدي ..
اسمعيني بعد اي احد يطب للبيت غريب متلومين الا نفسج احنا جينا على هالاساس البيت مشبوه ..
هاي مو اني هاي بنته بت رجلي هبه ..
شبيها بنته ..
ذولي اصدقائها ..
لج تافهه ريحتج فاحت الصغير والجبير يعرفج وديري بالج تجيبين سيرتها لهبه وهيه وينها هبه
شو ماكو ..
غير زوجناها ..
شنوووو ....
شبيك سيدي ميصير وحده تزوج .. 
لا اقصد المن تزوجت  ..
لا علي ابن خالها بيتهم بالعطيفيه ..
بهاللحظه طب مراد وابو هبه ..
ها خويه اكو شي ..
لا ماكو شي بس تعرف .. شفت صندوگ أشرت عليه .. خليت الولد يفتشو هو والكنتور  ..
هااا نتوكل لو بعد اكو شي ..
ابقى ابني نسويلكم عشه ..
جاوبته لا عمي لا تسلم تعبانين ورانا شغل هواي ....
اريد بس اطلع اختنگت ونفسي أحسه كام يصعد وينزل ..
سلمنا عليهم .. وطلعنا ..
اشبيك عمار ..
مراد مالحكت متزوجه لكيتهم مزوجيها ...
هاي شنو ..
اي مراد ..
لاول مرة حسيت بالحب نار اشتعلت بيه وكمت الوب حسيت وجع بداخلي تذكرت صوتها عذوبه كلامها رقتها يعني راحت مني هبه ..
على كيفك عمار يجوز البنيه مغصوبه ..
اكيد مغصوبه .. بس شاسوي ..
عمار لازم تؤمن بالقسمه والنصيب هاي البنيه مو قسمتك شكد حاولت توصللها وكلشي سويت بس ماوصلت هاي مو نصيبك .. انساها عمار وعيش حياتك ..
ولاتنسى انت ماوعدتها بزواج .. .
بس وعدتها مااعوفها ..
انت ضليت تدور عليها بس ربك شاء أنه تزوج بهالفترة انت عفتها ماصار ٦ اشهر واجتي قسمتها .. عيش حياتك واطوي كل شي الزمن كفيل يخليك تنسى كل شي ..
تشكرت منه لان تعبته ..
وصلت للبيت كعدت بالحديقة اريد اشتم هوه اريد ابجي احس اكو فراغ صار بداخلي يسالني ويكولي وينها هبه ...
ضليت تعبان ومتأذي والامل الوحيد الي جان عندي فقدته .. بس ضل بداخلي شي يكولي تلتقي بيها بيوم ...

هبه ..
بعد ماكعدوا الكل على صوتي جتي خيريه تركض وبتها الصغيره ختلت وراها وتبجي من الخوف ... علي جان نايم وسكران فز على صياحي وهو دايخ .. شكو شصاير .. شاف ابوه ميت باوع عليه وكام يبجي ..
كلنا خسرناه وافتقدناه حتى خيريه شكد اذته بس اتاذت على فراكه حسه بالبيت وحنيته يتفقد الصغير والجبير اجا ابوي للفاتحه بعد ماعرفت بيه جاي رف گلبي عليه ودزيت عليه اجا وهو يسالني ويكولي شلونه هذا وياج ..
زين يابا لاتشيل هم ..
الحمدلله ..
يابا مشتاقه لريم اريد اشوفها ..
عود تعاي زوريها ..
تخليني اجي ..
اي ليش لا هذا بيت ابوج بنتي ..
جنت اشتغل بالفاتحه وابجي على خالي وامي والنسوان كلها منتبهه عليه حتى بناته مو مثلي منار جانت تفتر وتسولف وي النسوان ولا كانه ابوها راح .. سامر جان يتصل ويبجي ميكدر يجي ويحجي وي امه ويكوللها راح اموت بالغربه ..
اما علي جان يفتر وكلشي مايعرف يتصرف وكلسع يجي عليه ويكولي البيت هوسه ديري بالج على الغراض لايتكسرون ..
وبالليل صعدت دانام تعبانه ذبيت روحي على الجرباية ونمت وهو اجا نام بصفي ويتلمسني ..
كتله هاي شبيك اتخبلت ..
شو هذا ضربني راجدي ومال شنو تخبلت مرتي واريدها ..
لك شتريد مني ..
متعرفين شأريد ..
ضربت على وجهي لك انت من يامله لك ابوك بعده مصارله يومين بالگبر وتريد تعاشرني انت بشر لو شنو كلي ..
لج انجبي لاتصيرين ام مبادىء وقيم هو ابويه مو ابوج .. وجرني بقوه وأخذ حاجته ولا كانه ابوه ميت مستحيل هذا من البشر..
خلصت الفاتحه وعدت ايام وبدا الكل يسأل على الورث وكلمن يريد حصته مجان احد يعرف الاملاك كلها باسمي جانوا يتصورون بس البيت الصغير الي  خفت اكوللهم على  الاملاك .. وبيوم   اجا علي طب يصيح .. واني دااطبخ الغدة ..
لج هبه ياك.......ه يا كذا ....وكذا ...
كلشي باسمج ومتحجين مسويه نفسج مثاليه وتبيعين علينا اخلاقيات ..
شبيك ليش دتغلط .. اني ماناكرة حق احد ..
اجتي خيريه تركض جانت ملثمه ولازمه العده نزعت الخمار شافت ماكو غريب ..
شبيكم صوتكم وين واصل ..
طبعا ماادري الي صار انهجم بيتنا ابوي الخوش آدمي بايعلها الاول والتالي ...
ضربت خيريه على وجهها .. منو كالك يامصخم..
جنت يم المحامي وكالي ...

اني ادري بس البيت الصغير احجي هبه اخرسيتي ..
خاله صح كلشي باسمي بس مااخذ حق احد هو وصاني وكتب حتى وصيه طلب مني امشي عليها مثل مامكتوب ..
طبعا يكتب باسمج قابل باسمنا .. حسبي الله عليج وعليه ..
عفتها وصعدت فوك .. وصعد ورايه علي..
لج امشي  وياي ..
وين ...
للمحامي .. حتى نفتهم
طاوعته وبدلت ورحت وياه شفت خالي مخلي ورقه يطلب بيها أن اتصرف مثل ماموجود بيها ومشت الإجراءات طبيعيه وسحبت أمواله ودزيت لسامر حقه مثل ماطلب مني خالي لان ميرجع سامر  بعد للعراق .. وكلشي اتقسم بالتراضي .. بس البيت الصغير يبقى الي وكم مليون لابويه ..
بعدها الكل رضى وماظلمت احد حتى الورقه الي جانت يم المحامي هي مو وصيه اصليه لكن اني التزمت بحذافيرها ومشيت عليها خوف من الله اولا وثقه خالي مااخونها ...
عدت الايام ثكيله البيت كما مااطيقه علي نفس وضعه نسوان وشرب وتعدي عليه بالضرب ويجبرني  بالفراش ...
واخر شي فكرت اطلب منه الطلاك وكلمن يروح لحال سبيله  ...

قررت افاتح علي بهدوء ونحلها بالتراضي بدون مشاكل .. شفته اتغده وجان نعسان ديصعد ينام .. صعدت وراه نام على. جربايته ..  
علي اطلب منك طلب ..
كولي خير .. جاوبني وهو مخلي المخده على راسه ومخده جوة رأسه ..
اريد اطلك ..
وخر المخدة من يم رأسه واستعدل وكعد ..
هاي شنو ليش .. وهو يضحك .. باوعتله عبالك جان ينتظر احجي بهالموضوع ..
اني مااريدك بعد مااتحملك اني اتحملتك لخاطر خالي اريد حريتي ..
اي شكو بيها ماعندي مشكله ..
صدگ ..
رجع مدد ونام وكال...
اي طبعا بس اكو طلب بسيط ..
استغربت من هالطلب ..
شنو هو ..
اشكد تدفعين الي مقابل هالحريه ..
ضربت على وجهي لك شادفعلك هو اني شعندي ..

ليش شكد خله ابويه بحلكج ..
هذا حقي ماعفته اكثر من ٥سنين اخدم بيه ماعفته لحظه ..
هذا الي عندي ... ياله طلعي من الغرفه اريد  انام بالليل عندي سهرة وي جماعتي ..
يعني ماتطلگني ..
حظري كم فلس واني بالخدمه ..
كمت حظرت غراضي واخذت اوراقي وبدلت وطلعت ...
جانوا خيريه ومنار  كاعدات بالحديقة جانت الدنيا عصر والجو طيب والصيف على الابواب ..
صاحت خيريه ..
على خير وين رايحه ..
رايحه لاهلي .. رجلي يدري ..
ليش عندج اهل يلفوج انتي منو يريدج الله يرحمك سعدون هو الي ستر عليج من شمروج بالشوارع ..
الله يرحمه لخالي مات ياله ارتاح من قهرج ..
اجتي عليه وتكولي ارجعي ماكو طلعه لج ..
مو بكيفج خيريه سنين واني متحمله قهرج واكول عيب من خالي جرتني من ايدي وتكولي طبي جوة لج اخذتي كلشي من سعدون وهسه تطلعين بكيفج دفعت أيدها وكتلها ..
وخري ايدج عني سمعتي لو لا ..
ماتطلعين تبقين هنا خدامه ..
منار تكول لامها دخلي تروح لأهلها ونخلص مو من شفناها ماشفنا خير هالفگر بت الفگر..
اخذت جنطتي وسحبت ايدي ودااطلع ركضت وراي خيريه دفعتها بقوة او وكعت وصرخت صرخه قويه منار عاطت بصوتها  يوم شبيج وخيريه تتوجع وتصرخ من رجلها اني خفت اخذت الجنطه وانهزمت واسمع منار تصيح ميس كعديه لعلي بسرعه ..
ركضت بشارع شفت تكسي أشرت اله وصعدت وتوجهت لاهلي ..
جانت الجنطه بيها فلوس ابويه الي خلاها خالي اله جان كريم ويدري بابوي حاله واكف وخالي ترك خير وراه اقل شي  لكل واحد فلوس بيت وسياره ماعدا الفلوس الي بالبنگ والمزارع الي عنده وجان محصولهم وحده كافي الهم يعيشون احسن حياه بس كلهم مبذرين..   
والله بارك برزقه لان جان يساعد الفقير ..
وصلت لبيت اهلي واني ارجف فتت من يم بيت الشيخ لكيت هوسه كلت شصااير هنا شكو .. باوعت واحد عسكري جان واكف يشبه عمار بس اني جنت ابجي وعيوني مغوركه مسحت دموعي وكلت السايق اوكف ذبني يمك نزلت باوعت من بعيد عليه جانوا هواي واكفين بس من شفت العكاز .. كلت لا مو هو عمار  يمشي عدل رجله مابيها شي .. صفنت كلت يجوز مضروب وفترة يستخدم عكاز بس شيجيبه هنا .. دگ تلفوني باللحظه اني محد يتصل بيه بس علي لان محد عندة تلفون من اهلي بس ناديه وناديه متتصل بيه .. شفته علي ديتصل مجاوبته .. قفلت التلفون من الخوف
وصلت للبيت ارجف دكيت الجرس .. طلعتلي ناديه ...
هلا شعجب تذكرتي عندج اهل ..
ناديه ابوي هنا ..
لا ماموجود يجي بالليل.. لج شبيج خيرج ..
تعاركت وي علي وامه ودفعتها او وكعت يمكن انكسرت رجلها من دفعتي ..
عزا العزاج هباوي غير على كيفج ..
اسويلج شي تاكليه
باوعتلها هاي تتلوك الي ..
ناديه  هاي منج من الشيطان من شوكت حابتني ..
شلون مااحبج انتي مو بت رجلي بس كلشي اتوقع منج الا السالفه الي دكيتيها بيه مو اني امها لريم تريدين تفضحيني ..
صدك وينها ريم ..
راحت هيه ورند بيت الجوارين عندهم مرجوحه يلعبون بيها ..

يتبع.....

قصة هبه ﴿ المغتصبه والضابط ﴾ حقيقيه 🔞-


بارت 14. الاخير. #النهايه

ماتشتريلها مرجوحه شكو تخليها يم الجوارين ..
ابوج مو مثل قبل تعبان وكوه يجر النفس ..
انتي دمرتيه جان مثل الورد ..
اسمعي هباوي لاتضيعين السالفه .. شلون اجا من گلبج تسوين هيج وتكولين بيتي مشبوه ..
ضربت على وجهي صخام الصخمج ندو شنو هالحجي ..
اي اجوي جيش ذاك اليوم بحجه التفتيش وكالولي الي بس الحمدلله مو  كدام  ابوج البيت مشبوه شلون تسوين هيج ..
لج والله معليه مو حباً بيج لا اخاف على ابوي لايصير بي شي صح انتي غيرتيه عليه وخليتيه يذلني سنين بيت علي وخيريه بس هو ابوي والاظفر مايطلع من اللحم ناديه ..
يعني مو انتي ..
لج انتي تخبلتي صدك تحجين شلون اسوي هيج ..
بس شلون الي صار..
سولفيلي من البدايه ..
حجتلي ناديه الي صار ..
بس هذا مايدل أنه هو يعرفني وجاي عليه ..
يمعودة داخ من عرف انتي متزوجه ..
تذكرت هذا الولد الي جان على عكاز ..
كتلها اكولج ناديه هو جان ....
فتح الباب ابويه وسكتت عن سؤالي ..
شافني اتعجب وكال .. بنتي هبه شلونج ..
كمت اركض عليه حضنته وبجيت ..
شبيج يابا ..
يابا تعبت من علي اريد اطلگ ..
يااا .. صاحت ناديه شتطلكين هبه شتكول العالم علينا ..
يابا تعبت وخالي من راح ذلوني .
بنتي اتحملي المن ترجعين ..
يابا اني عندي بيت خلي نكعد بيه سوه ..
منين الج البيت خالج مو ماخذ عليج صك ..
لايابا هاي لعبه حتى مااتصرف بأمواله هو خلاهم امانه لان رفعوا عليه قضيه حجر ..
وهسه أملاكه رجعتيها لأصحابها ..
كلشي نطيت ورجعت ماعفت شي بس البيت الصغير هو الي طبعا هو مو صغير بس هو اقل بيت مساحه بالنسبه لبيوته ..
الله يرحمه ماقصر وياج ..
ولا وياك يابا هاي امانه عافها الك كال انطيها لابوج من اموت ..
ناديه ضلت صافنه على الفلوس ..
وفرحانه ..
يابا هاي الفلوس  تخليهم وي فلوس هذا البيت  لان حتبيعه اشتريلك بيت بغداد وأجره وعيش منه وي التقاعد مالتك واكعد بيتي كافي يابا انت تعبت وعندك ٤بنات ..
ناديه ضلت صافنه عليه معقوله هيج اجازيها بعد الي سوته بيه ..
كامت تبجي وحظنتني لج هبه انتي شايله هم ابوج وهم بناتي هم ..
نصيت صوتي .. بس من نكعد بذاك البيت ماريد يصير شي بعد ناديه انتي كبرتي ..
اندكت الباب بقوة ..
فزيت من مكاني ونطيت الفلوس والجنطه مالتي لناديه .. ضميهم بسرعه ..
واسمع صوت يصيح ..
رحيم افتح الباب اليوم احرك البيت عليكم ..
فتح الباب ابويه وشفت علي شايل عصا او واكف .. وينها بتك الك....  ه اليوم اموتها واكسرها مثل ماكسىرتها لامي .. ابويه لزمه بقوة وصاح لك علي المن تريد تضرب ..
ناديه لبست عباتها وفاتت من بيناتهم وطلعت تصيح بالشارع الحكونا يااهل الرحم كتلوا رجلي ... الحكونا دخيلكم ..

....
عمار ..
الطبيب ..
عمار  عمليتك نجحت والحمدلله رجلك متحسنه وتكدر تمشي عليها بدون عكاز بس اكيد مو هسه  وانت الظاهر مامتعب نفسك ..
ضحكت .. دكتور والله مامرتاح بس الوالدة  الله ينطيها العافيه تدعي وتقرا عليها ..
كلنا ماشين بدعواتهم هما الخير والبركه ..
طلعت من يم الطبيب وياي مريم صارت الي اخت وحبيبه وصديقه جنت اتالم لان ماتزوجت لسه علمود امي متكدر تعوفها .. حمدت الله ماتزوجتها لازل جان ذلتها لامي رجعت للبيت فرحان وجنت مرات امشي بدون عكاز بس امي تحلفني تكولي جرحك اخضر مو زين عليك جنا نضحك على سوالفها اني ومريم ..
جنت نايم من التعب ... وشفت بمنامي حلم غريب شفت هبة بيني وبينها حاجز بس ماكو حاجز ينشاف شي شفاف امشي اريد اوصلها بعيده بعدين وصلت الها باعجوبه باوعت رجلي توجعني من وصلت الها تعبت واقتربت الها لمستها مجنت مصدك وصلت ...
جان افز دگ تلفوني .. باوعت جانت الساعه ٣العصر تقريبا ..
جاوبت .. الوووو
السلام عليكم ..
اهلا منو وياي ..
اني محمد ابن الشيخ ...
كلت بخاطري الشيخ الي يم بيت اهل هبه ...
اهلا وسهلا بيك جنت نايم ممنتبه على الرقم  ...
ابوي يسلم عليك ويريدك تجي اليوم ننتظرك على العشه ..
ان شاءالله ساعه وجاي مسافه الطريق ..
نهيت المكالمه بصراحه فرحت على الاقل افوت من يم بيتهم ارتاح احس بيها قريبه ..
بدلت وطلعت لبست ملابس الشغل
ونزلت شفت امي كدامي ..
امي ادعيلي .. ادعيلي تتحقق امنيتي
ان شاءالله وليدي ..
مريم ... وين رايح ..
رايح للشيخ ..
بالسلامه حبييي ..
صعدت بالسيارة والعكاز وياي حسيت روحي مرتاح والدنيا مسايعتني مجنت اعرف ليش بس فسرتها لان قريب بيت الشيخ على اهلها مع العلم اني اعرف هي متزور اهلها وعلاقتها تلف بمرت ابوها ..
مشيت بسيارتي واني اسمع اغاني وادندن فتت من يم بيتهم بابهم مسدوده ..
هنا جانت هبه تلعب باب الحوش هنا كظت طفولتها وتخيلت بيبيتها بالباب كاعدة وهي تلعب انحرمت من الام وهي بعازتها اكثر من اي وقت .. عسى أن تكون مرتاحه بزواجها .. ولو علي متعب وميخاف الله ..

وصلت باب بيت الشيخ الكل استقبلني نزلت او وياي عكازتي واني اسلم عليهم فاتت تكسي من يمي لمحت بنيه كاعدة مكدرت اباوع بصورة مستمرة مااريد يكولون اباوع على بناتهم وبينا زاد وملح ..
ضليت واكف واسلم باوعت على التكسي ماوصل لبيتهم وكف قبلها ورجع ..
كلت وي نفسي عمار شبيك اليوم كمت تتوهم حتى بوجه هبه كمت تشوف اي بنيه بديرتهم هبه ..
طبيت لبيت الشيخ واخذوا مني عكازتي من كعدت ..
الشيخ عاتبني ..من عرف مسوي عمليه ومايدري سامع من الناس جان ماكو شي ينظم على الشيخ بحكم معارفه والناس كلها تحبه ..
استقبلوني احلى استقبال وشربنا يمهم الجاي والگهوة .. واحنا دنحجي ونضحك .. طب واحد من الصبيان الي يم الشيخ .. عمي .. عمي ..
كول شبيك ..
هذا كعد بالكاع وكال .. مرت رحيم تصيح وتستغيث وتصيح دخيلكم ..
صاح الشيخ لابنه .. ولك اركض حامي المرة ...
من سمعت مرت رحيم عرفت ابوها لهبه .. وبدون شعور واني رجلي ملفوفه والعمليه بعدها فزيت وسحبت سلاح ورحت اركض لكيت ناديه تصرخ ..
طبيت شفت الي جنت دانتظره هبه كدامي اي هيه صايره بين ابوها وبين رجلها رجلها الي شايل عصا ويريد يضربها هي وابوها سحبته من ياخه قميصه عليه وضربته بوكس على وجهه رجع ديضربني ضربته بالاخمس على رأسه  أو وكع بالكاع ...
التفتت عليها .. لكيتها تمسح بوجه ابوها جابتله مي وغسلت وجهه وهي تهفي اله واني صافن عليها والبيت كله ناس وهيه ماشافتني تبجي وتكول ..
ها يابا شلون صرت خما اتاذيت هذا الحقير ضربك يابابا سوده عليه وهي تبوس بايده .. التفت عليه وهي تريد تشكر مني ..
منين اجيت  .......... ضلت تباوع عليه وكامت تفرك بعيونها ...
كملت كلامها ماتريد احد ينتبه عليها بس كانت متعرف تحجي ..
صحت على الولد الموجودين ..
شيلوا هذا اربطوه وخلوه بسيارتي ...
باوعت عليها ..
شنو اسمج ..
ه ه هبببه ... اسمي هبه ...
امشي وياي انتي والوالد حتى ناخذ اقوالكم ...
بس هو زوجي ...
باوعت عليها ...
كومي جيبي الوالد وتعاي وياي ..
باوعت على ابوها .. حجي تجي ويانا لو انتظرك ساعه ترتاح ...
لا يابا اجي وياك ..
الشيخ اجا عليه وكال ..
عمار وليدي هما عيال بيت ليش مانفض الموضوع هسه ..
شيخنا الي تكوله انت امر .. لكن مد ايده عليه إذا تقبلها هسه اتركه لحال سبيله ..
سكت ماحجى شي وكال الراي رايك ...
صعدت هبه وابوها ... وسياره ورايه بيها علي ..
اول ماوصلنا المركز ..
كتلهم شمروه بالسجن ...
طب ابوها لهبه وهي صافنه عليه متعرف شنو الموضوع وشلون اجيت ..
حجي احجيلي هذا منو وليش هيج اتعدى عليك ..
كالت هبه هذا زوجي وبدت تحجي وتبجي ..
ارجوج لاتبجين ..
يعني انتي ردتي الطلاك وهو ماقبل ..
اي ..
دكيت الجرس ..
جيبولي هذا علي واذا بعده فاقد صحصحوه وجيبوه كدامي ..
ورة اشويه جابوه كدامي ..
اسمك ..
علي سعدون ..
ليش تعديت على الناس وتهجمت عليهم وتوجهت عليهم بالسب والقذف ...
سيدي مدت ايدها على امي ..
وتكوم تضرب ابوها ...
وتجاوز وتحاول تمد  ايدك عليه .. .القضيه الاولى عرفتها والثانيه تعدي على الظابط أثناء تأديته واجبه ..
سيدي ماجنت اعرف بيك ضابط ...
مشكلتك مو مشكلتي ..
سيدي والله ماعرف بيك
اسمع لك .. طلگ
شنوووو
طلگ    ....
ضل صافن عليه وابوها هم صفن عليه ...
كتلك طلگ هسه كدامي انت مو ماعندك مانع تطلگ مقابل فلوس ياله طلگ .. وكدامي وكدام ابوها ..
كال .. هبه انتي طالگ ...
دكيت الجرس صحت عليهم أخذوه .. وعشوه .. واشرت الهم .. يعني ابسطوه ..
حجي يعني مصر انت ما تقيم دعوى  ..
لا ابني شمهما يكون هو ابن سعدون ..
طول مااحجي هبه تباوع عليه ومن اباوع عليها تدير وجهها ..
تكول وي نفسها ليش يباوع عليه مو عنده زوجه .. زين هاي شوفته صدفه ومعرفته بالشيخ صدفه ..
رجعنا للبيت وجنت كلش تعبانه وصافنه الي صار يمكن حلم اريد اصحى منه بس ماجنت فرحانه لان ادري عمار متزوج مااريد اخرب عليه حياته مستحيل اقبل اكون زوجه ثانيه ... طول الطريق وهو يباوع عليه من المرايه واني صادة عنه ..
... اشبيها هبه ليش هيج مفرحانه توقعتها تفرح بشوفتي ... يمكن تحبه لزوجها وكرهتني لان طلبت منه يطلكها ..
بس هي الي كالت .. طلبت الطلاگ منه وميقبل يطلگني الا ادفعله فلوس.. لازم اتاكد اذا تحبه خلي ترجع اله ماافرض نفسي عليها ..
وصلتهم لبيتهم جانت الدنيا ظلمه طببت ابوها جوة بغرفته وماتركته الا نام  وناديه وياه كتلها ابقي يمه ناديه جانت تباوع ومن شافتني عرفتني واتاكدت اني احبها لهبه ..
طلعت من غرفه ابوها وجريتها عليه ..
انتي ليش ضايجه ... تريدين تبقين وياه كولي .. صار اشهر ادور عليج دكيت كل بيبان الناس حتى يم منطقه رجلج السافل اني ادور بس سمعت بالعطيفيه بس مااعرف يابيت ياشارع يادربونه .. طلعت دوريات وجبت الحرس واتحملت مسؤوليه حتى بس الكاج ..

ومن عفتني ورحت كالتها وهيه تبجي ..مكلت وين اروح وتدري بيه ماعندي مكان يلمني ضليت افتر بالشوارع والبيوت ..
غصبن ماعليه ماكدرت اجي ...
ماكو شي غصبن ماعليك ..
هبه اني احبج ..
وينه حبك عمار وانت تخليت عني  ..
لج هبه انكلبت بيه السياره وصلت للموت وفقدت الوعي وهاي رجلي كدامج اني وعكازتي ..
زين حااقتنع بكلامك ..
وزوجتك ..
زوجتي منو ..
اتصلت بيك من مااجيت عليه طلعتلي وحدة تكول اني زوجته ونهت المكالمه ..
اصلا ... اصلا ...تلفوني راح بالحادث ..
لحظه .... لحظه ....انتظري راح اسمعج صوتها وكوليلي هيه لو لا ..
اتصلت بازل وردت عليه ازل ..
هلو عمار ..
هلو ازل ..
حطت اذنهاعلى التلفون حتى تسمع ..
مشتاقه الك حبيبي ..
اسمعي اللي بيناتنا انتهى مابيها داعي هالكلام ... 
عمار بس انطيني ...
قاطعتها .. التلفون ليش تكولين ضاع من فقدته بالحادث وهو عندج ..
هاااا ... مو يمي .. 
اتصلت وحده وكتيلها انتي زوجتي ...
يعني اخذتي تلفوني وكذبتي عليه ..
اني مو قصدي اخذه .. اني جنت اغار عليك عمار ..
وهي تحجي نهيت المكالمه ..
صوتها لو لا ...
اي صوتها
اتاكدتي.....
هبه .. يعني انت ممتزوج ..
لا هبه جنت ادور عليج متت من مالكيتج ..
وهاي ازل ...
اششش اتركي كلشي وراج .. المهم احنا سوة .. ونسيت نفسي واخذتها لحظني وبوستها من ايدها..
عمار عفيه ميصير اني متزوجه ..
نسيت والله نسيت من لهفتي وشوگي عليج ..
سمعت صوت ورايه باوعت لكيت خواتهاواكفات يباوعون علينا ويضحكون .. ضحكت عليهم وشبگتهم من فرحتي واالفرحه ماسايعتني .. طلعت من يمها واخذت رقم تلفونها ...
رجعت للمركز ... كتلهم جيبولي علي اجاني مدمى ومبسوط .. اول مااشافني سيدي ارجوك ...
اسمع راح اخلي سبيلك بس بشرط توقعلي هاي الورقه هاي عدم تعرض الها ولاهلها..
وباجر تروح تطلكها ومنريد لامقدم ولا مؤخر ..
صار سيدي ..
ولي روح لاهلك وبعد ماريد اشوف وجهك كدامي ..
طلع يركض وميباوع وراه...
رجعت للبيت فرحان اول ماطبيت لغرفتي ضليت احجي وياها وطلبت مني أن اتركها لحين ماتخلص العدة ... مرت العدة ثكيله واني احلم يوم يوم اشوفها ..
انتقلوا لبيتهم الجديد بيت هبه بعد ماباعوا بيتهم القديم .. ناديه تغيرت وتابت لربها حست بقيمه رجلها وقيمه هبه وبناتها وعاشت وياهم نوريه الي جانت مأجرة البيت من هبه .. ماتخلت عنها هبه وحسبتها مثل امها ... 
واول ماكملت العدة .. رحت خطبتها وصارت هي خطوبه وهي عقد قران امي جانت فرحانه ومريم مرتاحه حسن بهبه هبه الانسانه الوحيدة الي حتقيم بامي وتسعدني... وبين ماجانت الناس تتعشى ومخبوصين وصوت الغنى والركص اخذتها بالحديقة ...
احبج هبه ..
احبك عمار ..
اخذتها بحظني وبوستها او وعدتها مااتخلى عنها ..
اتزوجنا وجانت هبه احلى عروس وبالعرس ناس شافوا مريم وخطبوها وتزوجت مريم بعد شهرين من زواجنا وبعد سنه الله كرمنا بولد سميته ياسر على اسم والدي .. بقت هبه على بساطتها وهيه تعتني بامي وصرنا اسعد زوجين ...

النـهاااية.....

✔️
نحبكم هوايه هوايه

انتظرونه بمجموعه قصص #جديده .♥️
-

اصبحنا واصبح الملك لله اللهم افتح علينا في هذا الصباح كل باب خير فتحته لأوليائك وأحبابك لا تسده عنا ابدا . 🖤🌹".

مُبارك عليكم شهر الحُب والطاعة والمغفرة 🖤

نبدي قصه جديده قرأ ممتعه❤️💋

رواية جديدة🍁(#رواية_حنوشه_واخواتها)
.الرواية #20_بارت🍒🌸

#صلو_على_نبي_الله_محمد_اذكرو_الله
#قراءة_ممتعة🍒💥

بارت ١
حنوشه أمي تسلم عليج ودزت ويايه فلوس السلفه وادكول ماتكدر تجي للبيت تحفني…
اي حسوني سلملي على أمك وان شاالله العصر أني أجي احفه
يابنات اني راح اروح للشورجه اتسوك تصوني عالشئ اجيبه ويايه الجن…
فدوة حنوشه شوفي اريدج اجيبلي قيراجات وسحابات وابر للمكينه مالتي باعي اريدهن اصليات موا مثل الجابتهن أمي تكسرهن كلهن بالمكينه ..
انطيني فلوسج حبابه وكروتي…
عابتلج ماتسويين شئ بلاش هاج اخذي هاي كروتج…
يله راح اطلع وينجن…
حنوشه باعي اريدج اجيبلي وياج بهارات كبه سلق لان ام نشوان عازمه عياله ودزتلي طلبيه كبه حبابه اريد بهارات زينه موا تفشليني ..
الكروة حبابه ..
شسالفه حنوشه كل ماندز شئ وياج تاخذيين كروة…
مادفعين كروة مااجيب ..
لا حنوشتي اختي حبيبتي هاج هاي الكروة…
حنوشه كبل لاتطلعين شوفي جيبلي وياج دفاتر واقلام لان الطلاب الي عندي كثروا واريد ابيع عليهم الدفاتر والاقلام جيبهن جمله حبابه وهاج هاي الكروة….
خلصتن لو لا فضني حبابات وراي شغل…
حنوشه اخذي وياج الخبز لام حسين خطيه دزته الي من الصبح وهاج هاي كروتج…
كافي طلبات اني رايحه بس اجي واشوف وحدة منجن لابسه دشداشتي النيلي البارحه الخيطته وروح جدي اشبعه كتل .. دروحي هسه هي شلونه دشداشتج…
الاسم / حنين صاحب خضير
العمر/ ١٧ سنه
السكن/ بغداد/ مدينه الصدر
شلونجن يابنات اني اسمي حنين ويدلعوني اهلي والمنطقه حنوشه اني ازغر اخواتي بس الي يشوفني اكبر منهن اني عيوني خضر وشعري طويل لونه بني داكن هو هيج طبيعه شعري اني وجهي مدور وجسمي تارس ..احنا 10 بنات ٣ متزوجات واحنا ٧ بعدنا مامتزوجات كلنا حلوات وعيونا ملونه نشبه امي ...ابويه يشتغل بالسوك بكال يبع مخضر . وامي تشتغل خدامه بيت القاضي كريم الشيخلي ..اخواتي كلهن نادرات راح اعرفكم عليهن
سلوى/ خياطه مكمله اعداديه وعمرها ٢٢ سنه
رباب/ تاركه المدرسه من زمان وتشتغل خبازة يعني الجيران يدزون العجين وهي تخبز بالبيت
بشرى/ خريجه كليه التربيه مامتعينه تدرس طلاب بالبيت وتسوي دورات تقويه
زينب/ لصف الرابع عام وتركت الدراسه هي طباخه شاطرة والجيران يدزون اله طلبيات وتطبخهن
هدى/ تدرس طالبه سادس علمي
نورة/ هي ام بيتنا خطيه كلنا نشتغل وعافيين البيت عليه وهي ماداخله مدرسه
&
&
&
#رواية_حنوشه_واخواتها😻🦋

سوي اعاده توجيه للي تحب يقرا معاك🐣

بارت ٢
واني حنوشه اهلي معتمديين عليه بالمسواك اني اشتغل حفافه واسوي شيرة وامكيج والي تريد ادز عليه واني اجيه للبيت منطقتنا شعبيه واني طبعي احب اساعد مثلا النفسه اروح اساعدة بشغل بيته المراة الجبيرة وعدها مراجعه لطبيب اني اخذة وحدة عدها مراجعه لدكتورة نسائيه اني اخذة مرات الجيران يدزون ويايه مسواك همات اني اجيبه بس ها كلشي بكروة اي لعد شلون .. احنا حالتنا الماديه تعبانه بيتنا ايجار واحنا كلنا بنات وكلنا نشتغل حتي نجمع فلوس نريد نبني قطعتنا حتي نخلص من الايجارات تعبنا من البيت كلش تعبان احنا 7 بنات كلنا بغرفه وحدة متكسفيين حصرة علينا المكان اليوم اني اروح للشورجه اسوك للبيت واخواتي دزن ويايه شغلات يحتاجنه… بس حظي المصخم وكعني بيد نشاله وخمطوا فلوسي وانا ظليت اعيط والطم والشباب كمشوا واخذوهم للمركز الشرطه واني وياهم… ودخلونا عالضابط واني ادك وابجي عالفلوسي
حنوشه/ حباب الله يخليك خليهم يرجعولي فلوسي هذوله النشاله اخذوهن مني
الضابط/ اسكتي اريد افتهم شنوا كاعدة بكهوة صوتج عالي وبعدين اني اسمي حضرة الظابط موا ادكليلي حباب
حنوشه/ ماصار شئ اشدعوة عليك اني بياحال وانت بطران
الضابط/😡😡لج اسكتي مااسمعلج صوت .. لك انت ماجوز من البوك موا صار اسبوع من طلعت من السجن وبكفاله رجع الفلوس عباس ابو حمرة وانت تعرف من اعصب شسوي بيك
عباس ابو حمرة/ اليوم بوجهمن تصابحت هاج فلوسج اندري منين طلعتيلي كل مرة انشل الفلوس ومحد يكمشني بس انتي حضج حلوو وكمشوني
الضابط / بلا حجي زايد وانتي احسبي فلوسج شوفيهن كاملات
حنوشه / حسبتهن ..ناقصات الف ونص ..وينهن لك جيبهن
الظابط/ هاج اخذيهن وخلصيني وراي شغل مافارغ الج اني
حنوشه/ لا الا هو النشال يرجعهن اني مااخذ صدقه من واحد
النشال/ خررب اشكد جلفه هاج هذا الباقي
الضابط / يله وقعي هنا واطلعي وانت عباس ابو حمرة اليوم تظل يمنا نريدك تنظف الحمامات
حنوشه/ اني انظف الحمامات وانطيني عشر الاف ها شكلت
الضابط / امشي اطلعي منا لاذبج بالتوقيف يله ولي
حنوشه/ خفت وطلعت من هذا الظابط عصبي كطيعه ردت استرزق وانظف الحمامات وكطع رزقي عابت هذا اهله شلون متحملينه كملت مسواك ورجعت للبيت
حنوشه/ رجعت للبيت تعبانه حطيت المسواك بالمطبخ واخواتي انطيتهن شغلاتهن الي دزنه ويايه وطبيت للحمام اسبح ميته تعب وجسمي يرجف من كد ماعاط بيه هذا الظابط العصبي ..سبحت وطلعت ولبست دشداشتي النيلي البارحه خيطته الي اختي سلوي بس شنوا ميته من الجوع صبن الغدى اخواتي امي وابويه مايجون للبيت بالليل خطيه الا يجون… كملت الغدي ونمت شويه وكعدت العصر واخذت بكرة الحفافه وسويت شيرة ورحت لبيت ام حسوني احفه واسويله شيرة… لاكتني حجيه ليرة جوارينا خطيه مرة جبيرة وعايشه بوحدة بيت وهي مامتزوجه واني كل فترة اروح انظف بيته… خطيه صار شهر ماسابحه الحجيه وصاير براسه دعاديع ويحكه شعرة… كسرت خاطري عفت ام حسوني ورحت للصيدليه حتي اجيبله علاج للدعاديع ..حجيت بصوت ناصي ويا ابو الصيدليه هو من منطقتنا اسمه ابو محمود بس شنوا طبكات وشاخط فد نوب وكتله اريد علاج لحجيه ليرة شعرة كله دعاديع وجانت الصيدليه مزدحمه .. وجان يصيح بعلو صوته… حنوشه يعني الدعاديع تقصدين الكمل اي هاج هاي الشامبوا… اني شصار بيه ياكاع انشكي وابلعيني .. همزيين ماكوا واحد عرف بالصيدليه جان انفضحت اخذت الشامبو ورحت لحجيه ليرة .. المهم ماطول عليكم السالفه غسلت شعرة وكومه دعاديع وكعن من راسه خطيه انطتني خمسه الاف اني ماصدكت وحسبت الشامبوا عليه بخمسه الاف حصلت بهاي العصريه عشرة الاف . ورجعت لام حسوني حفيته وشيرته وطلعت زبد ..وانطتني ١٥ الف . ..اليوم الرزق يخبل رجعت للبيت .. واني فرحانه ..بفلوسي ردت اضمهن بالجوارب الفوك الكنتور كلت لا اريد اسويهن الاف احسن حتي يكثرن اني مجمعه ٧٥٠ الف من شغلي… طلعت لمحل ابو كاظم جوارينا وجان اشوف امي نزلت من سيارة عمري كله ماشايفه مثله 😍بس بالتلفزيون عظيت عباتي بحلكي وركضت كبل لامي ها يمه شبيج…
&
&
&
#رواية_حنوشه_واخواتها😻🦋

سوي اعاده توجيه للي تحب يقرا معاك🐣

بارت ٣
ام حنوشه / لج تعاي شيلي ويايه بالاول يامعزايه وبعدين اسالي ..ونزل السايق من السيارة ياعزا 😳هذا الضابط اني شفته واني الله طكيته ركضه للبيت تكرمون صار عندي اسهال عبالي جاي يحبسني متت من الخوف .. ماطلعت من المرافق تكرمون الا علي صوت امي
ام حنوشه / وينج يامصخمه حنوشه لج اتعوفيني وتشردين ليش اليوم يامن يخلصج مني
حنوشه/ يمه اشبيج اتصيحين عليه نص روحي راحت اشعندج جايبه هذا الضابط،وجايه
ام حنوشه/ يا حسام منين تعرفيه ولج
حنوشه/ انتي منين اتعرفينه كليلي يمه 😢فدوة هو راح
ام حنوشه / ولج شبلاج تبجين الولد وصلني جيف عندي كدورة متروسه تمن ولحم زاد من العزيمه مالت خطوبته وصلني الولد شافني مااكدر…
حنوشه / هسه غير تحجي جليله وتفضه منين تعرفينه
ام حنوشه/ يا ولج جليله بعينج موا امج انا ولج حسام ابن القاضي الشتغل عندة بالبيت شمالج انخبصتي وحضري روحج باجر تروحين ويايه لبيتهم تساعديني بالتنظيف مااكدر وحدي…
حنوشه/ الليل كله مانمت من الخوف شسوي أمي تريدني اروح باجر لبيت القاضي واني اخاف من هذا ابنهم الظابط شسوي اروح والله كريم نمت واخواتي كل شوي مكعداتني من النوم لان اني اشخور… ثاني يوم الصبح كعدت كبل اهلي سبحت ومشطت شعري ووكويت حجابي ولبست جبه وحجاب واخذت شحاطة اختي سلوى وكعدت امي… واجرت امي سيارة للمنصور وصلنا للبيت 😳عمري كله ماشايفه مثله اول شئ المنطقه هادئه ولازعطوط بيه ولاستوته غاز ولاهوسه تعال افرش ونام بالشارع البيت يجنن لو الحديقه بكبر بيتنا بااضعاف دخلت اني وامي فتحت باب المطبخ انسطرت من شفت المطبخ نظيف والثلاجه والطباخ لو عندي اصلا ماينطيني ﮘلبي اشتغل بيه فتحت الثلاجه واخذ واعبي بكرشي الفواكه بااشكاله لو الكيك يخبل لو الاجبان المربي شحجيلكم انتخمت من الاكل وكعدت عالكرسي امي عافتني وراحت تنظف الاستقبال واني كاعدة مددة رجليه ونازعه حجابي وماخذة راحتي وشبعانه وادك عالميز الطعام واغني ..يابيت كطيوا طابخين النومي ..وجان اسمع صوت طفرني من بكاني اجيت اوكع عالوجهي
حسام/😡انتي ها شدتسوين هنا كومي منوا انتي ومنوا سمحلج ادخليين للبيت احجي
حنوشه/ خليت حجابي عالراسي ولبست شحاطتي والله شيله ابو شمال ركض واصيح ولج يمه الحكيني 😢 وينج جليله تعاليلي ولج يمه ..وكمشني من ايدي وسد حلكي
حسام / اششش انت منوا احجي راح ارفع ايدي عنج بس قسما بالله اذا عيطتي اموتج احجي .
حنوشه/ انا حنوشه بت ام هناء الخدامه اجيت ويا أمي اساعدة بشغل البيت ..
حسام/ الله ياخذج زعجتيني من الصبح امشي ولي جهزيلي الريوك اتحركي بسرعه
الاسم / حسام كريم الشيخلي
العمر/ ٣٥ سنه
الحاله الاجتماعيه/ خاطب
السكن/ بغداد/المنصور
الوظيفه/ ضابط شرطه
&
&
&
#رواية_حنوشه_واخواتها😻🦋

سوي اعاده توجيه للي تحب يقرا معاك🐣

بارت ٤
مرحبا اني حسام الشيخلي ظابط شرطه اني عايش ويا بابا الي هو القاضي كريم الشيخلي ماما منفصله عن بابا وهي متزوجه وعايشه بالخارج هي دكتورة طب عيون علاقتي بيه باردة عافتني ويا بابا واني عمري ٥ سنوات ماعرف شنوا حنان الام ولاعمري سمعت كلام طيب منه اني متعلق بابا وهو كرس حياته وحرم نفسه من الزواج حتي مايجيبلي مرأة اب وتاذيني اني خطبت ميثا العاني هي تصير بنت صديق بابا اني علاقتي وياها عاديه بابا هو الي اختارة الي هي قبل فترة اتخرجت من كليه التربيه وحاليا تشتغل معلمه بمدرسه خاصه ميثا شكله بسيط مابيه جاذبيه اني شكلي ابيض اشكراني طويل جسمي رياضي وضخم ملامحي مميزة كلش عيوني لونهم اسود عمري ماسويت علاقه ويا بنات هواي بنات حاولن يتقربن مني بس اني صديتهم كعدت الصبح اليوم اخذت شاور وبدلت ونزلت حتي اتريك بالمطبخ وجان اشوف بنيه حلوة بيضه وتارسه فاتحه شعرة هي لسه زغيرة بس شكله حلوو سمعته اتغني وماخذة راحته واني عطت بيه هي من شافتني عافتني وركضت وظلت اتعيط وتبجي جانت خايفه مني كمشته وعرفت هي بت ام هناء الخدامه…
حنوشه/ رحت جهزت الريوك عالسريع ورتبت الصينيه وحطيت عالميز الطعام ورحت صحته حتي يجي نسيت اسمه يا عزا شسمه اسمه علي اي علي خل اصيحه علي علي… تعال اتريك اني جهزتلك الريوك
حسام/ لج علي منوا اني اسمي حسام
حنوشه/ نسيت اسمك اسفه ..هو راح للمطبخ واني اجيت ويا… محتاج شئ عالريوك ..
حسام/ لا هذا هو كلشي مااريد
حنوشه/ اكل زيتونه ودك موبايله وطلع ..يا هو هذا اكلك وخبصتني ريوك وريوك وجهزيلي بسرعه امداك اي والله خل اكله الريوك اني احسن وطفحت نص الريوك واجه حسام ..
حسام/ لج شدتسوين انتي ليش تاكليين الريوك مالتي
حنوشه/ موا انت اكلت زيتونه وحدة وعفت الاكل وطلعت واني اتريكت بيه حرام نعمه الله شلون تنعاف
حسام / لج انتي غبيه لو خبله دك فوني ورحت احجي ويا صديقي خررب سديتي نفسي اروح لدوام احسن
حنوشه / ياهذا شبيه نمونه هو كلاص جاي ٤ بيضات و٥ صمونات و٣ قطع جبن ليش اشكلت اني . أمي وين راحت اشو ماكوا ..مسحت ايدي بالبردة مالت المطبخ ورحت ادرو عالامي… وشفته خطيه ناقله اثاث الاستقبال بالطرمه ودتغسل بالاستقبال رحت اساعدة اني لابسه تراك جوي الجبه شفت ربطه رجاليه محطوطه عالميز الي بالهول اتحزمت بيه وبلشت اشتغل وغسلت الاستقبال ونظفت الهول وصعدت للطابق الثاني امي كالت اكوا ملابس بغرفه حسام بسله روحي اغسليهن دخلت لغرفه حسام اتجنن فتحت الكنتور مليان ملابس اتخبل والعطور عالميز المرايا ريحته تخبل رشيت من كل عطر شويه وشفت معلق اوسمه تكريم قريتهن مكتوب من وزارة الداخليه الاوسمه خاليهن بصندوك قديفه احمر يخبل اخذت الصندوك اريدة اخلي بيه ابكار الحفافه والسبتاج وعفت الاوسمه عالميز الجربايه كلش جبيرة عجبتني كلش ظليت اكمز عليه وشفلت التلفزيون عالاغاني ونسيت وصيه امي وظليت اكمز عالجربايه ساعه اركص واصفك حقي ماشايفه هيج اثاث وجان اشوف 😳
&
&
&
#رواية_حنوشه_واخواتها😻🦋

سوي اعاده توجيه للي تحب يقرا معاك🐣