هبه تدرين وين رحنا اليوم وشسوينا ..
خالي اني ميهمني بس اريدك تبقى طيب وسالم الي اني ماعندي غيرك..
شوفي بنتي اني سجلت كل املاكي باسمج  ..
شلون خالي ..
اي خالو مثل ماسمعتي اني من نطيتج بيت صغير حتى يلمج خاف اموت اني ماجنت اريدج ترحين لناديه وضلمها
بس الله خلاني اسوي هيج حتى يشوفني اني وي منو عايش صح الي صار صعب علينا بس كشفت النا حقائق وعرفنا معادن الناس .. وبنفس الوقت اني اوصيج وصيه وهي امانه بركبتج ليوم الدين اني صح خليت باسمج املاكي حتى تحافضين عليهم واذا اتزوجتي واستقريتي انطي كلمن حقه بس علي دينار لاتنطيه الا اذا تزوج منج  واعترف بابنه ....
واذا مااعترف بابنه شلون الولد باسم منو اسجله ..
معليج المحامي كارته يمج هو يقوم بكل شي في حاله اني ماموجود بس اذا موجود اني اتكفل الموضوع ..
ارتاحيت من عرفت الولد الي بطني خالي يتكفل موضوعه وراح يسجله باسم احد ميعوفه بلا اسم ولا هويه ..
مرت الايام ومحد يسال على خالي بس ابنه الي مسافر بره اسمه سامر .. يتصل بيه بين فترة وفترة وعرف بالسالفه كلها وجان مراضي على اخوه وامه ..
وبيوم اني كاعده العصر بغرفتي دارتبها لان هاملتها ودانام وي خالي لان مريض ومحد يمه  سمعت الباب اندكت بقوه باوعت من شباك غرفتي وشفت الي ماجان أبالي .. ابويه وناديه بالباب انصدمت ولزمتني الرجفه واسمع خالي يكوله مو يمي راحت ويه خيريه معزومين ..
كاله ابويه .. خيريه زعلانه صار شهر يم اهلها ومحاكم انت وياها ..
هسه انت الي تريده شنو هبه موهنا ..
لعد وين ..
سفرتها ..
جان اشوف ابويه طب للبيت واني ضميت روحي جانت اكو مسافه صغيره وره الكنتور ضميت نفسي لان اني ضعفت  بسبب الحمل وكدرت اضم نفسي بيها ..
طبوا للبيت فتشوا مالكوا احد .. وطلع ابويه يصيح على خالي ويكوله اسمع سعدون بنتي اذا مارجعت الي راح ارفع دعوى خطف ..
كال اله خالي .. رحيم بنتك يمي واجتي عليه بعلمك شنو تكول خطف ..
سعدون وصلني خبر بنتي حامل .. اذا هذا الخبر صحيح ماتلوم الا نفسك..
اني ورة الكنتور ارجف من الخوف ولزمتني دوخه كوة لزمت نفسي . ..
لحد ماطلع وراح ..
خالي ضل صافن ومتعجب  على خيريه شلون تكول لرحيم  هبه حامل .. وضل خالي كاعد بالحديقة وأيده على خده  واني بدت عندي الالام ومغص بطني قوي ..
وقررت انهزم من بيت خالي لان ابويه عرف بحملي ومراح يعوفني وصرت بنظره البنت الي جابت العار لأهلها ..
رن تلفون عمار ..
رد عليها جانت ازل ..
يعني مااتصلت ولا اجيت للبيت ..
ليش اجي اني ماكتلج اجي ..
بس تعوفني زعلانه ..
انتي عفتيني وزعلانه ازل اني مفارغ لسوالفج كافي...
اجا محمد بهاللحظه وجاب الجاي بايده .. ودخل على هبه واشرتله الغرفه .. نهيت المكالمه وماجنت الكى سبب لتصرفات ازل فسرتها اني تصرفاتها هاي بسبب أهمالي الها ..
رجعت الغرفه على هبه وكتلها..
هبه هسه ارتاحي وباجر اطلعج من المستشفى ..
بس وين اروح ماكدر اروح للبيوت الي نطاني اياها خالي لان يندلون مكاني ..
حتى لو تكدرين مااعوفج وحدج تجين تسكين وياي بالبيت لحد ما الله يفرجها ..
وطلعت من المستشفى وتوجهت لبيت ازل حتى اراضيها مااحب  احد يزعل مني خاصه الي احبه ..

عمار ..

طلعت من المستشفى وجان الجو كلش حلو فكرت اخذ ازل ونروح لمكان لكن شفت نفسي تعبان والساعه عشرة الوقت تاخر وخاصه واني اريد افوت على المركز  كلت اجيبلها شي بسيط حتى أراضيها ..
مشيت على كيفي واباوع على المحلات لمحت سيارة فاتت من يمي بس جانت دنيا ليل ماكدرت اميز سيارة ازل لو لا ..
لا مستحيل مو سيارتها شيطلعها بالليل..
طبكت سيارتي يم محل يبيع الورد طبيعي .. كلت خوش هديه حلوة وكل البنات يحبون الورد ..  
اشتريت الها باقه ورد طبيعي اخترت الورد كله لون  ابيض حسيت شي غريب بداخلي على ازل ماعندي لهفه حتى اشوفها مثل قبل بس كان لازم اكسر هذا الاحساس وارجع طبيعي وياها شمهما يكون هي حتصير شريكه حياتي...
وصلت لبيت ازل ودكيت الجرس طلعتلي امها وهي شافتني كامت تتبلعم ..
هلو عمار ..
هلو خاله شلونج ..
تفاجات مكالتلي اتفضل ..
ها خاله وينها ازل ..
هااا اجتي تعبانه ونامت سيارتها من عطلت بيها تعبت وكفت هواي بشارع لحد مااجا ابن حلال سواها الها ..
هاااا زين سيارتها وين مدا اشوفها بالكراج ..
هااا مو ابوها اخذها عندة شغله وطلع بيها ..
زين خاله سلميلي عليها وانطيها هاي الباقه .. مع السلامه ..
صعدت السيارة واني متاكد الي شفتها جانت ازل مجنت اني غلطان ومشيت بكل سرعه ادور عليها بنفس المكان الي لمحته بيها مالكيت اي شي هو شارع لو شارعين حتى ادور فكرت اتصل بيها لكيته مغلق اتنرفزت ونار صارت بيه عليها ..

اخرشي اجا بالي اوكف قريب باب بيتهم وانتظرها من تجي .. وصلت لبيتها وضليت واكف انتظر صارت ساعه ١٢ بالليل وهي ماكو بعدين لمحت سيارتها جتي من بعيد اقتربت عليها بسيارتي من لافت باب البيت ودكت هورن اجيت بكل سرعتي عليها وهي باوعت عليه وخافت من شافتني ..وكفت سيارتي ونزلت عليها جريتها من ايدها يمكن اول مرة بحياتي امد ايدي على مرة ...
كولي وين جنتي بهالليل  ..
وهيه كامت تصرخ وترجف  ..
طلعت امها على صوت صياحها وكتلها هاي بنتك وين جانت الساعه ١٢ بالليل وانتي تكولين نايمه ...
عمار اسمعني انت تعرفني اني شنو ..
شاعرفج ازل الساعه ب١٢ طبين للبيت وليش امج كالت نايمه ..
عمار والله ضايجه جنت يم صديقتي هاك خابرهم وشوف ..
مااتصل باحد كافي كذبتي عليه ..
يعني شنو ...
يعني ماادري ..
كامت تبجي وتحلف أنه هي ماغلطت وجانت يم صديقتها.
كافي ازل تغلطين وتريديني اسامح اني تعبت منج احنا بعدنا ممتزوجين يكون تخليني بعيونج ..
عمار اسمعني احجي وياك بس اشرحلك ..
صعدت السيارة بسرعتي واني منهارة اعصابي اباوع جسمي وايدي تختض معقوله هاي ازل اني ناطيها كل الثقه ترجع بهالوقت حتى لو جانت يم صديقتها الناس شمدريها جانت يم صديقتها امشي بسيارتي بسرعه واحجي وي روحي واضرب الاستيرن بكل قوتي ومااحس الا سياره وكفت كدامي وضربتها بسرعتي وانكلبت سيارتي وصارت الدنيا ظلمه كدامي وفقدت الوعي .. اسمع اصوات يمي يكولون بعدة بيه نفس وطلعوني من السيارة وجسمي مااحس بيه وطعم التراب بحلكي .. وفقدت الوعي ..
حسيت اني بالمستشفى فتحت عيني الأجهزة محاوطتني وعرفت نفسي اني بالعنايه المركزة ..
اجتي الممرضه وسالتني الحمدلله على السلامه ..
ماكدرت اجاوبها الصورة مغوشه تقريبا جنت اريد اركز بكلامي وبنضري مدا اكدر ضليت احاول شفت نفسي بديت اركز شويه باوعت لكيت مريم اختي يمي ...
حبيبي اخويه ..
امي وين ..
بالبيت ..
شلون تعوفيها ..
وانت شلون اعوفك وحدك ..
انطيني التلفون ..
ماادري بيه وين..
شنو متدرين ...
صار شكد هنا اني ..
البارحه صار الحادث بالليل .. وهسه الساعه ثمانيه بالليل ..
صدك تحجين شلون ليش هلكد بقيت هنا  اريد تلفوني بسرعه ..
ماعرف وين خلي اسال واشوف ..
سالت مريم الممرضه كالت مااعرف كلشي بس ساعته وملابسه ومناضر ومحفظه ..
رجعتلي وكالت .. مالكو موبايل ..
اجا الطبيب وشافني ونقلوني بغرفه خاصه باوعت رجلي مجبسه ثنينهم وايدي ضربتها جانت قويه ماعدا الخياطات الي براسي وجانت سطحيه بس جانوا خايفين ليصير عندي نزف .. 
طلع الدكتور من يمي وكالت حالته زينه لكن لازم يبقى بالمستشفى كم يوم ..
دكتور يعني مااكدر اطلع باجر ..
لا ... لازم نتاكد ولاتنسى رجلك اليمنى الكسر بيها مضاعف ..
وطلع الدكتور واني دايخ ليش هيج وشمعنى هاليوم صار هذا كله بيه صدك هبه ماعندج حظ والمظلوم يبقى مظلوم ..
باوعت على مريم ...
انتي منو كالج اني سويت حادث ..
خابرتني ازل وكالت تعالي اخوج حالته خطرة ..
اتصلي  بيها بسرعه ساليها  على تلفون بلكت عدها ..
باوعت على مريم ميعجبها تتصل بيها بس جاملتني واتصلت ..
اني جنت قلق كلش على هبه الي جانت حايره واني توعدتها وكتلها اني اطلعج واخذج تعيشين يم امي واختي  وحتى ماعرفت نهايه قصتها وشلون التقيت بيها .. وهي ماعدها تلفون وكلشي مااعرف عنها ...
اتصلت بيها مريم وسلمت عليها سلام بارد
وكالتلها ..
اي صحى بس تلفونه وين ..
هااا .. ابقي على الخط ..
عمار تكول اتصلوا بيه من مكان الحادث واني طلعت بسيارتي والتهيت وياه مافكرت بتلفون .. جنت افكر بيه ..
نهت مريم المكالمه ..
شافتني ضجت وانهضمت ..
شبيك عمار شدتحس يوجعك شي ..
لا مريم مابيه شي ..
ضايج علمود ازل ..
باوعت عليه بحزن وكالت ..
عمار لاتنسى هيه هالوحدة لأهلها بنيه واخوتها اثنين مسافرين وعايشه بترف ..
هواي بنات عاشوا بخير ونعيم وتزوجوا وغيروا حياتهم لاجل الحب هذا مو سبب ..
ضلت مريم تباوع عليه ودمعت عيونها .. جانت مريم مصدومه بازل من نقلوني للمستشفى اتصلت بيها ازل وكالتلها تعالي وجايه مريم بالليل وعايفه امي وحدها وهيه باقيه ساعتين ورايحه للبيت وجايه الصبح ب١١ وطالعه وره ساعه حتى ماانتظرتني اصحى  ..  ومريم جان بالها يم امي ويمي ورايحه للجوارين ناخيتهم وجوي يم امي واجتي يمي مريم ..
تعبت واني افكر بهبه او وين راح تروح وضليت حاير ليش هيه جانت خايفه من شي ثاني اني ماعرفت  والقصه ماسمعت منها كلها بقيت بالمستشفى اسبوع واني الوب على التلفون اريد بس اصير. زين واكدر امشي حتى اروح على الاقل اسال محمد الي لاكيته بالمستشفى هيه تعرفه صديقي .. وبهذي الفترة زاروني اصدقاء هواي وازل اجتي مرتين مااستقبلتها زين وجنت بارد وياها لان هي السبب الي صار بيه ..
وصار كل همي هبه وشلون اثبتلها الي صار بيه قضاء وقدر ...واخر شي قررت اصارح مريم بالصار وطلبت منها تروح لمحمد بالمستشفى بلكت هبه بلغته شي بعد ماانتظرتني الصبح ومااجيت عليها ..

يتبع...

قصة هبه ﴿ المغتصبه والضابط ﴾ حقيقيه 🔞-


بارت 8 شاركو القصه مع اصدقائكم

هبه ..
بعد ماطلع عمار نمت من التعب حسيت اكو هم انزاح مني من شكيت حالي وقصتي اله حسيت عندي ظهر وسند اكدر استند عليه .. كعدت الصبح باوعت من  الشباك  على الشمس وشلون بدت الدنيا تصحي وصوت العصافير ومنظر الحمام حسيت روحي مرتاحه اكثر من اي وقت مضى دعيت ربي وطلبت منه أنه مينساني وان تنحل مشكلتي ويعرف ابويه الحقيقه وكل الي صار بيه سببه إهماله قبل كلشي صح علي اعتدى عليه  لكن منو الي خلاني لكمه سهله لعلي غير ابويه هو الي شمرني عليهم وتركني وين حبه الي جان رافض الزواج ومن تزوج حتى اني ارتاح من مسؤوليه البيت تالي يذبني بالشارع ويخليني لكمه سهله لعلي ولغيره .. جان همي خالي خفت عليه كلش من خيريه اذا عرفت الاملاك كلها باسمي شراح تعمل بيه واكيد هسه هو قلق عليه ...
صارت الساعه عشره واني كاعدة انتظر ومااجا عمار وين صار .. نزلت ادور على صديقه محمد مالكيته واني بس اعرف اسمه محمد وكم شخص بهالاسم صارت الساعه ١٢ الظهر وعمار مابين لا مستحيل عمار يعوفني الا اكو شي .. طلعت من الغرفه وسلمتها ونزلت انتظر جوة بلكت يجي مرت ساعتين وهو ماكو كلت بعد مايجي اكيد صار شي ..
فتحت جنطتي بيها رقم تلفونه الي نطاني إياه وكلت خلي اتصل واشوف ليش مااجا لان هو نطاني الرقم وكال احتفضي بيه كلشي يصير ..
طلعت من المستشفى ودورت موبايل اتصل بيه ماعرفت منين اجيب .. مرت بنيه شابه وسألتها ..
ارجوج ممكن سؤال ..
اريد اتصل بموبايل شلون وين اروح اني تيهت دربي ..
مو مشكله اتصلي بتلفوني ..
اخاف زحمه عليج ..
لا اختي ماكو زحمه الله يسهل امرج ..
اتصلت على رقم تلفونه محد يرد وتالي ردت عليه بنيه شابه كالت اتفضلي ..
كتلها العفو هذا مو تيلفون عمار..
جاوبت بخشونه ..
منو انتي ..
اني .. اني .. محتاجه مساعدة منه انتي أخته مريم
لا اني زوجته ..
انصدمت هبه من سمعت بيه متزوج ..
ارجوج بس كوليله هبه  سالت عليك ..
واني حااتصل بيه مرة ثانيه ..
سدت التلفون قبل مااكمل كلامي .. انطيت التلفون للبنيه وتشكرت منها هواي وبدون شعور وإحساس كمت امشي سريع وابجي بجيت وتذكرت امي وبيبي تذكرت طفولتي الي قتلتها ناديه وابويه  .. تذكرت خالي شلون احتضني وخيريه الي ذلتني وتتامر عليه بالشغل جنت اتمنى تبتسم الي حتى مااحس بالذل بيتها وتذكرت علي الي جان يباوع عليه حتى من زرف باب الحمام وياكلني بعيونه حتى من اكل اللكمه يمهم ويحاول حتى يتلذذ باطراف اصابعي من يطلب مني شي وانطيها اله واخرها بالحيله اغاني وخدعني ودخل للغرفه من سوة صوت وحركه بالباب ودخل عليه واغتصبني ... لحد ماانهزمت من الموت واني انزف وشفته .. شالني بايده او وداني للمستشفى احتضني بحنانه او جاب الاكل كدامي جان يتوسل بيه حتى اكل ويباوع عليه بنظرة حنان ... بس يمكن ماكو شي اسمه حب الحب انتهى وراح .. وطلع متزوج ويمكن حتى عنده اطفال ..
مشيت بشارع واني مااعرف المن اروح ماكو غير اروح للبيت الي سجله باسمي خالي وأخذ الايجار منهم واكعد بفندق .. البيت جان صغير وعنوانه حافضته بس جنت اتوقع مراح الكاه بسهوله رحت المنطقه ومااندليت البيت الا رحت على دلاْل وهو يندل البيوت كلها واستغرب لان مااندل بيت اني صاحبته كتله سالفه طويله مو مال أسولفها الك او وداني هو بنفسه للبيت ..
جنت كلش تعبانه والي مريت بيه مو سهل
دكيت الباب طلعت عليه مرة جبيره من شافتني صغيره كالت  بنتي اتفضلي المن رايده ..
حجيتلها اني صحتي تعبانه وطلبت منها الايجار وكتلها اذا عندج ..
كالت اي يمه عندي ..
ماما جابت الايجار وكالت أنه خالي اتصل بيهم وكاللهم اني بعت البيت لوحده اسمها هبه ...
المرة تحجي وتباوع عليه باستغراب .. وكالت يمه بيج شي محتاجه شي ..
لا خاله اني رايحه ..
خاله عندج مكان انتي شو مبين ماعندج احد ..
الحمدلله خاله ..
تعاي ارجعي كوليلي شبيج ..
من كالتلي هيج بدون شعور انفجرت وكمت ابجي ..
خاله ابقي يمي هنا ارتاحي وباجر الصبح نسولف ..
بس خاله اريد منج شي ..
ماريد احد يعرف اني يمج حتى خالي ومنا لباجر الله كريم ..
جانت هاي المرة اسمها نوريه عدها ولد وبنات اثنين الولد متزوج وكاعد وحده والبنات هم متزوجات وكلمن حايره بيتها وجهالها البنات يزوروها بين فترة وفترة و ينضفولها البيت ..
نوريه حضرت العشه لهبه وسوتلها الجاي اكلتلها هبه لكمه بعد ماسبحت وارتاحت ونطتها دشداشه من مالات بتها لبستها جانت شويه بيها كصر بس على الاقل تكضي نومتها وهي نظيفه وبايته بمكان نظيف مابي شاب يباوع على جسمها ... ذبت روحها ونامت للصبح بدون ماتحس بنفسها فتحت عيونها باوعت على الساعه جانت عشره تعجبت هبه شلون بقت لهالوقت نايمه ..

كامت من فراشها بعد مارتبته ورجعت كل شي بمكانه لكت نوريه بالمطبخ تلكط التمن ومشغله التلفزيون وتسمع اخبار ومن شافت هبه كعدت كالتلها ها صباح العافيه شلون صرتي بنتي ..
ضلت هبه ترن بمسمعها كلمه بنتي ودمعت عيونها وكالتلها صباح النور الحمدلله خاله اني زينه ..
ياله خلي اسويلج الريوك والجاي حار على نار هادية على الچوله ..
اني اكوم ...
لا انتي تعبانه اني الهي نفسي بالشغل وبن اروح واني وحدي ..
جانت نوريه مو جبيرة بس هامله نفسها عرفت منها أن زوجها ميت مصار سنه وعايشه.بوحدة وفراغ قاتل ..
بنتي هبه احجيلي سالفتج اريد اعرفها بلكت اكدر اساعدج ..
شاحجي السالفة متنحجي خاله وعقلج ميشيلها..
ميخالف احجي اسمعج ..
حجيتلها سالفتي من يوم زواج ابويه بامي ولحد هاي اللحظه من طبيت بيتها ضلت متعجبه لسالفتي وكلسع تكول سترك ربي فدواتك استر على بناتنا شلون هم همج بنيتي اب يعوفج بوسط الذيابه صدك هاي الدنيا صارت مو خوش دنيا .. اكلت لكمه خفيفه جان ريوكهم بيض وجبن والجاي الحار نص بيضه مااكلت هبه تحس البنج بعده بجسمها والتعب ديبين عليها ركضها بذيج الليله وهي انهزمت وتعرضت فوكاها لحادث غير مجرى حياتها وحست نفسها لكن احد يحن ويعطف عليها تالي صحت من هذا الحلم بكلمه سمعتها من الي ردت بتلفونه وكالت اني زوجته ..
كطعت افكارها نوريه وكالتلها ..
هبه وين رحتي ..
لا خاله بس اني هواي اشكرج تعبتج وياي
ردت عليها نوريه وهي تلم بالمواعين وتنظف المطبخ ..
بنتي شتعبتيني وشقدمتلج اني ..
هسه خاله اني اروح واجيج نهايه الشهر علمود الايجار ..
وين ترحين ..
الله مايكطع ..
والنعم بالله بس هذا البيت ملكج وتكدرين تبقين بيه انتي صاحبه فضل عليه مو اني ..
خاله هذا البيت صح ملكي بس اني ماجرته الج مو من حقي ابقى بيه ..
بنتي اني وحدي كاعدة خليج يمي ونيس وانتي ماعندج احد تروحين عليه وبس يشوفج ابوج يمكن يذبحج ..
خاله اني مشكلتي مااكدر ابقى هنا ماريدهم يندلون بيه ...
اي محد يدري بيج وين ابقى هنا ولاطلعين ابد واذا شفتي نفسج محتاجه تطلعين عندي خمار البسه الج ونزعيه بس من تطلعين منا ...
فكرت هبه ماكو غير حل بس طلبت من نوريه كالتلها راح ابقى يمج بس بشرط ..
ضلت نوريه مستغربه على الشرط ..
كولي شعندج ..
مااخذ منج ايجار طول مااني كاعدة ..
واذا احتاجيتي فلوس اخذي مني كم فلس انتي هم يتيمه ماريد اتحمل خطيتج ونياله الي يساعد يتيم ..
هذا هو اتفقنا ..
ضلت هبه بيت نوريه وطلعت مرة وحده اشترت موبايل وخط واحتفضت برقم عمار يمكن يوم تلتقي بيه وتعاتبه لان مااجاها او وعدها ميتركها ..

مرت الايام وجانت تفكر مرات ترجع تتصل وتتردد وتكول هو تركني مااجاني ليش دااتصل بيه وانزل نفسي ..
......
عمار ..
راحت مريم للمستشفى والتقت بمحمد وبلغها أنه مشافها لهبه من اخر مرة التقى بيها ويه عمار  ..
مرت الايام ورجلي مجبره وايدي بس انتهت الالام تقريبا وبقت الغصه بالگلب والروح على هبه يمكن هسه ضلت بالشوارع تفتر وماتعرف وين تروح او يمكن ابوها لكاها واحتمال يقتلها  شلون هيج سويت بروحي واتعصبت على ازل وهي ازل ممهتمه اصلا بيه ..
مابقى عندي امل غير أنه من اكوم على حيلي اسحب خطي القديم عسى ولعل أن  تتصل بيه بعد وابقى ادور عليها حتى لو ضليت سنين مو مساله حب او مشاعر عندي اتجاهها لا لكن مساله اني نطيتها كلمه مااعوفها وهي يتيمه وجانت تحت ضحيه اب جاهل وخال عاجز وابن خال انتهك عرضها وعافها تحت انظار الناس وتساؤلاتهم الي ماترحم ..

عمار ..
مر شهر على الحادث بس بقيت امشي على عكاز  لان الكسر الي برجلي مضاعف ..
اول شي سويته من طلعت رحت حتى ارجع الخط القديم وحطيته بجهاز جابته الي مريم بعد ماوصيتها تشتريلي جهاز وكالت اعتبرها هديه مال سلامتك .. امي جانت يوميه تلح عليه على موضوع الزواج لكن بعد الحادث خاب املها وجانت علامات الحزن عليها واضحه ..
وبعدها عرفت بعد مراجعتي لأكثر من طبيب أنه مااكدر امشي الا بعكاز بسبب الحادث الي سببلي ضعف العصب من جهه القدم ويحتاجلي عمليه جراحيه واحتمال وارد متنجح العمليه..
ازل بدت تنقطع نهائيا بعد ماجانت تسال مرة أو مرتين بالاسبوع كامت ماتسال ابد الا اني اتصل بيها ماحاسبتها ولا كتلها ليش هيج سويتي توقعت هي الي تجي وتعتذر وتكول اني السبب لكن جانت تحجي وياي برود اني اعرف ومتأكد هي ماعدها شي وي غيري لكن ليش هالتغيير بعد الحادث ..
قررت اروح عليها واعزمها بمكان اريد احدد مصيري وياها صح اني الي يشغل بالي حاليا هبه لكن هي خطيبتي ومو سهل عليها او عليه أن اتركها لان اكو عقد زواج بينا وجان زواجنا المفروض يتم هالشهر لكن الحادث غير مجرى الامور كلها .. .كمت اتعمد من اروح لبيتهم ماانطيها خبر اريد اعرف هيه موجوده او لا ...وهم بعدها تطلع بالليل وترجع بوقت متاخر ..

يتبع....

قصة هبه ﴿ المغتصبه والضابط ﴾ حقيقيه 🔞-


بارت 9 شاركو القصه مع اصدقائكم

رحت للبيت دكيت الجرس عادي فتحت الباب امها وحدها بالبيت واكيد الاب مسافر لو طالع وي أصدقائه ويرجع ساعه ٢بالليل ..
هلو خاله ...
هلو عمار ..
موجودة ازل ..
هسه حتجي طبعا جانت ساعه ٩بالليل واكيد هذا هم مو وقت طبيعي لبنيه طالعه وحدها بالليل ..
اجتي ورة ساعه واكيد بعد اتصال من امها ..
هلو  عمار ..
هلووو بيج ..
شعجب هاي الزيارة الغير متوقعه ..
ضايقتج ..
لا بالعكس بس ..
بس شنو ...
مامتوقعه تجي عليه ..
اعتقد انتي خطيبتي وعاقدين بقت بس مساله حفله الزواج ..
اي ..
بس اني الي اشوفه انتي صارفه نظر عن موضوع زواجنا وممهتمه وباعدة نفسج عني واتمنى اكون غلطان  ..
لا بس .. اكو شي بالي
كولي .. افتحيلي گلبج ازل..
انت شوكت تسوي العمليه ..
استغربت من سؤالها وجنت ناسي موضوع شي اسمه عمليه ..
ازل .. وضحي اكثر ..
عمار اني شنو موقفي كدام العالم من يشوفوك تمشي بعكاز شيكولون اخذت واحد عنده مشكله برجله زين وصور العرس هم بالعكاز والفيديو شلون بيه ..
عمار اني بعدني صغيره والعمر كدامي لو تسوي العمليه ونتزوج وصدكني راح تكون اسعد زوج  لو تتركني اعيش حياتي سعيده اني شابه ومن حقي اختار الشخص الي ارتبط بيه ..
ضليت اباوع عليها ورجعت اباوع على امها رجعت بذاكرتي ليورة انتبهت أنه ازل انقطعت عني بعد ماعرفتني مااكدر امشي الا بعكاز ..
كمت من مكاني وكتلها حقج راح يوصل الج كامل واتمنى الج الموفقيه والله يسعدج ..
يعني هذا هو مراح تسوي العمليه ...
اني مكلت مراح اسويها لكن كلت شوفي حياتج ..
يعني راح تسويها ....
اي طبعا اسويها ..
انتظرك عمار شوكت ماتسويها ..
اني اسمع أن الابتلاء نعمه لكن ماجنت اتصور هيج النعمه اعظم من الابتلاء نفسه ..
مدا افهم شتقصد ..
لوما ابتلاء رب العالمين الي وخلاني بهذا الحال جان ماعرفتج .. وجان تزوجنا وجان وكعت بابتلاء اكبر وهو ارتباطي بيج ..
عمار اني مو ابتلاء اني يعجبني اشوفك ....
اششششش
الي متوكف وياي ومترضى بيه بالشدة مااريد بيوم تكون الي زوجه واتباهى بيها كدام الناس ..
وطلعت وتركتها....
اسمع صوتها وراي ..
عمار ... عمار ..
كرهت نفسي شلون حبيت هيج انسانه بيوم شلون ردت ارتبط بيها تستعر مني ومن مرضي بعدني ماوكعت وشالتني وشلون ارتبط بيها وافكر أمن بيها تعتني بامي لو تزوجت مريم  وشافت حياتها...مريم عمرها ماحبتها فعلا المرة تعرف المرة ... الف الحمدلله ماارتبطت بيها ودفعت الثمن..
حسيت براحه رغم الي صار وياي مو قليل بس جان اكو خوف بداخلي بسبب هالارتباط هذا ..
احنا الضباط مجال عملنا ممخلينا نلتقي بشريكه حياتنا بسهوله بحكم عملنا وماعدنا وقت حتى نحب ونطلع وجانت هاي النتيجه اخترت ازل وهيه مرأه بقمه الانانيه مااتذكر بيوم حظنتني او حتى نطتني مجال اني اضمها لصدري حتى بوسه مابستها بس بيوم العقد وماحسيت بيها انثارت او انسجمت وياي .. جانت كتله باردة خاليه من المشاعر المهم فلوس وطلعات وبرستيج ماينتهي وقته .. نست هي  السبب الي اني بيه ..
بهاي اللحظه اتصل بيه ولد ضابط صديقي ..
هلو عمار..
هلو  مراد ..
بشرني ماتزوجت ..
لا فسخت ...
هاي شنو شوكت ..
تصدك اليوم ..
انت وين ..
اني راجع للبيت ..
لك تعال سهرة تفوتك اني يم وليد كاعدين سوة ...
والله تعبان ..
لك تعال ننتضرك ..
اوك جاي ..
رجعت اتصلت بمريم ..
وكتلها اتاخر اني لايضل بالكم ..
شبيك صاير شي ..
لا تعبان وضايج رايح يم مراد ..
اتونس وفرفش مازال مجاز من تداوم بعد وين تكدر تطلع بعد .. ههه باي
باي ...
وصلت بيت مراد .. من شافوني استغربوا
جانوا ميعرفون اخباري لان هما ضباط وياي نفس الدورة مو نفس مكان العمل وضلينا نتواصل ..
حجيت الهم الي صار بيه وحتى من عرفوا الي صار بالقدم كالولي احتمال يعفوني من الخدمه لاسباب صحيه .. كتلهم مايهمني بس شي واحد ..
كالوا شنو ..
كتلهم الكى الي ضاع مني..
شنو الي ضاع ..
حجيت الهم عن هبه وعن الي مرت بيه بس ماكلت الهم أنه تعرضت للاعتداء .. كالولي من حجتلك سالفتها ماذكرت اسم المدرسه الي جانت تدرس بيها ..
لا ..
اسم الخال جان شنو ..
مااعرف بس اسمه سعدون ..
متعرف اسم ابوها الكامل .. على الاقل واحد يوصلنا للثاني ..
شلون ..
شنو شلون احنا ضباط كانه عدنا تحريات عنهم ..
مااعرف اسم ابوها بس رحيم ومرت ابوها ناديه .. بس المنطقه مااندلها ...
اسمع عمار ميفيد الاسم وحده على الاقل المنطقه . 
كلشي ماعرفت منها بس جنت اسمع قصتها ..
صعب نلكاها بلكت تتصل بيك ..
طفيت جكارتي وبين المكان كله دخان كتله لمراد افتح الشباك غير جو الغرفه ..
فتح مراد الشباك واجتي ريحه التراب الممزوجه بمي المطر وكفت اشتم هوى طيب جان والمطر زاد .. وتذكرت من لاكيتها بالمطر واصطدمت بيها بسيارتي وكأنه صوت براسي صاح ... عمار المكان الي التقينا بيه ..

التفتت على اصدقائي ..
مراد ليش ماادور عليها بالمنطقه الي لكيتها بيها ..
شلون ..
اكيد هي طلعت من بيت خالها او من بيت ابوها لان اني مسمعت قصتها كامله ..
بس هم صعب ..
ماكو شي صعب لازم الكاها واثبتلها اني ماخذلتها بس الظروف جبرتني اخلف وياها ..
اني رايح هسه ..
وين عمار هسه بدينا السهرة ..
اسهروا على راحتكم  ..اني باجر ابدي ادور الي ضيعته وتاه مني .. تصبحون على خير

رجعت للبيت واني امشي بهدوء حسيت نفسي راح ارتاح و لازم ابتدي بمرحله جديده من حياتي ...
وصلت البيت لكيت امي ومريم كاعدين استغربت لكعدتهم سوة بهالوقت ..
شوكاعدين ..
ننتظرك ..
مو كتلج اتاخر ...
مو كلت اذا تتأخر بعد  نكوم انام ..
امي باوعت عليه ..
ابني عمار انت هسه صرت زين شقررت شوكت تتزوج ..
باوعت على مريم وهي هم باوعتني حسيت مريم ضاجت ..
بكيف مريم شتكول ...
واني شعليه.. 
انتي اختي الجبيره..
اني ماالي علاقه بهالموضوع ..
ليش مريم ماتحجين من تشوفين شي سلبي على ازل ..
عمار هذا اختيارك ..
لا مصار اختياري بعد انتهى هالاختيار ..
امي باوعتني شلون فهمني ..
امي تعبت منها راح انطيها نص حقها وكلمن يعيش حياته ..
مريم .. معقوله الي اسمعه كالتها وهي فرحانه ..
امي حسيتها ضاجت مو على ازل نفسها ضاجت لان افتهمت ازل هي الي اتخلت عني بسبب العكاز ...
كمت من يمهم وطبيت للحمام وبدلت ملابسي واكلت لكمه وذبيت روحي على فراشي ونمت وقررت اطلع من الصبح ادور على هبه ..
كعدت الصبح غسلت واكلت لكمه وبدلت وطلعت بعد كلت لامي يوم ادعيلي ..
مشيت بسيارتي او وصلت للمكان الي لكيت هبه بيه لكيته مكان عالي يعني شارع عالي وعلى جهه نزله قويه نزلت بيها جان شارع وعر والطسات ماليته مشيت واتلفت صارت كدامي بيوت جانت المنطقه ترابيه أكثرها شوارعها ممبلطه بس الناس اكثرهم ريف استغربت الملابس الي جانت لابستها هبه من شفتها اول مرة مجانت مبينه أنه هبه جانت بهاي المنطقه ومن حجت على بيت خالها كالت عائله راقيه وعدهم املاك ... كلت يجوز خالها يحب المناطق الزراعيه خاصه وان الشط من الناحيه الثانيه والهوى الي يجي من جهه الشط هوى طيب نقي ..  مشيت على كيفي كلت وي روحي المن اسال هسه ...
لازم اسال شاب افضل شي يكدر يفهم ويقدر وضعي. .
وصلت يم شباب اثنين واكفين بالباب مال بيتهم ويضحكون وي بعضهم ..
السلام عليكم شباب ..
عليكم السلام اتفضل حول ..
نزلت صافحوني .. ولحوا عليه ادخل لبيتهم ..
دخلت لبيتهم واستقبلوني اكثر من شخص تفاجات منهم محد سال شتريد وبدوا  باصول الضيافه وياي ..
جان جبيرهم كاعد وسألني انت من ياعمام والله يحييك ..
كتلهم اني جايكم بخدمه ..
كالولي ابشر ..
كتلهم ..
اني جاي اسال على رجل بهالمنطقه بس مااعرف شي عنه بس اسمه سعدون ..
على اعتبار أنه هبه كالتلي اخر مرة جانت بيت خالها وفكرت تنهزم من ابوها .. واكيد خالها يعرفها وين لان هو الشخص الوحيد الي تأمن بيه ..
باوع عليه جبيرهم وكال ..
هواي بمنطقتنا اسمهم سعدون بس انت شتريد منه ..
صفنت شاكوله ..
اجا على بالي شي واحد ..
عندي امانه اله اريد اوصلها  .. بس اني مااعرفه بالشكل .. بس اعرف عنده ولد ٢ واحد مسافر والثاني اسمه علي ..
كال والله ياابني مااعرف احد بس يجوز اكو لازم تروح على بيت الشيخ تسال .. اكيد اذا اكو احد بهاللاسم يدليك بيه ..
تشكرت منه ومن دااطلع لحوا عليه ابقى على الغدة كتلهم طريقى طويل وكوة اترخصت  وطلعت منهم بعد مادلوني بيت الشيخ ..
مشيت واني اباوع على ناسها جانوا بسيطين وعايشين حياتهم بساطه والجهال يلعبون بالشارع ومن فتت من يمهم ياشرون ويسلمون عليه فرحانين بيه والسيارة عاجبتهم صغيره وبيضه لان جانت لاختي مريم بعد ما سيارتي اتحطمت بالحادث ..
وصلت لبيت الشيخ واستقبلوني هواي رياجيل وصافحوني ودخلت بمضيفهم جانوا لابسين الي بعمري دشاديش وكبارهم ويه الدشداشه غتره وعكال .. والي عمره ١٠ لو ١٥ سنه لابسين تراك ..
جانوا طيبين و الابتسامه متفاركهم ..
الشيخ رحب بيه وكتله شيخنا اني جايك بسالفه اريدك تساعدني بيها ..
ان شاءالله اساعدك اذا اكدر بس واجب الضيف قبل كلشي ..
وجابوا صواني الغده جان اكلهم بسيط بس الطعم مجان اكو مثله والخبز الحار واللبن اني اكلت الخبز وشربت اللبن كله لان ماكو يمنا خبز تنور الطين ولبن البقر الي ماينشبع منه ..
داروا الجاي وشربت حتى راسي يستعدل من طول الطريق والزحمه واريد بس الشيخ يكمل ويسألني لان اكدولي الناس الي قبلهم ماكو بيت بالمنطقه ميعرفه الشيخ ..
كتله شيخنا اني جيت على الله وعليك ..
كول ابني شمحتاج أن شاءالله اخدمك ..

يتبع.....

قصة هبه ﴿ المغتصبه والضابط ﴾ حقيقيه 🔞-


بارت 10 شاركو القصه مع اصدقائكم

شيخنا اني جاي على واحد بمنطقتكم اسمه سعدون عندة ولد اثنين ..واحد اسمه علي وهو الصغير والجبير مدا اتذكر اسمه يمكن ساهر سامر ..
باوع عليه الشيخ كال اكو واحد هنا اسمه سعدون ابو علي بس علي ابنه الجبير ..
كلت خاف اني متوهم وعلي الجبير ..
زين شيخنا هو صاحب املاك ..
كال لا رجل على كد حاله وعنده ٤ ولد مو بس اثنين ..
لا شيخنا لعد مو هو ..
وسألني نفس السؤال كتله امانه عندي اله وسلمت عليه وشكرته على حسن الضيافه وطلب مني ارجع اله وازوره فد يوم ..
كتله إنشاءالله ..
ودعتهم واني بكلبي غصه يمكن اني ادور ابره بكومه قش .. ضليت افتر بالمنطقه اباوع بالوجوه لحد ماحسيت بالتعب ورجعت لبيتي .. .اتصلت بمراد وكتله ..
مراد  ماوصلت على بيت خالها ..
سالت كم واحد ..
سالت جماعه ودلوني بالشيخ رحت سالته وكال ماكو احد بالمنطقه اسمه سعدون عنده ولد مسافر ..
زين وبيت رحيم ..
شبيهم ..
من سالت شكالولك ..
ماسالت ..
ليش انت وصلت لبيت الشيخ غير تسال ..
مو هي جانت بيت خالها ..
بس هيه ماكملت القصه يجوز ابوها لكاها واخذها .. 
لا جان قتلها .... لان انهزمت..
خفت لا اغلط واكوله جانت حامل من ابن خالها ..
لا ابوها يدور حجه عليها لان مرت ابوها تريد فرصه حتى تاذيها ..
لا انت غلطان روح مرة ثانيه وشوف بلكى تلكى شي يوصلك الها اسال عن ابوها وشوف ...
سديت التلفون منه وكلت راح اسال عنه يجوز الكى شي يوصلني اله ..
مرت ايام واني تعبان وضايج كمت افتر بكل مكان ادور حتى المناطق القريبه عن مكان الحادث رحت بس هم ماكو اثر ..
طبيت لسوك بمنطقتهم افتريت بيه واباوع بالوجوه ماكو اي اثر الها ..
حسيت بتعب وكلت خلي امر لهذا الشيخ واسأله على بيت رحيم ولو اني متاكد هي بيت خالها بعد ماطلعت منه ...
وصلت لبيت الشيخ وصار نفس الشي  هم لح عليه على الغدة كتله شفت نفسي قريب حبيت اسلم  ... حلف عليه اتغده اتغديت وكملت وضلينا نحجي لحد ماصارت الدنيا مغرب  وطلعت من يمه من اني داطلع راد يطلع وياي الشيخ للباب وكتله عمي ارجع اندل الطريق لان جان بيتهم جبير ومسافه طويله للباب الخارجي وصلت للباب وفتحت باب السيارة باوعت على السياره خاف اكو تاير بيه شي فات رجال سلم على ابن الشيخ باللحظه الي اني اضرب التاير برجلي واشوفه مبنچر لو لا ...
كال السلام عليكم ..
رد عليه ابن الشيخ هلا بعمي رحومي ...
التفت عليه صار وجهه بوجهي رجعت على. ابن الشيخ سالته بعد ماراح يمشي هالشخص ..
شو تكوله  رحومي ماكتله ابو فلان .. كلتها واني اضحك ...
كال مو ماعندة ولد بس بنيه .. ونوب اتزوج الثانيه هم جابتله بنيه ..
لفت انتباهي جانت هبه هالوحدة لأهلها  ...وتزوج رحيم ناديه. ...
كتله من رخصتك .. صعدت السيارة ومشيت وراه لحد ماطب بيته جان مو بعيد عن بيت الشيخ ..
يعني هبه من انهزمت والتقيت بيها جانت مهزومه  من بيت اهلها .. مو من بيت خالها شلون فاتتني جانت الكدمات من كتل ابوها ... يعني الجزء المفقود من قصه هبه هو أنه هي ماكدرت تنهزم من بيت خالها لان ابوها لكاها واخذها لبيته .. وهي انهزمت منه او ناديه سمحتلها تنهزم لان متريدها بالبيت  ..
فات شاب يمشي يطلع عمره ١٦سنه فكرت اسأله جانت بايده جكاره والظاهر يشرب جكاير بدون علم أهله كلت اسأله واتاكد يجوز صدفه اسم على ااسم ...
ياولد باوع عليه وهو مرتبك وكال ... منو اني ..
اي انت ...
اتفضل شتريد ..
هاك باكيت جكاير .. وضحكتله
اجا عليه ونطيته اله ..
تريد ثاني ...
كال اي ..
بس بشرط ...
شنو الشرط ..
هذا البيت الي كدامي ...
هااا اي هيه ...
استغربت منه منو هيه ...
انت جاي على ناديه انت تعرفها ...
اتاكدت هذا بيت اهل هبه ...
كتله لا ... بس عرفت عندة بنيه ...
اي ناديه تكتلها يوميه ...
شمدريك انت ..
كل المنطقه تعرف هبه عايشه بمرار وي مرت ابوها ....
انتبهت شنو عايشه بمرار هيه بيت خالها سنين واكيد من طلعت من المستشفى متفكر تجي لبيت ابوها لان هيه خايفه منه ..
طلعتله فلوس ونطيته واخذها..
وكتله ..
فهمني بنت هالرجال وين هسه .. 
كال ... يمه غير ...
متاكد .. 
اي ...
اني سمعت بيت خوالها ...
اي هيه اختفت والناس كالو طردتها مرت ابوها بس هسه رجعت لأهلها ....
شوكت اخر مرة شفتها... .
قبل اسبوع تقريبا ...
اسمع انت لا شفتني ولا شفتك واذا فتحت حلكك بكلمه ماتلومم الا نفسك.. واني ترى ضابط اذبك بنكرة ...
لا سيدي على بختك ... وأخذ فلوسه وجكايره وانهزم...
اتصلت بمراد وفهمته السالفه ...
كتله شلون اطلعها من بيت ابوها احتمال حتى تعذيب تعذبها مرت ابوها ...
اكولك ... انت تحبها ...
اي طبعا ...
اخذلك دوريه وطب عليهم كأنه تفتيش ومن تشوفها ورة فترة كول لابوها اريد اخطبها ...

واذا ماقبل ينطيها ...
شوفلك لعبه وخليه هو يتوسل بيك وينطيها الك ولو هو شمرها لبنته يم خوالها ليش مينطيها الك وانت ضابط ...
انت هيج تشوف ...
اي طبعا هيج ناس يستاهلون هيج يصير بيهم وانت راح تزوجها وتخلصها من هالاب ..
نهيت المكالمه وكلت وي نفسي وراح اخلصها  من عار ابتلت بيه وهي بريئه ...

هبه ..
ضليت يم نوريه فكرت اتصل بخالي اكثر من مرة حتى اطمأن عليه بس خفت لايعرفون مكاني وين ..
جانت نوريه فرحانه بيه وعرفت أنه ماعدها احد يساعدها ماديا وتعبانه امورها .. جنت من اطلع البس خمار بعدها فكرت منو يعرفني وماتصور يتخيلوني هنا ..
وبيوم اتصل خالي بنوريه وسألها عني كالتله ماشفتها ولا اجتني كاللها اذا تجيج كوليلها خالج مريض ويريدج ضروري ...
إنشاءالله  ...
نوريه كامت تتبلعم وتخاف اروح واتركها كالت خالج مريض ويريدج ..
شفت نفسي بعد مااكدر اعوفه وكلت خاف سوتله شي خيريه لازم اتصل بيه ..
اتصلت بيه وجاوبني يعاتبني ليش متسالين انتي وين وشلون انهزمتي من ابوج .. وابوج ترى هددني اذا ماترجعين لبيته خلال هالشهر حيرفع عليه قضيه خطف ارجعي بنتي لابوج. .. علي اجا واحنا جايين نخطبج...
هاا صدك خالي شلون على اي اساس ...
انتي بنته ويريدج وجنتي يمي واجا اخذج وهم اختفيتي .. اني كتله اصبرلي بس ما يقبل خوش ملقنته ناديه عاف ضناه ونسى وصية مرته ..
زين اذا ارجع خاف ياذيني يضربني ..
شنو حجته علي وراح يجي يخطبج ونسد السالفه ...واذا متريدين تعيشين يمنا علمود مشاكل خيريه اكعدي بيتج الجديد وعيشي حياتج بس خلي يعترف بابنه ..
خالي جان ميعرف اني اجهضت ..
بس خالي ترى الجنين مات ..
اي خالو احسن الج بس خلي يتزوجج فتره صار ادمي وياج كان بها ضل على سواللفه ا طلكي منه بنتي بس شي يثبت انتي متزوجه انتي دتفهميني ..
اي داافهمك اكيد ..
بس مااكدر ارجع للبيت اخاف من ابويه ناديه قرت برأسه علمود الاملاك شافت الاوراق .. خالو اريد اشوفك وافهمك على الي صار ..
اتصلي بيه باي وقت واني اجيج بس كون هاليومين لاتتاخرين حتى افتهم السالفه ... 
اي خالي صار .. 
مع السلامه ...
ارجع وياكم بالاحداث واكمل الكم الجزء المفقود ...
بعد ما اجا ابويه على خالي وهدده اني خفت منه وقررت انهزم بعد ماابقى بهالبيت لان خيريه وصلت خبر لابويه اني حامل .. وبنفس اليوم بالليل اجا ابويه جنت داتعشى اني وخالي وجانت عندي الالام قويه بطني تروح وترجع ..
من سمعنا الباب تندك طلع خالي واني داباوع من شباك الغرفه الثانيه طفيت ضوة الغرفه و خفت ليشوفني ابويه بالضوة .. @iq_gril
وشفته اتصايح وي خالي ولزم خالي من ياخته وجره حيل وكام يجر بيه بقوة خفت على خالي لايصير بيه شي خاصه وان ابويه قوي رغم انه اكبر من خالي بس الثاني السكر مأذيه ومشاكل ولدة ومرته  الي تعبته اكثر بمكان ماتوكف وياه بمرضه ..
من شفتهم تلازموا طلعت من حركتي على خالي وخوفي عليه ..
كتله عوفه رجال مريض حرام عليك شتريد منه ..
كال والج عين تحجين ياناقصه .. وكام يضرب بيه وخالي يكوله عوفها حرام عليك ..
ياله امشي وياي ..
مااروح وياك ...
لا تجين غصبن ماعليج ...جرني من شعري وطببني للبيت بسرعه حضري غراضج ..
خالي كاله لابويه رحيم بس اسمعني..
شاسمعك نطيت بتي الك مثل الورده تاليها تطلع حامل وتسوي الي سوته وانت شيهمك هي بتي تكسر ظهري وكتلك هاي امانه يمك تسيبها بالشوارع ..
اتاكد خالي أنه ابويه ميعرف بسالفه علي..
اني ماسويت هالشي وبنتك انظلمت الي سوة بيها هيج ابني جان سكران وميدري بروحه وسوه الي سواه واني حرمته من كلشي حتى يجي يتزوجها ..
ابويه صارت عيونه حمر من عرف علي اغتصبني وصاح على خالي ..
طول عمري اكول عليكم متعرفون تربون لابتكم ربت بنتي زين ولا انتو ربيتو ولدكم .. اكو واحد يعتدي على بت عمته ويتيمه ..هيج تسوون بالامانه ..
دنگ خالي راسه وكال..
اسمع رحيم الولد جان سكران ميدري بروحه وهذا وعد مني طول مااني عايش اجيبه الك ويخطبها ونسد السالفه ..لان اني حرمته من الورث وكتله ماتاخذ فلس الا تزوج بت عمتك ...
ابويه كعد على الكرسي هلكد ماتفاجأ من الكلام وجان يتصور اني الي سويته بارادتي خاصه بعد ما ناديه طببت مؤيد لغرفتي فقد ثقته بيه نهائيا ..
جيبه لابنك باسرع وقت وفضوا الموضوع اني اخاف عمامها يشوفوها ويعرفون وتگب السالفه وخاف بطنها تكبر ..
ماعوفها لبنتك بهاي المحنه هاي بت اختي لحمي ودمي رحيم هذا دم مو مي .. 
نزلت واخذت اوراقي كلها وذهب امي وخليتها بجنطه بعد ماطمانيت أنه ابويه ميسوي شي ..
بوست خالي وطماني كال محد يلزمج وياذيج واتفقت وياه اجيب علي ونجي لان علي هسه محصور وماعنده مصرف امه بعد ماتكدر تستلم الإيجارات الا انتي او اني ونطاني ورقه صغيره وكال لاتجيبين سيره الاملاك لاي احد ..

يتبع....

قصة هبه ﴿ المغتصبه والضابط ﴾ حقيقيه 🔞-


بارت 11 شاركو القصه مع اصدقائكم

صعدت وي ابويه بالسياره واني ابجي حسيت ابويه مهظوم عليه ..
وسألني كال .. شلون صار هيج من شفتي نفسج ممرتاحه يمهم اتصلي بيه تالي هذا الكلب يفرط بشرفنا بهاي السهوله ..
يابا انت عفتني شمرتني ..
ماشمرتج ردت ازوجج واخلص و تعيشين وي مؤيد ..
يابا مؤيد مااعرفه ...
ليش تكذبين اني شفته بعيني يمج وبغرفتج اريد علي يرجع حتى تتزوجين ووتنتهي السالفه ..
سكتت ماجبت طاري سالفه ناديه ومؤيد جانوا علاقه والظاهر ابويه مقتنع بكلام ناديه ..
وصلنا للبيت اتفاجات بيه مو بيتنا جان الاثاث احلى موديل وناديه لابسه ملابس عمري مشفتها  بهيج صورة وبناتها كبرانات ماعرفتهم كاعدات يقرون صاروا بالابتدائيه وحده بيهم نسخه من امها هاي الجبيرة اسمها هند والثانيه الصغيره  اسمها رند ..
من شافتني اجتي تركض رغم هي ماعرفتني متذكرني بس كالتلي حتعيشين يمنا انتي ..
صاحت ناديه بيها لج رند تعاي هنا. .. اني سلمت من طارف خشمي وطبيت لغرفتي لكيتها مسويتها غرفه لبناتها واسمع عند تكول لامها شنوحتاخذ غرفتنا هاي ... سبحان الله العرگ مال امها واهلها ...
طبيت ردت اخلي غراضي بمكان محد يعرف بيه  رجعت على ابويه ..
يابا اريد مكان الي ..
ردت ناديه باستهزاء ابقي هسه يم البنات بين ماباجر ترتبين المخزن ..
ابويه .. ناديه البنيه تعبانه وشلون تكعد بالمخزن ..
ياله عيني على أساس حامل بابن الحلال متعجبه اني شلون لسه مبقيها تشتم الهوى ..
رديت عليها بصوت عالي ...
اسمعي ابويه ظلمني مرة بسالفه مؤيد لكن هالمرة مراح يظلمني وانتي تعرفين الحقيقه كلش زين لاتخليني اذكرج بعد ..
سمعت صوت بجي طفل من الغرفه ..
جان تصيح ناديه بخوف بعد ماشافتني مااسكت والكلمه اردها بعشره وشافت ابويه متأثر بيه ..
شفت بنتك بصوتها العالي كعدت الطفله وفززتها حتصير خرعه بيها .. وراحت للغرفه ..
باوعت لابويه صافن وتعبان ..
يابا هاي منو الطفله بالغرفه تبجي ..
هاي اختج.... ناديه خلفتلي هالبنيه ...
رف گلبي عليها من كال اختج ..
يابا شنو اسمها ...
ريم ..
فرحت كلش عندي اخت صح هيه بت ناديه بس اني وياها نفس اسم الاب ..
طلعت ناديه تأفأف ...
كمت اخذتها منها وبستها جانت تشبه ابويه ..
ناديه فرحت من اخذتها لان تدري بيه احب الجهال حتى تذبها عليه ...
جانت ريم عمرها سنه ونص وصلت تباوع عليه من شايلتها وخليتها بحظني تمنيت ريم من امي وتخيلت بيبي شلون جانت تداريني وتخاف عليه ..
طبيت للمخزن رتبته وباوعت ريم تباوع عليه واكفه بالباب وكعدت صافنه عليه ..
جانت الساعه ٢بالليل واني ارتب المخزن باوعت ريم نعست والمخزن بارد مو مال تنام بيه رحت لكيت ابويه نايم وناديه هم دكيت الباب ردت عليه ناديه نيميها يمج علميها عليج .. ونطتني صوبه وملابسها حتى ابدللها .. خليت الصوبه بالمخزن وبدللتها وشربتها الحليب ونامت راساً ..
ضميت غراضي بالبوفيه مال فراش مالتها ونمت بس جانت نومتي قلقه من وجع بطني ..
ضليت يومين اشتغل واتعب وريم جانت فرحانه بيه وابتسامتها تخفف عليه وبيوم رحت للسوك واخذت هند وياي اشتري كم شغله ورجعت مكدرت امشي هواي من التعب والالام بطني ..
وصلت للبيت .. لكيت ناديه باب الغرفه وشايله الاوراق بايدها ..
واني داانزع الحجاب التفتت على صوتها وهي تكولي كل هاي عندج وماحجيت ..
تفاجات منها وجربت الاوراق منها وكتلها معليج انتي ..
هسه اشوفج منو عليه ..
ضليت بمكاني خايفه ياربي شلون عرفت مكان الاوراق وعرفت الاملاك كلها باسمي هاي امانه مو ملكي خالي راد يحافظ عليها من خيريه توكع بيد هاي الحقيرة ناديه ..
اجا ابويه بالليل مكدرت يكمل شغله من البرد والمطر جان قوي وحتى الكهرباء كامت تطفى وتشتغل ..
اول مااجا اخذته ناديه الغرفه وبدت تحجي برأسه ..
اني خفت منها بس بعدين كلت ليش داخاف لو اعرف ارجع لبيت خالي وانطيه الاوراق واخلص منهم وارجعله كلشي .. بس البيت الصغير الي ..
اجاني ابويه الغرفه ..
هبه صح الي سمعته املاك باسمج ..
اي صح بس هاي الاملاك باسمي حتى اشتري بيها حياتي ..
شلون يعني ..
يعني حتى اتزوج من علي ويعترف بابنه ارجع المال الهم لان خيريه او ولدها رفعوا قضيه حجر بس خسروها وخالي باعلي كلشي حتى يأمن عليهم ..
واني هم اريد أمن عليج ..
شتقصد ..
حولي كلشي باسمي اني ابوج حتى يصير ضغط عليهم ويعترف بزواجه والولد  ..
يابا هاي امانه وشكو فرق الامانه اذا يمي او يمك ..
بنتي اريد اذلهم مثل ماذلوج ...
يابا خالي معليه ...
صاحت ناديه انطينا الاوراق وحولي لابوج كلشي وعوفيه لعلي الف واحد يتمناج ..
وشلون اتزوج واني مو بنيه. .
معليج عوفيها على خالتج ناديه اجيبلج  احسن قسمه ابن اختي ذاك الشاب ونسويلج عمليه ترقيع ولا علي ولا غيره .. وثمن الي سووه بيج اخذتيه أملاكهم وانسيهم ..ّ

باوعت عليها هاي شيطان مو مرة ..
وخلي افرض طاوعتج ليش احول الاملاك باسم ابويه تبقى الي شنو الفرق ..
الفرق اذا تزوجتي واجا خالج يريد أملاكه خاف يرفع قضيه او موقعج على شي وانتي متدرين المحكمه اكيد حتراجع وراح واشوف عندج أملاك لو لا   واذا عرفت اكو املاك حتسحب الاول والتالي منج ...
بس خالي مموقعني على شي ..
وانتي شمعرفج يجوز عنده اثبات ..
ابويه .. بنتي كلام ناديه صح خليني الزمهم من ايدهم الي توجعهم ..
زين وابني شلون الي بطني ...
انزله الج واذا متقبلين احنا نربيه الج .... ناديه كالت ..
ضليت ساكته خفت احجي حتى يأمنون بيه مستحيل احول شي لابويه مو لان مااثق بيه اني ادري ابويه يريد ينتقم منهم ويذلهم لكن ماامن او اثق بناديه لاتلعب لعبه وتقنع ابويه يسلمها كلشي ..
ضلت بطني توجعني وناديه تتلوك الي بهذا اليوم وكتلهم اني موافقه ابيع لابويه انتظرتهم ينامون وخليتها تفرح وانهزمت بالليل اخذت اوراقي والذهب وكلت انهزم لغير مكان اروح اخذ الايجارات واعيش بيها بغير مكان لحد مااجيب  واتصل بخالي واكوله على ناديه شقرت براس خالي  والله يحلها ..
انطفت الكهرباء وناموا الكل وجانت ريم يم امها لان كتلها بطني دتوجعني حتى من اطلع لاتضلين وحدها بالغرفه ..
صارت الساعه ١٢ تقريبا والكل نايم طلعت امشي على كيفي ... مشيت بالشارع الدنيا ظلمه ومحد بالشارع .. قريب مااوصل الشارع العام ركض ورايه چلب من الخوف ركضت سريع وقررت ارجع للبيت من خوفي وجان بيتنا قريب على الشارع وكعت بحفره قويه لان جان الشارع كله طسات وحفر وانضربت على وجهي او وكعت على بطني .. صار الم بطني وشفت نفسي انزف كمت  بالكوه ردت ارجع بس سمعت صوت الچلاب اقترب خفت اقتربت للشارع شفت سيارة تمشي على كيفها بس جنت خايفه ودايخه وأتوجه ابو السيارة عليه وصدمني بسيارته  ومشى شويه او وكف نزل عليه واني بديت افقد الوعي وهو فتح ضوة الجداحه وباوع عليه ... وشالني بسيارته .... حسيت الدم ملى السيارة اريد اكوله رجعني للبيت ومكدرت احجي ..

هبه ..

تذكرت من صحيت وشفته كدامي بالمستشفى وكالي الحمدلله على السلامه ..
شفته اول مرة حسيته قريب مني وكأنه اعرفه من زمان وخاصه من كال اسمعج اذا مضلومه اساعدج .. سمع قصتي وفهمني ومن جنت ابجي يتألم عليه إلا بيوم اجاه تلفون وطلع وكال باجر اجي اطلعج من المستشفى اخليج يم امي واختي ..وأخذ حقج من الي ظلمج وين رحت عمار ليش مااجيت طلعتني من المستشفى وحميتني من هاي المصايب  معقوله هاي العيون تكذب وتخلف وعدها وياي ...
بهاللحظه نوريه جابت صينيه الجاي والكليجه .. شلون سويتلج كليجه والجاي المهيل .. شبيج بنيتي ليش صافنه ..
لا ماكو شي بس داافكر بخالي ...
اشبيه .. راح ترحين عليه ..
اي خاله لازم ...
ليش صار شي جديد ..
اي ابويه يريد يشتكي على خالي على أنه خطفني ..
يومه شلون قهر هذا ..
اي خاله مو خوش وكت ..
اتصلت بخالي ثاني يوم واتفقت وياه اشوفه ثاني يوم الصبح .. كعدت الصبح واخذت اوراقي وشربت كوب الجاي من ايد خاله نوريه  باوعت جانت حزينه ومبين عليها حزينه وتكابر كوة ودعتها وبجيت حسيتها امي الي فقدتها وحنانها مثل ماجانت بيبي تحن عليه او وعدتها ازورها وماانسى طول عمري وكفتها وياي ...
التقيت بخالي وعزمني على مطعم جنت مشتاقه اشوفه ومن شفته شبكته وبجيت ..  وحجيتله على سوالف ناديه وشلون قنعته لابويه حتى احول الاملاك باسمه .. وشلون طلعت بالليل وصدمتني سيارة وتعرفت على ضابط وكال اساعدج واختفى مااعرف ليش ..
خالي كال لاتوافقين على بيع الاملاك واذا جبروج كولي عليه صكوك اذا بعت الاملاك خالي يسوي عليه القاء قبض .. حتى انتي تضمنين هو مايجبرج على شي وياخذون منج شي .. سوينا صك مصدق وخالي صور منه نسخه وخلاها يمي والنسخه الاصليه تلفها لان الاصليه اكيد حتكون يم خالي وبنفس الوقت من يشوفون صورة من الصك يصدكون .. خلي يبسطني ابويه بس المهم ماافرط باملاك خالي وحتى تأخذهم ناديه .. وكال  ياله اوديج للبيت وافهم ابوج علمود زواجج من علي لان علي اقتنع وخضع للأمر الواقع ..
اخذني خالي لبيت اهلي .. كلش خفت بس لازم افض موضوع زواجي واخلص من ضلم ناديه تعبت صار سنين من مكان لمكان اريد ارتاح واحس عندي بيت حتى لو كان زواجي من علي رغما عنه لازم يتحمل مسؤوليه غلطته ويدفع الثمن ..
جانت رند بالباب تلعب وريم كاعدة باب الحوش كاعدة تاكل نستله من شافتني ريم راحت تركض للبيت تبلغ اهلها اجونا خطار ..
طلع ابويه بالباب
وخالي كال السلام عليكم
ومن شافني ابوي كال ..هاا انتي وين جنتي وبيش جايه هالمرة ..
كاله خالي اول شي رد السلام ..
سعدون مابيناتنا سلام ..

يتبع....

قصة هبه ﴿ المغتصبه والضابط ﴾ حقيقيه 🔞-


بارت 12 شاركو القصه مع اصدقائكم

حقك رحيم الي سواه ابني ميتسولف بس خليني اطب اريد اشرب مي ريكي نشف اني بيه سكر ..
طب خالي واني وياه ..
جانت ناديه بغرفتها وطلعت وكالت ياهلا بابو علي .. شلونك ..
هلا خيتي ..
باوعت عليه ها خاتون شرفتي ..
خالي رد عليها بيت ابوها وبيت خالها ماراحت بعيد واحنا اهل بيناتنا لاتدخلين ..
صاح ابويه .. ناديه اخذي بناتج وطبي جوة ...
ها سعدون شعندك ..
كمت جبت مي ونطيت لخالي جان تعبان وشرب الكلاص كله من العطش خالي تعب هواي بسببي وبسبب ابنه ..
اسمعني ابو هبه ..
اني جاي اخطب هبه لابني علي ... شتكول ..
هو وينه الولد خلي يجي اشوفه اريد احجي وياه ..
ان شاءالله يجي وياي ..
من يجي هو وياك نتفاهم ..
ان شاءالله خير ... اني اروح واجيكم بعد اسبوع .. بس مثل ماكتلك انطيني كلام متأذوها بعد لهبه .. رحيم هاي بنتك ميصير هيج اتعبها وتاذيها هاي يتيمه منو الها احميها اني ماالوم بس علي ابني .. لا الومك الك انت عفتها والصار صار ...
مو انت يمها خالها ليش ماحميتها ..
علي مجان موجود بذاك اليوم وهيه جانت سادة بابها واحنا علمناها متفتح باب بس هبه فتحتها سمعت صوت وخافت .. وصارت بعد وهسه راح يصلح غلطته ..
اهم شي الولد يسجله باسمه ..
لا يابا اني اجهضت من طلعت من يمكم بالليل ..
الحمدلله احسن .. واني لخاطر خالج سكتت بعدها ترحين لبيتج وبعد ماريد اشوفج وهذا خالج يسمع ..
ليش يابا ..
لاتسالين ليش كل الي صار بيج عقاب رب العالمين طلعتي من شوري واتلقيتي اعمالج ..
بقيت بيت ابويه اشتغل واتعب وريم ويايه ماعافتني تلعب يمي وبس تضحكلي ..
وبدا ابويه يبات بره ويوصي ناديه ديري بالج على البيت جان يروح يشتغل بغير محافظه يتصل بيه المقاول ويروحون يشتغلون ببيوت يستلموها بالبدايه كاع ويبنوها وابويه شغلته تنصيب الابواب والعمل بيها ..
بالليل واني نايمه سمعت صوت الباب انفتحت اجا بالي ذيج الليله من طببت ناديه مؤيد للبيت جانت الساعه ٢بالليل تقريبا .. انتظرت فترة وكمت على كيفي خليت اذني على الباب سمعت صوت قليل ماافهمه ..
دكيت الباب حيل .. صاحت ناديه منو.  
اني ..  .
شتريدين ..
افتحي الباب ..
ليش ..
منو يمج ..
ماكو احد ..
افتحي الباب احسن الج ..
  شتريدين مني ..
شوفي اذا مافتحتي الباب راح الم الناس كلها عليج سمعتي لو لا ..
فتحت الباب بسرعه ولزمتني من شعري وبدت تضربني وفجأة طلع واحد من غرفتها وراح يركض على الباب الخارجي وهيه تضرب بيه حتى مااشوفه دفعتها بقوة وضربتها بكل قوتي تذكرت الي سوته بيه وشلون خلت ابويه سالفه بحلوگ العالم .. ضربتها وكامت تون من الوجع وكوه فكت نفسها مني وراحت لغرفتها وقفلت الباب ..
اجا ابويه كلشي ماحجتله وكامت تبتعد عني وحست نفسها بعد ماتكدر عليه..
كبرت هبه مو هاي الي تكفخ بيها .. راح تواجه الناس وتأخذ حقها من الكل ..
بعدها بيومين اجا خالي وعلي وكم واحد من كرايبه قروا فاتحتي وناديه هلهلت من كل كلبها خلصت مني ..
ابويه شرط على خالي وعلي .. أنه من باجر او بعده يعقدولي بالمحكمة وياخذوني لبيتهم وبكيفهم يردون يسوون حفله او اي شي ميريد هوسه بيته ..
خالي وافق وعلي جان ساكت كلمه مانطق ..
وفعلا اجوي ورة يومين واجا ابويه وياي للمحكمه وعقدولي على علي .. بجيت من كل گلبي كل الناس تفرح بهاليوم الا اني كرهت كلشي بس الشي الوحيد الي حبيته بحياتي هو عمار .. راح ابويه وعافني من المحكمه وكال هذا بيتج صار بيت خالج ارفعي راسي كافي الي صار تعبت منج ...
ماقبلت يسوولي هوسه هيه حفله على اساس وكلها تبجي خيريه ومنار واني هم جنت ابجي .. وسووا اكل لكرايبهم جانت الكل تباوع عليه اني احلى منه بهواي محد جان يحبه الكل تعرفه ابو نسوان ..
وزفوني عليه ..
جنت لابسه بدله بيضه وتسريحه بسيطه كدام العالم بس فرحه  زواج  ماكو.. ومن دخل عليه مباوعت بوجهه واخذت بجامتي ولبستها  بالحمام طلعت من الحمام نشفت شعري ومشطته وهو يكرز بالحب ويباوع بالتلفزيون ..   مديت فراش بالكاع ومددت ..
شو نمتي بالكاع ..
بس لا عبالك من صدك مرتك ..
مو شرط اني انام وي مرتي ..
يعني شنو ..
يعني كومي لبسيلي شي خفيف اريدج تونسيني ..
اني اونسك الك انت بس لا عبالك اني احبك ومچلبه بيك غير حظي جابني عليك ...
فز من مكانه وجرني بقوة ونام فوكايه ..
وخر عني حقير ..
لزمني بقوه وضربني راجدي وبنفس قوته نزعني   ملابسي واني ادفع بيه وجبرني واخذ حاجته  جان مثل الحيوان وياي يتعامل ..
ينام وياي وينزل ياكل اني جنت ابجي جنت اكره ريحته وأكره من يلزمني بحيث اسبح واحس اثار اصابيعه بعدها تلامسني .. جنت خايفه لا اصير حامل منه واشتريت شريط حبوب تمنعني من الحمل  ومن جان يجي الليل اموت لان حيقترب مني وخاصه من يجي سكران ضرب وقوه ونوم غصبن ماعليه..

جان خالي يحس بيه ممرتاحه واني هم احس بيه ممرتاح ويه خيريه ورجعها لبيته لان يعرفها هي الوحيده الي تأثر على علي حتى يتزوجني ويستر عليه ..
جان يكولي دائما احنا ظلمناج ويانا ..
الا خالي المهم انت وياي اني مرتاحه ..
خيريه ماتحجي وياي بس وكت الشغل واني كمت مااهتملها بس خالي ماعفته ابد بدت صحه خالي تدهور وتتعب إلى أنه فد يوم اجيت عليه حتى اكعده يتريك ماكعد ... لزمته بارد وعرفته ميت من الليل .. صرخت من كل كلبي وبجيت عليه ... هذا اخر انسان جان يحن عليه وراح مني ..


عمار ..
بعد مالكيت عنوانها فرحت لكيت هبه واخيرا راح اعوضها الي خسرته كله لازم اطلعها من هاي البيئه الي عايشه بيها ناس ماترحم لا اب يعتني بيها وياخذلها حقها او عدها اخ او ام يشيلون عنها ويخففون عنها مصايب  الدنيا ... 
وصلت للبيت اتلكتني مريم . 
شو تاخرت ..
شغل عندي .. حضريلي  عشه جوعان وشوفيلي ملابسي مال الشغل  غسليهم واكويهم ..
ليش خلصت اجازتك ..
لا عندي شغل لازم اكضيه هاليومين .. اتعشيت وشربت الجاي ..
مريم .. شبيك عمار ..
لا مابيه ...
مو على بعضك احس ..
لا بس لكيت خبرعن هبه ..
صدگ ..
اي الحمدلله ..
اروح انام وادعيلي باجر ابدي ...
شتبدي ..
ادعيلي وبعدين تعرفين ..
صعدت نمت بغرفتي اول مرة انام مرتاح ..
ثاني يوم رحت للشغل رغم اجازتي ماخلصت بس بديت امارس عملي ..  ودزيت اثنين يجيبولي معلومات عن بيت اهل هبه  قبل كلشي ..
جابولي معلومات أنه ناديه تلتقي بشخص   مشبوه بيتها وفوك هذا كله هو صارله سنه من طلع من السجن بتهمة سرقه سيارات ومحلات ذهب كان اسمه عباس .. سألت عن مؤيد عرفته عايف المنطقه من زمان ورايح لمحافظات ومتزوج هناك ..
اتصلت بمراد وحجيتله .. كال لازم اطلع وياك ونداهم بيتهم حتى نعرف شلون نفرها عليهم بس سالني سؤال ..
ناديه عدها اطفال ..
ابن الشيخ كالي عدها بنيه من رحيم .. وكالت هبه عدها بنات اثنين من زوجها المتوفي ..
شوف عمار احنا راح نداهم وبنفس الوقت  الفضيحه مو حلوة واحنا ماالنا حق عليها احنا اصحاب عوائل نهددها لمرت ابوها ونشوفها تجر عدل لو لا ..
هذا هو اني هم اريد هبه اخذها ومعليه باحد ..
شوكت نبلش ..
باجر بالليل تعال انت وحدك  عليه اني ارتب الك الموضوع ..
مع السلامه ..
انتبهت على كلام مراد شكد گلبه طيب ويخاف لان يتامى عدها لناديه امهم نفسها مافكرت بيهم ومراد حن عليهم ..
جنت انتظر باجر بفارغ الصبر اريد بس الوكت يمشي حتى اشوفها واسولفلها الي صار رغم عني اني ماعفتها ..
رن تلفوني ..
بدون ماانتبه على الرقم ..
هلو عمار شلونك ..
اهلا ازل اتفضلي ..
حبيت اسال عليك  ..
شكرا محتاجه شي اوراقج او وصلتج او حقوقج كلها كامله ليش دتتصلين حتى تگلبين المواجع عليه ..
نهيت المكالمه واني انفعلت واكتئبت من اتصالها كل الي اني بيه هيه السبب ... قدمي وخسارتي لهبه وحتى سيارتي .. ماعدا حرگ الاعصاب ..
مر اليوم بطىء كلش واجا الموعد واني فرحان واتصلت بمراد وكالي كل شي تمام ..
وبدت الشغله ..
مراد ..راح نطب لبيتهم كانه تفتيش عدنا وانت طب وياهم بالغرف بلكت تلكاها .. واول شي راح ندخل على كم بيت حتى الموضوع يصير طبيعي كانه عدكم اسلحه وماشابه من هاي السوالف .. جان مراد رتبته مقدم ..واله هيبه من يمشي وهو صاحب طول وجسم ..
ان شاءالله مراد هواي تعبتك ..
لا لتكول هيج احنا خوان على بختك ..
صارت الساعه عشره بالليل ..
وتوجهنا لبيوتهم جانت الشوارع ظلمه ومخيفه استغربت شلون كدرت تطلع بهاي الليله الي لكيتها بيها ..
دخلنا كم بيت بس من الباب سلام وكلام بهدوء وسألنا عن سلاح وجان الوضع طبيعي ..
وصلنا لبيت هبه دكينا الباب .. بدا گلبي يدك واني فرحان راح اشوفها واخيرا راح الكاها واحجيلها شكد دورت عليها ..
فتح الباب رجال جبير مبين ابوها باوعت عليه بيه هواي ملامح من هبه اتفضلوا عمي ..
عدنا تفتيش عمي بس بلغ الكل يكعد خاف عندك احد نايم ..
اي عمي صار لحظه شو دخل ثواني وطلع وكال .. اتفضلوا ..
عصرني گلبي ودخلت ضل مراد يحجي وي الاب طبيت غرفه غرفه ماكو هبه انسطرت هاي وين وداها ..
طبيت لغرفه بيها بنات اثنين عرفت ذولي بنات ناديه .. وجانت اكو بنيه صغيره تفتر وراي وتباوع بالبيت ..
ماكو كدامي غير اسال بس المن اسال ..
اشرتله لمراد ماكو .. افتهمني مراد ..
حجي شنو ماعندك ولد ..
لا والله بس هاي البنات ..
كتله .. بس بناتك صغار شعجب ..
كال قسمتي الحمدلله تزوجت متأخر..
بس ذولي عندك ..
اي ماعندي غيرهم ...
ماذكر هبه ابد ولا ذكرلها سيره ..
شلون ياربي ..
التفت لكيت غرفه ...
كتله حجي هاي شنو ..

يتبع....

قصة هبه ﴿ المغتصبه والضابط ﴾ حقيقيه 🔞-


بارت 13 شاركو القصه مع اصدقائكم

كال غرفتي عمي ..
كتله ماطبيت عليها خلي اشوف ..
راد يجي وياي ..
مراد سأله حجي مااعرف وين شايفك اني .. راد يلهيه عني ..
دكيت الباب فتت ..
لكيت وحدة كاعدة متوسطه بالعمر كامت تعدل بنفسها جانت خايفه ..
طبوا وياي كم واحد هما يفتشون واني سالتها ..
انتي زوجه هالرجال ..
اي ..
عدكم سلاح ..
لا والله خيي ماعدنا .
اسمعي زوجج ماموجود .. منو عباس ..
هااااا ..
مثل ماسمعتي ..
هذا مجرم خطير ولو انتي متعلمه عندج طبيعي عباس يطلع مؤيد يرجع  ..
كامت ترجف وتخاف .. هاي شنو هاي شتحجي سيدي ..
اسمعيني بعد اي احد يطب للبيت غريب متلومين الا نفسج احنا جينا على هالاساس البيت مشبوه ..
هاي مو اني هاي بنته بت رجلي هبه ..
شبيها بنته ..
ذولي اصدقائها ..
لج تافهه ريحتج فاحت الصغير والجبير يعرفج وديري بالج تجيبين سيرتها لهبه وهيه وينها هبه
شو ماكو ..
غير زوجناها ..
شنوووو ....
شبيك سيدي ميصير وحده تزوج .. 
لا اقصد المن تزوجت  ..
لا علي ابن خالها بيتهم بالعطيفيه ..
بهاللحظه طب مراد وابو هبه ..
ها خويه اكو شي ..
لا ماكو شي بس تعرف .. شفت صندوگ أشرت عليه .. خليت الولد يفتشو هو والكنتور  ..
هااا نتوكل لو بعد اكو شي ..
ابقى ابني نسويلكم عشه ..
جاوبته لا عمي لا تسلم تعبانين ورانا شغل هواي ....
اريد بس اطلع اختنگت ونفسي أحسه كام يصعد وينزل ..
سلمنا عليهم .. وطلعنا ..
اشبيك عمار ..
مراد مالحكت متزوجه لكيتهم مزوجيها ...
هاي شنو ..
اي مراد ..
لاول مرة حسيت بالحب نار اشتعلت بيه وكمت الوب حسيت وجع بداخلي تذكرت صوتها عذوبه كلامها رقتها يعني راحت مني هبه ..
على كيفك عمار يجوز البنيه مغصوبه ..
اكيد مغصوبه .. بس شاسوي ..
عمار لازم تؤمن بالقسمه والنصيب هاي البنيه مو قسمتك شكد حاولت توصللها وكلشي سويت بس ماوصلت هاي مو نصيبك .. انساها عمار وعيش حياتك ..
ولاتنسى انت ماوعدتها بزواج .. .
بس وعدتها مااعوفها ..
انت ضليت تدور عليها بس ربك شاء أنه تزوج بهالفترة انت عفتها ماصار ٦ اشهر واجتي قسمتها .. عيش حياتك واطوي كل شي الزمن كفيل يخليك تنسى كل شي ..
تشكرت منه لان تعبته ..
وصلت للبيت كعدت بالحديقة اريد اشتم هوه اريد ابجي احس اكو فراغ صار بداخلي يسالني ويكولي وينها هبه ...
ضليت تعبان ومتأذي والامل الوحيد الي جان عندي فقدته .. بس ضل بداخلي شي يكولي تلتقي بيها بيوم ...

هبه ..
بعد ماكعدوا الكل على صوتي جتي خيريه تركض وبتها الصغيره ختلت وراها وتبجي من الخوف ... علي جان نايم وسكران فز على صياحي وهو دايخ .. شكو شصاير .. شاف ابوه ميت باوع عليه وكام يبجي ..
كلنا خسرناه وافتقدناه حتى خيريه شكد اذته بس اتاذت على فراكه حسه بالبيت وحنيته يتفقد الصغير والجبير اجا ابوي للفاتحه بعد ماعرفت بيه جاي رف گلبي عليه ودزيت عليه اجا وهو يسالني ويكولي شلونه هذا وياج ..
زين يابا لاتشيل هم ..
الحمدلله ..
يابا مشتاقه لريم اريد اشوفها ..
عود تعاي زوريها ..
تخليني اجي ..
اي ليش لا هذا بيت ابوج بنتي ..
جنت اشتغل بالفاتحه وابجي على خالي وامي والنسوان كلها منتبهه عليه حتى بناته مو مثلي منار جانت تفتر وتسولف وي النسوان ولا كانه ابوها راح .. سامر جان يتصل ويبجي ميكدر يجي ويحجي وي امه ويكوللها راح اموت بالغربه ..
اما علي جان يفتر وكلشي مايعرف يتصرف وكلسع يجي عليه ويكولي البيت هوسه ديري بالج على الغراض لايتكسرون ..
وبالليل صعدت دانام تعبانه ذبيت روحي على الجرباية ونمت وهو اجا نام بصفي ويتلمسني ..
كتله هاي شبيك اتخبلت ..
شو هذا ضربني راجدي ومال شنو تخبلت مرتي واريدها ..
لك شتريد مني ..
متعرفين شأريد ..
ضربت على وجهي لك انت من يامله لك ابوك بعده مصارله يومين بالگبر وتريد تعاشرني انت بشر لو شنو كلي ..
لج انجبي لاتصيرين ام مبادىء وقيم هو ابويه مو ابوج .. وجرني بقوه وأخذ حاجته ولا كانه ابوه ميت مستحيل هذا من البشر..
خلصت الفاتحه وعدت ايام وبدا الكل يسأل على الورث وكلمن يريد حصته مجان احد يعرف الاملاك كلها باسمي جانوا يتصورون بس البيت الصغير الي  خفت اكوللهم على  الاملاك .. وبيوم   اجا علي طب يصيح .. واني دااطبخ الغدة ..
لج هبه ياك.......ه يا كذا ....وكذا ...
كلشي باسمج ومتحجين مسويه نفسج مثاليه وتبيعين علينا اخلاقيات ..
شبيك ليش دتغلط .. اني ماناكرة حق احد ..
اجتي خيريه تركض جانت ملثمه ولازمه العده نزعت الخمار شافت ماكو غريب ..
شبيكم صوتكم وين واصل ..
طبعا ماادري الي صار انهجم بيتنا ابوي الخوش آدمي بايعلها الاول والتالي ...
ضربت خيريه على وجهها .. منو كالك يامصخم..
جنت يم المحامي وكالي ...

اني ادري بس البيت الصغير احجي هبه اخرسيتي ..
خاله صح كلشي باسمي بس مااخذ حق احد هو وصاني وكتب حتى وصيه طلب مني امشي عليها مثل مامكتوب ..
طبعا يكتب باسمج قابل باسمنا .. حسبي الله عليج وعليه ..
عفتها وصعدت فوك .. وصعد ورايه علي..
لج امشي  وياي ..
وين ...
للمحامي .. حتى نفتهم
طاوعته وبدلت ورحت وياه شفت خالي مخلي ورقه يطلب بيها أن اتصرف مثل ماموجود بيها ومشت الإجراءات طبيعيه وسحبت أمواله ودزيت لسامر حقه مثل ماطلب مني خالي لان ميرجع سامر  بعد للعراق .. وكلشي اتقسم بالتراضي .. بس البيت الصغير يبقى الي وكم مليون لابويه ..
بعدها الكل رضى وماظلمت احد حتى الورقه الي جانت يم المحامي هي مو وصيه اصليه لكن اني التزمت بحذافيرها ومشيت عليها خوف من الله اولا وثقه خالي مااخونها ...
عدت الايام ثكيله البيت كما مااطيقه علي نفس وضعه نسوان وشرب وتعدي عليه بالضرب ويجبرني  بالفراش ...
واخر شي فكرت اطلب منه الطلاك وكلمن يروح لحال سبيله  ...

قررت افاتح علي بهدوء ونحلها بالتراضي بدون مشاكل .. شفته اتغده وجان نعسان ديصعد ينام .. صعدت وراه نام على. جربايته ..  
علي اطلب منك طلب ..
كولي خير .. جاوبني وهو مخلي المخده على راسه ومخده جوة رأسه ..
اريد اطلك ..
وخر المخدة من يم رأسه واستعدل وكعد ..
هاي شنو ليش .. وهو يضحك .. باوعتله عبالك جان ينتظر احجي بهالموضوع ..
اني مااريدك بعد مااتحملك اني اتحملتك لخاطر خالي اريد حريتي ..
اي شكو بيها ماعندي مشكله ..
صدگ ..
رجع مدد ونام وكال...
اي طبعا بس اكو طلب بسيط ..
استغربت من هالطلب ..
شنو هو ..
اشكد تدفعين الي مقابل هالحريه ..
ضربت على وجهي لك شادفعلك هو اني شعندي ..

ليش شكد خله ابويه بحلكج ..
هذا حقي ماعفته اكثر من ٥سنين اخدم بيه ماعفته لحظه ..
هذا الي عندي ... ياله طلعي من الغرفه اريد  انام بالليل عندي سهرة وي جماعتي ..
يعني ماتطلگني ..
حظري كم فلس واني بالخدمه ..
كمت حظرت غراضي واخذت اوراقي وبدلت وطلعت ...
جانوا خيريه ومنار  كاعدات بالحديقة جانت الدنيا عصر والجو طيب والصيف على الابواب ..
صاحت خيريه ..
على خير وين رايحه ..
رايحه لاهلي .. رجلي يدري ..
ليش عندج اهل يلفوج انتي منو يريدج الله يرحمك سعدون هو الي ستر عليج من شمروج بالشوارع ..
الله يرحمه لخالي مات ياله ارتاح من قهرج ..
اجتي عليه وتكولي ارجعي ماكو طلعه لج ..
مو بكيفج خيريه سنين واني متحمله قهرج واكول عيب من خالي جرتني من ايدي وتكولي طبي جوة لج اخذتي كلشي من سعدون وهسه تطلعين بكيفج دفعت أيدها وكتلها ..
وخري ايدج عني سمعتي لو لا ..
ماتطلعين تبقين هنا خدامه ..
منار تكول لامها دخلي تروح لأهلها ونخلص مو من شفناها ماشفنا خير هالفگر بت الفگر..
اخذت جنطتي وسحبت ايدي ودااطلع ركضت وراي خيريه دفعتها بقوة او وكعت وصرخت صرخه قويه منار عاطت بصوتها  يوم شبيج وخيريه تتوجع وتصرخ من رجلها اني خفت اخذت الجنطه وانهزمت واسمع منار تصيح ميس كعديه لعلي بسرعه ..
ركضت بشارع شفت تكسي أشرت اله وصعدت وتوجهت لاهلي ..
جانت الجنطه بيها فلوس ابويه الي خلاها خالي اله جان كريم ويدري بابوي حاله واكف وخالي ترك خير وراه اقل شي  لكل واحد فلوس بيت وسياره ماعدا الفلوس الي بالبنگ والمزارع الي عنده وجان محصولهم وحده كافي الهم يعيشون احسن حياه بس كلهم مبذرين..   
والله بارك برزقه لان جان يساعد الفقير ..
وصلت لبيت اهلي واني ارجف فتت من يم بيت الشيخ لكيت هوسه كلت شصااير هنا شكو .. باوعت واحد عسكري جان واكف يشبه عمار بس اني جنت ابجي وعيوني مغوركه مسحت دموعي وكلت السايق اوكف ذبني يمك نزلت باوعت من بعيد عليه جانوا هواي واكفين بس من شفت العكاز .. كلت لا مو هو عمار  يمشي عدل رجله مابيها شي .. صفنت كلت يجوز مضروب وفترة يستخدم عكاز بس شيجيبه هنا .. دگ تلفوني باللحظه اني محد يتصل بيه بس علي لان محد عندة تلفون من اهلي بس ناديه وناديه متتصل بيه .. شفته علي ديتصل مجاوبته .. قفلت التلفون من الخوف
وصلت للبيت ارجف دكيت الجرس .. طلعتلي ناديه ...
هلا شعجب تذكرتي عندج اهل ..
ناديه ابوي هنا ..
لا ماموجود يجي بالليل.. لج شبيج خيرج ..
تعاركت وي علي وامه ودفعتها او وكعت يمكن انكسرت رجلها من دفعتي ..
عزا العزاج هباوي غير على كيفج ..
اسويلج شي تاكليه
باوعتلها هاي تتلوك الي ..
ناديه  هاي منج من الشيطان من شوكت حابتني ..
شلون مااحبج انتي مو بت رجلي بس كلشي اتوقع منج الا السالفه الي دكيتيها بيه مو اني امها لريم تريدين تفضحيني ..
صدك وينها ريم ..
راحت هيه ورند بيت الجوارين عندهم مرجوحه يلعبون بيها ..

يتبع.....

قصة هبه ﴿ المغتصبه والضابط ﴾ حقيقيه 🔞-


بارت 14. الاخير. #النهايه