قصة هبه ﴿ المغتصبه والضابط ﴾ حقيقيه 🔞-


بارت 2 شاركو القصه مع اصدقائكم

باوعت عليها واني مستغرب هاي شتحجين ..
دكتور ماريده نزلوه الي اذا مانزله ابات بالشارع ..
انتي فقدتي الجنين اطمأني ..
صدك .. كالتها بفرح
اي ..
الحمدلله ..
ماكو ام تفرح بمكانج..
دكتور المن اجيبه للعذاب او هو ....
المهم اني مو دكتور اني الي صدمج بالسياره ..
انت ..
اي اني ..
ليش ماموتتني ..
ليش هيج تحجين واذا الطفل ماتريديه شكو تزوجين وتخلفين ...
صدكني مظلومه اني ..
المهم انتي شنو اسمج هويتج ..
ليش ..
ابلغ اهلج واعوضج عن الي سويته بيج ..
ماعندي اهل ..
هاااا ..
مثل ماسمعت ..
زين بشنو اكدر اخدمج احجيلي اني ضابط شرطه وبخدمه الناس ...
صدك انت ضابط ساعدني بس بدون فضايح الله يخليك ...
اذا اكدر اساعدج ليش لا بس كون فعلا مظلومه وشنو تقصدين فضايح..
اني ..... اني تعرضت للاغتصاب والطفل الي بطني ابن حرام ...

عمار ...

منو الي اتعدى عليج تعرفيه ..
اي اعرفه ...
احجيلي قصتج من البدايه واذا صدك اخذلج حقج ..
احجيلك بس طويله قصتي ..
واني اسمعلج ..
اني هبة عمري ١٨ سنه .. امي توفت واني عمري ١٠ سنين جنت اني وحيدتها وهيه صحتها مو تمام گلبها ضعيف حتى من صرت اني جانوا خايفين عليها لاتروح بيها ابويه جان يحبها هيه حلوة وامورها الماديه زينه عدها اخت وحده وأخوة اثنين .. خالتي مسافره هي وخالي الجبير .. بس خالي الصغير عايش هنا ...
ضلت تتعب امي والي يزيد تعبها اني وشلون تعوفني وحدي والمن ..
بدت تدهور حالتها وبيوم مثل هيج جو باردة الدنيا ومطر قوي امي انتكست كلش وسلمتها جنت ادري هذا اليوم راح يجي بس ماتصورت راح لهدرجه اعاني  وراها صح جانت مريضه بس جنت شاده حزام ظهري بيها ...
ابويه انهار بسببها ودنيا طلعت من عيونه كام يكره يطب البيت واني كاعده وحدي بين فترة وفترة تجي مرت عمي وعمي يمنا يجيبون بيبتي ام ابويه ويضلون ايام ويرحون مرت عمي علمتني على الطبخ لان بعد محد النا كمت  اتعلم بس يادوب اوكف على الطباخ اضل خايفه من النار والجدر خاف يوكع عليه ..
بيبتي ام ابوي ضلت تنوح وتبجي على امي الي من تزوجت لحد ما ماتت ماصحت ابد وهما اخذوها وردة مفتحه لكن يمهم بدت تذبل يوم يوم لحد ماراحت لدار حقها...
بيبيتي ..
ابني رحيم ..
ها يوم ..
جم دوب تبقى بلا مرة ...
يمه شازوج جربت حظي ..
لا يمه هاي قسمتها وهاي بتك صغيره خليها ترجع لمدرستها شنو ذنبها فوكاها بلا علام ...
يمه منو الي ومنو تاخذني ..
يااا اشبيك اعمى اعرج  وياهو التاخذك الف وحدة تتمناك واكو ناس جدد كاعدين هنا من جوارينا الجدد عدهم بنيه حليوة اخطبها الك ..
اني بالمطبخ سمعت حجيهم وبجيت ..
عمار يباوع على هبه وهي تحجي وتبجي ..
اجتي الممرضه ... بهاللحظه شلون صرتي ..
عندي الالام تروح وتجي ..
طبيعي تصير الالام اني حانطيج ابره ترتاحين ..
باوعت على ساعتي جانت ٣ الفجر ..
هبه اني رايح باجر جاي ديري بالج تطلعين بدون علمي هاج رقمي خاف تحتاجيني كل شئ يصير ..
بس ماعندي تلفون ...
ميخالف خلي يمج كلشي يصير باجر اني جايج ..
تصبحين على خير .. .
صعدت سيارتي المطر جان واكف والنجوم طلعت بس الجو جان بارد والهوى عذيبي يرد الروح ... مشيت واني افكر بيها جان يعجبني اكمل قصتها بس الممرضه ولو هي هم تعبانه جانت ..
طبيت للبيت لكيت مريم نايمه على القنفه مو بفراشها.  
مريم ..
هاااا عمار اجيت بشر شخبار البنيه ..كالتها بصوت ناصي  الحمدلله زينه ..
الحمدلله اسويلك عشه ..
لا روحي كملي نومتج بغرفتج ..
صعدت مريم لغرفتها ضليت كاعد بالهول واني افكر بهبة وبكلامها لحد ما نمت .. صحيت على صوت امي ..
ماما ليش هنا نايم ..
ها امي حبيبتي شلونج ..
زينه اني ابني اذا انت زين شبيك يوم ...
لا يوم مابيه ..
ياابني شوكت تزوج تبقى هيج ..
امي مضل شي ولو هو الزواج شراح يسويلي ..
كمت من يمها سويت الجاي ودخنت جكارتي وكملت الفطور وكعدنا اني وامي ونزلت مريم من غرفتها ...
ها تسوون اكل ومتكعدوني صباح الخير ..
صباح النور ياله تعاي على اولها حبيبتي ..
ضلينا نسولف ونضحك وكملت اكلي طبيت سبحت وبدلت ملابسي وسلمت على امي وطلعت واخذت ملابس وياي  من مريم لهبة ..
اتصلت بالمركز وبلغتهم اني مااجي اليوم عندي شغل واكو ضابط اخر وياي اسمه محمد جان يخلصلي شغلي باوقات اني ماموجود بيها وبالعكس اني هم ..
وصلت للمستشفى ورحت راسا على غرفه هبه لكيتها يم الشباك تباوع وهي بعالم ثاني .. كعدت يمها ..
اي هبه شلونج ..
هاي ملابس بدلي وحتى اكو جواريبات من اختي جبتلج بدلي الدنيا باردة  بين مااادخن هالجكارة طلعت برة وانتظرتها بين ماتغير ملابسها ..
فتحت الباب وكالت كملت باوعت عليها صاحبه جسم وطول وعيون رماديه والشعر اسود رافعته لكن وجهه كله كدمات..

يتبع....

قصة هبه ﴿ المغتصبه والضابط ﴾ حقيقيه 🔞-


بارت 3 شاركو القصه مع اصدقائكم

تعال استاذ ..
دخلت .. 
اسمي عمار كملي سالفتج تبينين زينه اليوم ...
اي الحمدلله ...
وصلنا الى......
انتي بالمطبخ وتسمعين كلام بيبيتج ..
اي صح ..
كملي ..
جنت بحكم عملي بالمركز اعرف اذا الي يسردلي قصته كاذب لو صادق جانت هبه تحجي وتتبلعم وبصراحة كسرت خاطري ...
اني ماحجيت شي وي بيبي شفت من حقه بابا يتزوج هم شنو ذنبه ...
راحو خطبوها لابويه طلعت ارمله وعدها جهال اثنين اصغر مني وعدهم راتب تعيشهم بيه ... صارت الخطوبه بسرعه وخلال شهر اتزوج ابويه وبدت رحله ثانيه من العذاب... 
جانت زوجته اسمها ناديه .. من شفتها واني عمري صغير عرفتها ظالمه وناويه على شر ومشاكلها حتبدي كلت يجوز اني غلطانه بس جان احساسي بمحله ..
مرت الايام الاولى هي بغرفه نومها وجهالها صغار تشمرهم عليه وتروح تنام بحضن ابويه مجانت تهتم اني موجودة تفتر بملابس النوم بالبيت ..

جانت متقبل اداوم مدرسه بس بيبي جانت مصره على دوامي ومتكدر تفك حلكها وياي ومن جنت ارجع من دوام ابلش بالبيت وتنظيف وحتى الغدة مرات اطبخه اذا بيبي ماتطبخ بهاليوم وناديه رجل على رجل ومرايتها بيدها وعلجها بحلكها ...
بيبي حست وكع ابنها بوحده متصلح أن تكون زوجه خاصه وان ابويه فقير ومن اهل الله مثل مايكولون .. بس بعد ايش الفاس بالرأس ...
بيوم من الايام اجتي بيبي تلهث بعد ماجانت كاعدة باب الحوش ..
كتلها بيبي شبيج ..
يومه شلون مصيبه وطركاعه ..
شكو بيبي خوفتيني شصاير ..
لج هاي مرت ابوج طبت براس الدربونه او واحد يمشي بكفاها وتحجي وتتمضحك وياه تالي عمرنا يجينا العار من هالشكولات ..
ضربت على وجهي وكتلها صدك تحجين بيبي خاف متوهمه ..
لج بيبي اني مااتوهم طركاعه وطاحت علينا ..
طبت مرت ابويه وتلكتها بيبي جر من شعرها لج يا ك....ه  شعندج تسولفين وي هذا شتكول العالم علينا مرت رحيم عايقه ..
انتي شعليج بيه عجوز البين ..
اني عجوز البين اني اعلمج اليوم ..
بيبي صار كل الحيل بيها جابت الباكورة وضربتها لمرت ابوي وطلع الدم من راسها بهاللحظه طب ابوي ..
ضل ابوي صافن على بيبي يمه هاي ليش هيج ..
مرت ابويه من شافت ابويه شكت زيجها وكالت علمود الغدة لان ماسويت غده بنتك وامك لازم الاكل يجي ليمهن انت ماخذني خدامه وفوكاها يكتلن بيه ..
وراحت لمت هدومها ..
ابويه صاح على بيبي
يمه مو هيج بعدها عروس وتطبخ ..
اني كتله يابا .. مو .... 
قاطعتني بيبي ..اي يمه حقك وراحت بيبي لبست عباتها وطلعت وابوي ماكاللها وين رايحه ..
طغت مرت ابوي  او وصلت بيها كامت تجيب رياجيل للبيت .. من يروح ابويه يبات بره جنت ابجي واخاف احد يطب عليه واني صغيره .. كام محد يجينا من عمامي ورة ماطلعت بيبي من البيت ومن تدز عليه اروح ساعات اشوفها وجانت توصي بدراستي مااعوفها لحد مابيوم اجا عمي وكال وين ابوج ..
كتله مو هنا عمي ..
بس عمي جان تعبان ويلهث ..
عمي اشبيك شكو شصاير ..
وهو يبجي كال .. امي ماتت
ضربت على وجهي وبجيت من كل كلبي ورحت وياه للبيت جانت الناس تبجي على بجيتي كبرت او وعيت من الصدمات الي شفتها ..
خلصت الفاتحه وشدت ناديه وياي على الدراسه وابوي هاملني كامت حتى ضرب تضرب بيه وتتحجج عليه وحتى ابوي من ينطيني مصرف تأخذه بس جنت اكول بس تسكت وتعوفني ماريد شي منها ... كبرت وبدا جسمي يبرز وصار عمري ١٤,سنه
وبيوم اني جنت بغرفتي
وابوي جان طالع بايت بره يشتغل علمود يرضيها  سمعت صوت عرفت هيه جايبه احد للبيت سديت بابي وسكتت ..
نمت من التعب والضرب وتذكرت امي وبيبي وبجيت عليهم..  سمعت صوت الباب البره .. عرفت ابوي اجا فرحت لان حتنكشف وخفت على ابويه خاف يصير بيه شي ..
وجان تندك بابي اسمع صوتها لج هبه الباب افتحيها ..
فتحتها ..
كتلها شكو ..
باوعت شاب وياها واكف وجان طببه لغرفتي وكالت بس تفكين حلكج اموتج .. طب هو وخله ايده على حلكي .. وسد الباب وراه وراحت هيه للباب اني كمت ارجف من الخوف وكعدني على جربايه جان صيف ولابسه خفيف وبدا يتحسس بجسمي ويكولي شكد حلوة انتي ونام فوكايه ... كمت ادفع بيه بس جان قوي وكلت خلي اصرخ لان طبك جسمه عليه ويتحسس بيه ..
صحت بصوت عالي ..
بهالاثناء ابوي جان يريد يطب للحمام .. سمع صوتي اجا يركض وناديه وراه فتح الباب شافه فوكايه كام يضرب بيه وجان تصيح ناديه ..
رحيم عوفه تنكس نفسك بدمهم وتبتلي بيهم غصبن ماعليه يتزوجها ويستر على بتك وخلي نخلص منها قبل لاتجيبين النا العار  ..

هبه ..

بهاي اللحظه اتذكرت هبه الي صار بيها وضلت تبجي وتشهك وحسيت نار بصدري عليها طفله يتيمه هيج يصير بيها ..
رن تلفوني .. كتلها ارتاحي بين مااحجي بتلفوني ..
طلعت من الغرفه ..

يتبع....

قصة هبه ﴿ المغتصبه والضابط ﴾ حقيقيه 🔞-


بارت 4 شاركو القصه مع اصدقائكم

نعم ازل ..
هلو شلونك ..
هلو شلونج ..
اكولك اني رايحه وي صديقتي علمود اكمل شغلاتي ..
اي ...
اريد تدزلي فلوس  ..
هسه مااكدر  ادزلج .. اشتري انتي واني ادزلج من ارجع اخذي من اي احد ..
والله استحي اخذ ..
طيب انتظريني بالليل امرلج ..
لا ياليل راح اخذ من ماما وبعدين انطيها منك ..
اوك ..
باي حبيبي ..
مااعرف شلون وشوكت تتغير ازل بس هي هالوحده لأهلها ودلال اهلها خلاها تفكر انه ماكو شي اسمه مستحيل كدامها .. طلعت من المستشفى جبت غدة حسيت بجوع قوي كلش ..
ورجعت لغرفه هبه لكيت الطبيب يمها ..
ها دكتور شلونها ..
زينه بس باجر تطلع منا اذا بقت على هالوضع واريدها تتغذى  زين..
طلع الطبيب صفنت هبه بوجهي
وين اروح اذا باجر اطلع ..
مو مشكله اني احلها الج بس كوليلي تزوجتي منه ..
بعد ماذبت ناديه عملتها بركبتي ابويه كتلني كتل مصاير وكتل مؤيد صديق ناديه وربطه وأخذ منه مكان بيته واهله وطردة من البيت وكاله الخميس تجيب اهلك وتجي واذا متجيبهم ميصبح عليك نهار الجمعه..
اي صار عمي والله جاي ..
جانوا بنات ناديه يبجون عليه اتعلموا عليه اوكل بيهم وانظفهم وابدللهم وامهم شامىرتهم عليه ..

يابا بس اسمعني ..
سكتي لج لاتكولين يابا ..
يابا والله مو اني ..
لج بعيني شفتج ..
يابا اني لو اعرفه ليش اعيط اسمعني انت من دكيت الباب جان هو بالحوش وطب عليه جان يم ناديه هيه تعرفه ..
لج ياك..... النوب ذبيتيها براس هالمسكينه يابا والله مااعرف والله هيه تعرفه ...
لزمتني ناديه من شعري صخام الصخمج لج لما اني جان ذبحج رحيم فوك ماكتله يستر عليج ...
لزمني ابويه من شعري وشمرني بالغرفه وقفل الباب عليه وكال متطلعين باب غرفتج لحد مايجي هالك......د ياخذج ودفعني للغرفه وقفل الباب عليه 
حظنت المخده وبجيت على نفسي ياربي ليش هيج شسويت اني ...
ضليت بغرفتي لا اكل ولا شرب بس اصفن وابجي  على حظي ومااطلع من غرفتي بس للحمام ..
واجا يوم الخميس واجا مؤيد وجاب عمه وياه لان ابوه متوفي جان مؤيد صغير بالنسبه لناديه عمره ٢٠ سنه وناديه تقريبا ٣٥ سنه ..
وقروا الفاتحه لكن ناديه الي جانت تتكرظم شلون حااخذ حبيبها وكل ظنها مايجي مؤيد والشغله كلها بس حجي ...
طبت عليه الغرفه وعيونها غضب ونار عليه ..
اسمعي لج ولزمتني من شعري ماتزوجيه لمؤيد واني اشتم الهوى هذا حبيبي وروحي من الدنيا ..
اني طكت روحي واول مرة احجي بقوة وياها لج ياوصخه هو بس الج يلوكلج سمعتي لو لا اني مااريد هالجبان هذا ميطخ شعره مني مو لعيونج لا بس اني مااوصخ روحي وياكم ...
ودفعني وشمرتني بالكاع ..
طلعت ناديه من غرفتي وهيه تفكر شلون حتخلض من البلوة ومؤيد حبيبها الي ماتستغني عنه فكرت ناديه أنه من يطلع ابوي من البيت تعوف الباب مفتوحه خاصه وان انقرت فاتحتي وياه  ومن يطلع رحيم يبات تجيب مؤيد للبيت وتشوفني شلون يحبها وميكدر بلياها كل ظنها اني راح استسلم واتزوج منه ..صارت الساعه ١٢ واجا مؤيد جنت نايمه بغرفتي او وياي بالغرفه نايمات بناتها الصغار فارشتلهم بالكاع .. سمعت صوت الباب انسد عرفت احد اجا ...
طلعت من غرفتي جانت الدنيا حارة وصوت المبردات والبنكات تجرخ تمشيت لغرفه ناديه خليت اذني على الباب اسمع صوت الاهات والمحاضن تجرأت اباوع من خرم الباب لكيت مؤيد فوكاها وحاظنها ويبوس بيها وثنينهم بلا هدوم .. انصعقت لا مستحيل اتزوج هالحقير هذا رحت لغرفتي ابجي واني مااعرف وين اروح حتى لو انهزم زين ومنو بتقبلني بيته ..
اي ماكو غير حل عندي انهزم وشيصير خلي يصير اروح لخالي هو اكيد مراح يعوفني ...
حضرت جنطه صغيره خليت بيها ذهب امي الي جنت خايفه عليه هاي ريحه امي وكم فلس من ا امي ضامتهم الي من اني صغيره اجا وكتهم ينفعوني .. سمعت صوت بعدها نمت بفراشي وسويت روحي نايمه ..
فتحت الباب ناديه ... نامت أن شاءالله لاكعدتي ولحكتي امج محد تاخذ حبيبي مني لو اعرف اقتل ابوج اني ادري بيج اسمعيني ..وضحكت ضحكه قويه وطلعت ..
ضليت اسمع صوتها بالحوش وطبت سبحت وسوت جاي وبين ماتمشط شعرها وبعدها شربت الجاي واكلت و طبت لغرفتها نامت ..
اخذت جنطتي ولبست شي على راسي وبوست بناتها جنت احبهم وانقهر عليهم .. حرامات هاي امهم منو حيربيهم تربيه صالحه ..
وطلعت امشي على كيفيى لحد ماوصلت راس الدربونه ياله ارتاحيت جانت دنيا فجر تقريبا بالخمسه ونص والناس بدت تطلع تشوف رزقها لكيت ابو تكسي رجال جبير اطمانيت كلت خلي اكريه..

الرجال ضل صافن عليه شافني صغيره وجنطتي بايدي .. صعدت وياه ورحت لبغداد يم خالي ..
وصلت لبيت خالي بين ماندليت بيتهم واخذت فرة طويله ونطيت للسايق كروته ...
دكيت الباب سمعت صوت بالحديقة جان يرش الحديقه ويقلم الورد وفتحلي الباب ومن شافني شهك عرفني لان أشبه امي كلش
وكال هبه مو ..

يتبع...

قصة هبه ﴿ المغتصبه والضابط ﴾ حقيقيه 🔞-


بارت 5 شاركو القصه مع اصدقائكم

حظنته وبجيت من كل كلبي ريحه امي بيه وكال فوتي خالي جوه طبيت من المطبخ استغربت للبيت شكد جان حلو ومرتب وطلعت مرت خالي وباوعت باستغراب سعدون منو هاي ...
لج ماعرفتيها مو هاي نسخه امها بت جليله هبه ..
جانت خيريه مرت خالي سمينه وبيضه وايدها مدندشه بالذهب وشعرها كصير اسود وعيونها صغار ومن شافتني كالت  هلا بيج اتفضلي اتفضلي ..
قدملي خالي ألمي وكال اليوم نتريك سوة مااصدك اليوم اتريك وي بت الغاليه ..اني راسا دموعي نزلت وكمت اشهك  من البجي جان خالي واكف على الطباخ وديسوي الجاي عاف الي بايده وكال ليش تبجين شكو ..
مرت خالي ..كالت السالفه مو خاليه من جيتها من الصبح او وحدها ..
شكو احجيلي شصاير هبه ..
خالو شاحجيلك السالفه ماتنحجي ..
حجيتله الي صار كله وضل خالي متعجب على سوالف ناديه ومنين عدها هالسوالف وشلون تتهمني وسوالفها المكسرة تذبها براسي ..
كال اتريكي هسه وراح ابلغ ابوج انتي يمي لان سالفه مو زينه تطلعين بدون علمه ومتعرفين هاي ناديه شتملي براسه ..
ابويه عرف اني يم خالي والي اتعجبت بيه ماسال عني وكال لخالي خليها يمك ضبها اني مااكدر استر عليها هاي طلعت من الطريق...
خالي انقهر من ابويه شلون يشمرني هالشمرة وجان متاكد اني مظلومه سمعته يكول لمرته البنيه ماعدها شي ويه مؤيد لو عدها جان تزوجته بس هيه انهزمت حتى لتزوجه .. فرغولي غرفه جانت مثل المخزن بيها غراض زايده رتبتها اني على ايدي وخيريه مرت خالي راسا سمعتني حجايه من اول يوم .. احنا عدنا اهم شي نظافه وترتيب ..
اي خاله صار ..
جانت الغرفه بيها سرير وكنتور صغيروالبقيه طلعتها خلتها بغرفه لخ وبيها شباك يشرف على الكراج والباب الخارجي .. جانوا عدهم بنات ٢ او ولد ٢ البنات وحده متزوجه والثانيه صغيره طالبه بالابتدائيه والولد واحد مسافر والثاني عايش وياهم بالبيت ..
اول ماكملت الغرفه ورتبتها وحطيت غراضي ولبست بجامه مرتبه طلعت من غرفتي ونزلت على الدرج وجان علي ابن خالي صعد وصار بوجهي باوع عليه وكال انتي هبه ..
اني خجلت منه كلش .. كتله اي ..
عفته ونزلت جانت نظراته الي من فوك ليجوه ويباوع عليه بصورة غريبه ..
نزلت جوة بديت اشتغل وي مرت خالي من اول يوم ..جانت متقبل على اي شغل بس من شافتني سريعه وشغلي مرتب كيفت بيه وراحت العبوسيه من وجهها خالي اخذ اوراقي وراح لمدرستي وسوالي نقل وتفاجا بدرجاتي الي جانت بالنازل وافتهم السبب من ورة ناديه وانقلت لمدرسه قريبه يمهم وداومت وجنت مرتاحه يمهم وخالي كلشي وفرلي  بس جنت اتعب كلش  من الشغل بس ساكته لخاطر يبقوني يمهم طول فترة دراستي وابوي ماسال عني ومن اسال خالي يكولي يسالني الي مو زعلان منج غير ناديه خربته عليج يجي يوم ويرضى عنج بنتي واني يمج ابوج وامج .. جان خالي كلش حنين عليه ومرت خالي خيريه اذا اشتغلت زين رضت عني واذا ماشتغلت عندي دراسه كلبت خلقتها عليه ..
مرت سنين واني يمهم وصار عمري  ١٨سنه
جان ابن خالي علي يباوعلي طول ماهو موجود انتبهت عليه خيريه وكامت تحذرني من ملابسي اذا لبست بجامه كالت بدليها لبسي دشداشه .. جنت خايفه منه هواي بس شاسوي وين اروح ومازال خالي موجود مايصير  شي .. جان عمرة تقريبا ١٨ سنه ومافالح بدراسته وبيوم كاعدة اقرا حسيت اكو حركه يم الباب وجانت بابي مقفوله.. كمت فتحت الباب باوعت ماكو شي بس جنت متاكده اكو احد .. وبعدها سديت الباب ومن يدينها دااقفلها راسن انفتحت بقوة باوعت علي كدامي وعيونه حمر ..
كتله شبيك شجابك بهالليل عليه ..
كال اريدج ..
ضربت على وجهي شتريد مني ..
كال اريد انام وياج لو بس مؤيد ينام يمج ..
لك شدتحجي انت ..
خله ايده على حلكي ونام فوكايه وكام يشكك بهدومي ويبوس بيه واني أقاوم بس جان جسمه فوكايه ثكيل اعض بيه  وبايده وشال ايده من حلكي  وكام يضرب بيه ضرب قوي كمت اصيح بس من الضرب صوتي يطلع بالكوه وطلع وصله لف حلكي واني  اتوسل بيه وربط ايدي  شميت ريحته قويه عرفته سكران قاومته مااكدر عليه اغتصبني بوحشيه لحد مااغمى عليه من الالم واخذني النزف وجان يضرب ويبوس بيه بنفس الوقت ... وعافني بالغرفه بس فك ايدي وطلع .... واني مغمى عليه ..

عمار..
جانت هبه تحجي وتبجي  واني نسيت أنه اني ضابط شرطه ومار عليه كل انواع الجرائم .. حسيت هاي البنيه الصغيره كدامي مو بس يتيمه وكدامي لا حسيتها جزء مني ولازم احافظ عليه اخذتني الغيره عليها وطبطبت عليها وكتلها كملي اني يمج كافي تبجين الي صار بعد صار ..
كالت ..
اريد ارفع نفسي مااكدر جسمي تعبان ويوجعني والدم بالفراش جان يوم جمعه لان علي متعود يشرب الخميس .. مرت خالي جانت جوة دتسوي ريوك وخالي بالحديقة طب جوة وهي حظرت الريوك كاللها هبه وين ..

يتبع....

قصة هبه ﴿ المغتصبه والضابط ﴾ حقيقيه 🔞-


بارت 6 شاركو القصه مع اصدقائكم

كالتله بعدها نايمه ..
مو طبعها ساعه تسعه وهي نايمه شوفيها صعدي عليها ..
خيريه كالت لبتها الصغيرة ميس صعدي كعدي هبه ..
صار امي ..
صحيت اني وكمت ومكدرت اوكف و وكعت كمت ابجي وانهاريت وبدا صوتي يطلع كمت اصيح خالي سمع صوتي فز من مكانه وميس فتحت باب الغرفه عليه شافت الدم والضرب عليه ..لفيت روحي بالجرجف وكعدت بالزاويا ارجف واعيط بديت افقد السيطرة وصار عندي انهيار عصبي ..
دخل خالي ومرته وشافوني بهالحال خيريه افتهمت وضربت على وجهه وكامت تدك وتلطم عرفت ابنها ورة الموضوع  وخالي صافن ميعرف شنو الي صار جان يتصور احد ضاربني بس من شاف الدم انصدم صدمه قويه منو يتجرأ يطب لغرفتي ويعتدي عليه باوع على مرته الي كامت تحجي وتكولي مو كتلج بابج لاتعوفيها مفتوحه الا تقفليها اني كمت اضرب على وجهي ...
اجا يمي خالي وكال .. شلون سوة هيج ابني احجيلي خالي لاتخافين .. حجيتله الي صار  واني ابجي وكتله توسلت بيه بس جتفني من ايدي وسد حلكي ..
خالي كعد بالكاع وكام يبجي عليه ويكول جليله بنتج ماحافظت عليها ورحيم الي يكولي اني مااكدر عليها خليها يمك امانه هاي الامانه هيج يسوون بيها..
امي جانت اكبر من خالي وتزوجت اخر وحده لان جانت صحتها تعبانه بس حبت ابويه وتزوجت منه ..
خيريه راحت لغرفه علي تركض تدور عليه ماكو ماخذ هدومه وطالع  اتصل بيه خالي مغلق تلفونه مرت خالي انقهرت عليه بس ماتنطي بابنها وتخاف تحجي كدام خالي طبيت للحمام وسبحت وطلعت لبست هدوم نظيفه وكعدت اصلي وادعي ربي الله يباوع لحالي شمعه وانطفيت ضاعت حياتي من ورة ابن خالي وابويه اي ابويه الي ضيعني علمود ناديه حبيبته وباعني وسنين مايحن ويسأل عليه ..
ضل علي ٣ايام ماكو يدورخالي عليه ماكو ويتصل بأصدقائه ماكو واتصل صديق علي وكال لخالي أنه شايف علي بفلان مقهى يلتقي راح خالي عليه بالليل جابه واجا ولزمه بالعصا كلش قسى عليه وخيريه بيناتهم واسمعه يكول لخالي هيه غوتني وذبت روحها عليه وكالتلي هيه وي مؤيد اصلا غلطت  ..
لك انت معقوله ابني انت مو بشر انت شيطان تتعدى على عرضك وتتهم بيها فوكاها ... اسمع اكولك غصبن عليك تزوجها ...
والله ماتزوجها مااريدها ..
خيريه .. كل عقلك ازوجها لابني انت شلون تقبلها سعدون ..
لعد من هو سكران وتعدى عليها شعباله وانتي اسكتي ولا كلمه  تحجين هسه ارمي اليمين عليج ...
يابا  مو بوعيي جنت وهيه غوتني هيه فتحت الباب وجرتني للغرفه ..
اسمع الخميس نبدي باجراءات الزواج سمعت لو لا ..
كامت مرت خالي تبجي وتلعن الساعه الي اجيت بيها . 

خالي جان مصر انه يزوجني لعلي  وبدت خيريه تحاربني بالبيت وصارت حياتي جحيم وعفت المدرسه واني سادس علمي كرهت نفسي وكرهت ابويه الي جان سبب بلي اني بيه..
ورة يومين علي انهزم بعد ماجان خالي قافل عليه وجان عندي شك أنه خيريه هيه الي هزمته وخالي ضل حاير بيه وبعدها صرخت خيريه من طبت لغرفتها وعرفنا أنه علي بايك الذهب مالتها وفلوسها ومهزوم والذهب جان صندوك بيه ملاوي وشباحيه وبتوت وكلايد ومحابسها الي مو اقل من ٦ محابس يعني خوش فلوس بيها وانهزم ..
ضل خالي مكسور بسببي وخيريه تبجي وتكول من طبت علينا هالفكر فكرتنا واتفككنا من وراها .. خالي جان بيه سكر ومن ورة الي صار بيه جان خايف من ابويه وماعدا تفكيره اني يتيمه وشلون يسوي ابنه هيج بيه..
ضل علي مختفي ومحد يدري بيه وبدت صحه خالي تدهور وبقيت اداري بيه .. لحد ماصارت المفاجئه واكتشفوا اني حامل ...

عمار ...

بهاي اللحظه اتصلت بيه ازل ..
هلو ازل
هلو عمار ..
شبي صوتج ..
تعال عليه سيارتي عطلت ..
هاااا..
عمار شبيك سيارتي عطلت شنو مسمعت ..
اي اي جاي انتي وين ..
اني بالكرادة يم صديقك ابو الموبايلات ..
اوك جاي ..
رجعت للغرفه على هبه لكيتها نايمه فرحت حتى اروح وارجع لها جانت الساعه بالخمسه تقريبا العصر محسيت بالوقت وياها .. رحت على صديقي محمد او وصيته على هبه أنه يدير باله عليها وتوجهت للكرادة جانت الشوارع مزدحمه وكوة وصلت الها لكيتها مموجوده تفاجات رجعت اتصلت بيها جاوبتني ..
هلوو عمار ..
انتي وين اني واكف ..
هااا اني راح اوصل البيت ..
شنووو..
احنا مو متفقين اجيج لان سيارتج عاطله ..
مو اجا واحد وكفلي وطلعت مابيها بنزين وخلالها بنزين واشتغلت ..
غير تتصلين بيه ..
هسه شكو شصار يعني ..
الي صار عفت شغلي واجيت وانتي عفتيني ..
طبعا شغلك اهم مني انت متحبني اهم شي شغلك وراحتك اني اشوف والدي يشوف حل لموضوعنا ..
هسه اني طلعت غلطان ..
اروح اني تعبانه باي وسدت التلفون..
رجعت للمستشفى واني متعجب على تصرفات خطيبتي الطفوليه هواي تغيرت ازل بس شاسوي حبيتها وصارت خطيبتي ...

نزلت من السيارة يم مطعم واخذتلها عشه او رجعت للمستشفى دخلت لغرفتها جانت الساعه تقريبا بالسبعه ونص لكيتها كاعدة وحدها بالغرفه ..
وين رحت ..
رحت بشغله ورجعت ياله كومي ناكل اني جعت كلش ..
كامت كعدت كدامي وبدت تاكل وتاكل لكمه وتصفن . 
هبه اكلي ..
انت ليش هيج ..
شنو ليش ..
ليش دتساعدني وتسمعلي ..
اني السبب بدخولج للمستشفى شلون اعوفج واني اريد اسمع قصتج من البدايه حتى اجيبهم كدامي واحاسبهم..
بهاللحظه رن تلفوني ..
باوعت لكيتها ازل مارديت عليها ..
كالت رد خاف اهلك ..
لا مو اهلي ..
كملنا اكل وصحت على الممرضه نضفت المكان واجا محمد بهاللحظه ..
ها عمار محتاج شي ..
حمودي شوفنا احد يجيبلنا جاي ..
تدلل حبيبي عشر دقايق وهو يمك ..
باوعت عليها وهي كاعدة على سريرها عاكفه رجلها ووتكصكص باضافرها لو بايدها لو تجرها باسنانها جانت متوترة كلش وخايفه ..
ياله هبه كملي قصتج وصلنا انتي طلعتي حامل ..
ضل خالي تعبان ومرت خالي ماالها شغله بيه اني ماعفته ابد وبدت حالته تسوء كتله خالي لاتضل تفكر موزين عليك ..
وكام يبجي ويكولي بنيتي محد سواها ماسمعنا واحد يعتدي على بت خاله وهي جايه يمهم ...
صارت خالي بعد لاتفكر مو زين عليك ..
الله كريم بنتي ..
مرت خالي من عرفت كامت تلح وياي بشغل البيت بلكت ينزل الجنين .. وبيوم اتعاركت هيه وخالي وهو غلط عليها كدامي ...
كالتله الا اروح لاهلي  ...
وبدا يتصايح  هو وياها جان تلم هدومها واني اتوسل بيها ودفعتني وكالت كله منج ياصغيره البين وخالي غلط عليها وطردها من البيت لطول لسانها واخذت ميس وياها بقيت وحدي بالبيت وخالي صحته تعبانه اكله اسويه بهريز وبعد يومين من المشكله اجتي بنت خالي المتزوجه الي اصغر من علي اسمها منار..
طبت للبيت واني بالمطبخ لا سلام ولاكلام واسمعها تحجي وي ابوها وتكوله هاي امي صار لها شكد زعلانه  حتى مسالت عليها شنو مصدكت حتى خوالي زعلانين ..
خليهم يزعلون خلي يخلوها يمهم خلي تتربى من جديد خيريه ..
يابا الموضوع ميسوه ..
شرف بنت الناس ميسوه عندج بت خيريه وين اروح من رب العالمين اخوج الي سواه محد يسويه انتهك عرض يتيمه وبت اختي واذا ميجي يزوجها وهيه هسه حامل لا ابني ولا اعرفه اتبرى منه ليوم الدين وكوليلها لامج اذا عدها اتصال وي ابنها وتندل مكانه ودز فلوس اله متلوم الا نفسها اطلكها ومتصيرلي مرة ..كامت تصيح وصوتها على وي ابوها وطلعت ..
سويت الغدة وجبته لخالي وكعدت وياه اتغده
خالي ... الله يخليك خلي خالتي خيريه ترجع للبيت ..
خالي اني شعندي وياها هيه ترى من يومها هيج بس اني متحملها لخاطر جهالها بس لهنا وبس بعد كافي الحق حق احنا ظلمناج واني مابيدي شي علي ميطب البيت ولا يكعد بيه الا يعقد عليج وارتاح اني ماريد اموت وذنبج بركبتي ...
انت شنو ذنبك هو سوى الي سواه وانهزم ...
ضل خالي يفكر بيه وميعرف شيسوي وشاف نفسه عاجز عن حل مشكلتي .. واني كمت اطب لغرفتي واكمز من الجرباية حتى اسقط الجنين صح هو الشي الوحيد الي يثبت انه علي سوه الي سواه بس اني ماريده ولازم انزله ..
وبيوم اجاني خالي وكالي
اسمعي بنتي انتي ماعندج احد بهاي الدنيا بس اني ورب العالمين واني اذا متت تضلين وحدج اني سجلت واحد من املاكي باسمج بيت صغير يكفيج بس هذا مو معناه اني دااعوضج عن الي سواه ابني بيج لا بس خاف اموت واني اعرفها لخيريه تطردج هذا سند البيت وهذا عنوانه وماريد احد يعرف بهالشي بس اني وانتي..
والبيت ساكنين بيه ناس مأجريه وايجاره الج بعد .. تشكرت من خالي واخذت الاوراق وضميتها بعد فترة اجا اخو خيريه على خالي وسمعته يعرف بسالفه البيت وخالي اختصر الموضوع وياه وكال اله لاتدخل معليك انت مالي واني حر بيه ..
ومن سالته لخالي منين عرفوا بسالفه البيت  كال .. هي دتاخذ ايجارات البيوت وتنطي لابنها علي منها واني هسه وكفت كلشي بعد منين تنطييه لان وصيت اهل البيوت الي ساكنين بيهم الايجار ميسلموه لغيري وبهاي الحاله حيجي ابنها خما يضل دايح بالشوارع والبيوت ..
خيريه طول هاي الفترة كلها بقت يم اهلها ومارجعت  بس اهلها رايحين جايين علمود الاملاك والايجارات والصدمه الاكبر رفعوا قضيه حجر على اموال ابوهم وخالي ولا اهتم الهم او وكل محامي ورد الدعوى عليهم وكسب خالي القضيه وبيوم كال خالي حظري اوراقج وامشي وياي الصبح كتله وين كال معليج باجر تعرفين ..
طلعنا الصبح اني وياه او وقعوني على اوراق واخذني حتى لكاتب عدل واني ساكته ماسالته كل همي جان هذا الي بطني شلون اتخلص منه خصوصا وبدت اعراض الحمل تزيد عندي ودخلت شهر الثالث ..
من رجعنا للبيت تعبانين وجبنا اكل ويانا واحنا دناكل خالي كال ...

يتبع.....

قصة هبه ﴿ المغتصبه والضابط ﴾ حقيقيه 🔞-


بارت 7 شاركو القصه مع اصدقائكم

هبه تدرين وين رحنا اليوم وشسوينا ..
خالي اني ميهمني بس اريدك تبقى طيب وسالم الي اني ماعندي غيرك..
شوفي بنتي اني سجلت كل املاكي باسمج  ..
شلون خالي ..
اي خالو مثل ماسمعتي اني من نطيتج بيت صغير حتى يلمج خاف اموت اني ماجنت اريدج ترحين لناديه وضلمها
بس الله خلاني اسوي هيج حتى يشوفني اني وي منو عايش صح الي صار صعب علينا بس كشفت النا حقائق وعرفنا معادن الناس .. وبنفس الوقت اني اوصيج وصيه وهي امانه بركبتج ليوم الدين اني صح خليت باسمج املاكي حتى تحافضين عليهم واذا اتزوجتي واستقريتي انطي كلمن حقه بس علي دينار لاتنطيه الا اذا تزوج منج  واعترف بابنه ....
واذا مااعترف بابنه شلون الولد باسم منو اسجله ..
معليج المحامي كارته يمج هو يقوم بكل شي في حاله اني ماموجود بس اذا موجود اني اتكفل الموضوع ..
ارتاحيت من عرفت الولد الي بطني خالي يتكفل موضوعه وراح يسجله باسم احد ميعوفه بلا اسم ولا هويه ..
مرت الايام ومحد يسال على خالي بس ابنه الي مسافر بره اسمه سامر .. يتصل بيه بين فترة وفترة وعرف بالسالفه كلها وجان مراضي على اخوه وامه ..
وبيوم اني كاعده العصر بغرفتي دارتبها لان هاملتها ودانام وي خالي لان مريض ومحد يمه  سمعت الباب اندكت بقوه باوعت من شباك غرفتي وشفت الي ماجان أبالي .. ابويه وناديه بالباب انصدمت ولزمتني الرجفه واسمع خالي يكوله مو يمي راحت ويه خيريه معزومين ..
كاله ابويه .. خيريه زعلانه صار شهر يم اهلها ومحاكم انت وياها ..
هسه انت الي تريده شنو هبه موهنا ..
لعد وين ..
سفرتها ..
جان اشوف ابويه طب للبيت واني ضميت روحي جانت اكو مسافه صغيره وره الكنتور ضميت نفسي لان اني ضعفت  بسبب الحمل وكدرت اضم نفسي بيها ..
طبوا للبيت فتشوا مالكوا احد .. وطلع ابويه يصيح على خالي ويكوله اسمع سعدون بنتي اذا مارجعت الي راح ارفع دعوى خطف ..
كال اله خالي .. رحيم بنتك يمي واجتي عليه بعلمك شنو تكول خطف ..
سعدون وصلني خبر بنتي حامل .. اذا هذا الخبر صحيح ماتلوم الا نفسك..
اني ورة الكنتور ارجف من الخوف ولزمتني دوخه كوة لزمت نفسي . ..
لحد ماطلع وراح ..
خالي ضل صافن ومتعجب  على خيريه شلون تكول لرحيم  هبه حامل .. وضل خالي كاعد بالحديقة وأيده على خده  واني بدت عندي الالام ومغص بطني قوي ..
وقررت انهزم من بيت خالي لان ابويه عرف بحملي ومراح يعوفني وصرت بنظره البنت الي جابت العار لأهلها ..
رن تلفون عمار ..
رد عليها جانت ازل ..
يعني مااتصلت ولا اجيت للبيت ..
ليش اجي اني ماكتلج اجي ..
بس تعوفني زعلانه ..
انتي عفتيني وزعلانه ازل اني مفارغ لسوالفج كافي...
اجا محمد بهاللحظه وجاب الجاي بايده .. ودخل على هبه واشرتله الغرفه .. نهيت المكالمه وماجنت الكى سبب لتصرفات ازل فسرتها اني تصرفاتها هاي بسبب أهمالي الها ..
رجعت الغرفه على هبه وكتلها..
هبه هسه ارتاحي وباجر اطلعج من المستشفى ..
بس وين اروح ماكدر اروح للبيوت الي نطاني اياها خالي لان يندلون مكاني ..
حتى لو تكدرين مااعوفج وحدج تجين تسكين وياي بالبيت لحد ما الله يفرجها ..
وطلعت من المستشفى وتوجهت لبيت ازل حتى اراضيها مااحب  احد يزعل مني خاصه الي احبه ..

عمار ..

طلعت من المستشفى وجان الجو كلش حلو فكرت اخذ ازل ونروح لمكان لكن شفت نفسي تعبان والساعه عشرة الوقت تاخر وخاصه واني اريد افوت على المركز  كلت اجيبلها شي بسيط حتى أراضيها ..
مشيت على كيفي واباوع على المحلات لمحت سيارة فاتت من يمي بس جانت دنيا ليل ماكدرت اميز سيارة ازل لو لا ..
لا مستحيل مو سيارتها شيطلعها بالليل..
طبكت سيارتي يم محل يبيع الورد طبيعي .. كلت خوش هديه حلوة وكل البنات يحبون الورد ..  
اشتريت الها باقه ورد طبيعي اخترت الورد كله لون  ابيض حسيت شي غريب بداخلي على ازل ماعندي لهفه حتى اشوفها مثل قبل بس كان لازم اكسر هذا الاحساس وارجع طبيعي وياها شمهما يكون هي حتصير شريكه حياتي...
وصلت لبيت ازل ودكيت الجرس طلعتلي امها وهي شافتني كامت تتبلعم ..
هلو عمار ..
هلو خاله شلونج ..
تفاجات مكالتلي اتفضل ..
ها خاله وينها ازل ..
هااا اجتي تعبانه ونامت سيارتها من عطلت بيها تعبت وكفت هواي بشارع لحد مااجا ابن حلال سواها الها ..
هاااا زين سيارتها وين مدا اشوفها بالكراج ..
هااا مو ابوها اخذها عندة شغله وطلع بيها ..
زين خاله سلميلي عليها وانطيها هاي الباقه .. مع السلامه ..
صعدت السيارة واني متاكد الي شفتها جانت ازل مجنت اني غلطان ومشيت بكل سرعه ادور عليها بنفس المكان الي لمحته بيها مالكيت اي شي هو شارع لو شارعين حتى ادور فكرت اتصل بيها لكيته مغلق اتنرفزت ونار صارت بيه عليها ..

اخرشي اجا بالي اوكف قريب باب بيتهم وانتظرها من تجي .. وصلت لبيتها وضليت واكف انتظر صارت ساعه ١٢ بالليل وهي ماكو بعدين لمحت سيارتها جتي من بعيد اقتربت عليها بسيارتي من لافت باب البيت ودكت هورن اجيت بكل سرعتي عليها وهي باوعت عليه وخافت من شافتني ..وكفت سيارتي ونزلت عليها جريتها من ايدها يمكن اول مرة بحياتي امد ايدي على مرة ...
كولي وين جنتي بهالليل  ..
وهيه كامت تصرخ وترجف  ..
طلعت امها على صوت صياحها وكتلها هاي بنتك وين جانت الساعه ١٢ بالليل وانتي تكولين نايمه ...
عمار اسمعني انت تعرفني اني شنو ..
شاعرفج ازل الساعه ب١٢ طبين للبيت وليش امج كالت نايمه ..
عمار والله ضايجه جنت يم صديقتي هاك خابرهم وشوف ..
مااتصل باحد كافي كذبتي عليه ..
يعني شنو ...
يعني ماادري ..
كامت تبجي وتحلف أنه هي ماغلطت وجانت يم صديقتها.
كافي ازل تغلطين وتريديني اسامح اني تعبت منج احنا بعدنا ممتزوجين يكون تخليني بعيونج ..
عمار اسمعني احجي وياك بس اشرحلك ..
صعدت السيارة بسرعتي واني منهارة اعصابي اباوع جسمي وايدي تختض معقوله هاي ازل اني ناطيها كل الثقه ترجع بهالوقت حتى لو جانت يم صديقتها الناس شمدريها جانت يم صديقتها امشي بسيارتي بسرعه واحجي وي روحي واضرب الاستيرن بكل قوتي ومااحس الا سياره وكفت كدامي وضربتها بسرعتي وانكلبت سيارتي وصارت الدنيا ظلمه كدامي وفقدت الوعي .. اسمع اصوات يمي يكولون بعدة بيه نفس وطلعوني من السيارة وجسمي مااحس بيه وطعم التراب بحلكي .. وفقدت الوعي ..
حسيت اني بالمستشفى فتحت عيني الأجهزة محاوطتني وعرفت نفسي اني بالعنايه المركزة ..
اجتي الممرضه وسالتني الحمدلله على السلامه ..
ماكدرت اجاوبها الصورة مغوشه تقريبا جنت اريد اركز بكلامي وبنضري مدا اكدر ضليت احاول شفت نفسي بديت اركز شويه باوعت لكيت مريم اختي يمي ...
حبيبي اخويه ..
امي وين ..
بالبيت ..
شلون تعوفيها ..
وانت شلون اعوفك وحدك ..
انطيني التلفون ..
ماادري بيه وين..
شنو متدرين ...
صار شكد هنا اني ..
البارحه صار الحادث بالليل .. وهسه الساعه ثمانيه بالليل ..
صدك تحجين شلون ليش هلكد بقيت هنا  اريد تلفوني بسرعه ..
ماعرف وين خلي اسال واشوف ..
سالت مريم الممرضه كالت مااعرف كلشي بس ساعته وملابسه ومناضر ومحفظه ..
رجعتلي وكالت .. مالكو موبايل ..
اجا الطبيب وشافني ونقلوني بغرفه خاصه باوعت رجلي مجبسه ثنينهم وايدي ضربتها جانت قويه ماعدا الخياطات الي براسي وجانت سطحيه بس جانوا خايفين ليصير عندي نزف .. 
طلع الدكتور من يمي وكالت حالته زينه لكن لازم يبقى بالمستشفى كم يوم ..
دكتور يعني مااكدر اطلع باجر ..
لا ... لازم نتاكد ولاتنسى رجلك اليمنى الكسر بيها مضاعف ..
وطلع الدكتور واني دايخ ليش هيج وشمعنى هاليوم صار هذا كله بيه صدك هبه ماعندج حظ والمظلوم يبقى مظلوم ..
باوعت على مريم ...
انتي منو كالج اني سويت حادث ..
خابرتني ازل وكالت تعالي اخوج حالته خطرة ..
اتصلي  بيها بسرعه ساليها  على تلفون بلكت عدها ..
باوعت على مريم ميعجبها تتصل بيها بس جاملتني واتصلت ..
اني جنت قلق كلش على هبه الي جانت حايره واني توعدتها وكتلها اني اطلعج واخذج تعيشين يم امي واختي  وحتى ماعرفت نهايه قصتها وشلون التقيت بيها .. وهي ماعدها تلفون وكلشي مااعرف عنها ...
اتصلت بيها مريم وسلمت عليها سلام بارد
وكالتلها ..
اي صحى بس تلفونه وين ..
هااا .. ابقي على الخط ..
عمار تكول اتصلوا بيه من مكان الحادث واني طلعت بسيارتي والتهيت وياه مافكرت بتلفون .. جنت افكر بيه ..
نهت مريم المكالمه ..
شافتني ضجت وانهضمت ..
شبيك عمار شدتحس يوجعك شي ..
لا مريم مابيه شي ..
ضايج علمود ازل ..
باوعت عليه بحزن وكالت ..
عمار لاتنسى هيه هالوحدة لأهلها بنيه واخوتها اثنين مسافرين وعايشه بترف ..
هواي بنات عاشوا بخير ونعيم وتزوجوا وغيروا حياتهم لاجل الحب هذا مو سبب ..
ضلت مريم تباوع عليه ودمعت عيونها .. جانت مريم مصدومه بازل من نقلوني للمستشفى اتصلت بيها ازل وكالتلها تعالي وجايه مريم بالليل وعايفه امي وحدها وهيه باقيه ساعتين ورايحه للبيت وجايه الصبح ب١١ وطالعه وره ساعه حتى ماانتظرتني اصحى  ..  ومريم جان بالها يم امي ويمي ورايحه للجوارين ناخيتهم وجوي يم امي واجتي يمي مريم ..
تعبت واني افكر بهبه او وين راح تروح وضليت حاير ليش هيه جانت خايفه من شي ثاني اني ماعرفت  والقصه ماسمعت منها كلها بقيت بالمستشفى اسبوع واني الوب على التلفون اريد بس اصير. زين واكدر امشي حتى اروح على الاقل اسال محمد الي لاكيته بالمستشفى هيه تعرفه صديقي .. وبهذي الفترة زاروني اصدقاء هواي وازل اجتي مرتين مااستقبلتها زين وجنت بارد وياها لان هي السبب الي صار بيه ..
وصار كل همي هبه وشلون اثبتلها الي صار بيه قضاء وقدر ...واخر شي قررت اصارح مريم بالصار وطلبت منها تروح لمحمد بالمستشفى بلكت هبه بلغته شي بعد ماانتظرتني الصبح ومااجيت عليها ..

يتبع...

قصة هبه ﴿ المغتصبه والضابط ﴾ حقيقيه 🔞-


بارت 8 شاركو القصه مع اصدقائكم

هبه ..
بعد ماطلع عمار نمت من التعب حسيت اكو هم انزاح مني من شكيت حالي وقصتي اله حسيت عندي ظهر وسند اكدر استند عليه .. كعدت الصبح باوعت من  الشباك  على الشمس وشلون بدت الدنيا تصحي وصوت العصافير ومنظر الحمام حسيت روحي مرتاحه اكثر من اي وقت مضى دعيت ربي وطلبت منه أنه مينساني وان تنحل مشكلتي ويعرف ابويه الحقيقه وكل الي صار بيه سببه إهماله قبل كلشي صح علي اعتدى عليه  لكن منو الي خلاني لكمه سهله لعلي غير ابويه هو الي شمرني عليهم وتركني وين حبه الي جان رافض الزواج ومن تزوج حتى اني ارتاح من مسؤوليه البيت تالي يذبني بالشارع ويخليني لكمه سهله لعلي ولغيره .. جان همي خالي خفت عليه كلش من خيريه اذا عرفت الاملاك كلها باسمي شراح تعمل بيه واكيد هسه هو قلق عليه ...
صارت الساعه عشره واني كاعدة انتظر ومااجا عمار وين صار .. نزلت ادور على صديقه محمد مالكيته واني بس اعرف اسمه محمد وكم شخص بهالاسم صارت الساعه ١٢ الظهر وعمار مابين لا مستحيل عمار يعوفني الا اكو شي .. طلعت من الغرفه وسلمتها ونزلت انتظر جوة بلكت يجي مرت ساعتين وهو ماكو كلت بعد مايجي اكيد صار شي ..
فتحت جنطتي بيها رقم تلفونه الي نطاني إياه وكلت خلي اتصل واشوف ليش مااجا لان هو نطاني الرقم وكال احتفضي بيه كلشي يصير ..
طلعت من المستشفى ودورت موبايل اتصل بيه ماعرفت منين اجيب .. مرت بنيه شابه وسألتها ..
ارجوج ممكن سؤال ..
اريد اتصل بموبايل شلون وين اروح اني تيهت دربي ..
مو مشكله اتصلي بتلفوني ..
اخاف زحمه عليج ..
لا اختي ماكو زحمه الله يسهل امرج ..
اتصلت على رقم تلفونه محد يرد وتالي ردت عليه بنيه شابه كالت اتفضلي ..
كتلها العفو هذا مو تيلفون عمار..
جاوبت بخشونه ..
منو انتي ..
اني .. اني .. محتاجه مساعدة منه انتي أخته مريم
لا اني زوجته ..
انصدمت هبه من سمعت بيه متزوج ..
ارجوج بس كوليله هبه  سالت عليك ..
واني حااتصل بيه مرة ثانيه ..
سدت التلفون قبل مااكمل كلامي .. انطيت التلفون للبنيه وتشكرت منها هواي وبدون شعور وإحساس كمت امشي سريع وابجي بجيت وتذكرت امي وبيبي تذكرت طفولتي الي قتلتها ناديه وابويه  .. تذكرت خالي شلون احتضني وخيريه الي ذلتني وتتامر عليه بالشغل جنت اتمنى تبتسم الي حتى مااحس بالذل بيتها وتذكرت علي الي جان يباوع عليه حتى من زرف باب الحمام وياكلني بعيونه حتى من اكل اللكمه يمهم ويحاول حتى يتلذذ باطراف اصابعي من يطلب مني شي وانطيها اله واخرها بالحيله اغاني وخدعني ودخل للغرفه من سوة صوت وحركه بالباب ودخل عليه واغتصبني ... لحد ماانهزمت من الموت واني انزف وشفته .. شالني بايده او وداني للمستشفى احتضني بحنانه او جاب الاكل كدامي جان يتوسل بيه حتى اكل ويباوع عليه بنظرة حنان ... بس يمكن ماكو شي اسمه حب الحب انتهى وراح .. وطلع متزوج ويمكن حتى عنده اطفال ..
مشيت بشارع واني مااعرف المن اروح ماكو غير اروح للبيت الي سجله باسمي خالي وأخذ الايجار منهم واكعد بفندق .. البيت جان صغير وعنوانه حافضته بس جنت اتوقع مراح الكاه بسهوله رحت المنطقه ومااندليت البيت الا رحت على دلاْل وهو يندل البيوت كلها واستغرب لان مااندل بيت اني صاحبته كتله سالفه طويله مو مال أسولفها الك او وداني هو بنفسه للبيت ..
جنت كلش تعبانه والي مريت بيه مو سهل
دكيت الباب طلعت عليه مرة جبيره من شافتني صغيره كالت  بنتي اتفضلي المن رايده ..
حجيتلها اني صحتي تعبانه وطلبت منها الايجار وكتلها اذا عندج ..
كالت اي يمه عندي ..
ماما جابت الايجار وكالت أنه خالي اتصل بيهم وكاللهم اني بعت البيت لوحده اسمها هبه ...
المرة تحجي وتباوع عليه باستغراب .. وكالت يمه بيج شي محتاجه شي ..
لا خاله اني رايحه ..
خاله عندج مكان انتي شو مبين ماعندج احد ..
الحمدلله خاله ..
تعاي ارجعي كوليلي شبيج ..
من كالتلي هيج بدون شعور انفجرت وكمت ابجي ..
خاله ابقي يمي هنا ارتاحي وباجر الصبح نسولف ..
بس خاله اريد منج شي ..
ماريد احد يعرف اني يمج حتى خالي ومنا لباجر الله كريم ..
جانت هاي المرة اسمها نوريه عدها ولد وبنات اثنين الولد متزوج وكاعد وحده والبنات هم متزوجات وكلمن حايره بيتها وجهالها البنات يزوروها بين فترة وفترة و ينضفولها البيت ..
نوريه حضرت العشه لهبه وسوتلها الجاي اكلتلها هبه لكمه بعد ماسبحت وارتاحت ونطتها دشداشه من مالات بتها لبستها جانت شويه بيها كصر بس على الاقل تكضي نومتها وهي نظيفه وبايته بمكان نظيف مابي شاب يباوع على جسمها ... ذبت روحها ونامت للصبح بدون ماتحس بنفسها فتحت عيونها باوعت على الساعه جانت عشره تعجبت هبه شلون بقت لهالوقت نايمه ..

كامت من فراشها بعد مارتبته ورجعت كل شي بمكانه لكت نوريه بالمطبخ تلكط التمن ومشغله التلفزيون وتسمع اخبار ومن شافت هبه كعدت كالتلها ها صباح العافيه شلون صرتي بنتي ..
ضلت هبه ترن بمسمعها كلمه بنتي ودمعت عيونها وكالتلها صباح النور الحمدلله خاله اني زينه ..
ياله خلي اسويلج الريوك والجاي حار على نار هادية على الچوله ..
اني اكوم ...
لا انتي تعبانه اني الهي نفسي بالشغل وبن اروح واني وحدي ..
جانت نوريه مو جبيرة بس هامله نفسها عرفت منها أن زوجها ميت مصار سنه وعايشه.بوحدة وفراغ قاتل ..
بنتي هبه احجيلي سالفتج اريد اعرفها بلكت اكدر اساعدج ..
شاحجي السالفة متنحجي خاله وعقلج ميشيلها..
ميخالف احجي اسمعج ..
حجيتلها سالفتي من يوم زواج ابويه بامي ولحد هاي اللحظه من طبيت بيتها ضلت متعجبه لسالفتي وكلسع تكول سترك ربي فدواتك استر على بناتنا شلون هم همج بنيتي اب يعوفج بوسط الذيابه صدك هاي الدنيا صارت مو خوش دنيا .. اكلت لكمه خفيفه جان ريوكهم بيض وجبن والجاي الحار نص بيضه مااكلت هبه تحس البنج بعده بجسمها والتعب ديبين عليها ركضها بذيج الليله وهي انهزمت وتعرضت فوكاها لحادث غير مجرى حياتها وحست نفسها لكن احد يحن ويعطف عليها تالي صحت من هذا الحلم بكلمه سمعتها من الي ردت بتلفونه وكالت اني زوجته ..
كطعت افكارها نوريه وكالتلها ..
هبه وين رحتي ..
لا خاله بس اني هواي اشكرج تعبتج وياي
ردت عليها نوريه وهي تلم بالمواعين وتنظف المطبخ ..
بنتي شتعبتيني وشقدمتلج اني ..
هسه خاله اني اروح واجيج نهايه الشهر علمود الايجار ..
وين ترحين ..
الله مايكطع ..
والنعم بالله بس هذا البيت ملكج وتكدرين تبقين بيه انتي صاحبه فضل عليه مو اني ..
خاله هذا البيت صح ملكي بس اني ماجرته الج مو من حقي ابقى بيه ..
بنتي اني وحدي كاعدة خليج يمي ونيس وانتي ماعندج احد تروحين عليه وبس يشوفج ابوج يمكن يذبحج ..
خاله اني مشكلتي مااكدر ابقى هنا ماريدهم يندلون بيه ...
اي محد يدري بيج وين ابقى هنا ولاطلعين ابد واذا شفتي نفسج محتاجه تطلعين عندي خمار البسه الج ونزعيه بس من تطلعين منا ...
فكرت هبه ماكو غير حل بس طلبت من نوريه كالتلها راح ابقى يمج بس بشرط ..
ضلت نوريه مستغربه على الشرط ..
كولي شعندج ..
مااخذ منج ايجار طول مااني كاعدة ..
واذا احتاجيتي فلوس اخذي مني كم فلس انتي هم يتيمه ماريد اتحمل خطيتج ونياله الي يساعد يتيم ..
هذا هو اتفقنا ..
ضلت هبه بيت نوريه وطلعت مرة وحده اشترت موبايل وخط واحتفضت برقم عمار يمكن يوم تلتقي بيه وتعاتبه لان مااجاها او وعدها ميتركها ..

مرت الايام وجانت تفكر مرات ترجع تتصل وتتردد وتكول هو تركني مااجاني ليش دااتصل بيه وانزل نفسي ..
......
عمار ..
راحت مريم للمستشفى والتقت بمحمد وبلغها أنه مشافها لهبه من اخر مرة التقى بيها ويه عمار  ..
مرت الايام ورجلي مجبره وايدي بس انتهت الالام تقريبا وبقت الغصه بالگلب والروح على هبه يمكن هسه ضلت بالشوارع تفتر وماتعرف وين تروح او يمكن ابوها لكاها واحتمال يقتلها  شلون هيج سويت بروحي واتعصبت على ازل وهي ازل ممهتمه اصلا بيه ..
مابقى عندي امل غير أنه من اكوم على حيلي اسحب خطي القديم عسى ولعل أن  تتصل بيه بعد وابقى ادور عليها حتى لو ضليت سنين مو مساله حب او مشاعر عندي اتجاهها لا لكن مساله اني نطيتها كلمه مااعوفها وهي يتيمه وجانت تحت ضحيه اب جاهل وخال عاجز وابن خال انتهك عرضها وعافها تحت انظار الناس وتساؤلاتهم الي ماترحم ..

عمار ..
مر شهر على الحادث بس بقيت امشي على عكاز  لان الكسر الي برجلي مضاعف ..
اول شي سويته من طلعت رحت حتى ارجع الخط القديم وحطيته بجهاز جابته الي مريم بعد ماوصيتها تشتريلي جهاز وكالت اعتبرها هديه مال سلامتك .. امي جانت يوميه تلح عليه على موضوع الزواج لكن بعد الحادث خاب املها وجانت علامات الحزن عليها واضحه ..
وبعدها عرفت بعد مراجعتي لأكثر من طبيب أنه مااكدر امشي الا بعكاز بسبب الحادث الي سببلي ضعف العصب من جهه القدم ويحتاجلي عمليه جراحيه واحتمال وارد متنجح العمليه..
ازل بدت تنقطع نهائيا بعد ماجانت تسال مرة أو مرتين بالاسبوع كامت ماتسال ابد الا اني اتصل بيها ماحاسبتها ولا كتلها ليش هيج سويتي توقعت هي الي تجي وتعتذر وتكول اني السبب لكن جانت تحجي وياي برود اني اعرف ومتأكد هي ماعدها شي وي غيري لكن ليش هالتغيير بعد الحادث ..
قررت اروح عليها واعزمها بمكان اريد احدد مصيري وياها صح اني الي يشغل بالي حاليا هبه لكن هي خطيبتي ومو سهل عليها او عليه أن اتركها لان اكو عقد زواج بينا وجان زواجنا المفروض يتم هالشهر لكن الحادث غير مجرى الامور كلها .. .كمت اتعمد من اروح لبيتهم ماانطيها خبر اريد اعرف هيه موجوده او لا ...وهم بعدها تطلع بالليل وترجع بوقت متاخر ..

يتبع....

قصة هبه ﴿ المغتصبه والضابط ﴾ حقيقيه 🔞-


بارت 9 شاركو القصه مع اصدقائكم

رحت للبيت دكيت الجرس عادي فتحت الباب امها وحدها بالبيت واكيد الاب مسافر لو طالع وي أصدقائه ويرجع ساعه ٢بالليل ..
هلو خاله ...
هلو عمار ..
موجودة ازل ..
هسه حتجي طبعا جانت ساعه ٩بالليل واكيد هذا هم مو وقت طبيعي لبنيه طالعه وحدها بالليل ..
اجتي ورة ساعه واكيد بعد اتصال من امها ..
هلو  عمار ..
هلووو بيج ..
شعجب هاي الزيارة الغير متوقعه ..
ضايقتج ..
لا بالعكس بس ..
بس شنو ...
مامتوقعه تجي عليه ..
اعتقد انتي خطيبتي وعاقدين بقت بس مساله حفله الزواج ..
اي ..
بس اني الي اشوفه انتي صارفه نظر عن موضوع زواجنا وممهتمه وباعدة نفسج عني واتمنى اكون غلطان  ..
لا بس .. اكو شي بالي
كولي .. افتحيلي گلبج ازل..
انت شوكت تسوي العمليه ..
استغربت من سؤالها وجنت ناسي موضوع شي اسمه عمليه ..
ازل .. وضحي اكثر ..
عمار اني شنو موقفي كدام العالم من يشوفوك تمشي بعكاز شيكولون اخذت واحد عنده مشكله برجله زين وصور العرس هم بالعكاز والفيديو شلون بيه ..
عمار اني بعدني صغيره والعمر كدامي لو تسوي العمليه ونتزوج وصدكني راح تكون اسعد زوج  لو تتركني اعيش حياتي سعيده اني شابه ومن حقي اختار الشخص الي ارتبط بيه ..
ضليت اباوع عليها ورجعت اباوع على امها رجعت بذاكرتي ليورة انتبهت أنه ازل انقطعت عني بعد ماعرفتني مااكدر امشي الا بعكاز ..
كمت من مكاني وكتلها حقج راح يوصل الج كامل واتمنى الج الموفقيه والله يسعدج ..
يعني هذا هو مراح تسوي العمليه ...
اني مكلت مراح اسويها لكن كلت شوفي حياتج ..
يعني راح تسويها ....
اي طبعا اسويها ..
انتظرك عمار شوكت ماتسويها ..
اني اسمع أن الابتلاء نعمه لكن ماجنت اتصور هيج النعمه اعظم من الابتلاء نفسه ..
مدا افهم شتقصد ..
لوما ابتلاء رب العالمين الي وخلاني بهذا الحال جان ماعرفتج .. وجان تزوجنا وجان وكعت بابتلاء اكبر وهو ارتباطي بيج ..
عمار اني مو ابتلاء اني يعجبني اشوفك ....
اششششش
الي متوكف وياي ومترضى بيه بالشدة مااريد بيوم تكون الي زوجه واتباهى بيها كدام الناس ..
وطلعت وتركتها....
اسمع صوتها وراي ..
عمار ... عمار ..
كرهت نفسي شلون حبيت هيج انسانه بيوم شلون ردت ارتبط بيها تستعر مني ومن مرضي بعدني ماوكعت وشالتني وشلون ارتبط بيها وافكر أمن بيها تعتني بامي لو تزوجت مريم  وشافت حياتها...مريم عمرها ماحبتها فعلا المرة تعرف المرة ... الف الحمدلله ماارتبطت بيها ودفعت الثمن..
حسيت براحه رغم الي صار وياي مو قليل بس جان اكو خوف بداخلي بسبب هالارتباط هذا ..
احنا الضباط مجال عملنا ممخلينا نلتقي بشريكه حياتنا بسهوله بحكم عملنا وماعدنا وقت حتى نحب ونطلع وجانت هاي النتيجه اخترت ازل وهيه مرأه بقمه الانانيه مااتذكر بيوم حظنتني او حتى نطتني مجال اني اضمها لصدري حتى بوسه مابستها بس بيوم العقد وماحسيت بيها انثارت او انسجمت وياي .. جانت كتله باردة خاليه من المشاعر المهم فلوس وطلعات وبرستيج ماينتهي وقته .. نست هي  السبب الي اني بيه ..
بهاي اللحظه اتصل بيه ولد ضابط صديقي ..
هلو عمار..
هلو  مراد ..
بشرني ماتزوجت ..
لا فسخت ...
هاي شنو شوكت ..
تصدك اليوم ..
انت وين ..
اني راجع للبيت ..
لك تعال سهرة تفوتك اني يم وليد كاعدين سوة ...
والله تعبان ..
لك تعال ننتضرك ..
اوك جاي ..
رجعت اتصلت بمريم ..
وكتلها اتاخر اني لايضل بالكم ..
شبيك صاير شي ..
لا تعبان وضايج رايح يم مراد ..
اتونس وفرفش مازال مجاز من تداوم بعد وين تكدر تطلع بعد .. ههه باي
باي ...
وصلت بيت مراد .. من شافوني استغربوا
جانوا ميعرفون اخباري لان هما ضباط وياي نفس الدورة مو نفس مكان العمل وضلينا نتواصل ..
حجيت الهم الي صار بيه وحتى من عرفوا الي صار بالقدم كالولي احتمال يعفوني من الخدمه لاسباب صحيه .. كتلهم مايهمني بس شي واحد ..
كالوا شنو ..
كتلهم الكى الي ضاع مني..
شنو الي ضاع ..
حجيت الهم عن هبه وعن الي مرت بيه بس ماكلت الهم أنه تعرضت للاعتداء .. كالولي من حجتلك سالفتها ماذكرت اسم المدرسه الي جانت تدرس بيها ..
لا ..
اسم الخال جان شنو ..
مااعرف بس اسمه سعدون ..
متعرف اسم ابوها الكامل .. على الاقل واحد يوصلنا للثاني ..
شلون ..
شنو شلون احنا ضباط كانه عدنا تحريات عنهم ..
مااعرف اسم ابوها بس رحيم ومرت ابوها ناديه .. بس المنطقه مااندلها ...
اسمع عمار ميفيد الاسم وحده على الاقل المنطقه . 
كلشي ماعرفت منها بس جنت اسمع قصتها ..
صعب نلكاها بلكت تتصل بيك ..
طفيت جكارتي وبين المكان كله دخان كتله لمراد افتح الشباك غير جو الغرفه ..
فتح مراد الشباك واجتي ريحه التراب الممزوجه بمي المطر وكفت اشتم هوى طيب جان والمطر زاد .. وتذكرت من لاكيتها بالمطر واصطدمت بيها بسيارتي وكأنه صوت براسي صاح ... عمار المكان الي التقينا بيه ..

التفتت على اصدقائي ..
مراد ليش ماادور عليها بالمنطقه الي لكيتها بيها ..
شلون ..
اكيد هي طلعت من بيت خالها او من بيت ابوها لان اني مسمعت قصتها كامله ..
بس هم صعب ..
ماكو شي صعب لازم الكاها واثبتلها اني ماخذلتها بس الظروف جبرتني اخلف وياها ..
اني رايح هسه ..
وين عمار هسه بدينا السهرة ..
اسهروا على راحتكم  ..اني باجر ابدي ادور الي ضيعته وتاه مني .. تصبحون على خير

رجعت للبيت واني امشي بهدوء حسيت نفسي راح ارتاح و لازم ابتدي بمرحله جديده من حياتي ...
وصلت البيت لكيت امي ومريم كاعدين استغربت لكعدتهم سوة بهالوقت ..
شوكاعدين ..
ننتظرك ..
مو كتلج اتاخر ...
مو كلت اذا تتأخر بعد  نكوم انام ..
امي باوعت عليه ..
ابني عمار انت هسه صرت زين شقررت شوكت تتزوج ..
باوعت على مريم وهي هم باوعتني حسيت مريم ضاجت ..
بكيف مريم شتكول ...
واني شعليه.. 
انتي اختي الجبيره..
اني ماالي علاقه بهالموضوع ..
ليش مريم ماتحجين من تشوفين شي سلبي على ازل ..
عمار هذا اختيارك ..
لا مصار اختياري بعد انتهى هالاختيار ..
امي باوعتني شلون فهمني ..
امي تعبت منها راح انطيها نص حقها وكلمن يعيش حياته ..
مريم .. معقوله الي اسمعه كالتها وهي فرحانه ..
امي حسيتها ضاجت مو على ازل نفسها ضاجت لان افتهمت ازل هي الي اتخلت عني بسبب العكاز ...
كمت من يمهم وطبيت للحمام وبدلت ملابسي واكلت لكمه وذبيت روحي على فراشي ونمت وقررت اطلع من الصبح ادور على هبه ..
كعدت الصبح غسلت واكلت لكمه وبدلت وطلعت بعد كلت لامي يوم ادعيلي ..
مشيت بسيارتي او وصلت للمكان الي لكيت هبه بيه لكيته مكان عالي يعني شارع عالي وعلى جهه نزله قويه نزلت بيها جان شارع وعر والطسات ماليته مشيت واتلفت صارت كدامي بيوت جانت المنطقه ترابيه أكثرها شوارعها ممبلطه بس الناس اكثرهم ريف استغربت الملابس الي جانت لابستها هبه من شفتها اول مرة مجانت مبينه أنه هبه جانت بهاي المنطقه ومن حجت على بيت خالها كالت عائله راقيه وعدهم املاك ... كلت يجوز خالها يحب المناطق الزراعيه خاصه وان الشط من الناحيه الثانيه والهوى الي يجي من جهه الشط هوى طيب نقي ..  مشيت على كيفي كلت وي روحي المن اسال هسه ...
لازم اسال شاب افضل شي يكدر يفهم ويقدر وضعي. .
وصلت يم شباب اثنين واكفين بالباب مال بيتهم ويضحكون وي بعضهم ..
السلام عليكم شباب ..
عليكم السلام اتفضل حول ..
نزلت صافحوني .. ولحوا عليه ادخل لبيتهم ..
دخلت لبيتهم واستقبلوني اكثر من شخص تفاجات منهم محد سال شتريد وبدوا  باصول الضيافه وياي ..
جان جبيرهم كاعد وسألني انت من ياعمام والله يحييك ..
كتلهم اني جايكم بخدمه ..
كالولي ابشر ..
كتلهم ..
اني جاي اسال على رجل بهالمنطقه بس مااعرف شي عنه بس اسمه سعدون ..
على اعتبار أنه هبه كالتلي اخر مرة جانت بيت خالها وفكرت تنهزم من ابوها .. واكيد خالها يعرفها وين لان هو الشخص الوحيد الي تأمن بيه ..
باوع عليه جبيرهم وكال ..
هواي بمنطقتنا اسمهم سعدون بس انت شتريد منه ..
صفنت شاكوله ..
اجا على بالي شي واحد ..
عندي امانه اله اريد اوصلها  .. بس اني مااعرفه بالشكل .. بس اعرف عنده ولد ٢ واحد مسافر والثاني اسمه علي ..
كال والله ياابني مااعرف احد بس يجوز اكو لازم تروح على بيت الشيخ تسال .. اكيد اذا اكو احد بهاللاسم يدليك بيه ..
تشكرت منه ومن دااطلع لحوا عليه ابقى على الغدة كتلهم طريقى طويل وكوة اترخصت  وطلعت منهم بعد مادلوني بيت الشيخ ..
مشيت واني اباوع على ناسها جانوا بسيطين وعايشين حياتهم بساطه والجهال يلعبون بالشارع ومن فتت من يمهم ياشرون ويسلمون عليه فرحانين بيه والسيارة عاجبتهم صغيره وبيضه لان جانت لاختي مريم بعد ما سيارتي اتحطمت بالحادث ..
وصلت لبيت الشيخ واستقبلوني هواي رياجيل وصافحوني ودخلت بمضيفهم جانوا لابسين الي بعمري دشاديش وكبارهم ويه الدشداشه غتره وعكال .. والي عمره ١٠ لو ١٥ سنه لابسين تراك ..
جانوا طيبين و الابتسامه متفاركهم ..
الشيخ رحب بيه وكتله شيخنا اني جايك بسالفه اريدك تساعدني بيها ..
ان شاءالله اساعدك اذا اكدر بس واجب الضيف قبل كلشي ..
وجابوا صواني الغده جان اكلهم بسيط بس الطعم مجان اكو مثله والخبز الحار واللبن اني اكلت الخبز وشربت اللبن كله لان ماكو يمنا خبز تنور الطين ولبن البقر الي ماينشبع منه ..
داروا الجاي وشربت حتى راسي يستعدل من طول الطريق والزحمه واريد بس الشيخ يكمل ويسألني لان اكدولي الناس الي قبلهم ماكو بيت بالمنطقه ميعرفه الشيخ ..
كتله شيخنا اني جيت على الله وعليك ..
كول ابني شمحتاج أن شاءالله اخدمك ..

يتبع.....

قصة هبه ﴿ المغتصبه والضابط ﴾ حقيقيه 🔞-


بارت 10 شاركو القصه مع اصدقائكم