دا انشر قصص هنا
@ksssas

ليريد يدخل
@ki0ki

يعني الحسابة متعطل يراسلني
@ki0ki

اصبحنا واصبح الملك لله اللهم افتح علينا في هذا الصباح كل باب خير فتحته لأوليائك وأحبابك لا تسده عنا ابدا . 🖤🌹".

قناة :•وزارة التربية العراقية #الرسميه✔️

وكل ما يحتاجه الطالب👇
•مرشحات📚
•ملازم📕
•مراجعات📗
•اسئله 📓

•قرارات التربية📰





تابعنا ع #انستكرام لنشر الاخبار المهمه👇✅
3.iraqe حسابي
https://t.me/Tsssstt قناتي

#فصلية_ابن_عمي

قصة بعنوان فصلية ابن عمي اول تجربة الي للكتابة اذا عجبتكم حتى اسويلكم غيرها
البارت الاول والثاني والثالث والرابع والخامس

السلام عليكم
اني جودي عمري ١٨ عندي ٣ اخوان وما عندي اخت 😟اني الكبيرة بالعائلة يجي بعدي مصطفى عمره ١٦ (طالب اعداية صناعة) ومرتضى عمره ١٢ سنة (سادس ابتدائي ) واخر العنقود محمد(ميدو هذا اللي ادلعه بيه) عمره سنتين بابا وماما موجودين الحمد لله بابا تزوج ماما عن حب طبعا بابا عمره٤٠ وماما كذلك عندي ٤ اعمام(احمد ورعد وحسن و واراس )
ها نسيت اوصف الك شكلي اني عادية الناس تشوفني حلوة بس اني اشوف نفسي عادية (عيوني وسط مو حيل كبار ولا صغار شفايفي مليانه شعري كيرلي بس حلو عبالك تسريحه يوصل لحد خصري بيضة حيل )
جودي:صباح الخير ماما اليوم اخر يوم بالامتحانات احتمال اتاخر ويه صديقاتي مو تشغلين بالج اوك يلا مع السلامة ادعيلي اجيب معدل
ام مصطفى : ان شاء الله تجيبين المعدل اللي تريدي
بعد ساعتين خلصت ورجعت للبيت الكل مجتمعين
جودي: السلام عليكم
الكل : وعليكم السلام
بس اكو شيء غريب بابا ضايج وماما مسالتني اليوم شلوني بالامتحان شكو شصاير يلا اروح انام وبعده اسألهم من اكعد
نمت ساعتين وكعدت ب ١ لكيت ماما ما تحضر الغده بس مو طبيعية كلش اليوم
كملت صلاة وقريت قران شوية ورحت لامي بالمطبخ
هاي ماما شبي الحلو اليوم ضايج فديتج حتى مسالتيني شلوني بالامتحان
ام مصطفى :يايمه سوده عليه والله بالي مشغول بولد عمج المرحوم
جودي: ولد عمي ليش شكو شصاير
ام مصطفى :بعدين خلي اصبلهم غده واحجي وياج
مرتضى : ها يادكتورتنه شو بالمطبخ مو من طبعج
جودي : انت شعليك لتصير غثيث يلا روح منا لا اكول لبابا عليك 😜
مرتضى : ها لج تهدديني بسيطه شوفي منو يجيبلج حلويات بعد
جودي :هههههه شبيك ياعمري اتشاقه وياك كم مرتضى عندي
مرتضى:اي يلا زين هيج متجين اله بلعين الحمرة
مصطفى : وين صار الغده متنه جوع
ماما :اي يمه صبيته
كملنه غده و غسلت المواعين اليوم طبعا اني ما اشتغل شيء بلبيت بحجة سادس بس اليوم لان فرحانه مجاوبه وخلصت لهذا قررت اغسلهم
بين لعب ويه ميدو (محمد) وعرايك ويه مرتضى صار العصر بابا مبايله ابد مسكت وكل شويه صاح لامي ويحجون بصوت ناصي
اني ذكرت امي كالتلي على ولد عمو رعد
كلت يلا خلي اساله
ماما... ماما...
ماما:ها جودي شكو شبيج تصيحين صوتج واصل للشارع
جودي :غير انتي متسمعيني
ماما : يلا سمعتج كولي شتريدين
ماما انتي كلتي بالج مشغول بولد عمي شكو صاير شيء
اي اليوم الفصل مالتهم
فصل شنو يا ماما
ولد عمج كبرو وطالبو بحقهم
(Flash back) (عودة للماضي)
(جنت صف خامس ابتدائي باول اسبوع الي بالخامس
اجتي امي عليه للمدرسة واخذتني وياها لبيت جدو مفهمت شيء ابد بس شفت امي تبجي وخوالي مخبوصين وجدو طلع يدور على بابا
حاولت أفهم ماكو
لهناك ماما وهيه تبجي وتحجي لبيبي كالت بابا ضرب عمو رعد سجين وحالته خطرة واحتمال يموت
شنو منو مااااااات عموووووو ر...ع..د لالا مستحيل هذا روحي من الدنيه اموت عليه يحبني حتى اكثر من ولده(عمو رعد عنده ٣ ولد وزوجته حامل بالرابع هو يحبني حيل احتمال لان ماعنده بنية لو لان شكلي ينحب بسرعه) من عرفت عمي مات ماعرف شنو اسوي بقيت بس ابجي واكول لا لا عمو ما مات عمو عايش ماما كالت لخالتي ايمان اللي بعمري توديني لبيت خالي )

يتبع

فصلية ابن عمي(الجزء الثاني)
البارت الثاني
ماما:جودي جودي شبيج وين صفنتي مو احجي وياج
جودي: ها ماما كلتي شيء
ماما :لا سلامتج صار نص ساعة احجي وعبالي تسمعيني طلعتي شافته
جودي: اسفة مو قصدي بس سرحت شويه شنو جنتي تحجين
ماما: لا ماكو شيء بس كومي شوفي حمودي
اوك ماما من عيوني امووووح😘😘
صار المغرب صلينه وتعشينه مثل العادة
بابا كال اني ح اطلع بشغلة ونبهه على اخواني ميطلون ابد اليوم ليش ما اعرف
مر الوقت بدون شيء جديد
صارت ساعة ١١ جنت اتابع مسلسل واجه بابا بس شكله تعبان ومهموم شبي سالته بابا بيك شيء
بابا : لا بنتي سلامتج امج وين
جودي:ماما تنيم حمودي
راح بابا يحجي ويه ماما واني بقيت اتابع مسلسلي
في مكان ثاني من المدينه
ام حسين :ها يمه شصار طمنوني
محسن:مصار شيء لحد هسه طلبنه اللي كلتي بس ما اتوقع عمي يوافق هاي وحيدة وتدرين بيه مدلله
ام حسين: لدكول عمي فهمت اللي كتل ابوك هذا مو عمك وانتو لازم تاخذون ثار ابوكم هسه كبرتو وصرتو زلم ثار ابوكم لتنسونه وبالأخص انت حسين اريدك تذلهم باغلى ماعدهم ب بتهم اريدك تخلي يتمنى الموت من يشوف ذلة بنته
محسن:يمه شتحجين انتي ترى هاي هم بت عمنه وماله
ام حسين :انت اسكت لا اكوملك وانت حسين يمه شكلت تسوي اللي طلبته منك لو لا

حسين :ان شاء الله يمه يجرالج اللي تريدينه(اني حسين عمري ٢٣ سنة خريج صناعة واشتغل بكلشي شكلي اسمر حنطي عيون عسلي وجسمي معضل طولي ١٨٥ اعرفكم على عائلتي امي عايشه الله يحفظه ابوي ميت عندي ٣ اخوان وما عندي خوات اخواني محسن ١٨ صف سادس علمي حسن ١٢سنوات سادس ابتدائي الصغير عمره ٧ سنوات اول ابتدائي من جنت المتوسطه عمي كتل ابوي شنو السبب ما اعرفه بس من ذاك اليوم واني اخذت عهد على نفسي اله أخذ ثار ابوي جنت ناوي اقتل عمي لو واحد من ولده بس امي هسه تكلي تاخذ جودي فصليه وذلهم بيه اني ما مقتنع بس امي تلح عليه وما اكدر ارفضله طلب اليوم كعدوا عمامنه والشيوخ حتى ينحل الخلاف بينه وعمي كال اني مستعد للي يريدو فصل وزواجهم عليه بس اني كلت ألهم أخذ جودي فصليه والا اني اكتل واحد من ولدك حتى تصير دم بدم هو مقبل وكال ادفع فلوس وماتاخذون بنتي بس مقبلنه عمامي كلوله احسن حل حتى ينحل الخلاف وترجع المياه لمجاريه وهو ابن عمه دمه ولحمه مستحيل ياذيه عاد هو كال يومين وارجعلكم جواب).

الجزء الثالث

في بيت جودي:
بابا :ام مصطفى حاجيتي بنتج لو لا اليوم يريدون الجواب مني
ماما : لا والله بعدني ممحاجيته البنية هستوه خلصت امتحانات ومنتظرة المعدل بفارغ الصدر شلون اكوله ح ننطيج فصليه اههه اههه 😭😭و لمنو لابن عمج اللي ربيتي وياه والله صعبة يارجال
بابا : فصليه شنو هذا ابن عمه وراده وحتى اذا مانطيناها راح ينهى عليه
ماما : اذا يريديه ليش ماطلبه منك بدون ميكلك فصل بدل دم اخوانه
بابا :هو كال هيج حتى تنحل المشكلة اكيد مراح ياذيه(بكلبه يكول شلون مياذيه وهيه بت قاتل ابوه شلون بس شسوي لازم احجي هيج واهديج ادري بيج عقلج ح يطير من كثر متفكرين بيه )
بابا : عبالج لوحدج محروك كلبج ترى كلبي متفطر عليه وخصوصا هيه بسبسبي بس شسوي لو بنتي لو ولدي يندفنون ترى حتى محمد مايسلم منهم
ماما : لدكول هيج هذا قضاء وقدر ربك قابل جنت متقصد تكتل اخوك ان شاء الله اليوم احاجيه(ياربي صبرني على امتحانك لو بنتي لو ولدي ورجلي ينكتلون اللهم لا نسألك رد القضاء ولكن نسألك اللطف فيه)
كامت ام جودي والهم والحزن بوجهه وكلبه معصور على بنته وحيدته اللي متعرف شمنتظرته
بقت تفكر شلون تفتح الموضوع ويه بته وهيه تعرف ب بته رافضه الزواج لحد متكمل دراسه
صارت الساعة ٥ العصر اجتي ام جودي لبته لكته هستوه كاعده من النوم هيه وروحه من الدنيه حمودي
ام جودي:صح النوم هستوكم كعدتو
جودي:صحى بدنج هلا ماما اي هستوني ولو ما ميدو كعدني فلا اكعد عزززه مو امتحانات هلكتني خلاص
نبتهت على ماما وجهه اصفر
خير ماما شو وجهج تعبان واصفر بيج شيء
ام جودي دمعت عينه 😢:لا ماما سلامتج بس عندي موضوع وياج غسلي واحاجيج
جودي :صار بيه موضوع لا هاي يحتاج اله كعده وكوب نسكافيه ههههه(متدري شمنتظره فرحانه بالعطلة)
ياااا نسيت ماما تريدين اسويلج نسكافيه وياي
ام جودي: لا يروح امج ما اريد
راحت جودي تغسل ونسوي النسكافيه
(ياربي صبرني شلون ح اكوله شلون😢😢)
ورا ١٠ دقايق اجتي جودي
جودي : اي ماما هسه احجي كليلي شنو اللي مضوجك ياكمر انت لدكيلي متناكره ويه مرتضى هسه ارزله الج
ام جودي لا ممتناكره اكعدي احجي وياج بس حاولي تفهمين الموضوع وتسمعيني للنهاية يلا تحجين
جودي : تفضلي يانبع الحنان كلي اذان صاغيه
ام جودي : تعرفين ولد عمج كبروا وبدوا يطالبون بثأر ابوهم عاد ابوج خاف عليج وعلى اخوانج دز عليهم ناس وسوها كعدت عشاير حتى يحلون الخلاف
جودي: اي حلو هيج تنحل الامور بالتراضي وين المشكله
ام جودي : اسمعيني للاخير
ولد عمج طلبوا فلوس وفصلية عن دم ابوج واخوانج واحنه ماعدنه غيرج لازم تتزوجين حسين والا يكتلون اخوانج
جودي : فصليه شنو ماما اههه😭😭😭
ماما اني الزواج كله رافضته مو عاد فصلية
ام جودي: يمى والله مو بيدنه ابوج حاول وياهم وكالهم ياشر على اي وحده واني اخطبه اله ومهرها وعرسه عليه بس عوف بنتي بس حسين مايرضى اله انتي
جودي : ماما هنت عليكم انتي وبابا حتى تبيعوني هيج ثكلت لكمتي عليكم ماما ما اريد ما اريد
ماما حسين ح يذلني ماما ما اريد فدوه لكلبج يوم لتخليهم يزوجني حسين 😭😭😭😭
ام جودي احس كلبي تكطع من شفته تبجي ومتريده واني اللي اقنعه :يمه فكري منا ليومين
طلعت امي من الغرفة واني نهاريت يجي
ليش هيج يصير ياربي اني شنو ذنبي اروح فصلية
جنت احلم اصير دكتورة واعالج الناس ما جنت اعرف القدر كاتبلي اصير فصلية و لمنو لحسين اللي جان اقرب واحد الي منمن ولد عمامي
بيومه بقيت بغرفتي ما طلعت
وماما مخلت احد يدخل رادتني اتخذ القرار بدون ضغوط
ياضغوط ماما وانتو مخيرني لو مستقبلي لو اخواني

بس اني مستحيل اقبل احد يتاذه منهم
ياربي بس اذا وافقت شلون ومستقبلي
من كثر البجي والتفكير غفيت بدون ما احس على نفسي
ثاني يوم كعدت الصبح للصلاة و دعيت ربي يخليني اتخذ القرار الصح ويساعدني قريت شوية قران ونمت وقررت شنو ح اكول لامي
كعدت ب ٩ بس عيوني ذبلانه ومبين بيهم البجي والسهر لكيت خالاتي موجودات وهم بقن يحجن وياي ويواسني
ماما ماما اني اخذت قراري واني موافقة ازوج حسين بس يخليني اكمل دراستي
ماما خطية ضاجت عليه بس اني كلت اله ماما كلشي يهون ولا يمسون شعرة من اخواني
ماما :يمه سوده عليه وانتي شنو ذنبج
خالاتي كالن شنو هاي ام مصطفى بنتج عروس لازم تجهزينه
ماما :يمه فدوه لكلبه شلون ما اجهزه واحسن جهاز بعد
جودي(شتجهزون هو اني فصلية بس لا صدكتوا اني صدك عروس)
طلعنه العصر للسوك وامي مخلت شيء مجابته اني روحي طالعة وبالي فلا يمهم بس لخاطر امي حتى لتنقهر رحت وياهم
كملنه الجهاز وبابا رجعلهم خبر بموافقتي
وقررو الخميس العقد
حسين (جنت متوقع عمي ما يقبل ينطيني جودي وخصوصا هيه المدلله مو بس عنده عند الكل حتى ابوي الله يرحمه جان يحبه كلش حتى مرات يرزلنه اذا حاجيناها الظهر اجاني عمي احمد( ابو علي)السلام عليكم شلونك عمي ان شاء الله بخير
حسين :الحمد لله على الله انت شلونك اخبارك
ابو علي :الحمد لله بس ردت اكلك عمك اليوم اتصل وكال موافقين على شرطكم والبنية قبلت
حسين(شنو معقولة جودي تقبل ):اي زين من وافقوا هم عوزهم ما يوافقون
ابو علي :عمي البنية ماله ذنب وهو قضاء وقدر وعمك ما جان قاصد يكتل ابوك
حسين : عمي قاصد وله مو قاصد ابوي مات واندفن وهو عايش يشم الهوا ومتنعم بالدنيا عمي لخاطر الله سد الموضوع لا بديني هسه الغي الاتفاق واروح اكتله
ابو علي:لا عمي سمي بالرحمن ولا تكتله اللي تريده صار وبت عمك الك بس اني اجيت اكلك راعي الله بيه
حسين :ان شاء الله عمي (بكلبي اي اراعيه شلون ما اراعيه اله اخليه تتمنه الموت وماتلاكي )
رحت لامي وبشرته بقرارهم كالت اي شد حيلك هسه بدا وقت الانتقام
في بيت جودي
اليوم الخميس مر الوقت بسرعة واني اباوع باهلي ما اريد اعوفكم يمه شلون اعوفج واني متعوده عليج وما اعرف انام اذا ما اشوفج شلون اعوف مصطفى وتحشيه عليه لو المناكره ويه مرتضى لو اللعب ويه محمد لو بابا ياربي شلون والله اشتاقلهم نتبهت على صوت ماما المخنوك بالعبرة تكلي يلا يمه ابوج يكول يلا نروح. اي يمه اجيت بس البس شالي
ودعت اهلي ورحت لمصير مجهول ويه ابن عمي اللي اذا اشوفه بالطريق ما اعرفه رغم جنه اقرب ثنين بس الزمن بعدنه رحت والطريق كله دمعي مانشف على امي اشتاقيلته بمجرد ما طلعت من البيت.

يتبع

بارت 4

مر الوقت ووصلنه لبيت كبير حيل وحلو أجه عمو اراس سلم علينه ورحنه وياه كعدنه بالاستقبال بس راسي مرفعته والدمعه منشفت ابد وحسيت نفسي غريبه بالرغم اني عند أهلي مر اقل من ساعة واجه الشيخ عقد النه واني حتى مرفعت راسي وشفت حسين تفكيري كله بامي خايفه عليه اكثر من خوفي على نفسي بعده بابا سلم عليه وراح وبقيت لوحدي ويه ناس ما اعرف بس اسمائهم من اني صغيرة عفتهم وبعده ابد مشفت ولا واحد بيهم ولا مر علينه واحد وسال
حسين : كالولي عمك أحه وجاب جودي روح جيب الشيخ حتى يعقد الكم اني كلبي فز من مكانه جودي واخيرا ح اشوفه صار سنين مشايفه وهسه اكيد تغير شكله بس ذكرت كلام امي وابوها اللي حرمني من ابوي عفت مشاعري على جهه وخليت انتقامي وبس كدامي
جودي :من راح بابا اجتي عليه بنية بعمري تقريبا اعتقد بنت عمي كالتلي تعالي وياي ارتاحي شويه وبعده اصعدي لغرفتج رحت وياها وشفت هواي نسوان اكيد نسوان عمامي سلمت عليهم ورجعوا السلام بس وحده مرجعت السلام ياربي دخيلك بس لا هيه عمتي ام حسين
دخلت لغرفة دعاء سولفنه شويه وحجتلي عن نفسه وهواي شغلات
دعاء دعاء خلي نصعد ارتب الاغراض من الجنط
دعاء: بي ياعمري يلا كومي
دخلت لغرفة كولش حلوة تصميه بالضبط مثل اللي يعجبني رتبنه الاغراض رادت تروح دعاء كلت اله تبقى وياي اخاف ابقى لوحدي
دعاء : لج شابقى صار٤ ساعات يمج أهلي يريدوني وحسين ح يجي هسه اخليلكم تأخذون راحتكم
جودي :طلعت دعاء وبقيت افكر بحسين ياربي ان شاء الله يطلع حباب ومياذيني بقيت افكر لحد ما تعبت ونمت
حسين : من طلع ابوابوها دزيت دعاء بت عمي تاخذه وتسولف وياها لان امي ما اعرف شلون ح تتصرف وياها وطلعت ويه اصدقائي افرفر
اصدقائي :لك انت من كل عقلك عايف عروستك وجاي يمنه هههههه والله انت مو صاحي
حسين : لك تسكتون لو شلون اني طلعت حتى ما اسمع اي شيء بهذا الخصوص ما اكدر اشوفه واذكر اللي سوا ابوها
اصدقائي:حسين شبيك ترى البنية ماله ذنب ولا تنسه هاي تبقى من دمك ولحمك

حسين :خلصتوا مواعض وحكم يلا رجعوني للبيت الوالدة تتصل
رجعت للبيت سلمت على الوالدة وسألته وين جودي
امي : جودي شنو اسمه فصليه
حسين :وله يهمج فصلية فصلية المهم انتي راضية يلغاية
دخلت للغرفة وشفت ملاك نايم مو بنت بيضه مثل الثلج ولابسه ربع ردن بقيت أتأمل ملامحه شويه وبعده كعدته براشدي نايمه مو لج فزت مرعوبة واني فقدت ذكرت ابوي وبعده محسين على روحي اله واني مكسره تكسر وماعفته لحد ما فقدت الوعي
جودي :نايمه ومحسيت اله راشدي قوي صحاني فريت لكيت شاب ضخم كبالي اكيد هذا حسين ن.....ع.....م شو هذا كام يغلط على بابا وجابني تكسر ماخله شيء فجأة صارت الدنية سوده بعيني
حسين:من شفته اغمى عليه خفت لا تكون ماتت ركضت صحت على امي تشوفه
يمه يمه تعالي شويه رايدج
هايمه شبيك يمه يمكن ماتت ماكو نفس
امي: ماتت شنو شو خلي اشوفه
دخلت امي وشافته كالت مابيه شيء شبيك خايف عليه مغمى عليه بس عاشت ايدك خوش مادبه
راحت امي واني شلت جودي ونيمته على السرير واني نمت بالكاع .
جودي :كعدت الصبح على صوت عمتي وهيه دكلي يلا كومي نظفي شنو جبناج تنامين ونخدم عليج يلا يلا كومي كدامي
كعدت بس شنو مكدرت اشيل نفسي من الألم كل شيء بجسمي يوجعني
صباح الخير عمه
ام حسين :لا صباح الخير هو اللي يصبح بوجهج يشوف الخير مثل ابوج وجهه فكر يلا كومي وبدون كلام زايد حضري الريوك للولد عدهم دوام
جودي :حاظر عمه (ما اعرف اسوي الجاي يلا خلي اجرب خاف اكول ما اعرف وتخلي حسين هم يضربني مثل البارحة )
سحلت روحي سحل من الفراش كوه اتحرك من كثر الألم.

يتبع

بارت 5

جودي:كمت بدلت وخليت شال على شعري لان ولد عمامي موجودين وطلعت اسوي الريوك(المشكلة مو بالريوك المشكلة بالشاي اللي ما اعرف اسوي ماما مجانت تخليني اشتغل ف اعرف اسوي بس نسكافية)
طلعت من الغرفة وصار بوجهي ولد شاب اني استحيت ورجعت عبالي غريب عاد هو صاحلي طلعي جودي اني مو غريب ابن عمج اني حسن طلعت وسلمت عليه صباح الخير حسن شلونك
حسن:صباح النور (شفت وجهه بي أثار ضرب وانتبهت لايده هم عرفت حسين سوا اللي طلبته امي منه نقهرت عليه بداخلي بس مابينت اله )اني حسن اذا تذكريني تحبين اعرفج على الباقين
جودي: اي اريد أعرفهم
حسن :شوفي هذا .......
جودي :لحظه اني ح اكولك هذا محسن
حسن : شلون عرفتي بالله
جودي: صح تغيرت اشكالكم بس لسه اعرف اسمائكم بما انت حسن وحسين بالغرفة اكيد هذا محسن
حسن :ذكية طلعتي زين هذا منو واشرت اله على عباس
جودي :هذا ما اعرفه اني اعرف ولد عمو رعد ٣ بس
حسن :لا مو ٣ احنه اربعة هذا عباس امي جانت حامل بي من ابوج وسكتت حسيت بغصة بكلبي مكدرت اكول قتل ابوي واني دا احجي ويه بنته هسه عفته وطلعت
جودي :حسيت بحسن واني همات نقهرت من ذكرت بس شسوي هذا الأمر مو بايدي صار وانتهى
رحت اصبح على عمتي لان من كعدتني جانت ضايجة كلت يمكن اني متاخره بالنوم بس شفت الساعة ب ٧
صباح الخير عمه
ام حسين :وعمه يعميج انتي وابوج وهاي بعدج ماسويتي الريوك يلا يلا كدامي الناس تتأخر على دوامه من وراج
جودي :حاظر عمه هسه ح اسوي (اي دوام هذا واحنه بالعطلة يلا اروح اشوف شنو اسوي لا تكول لحسين وتخلي يرجع يضربني)
سويت الريوك وخليته ألهم ما اعرف شلون ضبط الجاي هل مرة هههههه يمكن ميريدني انضرب
كملت الريوك طبعا بالمطبخ خلتني اتريك وكعد حسين وسويلته ريوكه وطلع وكالتلي انظف هستوني بديت وصعدو نسوان اللي البارحة شفتهم اعرف بس عمتي ام علي زوجه عمو احمد عرفته من اجتي خطبتني لعلي من جنت صف رابع علمي سلمت عليه وباوستني كالت وسفه عليج ام حسين عروس وتخليه تنضف الناس ح يجونج يباركون عيب
ام حسين :لا عيب ولا شيء وشبيه يعني اذا نظفت بيت عمه و منو اللي يبارك ليش هو هذا هم زواج لا عيني يباركون لحسين من يزوج وحده تليق بي مو يباركوله على فصليه
جودي:كلش قهرتني كلمت فصليه وحسين شنو يزوج (ياربي اريدك توكف )
هسه نشوف حسين وين طلع
حسين :من كعدت الصبح وشفت جودي شلون مبين أثار الضرب نقهرت ام لا اطلع يم اصدقائي لان اذا ابقه بالبيت أمي ح تخليني اضربه واني متهون عليه بس شسوي تبقى بت كتال ابوي كعدت يمهم وسوالف وضحك نسيت ألهم اللي منتظرني بالبيت مرجعت اله المغرب طبعا اتصلت على الوالدة وكلت اله الغده برا ويه اصدقائي رجعت المغرب وتلكتني امي فدوه اروحله ربي يحفظه الي من كل شر
ام حسين :هله يمه شلونك تعشيت لو اخلي الفصلية تسويلك عشه
حسين :لايمه ما أشتهي قبل شويه اكلت بس يمه الفصلية اله اسم
ام حسين :بس تضل فصليه وازوجك احلى منه بس اصبرلي
حسين :يمه صلي على النبي ياتزوجيني دخل ازوج الأولى وبعدين افكر بالثانية

حسين :(ضجت بالبداية لان مكالتلي بس بعدين كلت حقة هم تطمن على امه)
اي عادي بس لتخلين امي تشوفه لان متقبل
جودي :اي تدلل من عيوني
فرشت بالكاع حتى انام لان هو نايم على السرير
حسين :(اني من الاصل احب جودي من طفولته بس اللي صار بعدنه وهسه هيه كدامي وحلالي وما اكدر اسوي شيء اني رايده واتمناه كل يوم وكل ساعة بس ما اريد اضلمه لان ما اعرف مشاعرها تجاهي شنو ومرة كالتلي اكرهك من جنت اضربه شفته فرشت بالكاع تريد تنام كلت خلي اجس نبضه)
هاي وين ح تنامين بالكاع
جودي :اي و شنو الجديد اني دائما هنا انام
حسين :لا تغير الوضع تعالي نامي على السرير
جودي :انام على السرير وانت وين تنام
حسين :يمج اكيد مو مرتي
جودي :شنو 😨

بارت 9

حسين :اي شبيج نصدمتي
جودي : ه .....ا ل..ا.ا. اني ح.اعزل المطبخ
حسين :(شو هاي كلت اله نامي على السرير بصفي خترعت وكامت تعتعت بالحجي اني كلت خلي ابادر ) كمت تقدمت اله اني اتقدم وهيه ترجع لحد ما نحصرت على الكنتور رادت تنهزم خليت حاصرته بايدي كامت تتنفس بسرعة
جودي:حسين بعد شسوي ميصير هيج وخر عني خلي اطلع
حسين : باوعت شفايفه مثل العسل ردت ابوسه بس هيه دفعتني و وخرت وراسا طلعت ركض
(هههههه عبالج اعوفج انتي الي ومحتصيرين لغيري بس اصبري عليه اله املك كلبج )
من الظهر ولسه مشفت جودي شكله مستحيه وخايفه ههههه شكد عفويه وبريئه .....
صحت عليه..
جودي .... جودي هاي وينج
اجتي بس مدنكه ومرفعت عينه بعيني
جودي :نعم حسين
حسين :شوفي حسن اليوم ينام يم خالتي زوجه مموجود وتخاف لوحده واني عندي شغل اتاخر بي واحتمال ما اجي اصلا ح ادز على دعاء تكعد وياج اوك
جودي: شنو يعني اوك بس مو تنام برى اخاف لوحدي والمنطقة ممتعوده عليه
حسين😂😂😂 طلعتي جبانه
بكيفج تريدين ابقى بس تنامين يمي 😉
جودي:😳😳 ها لا روح براحتك مدام دعاء يمي ما اخاف
حسين😂😂😂😂😂😂😂 طبعا خجله جنني
ها نسيت اكلكم اني اشتغل تأسيس كهرباء وعندي شركه لازم اليوم اكمله باجر يخلص العقد واني ممكمله تأخرت بسبب موضوع الفصل مثل متعرفون

صعدت للغرفة شفته ظلمه وبارده فتحت ضوه خفيف حتى لتكعد جودي وياريتني مافاتج الضوه
شفت ملاك نايم مو جودي وفوكاها لابسه برموده والرجلين شنو من بياض وكيمونه وعدكم الحساب
بدلت على السريع واجيت تمددت يمه على السرير
هيه نومه ثكيل يعني مطمن منه م حتكعد
هيه دا تكلب وصارت بحضني ااااخ شلون شعر بقيت
صافن بيه وكوه مصبر على نفسي اريده ومتنميه
بس اريده برضا منه مو غصب عنه
من كثر التفكير غفيت وهيه بحضني

دعاء : كملت مكالمه ب ٣ صعدت انام يم جودي لكيت حسين يمه 😳استحيت من شفته حاضنه
اني توقعته ح ينام بغرفة حسن لو غرفة عمتي
بس شكله الولد ميكدر يصير 😉😂😂

عذروني اليوم البارت قصير
ان شاء الله اعوضكم بغيره😘😘😍
حبايبي اذا عجبتكم شاركوني ارائكم
و شنو توقعاتكم للاجزاء الجايه
يا ترى جودي ح تحب حسين لو لا

يتبع

بارت 10

ثاني يوم الصبح
جودي : كعدت الصبح لكيت نفسي بحضن حسين عزززه😨😨 شنو هاي هو مو كال ح ينام برا
عززه واني شمنومني بحضنه شكد عيب ولبسي
جان فضيحه كلش استحيت
تحركت دا اريد اكوم اغير ملابسي وهو حس بيه وكعد
حسين وهو مبتسم: هاي وين ياحلو بعد وقت😉
جودي 😳😳 ........
حسين: هههه هاي شبيج متحجين شنو لسانج كلته البزونه 😂😂😂
جودي اني ميته خجل وهو يضحك ولا هامه ويحشش بعد: لا مو بعد وقت صار الصبح
وعفته وطلعت بسرررعة
حسين:فديت الخجلان ياربي شلون تصير طماطيه من تخجل
كام حسين غير ملابسه وطلع لكه جودي دا تحظر بالريوك ومكعده دعاء
صباح الخير يابنات
دعاء :صباح النور تعال تريك
حسين :اي جاي بس اغسل وجهي
.........
..............

اجتمعتو الثلاثة على السفرة
دعاء :حسين بس سؤال
حسين:ج جواب
دعاء: شكلت لروحك البارحة من عفتني انام بغرفة عمتي لوحدي بالله مكلت هذا كائن جبان يخاف
مكان ممتعود عليه لو هذا مفكرت بي😉
حسين :عيني انتي كائن عندج عمار اذا خفتي اتصلي بي وهذا بيت عمج ترى ميخوف 😂😂😂😂
واكو كائن غيرج يخاف مسؤؤؤل منه اني لازم احميه
😂😂مع صح جودي😉😉
جودي : خجلت منهم ومجاوبت كلت الحمد لله وكمت من السفرة
دعاء :حرام عليك شويه شويه ويه البنية ح تموت من الخجل
حسين : اني وراها وراها لما اجيبه للطريق 😂😂😂😂😂
وانتي الثانية يلا يلا كومي ادزج لاهلج من الصبح يتصلون جيبه جيبه
شكلهم امج مخليتهم بدون ريوك😂😂😂😂
دعاء :حسين لا تحجي على امي ما اقبل ترى
واكون اشوف جودي احسن الي
يلا جااااااو
..........
دعاء :جودي اني ح اروح رايده شيء قبل لا اروح
جودي :سلامتج عمري بس ليش متبقين للعصر

#فصلية_ابن_عمي

بارت 6+7+8+9+10

جودي :مر على زواجي من حسين اسبوع وخلصته هذا الاسبوع مابين تنظيف ويه عمتي وبين ضرب حسين اللي جان بدون سبب يجي بس يضرب كمت اتمنه ميجي للبيت جسمي انتهى من كثر الضرب خلال هاي المدة عمتي علمتني الطبخ بس لاحظت عباس ومحسن يحجون وياي بس لما عمتي مموجودة اذا هيه موجودة ابد ميحاجوني واذا حاجوني من ورا خشمهم
بقيت اتصل على ماما بدون ميعرفون ومن اكمل اخلي سايلنت لو اطفي ومن اريد اخلي على الشحن اقفل الباب واكلهم جنت ابدل .
ام حسين :جودي جودي حتى اسمج مكلوب وينج ولج
جودي: نعم نعم عمه اجيت اجيت
ام حسين :وعمه بعينج تعالي يلا عزلي المسواك وسوي الغده بسرعه زين انتي كملتي تنظيف لو بعدج
جودي:اي عمه كملت تنظيف بقت بس الملابس خليتهم بلغسالة (شو هاي عافتني وراحت حتى الله يساعدج مكالت اوووف 😢😢وين جنت وين صرت بس يلا اهون اهم شيء خواني سالمين)
كملت تعزيل وسويت الغده واجوي الولد صبيتلهم غده بس حسين جان عنده شغل وما اجه وياهم
(كلت لنفسي خلي اجرب اتقرب من حسين بلكي بعد ميضربني وهو جان حباب بصغره بس بعده لسه بقيت متغديت كلت انتظره )
خلصت ساعة واني متت جوع ردت استسلم واكوم اكل بس هو اجه(اي الحمد لله بلكي يتغده بالغرفة حتى احجي وياه)
حسين :السلام عليكم وباس ايد امه
جودي :وعليكم السلام غسل وغير ملابسك بين ما اصبلك الغده
حميت الغده وسويت مقبلات ورتبت السفرة واخذته للغرفة
حسين : دخلت الغرفة وشفت السفرة مرتبة وشكله يشهي عرفت هاي حركاته لان من هيه صغيره تحب هاي السوالف جودي جودي
جودي :نعم حسين
حسين :هاي ليش بالغرفة مخليه الغده ليش مو على الميز هنا خاف اخواني مياخذون راحتهم
جودي:لا الكل تغدو بقيت بس انت واني
حسين :وانتي ليش متغديتي
جودي:جنت منتظرتك
(تغدينه وطول الغده حسين منزل عينه حتى معرفت اكل )
حسين(هيه تاكل واني عيوني اكلته اكل يالله فدوه شلون نزاكه وترتيب شلون جسم عليه ابيض عبالك كطن حسيته خجلت كملت حتى اخليه تاكل)
جودي :وين رايح بس لا تنام
حسين :ح اروح اغسل وبعده انام ليش رايده شيء
جودي :اي ردت احجي وياك مدام اليوم هاديء يعني ماكو ضرب
حسين :اي سوي الجاي بين ما اغسل وكولي اللي تريدي(من كالت ماكو ضرب انتبهت شكد جنت قاسي وياها اني )
كملت الجاي وصبيتله
حسين :ليش مجايبه لنفسج كوب
جودي :اني ما احب الجاي
حسين :لعد شتحجبين
جودي:احب النسكافيه
حسين :اي هما الشطار يحبون النسكافيه
جودي: ههههه وشعرفك اني شاطره يمكن كسوله
حسين:لا عيني شاطره وحيل شاطره اللي تطلع كل سنه الأولى على المدرسة هاي كسوله
جودي:وانت شعرفك بيه اطلع الأولى
حسين :اعرف كل اخبارج ترى
جودي:تعرف اخباري!!!!
حسين :يلا غيري الموضوع
وكوليلي شنو الموضوع اللي تحجين بي وياي
جودي :ممممم اكو امان لو اشلع 😊😊
حسين :ههههه عليج الإمان بس احجي
جودي :اوك بس اسمعني للاخير فدوه
حسين عمو رعد جان روحي من الدنية مجان يقبل حتى بابا يزعلني ودائما وياي احبه موت (احجي بعبرة ) حسين جنت ما تقبل احد يزعلني جنت اقرب واحد الي جنت اعز صديق عندي حسين اهه اهه حسين ليش ليش صرت انت اللي تظلمني ليش صرت انت الشخص اللي اخاف منه حسين ترى والله ما الي ذنب(ماحسين على نفسي اله واني ابجي على صدره)حسين والله احبه لعمو والله ماقتله
حسين : اش اش لتبجين يا روحي ارتاحي ارتاحي (جانت تحجي وكوه تطلع الكلمه من العبرة فجاءة نرمت بحضني ودكول ما الي ذنب ماقتلته والله ماقتلته ( نعصر كلبي اااااخ ياجودي لو تدرين شكد احبج لج انتي حب طفولتي بس شسوي المسافة بينه حيل جبيرة وكله مشاكل ودم بينه) خليته ترتاح الصراحة بيني وبينكم صح جنت ضايج لان تبجي بس فرحان لان بحضني 😂😂😂) .

يتبع

بارت 7

جودي :نتبهت لنفسي بحضن حسين استحيت حيل😳😳 وجهي صار طماطيه ف ابتعدت راسا منه
ا..ا...سفه م...جنت اقصد
حسين :ههههه شبيج كمتي تئتين وبعدين عادي اني زوجج 😉لو نسيتي 😂😂
جودي:ها يلا عن اذنك(بارتباك)
حسين:تعالي وين رايحه
جودي:ح اغسل المواعين قبل لتكعد عمتي
حسين:اوك كعديني ب ٥ مو تنسين
جودي :تدلل
كملت المواعين وعزلت المطبخ
تمددت لحد مصارت ب ٥ كعدت حسين وطلع وعمتي طلعت تشوف الفيزه مالته(نسيت اكلكم عمتي ح تسافر لإيران يالله ح ارتاح شويه من تعليقاته ترى اني ما اكره بس اضوج من سوالفه)
للعصر حيل اجتي يمي دعاء تابعنه التلفزيون وسولفنه شويه وبعده هيه راحت لبيتهم واني كملت قران شويه وبعده كملت اجهز العشا سويت لحم بعجين وبيتزا ومقبلات
ورا المغرب اجت عمتي والولد وكالت النه ح تسافر هيه وعباس ومحسن باجر لإيران يبقون ١٠ ايام
سلمنه عليه وحسين وحسن بقوا يم امهم يبوسون بيه (شكلهم جان مؤثر )

اني جهزت السفرة وتعشوا واليوم عمتي صاحتني اتعشه وياهم مو بالمطبخ كعدت بصف حسن لمتهم حلوة وحبهم لامهم شيء كلش حلو
حسن:جودي مسمعتي شوكت يعلنون النتائج من وراها حتى مسافرت
جودي :ما اعرف سمعت بعد اسبوع ياربي شكد خايفه
حسن :اذا جودي خايفه لعد اني شكول
جودي :ههههه لا يمعود الولد اذكى من البنات وانت ان شاء الله تجيب المعدل اللي تريديه
حسن :إن شاء الله وانتي تجيبين معدل مجموعه طبيه مثل متريدين
جودي :ليش منو كلك اني اريد مجموعة طبيه
حسن :ههههههه اكو احد ميعرف ب ست جودي تريد الصحة من و انتي صغيره واذا ميذكروه بصغرج رجلج الكريم يذكرهم 😂😂😂😂😂😂 ماشاء الله وين ميكعد ويسالو عنج يكلهم لتخافون عليه مرتي شاطرة و....
حسين: حسن 😡(بعصبية خفيفة) يلا كافي تعشه وغير موضوع النتائج
حسن :إن شاء الله وسكتت (حسيت حسين ضاج ما اعرف يمكن جرحته لان هو مكمل علمي)
جودي :حسين ما اعرف شبي ضاج وسكتت حسن وبقى يخزر بيه
حسين:وانتي (قصده جودي ) يلا ما كملتي كومي سووي جاي
جودي :حاضر كمت اسوي الجاي واجه حسين يمي بالمطبخ
حسين :اكيد بعدج جوعانه وما اكلتي طبعا خلصتيه ضحك وسوالف
جودي🤤🤤 حجه هيج وراح (هذا شبي بالله بس لا ضاج لان سولفت ويه حسن هههههه هذا بس لا يغار اووو يغار شنو وهو اصلا يكرهني)
كملت الجاي وديته ألهم ردت يمهم اتابع تلفزيون بالصالة بس شفت حسين خزرني وصعدت لغرفتي
قفلت الباب واتصلت بماما وطمنته وهيه حجتلي عن اخواني وبابا اللي لسه ضايج عليه كلت اله لتخاف وحسين يحبني ومدللني(طبعا جذب يادلال بس ضرب 😂😂) مطولت وياها خفت ليصعد حسين ويسمعني .
اسفة والله ما اطول لان انزل الجزء بس تعرفون رمضان والنت ضعيف وما عندي وقت بس الفجر اكتب بي ان شاء الله يومية ح انزللكم جزئين ذا عجبتكم علقولي حتى استمر

يتبع

بارت 8

ثاني يوم الصبح عمتي طلعت وصله حسين واني سويتلهم فطائر ياكلوها بالطريق لعباس ومحسن .
كملت تنظيف وسويت الغده وخليت الملابس بلغسالة
بين متكمل الغده اجه حسن وبعده بشويه اجه حسين كملنه نفس الروتين غده وجاي وغسل المواعين بس حسين ما ادري شبي بس يباوع عليه حتى خجلت من نفسي لان حسن انتبه اله
نام حسين شويه واني بقيت على التلفزيون .
صار العصر واجه حسن يركض جودي جودي وينج
جودي :نعم نعم حسن رايد شيء
حسن :لج جودي طلعت النتائج انتي يامدرسة يلا حتى اطلع نتيجتج وياي
جودي :صودك والله طلعت يمه والله خايفه شلون
حسن :يولي انطيني اسم مدرستج وهسه اطلع الج
حسين :شنو انت تطلع اله النتيجة اني اطلعه روح جيب نتيجتج بس (جنت نايم وسمعت حسن يصيح جودي كعدت شفته يحاجيه على النتيجه اني ما اعرف ليش كتله اني اطلع نتيجته لتطلعه انت حسيتهم استغربو يمكن غرت من حسن لان شفته تضحك وياه وتسولف واني ماكو لا سالفه لا ضحكه ميبسته عليه)
جودي :اي هذا اسم مدرستي اعدادية ........
طلع حسين يجيب النتيجة واني كلبي نار صاير يارب يارب ان شاء الله اطلع معدل وميروح تعبي
شويه وسمعت صوت حسين يصيح عليه نزلت بلا بسرعه حتى مفكرت بان حسين ميخليني اكمل وكذا
جودي :بلهفة ها حسين بشر
حسين ضايج ومدنك ماتوقتعه منج انتي
جودي :والدمعة بعينه شنو حسين حباب كولي معدل ناصي مو 😭😭😭
حسين :لج شبيج تبجين معدلج ٩٥ ونص وتبجين
جودي :مسحت دموعي بسرعه حسين امانه احجي الصدك
حسين :والله هاج شوفي الدرجات
جودي :شفت الورقة صدك ٩٥ ونص بدون شعور حضنت حسين من الفرحة شكرا شكرا حسوني ياربي تفرح مثل مفرحتني
حسين :عمي لو ادري النتيجه بيه حضن جان من زمان مطلعه الج هههه
جودي :ابتعدت عنه واني خجلانه من اللي سويته اسفه حسين والله مو قصدي اللي صار
حسين : هههه شوف هاي تعتذر
اخذت الورقة واني فرحانه بدرجاتي لهناك ذكرت حسن
حسين حسين وحسن شطلع معدل
حسين :حسن معدله ٨٩ يدخل هندسه هو يريدها اصلا
فرحت حيل انتظرت حسين لما طلع اتصلت بماما ولكيته مطلعه النتيجه وفرحت وكامت تهلهل
باليل عادي تعشينه وحسن جاب كيكه بمناسبه نجاحه ونجاحي واتصلوا بعمتي وفرحت لحسن
..................................
مر ٤ ايام على سفر عمتي حسين كلش تغير وياي صار حباب وابد مضربني من سافرت عمتي ولسه حتى نظراته تغيرت الي حسيته بدا يحبني
قررت من يجي اكوله على الموبايل خاف يشوفه ويرجع ياذيني
اجه حسين الظهر بعد الغده والجاي
جودي :اكول حسين هاديء لو معصب اليوم
حسين:هههههه لازم عندج شيء كولي اسمعج
جودي:حسين ح اكولك شيء بس امانه لتعصب
حسين:لازم شغلة قويه كولي شمسويه ما اعصب عليج
جودي : حسين اني عندي موبايل ضامته اتصل على امي بي
حسين :شنو ومن شوكت عندج
جودي :من أول ما اجيت

ام حسين :شنو يعني انت البارحة ما دخلت عليه
حسين :لا يمه بس ادبته
ام حسين:ادبته شنو لو شايف لسانه شطوله واحاجيه كلمه ترجعه عشرة
حسين :جودي علت صوته عليج والله لاربيه واعلمه الادب .
جودي :عمتي طبخت الغده لان اني ما اعرف وكالت حسين ميجي معزوم واني بقيت اشتغل وانظف كملت شغلي ودخلت لغرفتي تذكرت موبايلي مخليته بنص الملابس فتحته واتصلت على ماما مكلت اله شيء ولا عمتي تهيني ولا حسين ضربني من سالتني كلت اله كلش زينين وياي حسيته ارتاحت بسرعه سديته لان خفت من عمتي لا تسمعني وتسويلي مشكلة صار المغرب صليت وبقيت ادعي شويه وما احس اله الباب نفتح قوي التفتت دا اشوف منو لكيته حسين بس الشرار يطلع من عيونه وبدأ يغلط عليه ويسب باابوي
حسين :من كالتلي امي جودي متطاولة عليه نجنيت امي اغلى شيء عندي بالكون اللي يرشه بماي ارشه بنار وهسه تجي هاي تخلي امي تنزل دمعته دفرت الباب لكيته دا تشيل بالسجادة ركضت عليه لزمته من شعره وبقيت اغلط عليه وهيه تدفع بيه وتكول والله ممسويه شيء لا تضربني بقيت اضرب بيه لحد ما تعبت دفرته برجلي وطلعت
جودي :أحه حسين وضربني وهلمره اقوى من البارحة وبالحزام واني حتى ما عرفت شنو اللي مسويته كسرتني تكسر وماعافني اله لما تعب بقيت ابجي واني بمكاني.

يتبع

متونسه بيج لج لوحدي روحي ح تطلع
دعاء :ياعمري لو بايدي ابقى وياج شكد متريدين
بس شسوي بابا من الصبح اتصل على حسين وكله جيب دعاء
تعرفين بعد امي مريضه ومتكدر تسوي شيء
بس ان شاء الله امرلج كل شويه اشو احنه شمرت عصا كولي لحسين وتعالوا
جودي :لا وين اجي ابن عمج ميقبل وهم استحي من اهلج ممتعوده عليهم
دعاء :ههههههههه عابتلج اي والله اكو احد يستحي من بيت عمه صدك غبية
حسين:يلا ست دعاء تاخرنه وهسه ابوج يروح للشغل
بدون اكل المسكين😂😂😂😂😂
دعاء :حسييييييين كم مرة كتلك لتحجي امي😡😡
حسين:يلا عمي منحجي بس خلصيني وراي شغل
دعاء بهمس:شغل لو تريد ترجع لجوجو
حسين:امشي لج يلا دقائق اذا منزلتي اخليج تروحين لوحدج

دعاء :عززه هذا زوجج مجنون يسويه ويخليني ارجع لوحدي يلا مع السلامة جوجو
جودي:بوست دعاء وكلت الله وياج عمري

حسين :وصلت دعاء بسرعة ورجعت للبيت حتى مدخلت سلمت على بيت عمي جنت منتظر جودي تكون لوحده
جودي :شويه وسمعت الباب نفتح خليت الشال على راسي عبالي حسن بس طلع 🤤حسين
(هذا شو بسرعه اجه معقولة بيت عمو قريب هيج)
ليش رجعت مو عندك شغل
حسين:واني اتقدم اتجاهه اي شغلي هنا بلبيت
جودي :رجعت للوراء ب..ل..بيت
استمر حسين يتقدم وجودي ترجع لحد منحصرت بزاوية بعد متكدر تفلت منه
حسين:بقيت اتقدم وهيه ترجع لحد محصرته بزاوية
اريد ابوسه بس هيه بقت تبعد راسه من جهه لجهه
اخر شيء لزمت راسه وثبته بايدي و😘💋💋💋

جودي :من حصرني عرفته ح يبوسني بقيت ابعد بس راسي اكدر احركه بعدت من جهه لجهه آخر شيء لزم راسي وهو اقوه مني وباسني
بقيت ادفع بي ادفع بي ماكو
بس نزلت دمعه لا اراديه مني
حسين :من بسته بقت تدفع بس ما اهتميت اله اني ممصدك بس حسيت شيء وكع على خدي شفته تبجي بسكته بعدت عنه

شبيج ليش تبجين
جودي :من بعد عمي ردت اروح بس هو لزم ايدي وسحبني عليه
حسين:تعالي وين رايحه انتي شبيج فهميني
جودي:حسين الله يخليك خليني اروح حباب
حسين:شنو تروحين وليش هلشكل تبجين
جودي ترى انتي مرتي واذا اني لسه ممتقرب منج
ف مو معناها ما اريدج بس اني خليتج حتى تتعودين عليه
بس شكلج انتي مرايدتني
جودي :😭😭 حسين الله يخليك عوفني
وركضت لغرفتي
حسين :(هاي شبيه اشو بس بسته كامت تعيط معناها اكيد متريدني هاي اذا ما هيه تحب واحد واني خذته منه
شبيك حسين شكلك نسيت نفسك انت خذته فصليه وهيه مجانت موافقة لو ما علمود اخوانها شنو تتوقعه تحبك ).

مر الوقت عادي نفس الروتين تعزيل وطبخ
وكملت أتجنب اكون ويه حسين لوحدنه

تسريع الأحداث لان ماكو شيء جديد
جودي :حسين حسين يلا اكعد
حسين : لج جودي شبيج من الصبح اريد انام
جودي :خ تتأخر على عمتي
حسين: اي اي نسيت اليوم نبع الحنان تجي
رحمه اني وحسن تجيب الوالدة وبقت جودي تعزل البيت وترتب الاستقبال .
اااخ واخيرا شفته لنبع الحنان شكد مشتاقله
بوست ايده وراسه هله هله هيه نورت المدينه
من اجيتي
ام حسين: هله بيك يمه شلونك اخوك شلونه وينه شو ما أجه وياك
حسين :لا اجه بس دزيته يجيب كمل شغلة
باجر ان شاء الله نسوي عزيمه على رجعتكم بالسلامة
ام حسين:يمه لتكلفون على نفسكم
حسين :شنو نكلف هاي ام حسين مو حي الله
ام حسين: ههههه الله يخليكم الي
محسن وعباس:شنو واحنه ممشتاقلنه
حسين:هههههههه اموووح مشتاقلكم كومايات يلا صعدو
لحظه هاي وين لورا لورا الصدر للوالدة
محسن :معليه اريد اكعد بالصدر
حسين :تكعد بالورا لو اخليك ترجع مشي
محسن يلا امرنه لله نكعد بالورا

وصلو للبيت
جودي:سمعت صوت سيارة عرفتهم اجو طلعت اسلم عليه
هلو عمه شلونج زيارة مقبولة ان شاء الله
وبوسته
ام حسين(من ورا خشمه): تقبل الله منا ومنكم صالح الأعمال يلا جيبي الاغراض من السيارة لتخلين حسين يشيلهم لوحده وحظريلي الحمام بسرعة
جودي:حاظر عمه (هلو هلو من اول مدخلت تامر الله يستر من تاليه)
مر اليوم حسين وحسن جابوا اللوازم لان باجر مسوين عزيمه وعازمين كل العائلة عدا أهلي طبعا


يتبع

#فصلية_ابن_عمي

بارت 11 إلى الاخير

ثاني يوم الصبح
البيت مخبوص وهوسه هواي ناس طلعت من الغرفة لابسه تراك ضيق صار بوجهي حسين
حسين :ها ها وين طالعة هيج روحي غيري لبسج البيت مليان ولد
جودي : يي ان شاء الله
طبعا جابوا طباخ لان اني ما اعرف اطبخ مقدار كبير هو صغير ويادوبك اعرف

لبست فستان مخصر على جسمي مال محجبات
لون شوندري واني بيضه طلعت فد شيء ومكيجت خفيف

نزلت سلمت على اللي اعرفهم واللي ما أعرفهم عرفتي عليهم دعاء شفت الموجودين كلهم ولد عمامي بس النسوان اكو بيهم خالات حسين
كعدنه سوالف وضحك وطبعا عمتي مخلتني كل شويه طالبه شيء مني مخلتني اتهنه حتى المي يمه وتصيحلي اصبله
كملنه صبينه الغده رتبنه السفرة كلنه سوا
لان ماكو غريب
اني كعدت بصف دعاء
وحسين كل شويه يخزر بيه ما اعرف شبي
انتبهت شعري مطالع ولبسي زين هذا شبي بالله
اووو خلي يطير اني خليني متونسه ويه البنات
كملنه الغده ولميت السفرة اني وبنات عمي
دخلنه المطبخ وسوالف ويه البنات لحد ماخلصت المواعين رجعو البنات بقيت لوحدي بالمطبخ اعزل الاغراض
سمعت صوت يصيحلي التفتت شفت 🤤 علي
هلاووو علي شلونك اخبارك
علي :شفت جودي راسا رحت اله اريد اشوف اخبارها
الحمد لله انتي شلونج اخبارج حسين شلونه وياج خو مماذيج كولي
جودي: حسين وردة مال الله
علي :اي صدوك الف الف مبروووك على النجاح
شنو رايده تقدمين
جودي :ما اعرف لسه منتظرة حسين اذا يقبل اداوم لو لا
علي :لا يقبل مو بكيفه
جودي:ابتسامه خفيفة الله يسمع منك
ومحسيت اله واحد ساحبني التفتت شفته حسين

حسين :جنت يم الولد ودا نضحك ونسولف شفت علي ابن عمو احمد كام من يمنه رحت ورا اشوفه
وفعلا مثل متوقعت شفته يحجي ويه جودي بالمطبخ وعيونه راح تأكله اكل
ويضحك وياها وهيه هم شفته تحجي وياه عادي وابتسمت بس هيه منزلة راسه من تحاجي
واني اعرف علي رايد جودي من زمان وخطبه بس رفضت لان جانت تدرس
من شفتهم هيج ما اعرف شصارلي اشتعلت غيره رحت سحبت جودي من ايده بقوة بس مابينت لعلي
حسين :ها علي شسوي بالمطبخ واني ضاغط على ايد جودي حيل
علي :ها ردت اغسل وشفت جودي وسلمت عليه
حسين :اوك عن اذنك ابو حسين عندي كلمه ويه مرتي (تقصدت اكوله هيج حتى اخلي يبعد عنه
جودي الي ومتصير لغيري)
سحبت جودي للغرفة دفعته قوي
جودي:حسين شبيك ليش هيج ترى وجعتني
حسين:لج شسوين واكفه ويه علي ها و شنو هذا لبسج الضيق
جودي :حسين شبيك ترى عادي الولد اجه سلم وباركلي على النجاح
حسين :يعني مكلج شيء ثاني
جودي:شيء ثاني مثل شنو
حسين: ها لا ماكو شيء انتي ابقي هنا لتطلعين
جودي:ليش ما اطلع حسين خليني متونسه ويه البنات
حسين :جودي اكدر اسالج سؤال وتجاوبين بكل صراحة
جودي :تفضل أسأل
حسين:انتي ليش رفضتي علي من تقدملج صح علمود الدراسة لو شيء ثاني
جودي:(ههههه هسه فهمت طلع الاخ هنا يغار ردت احرك كلبه بس خفت منه لا يعصب ومنا ناس)
جودي:اي الدراسة وبس
حسين:😡😡يعني اذا تقدملج ورا ممخلصته قبلتي بي
جودي :طبعا لا علي مثل اخويه حاله حال مرتضى ومصطفى اقبل بي شلون
حسين:بارتياح يعني تعتبرينه اخوج والدراسة جانت عذر
جودي : هههه اي بالضبط
حسين :يلا خلي ننزل نسلم على عمامي قبل ليرحون
جودي:ههههه قبل شويه كلتي لتطلعين
حسين:يلا وسحبته بخفة وطلعنه تعمدت اشبك ايدي بايده كدامهم
كلهم هيج يباوعلنه 🤤🤤 مصدومين خطيه😂😂😂😂
امي نطتهم الهدايا طبعا عرفت امي مجايبه شيء لجودي لهذا اشتريت اله سلسله ذهب وبيه حرفه وحرفي وكلت اله هاي من امي
وفهمت امي متكوله شيء
هيه فرحت لان عباله امي ذاكرته متعرف اني الجايه

باليل رحت لغرفة امي احجي وياه علمود جودي:
امي عرفت اني احب جودي بالبداية ضاجت مني وزعلت وعاطت شلون تحب بنت كتال ابوك وشلون تنسه ابوك ومن هذا الحجي
حسين:يمه جودي ما اله ذنب وبعدين ترى اني احبه من جانت صغيرة يعني قبل لتصير المشاكل
ام حسين:يمه هيه فصليه سنه ونشمرها على اهله
حسين:نشمرها شنو يمه اني اريد اعقد عليه محكمه
يمه اني احبه بس منتظر اتاكد من مشاعرها تجاهي
ام حسين:لك انت تخبلت هاي ابوها كتل ابوك شلون تحبه
حسين:يمه انتي مو يهمج سعادتي واني سعادتي ويه جودي اذا تحبيني قبلي
ام حسين :اقبل شنو ولك هيه هيه غير مرتك
حسين:لا يمه قبلي تكون مرتي رسمي واسويله عرررس
ام حسين :اذا انت مقرر شكو تكلي رايي لا يقدم ولا ياخر
حسين :لا يمه ما اسوي اي شيء بدون رضاج
حتى جودي لسه مكلت اله شيء
ام حسين :الله كريم يمه خليني ارتاح هسه
ويلا كووم اريد انام
حسين :تصبحين على خير يا أحله ام بالدنيه بوست راسه وطلعت


ما بقى شيء لنهاية القصة اذا عجبتكم
كوليلي مو بس مشاهده وماكو تصويت ولا تعليق
فديتكم😘


بارت 12

حسين :بعد ما حصلت موافقة الوالدة صح هيه مكالت قابلة بس تفكر يعني اكو امل
هسه ما بقى كدامي غير جودي اخليه تحبني بس
شلون يحتاجله شويه اهتمام ولازم ابين اله حبي
.........
تسريع للاحداث
(حسين تغير ويه جودي ١٨٠ درجة بدا يهتم بيه
وتحسن تعامله وياها )

حسين:اكول جودي انتي ما مليتي لوحدج بلبيت
امي أغلب الوقت لو بيت عمي لو يم خالتي ودعاء مو دائما تجيج
جودي:الصودك طكت روحي مو مليت بس شسوي
يعني وين اروح مثلا
حسين:من جنتي عد اهلج هم يطلعوج اذا ضجتي
جودي:اي دائما لما اضوج ماما تطلعني لو لبيت خالتي لو للسوك لو متنزه لو اي مكان المهم متبقيني بلبيت
حسين:زين واللي يطلعلج هسه شدكولين
جودي:تحجي صودك يعني ح اطلع 😀😀
بس شلون عمتي خطيه لوحده
حسين:عمتج يمه الكل يلا كومي بدلي اوديج لمكان حلو
جودي :بدلت بسرعة ممصدكه واخيرا ح اطلع صار اكثر من شهر محبوسه بلبيت وفوك هذا اشتاقيت لاهلي بس ما اكدر اكول
......... ..............
وصلنه لمطعم حلو وهادئ
كعدنه وجانو مشغلين موسيقى رومانسيه
حسين: ها جودي ان شاء الله عجبج المكان
جودي:هو المكان حلو وهادئ بس ممكن اعرف مناسبة العزومه الحلوة
حسين:لا مناسبة ولا شيء زوجتي وحاب اطلع وياها
جودي: هههههههه صودك ضحكتني زوجتك منو
حسين: وجع منو يعني اكو احد غيرج مثلا
جودي: بس ترى اني فصليه
حسين: لا انتي مو فصلية انتي بت عمي وزوجتي
جودي:حسين انت وين تريد توصل بكلامك
حسين: جودي اذا تقدمتلج توافقين
جودي😂😂 حسين انت بيك شيء اليوم خاف مصخن تخطبني شنو هستوك تكول زوجتك
حسين:لج جودي لتصرين غبية
جودي:لا والله مدا اتغابه عليك بس صودك مو فاهمه شيء من اللي تحجي
حسين:جودي اريد اعقد عليج محكمه موافقة تكونين وياي العمر كله
جودي : حسين وعمتي
حسين: اني مدا اسالج عن رأي عمتج دا اسالج عن رايج انتي جودي اني احبج ....احبج
جودي: حسين خايفه
حسين:خايفه من شنو
جودي:خايفه يجي يوم وتكسر كلبي
حسين: اكسر شنو😀
جودي يعني انتي تحبيني مثل ما اني احبج
جودي:😳😳 ها حسين يلا خلي نرجع
حسين :هههههه نرجع شنو اليوم اذا متحجين كلشي ما اعوفج 😁😁😁
جودي:يعني شتريد تعرف
حسين :اريد اعرف مشاعرج تجاهي شنو 😉 تحبيني تكرهيني
جودي : ما اكرهك بالعكس بخجل 😳😳 احبك
حسين:راد يركص من الفرحة هله هله تحبني
جودي:يمعود اسكت فضحتنه 😊😊
بس حسين اكو شغلة
حسين :شنو هيه موافق على كل شروطج
جودي :ماكو شروط ولا شيء بس انت تكدر تخلي ايدك بأيد بابا وتكعدون سوا وتنحل هاي المشكلة
حسين ترى والله بابا مجان قصده اللي صار ساعة غضب وانت تعرف سبب وفاة عمو مو ضربت بابا (عمو صارت عنده سكته قلبية من الصدمه لما بابا ضربه بالسكين )
حسين :لاجلج كلشي اسوي والحي ابقى من الميت وهو ما قصر ويانه نطاني وردته نطاني اعز شيء عنده وهو انتي
جودي:حسين ترى خجلتني
حسين :فدوه لليخجل
كملوا العشه وطلعو للمول يتسوكون طبعا جودي مطلبت ولا شيء منه لان تستحي بس هو اي شيء يشوفه يعجبه اشتره

.......... ..........
كملت السهرة الجميلة ورجعوا الحبيبين للبيت
لكوا ام حسين لسه كاعده
حسين وجودي :السلام عليكم
ام حسين:وعليكم السلام
حسين: الحلو ليش كاعد لسه
ام حسين :شفتكم تأخرتوا ضل بالي عليكم
حسين : باس رأس امه وكال ليضل بالج يلغاية
اني ح اروح أخذ شور وارتاح
ام حسين رادت تدخل للغرفة بس جودي صاحته
جودي :عمه عمه هذي الج ان شاء تعجبج بسته ورحت للغرفة
ام حسين:فتحت العلالكه لكت بيه دشداشه حلوة وياها شال طبعا اسود
تفاجأت جودي اني ما اعامله زين بس هيه اول طلعة اله ذكرتني
حسين ابني يحبه بس شلون انسه ثار زوجي وحبيبي اااخ ياجودي لو ما انتي بت سعد جان خليتج على راسي مشفت منج شيء ابد رغم شكد تجاوزت عليج بس ولا مرة رجعتي جواب بوجهي ومتكلليلي غير حاضر عمه وامرج عمه
...........
بغرفة حسين
حسين :جودي شنو هذا الفراش لمنو
جودي:لمنو يعني الي
حسين:شنو الج انتي حتناميين يمي على السرير شكلج نسيتي حجينه قبل شويه
جودي :لا منسيت بس شكلك انت نسيت
انت كلت ح تعقد محكمه وبعده يلا الك حق هيج تطلب مني😉😂😂
......
............. .......... ........... ...........
مرت الايام وتحسنت علاقة ام حسين بجودي خصوصا من تمرضت ام حسين وشافت جودي شلون تهتم بيه وابد متمللت وحتى تنام يمه خاف تحتاج شيء لحد ما صارت زينه
ام حسين :عمه جودي حسين وين
جودي:بالغرفة عمه
ام حسين :انتي بعد تبقين تنامين يمي لترجعين لغرفتج وروحي هسه صيحيلي حسين
جودي : حاضر عمه
حسين عمتي تريدك
حسين : واني كلت حنت الي واجت طلعتي جايتني
لان دازيج عليه
جودي:ههههههه ديلا بسرعة عمتي تريدك

اني ح اروح ادرس محسن ما بقى شيء على امتحانه
(محسن تمرض بالامتحانات واجل مادتين )
..................... ....................
حسين: هله يمه رادتني
ام حسين : اي يمه اكعد اريد احجي وياك وسد الباب وراك
حسين : نعم يمه اسمعج
ام حسين :يمه انت مو تريد بت عمك جودي
حسين :أي يمه طبعا رايده
ام حسين: باجر توديه لاهله وتخليه عدهم
حسين:شنو ليش اوديه هيه سوتلج شيء
ام حسين :شبيك يمه بصلتك محروكه خلي اكمل حجيي
توديه لاهله ونروح نخطبه الك من جديد والمشاكل اللي بينه تنتهي عاد اللي صار صار بعد وساعة شيطان عمك وابوك الله يرحمه جانوا مو بس اخوان واصدقاء هم
حسين :بفرحة يمه تحجين صدوك 😀😀
بخيبه 😟وحسن يمه شلون خاف مايرضى نتصالح ويه عمي
ام حسين :معليك لا اخوك عليه بس انت لتكوله شيء خلي نسويه اله مفاجئ
حسين:تامرين ي الغاليه
وباس رأس امه وطلع
....... .......... .......... ......
جودي مندمجه ويه محسن تدرس بي
جودي:لك عيني محسن مو هيج انتبهلي زين
محسن:اكول جودي الكل يكلي حسوني اله انتي ليش مدعليني
جودي:لا عيني كلمه حسوني لاخوك حسين تصير
محسن:ليش بالله 🤔
فجاءة صوت حسين
كالتلك حسوني الي الي وبس فهمت يالذكي 😉
جودي😳😳
حسين :جودي تعالي رايدج
جودي:ان شاء الله

حسين: انتي ماشتاقيتي لاهلج
جودي:ميته شوك ألهم ولميدو
حسين :لعد يلا روحي جهزي نفسج حتى ادزج ألهم
جودي:بفرحة كبيرة والله تحجي الصودك وباست حسين بخده
حسين:الله لو ادري روحت اهلج احصلي بوسه من زمان دزيتج عيديه بداعتي
جودي: 😳😳حسين يلا عاد لتبقالي على الوحده

طبعا اعتذر تأخرت عليكم بس الاشتراك خلص وهسه يلا فعلناه 😍😘😘

بارت الاخير

جودي :جهزت نفسي ورحت لاهلي
اول مفتحت الباب امي مصكدت بقت تبوس بيه وتبجي
ام جودي:يمه بنيتي شلونج
جودي:ماما الحمد لله اني تمام بس حسين وياي خلي يدخل
ام جودي:هله بي
حسين يمه تفضل أدخل
حسين :هله عمه شلونج صحتج شلونج
ام جودي :الحمد لله أدخل ليش واكف بلباب
حسين : غير مرة ان ان شاء الله مستعجل عندي شغلة مع السلامة

.......
فرحوا الكل بعودة جودي واحد يكوم واحد يكعد
ام جودي:يلا برى خلو البنية ترتاح
مصطفى ومرتضى:يمه مشتاقيله
ام جودي:ح تبقى يمكم كم يوم واشبعوا منه
جودي :ماما خليهم مشتاقتلهم
ام جودي :لا ارتاحي هسه
جودي:😂😂😂😂 شوف ميدو نام اللي عساس يسهر وياي اليوم
............. ...........
ثاني يوم في بيت ام حسين
ام حسين :يلا يمه استعجل ح نتاخر
حسين: جيت يمه شكلج مستعجله اكثر مني حتى مخليتنه رايحين ألهم من الصبح
ام حسين:أي خاف يخطوبه قبلك
حسين: منو هذا اللي يتجرأ يسويه
ام حسين:😂😂😂😂 يلا امشينه يالبطل
....... ........ .................
جودي :كعدت الصبح فرحانه حيل بوجودي يم أهلي
صباح الخير
الكل:صباح الورد
جودي:بابا حبيبي اليوم مرايح للشغل
بابا : طبعا اللي يمه هيج وجهه يطلع
جودي:😘😘فديتك ياعمري
سوينه الريوك اني وماما
كملنه الريوك وندك الباب
مرتضى :ماما اكو مريه بلباب تريدج
طلعت ماما شويه ونسمع
هلا بام حسين اهلا وسهلا شرفتينه تفضلي
دخلت عمتي وياها حسين
اني:🤤🤤🤤🤤
بابا : اهلا وسهلا تفضلو
اني عن اذنكم(يريد يطلع)
ام حسين: ابو مصطفى وين طالع جايينك بشغله تكمله النه لو نرجع
بابا: ما عاش من يرجعج خايبه اللي تريدي يجرالج
اني رحت المطبخ اسوي العصير والحبشكلات😂😂 طبعا لسه مصدومه من جيت عمتي ومن الصبح
ام حسين :جايين نطلب ايد جودي على سنة الله ورسوله ومو فصليه واللي تأمرون بي حاضرين شكلت
بابا :شكول البنت بنتكم وما عندي اي مانع
ام حسين:على بركة الله
يروحون اليوم يعقدون والخميس نسوي العرس شكلتو
بابا:براحتكم
جودي:من سمعت بالخبر طرت من الفرح واخيرا نحلت المشكلة
......... ......
تسريع الأحداث
اجه يوم الخميس
سوينه العرس بقاعة والتسريحه سويته نازلة
حسين:لج اشتعلووو اهلج شطالعة وين تروحين مني اليوم
جودي😳😳😳
جانت الحفلة روووعة مثل ماردته واحسن وركصنه وتونسنه

حسين: لج جودي يلا طلعي شنو ح تناميين بلحمام
جودي:ه.اا اي هسه ح اطلع
(بالله هذا شلون اطلع بيه من ما اغطيه فضيحة )
تجرات وطلعت
حسين:دتعالي لج مشتاقلج كوووومه
.
.
.
.
.
.
.
.
بعد مرور عدة أشهر
(اني نقبلت صيدليه واليوم اخر يوم امتحانات وحسن نقبل قانون وخاطب وحده وياه وبعد التخرج زواجهم بابا اشترى لحسن سيارة ياخذ بيه خط واني يوصلني بطريقه مو نفس الجامعة بس على الطريق وحسين بابا دخله هندسه اهليه قسم كهرباء )
يلا ام لين شوكت تكملين مو تاخرنه دكوليلي شكد تاكلين الله يساعد اخوي
جودي:ديلا عيني قابل اني الاكله بنت اخوك اللي تاكل هذا

حسين:حبيبي معليج بي مضغوط منج لان احله من
الجكمه خطيبته😂😂😂😂
حسن: ها لتجاوزون على خطيبتي على الأقل رشيقة مو مثل مرتك صايره دبة
جودي:عيني هذا مو اسمه سمن بس هاي بنت اخوك هيج يعني بالسابع شتريديني اصير
ويلا اليوم اخر يوم امتحان وصلني بطريقك
حبيبي ادعيلي
بوست رأس عمتي ودعتلنه وطلعنه
....... ........
بعد مرور ٤ سنوات
لين ......لين.....لين ماما وين رحتي
ام حسين:ها عمه شبيج تصيحين
جودي:عمه هاي حفيدتج موتتني ما اعرف وين تروح وتعرفين عرس واخاف عليه تضيع
حسين : هاج حبي هاي لين اخذيه نوميه بغرفته
.
.
.
.
.
.
.
.
.
.
اني تخرجت وتعينت وحسين فتح شركه كهربائيات وحسن فتح مكتب محامات وصارو عندي ولد وبنية
والحمد لله عايشه مرتاحه ويه حبيبي وعمتي الله يطول النه بعمره

لهنا خلصت قصة #فصلية ابن عمي

كولولي رئيكم عجبتكم ام لا

@ki0ki

نبدي قصه جديد قرا ممتعه❤️

قصــه جـديـدة 🌷💥🍒 (#قًــدِرَ-أمٌرَاةِ🔥♥️ )
القصه #22_بارت 🍒✨

#صلو_على_نبي_الله_محمد_وال_محمد_اذكرو_الله
#قراءة_ممتعة🍒💥