يضة والستائر البيجي

وفرشتها البيضة..

التحفيات..

الوحات كلشي هنا بي روح..

كعدت ع الفراشه وبقيت اباوع ع الغرفه..
شفت ع التعلاكع بدلته العسكريه
جريتها بايدي وشميت عطرها
اخذت نفس ترس ريتي

وحضنتها..

ماعرف شلون مددت وغمضت عيوني واني حضانه البدله

مابين اتخيل هو وعبير هنا ومابين اتخيل نفسي وياه

الله حب الطفوله يتوج بزواج
شفت نفسي بدله البيضه
وهو كاعد بصفي يبتسم الي ونفس رجفه ايدة من لبسني الخلخال

هسة بصفي وديرفع البوشي

وغمضت عيوني.. وحسيت بي تقرب مني..

فجاءة فزيت..

ع حس..
فتحت عيوني عبير وامها ووليد وعمتي بالغرفه

وللحكايه بقيه

بارت (23)

وغمضت عيوني.. وحسيت بي تقرب مني..

فجاءة فزيت..

ع حس..
فتحت عيوني عبير وامها ووليد وعمتي بالغرفه

كمت بسرعه.. صخنت ماعرف شحجي وشكول

ام عبير صافنه عليه.
عبير تباوع ع وليد..
عمتي اجتي يمي بسرعه..

جرتني من ايدي..

كالت يامكرودة.. دصفطين غراضه وغفيتي هزيت اي راسي بسرعه اي اي
اخذت البدله علكتها..

و رتبت الفراش..
مرتين انضرب بالجربايه بارجلي روحي تشوغ بس اسكت ما احجي شحجي فشلتي متسولف لاحد

عمتي ضحكت وبدت جر بغراض عبير
وعبير تعاونها

ام عبير ضايجه ومبين من ملامحها

عيوني صارت ع وليد
وياريت مشافته..
ولا رفعت راسي عليه..
عيونه كلها دمع.. اذا اطخه يبجي

انداريت كتلها اساعدكم

عمتي / لا حبيبه ههه هااا روحي جووة ملحي السمجه وعينج ع اللحم

عبير/ ابتسمت الي بكل صفاء لا حبي نجومه اخدمج بيوم ولادتج.
واندارت ع وليد وابتسمت..

نزلت بسرعه الدرج ماعرف شلون سويته شبرين..
طبيت للمطبخ وقلبي يخفك حيل
جنت اسمع دكاته من ركبتي..
من كل جزء بجسمي يدك..

رحت ع السنك لزمت السجمه ايدي ترجف.
وكعت مني بالكاع..

ياربي صعب هالاختبار عليه اصعب من الموت

ليش دموعنا سهله ورخيصه وبسرعه تنزل

شلت السمجة من الكاع..

وبديت اغسل بيها..

حسيت عمتي بصفي..

كالت شبيج يمعودة مو حته لحمها تاخ..
وجرتها مني بقوة..
انداريت عليها متفاجئة..

جانت تشتغل وتحجي ويايه. ماعرف شلون عدلت الموقف نجمة لخاطر الله عوفي..

انتي. وعدتيني.

مجنت اعرف شردها او شكول.. لان خجلانه حتى من نفسي..

وبدات تحجي سوي تمن واشويها للسمجه وهذا اللحم
اركب باميا لو تشريب شتكولين

كتلها بكيفج..

شويه ركزي فدوةلطولج..
ركزي
تقربت مني ولزمت ايدي.. نجمة انتي حلوة ومناقصج شي.. واعرف غلطنا بحقج
بس والله غزوان حباب رغم هذا غرورة بس حباب صح ماخذ من عمته بس قلبه طيب اكسبي وكوني وياه
اعرف علاقتكم بس شكل واتقرب الج بهاي السنين مرة وحدة واعرف انتي متحبي بس لاحظي هو ديحاول وياج انتي هم حاولي وتمشي الحياه لا تتوقعين الكل مرتاح لا كل واحد واله لليلى ينشد عليها..
لا تاخذين فرحتنا لمكان بعيد نجمة....

اجه يمنه وليد
عمتي من شافته هلهلت بعلو صوتها
وبقت واكفه وليد جان فاتح الثلاجه امه كالت اله جوعان

مجاوبها..
عافها وراح كعد بالهول
لطالما اني جوة وبالمطبخ عمتي يمي

تصعد بسرعه وتنزل
بحيث كامت تعرج.. من الدرج
جانت محاوطتتي وتراقب كل حركه اسويها
واضح خايفه مني

هو اني خايفه من نفسي قبل كل شي..

اجه غزوان..
شافني بالمطبخ

كال اجوي اهل عبير

نجمة /اي موجودين

غزوان.. / ها خوش..اكولج
نجمة /كول..

غزوان /عندج ملابس للعرس..

نجمة/البس هالموجود
تقرب مني كال هالخير كله وهالعندي.. البس.

خلي ابالج اريدج اطلعين احلى وحدة بالعرس.

نجمة/اي ادلل لازم سولاف جايه.. وتحب تغورها

ضحك هاي ضحكته العاليه الي تستفزني دائما

غزوان/تعبان وجوعان ونعسان.. ومحتاج دفو
وبدا يفتح بالجدورة
ابوج سامطني سمط كل الحسابات ع راسي
جد تعبت بعد

من الشغل وبدا يتضجور ويحجي تعب لان والدي ذاب كل الشغل عليه

ابوج حاير بعمتي وابنها وعايف التعب عليه
بس اني شاطر وربج
وشم الاكل الله شهل الريحه الطيبه.
منو طايخ انتي لو امي.

كتله اني
غزوان / الله الله..
يلا حضريلي الحمام..

ومشى اسمع صوته هلا بوليد ويبوس بي العريس
المعدل.. ويضحك ويسولف
...

صااح يلا نجووم تعالي..

بله هذل شسويله تعلم ع سالفه الحمام هو شكو هل خاولي وهالملابس اخذهم وياك..
نصيت الجدورة..

ومشيت..

باب الهول مفتوحه وبوجهي يصير وليد

انداريت عليه..
همس شي بس مافهمته لان بعيد عليه..

عفته وصعدت.. شفت غزوان ماكو بالغرفه..
عرفت طب للحمام..
اخذت المنشفه وملابسه.. ودخلت للحمام خليتهم..

ونزلت جوة..
من نزلت شفت
غزوان بالحمام.. الجوة دخل.. كتله غراض فوك عبالي تسبح هناك
كال لا نزليها..

صعدت بسرعه نزلتها..
ودكيت الباب عليه..

غزوان فوتي بعيوني صابون..
فتحتها... بخار الحمام كله..
وجان واكف كبالي بالملابس الداخليه فقط..

جرني من ايدي وسد الباب وقفلها..

نجمة /شنو هالحركات هاي هدومك..
لزم الهدوم ولزم ايدي بقوة..

غزوان /اريدج
نجمة شتريد خلي اطلع عيب هالحركات..
ضحك
شبيج نجمة محد حاس بينا.. ملتهين
تعالي سبحيني..
اخوك برة عيب وامي تصيحني..

جاوب اخويه طلع اجه عليه مازن ابو راس المطار
وامي فوك.. واني وياج وحدنا..
خليت الهدوم بحظنه..
وانداريت افتح الباب لزم ايدي مطلعين ابد..
هو دخول الحمام زي خروجه..

انطبق عليج المثل..
نجمة / غزوان الاكل راح يحترك
غزوان/هو اني المحترك بنار..

وحضني. حيل. هاي الهمسات بالاذن وطبع القبلات ع ركبتي وكتفي..
جان تستفز انوثتي مو كثر..

حسيت بي.. مصر ع العلاقه.. صوت انفاسه المتسارعه..
ولمساته. خلتني عاجزة
استسلمت وصرت جماد.. كتله قبل تذك

ر من اجيتك وفتحت وياك صفحه جديدة..

وسلمتك نفسي بارادتي..
بعد راسه عني..
وكتلي غلطه..
تحب اكولك شنو جان احساسي

كال نجمة / انسي الي راح..

شنسى اتهامك بالجنون لو ضربك تفضيل عليه سولاف
لو ولو..
اذا تريد اخذ حقذ الي تركض ورايه من اجله ما منعك هنا ابو بغرفتك..
بس لا اظن انطيك نفسي مرة ثانيه بارادتي
اخذ جبر..

بعد عني.. اندارين..

جنت اباوع بعيونه..
عيونه يحاول ميواجهني بيها..
كال مستحيل اخذ شي انتي مراغبته وخاصه هاي
اني انسان واعي ومثقف ودارس..
ما انجرف ورة غريزتي اني اتحكم بيها
اني غزوان.. محد يتحكم بيه..

وانعل ابو الي يطخج بعد..
ابتسمت اله

مااكون الك امراة كامله اذا متكون الي زوج كامل...
طلعت
منه واخذت نفس عميق..
ومشيت للمطبخ صار بوجهي
وليد..

كال/حلو.. شنو سبحتي ويا حبيب القلب..

بقيت اباوع عليه شبيك وليد..

وليد /لا مابيه شي وانت قصد تسوين هالحركات التعبانه عيب استحي شويه..

نجمة شبيك يلا وخر. منا داشوف الاكل..
ومالك شغل بيه بعد يومين زواجك لو نسيت..

وليد/لا تخليني هسة اكسر الغرفه داكولج لا تسوين هيج بعد شفتج طلعتي من الحمام
نجمه /ترة عيب كاعد تتسنط علينا
كال العيب عليه مو عليج زين.. وشعندج طابه غرفتي هااا؟

يلا بعد واكف ساد الطريق عليه..
مشيت. ومشى ضربني بجتفي ضربه قويه..
بحيث لزمت جتفي..

ياربي مداتحمل شهل الحرب حركت اعصابي تعبت..

ياربي..

اي ابقى اون شسوي شنو الحل..

صار الغدا وصبينا غدة

نزلت عبير وامها عبير بشوشة وبس تضحكوتسولف
اما امها جانت منزعجه..
ومبين عليها

داصب بالاكل وكفت يمي

كالت اريد سجادة اصلي..

بسرعه جبت الها وانطيتها اله..

دتتوضى..
اندارت عليه..؟؟ هاي بس انتو عادي طبون غرفه غيركم وتاخذون غفه؟؟؟

نجمة /هااا خاله لا مو هيج بس حبيت العطر مو اكثر

كالت /الله الي يستر عليج..

ومشت.. من يمي..

اتمتى هاي اللحظه والموقف ينمحي واخلص.

صبينا الاكل ورتبنا بالهول..
وكعدنا كلنا..

وليد بصف عبير
واني و غزوان

وعمتي و ام عبير..

كلام وسوالف عن وضع البلد وغيرها..

كالت ام عبير..

صدك عيني وليد شسم العطر مالتك

وليد /ياهو منهم خاله

كالت الي راش منه للبدله العسكريه.. كلت اوصيك اتجيب لاخوك منه..
غزوان /ام عبير ليش شبيها عطوري
شو كلهامن الاردن اجيبها

عم الهدوء

الكل جان مستغرب كلامها الا اني عرفت مقصدها وين..
وليد حول الموضوع.. وبدا يسولف عن ترتيبات الزواج..

كوة كملت اكلي وكمت..
من الاكل لهيت نفسي بالشغل حتى. لا اححي وياهم

اجتي يمي عبير بعد ما عزلت المطبخ وكعدت اشرب جاي شويه

ضحكت بوجهي

اكعد يمج..

كتلها اكيد تعالي.

كعدت. باوعت ع المطبخ راح اكون صديقه الج وبالاضافه لهاي راح اساعدج بكل شي كلش احب التعزيل والترتيب..

ابتسمت الها..

عبير/اخذتي ملابس لعرسنا..

نجمة/لا بالكي باجر

عبير/يا متلحكين باجر حنه يمكم مال ولد ويمنا مال نسوان عود تعالي مو متجين

كتلها اكيد ان شاء الله..

عبير/ طبعا كلش متوترة وخايفه..
وفرحانه لان راح انجمع بوليد وبنفس الوكت مقهورة لان افارك اهلي شكد حلو انتي بصف اهلج..

نحمة/ مو دائما حلو الاهل قريبين..

عبير/ليش

نجمة /بدون ليش هي هيج اشوفها.. وربي يتمم ع الف خير الكن..

كامت.. اشكرج حبيبتي..

اروح اشوف ماما شوكت نروح يووو كومة تحضيرات عندي..

يردون مني اطلع واشتري واتهجز لشنو..
اريد اعرف..

محد يحس بناري

احس بنار بداخلي تحركني وترجع تطفى وترجع تشتعل
وهكذا مر اليوم بين خنكه ودمعه

اول مرة بحياتي ماكدر اركز ولا اكدر اشتغل ولا اكدر انام ولا اكدر اعيش..
اجه غووان بليل دك عليه الباب وجايب وياه
ملابس الي
بدون كلام
انطاها الي
وكال من باجر ترجعين تتنامين يمي
ومالي شغل بيج ابد
ورااح

انا احتضر فهل من طلقة الرحمة لتسكن عذابي..
يالله هل تسمعني
انا هنا وحدي
ارح قلبي قد ادماه العذاب..
استجب لي..
حنين الشوق يقتلني ببطئ

فانا اتمنى الموت..
.....
صوت هلهوله الصبح.. كعدتني من نومي
وهوسه عرس.. وصوت اغاني
وهاي صينيه الحنه والشمعه
والياس..
مر اليوم واني بغير عالم عايشة
ما عرفت الغيرة نارها قاتله..
وقاسية اقسى من النار نفسها..
والي يذبح..
اشوفه فرحاان كدامي..
واني لو ترجع بيه الايام جنت اتعس وحدة بيوم زواجها...
مرحت ولا حضرت الحنه.. واتعذرت بمرض.
وثاني يوم انجبرت ع روحه القاعه والعرس..

عمتي ومرمر بالصالون..
غزوان راح يجهز سيارة العرس
وليد بالحلاق..
اني وحدي بلبيت

بدلت.. هدوم جابها الي غزوان
فستان موديله الحوريه فيزون احمر..
ورتبت نفسي وركزت ع وجهي الشاحب وسواد الي جوة عيني.
لبست وكملت..

ووكفت كدام المرايه...اباوع على وجهي الي ذبل من الانتظار...وتالي ازوج

ليش أتزوج
واني لسة باقيه عذراء

عذراء لأن ماازوجته
عذراء بروحي
عذراء بقلبي
عذراء مشاعري...لأن بس اله ردت كلشي

وكأن قلب وليد يج

اوبها
نجمه
واني مثلج حتى لو ازوج غيرج
ابقى عازب بنظر نفسي حبيتج الج..
وردتج ام بيتي انتي
وردت بس حضنج

سحبت مكص من المجر...كذب وليد ميفكر مثلي
ميحبني مثل مااحبه
هو رح يحب زوجته اني الغبيه الوحيده
بهل معادله
والخاسره الاكبر بهل عائله...
وهاي دموعي ولا وكفت. ببلت حتى هدومي
وجريت الخلخال الي انطاه الي..

حاولت اكصه..
اكسرة اجرة بايدي انهارت اعصابي..

لييش ياربي ليييش
اخذته وطلعت من غرفتي
ورحت لغرفه وليد..
فتحت الباب..
شفته كبالي ديعدل..
بقميصه لابسه.
منظري مكيجه ودموعي خربت كل شي..
تقربت منه..
وفتحت ايدة.. كتله هااك رنه خلخالج دك بقلبي
اخذة وخلي تترس الك الغرفه رنه..
اخذة..
لزمني.. نجمة هداي..
وحظني.. حييل..
وايدة ع شعري احبج بس انتي. وتعرفين كلش زين ماحبيت غيرج ولا احب..
نجمة/ وليد.. اريد اموت..

وليد/ يعني اني هم اموت حسيتي بناري..
حسيتي من اشوفج ويا شيصير..
جنووون جنننون عوفينه من هل الدنيا كلها وخلي نرووح.. اني وياج نختفي منهم...
بقيت ضامه راسي بصدرة.. ماريد ابعد اريد ابقى هنا..

مشتاقلج نجمة..
بعدت من حضنة
حسيت ايدة ترجف مثل ما رجفت بيوم لبسني الخلخال..
اخذة من ايدي..
ونزل رفع مقدمه الفستان ورجع لبسه الي
وليد/هذا الج وباسمج هذا اول تعب الي بشغل وحلفت انتي تاخذي.. ومتلبسه غيرج
الاحلام هواي

من القدر يتغلب على الأحلام
الاحلام والأمنيات تموت

مكانج بقلبي ماريد اعتب ولا الوم
ولا احجي عن ضعفج..

بس. ادعي الله يموتني واخلص
ظلمت نفسي وظلمتج وظلمت عبير

الموت راحة الي..

بعدت عنه ماعندي شي اكوله بعد ولا اكدر اسمع شي
حسيت بانفاسة قريبه عليه
حسيته قريب مني.. ودخل بروحي مو جسمي
كال احبج.. ونطقها مثل قبل
ا ح ب ج. ماكدر نجمة ارحمني..
وقرب ايدة مسح دموعي وابتسم الي
هم ا ح ب ج

وايدة تلمست خدي بحنان.. وهدوء..
ترسم على وجهي لوحه.. تشوهت ملامحها من الغبار
ولمس شفتي بهدوء..

وقرب شفته ع شفتي..
هذا الاحساس الارجل ترتجف وتصبح الرؤيا مو جدا واضحة ويجتاحني برد يرجف روحي ووبنفس الوقت احس نار بكل قطرة من جسمي وتتسارع داقات قلبي..
لتعلن القبلة الاولى بالحرام..

.... ..
بعدت عنه وحسيت نفسي مدااسيطر بعد
وهو كذلك بعد عني وكان مصدوم
يجوز اكثر مني
عفته وطلعت للغرفه بسرعه ...
ندم.. صعب اوصفه حسيت بنفسي بدايت انهار..

رتبت شعري وشفت الكحل سايل.. و حمرتي ماكو..

ارجع ابجي لو شسوي وين الحل ياللهي.

وين..
طب عليه غزوان..

توترت اكثر وجنت احس يعرف شصار..
معلق غير كال.. زين عرفت قياسج..

تقرب مني شبيها عيونج

نجمة /مابيها شي بس الكحل اذاني..

كال يلا..
الزفافه راح تجي..

كتله كملت ما عندي شي..

كملت وبقيت فوك سمعت دك المزيقه.

نزلت.. اشبهه بالطير المذبوح ويسجل اخر للحظات عمرة

اذا احد يسالني ع العرس
بصراحه اجاوب ماذكر
وصدك ما اذكر شي غير الهوسه.
ووجود رضوة
وحلا صديقتي
و مرمر وابنها
وابويه
والكل تضحك وتسولف وتركص واني الي ركن بعيد..
كاعدة بي وحدي
العرسان شكلهم فرحه عبير
كل شي يوجع انهزم وين..

غزوان وكلامه ونظراته للبنات
نظرات البنات اله..
وعطرة وجكارته وساعته الماركه
كلها تجذب..
غيري.. الا اني عيني على وليد

توجع تذبج شوفه الي نحبهم..
بحظن غيرنا.. يصفون

.....
رجعت من مسرحيه العرس اشبهه بواحد سكران تعبان مو واعي ع شي يريد بس ينهزم من واقعه
نمت بالهدوم الي لابسته...

حسيت الصبح.. طلع راسي مصدع ومتوجعه كلش
وغزوان بصفي..
نايم نصف عاري..
تلمست نفسي بعدني بملابسي اطمانيت

ماكو شي بينا..
كمت..
وطلعت.. ودخلت غرفتي
غرفتي القديمه تصير مقابيل غرفه غزوان و عبير..

دخلت بدلت ملابسي وطلعت غسلت ونزلت..

شفت عمتي كاعدة وذابه الغدة
ع النار
انداريت اشوفها بالعشرة ونص.

كالت العرسان ع جيه..

لبست.. جبة.. مال عمتي كتلها حلا تطلبني فلوس هسة اجي
وطلعت..
بدون ريوك. شفتها توها دطلع بالغراض

من شافتني من ملامحي التعبانه كالت خيرج
طبي..

جوة افتهم منج

الوحيدة جنت احجي الها كل شي

حتى الي صار بيني وبين وليد كلته الها..

حضرت الريوك..
وكعدنا اني وياها بالكاع..

كالت غلط واكبر غلط الي صار بينكم..
ولج حتة لو بوسه ميصر بس الحب ما عندة قوانين

الله يساعدح ياخيه
حاولي لو انتي اطلعين لو تهججين وليد احسن الج

زين وغزوان؟

شبي غزوان
حلا/تحبي.. انتي

نجمة / اكيد لا

حلا/ اها.. وبدينا ناكل ونسولف وعدلت شعري وسشورته وكووة دفعت بيه ارجع ماريد ارجع للبيت

رجعت ورة ساعتين

شفت غزوان كاعد.. سألني وين جنتي وليش مكلتي راح اطلع
شو انتي فدمرة شايلتني من قائمتج مرة ثانيه من اطلعين تجين عليه تشوفين اوافق لو لا افتهمتي لو اعيد..

كتله يم حلا وتعرف خلا بيتهم يم الاسواق
قريب ميحتاج اكول..

عمتي كالت دصلو ع النبي العرسان جاين عيب تتلكوهم هيج
يلا غزوان يمه خابر الكصاب اتاخر..
عمت

ي كالت راح اروح اجيل جكليت اطش عليهم
بسرعه لبست عباتها
اني لهيت نفسي اشوف شطابخه عمتي
انداريت غزوان بعدة يباوع

رجع باوع عليه افتهمتي لو لا..

نجمة/والله شكد لحيت متكولي شبيك قابل راح يخطفوني
والله انت بطران...
جر ايدي حيل وكال احجي عدل لا افرك حلكج مو قريتي كتابين صرتي ارسطو براسي..
ولا عبالج تقربت الج تذليني لاااااا..
ترة اذل عشرة مثلج وادوسهم..

ضحكت اهوووو بدات رحمه الله..

ديلا عيني.. يالمثقف..

الظاهر سولاف مرتاح وياها

قاطعني.. والله عاد الي يمرن بحياتي يسوج .

صح اطورتي ورتبتي نفسج بس مابيج ذرة انوثة..

اشتغلي ع هل موضوع بالكي.. يمشي سوكج..

وتخلين راسج براس النسوان..

كتله انت شتريد تغثني تضو جني لان احسن منك

اني نجمة بنت بدريه
وبنت ابويه ابو المال

وانت منو؟

كال اني غزوان انسان تعباان ع نفسي وذكي واللعب صح واخذ الي اريدة..

لا عمر الفلوس تنفع ولا النسب
نجمة/وعمر الشهادة متحدد انسان

غزوان /صيدلاني صيدلاني بهذا وضع البلد انجاز
بدون زحمه كم شهادة عندج برافيسورة نجمة

وضحك بالنهايه اريد اشوف منو ينذكر اني لو انتي

ام الحسب والنسب..

دخلت عمتي وانقطع الكلام بينا..

وبعدها بربع ساعه دخلو العرسان بهلاهل من عمتي وطشه جكليت..

وانذبحت الهم ذبايح..

واجتي مرمر وابويه ووالدي قدم الهم هديمه
مبلغ كلش جبير
ومرمر لبست عبير ذهب
وعمتي هم لبستها
هذا مال مصباح العرس

ووليد وغزوان وابويه كاعدين بالهول
واحنا بالمطبخ

والبيت صار هوسه

جان الكل يمنا وهوسه وعمتي حضرت اكل للكل اما عبير جانت خجلانه وتحاول تتقرب الي
وليد جنت اجنبه ماريد التقي بي اصلا
كلنا لتمينا بمكان بهول بدو يسولفون ويضحكون وابويه جان شايل بحضنه يوسف وضامه ع كلبه حيل.. ويلعبه..

اندار عليه اني وغزوان وكال شوكت اشوف احفادي ... اني سكتت وغزوان ابتسم وكال انشاء الله عمي عن قريب ...

ضحك ابويه كال شبيكم بنات جعفر رضوة تكول اتخرج وانتو سالفتكم طولت..

هسة وليد يخلف وانتو بعدكم..

صدك اىيد اشوف احفادي وادللهم قبل لا اموت..

مرمر اسم الله عليك ابو يوسف.

ان شاء الله بلي يكرهك..
يابعد عمري..

وضحكت اني اني راح اجيب اخ ليوسف

كلنا انصدمنا..
صدمتنا بحمل مرمر مرة ثانيه... اكبر من صدمتي بتسميه ابويه ابو يوسف
اجاوزت اربع بنات وولد وبقت ابنها..

باركو الها الكل..
وكمت ابارك الها..
بوستها.. ولزمت بطني.. يارب تثمر.. خطيه..

واندارت ع غزوان..
وديها دكتورة اخاف متخلف.
لو السحايا الها سبب..

غزوان / عمة احنا لا هاي ولا هاي بس نحب نعيش وملحكين ع تعب الاطفال.. بلعلم ماكو سبب واقىب دلليل انتي سنين يلا صار عندج

والدي / صح والله شلج بيها هاي مرمر.. هسة البيت من جديد يترس جهال..

كام ابويه نترخص احنا نتركم ترتاحون..
واحنا هن عدنا طلعه العصر
الجمعه للبيت.

وطلع ابويه ومرمر..

وليد كاعد هو وعبير.

غزوان كال راح انام شويه
عمتي ماعدها غير سؤال لعبير شلونج..
تكولها زينه..
وترجع تكولها بعد شلونج..
ووليد مدد ويباوع تليفزيون
وكل شويه امه تكوله صعدو ارتاحو..

يكولها متعبان اني ويندار ع عبير..

تريدين نصعد تكوله بكيفك
وترجع..

تسال شلونكم..

كمت. اني حسيت باحراج..

وصعدت فوك..
سمعت وليد ديسولف بالفون..
فتحت الباب..
كال هااا نجمة..

كتله كمل كلامك معليك بيه...

احسبني ماكو..

سد التليفون و وغطا راسه ونام..
اما اني سحبت روايه وكعدت اقرا..
ع الضوة الخفيف واحاول التهي وما افكر بشي.

سمعت صوت بالممر سوالفهم..
تركت الكتاب
و غطيت راسي.. وبقيت بالفراش
الا ان كعد غزوان من نومه وطلب ملابسه وغيرها
واتصل.

وبدل وطلع.

نزلت بعد ما نزلت اني.

شفت عمتي بالهول.

كالت.. غزوان وين راح.

جاوبتها ماعرف.. يمجماعته

سوت شطلعت هاي وليد عاف عروسته وطلع يم جماعته..
جنت غافيه عبالي الزم غزوان يحاجي وليد

تالي الاثنين طلعو.

كتلها وعبير وين..
كالت فوك ولا نزلت..

اصعدي يمها انتي.. نزليها خطيه.

كتلها لا نعوفها براحتها..

كالت لا دصعدي اني راح اروح للسوك اشوي اخذ لحم مال ذبيحة واسوي كباب..

صعدت مترددة.. شحجي وياهاى..

صلت للمرمر شفتها..
فتحت الباب..

ابتسمت بوجهي..

كالت تعالي.. يمي..

دخلت للغرفه جانت معطرة كلها..

عبير/ اكعدي اكعدي نجمة..
وقدمت الي جكليت..
جانت لابسه كلابيه فستقي بيها تطريز ابيض وفاتحه شعرها ومكيجه.. كلش حلوة ونازكه ملامحها..

كتلها انزلي يمنا..

كالت اي هسة انزل..
بس والله استحي ووليد عافني بشغله.. كال ماتاخر..

نجمه هم هيج طبعهم مو سهلين ونحسين..

شجاوبها /اي عبير نحسين..

حسيتها خجلت اكثر..

كالت مصار بينا شي نجمة شي عادي لو لا

احس وليد يتهزم مني..

يعني شكوك الخطوبه كلها طلعت صح طبعا ماةاسولف الج ع مشاكلنا بالخطوبه اووو شكد بحيث يوميه ابجي..

واتمنيت تخلص بالزواج..

بس البارحه..

عافني ونام وكعدنا الصبح امي جابت النا الريوك..
واجينا..

ماعرف يمكن انتي بعمري واحجي الج استحي اكول لامي لو لعمتي..
شتكولين انتي..

بقيت ساكته نفس الي مريت بي..

ووجهتلي سؤال.. يذبح.. اخاف يحب وحدة وزوجني حتى ينساها.. لو اني بيه قصور بشكلي..

ماعرفت شجاوب..

كتلها غرفتج كلش حلوة وذوقج كلش حلو..

تعالي شوفي غرفتي
كالت يلا.. هاي الانسانه كلها روح وتضحك رغم اعرف سبب وليد
هاي الاشياء تخليني اكرهه نفسي اكثر

فتحت غرفتي ودخلت كالت اللخ كلش حلوة..

ربي تتهنين بيها ونشوف اطفالكم..

ابتسمت الها..

كالت انتي اختي هنا واللخ احبج من كد ما وليد يمدح بيج لهذا اريد اشوف شنو بيج حتى اسوي مثلج
مابيهاىشي احنا خوات.. انصحيني اني هوايه احب وليد

جنت اتهرب منها ومن اسالتها
كتلها عمتي اجتي...

خلي ننزل.. نزلنه اني وياها وصح جانت عمتي موجودة

وبقينا جوة نسولف سوالف عامه.. وكملنا العشا وانتظرنا الولد يجون..

اجوي اخواني وجانت عبير تعاملهم بود..

عمتي كالت يا خلصنه جاي.. تعبت من الروحه والرجعه..

كتلها اكعدي اني اروح اخذت شهاب وطلعت..

مشيت وصلت للمحلات.. اشتريت وطلعت
مقابيل المحل فرع..
اظلم..
شفت سيارة غزوان دخلت بي..

استغربت شعندة هنا..

دخل بالفرع وكفت سيارته.. بقيت واكفه اريد اعىف شكو

مو واضح شكو ولا اكدر اتقرب..
اكثر...

مشيت.. بتجاه البيت وصلت لفرعنا شفت..

وواكفه سيارة غزوان بابنه..

رجعت بسرعه.. جان ديدخل سيارة بالكراج

كال وين جنتي..

نجمة / جبت جاي ورفعت ايدي..

هز راسه تمام..

وماكو غيرج يجيب.. اني مو كتلج مطلعين.

عمتي فتحت الباب..

ها نجمة.. جبتي

غزوان جاوبها
يمه بعد تحتاجين شي كولي الي. نجمة متطلع
وطبيت للبيت..

وطب ورايه غزوان. عمتي لزمت غزوان وحجت وياه ع وليد بغرفتها رحت يمهم
عبرت ال ١٠ وهو ماكو..
ضلت تحجي ميصير هيج شيكولون علينا اكو رجال يترك مرته ثاني يوم عرسهم
غزوان يكولها احنا مالنا دخل يمه هم بيناتهم من اولها ندخل ميصير
وعمتي تفور اكثر..
طلعت

اباوع ع عبير بعد شويه تبجي.. بس هي تبتسم
كلش قهرتني..

غزوان عندة دوام اضطريت اجهزاله الاكل من وكت واكلت وياه..

وبقت عبير تنتظر وليد.. وخطيه عافتنا وصعدت فوك
وعمتي بقت لازمه.. الباب تنتظر وليد يجي
كملت كل شي كتلها راح انام عمة

صارت ساعه ب ١٢..

دك التليفون..
شلت الي بالمطبخ..
وسمعت قبلي مجاوب غزوان

صوت رجال متصل

السلام عليكم..
بيت غزوان

غزوان اي نعم اتفضل..

اخي اني من النجدة الي بمستشفى الكندي
عدكم حادث سير ارجو تجون بسرعه..للطوارئ

وللحكاية بقيه

بارت (24)

كل شي برد بيه من شفت التابوت واصوات لا اله الا الله تتعالى
دموعي رفضت تنزل بدهشة غريبة
ستقبلت والدي..
ذكرياتي رجعت هناك بذاك الحوش الجبير

نلعب اني وخواتي
هيلة يارمانه
هيلة يمه منهية الزعلانة
منو يراضيهه
هيلة يمه
ابوها يراضيهه صايغ تراجيها
ويدخل علينا ابويه ومحمل..
واركض احضنه وراسي ع بطنه.. ويضحك.. ورجات بطنه تحرك خذي هذا الدفو افتقدته من سنوات طويله..

فزيت ع نفسي بوسط الهوسة.
اي هذا الي صاغ تراجي
وصاغ احجولي..
صاغلي وطن كامل بلا شعب.. .

لزمتني هاي الرعشه الي وكعتني بالكاع..
وبداخلي صرخه تفزز الاموات..
واكول بالكي ابويه وامي يفزون وياهم..

الوجوة ملامحها تشوهت..
الاصوات بدات تختفي بصدى بعيد..

صراخ بكاء.. واني بعالم ثاني عالم فارغ وخالي من كل ردات الفعل..

حسيت نفسي ارتميت ع النعش..

وجنت اصرخ بكل صوت عندي.. ياابه
ياابه
الى ان انجريت بقوة..
وبعدوني عنه.. واخذو وابتعد وابتعد وراح..
اختفى مثل السراب
حسيت نفسي وحدي
هذا الاحساس.. المتعب.. لا وجود طعم للحياة
الحياة فارغه وباردة..

اخر مرة شفت والدي بيها طلب مني يكون اله حفيد...
ويضحك للحياه
وعندة مشاريع جديدة
ويريد بعد اطفال
واليوم وينه
مات
واني وحدي.. وترك لي اطفال ٢

........
بعد الاتصال..
نزل غزوان بسرعه..
ركضت عليه شكو.. جان مستعجل بسرعه وين سويجي حذائي..

شكو منو مسوي حادث غزوان

كال اسكتي يمكن وليد لا تسمع امي هسة تتخربط

كعد يلبس حذاءة
عمتي شكو شبيك يمه طالع بهل وكت..

هاا يمه.. لا ماكو شي بس صاحبي تخربط

نحمه محفضتي بسرعه..

صعدت بسرعه فوك..
دخلت للغرفه فتحت المجر ادور محفظته من ارتباكي شلتها ووكعت من ايدي.
من وكعت..
وكعت وياها سلسله ذهب..
شلت السلسه.. بيها مداليه شكل وردة
استغربت

سمعت صوت غزوام يلا نجمه..
بسرعه رجعتها
ومن طلعت فتحت غرفتها عبير شكو شصاير..

ماعرف شكول الها نزلت بسرعه..

بين مدانطي.. المحفظة طب وليد من الباب
اني وغزوان واحد يباوع ع الثاني..

وليد شبيكم شكو..

غزوان.. / اندار عليه.. رحتي لاهلج..

بخوف وحسيت الدنيا كله نحشرت بالعومي..
ماكدر انطق..

لاااا..

طلعو الولد بسرعه..
وطلعت وراهم غزوام رفع جسمه من السياج

كال سيارتهم ماكو..

صحت يعني ابويه واخواني.. ولك غزوان كمت اضرب ع رجلي حيل.

ابوية.. شهاب سعادة..

احترقت بنار لا تنطفئ
قلق خوف ضياع..

عمتي تكول ولكم شبيكم.

بعدني محجايه اخذ غزوان ووليد بسيارة وطلعو..

الحادثه..

بيوم الجمعه ليلا
والدي تعلم كل يوم جمعه ياخذ مرمر والاطفال
يطلعون بمطعم وبعدها يفترون وينزلوم ع نهر دجلة بابو نؤاس يتمشون والجهال تلعب..

شاءت الاقدار ان تخطف مني من هو سندي في الحياه
ظننت احيانا ان عدالة السماء
سوف تظهر كل الحقائق
مثلما رأيت دوما في شاشات التلفزيون
من دارما يتم الانتقام من الشر وفوز الخير

لكن ايقنت ان الحياة اقسى من كل ما شاهدت
وان القدر.. يخطف ويغير كل شيئ

برجوعهم. اتعرض والدي لحادث..

والحادث ادى الى مقتل والدي..
واخويه الصغير يوسف
اما اخواني سبحان الله. فقط خدوش..

ومرمر.. اسقطت طفلها.. وعدها كسر بالفخذ الايمن
ورضوض بالقفص الصدري والجمجمة..

حسب الكلام
بسبب عدم استخدام حزام الامان
اخويه يوسف.. طلع من جام السيارة
اما والدي.. بلحظتها توفى..

من شفت السيارة صايرة مثل القوطيه المفعوصه
ماعرف اخواني شلون طلعو منها..

بعد مرور مدة من الزمن والعلاج
رجعت مرمر.. من اخر عمليه الها برجلها
كلها بلاتين..

اما.. اني..

صدمه فقد والدي خلتني.. بلامشاعر الوجع صار جدا عادي..
ماحس بأي طعم لا زاد ولا فرح ولا حزن..

ماعاد شي. يغريني..
لا الحب ولا المال ولا حتى قصص الرويات..
حتى صوت العصافير وعطر زهوري..

كل شي فقد طعمة

دخلت حاله هدوء عميقه..
....
بعد مرور شهرين من وفاه والدي..

كدرت اعبر هاي المرحله.. والفضل يعود لصديقتي ا حلا.. وعبير...
متركوني ابد دائما وياية..

اخواني جهزت الهم الغرفه الفووك وكعدو بيها..

بعد هاي الشهرين..

فديوم كاعدين كلنا..

واجتني الصدمه الثانيه..

كتله لغزوان شوفلي رضوة شو ادك عليها رقمهم محد يرد اريد اعرف ليش ما اجتي لاربعين ابونا

غزوان ضحك كال اختج رضوة سافرت صدك متدرين

جاوبته بتعجب سافرت؟؟

غزوان.. اي..هي ورجلها..

نجمة /وين
غزوان /للاردن طلعت علاج لرجلها.. بس اختج
سالفتها مو خاليه كولي كال غزوان.. هسة ترتب امورها وتطلع لجوء

اصلا هي كالت الي بعد وفاه الحجي باسبوع وسحبت مبلغ عود تعالج رجلها عندة مشاكل بالكلى..

يالله هاي رضوة داهيه.. والله لعبتها صخ

نجمة/اني كل شي مدافتهم..

غزوان /هو انتي شتغرفين دخيلج فوكاها لابسه اسود وحواجبج طابه بعيونج جنج غرراب..
ودار وجهه ع تليفزيون

كالها وعبير كاعدة بينه

كتله الميت ابويه بس لو ميت انت والله البس احمر عليك واصبغ الش

عر اصفر..
خاف الله.. هذا ابو الخير الي انت بي..

كام عليه..
وغضبان ولج اسكتي لا هسة اشوفج الي مشايفته بعمرج كله.. غرراب

غطيت وجهي توقعت راح يضرربني..

دفر الكوشه الي بالكاع وصعد فوك..

عبير بصفي مصدومه..
لزمت جتفي..

كلهم نفس الشي..
انداريت عليها تبجي قبل لا ابجي اني..

عبير/كلهم نفس الشي كرهت الزواج من ورة هالتعامل الجاف.. والله لوما عيب اروح لاهلي وبعد مارجع واطلك بس شيكولون عليه.. العالم

كتلها شبيج.. عبير اني تعلمت..

عبير/لا مو عادي ومو طبيعي علاقتج بغزوان و لا علاقتي بوليد الي هي
كلها بروود واحسه يتهزم مني وكانما انجبر عليه..

نجمة/انتو تم زواجكم..

هزت راسها اي.. تم بس تدرين شي نجمة
اني احبه ومم ينزل متلهفه اله..
وهو ينزل يكولي تعبان اريد ارتاح او انام..
يعني بربج رجال مشايف مرته اسبوعين شنو..

وبعدني عرووس قبل مدة اسأله تحبني.

تدرين شجاوبني اكيد احبج انتي مرتي.

برربج هذا جواب..

بقيت اباوع عليها وهذا احساس الذنب ياكلني اكل..
مو بيدي اذا احبه بعدني ولا بيدة اذا هو يحبني
الي اكدر عليه ابتعد عنه وابعدة من هذا البيت

رجعت عبير كالت.. نجمة /تتوقعين يحبني
جاوبتها /اكيد يحبج لوما يحبج مازوجج..

كالت ومسحت اخر دمعه من عينها
وابتسمت.. هو ميضرب ولا يصيح بس ساكت
يسكت هوايه حتى ميسولف ويايه..

وابتسمت اكثر اكيد يحبني بس ميعرف يعبر عن حبه
اكيد.. المهم اني احبه..

بس علاقتج ويا غزوان محلوة ابد
رغم كل شي حلو بيكم مادري احسها غريبه

ضربت ع اديها وكتلها غريبه واغرب من الخيال..

كنا كاعدين وحدنا..
دخلت علينا عمتي وشايله علاكه وراها تمشي مرمر وتتجى ع عكازة..
ودخلو بالهول كعدو
كامت عبير بسرعه راحت جابت مي

اول مرة انتبهه ع مرمر وملامحها التعبانه
ياربي شكد متغيرة وضعفانه..
فقدت زوج واطفالها هذا حلمها الكبير بالاطفال انهدم وانتهى..

شكد شكلها متغير..

كعدت عمتي وتافافت....
واشرت الي بغمزة..

معناها كومي بوسيها..

كمت من الهول ابوسها ع شنو وهي سبب كل الي بي اني..
طلعت شفت عبير. والجهال دتلعب بالطرمه

عبير كالت راح اروح لاهلي خابرت وليد كال روحي هو بعد يومين ينزل

ابتسمت الها..

روحي حبيبتي..

اسمع صوت غزوان يحجي ويا عمته
يكولها عمه انتي امنا الثانيه ابقي هنا ويانه بلبيت
حسيت لشتي كلها ترجف..

كتلها عبير.. شراح تسمعين غلسي..
لان راح اطلع من طوري..

كالت عبير شبيح نجمة

عفتها ومشيت..

دخلت.. كتله ابو ابقي بلبيت..

اخذ عمتك وامك واطلع برة يلا هذا بيتي وذيج الاوراق تثبت هذا البيت باسمي
عمتي كامت عليه.. نجمة اسكتي عيب البنيه غريبه تقصد عبير..

كتلها دكافي.. ع حساب منو اني اسكت ماعندي احد اخسرة
يلا عيني اخذ هالمجرمه الي قتلت امي بدم بارد
وقتلت احلامي وهججت هديه
وحتى رضوة انتي سبب خربها

يالله شكد اكرهج لا تظنين..
موتته ابنج وخسارة الجنين تشفع الج
اقسم بالله اتمناج عليله طول

وحسيت اجتني ضربه ع حلكي..
لزمت حلكي والدم يجري منها..

ودفعت غزوام بكل قوة عني

كلب نذل عبد للمال اذا اني غراب فانت كلب للمال
اطلع برة..

هجم عليه..
وكعت بالكاع..

جان صوته اعلى من ضرباته..
ووكفت بوجهه عمتي.. وعبير.. اجتي مستغربه هالعائله الي مابيها شي صح الا اسمائهم.

مرمر ساكته ولا نطقت حرف..

بس شفتها مرت من يمي ..

كمت..
وايدي ع حلكي. كتلها كل ظالم اله يوم وهذا يومج

........
غزوان امة ادفع بي.. طببته بغرفتها
عبير جرتني للمطبخ وكفت اغسل وجهي واححي عليه
مون شلل بايدك كلب نذل واعيط صاير عليه رجال حقير
بيك زود طلكني هسسة
اخذ الي لغفته من ابويه وطلكني هسة..
لو انت رجال طلك..

عبير يمي تحاول تلزمني اتسكتني
كتلها عوفيني انتي الثانيه بيج حظ اخذي رجلج واطلعي منا هذا المكان ملعون بطمع وفلوس..
وخبث...
جريت من ورة الباب شال..
وطلعت ماعندي غير حلا اطرق بابها..
ماكو غير شخص..

وين ارووح.. اعوف كل شي الهم وانهزم
ماعندي احد بعد..
فقدت كل شي
ام الاب الاخوات الحبيب
نفسي
لو غيري وحدة بموقفي شتسوي
شنوو
وعدها هم مثل غزوان..

دخلت لحلا جانت تشسور لوحدة
بدون ما احجي عرفت

حاولت بسرعه تكمل الزبونه واطلعها..

بعد مدة طلعت..

كعدت.. كالت عفيه نجمة هم غزوان..

كتلها ضربني..

حلا/ليش

نجمة /لان ماريد مرمر بيتي
حلا/حقج بس وين تروح وهي هسة وحدها
ومريضة
كمت كتلها مشكلتها هاي مو مشكلتي اني..

حلا/حقج حبيبتي حرام عليه يضربج هو يلكه احسن منج نظفته وسوته ادمي..

لا تهتمين ابد..

جانت اتلم الشعر ااي واكع بالكاع..

ولابسه بدي فتحه صدرة كبيرة.. دنجت..
شفت سلسله شايفتها قبل
لكن ذاكرتي تعبانه اريد اعرف المن..
اذكرت نفس السلسة الي وكعت من محفظه غزوان

كمت تقربت الها من بعد ما وكفت..
ردت اسحب منها السلسله
لكن تراجعت وكعدت..

كتلها شخبارج..
حلا/والله حبي سلامتج ماكو شي غير الي تعرفي
ك

تلها حب منا منا

حلا/ياحسرتي ياحب خيه بهل زلك..
منو يباوع عليه.. ياهو الي يجيني داكه الفكر
اني اريد واحد يخلصني من التعب نجمة..

كتلها بس ديري بالج توكعين وكعتي
واحد مثل غزوان بس يضرب وفوك هذا كله مو رجال..
حلا/شلون يعني..

يعني مثل متعرفين انتي هاي الامور
وهو اصلا قبل لا اخذة جان عندو علاقه بسولاف ورفضته لان هيج
لعد شعبالج.. متشوفي مجلوب ونافخ نفسه..
وفوك هذا بصادق ويشهر ويعوف..

بقت صافنه..
كمت كتلها اروح اني

حلا /ابقي بعد وكت..

لا اروح الجهال وحدهم
عفتها والطريق كله افكر معقوله حلا صادقت غزوان
امشي وبالي يودي ويجيب
اي ليش مو معقوله تتغزل بي بوجودي

زين اني ليش حجيت هيج
حجيت حتى اشوف يوصل كلام اله
وكفت بنص الشارع وضربت خدي
بس اخاف تروح تكله نجمة تحب وليد .

حسيت انضربت برجلي وهورن عالي..
فززني من خيالي..

فتحت عيوني هذا مازن..

نزل بسرعه بيج شي..

باوعت عليه لا
مازن /البقاء في حياتج..
طبعا ردت اتصل بيج ومرهمت حبيت اعزيج
فقط..
كتله شكرا رحم الله والديك..

مازن اريد اطلك.. واسحب كل املاك والدي
اتلفت يمنى ويسرى..
مازن/الكلام مو بمال شارع
اتق ب النا رجال جبير لابس دشداشه رصاصي

كال هاي شنو دعمتها..
مازن /لا عمي..
الرجال امبلى اني من بعيدشفتك

انداريت عليه لا عمو ماكو شي والرجال اعرفه
كال.. اممممم تعرفي.. وفر ايدة..

مشى..

مازن../نجمة روحي هسة..

عفته ومشيت دخلت للبيت..
عبير رايحه واتفاجئت وليد بلبيت
اذا مازن اجه جاب وليد يمنا..

سلمت عليه وصعدت..
شفت غزوان يتصل بالفون...
من شافني شال التليفون وطلع من. الغرفه
جان يكول اي اي .

طلع غميته عساك لا رجعت..

......
بقيت وحدي بالغرفه اريد ارتب افكاري. واعرف املاك والدي شكد..وهاي الحيه شنو باسمها..
منا حلا
ومنا عبير تكسر الخاطر
ومنا وليد
مرمر غزوان..
رجع غزوان دخل وسد الباب..
اريد اطلع كال اوكفي احاجيج وكعد ع الكرسي..
واشر لي اكعدي..
كتله ما اكعد..
كال بكيفج..

اولا يا نجمة الجميله.. مو من صالحج اطلكج ليش
لان والدج عاف كل شي وعندي بيهم وكاله
يعني ونفخ ع ايدة برمشه عين تكعدين بنص الشارع
وثانيا والمهم..
سالفه مو رجال بطليها لا والله.. ادك بيج دكه صيطها يوصل لدربونه الشيخ

والاهم من هذا كله لسانج كصري لا اطلعه واكعطعة بسنوني..

افتهمتي عيني
واني قررت اخذ الشهادة.. وما افتح صيدليه اكمل شغل بمحل ابوج..

كتله شوفني الوكاله..

كال تمام باجر يمج..

واذا تحبين اخذ املاكج كلها وياشر بايدة كلهااا واطلع من حياتج الى الابد

واذا تحبين لا خلينا عايشين سوة.. هيج..

وعندج اقتراح ثالث..
نعيش حالنا حال كل ٢ مزوجين وتمشي حياتنه..
ويجوز نجيب اطفال ويطلعون عليج بووم..

بكيفج بعد..

نجمة/بصراحه منك كل شي يطلع بس تدري مشفت ولا راح اشوف انذل منك

ضحك.. وكال رجعنا ع طوله اللسان
عاجبج اعض لسانج لا تخافين ما اكطمه..

مشيت انقرف من كل كلامه..

نجمه انداريت.. كل هاي السنين اعرف انتي تكرهيني لو للحظه وحدة تقبلتني جان عرفتي تكسبني
وصدكي محد خسران غيرج
اني ابقى شامخ
وما انهز ابد لو افقد اهلي كلهم..

عفته وطلعت..
كرهت كل شي بهذا البيت..
كل شي حتى حيطانه اكرهم..

دخلت بغرفه الجهال..
وجانو جوة.. بقيت كاعدة..
.....
مرت الايام.. واني اتاكدت حلا عدها علاقه بغزوان..
كل شي يدل كلامها عنه وكامت تتهرب من اسالتي.

احساسي غريب ماريد اخسرها
كل شي خسرت بقت بس هي عندي..
رضوة عافتني وماعرف اي شي عنها..
حتى اتصال متتصل
هديه ماعرف شفتها او لا.. يمكن صح جنت بحاله جنون..
ماعرف ماعرف...

بقوا هالاطفال بس الي..
واذا اسأل بيوم شنو انجازج راح اشر ع شهاب و سعادة بس اني امهم..
ربي جازيني خير بيهم..
جنت افكر اطلك واسحب الي عندي واعوف الباقي لكن من اذكر هذا تعب امي اتردد.. وابويه..
اخ يادنيا..
الوداع يوجع...
مرات.. ابجي بمرارة من اتعرض للاذيه من غزوان ومرات.. اجاوب واضربه..

مرات اذكر ابويه واسبه بقلبي واضرب قلبي حييل
اكول لا لا..
ظلمني.. بس جان خيمه جنت مرفوع راسي
هسة مكسورة
بموتته امي جنت طفله ومافتهم
هسة لا..
كمت اشوف كل شي تغير بموته..
ما انساه بيوم دام اتنفس الهوى جنت اتمنى اشبع منه اكثر كل يوم يمر واعرف امن حياتنا منا لسنوات
كل واحد بينا اله فلوس و ملك
بس معرف يحتوينا
دائما ارددها
كلما اكبر اعرف شنو وجود الام والاب بالحياة
اتندم أكثر واكثر.

الف رحمه ع روحك يايابة ويا امي

اما مرمر هذا الجبل العملاق انتهى وبقى منه شويه تراب تصارع البقاء بادويه....
هم مرات اسمع الها صوت وتحجي بس
صوتها مهزوز حتى غزوان
اتخلى عنها.. بس بقت عمتي وياها واغلب الوكت عمتي يمها.. حتى تنام هناك..
تغيرت حياتنا كلها..
ياسبحان الله..
عقابك يوجع....
الا غزوان مينهز ابد
لأنصرنك ولو بعد حين
......................
مرت الايام وسجلت اخواني برو

ضه..
سعادة تمهيدي.. و شهاب روضه
واللتهيت وياهم واشوف غزوان يكبر
مثل ما كبر ابويه

...
شكد جنت اريد ابتعد عن وليد لكن هو وعبير سبب تغير بحياتي

من ينزل..
نكعد يسولف النا عن مواقف تصير وياه بالجيش
ونصحك.. يتوسل بيه اطلع وياهم جنت ارفض
ماريد اثر ع علاقتهم بعد ما حسيتهت تحسنت
بس بقى دامجني ويا
يلعبنا دومنا
ورق..
اتهرب من نضراته الي جانت تاذيني واخاف لا عبير تشوفها
هذا بلاء..
وعدت نفسي بعد وفاه والدي اطلعه من قلبي وراسي
عبير متستاهل الخيانه
اما غزوان لو اخونه الف مرة مارتاح..

كلما يشوفني وياهم سعيدة ينغص عليه..
ويكرهني بكل شي

فديوم دخلت عليه عبير بغرفه الجهال.
تبجي وسدت الباب..

نجمة..

كمت شبيج عبير..

كالت راح اموت... بعد لهنا وخلص

كتلها شبيج احجي
جانت ترجف..
ومدت اديها وكع منها دفتر..

شلته من الكاع..
شبيج عبير
كالت اقري..

اني جنت خايفه اكثر منها..
اخذت نفس فتحت
اول صفحة مكتوب خلخال بوسط الورقه

وشخط
نفيت واستوطن الاقراب في بلدي.
رفعت اباوع عليها..
يعني شنو

كالت كلبي وشوفي..
كلبت الثانيه..

حبيبتي انا المشتاق المعذب في نار الظلمات
نار الغيرة والعذاب

ياول عشق في حياتي يأول دقة قلب
ياعشق الصبا ارحمي عشيقآ ذل

يأول ابواب جهنم لي
ياول قبلة هزت كياني طعم شفتيك خصرك الملتوي
اجتاح رجولتي
وجلعني اسير شفاهك

انا خجل بأن ابوح بعشقك.
انتي نجمتي وقمري
ياعذابي يانجمتي هل يوجد بيننا يوما لقاء
هل سوف يرن خلخالك
في قلبي ومسامعي
احبك حد الجنون
كلا بل حبك هو الجنون
.....

جرته مني شفتي يحب..
اني اعرف كلش زين شفتي شكوكي صح..
نجمة شسوي اخابر امي

كتلها هو وين

كالت بالاسواق

كامت تبجي انهارت بجي..
بعد ما اتحمل
صدفه فتح الكنتور واخذ فلوس ونساه مفتوح وشفت
ولج اني حبيبتي ميكولي
وهو يحب اذا يحب ليش ازوجني
سمعت صوت وليد يصيح عبير وينج

بقيت ساكته ماعرف شحجي ياربي

فتحت الباب وطلعت وبدايت اسمع صوتها يعلى..
فتحت الباب هم بالممر يكولها مو من حقج
تشوفين خصوصاتي
هاي اشياء تخصني من الماضي
طلعت

وكفت جانب عبير
وليد لو تفتر الدنيا كلها متلكه مثل عبير
احرك الدفتر واحرك الماضي وياه

عبير تبجي بس..

بقى واكف متحير..
واندار عبير.. شقريتي انتي..

كالت قريت شعر..

كلها كلمن يكتب شعر يعني عندة عشق حالي

كالت عبير احسك..

تقرب منها.. احسك.. عبير احساس. مو اكثر

جاوبت بقلبي الاحساس اقوى من الحقيقه.. عند المراة وليد...
كالت عبير يعني
وليد.. /كبري عقلج عبير وشيلي هلىشكوك من تفكيرج.. اني زوجج..

رمت نفسها بحضنه..
ويباوع عليه..

ياربي خلصني من هالموت..

عفتهم ونزلت جوة...
عمتي يم مرمر
غزوان طالع
وحدي بلبيت...

بقيت بالمطبخ ساعات افكر والتفكير بنج دماغي
نزلت عبير تضحك...
وليد جوعان.. وفتحت الثلاجه..اسويلج لكمه ويانه
كتلها لا..

درت وجهي ع الشبابيك.. واشوف الهوى يحرك بالشجر
احس نفسي مثل هذا الهوى

دك التليفون كمت عليه..
الوو
الوو مرحبا
اهلا
المتصل نجمه اني مازن تكدرين تحجين بس كولي اي لو لا

باوعت ع عبير
جاوبت لا..
كال تمام..
سديته...
عبير كالت منو..
كتلها هاي ع غزوان..

كالت طلع يحب وحدة مم جان صغير و
قاطعتها..
كتلها راح اطلع برة شويه اريد اشتم هوى

فتحت الباب
وجتفت ايدي وطلعت اشتم هوى بارد بالحديقه..
احس الهوى ثلج جسمي كله..

ماعرف شكد بقيت واني اتامل النجوم والقمر
واتامل كل تفاصيل
البيوت..
واكول كم قصه بكل بيت..

كم دمعه كم فرحه..

سمعت صوت هورن.. عرفت غزوان..
قبل لا يطب للبيت
رحت صعدت فوك..

دخل غزوان عليه واني دابدل ملابسي
كال.. نجمة يا نجمة

سكتت

كال تعالي احاجيج..

كملت رحت للفراش..

غزوان جوز مني رحمه لاهلك
وين التوكيل مشفته لحد هسة
تقرب مني

بعدته اووع ريحه انفاسك عبالك سبرتو شنو هاي

غزوان /هاي يسمو المزاج
واحد يفصل
وجرني حيل
دفعته
شبيك
تخبلت..
هل مره
صار قريب عليه
من كد مااضوج منه ودي اسب اغلط عليه
بس خلاص اني الضحيه هنا
والضحيه واجبها السكوت
كال

نجمه اريدج..
.شنو تريدني اخترعت
من حجيه وكفت ابتعدت منه عنده مااريده وماريد احتك بي ابد

سحب ايدي بقوه نصدمت بصدره..
نظراته
صارت غريبه..
نفسه قوه وجهه احمر

حضني حيل...
بقوه..
قرب شفته من شفتي
احاول ابعده مااكدر..

يبوس بعمق..

اختنكت من بوسته
ماابتعد اله من حس بيه
اريد هوى
شبيك غزوان. بعد عني.

رجع يبوس بركبتي...
ابعده
لكن حسيته اقوى مني ماكدر اصرخ.

دموعي تنزل رافضته
وايدي الضعيفه تحارب قوته

لوى ايدي ليورى
فتح هدومي .
واني بايد وحده ابعده

عنادي اله ورفضي...
خلاه يهجم عليه

مثل واحد جوعان..
مشرد محتاج اليه

...
مزق ملابسي
لحد اخر قطعه.. بصراخ مخنوك..

رغم رفضي مكدرت اقاومه اكثر
...

دفعني للجربايه صار فوكايه يمارس حقوقه غصب

كام من يمي...
كال حضريلي ملا

بس اريد اسبح..

لملمت الشرشف استر جسمي..استر وجعي
كأمره ازوجة دون موافقته...
واغتصبت دون ارادتها...
وتهشمت احاسيسها مثل زجاج متناثر
انداس برجلين دون شفقه ،ولا عطف...

كل شي يمر يوجع.
طب سبح وطلع..

كعد ع طرف الجربايه.. لا عبالج شارب وماواعي ع نفسي..
نجمة مو قصدي اذيج هيج بس اني هم بشر وانتي زوجتي شرعا .. جنت ابجي..

كتله بس اني اكرهك.

اندار عليه حبيني.. لان احبج..
اندار.. معقوله معرفتي هاي السنين كلها احبج

ورفضج الي يوجعني اكثر.
كلما ترفضني اذيج..

اني احبج
سولاف راحت عمتي عفتها لان احبج
ماكو وكاله نجمه..
ماكو شي اخذي املاكج كلها بس لا تعوفيني
اني احبج..

وخله راسه ع المخدة..

بقيت لامه نفسي.. تقربت مني.. شفته نايم
اتمنيت اغرس سجينه بقلبه واخلص منه

لبست ملابس..
ونزلت جوة..

عقلي متشتت اكثر..
اقتله لو انهزم لو شسوي هسة اني شسوي.

انداريت. شفت وليد ورايه

كال شبيج نجمة.. تبجين هم ضربج.

نجمة /الله اكبر مو حياه هاي غضب عليه مداتحمل راح اموت ما اتحمل
تقرب وليد
رفعت ايدة بعد واطلع من حياتنا دخيلك.

نصى صوته شصار.. فهمني
انطيني فرصة احجي عن الي صار انطيني فرصه احلم حتى لو حلم

نجمة /لا تتقرب اكثر هسة اهج.. والله واعوف كل شي

وليد /عوفي كل شي... ونبدي من الصفر

اخذت حسرة رووح وليد.. انت مخبل انتو عائله مو طبيعيه وحظي الاغبر دخلني بينكم
عوفني لخاطر الله..
من ساعه السودة الي شاف ابويه مرمر..
كرهتوني بنفسي

وليد /انطيني مجال احجي

نجمة /اصعد يم عبير

وليد / بس كوليلي شبيج.. اعرفج مو الي بس غير اقتنع وانساج غير اعيش حياتي
ياربي ماكو حرب تلهيني عنج
لا عبالج مرتاح.. اني شابع قهر ميستاهلج اخويه نجمه احسج الي وانذبح من غيري يشمج.

واكف يم الكاونتر واني قريبه ع الباب
حسبت الخطوات اكدر اتعداه
بسرعه عفته ومشيت بسرعه..

ورحت صعدت بغرفه الاطفال وسديت الباب
جنون هذا جنون.. جنون..
.....

ثاني يوم صحيت ع صياح

فتحت الباب..
نزلت بسرعه اريد اعرف شصار
وليد وعمتي وعبير كل واحد بمكان ومكلوب البيت
وصلت قريب سمعت

وليد يصيح سلاحي انباك..يعني اذا ما الكاه
ميطلعني الله منها انسجن

وللحكايه بقية

بارت(25)

فتحت الباب..
نزلت بسرعه اريد اعرف شصار
وليد وعمتي وعبير كل واحد بمكان ومكلوب البيت
وصلت قريب سمعت

وليد يصيح سلاحي انباك..يعني اذا ما الكاه
ميطلعني الله منها انسجن

عمتي/لا اسم الله شنو تنسجن وين يروح يعني هسة نلكاه هنا

اندارت عليه..
نجمة مشايفة مسدس وليد..

كتلها لا...

ونزلت ادور وياهم قبل لا اغسل حتى وجهي
وليد/ وييين يروح..
بيت ميضيع اذا ايد متشيل..

عمتي بس اصبر يايمه اخاف انت ناسي منو عندة يشيل

وليد بعصبيه شنو ناسي انتي صدك تحجين..

خالة يم راسي..
واندار ع عبير... فهميني وييين راح اريد اعرف
عبير /ماعرف شبيك وليد خبلتنا عبالك اني ماخذته..
ماعرف

تقرب منها ولزم اديها حيل من زنداها انتي دتفهمين شنو يعني ضابط اسلاحة ينسرق منه لو لا
كالت اله وليد ايدي دفعها بقوة.

بقت واكفه تباوع عليه..

وعافتنا ومشت..
عمتي كالت شبيك وليد زعلتها.. هسة تطلع ناسي انت بدوامك

صاااح يمممه..
عمتي سكتت وبسرعه كامت تلم وادور
بس مع الاسف بيومها كل شي ما شفنا ولا لكينا السلاح ولا نعرف وين راح...
للعصر اجة غزوان..
وبدو يدورون من جديد
لحد ما تعب وليد وكال تعبت هذا هو راح راح ميفيد اندور ولا يفيد شي

هذا هو راح انسجن اربع سنين..
واتعاقب..

غزوان لا مستحيل اخليك تنسجن شنوو وين راح..
اني اشتريلك واحد..
ضحك وليد شتشتري الي يضيع سلاحه خاين تعرف شنو خاين..
وتحقيق..
واذا ما وصلكم السرة

....
بين مديحجون نولت عبير وباديها جنطه..
رفع عينه وليد عليها
واشر شنو هاي

عبير /وديني لاهلي وليد
وليد كام عليها..
عبير تركني واني بهذا وضعي.. عبير بايدها كلينكس
مسحت عيونها..
هسة توديني لو لا..
وليد /اصعدي فوك اتفاهم وياج

عبير /داسالك توديني لو لا

وليد /بعصبيه ضرب ع الكاونتر اصعدي فوك احاجيج وبلا هل تصرفات الي مابيها اي معنى امشي
عبير فزت
غزوان تقىب منه وليد اهدا لا طلع قهر السلاح بيها
امشي ويايه
دفع ايد غزوان
عبير زادت بجي..

كال تمام تمام عبير اذا ترحين هسة بعد ما ارجعج
لا اني ضربتج ولا سبيتج هاي وحدة وياج
عبير..

حاولت احجي غزوان جرني مالج شغل بيناتهم..
كتلها عبير شبيج فهميني..

كالت.. اريد اروح لاهلي واندارت ع غزوان توديني..

عمتي يم مرمر مو يمنا.
وليد/عبير للمرة الاخيرة لا اطلعين بلا سبب

عبير / وليد محتاجه كم يوم ارتاح...

جر السويج
وطلع بالطرمه..

وطلعت وراه..

انداريت ع غزوان كتله روح الهم..
نجمة مالج دخل بيناتهم..
هسة يصالحون..

كال صدك نجمة حضريلي جنطتي مال ٤ ايام عندي سفرة
؟؟؟
باستغراب وين؟

غزوان / شنو وين..
نجمة / هو داسالك وين تروح..

غزوان /شغل وين يعني خلي اشوف شراح يصفى من موضوع وليد والله مو خوش شغله هاي
اذا انسجن امي تتخبل عليه وشيخلصني منها
نجمة /يعني انت هذا الي هامك شبخلصك متفكر اخوك مستقبله يروح وعمرة

غزوان /كام وفرك راسه وكال
نفسي ثم نفسي ثم نفسي
ثم الجميع

نجمة /يالله شكد اناني انت.. دنزعي الاسود غراب حتى الي ىيشوفج ميشوف خير بحياته

رجعت عمتي بليل..
وسالت عن وليد وعبير
وحجيت الهم عن الي صار..
بقت تحجي وتبجي ومتعرف شىاح يصير او شلون راح تصفى
غزوان كالعادة طلع..

بقينا اني وعمتي وكل شويه تبجي..
تكول مدري شجانه والمصايب هيج توكع علينا
مرتاحينه ابد..
من انخلقنا لليوم..

رجع وليد بليل..
وحجت امه وياه والي افتهمته راح يقدم نفسة ويعترف بسرقه السلاح
وع عبير كال نرتاح كم يوم وتجي
جان كلش مهموم ومقهور
ويحجي ويا امه..
ويتحسر..
عمتي اصرت يجيب عبير
وحاول وياها يعوفها كالت متنام اذا مو مرتك يمك وانتز بعدكم عرايس روح حاجي اهلها لا تخليها تزعل
وشوف شغله السلاح
وكول لصاحبك للامر مالتك بالكي الله تدبر

واندارت عليه روحي نجمه ويا جيبو عبير عبير تحبج
وليد /صح نجمة عبير تحبج

واتغير من بعدين الى يلا نروح نجيبها
جنت مترددة الاول شلون اروح وياه
بعدين عمتي قنعتي نجيبها وفقيرة وخطيه
......
بدلت بسرعه ورحت وياه..
صعدت بسيارة..
عمتي مقبلت تجي لام الجهال نايمين و مرمر وحدها

صعدت ومشت بينا السيارة بهدوء

مادري نجمة احس حيل مشتاق لا ميت شوك الج
يشهد الله هذا الي فوكانا انعل ابو القسمة

نجمة /وليد كافي ميفيد هذا الكلام ماريد اوكع بحرام وياك ابد انتهى الي بينا انتهى امشي نجيب عبير خطيه طلعت مقهورة

وليد /تدرين اصعب شي بالكون الي دنعيشة من انت تنام وتكعد والي بتيت عليه احلامك كدامك..
تحسين بيه نجمة..
انداريت ع الجام.. سبحانك ربي ماكو يوم عدل بحياتي.. كل شي احس واعيش..
وليد /بعدني اشوفج ذيج ام الكصايب
بويه نجمة حلوة بويه ماكو بجمالج بويه
يام الكصايب والقلب ذايب..
وعلى رنه خلخالج تفز جروحي..
هذا الوداع نجمة اخر مرة اشوفج بيها..

قرب ايدة من خدي حسيت يتلمسه
دفعت ايدة كتله انسى لا تفكر تلمسني ابد. ابدددد
ما اوكع بالحرام لو اعرف

روحي بيك
عبير متستاهلك.. ولا تستاهلني..
امشي وليد
كال
... تعبان نجمة
وعبرة خانكتني
ربي مااكدر اختنكت هواك مااكدر اتنفس..

وكف بنص الشارع..
ونزل من السيارة..

ومشى بتجاه الجول الي ع الخط السريع..

بقيت اباوع عليه..

ابتعد وصاااااح بقوة ربي اااااااااااه ااااااااه..

انداريت السيارات تخطف بسرعه ع كيف فتحت الباب
ونزلت صحت وليد تعاال.
اندار واشر الي اصعدي. اااصعدي.

رجعت.. بالعكس.. وفتحت الباب وكعدت.

ثواني.. وصعد.. بالسيارة..
وفتح الجكمجة الي يمي وبدا يكلب بالشرايط بعصبيه يحرك بيهم..
جر شريط وسدها بسرعه..
كتله وليد.
اندار عليه بكل هدووء اشششش ماكو شي ينحجي بعد..
ودخل شريط..
وبدات موسيقى هادئة وحزينه..
حبيت وعيوني بجن

بدون ميباوع عليه..
شغل السيارةومشينا بسيارة ...
ووصلنا لبيت اهل عبير...
ونزلت..
قبل وليد دكيت الجرس..
نزل وليد وسد الباب..
انفتحت الباب وطلع ولد شاب من شاف وليد طلع سلم عليه. كلي اتفضلي..
جوة
دخلت بيتهم من طرمه باوعت ع شبابيك
الهول مبين داخلها. رجال جبير كاعد

وصلت لباب المطبخ.
شفت امها لعبير

باوعت عليه وفتحت الباب تفضلي عيني.

دخلت.
سلمت عليها
وسالت ع عبير..

كالت امها منو وياج..
كتلها وليد..

مدت راسها وينه..
كتلها برة يم ابنكم.
صاحت عبير عبير..

اجتي عبير باستغراب واقربت بوستتي خوما ححيتي شي
كتلها لا

امها لغبير كالت انتي مو كلتي تباتين شنو هاي
عبير /ها ماما والله مادري هسة اشوف وليد

طلعت وبقيت اني وياها
وقدمت الي جكليت شلونكم عمتج شلونها
كتلها الحمدلله

هاااا و انتي مصار عندج شي

نجمة/لا والله بعد

امها/الله يستر عليج ويرزقج

دخلت عبير ماما اروح ومن يلتحق اجيكم
بقت تحجي عليها
اني ترخصت منهم وسلمت على امها وطلعت شفت وليد واكف يسولف

صعدت بسيارة.

ورة اشويه اجتي عبير ورجعنا للبيت الطريق كله
جنا ساكتين..

رجعنا وغزوان بعدة مراجع
وعرفت وليد بعد كم يوم ويلتحق واحتمال صدك ينسجن
بس السلاح وين راح معقولة غزوان اخذة..
نمت ومحسيت ع نفسي لثاني يوم حسيت
غزوان ماكو
ومن سالت عنه طلع سافر
الي كلي شغل لامه كايل ونسه للحبانيه
ولوليد كايل صيد وتاهت عليه هو وين
مثل كل مرة من اضوج اروح لحلا.

رغم اعرف تخوني بس من خسرت كل شي بقيت متمسكه بيها
عبير تحسسني بالذنب
لهذا كلامي وياها محدود

اما حلا ماعاد اخاف منها ولا اهتم ان عرفت او لا
باسراري المهم اسولف الها

مرات اصفن اكو زوجه متغار ع زوجها وخاصه صديقتها الخاينه

طول فترة زواجنا محسيت بي زوج ابد
هذا ا لا نسان المتناقض الغريب
شخصيته متعبه..
استفزازي ودائما يهيني ويحسسني اني لا شيئ
حتى تقربه الي رغبه مو اكثر علاقاته المتكررة
اتقىب الة يصدني
ابعد يتقىب
كل شي يدل
هو مريض مو طبيعي ابد
ومتعب متعب..

وصلت للمحل..
شفت المحل معزل.
استغربت.. ورحت دكيت بابهم.. طلعت الي امها
سالتها عن حلا
كالت سافرت يم خالتها بالحلة
عرس بنت خالتها..
ومثل متشوفين مابيه اروح اني
دزيتها ويا خالاتها لهناك خير خالة نجمه اكو شي

محتاجة شي

ضحكت كتلها لا خاله ممحتاجه شي..

عفتها..
ورجعت للبيت
بوجهي توجهت لبيت ابويه

دخلت وجنت كلش متعصبة
مرمر مددة بالمطبخ ع الكنبة ومقابيلها التليفزيون تباوع
اباووع البيت اظلم وفارغ.. كل شي بي بارد
حتى الحياطين احسها سودة
رغم بياضها الناصع

..
....

اندارت عليه..

شعندج جايه هنا..

نجمة /اظن بيت ابويه هذا.

لزمت اليدة مال قنفه وكعدت..
كالت نجمة يا نجمة
هم شفتي جبل انهز او انهدم
كل الي صار هزة بسيطه بس موكعتني..

مو مرمر الي توكع..

نجمة/اريد اوراق ابويه الي تخصني.. متهميني خسرتي او لا المهم شفتي عقاب الله..

مرمر /ضحكتيني.. عقاب عقاب انتي شتعرفين عني واني منو؟
منو مرمر..
جاوبي منو...
اغبياء والقانون ميحمي المغفلين

ومنو غزوان ومنو جواهر ومنو وليد.
وتضحك بصوت عالي..

خلي ابالج.. صح كسرني موتته ابوج.. وابني يوسف
بس.. ما خسرت كل شي بعدني بعدني بحيلي
وبعد عندي ابن..
نجمة /يا ابن هذا تحجين بي ياهو اخذي الي حصلتس وروحي شعندج باقيه هنا شعندج فهميني عندج ابن ميهمني اطلعو كلكم من حياتنا خربتو كل شي حتى الضحكه خربت وياكم

كامت مرمر وتتوجة ع الغراض وجان بنص المطبخ ميز طعام..
جرت كرسي وكعدت..

يمكن اني الوحيدة الي ذاكرتي مابيها شي ينذكر
لا تبقين تكوليلي العذاب والي شفته والي عشته وانتي معايشة شي حمدي ربج ع حياتج
نجمة
احجيلج شي ومراح تسمعي بس مرة وحدة بحياتج
ليش احجي ماعرف
بس محاسه لا بندم ولا شي وياج هيج حبيتج تعرفين مو اكثر

كل الي اتذكرة اني ومجموعه اطفال
نلعب وين وشنو ومنو ماعرف
جنت اصغيرة كلش حتى اذكر التفاصيل

اذكر اللعب واجتي عليه مرة بعباية سودة
حتى ملامحها ماذكرها
بس كالت ابوج يريدج هناااك
واخذتني
من بين الاطفال.

ووعيت واني انام بالخرابه بالشارع..
ويوميه ويا وحدة جديدة مو م

كطعت علاقتك بيها
وتريد اني هم اكطع لا عبالك ماعرف كل شي اعرف

غزوان /شدتحجين انتي

كتله احجي شي كلش تعرفه زين حتى هاي روحتك سفرة وياها..

غزوان /ديلا اسكتي وانجبي..
ومشى..

كتله شبيك لا ترجف ما غيرانه عليك بس هيج بمزاجي امشيها..
بس صدك اسال حلا.. ليش كلبتك

كل همها وياك فلوس اثنينكم رخيصين

اجه ويحجي يعني صايرة لا تطاقين
ودفعني يلا ولي واكسر رجلج اذا خطيتي منا..

حسيت طكت مرارتي..
منه ومن كل شي..
كتله روح اعرف ابوك منو وتعال عليه..

هجم عليه.
صار بوجهه وليد..
دفعه..
واحد يصيح ع الثاني عمتي بسرعه جرتني..
من ايدي مخبله انتي عاقلة ادبسز..
مرمر كاعدة تباوع..
عبير مصدومه اكثر وحدة..

غزوان دفع وليد كله لا تدخل انت ومرتك هم ادخل بينكم

وليد /غزوان بس كافي ع كل شي تضرب واني مو مثلك
واكسر ايدك اذا مديتها عليها هسة اني موجود وادافع خاف الله بيها..

اندار غزوان وانطه ظهره لاخو
وضحك
كال نرفع الستار وصفك بايدة كافي للعب
اي اني عندي علاقه بحلا
بكيفي وياشر ع راسه مزاجي
تعجبني
انطيهت فلوس تنطيني الي اريدة انتي شتنطين بله
بوم اسود ويفتر بلبيت..

وليد/عيب هالاسلوب هاي مرتك غبي

غزوان / ها دتمثل دور البطل
مرمر كامت ودفعت غزوان عن وليد كافي عمة متسوى الواحد يتعارك عليها

وليد / يابطل اني مو خاين مثلك

غزوان / ضحك خاين والله ضحكتني سمعي شديكول عمة سمعي يوم
كول انت تحبها. كول احبها وباقي بلبيت علمودها
عبالك ماعرف تحبها لا أعرف كلش زين
واندار ع عبير

تريدين تعرفين رجلج..
المن يحب وعايفج
يحب مرتي

الي هي نجمتة..

......
وللحكايه بقية

هم الفلوس المهم اكل
والمهم بليل الكه مكان انام بي..

والاهم من هذا كله الكه هدوم دفيني بالشتا..

تعرفين شنو تكونين طفله مشردة..؟
مجدية..
تعرفين لو لا..
لا ام ولا اب ولا اخ ولا اخت ولا سند
ولا شرف

تعرفين شنو يعني طفله او مراهقه
ويتم اغتصابج

ويتكرر الشي يوميا..

الى ان احمل واني ماعرف شكد عمري..
بس طفله..

شاءت الاقدار
فديوم اجوي جواهر ورجلها.. نبيل ابو الولد
بغداد وشافوني.
استعطفو عليه وانطوني فلوس

بس جواهر من بعيد. كالت شكلها مدري شلونه يمكن هاي حبله.

جرني رجلها نبيل وسالني عدة الاسئلة..
وانتهت الاجوبه..
واروح وياهم بمحافظتهم..وخلوني وياهم بلبيت
رغم الفقر الي بي هم
بس جنت اكل واشرب وبليل مستورة
واسبح..
ضحكت الله السبح حسرة عليه شايفه هايى الحمامات المجانيه
بعز البرد اتعنة لباب الشرجي
وادخل وحدة بيهم
واسبح ببريك مي وبارد..
ماعندي فلوس..
ادخل حمام ومنو يدخل وحدة مثيلي
منبوذة..
كرموني وخلوني ادميه.. قبل بوكتنا الجدة اجيب
وهواي تلكين عجوز وماعندة بيان ولادة

واني وحدة منهم..
وطلعولي بيان وهوايه
وانسبت لشيخ العشيرة بعد ما رتبوها الي..
وعشت وياهم بحب الله..

وجبت طفل.. ولد..
وجابت جواهر طفل
ماكولج منو بيهم بس
واحد منهم..
لو زوجج لو الي تحبي..

واتسجلو باسم نبيل..
ومات واحنا بركبتنا اطفال صغار واجينا يم الشيخ
واشتغلت الي متتخيلي بيوم

كل شي شريف اشتغلته..
احف اطبخ انظف ابيع بشارع
كل شي..

وكبرناهم..وكبرنا
وشفت ابوج وصار الي احلم بي.. من اول كتلج اريد اعيش
وصح ردت اعيش بس فوك الكل
مو جواكم.

كل شي اعرف.. وكل شي صار ع ايدي
رسمتها وحدة وحدة واوصلت متجين انتي تاخذين مني كل شي بنيته..
مستحيل تسحبين مني شي وعدت نفسي

راح امن نفسي واطفال اطفالي لعمر طويل
ولا واحد يضوك الي ضكته بيوم وعشته..

ولو ع حساب ارتكب جريمه ما اخسر شي
ميهمني مات ابني الي اذاني موتته ابوج
هنا احترك قلبي وانكسرت.. خسرت احن انسان عليه
وكامت اي اي ردته وحدي حتى بحنانه الي
لان انتي معايشة الي عشته
ولا راح تعيشي اجيتي وبحلكج خاشوكه ذهب
واجيت اني ماعرف امي من ابويه..
لحد يعزيني ع احد
بس ع جعفر اتعزة
فقدت زوج واب وابن وام خسرت كل اهلي
ابوج يعرف كل شي واتقبلني وحبني الي وحدي
وبدات تبجي..

خسرت صح بس منكسرت
وخسارتي تقويني وارجع..

وخالتج ع راحتج. بمزاجي واني تعباانه ومابيه اللعب ويا غبائج..
كل شي اعرف وام غزوان جواهر كل شي تكولي
كل شي.. ومسحت عيونها بربطتهت السودة..
كالت اعيدها كل شي..
........

اكثر كلام صدمني بحياتي الي سمعته..
اريد اجمع..
اريد اعرف منو الي ابنها ماكدر
كلامها هز كل فكري ماعرف شنو احجي ولا اجاوبها ولا اتصرف بقيت مصدومه بكلامها..
مصدومه بيها وبحياتها معقولة اكو هيج شي..

يعني مرمر مو مرمر
وجواهر.. هي صاحبه الفضل ليش تخاف منها
وليش تمشي وراها
دخت وحرت اكثر..

عفتها وطلعت واني شاردة مو بوعيي
اريد اجمع هاي الافكار..

زين منو جابت الاول مرمر لو جواهر
جنت امشي واحجي ويا نفسي
لا تشاقه هاي بس بالافلام..
وارجع واذكر صح ابويه ابد ميقبل نسال عنها
هاي شدتخربط

وصلت الببت
مسطورة صعدت فوك اريد استوعب كلامها.. ماكدر

شلون اطلع نفسي من هالعالم..
فكرت اطلع من البيت..
بس ماعندي بس مفتاح البيت القديم وكلهم يندلو..

......
كدرت ثاني يوم اتصل بمازن واحجي اله..

اغلب التفاصيل
صح مكالمتي بي متقطعه بس كدرت اوصل اله
الي لازم يعرفه..
هنا مازن..
كلي صعبه.. لازم نطلع قسام شرعي ودعوة
تسوين ضد الورثه كلهم برفض تسليمج ورثج
بس اصبري عليه..
اكمل شغله وليد واحاول اساعدح
وان شاء الله اساعدج..
الكل خذلني وجنت اتوقع حتى مازن راح يخذلني
هو هم وراح يحجيلهم عن الي كلته اله..
مرت الايام
ورجع غزوان من سفرته الي هي جانت مع اقرب انسانه الي..

سكتت.. واني ماعرف نفسي منو اتمنى تطلع هاي الهوسه من فكري اتمنى ارتاح

ويطلعون كلهم وترجع حياتي الطبيعيه
حتى وليد بديت اكرهه
واكرهه كل شي يخصهم
بس جنت صابرة حتى اعرف اذا اطلع من هذا الباب اطلع مصفرة لو عندي شب الي ولاخواني
لان طلعتي منهم ما منها رجعه..

فديوم
البيت كله بترقب.. وخوف اليوم يلتحق وليد لدوامه
و عمتي كضتها بجي
وعبير.
هم..
مرمر الكل خايف..

الا غزوان بوسط هاي الاجواء حب يلطف جو
هذا الجو المشحون خلاني بس اريد اطلع
لبست ردت اطلع لحلا المهم مكان اطلع منه

وكال..
ها غراب وين رايحه...
استغفرت.. كتله يم حلا..

غزوان.. /اكعدي ولا تروحين.. لاي مكان احنا بيا حال وانتي تفرفرين..

اخذت حسرة
عمتي ادخلت مو وكتج نجمة اطلعين ادعي الله يعيدها علينا
وانت غزوان مو وكتك تتعارك مدشوف الوضع..

...
غزوان / ما اتعارك ومتروح
وصدك بعد مترحين لحلا

نجمة /ليش

غزوان /بكيفي

نجمة/غزوان مالي خلكك ولا واهس سوالفك بكيفي اروح..
لو مليت منها.. و

لا اعلم ماذا اقترفنا ليكون ربيع عمرنا هو خريف الوطن

بارت (26)

وقت الحقيقة..

لكن هل انا عاشقه مازلت اله
ام اتعبتني تلك السنين التي اخذت مني كل ما املك

ها انا اليوم.. اودع اخر شخص عزيز على قلبي
بكلمات احرقت كل شيئ
اه الوداع ما اصعبة
وما اوجعه يسلب كل شيئ
ويترك الروح فارغة..

تريدين تعرفين رجلج..
المن يحب وعايفج
يحب مرتي

الي هي نجمتة..

وليد / انت مخبل شدتحجي..

غزوان /لا مو مخبل هذا الواقع الي صار لا عبالك غشيم اني انسان واعي ع كل شي بس اغلس بمزاجي

وليد / كافي غزوان

غزوان /سنين تعيب بيه وانت اقذر مني
ولك هاي مرتي تعرف شنو مرتي

وليد هجم ع غزوان ولزمه من هدومه كله ميصير ولا يصير مثلك انذل انسان بالكون من تسلب حلم غيرك سنين.. شتحس يا خويه.. انعل ابو الدم الي يربطنا دم الخنزير اشرف منك..
غزوان دفعه عمتي بينهم تعيط
مرمر تحجي..

اندار اي احبها وكلكم قصد سويتوها
اي عبير لا تستغربين ابد يمكن احنا اغرب عائلة تشوفيها كل شي بيها غلط..

عبير اني ساكتين اندارت عليه كالت
انتي نجمة انتي انتي لا لا
واني اكول يحجي بيج شنو انتو

مستحيل مثلنا بشر..

عافتنا وصعدت فوك..
ركضت وراها عبير اوكفي هذا الحجي من جنا اطفال مو هسة...
تبجي اطفال او لا اني شنو ذنبي بينكم
فهميني شنو ذنبي
قذارتكم بينكم
اووي ياربي لا ماريد اتخيل انتي ووليد
واندارت ع فراشها هنا

كم لليلة كضيتوها سوة واني غشيمه

هزيت راسي لا لا عبير مو هيج.....

عبير /اني طالعه واشبعي بي.. لا اشبعي بيهم كلهم

لزمتها من اديها عبير

صااحت عليه بعدي عني لا تلزميني الا افضحكم
وفوك فضيحة سلاحه الا اخلي ينسجن وانتي هم وياه.. قذرة مقرفه زانيه..
كلامها جان اشبهه بالرصاص واستقر بنص جسدي

وعافتني ونزلت بسرعه..
بقيت واكفه فوك واسمع صوت عياطهم سديت اذني حيل
كافي ياربي كاافي..

خلصني منهم طلعني منا هذا كابوس كااافي..

نزلت بسرعه بلا ما افكر باحد
شفت عمتي لازمه وليد
من صدرة وادفعه كافي كافي عوف اخوك
وكامت تلطم مو اخوة اعداء انطيتني ربي

واندارت عليه ام البلاوي الله لا يوفقج

هجمتيها علينا..
حسيت احد جرني من شعري حيل
اندار اشوفها مرمر جانت اجر شهري
وجسمي يروح ويرجع وياها

دفعت اديها بسرعه..
وطلعت اركض من الباب..
وكفت بنص الشارع وين اروح

ركضت وصلت لراس الفرع..بديت اتنفس..
تعبت من الركض.. وين اروح اني

ارجع لبيت خالي
لو لعماتي وين ارووح

واخواني..

جتفت ايدي واني طالعه بهدومي..

للعنه بدريه علينا لليوم مستمرة
غباء من والدي جاب النا عصابة

ماعرف شسوي.. امشي وابجي

حسيت سيارة قريبه عليه..

وصاح اسمي نجمة اصعدي.

انداريت غزوان..

كمت امشي اسرع

اريد بس اطلع الفرع واوصل للشارع العام
شحط سيارته..

ونزل جرني من ايدي داكولج صعدي

باوعت عليه كتله خلص غزوان خلص عوفني

اخذ كل شي وعوفني ما اكدر الكم اني استسلم اليوم
لكل شي

غزوان /اصعدي ونتفاهم..

نجمة /وين تاخذني..

غزوان /شبيج نجمة امشي اصعدي احنااا بشارع ومنا العالم.. امشي

جرني من ايدي وصعدني بسيارة

ورجع بيه للبيت

كنت احس هاي اخر للحظات عمري

دخلنا للبيت..
وهو لازم ايدي بقوة..

عمتي ومرمر ووليد

كال عليه وع اعدائي.. ماخسر وحدي مثل ما خسرت نجمة اني انت اخسر عبير

ومرمر عمتي مالج مكان هنا بينا

امي انتي بكيفج تبقين ترحين بكيفج لا تبقين ذ

تهددين بيه ع الماكو
ربيت وكبرت وتعبت
وكام يصيح هي حتى البزونه تربي وترضع

كافي محد اله يمي شي

وكام ياشر بايدة يلا يلا خلصت كلمن لبيته
يلا..

عمتي تقربت منه وضربته راجدي

كالت لوما انت ابن بطني جان كلت عليك ابن حرام

بقى مصدوم غزوان

عمتي /ابن الحرام احن منك عليه
واندارت ع مرمر كله منج من طبيتي النا جبتي النا
الشر..

وهذا الشر صار بابني

هالمرة اكولج امشي اطلعي برررررررة

الله لا يوفقج بيوم شفتج واخذتج من الشارع

اطللللعي اطلللللعي..
شيطااان

محصلت منج شي بس الهم والخدمه والكراب
ووليد جان يلزم بامه
يمه لا يصير بيج شي امشي ويايه عوفيهم
عوفيهم امشي ماريد اخسرج

عمتي جانت تبجي بحركه

وتوحهه كلامها لغزوان
ولك ممقهورة ع شي انت ابني ابني تعرف شنو ابني بس شحجي شكول الله لا يوفق للحرام

اطلعي مررررمرررر

كعدت بالكاع وانتظر كل شي يختفي

هنا اتاكدت غزوان الابن الشرعي
حركه قلب جواهر وفرفحتها اكبىر دلليل

هنا اذكرت كلام ابويه يجي يوم وتترحميلي
زين مرمر ليش متحب وليد
يذكرها بماضي اسود

اما مرمر انطردت من البيت وطلعت...

غزوان بقى يحجي..
وليد كله كافي اسكت ارتاحيت هسة راح تموت امي

كافي غزوان خربت كل شي بحياتك وحياتنا

طمعك وصلنا للنهايه..

انتهى كل شي بعد..

رجعو التلازمو من جديد.
جتي عمتي جرت وليد وكالت امشي نطلع..

وجانت لابسه عباتها

من سمعت هيج انخرطت روحي بعد اكثر وكفت
بوجهم..

واني.. منو يبقى يمي وا

باوع ع غزوان

عمة لا تعوفيني..

عمتي تبجي شكد حجيت ما فاد وياج نجمة

كتلها مو اني السبب وليد عافنه وطب

غزوان.. /عوفيهم خلي يكتلهم الفكر ويرجعون يبوسون الايادي

امه اندارت عليه ولك لو مربيه جلب اهون

كلها اهوووو.. وعافها ومشى...

عمة لا تعوفيني وحدي يمه
هالمرة اني اترجاج ع عينج محد صفى عندي
محد.. وحدي

كعدت طلع وليد مبدل..

كلها شو كعدتي..

كالت اله / ونجمة..

وليد /امشي ويانه نجمة..

باوعت عليه.. كافي وليد..
ورجعت وجهت كلامي لعمتي

لا تعوفيني مثلهم.

وحدي بقيت..

وليد يمه نجمة راح لروح اقدم بلاغ
واجي لان تاخر الوقت.
اصبريلي. اجي الكاكم متحضرين.

طلع وليد وعمتي تكول ماعرف عليمن ابجي..

عفتها وبديت الم..
الكاع..

وهي بعدها كاعدة بالكاع

طلعت من المطبخ.. شفت غزوان جاي

كال راحو..

كتله لا محد راح ضحك باستفزاز اعرف ميرحون فلوس.. لازمتهم منو يلفيهم

اصلا لعبت نفسي من الكل..

نجمة/غزوان سؤال ليش..
غزوان /ليش كافيىعايشة دور العاشفه الشريفه الي تتمنع
وكافي هو عايش دور العاشق الحزين والبطل كل حجايه وكال اني واني هووو منو طزززز بي

تسمعين لو لا

تعبت منكم.. كلكم.. يلا روحيله خلي يعيشج بفكرة
تريدين اطلكج

كتله ياريت اخلص منك..

كال والله نجمة ومشى للمطبخ
فتح بوري المي..
وغسل ايدة

سجلي املاكج باسمي والله ومحمد وياج وناقص ع عرصه الي يبقيج ساعه..

كامت عمتي..
كالت اياج نجمة تنطي شي مايستحقة

كل شي عندة ميستحقه

اندار عليه وهو يمسح ايدة بله هاي شحاجيها هاي ام

رجعت كعدت بالكاع
وتردد ضيعت الكل اني من دخلت الشيطان بيتي
ضيعت كل شي
ربي سامحني وعينها ع الباب تبجي
يمه وليد ارجع

ارجع.

عافنا غزوان..
وبقيت اني وياها وحدنا عمتي فاصله
وتدعي برجوع وليد..
اكثر من ساعتين..

انفتحت الباب.. البرة
ودخل وليد
عمتي جانت كاعدة باب المطبخ

كامت بسرعه وركضت عليه
وتشبك بي وتبوس بايدة..

وتشمه حيل ظنيت ماشوفك بعد...

بقيت واكفه اباوع عليهم..
مااعرف شنو بيه...مخنوكه والدمعه مافارقتني

وكفت يم السنك ...

دخل وليد وعمتي يكولها يلا يمه لمي هدومي بسرعه
عمتي /يمه لخاطر نجمة نبقى
وليد /امشي ويانه لا تبقين هنا ..

سكتت ماعرف احجي
اندار ع امه وهو يشرب مي ما ابقيكم هنا
بعد
واخذ كلاص مي يشرب

يمه جيبي غراضي وهدومي
تحركت عمتي بسرعه..

وليد - نجمه ليش هيج تسوين دا اكلج خلينا نطلع شوفي شصاير بيج..وبينا
هذا البيت جحيم الج

نجمة-كافي وليد اعتقني والله تعبت من هل كلام ا شنو انت اول واحد يحب لو اول واحد ماياخذ اليحبها...
روح الخاطر ربك البيه مكفيني..
كافي روح شوف صرفه ويا عبير
منا غزوان ومنا عبير اتفضحنا ع الماكو وليد
اقسى شي عشته وياكم

اخذتو من عمري عمر

.رجعت للسنك اريد امسح دموعي...

مااحس اله باب الطرمه اندفر

فز وليد من مكانه

..وبسرعه
دخلو زلم مشوربين لابسين مدني..

واحد وكف يم باب المطبخ..
.وثنين تقدمو على وليد...الي حاول يستفسر منهم
وهو يعت بيده..

...منو انتم وليش جايين هيج..شبيكم منو انتو هدو ايدي اتي الملازم وليد من الحرس الجمهوري
بعد ايدك شبيك.

.كال واحد منهم...
...انت وليد مطلوب للدوله بحكم ضياع سلاحك...ويجوز انت مسلمه الجهه معارضه.. وخاين بلدك

...لا ضاع وقدمت بلاغ...

تقرب واحد جبير شورابه ثخان لابس قميص صحراواي
كال الوليد..... عدكم احد طالع لجوء للسويد
اسمها رضوة جعفر
وانت سلاحك ماكو
امشي ويعت بي..

وليد /يخاول يجر نفسه ويكولهم هسة جنت يم المقجم عدنا وفهنته..

...تعال ويانا وكافي تنعثل
...سكت وليد واني سكتت..
وصوت قلبة و قلبي بس هن الينسمعن
موقف خرس كل الاصوات
رغم صوت عمتي الي على
واجاها الرد بلا نفس

لا ليش انكر أمه وغزوان..
التمو بلمطبخ..
غزوان ساكت

بس هو عيونه اليه....
واني غمضت عيوني اريد اسيطر
على دكات قلبي ...
اريد اتحكم بيهن ..
..خلو الكلبجات ب ايده وهو منصي راسه وعيونه اليه
نظراته بيها عتاب..بيها قهر..

مشو ...واني مشيت خطوه وراهم
عثرت بس استندت بيدي على سنك
وهو الوحيد الي انتبهه على عثرتي كال..
...اسم الله نجمه..

هل كلمه اخر كلمه منه....
واخر نظره....فتحو الباب اخذوه وراحو
واني بقيت يم باب المطبخ

وعرفت من يروح وياهم بعد مايرجع
والسجن حيكون اهون الشرين

وعرفت السجن مو بس اله...
السجن الحبنا
الذكرياتنا
الاحلامنا سوى..
الحجينا سوه...
وحتى الرنت الخلخال السجن

لا اقدر ان اقول لك حبيبي
فااني سا أكسر قيد عاداتنا
لا اقدر ان ابكيك،واحتضنك

فقصة حبنا ولدت في درابين ضيقه
في ازقه بيوت بسيطه
وستبقى حبيسة سجنك المحتم
......
....
اخر كلمه سمعتها من بكاء عمتي المخنوك
هي من غزوان طبه مرض الوطني الشريف

يوم متعب.. مرهق انتهى

وليد انحكم بالمحكمه العسكريه
وقضية رضوة ولجوئها زاد الوضع سوء
واكثر من مرة ينطلب غزوان للشهادة. وانطلبت للشهادة وبعد التلقين من غزوان

نكرت كل معرفتي بيها..
ماكو شي يثبت نظافه سجل وليد من تهمه الخيانه
حاول المختار
وحاولو اصدقاءة
لكن لجوء رضوة ضيع كل المحاولات

واندك ع اسم رضوة ممنوع تدخل العراق مرة ثانيه
وبقينا تحت المجهر والشبهه

اما عبير بعد اسبوع من سجن وليد..

رفعت ضدة قضية طلاك... بشرط من اهلها تاخذ الغايب والحاضر.. وكل الغراض في سبيل عدم التشهير
وتم الطلاك

مرات اصفن اكول يمكن الوحيدة الي ربحت بينه
هي رضوة داست ع الكل و
راحت وخلصت من كل شي..

.....
مازن بعد حادث وليد اجه أكثر من مرة
ويتواصل ويا عمتي

كل مرة جان يطلب مني اتحرك. واقدم دعوة ضد
غزوان..

لكن بعد الي صار
غزوان تركنا البيت واتتقلنا للكرخ..
وتغير الرقم والمكان

وصرنا بعيدين عن مرمر
جانت تجي وتتصل بينا بين فترة وفترة
والوحيد الي يجاوبها هو غزوام
هاي الظروف الي صارت
قربتني من عمتي اكثر
واثنينة تقربنا من ربنا اكثر.

..........
قبل لا ننتقل
اما حلا بعد اسبوعين من غيابي عنها اجتي تسال عليه
ودخلتها للبيت
بس هنا عمتي جواهر..
حجت

كالت الها..
لو انتي شريفه متخلين عينج ع رجل صديقتج تلزمين ظهرها وتنصحيها مو تهجمين بيتها

حلا/نجمة شكو شصار

عمتي /سكتتني.. كالت الي صار عندج علاقه بغزوان والي هو زوجها
شفتيها فقيرة واكلتيها كلها شوفي حبيبه اطلعين منا بوجعج عدل للبيت تخابرين ابني المحروس وتنهين كل شي ويا
لو افضحج واحنا منطقه صغيرة..

حاولت تبرر بس عمتي منطتها مجال ابد للنقاش
........
بقت عمتي تنوح صبح ولليل ع وليد
ويدخل بقلبي الشك منو ابنها بيهم

هي ويا الاثتين حنينه والأكثر جان غزوان رغم غلطه ويا..

مرت ايام واشهر.
واني نفسي. رجعت للكتب والجهال مدارس
ونفس الحياة
وكل ثلاثاء احضر لعمتي كل شب لوليد
وتوصفه الي ضعفان وشعرة طويل
واللحية عاليه
وتبجي وجنت ابجي

ليش الفقير ماعندة حظ بهل دنيا ليش

بعد الي صار ابد مطرقت وياها عن وليد ولا هي
ولا حجينا بموضوع مرمر.....

كل اربعاء جانت عمتي تطلع من الغبشة وقبل بيوم تحضر الاكل والكليجه والهدوم وتروح تقابل وليد..
وترجع مثل الشبح..

اما غزوان.. وما ادراك ما غزوان
بقبت وياه مثل الروج يجيبني ويوديني
فوك أخلاقه
بدا يشرب ويلعب بالفلوس للعب

علاقاته زادت بشي مينوصف بلا خوف ولا ردع..

الى ان فديوم..

خلفله ع سجن وليد الي فتح النا باب
هي السبوتيه.
جانت كل سبت من الصبح تاخذني ونطلع اني وياها والجهال اغيبهم واخذهم ويانه ..

ننزل يم باب المراد..
ونطب ع السوك ناخذة فرة من الباله.. لحد اهل الذهب
ونشتري الي نحتاجه..

ونزور ونكمل ونطلع..
نشتري الشاميه والحلاوة الدهينيه للجهال..
ونتغدى بارقى مطعم هناك وللمغرب يلا ندخل البيت..

رجعنا احنا وهوستنا وغراضنا هذا بيتنا جان اكبر
وبناءة احدث دبل فاليوم ومرمر والبيت سيراميك

لعبها صح بفلوس ابويه وزاد هالخير خيرين.

محد من خلفه بدريه حصل شي.....

نزلت الغراض. وصعدت بيهم فوك

قبل لا افتح الباب اسمع اصوات

واحد ديحجي. كلت غزوان ديخابر

فتحت الباب.. ودخلت وعيني.. ع ايدي

من رفعت عيني

شفت غزوان وبحضنه وحدة مبين شعرها اسود طويل ولابسه اتك احمر بس حاضنه وايده تنزل بحمالات اتكها....
وتكوله كافي حبيبي شطلعت هاي
شافتي غزوان انتفض وبعدها عنه

شافتني.. ضربت ع صدرها واندارت ع غزوان

غزوان. كام ولاف نفسه بغطا
ستر نفسة وكشفها

شجابكم

احساسي واني اشوف هل منظر.. اخر بسمار نضرب بنعش روحي
كل جسمي فقد الاحساس
مااكمت اميز بين القهر
الحزن لان راسا ضحكت ودمعه طلعت مني
اضحك على نفسي لأن محسوبه مزوجه..وفوكها يخوني
وابجي على حظي وروحي الضاعت بين حانه ومانه...
ونداست بين القسمه والنصيب

مره عيني عليها
ومره عليه

كامت البنيه ودور ملابسها

صرخت عليه تقرب قذر
كام بسرعه والجرجف وراه لازمه
لزم حلكي اني افهمج نجمة مو مثل ما متخيله

يحاول يلزم ايدي و ييتوسل
والله نجمه انتي فاهمه غلط
صحت عليه خاين نذل شفهم ماتصيرلك جاره
امشي اطلع برة انت وهاي القذر يندار عليها وعليه
بس اسمعي صوتج امي والجهال برة

واني سديت حلكي بايدي

واشرت اله برررة انت وياها

اشكد ماجنت اكرهه وحاقده عليه...
هسه خيانته خلتني تلعب روحي منه..
احسه نكس..نكره
........
اخذها ونزلها من الباب الخلفي.

وطلع.. ورجع الي يعتذر.

كتله لهنا وبس طلكني ابوس ايدك لا انت تحبني ولا اني
خليني اخذ البقى من عمري واروح

تقرب مني
وحاول يلزم ايدي

وكال
اني ماحبيت ولا احب غيرج
ومستعد اكضي كل العمر وياج

انتي افهميني عاد سنين مرن واني اشوف بعيونج
حقد الي
غلطت طمعت كاافي نجمه كوني الي وحدي

حبيني واتقبليني كزوج
كافي هذا البعد بايدج تخليني اخونج
اخويه مو احسن مني اني احبج وانتي الي ومستعد الج هم اسجنج وامحيج اذا عفتيني
وحضني حبيني حبيني.. صدج يتعبني اكثر

دفعته بعد اتقززز منك افهمها

انت ابن الحرام واخوك الحلال

جان مواعي بشي

صعب تعيش ويا انسان حطمك لاخر شي
ويطلب الحب والسماح

نفس الكلام انعاد وهو وشارب
ويصبح الصبح ينسى الاول والتالي..

بعد هاي الخيانه الاخيرة
غزوان كام ميبقى بلبيت ومعارفة زادو
وكلهم كبار بالدوله
ولا حاول بيوم يسال عن اخو
وبقت عمتي تتوسل بي
بس هو هو زاد غرور وتكبر وجاه

...........

ا
فديوم كاعدين كلنا اندك الجرس
أكثر من مرة

كام غزوان فتح الباب جنا اني وعمتي خالين صينيه
بيها فواكه ونتابع مسرحية

سمعت صوت حجي عالي
كمت من شباك الهول

فتحتة شفت جهال ٢ ومراة

كمت
عمتي كالت شكو

كتلها مادري هسة اشوف
تمشيت وطلعت..
الهول الخشب.

الجهال بنص الطرمه وهاي مرمر وهذا شاب صغير
شعرة طويل شلون اليفريدو

و غزوان ديحجي

تقربت اكثر وصلت للباب
اندار عليه بعصبيه استلمي
هاي اختج هديه وجهالها تذكرو هسة عدهم بيت اهل

ونفس الصوت العالي جاوبت مرمر بحيث مالحكت اركز ع اختي
كد ما مرمر حاطه مكياج ونازعه الأسود

وتعلج وشحاطه العالية
وضحكت بوجهي شبيج.. عيني هاي اختج اجتي ع البيت القديم وجبتها
وصدك نسيت هذا انوسي زوجي

وللحكايه بقية

بارت (27)
وتعلج وشحاطه العالية
وضحكت بوجهي شبيج.. عيني هاي اختج اجتي ع البيت القديم وجبتها
وصدك نسيت هذا انوسي زوجي

اني غزوان واحد يباوع ع الثاني

انووسي؟؟ منو

نسيت هديه واطفالها الي طبو بنص البيت..

غزوان /عمة شنو ازوجتي
اني حضنتني هدية وتبوس بيه وعيني ع مرمر.

تخوصرت اله..

اي ازوجت شنو حرام

غزوان /عمة.. صدك تحجين بكد ابنج

اندارات ع الولد يلا عيني امشي نسو شسوو ببه قبل اشهر شمروني وحدي وهسة صار العيب العيب عليكم مو عليه حرام بيكم الربى..
امشي انوسي عيني امشي الله لا يعوزنا عليهم

انس/دخل ع الخط رجاءا استاذ هاي زوجتي شرعا وقانونا..ما اقبل اي احد يحجي عليها

هدية /شبيج نجمة. مشتاقه الكم ياربي صدك ابويه مات
وكامت تبجي ابويه اني مشبعت من ابويه واندارت كله من وراج مرمر الغضب

مرمر /اسم الله شببج انكرصتي.. ورجعتلي
لو انتي بيج شرف مجان كعدتي تتمعشكين بالداربين وشكلنا عيني.. شحجينا كلنا ابوج بس يجي يموتج وكامت اتصفك باديها..
تحجي مرمر ورجلها انس يكولها لا تغثين نفسج حبيبتي.. عوفيهم
عمتي طلعت ويا هالهوسه..
وصافنه..
جاوبتها
هدية / ولج

قاطعهم غزوان هاي عركات الدرابين انسوها
وروحوا مين مجيتو
اششس ولا صوت عالي..
كاعدين بمنطقه راقيه والناس كلها مسامعه صوتنا
عيني انت انس مدري.. شسمك اخذ عمتي واطلع

انس /رجاءا بلا طرد رجاءا

احترم نفسك رجاءا..
غزوان اندار ع امه كلها هذا الي يوازيك.. على الغلط

بله شو ابو رجاءا اطلع ودفعه يلا..
ولي.. طلعهم وركع الباب حيل..
اندار ع هديه وانتي يلا اخذي جهالج ورجعي مين ما جيتي

عمتي كالت اله اسكت عيب هالحجي البنيه خطار

بالاثناء دخلنا داخل البيت..
اني جنت مصدومه ب مرمر اكثر من صدمتي بهديه ورجوعها..

اخذت فترة يله كدرت احجي واسولف..

كعدنا كلنا بالمطبخ..

احساس غريب راودني..
ماحس هاي اختي ولا اني خاله الاطفال

كعدت هدية ومسحت ادموعها بهدومها..
واخذت حسرة ابويه ماات ومراضي عني.. مو
سنين واني ضايعه بدونكم..
وجنت احلم بيوم ارجع

بقيت اباوع عليها اريد اتاثر ابجي ماكو اي احساس
عمتي /الله يرضى عليج.. وين اختفيتي

هدية /شبيج نجمة شنو ضايجة مني

هزيت راسي الها لا..

غزوان كام كال اني راح اطلع..

اخذت نفس كتلها شرجعج
جانت مندارة وتحجي لعمتي عن جهالها

اندارت باستغراب شبيج نجمة اني اختج..

ليش هيج ياربي تعابيني حتى بلي بقوا

كمت.. وبديت احضر شي اقدمه الها..

ترست القوري مي..

وكفت بصفي ولزمتني من جتفي
شبيج نجمة اني اختج نسبتيني..

هاي المشاعر المتضاربه الي مالها قرار
ولا موقف..

جريت بقوة اديها

كتلها جيتي متاخرة حيييييل هووووايه متأخرة
جيتي ع التوالي ماكو اخ ولا اخت

كل شي راح بذاك بيتنا القديم

هدية اذا جايه علمود ورث فابويه تبرة منج

وماعندج اي حصة هنا

هديت ايدها وخليت القوري ع النار ومثل كل مرة ارجف..

كتلها واذا جايه ع اخت فماعندج..

عمتي كامت وتلطف الجو يلا حبيبه انتي هم غلطتي
ودمرتي نفسج وخواتج..
وجرتها وكعدتها

نجمة استهدي بالله
هسة نفتهم..
اطفالها بحظن امهم ولا تحركوا
جنت اباوع عليهم وارجع عيني ع الطباخ
شزرعت بينه بدرية
وين صفينة

هاي الصخرة ع صدري اريدها تنزاح واخلص

قدمت الهم كليجه وجاي
نزل غزوان مبدل وكاسخ وعطرة من قبل لا يطب شميته

وصل ويعدل بساعته

كال طالع اني اخاف اتاخر لا يضل بالكم

واندار ع هديه..
اعتذر منج جنت عصبي وهذا بيتج.. الثاني

واندار عليه محتاجه شي اجيبه ويايه

كتله لا تتاخر

اندار عليه..

اي ليش اكو شي..

كتله ماكو شي بس سالفه انتظر حتى ترجع مزعجه
وتعرف كلش زين ما انام اذا ما اقفل البوب كلها

ولا اهتم لكلامي

وتقدم ع جهال هديه فدوة شكد حلوين

شنو اسمهم

كالت اله هاي سارة وهذا سجاد..

وطلع فلوس انطاهم..

الاطفال ماخذو بس ذبها عليهم

وطلع من البيت..

كالت هذا نفسه غزوان..
عمتي جاوبتها اي نفسه
هدية /ولج عيني ولا عرفته متغير وكبران..
وباوعت ع. البيت والغراض

الله يحفظكم ووليد وين..
عمتي سألت عن رجلها
لعد رجلج وين هديه ووين رحتي هالسنين كلها

هديه /والله ياعيني... صار ٦ اشهر رجلي عايفنا وعايف هالجهال عليه لحد ما الي م الصبح عمتي طردتني والله.. لان بعد متتحمل لا اني ولا جهالي
بدون سبب عافنا
وطالع من البيت اني ازوجت ع سنه الله ورسولة
وكامت ادور بجنطتها وطلعت ورقه شوفي هذا عقد الزواج
وقربته مني
بس قريت اسم هديل بي وعدي..

ورجعت تبجي اني تمرمرت والدنيا شمرتني جنت طفله ما افتهم شي

واتقشمرت واقسم بالله سبب مرمر ما عرف شنو الي بينكم بس هي السبب

اذكرت كلمها من تكول الا اهج منكم بس اكبر

عفتها تكمل كلامها

ما عقبت ع شي..
رجعت تكمل واباوع ع اطفالها كملو الكليجه كلها
وحتى الجاي شربو

قلبي وجعني..

فتحت الثلاجه شفت باقي من الغدة

لحم وبتيته
طلعته

كتلها هديه جوعانين... اندارت عل

يه

كالت لا وعاطت بجهالها اكعدو يمه

شبيكم انهرشتو.. عيب..
واندارت ع عمتي والله مخزيني.. شكد ما اخلي كدامهم بس هم هيج

عمتي /شبيج يمه هم الجهال هيج ع كيفج وياهم..

حبيبه نجمه سوي لكمه

رجعت كررت سؤالي لهديه

هديه جوعانين..

غصت بجيها كالت والله والله من ساعه ٨ الصبح طردتني عمتي اني وهل جهال وين اروح وماعندي ع كد الكروة
رحت كعدت يم الشيخ.. وسالت وسالت عليكم مخليت باب مدكيته بس لا خالي باقي ولا انتو

كلها طلعت مناك..
مدري شلون وذكرت العنوان واجين وسالت
ودلوني الناس الخيرة
بس لا لكيتكم ولا لكيت ابويه

والله مجايه ع ورث..
اني خسرت كل شي.. من يوم الي طلعت

منكم والخوف جان رادعني من اجيت ماعرف ابويه عدل لو ميت نجمة اجيت كلت خلي يذبحني بس بعد ما اتحمل.. هل جهال وحدي وابوهم مدري وين شرد عنه لا خليت مركز ولا مستشفى
لحد ما جماعه كالو الي طلع قشق

ماعرف وين واني صفيت اخدم

واندارت عليه تذكرين من شفتج بالمستشفى

هاي وياي جانت عمتي نجمة..

اخذت حسرة اذتني اكثر من الجنون الي اتهموني بي بيوم..

وبديت احضر الهم الاكل..
ورجعت تكمل النه سالفتها
وهي
فديوم جانت متواعدة ويا عدي تشوفه
وشافتها مرمر
مر مر محاجيه شي انتظرت ترجع وتكولها

ابوج راح يذبحج ويموتج والا اكوله
كومي هديه اخذي ذهبج وفلوسج وبححة رايحه لخالي
معزومه
وعدي الي مشايفته ولا اعرفه
من كلامها يشتغل بنجرجي واكبر منها بهواية
وهي تندل بيتهم..

رايحه ع اهله وكايله الهم هي تحبه ويحبها
وغلطانه ويا
كوم ابو اطردة من البيت
وهي جانو ناوين يرحعوها

لبيتنا
بس عدي شاف ذهبها والفلوس ما خذها وعاقد عليها وكاعدين بغير محافظه ومشتري بذهبها محل
وجابت بنتها بعد ما مرت هالسنين رجعو لبيت ابوه
وجان ابو ميت
وكعدت بينهم وخلفت بعد

واستمرت حياتها بعيدة عنه...
ونكرت هي ماخذة فلوس الحلال

وشافت اخواني وححيت الها عن رضوة

انصدمت..
واتفاجئت واستغربت بزواجي من غزوان
كعدت سلسلت الها الأحداث كلها
وشلون الغلط الي غلطته.. خلانه ندفع ثمن جببير..

بعد ما اتعشو فرشت الهم بغرفه زايدة من البيت ونامت بدون متحس هي واطفالها
وسديت الباب وطلعت..

شفت عمتي..
كالت ميخالف نجمه هاي اختج ومن لحمج وين تروح فهميني..

كالتها شفتي مرمر متزوجه..

كعدت بالكاع..
كالت موجديدة ع مرمر تزوج صح حبت ابوج بس تحب نفسها فوك الكل

هنا اتشجعت اني..

كتلها عمة اني اعرف كل شي
ومن كلتي ع غزوان ابني يعني هو ابنج
ووليد ابن مرمر

استغربت مني
تقربت منها وكعدت كتلها اعرف كل شي مرمر حجت الي..
اخذت حسرة وعدلت الكوشة وره ظهرها وانتجت

عليها

كالت/يعني مرمر حجت الج..

كتلها اي حجت الي كل شي.. رجعت راسها..

وكالت الاثنين ربيتهم اني ماكو فرق بينهم ابد
بس صدكين وليد احن عليه من ابن بطني

كتلها عمه السالفه ادوخ شلون مرمر تكول اني جبت وجابت ورايه جواهر
رفعت راسها عليه

كالت وين اكو هيج كذابه.. جابها عمج الله يرحمه وهي وياها جاهل بالكماط وجان غزوان توة يحبي

صفنت عليها.. وشكلها كله تغير

كتلها شنو جابها..
ازوجها؟

عمتي/لا لا شيزوجها اسمعي عمج من بابه العرب الي يربون عادي جهال غيرهم فديوم رايح لبغداد
وشايفها هي وياها هل جاهل يلكع بجي وهي لا عدها حليب ترضعه ولا فلوس استخطاها وجابها

يمنا وخلاها شوفي مرمر بيها طبع بالاول فقيرة كلش احتمال اجر الج سنين
هي تخدم بينا حتى لعمتي الجبيرة تخدمها وشايلتها شيل

كبر وليد بينه اني وابو غزوان

وهي تخليها ع الجرح يطيب.. وهالكد ما فقيرة حبينها صدك..
فديوم مرمر اختفت كلبنا عليها الولايه ماكو

عافت هالولد وراحت
مرت كم سنه واسجلو مدارس هالجهال
انكسر خاطرنا عليه

روح ابو غزوان سجل وليد باسمك

زين يمه
دارت السنين وابو غزوام والحجيه انطوج عمرهم بلسل
ورة مدرة رجعت مرمر
علينا تبجي وندمانه كولي شنو وين

طلعت مزوجه واحد يمنه وماخذته من مرته

ذاك الرجال كم سنه ومطلكها رجعت بينه
وتعرفين هالوضع تعبان

واهلي مو هنا بالعرب وصعب ارجع الهم
واصلا احنا ع كدنا

خلتني ابيع البيت واجي لبغداد بحجة
نعبيش هناك ونشتغل

كولي قشمرتني و اجينه كرطنه فلوسنه واحنا بنزل

وتاليها ازوجت واحد حداد يمنا
حتى ابوج يعرفه..
متشوفين جان ميخليها تطلع وحدها حتى لو يمنه
من وراه لان هل حداد شهر واطلكت منه كوة

لان ما عجبها وضعه
وجنت اشتغل اسوي خبز طرشي الف كبه اغسل البيوت
وهي تساعدني
وشافت ابوج ورسمت اله رسمه معدله
وزوجته
ماكذب عليج كلنه جنه نتمنى نطلع من الفكر رطوبه البيت اكلت عظمنة

بس اقسم الج لا ادري بمرمر سبب هزيمه هديه ولا اعرف بالفلوس
ودنجت راسها وكلنا ندري من اول يوم اجاني وليد كلي يمه حبيت بنت الكصاب

بس كلنه جهال وينسون..

والله مافرقت بينهم ابد الاثنين حبيتهم

والاثنين ولدي.. اني تعبت بيهم واني خليت الحرام يخربهم

ومحد دمرنا غير مرمر
والله يعلم شنو اسمها..