فه الي متخلص ويا سولاف..
هي مباشرتا بعد خطوبه وليد شلنا..

وجنا كلنا ملتهين بالشيل والحط وغيرها..

بعد ما استقرينا بهذا البيت...

وفديوم اني وعمتي وحدنا .... رتبت الغرفه الفوك ونزلت يمها
جانت بالطبخ..
تسوي بالباميا..

وكفت ارتب بالمطبخ..

كالت نجمه
انداريت عليها نعم عمة..

راح اسولفلج سالفه صارت بينا بذاك بيتنا..

كتلها اي اعرف سوالفها متخلص..

اتجاهلتها وكملت شغلي..

كالت تعرفين بيوتنا ومناطقنا بيت بصف بيت مينضم بيها شي
وكل شي ينعرف..

فديوم اكو وحدة جارتنا.. حلووة.. ازوحت وهي صغيرة..

بس ماحبت رجلها.. ابد
اني بقيت امسح بالطباخ.. وبالي مو يمها اصلا اريد اشوف رضوة مشتاقه الها

وكملت عمتي..

تعرفين البيوت مفتوحه.. للكل جان عم زوجها
عم يعني اخو ابو هم شاب وصغير بس من ذولي الشقاوة طول وعرض وشوارب عكس رجلها فقير وع كد حاله وحمال يطلع من الصبح لليل حتى يدبر لكمتهم
المهم ما اطولها عليج ليش ماهاي حارتنا تعشك العم
وبنفس الوكت هو يعشكها بحيث يطب ويطلع عليها
واكثر من مرة الجيران تشوفهم سوة
هنوب العم مايرضى يزوج وباقي عليها بهل علاقه الحرام
يعشكها وهيلة والي يجيب طاريها.. بالموزين لا يذبحه من الطول لطول

وزلمتها ولا يدري شيصير
وكامت تبزر الى ان خلفت ٣ ولد..
ومحد يعرف من الاب لو العم
المهم حبيبة
فديوم رجلها المكرود دخل للبيت..
وشاف عمه اخو ابو فوك مرته والاثنين كما خلقني

كوم العم واضرب ابن اخوك بسجينه بنص قلبه
وكومي جيرانه اخذي جهالج وانهزمي

والعم دخل السجن..

انداريت عليها..

اي..

كامت يمي.. وكفت وعينه بعيوني كلها دمع

كالت نجمة.. ابوس ايدج لا توكعين الاخوان بالحرام اترجاج

غلطنا وياكم صح عبالنا جهال وتنسي وتروح
هسة لا وليد يرضى يزوج ولا انتي ترضين بغزوان

بقيت مصدومه بكلامها وماعرف شحجي..

كالت شفتكم.. وانتي حاضنته.

ورجعت بفراشي..
لزمت ايدي.. يمه الحرام مر رغم خلاته..
واذا غزوان عرف راح يخرب حياة اخو
ابن موخوش اتحملي يجي يوم ويتغير

ماريد اخسر ولدي نجمه

واني اعرف واكدر احجي لابوج

جريت ايدي منها كتلعا احجي ياريت مخايفة
والله

ياريت حتى اخلص منه..

جرت ايدي وباستها سحبتها منها بسرعه

عمة شبيج مو هيج

دموعها كامت تجري.. نجمة وليد يحبج وانتي تحبي
وغزوان ومرمر نعرف

بس عبالنه جهال وتنسي

فدوة لطولج اروح ماريد اخسر ولدي..

نجمة/وخسراتي اني منو يعوضها..

بقت تباوع عليه..

كالت مابيدي شي.. اني وليد يختلف اني ربيته ومرمر ربت غزوان..

وليد ميستاهل يتاذى.. حلمه يكون ضابط

وغزوان اذا عرف يبلغ عنه.. بشي موزين

نجمة اذا تحبي عوفي يمه

والحرام دربه مو حلو.. صدكب اني اكبر منج وراح اساندج واوكف بظهرج..

الى ان الله يفرجها...

نجمة/يافرج عمة..
كالت لا لا كولي يالله.. غزوان يتغير وتعيشيون حياتكم وتخلفون كلها مسألة وكت مو اكثر..

طبت علينا مرمر وانتهى كلامنا..

كالت شبيج ام غزوام عبونج حمر..

ام غزوان /ماكو شي بس اذكرت المرحوم

مرمر /اذكري شي بي خير رحتي ع الفكر..
واندارت عليه حبيبه اريدج تعزلين وياي البيت..
لان تعبانه وظهري متكسر..

نجمة/والله مرمر مالي دخل اني بشغلج هذاك بيتج وهذا بيتي..
؟
مثل ما انتي عندج مسؤولية اني هم عندي
مرمر/هو منو يوصخ البيت غير اخوانج لو عليه اني وابوج شعدنا قابل..

كتلها همة اطفال يعني شسويلهم
مرمر/والله اني معلية اني مو خدامه جايبيني وكلي وغسلي وانتي شلتي ايدح وذيج اختج شحجي وياها وتكولي ادرس

هاي شنو غداكم باميا.. واندارت ع عمتي عيني دزيلي جدريه صغيرة ونتغدى بيها ولزمت ظهرها اوف اوف ظهري ديموتني.. ماكدر اسوي كل شي..

وكعدت.. ع كرسي..

باوعت عليه نجمة روحي شطفي البيت.. وغسلي الطرمه..

وسبحي اخوانج كاتلهم الوصخ..
عمتي/جيبيهم يمنا احسن.. وبليل وديهم ينامون

نجمة /لا والله يبقون بيت ابويه ومرمر عيني كتلج اني مالي دخل بكل شي اظن من اخذتي ابويه كلج ع الجهال ماله داعي هذا كلامج..

وابويه يدري بهذا حجيج..

كامت وصاحت هييييي كل حجايه ويدري ويدري شفتني اعشك لو ام درابين لو

قاطعتها...

لا عيني لا ام درابين ولا ام طرشي تفترين ع المحلات وياهو الثكيل اتلكطي..

دخلت ابينا امةغزوان..

وتسكت بية وبيها ومرمر تهددني الا تخلي ابويه يكسر راسي..

وطلعت من البيت..
بقيت احجي عليها وعمتي ساكته..
ولا حجت شي..
من كمل الغدة.. عمتي طلعت الها واخذت الها حتى الخبز وراحت ودته
ورجعت تكولي مقهورة منج..

للعصر طكت روحي..

رحت يمهم شفتهم نايمين وبس رضوة كاعدة

وحجيت الها الي صار..

كالت ميفيد الحجي وياج...
تعبتيني..
ترة هي باقيه واحنا نروح هي مثبته نفسها وانتي حايرة ياوليد ويا وليد..

راح اسالج سؤال وليد شكلج..

كتلها ميريدني..

كالت وغزوان..

نجمة /هذا اكرهه اموت منه..
رجعت سالت ووليد

كتلها شجلبتي انتي..

رضوة /شوفي عيني وليد انتهى وراح لا ضل

ين وليد وليد ورفضج لان يعرف بيج مو ويا غزوان والله

اساليني اني اعرف بكل شي..

شوفي كضيت عمري كله اراقب غيري وكل شي بي اخذة درس وعرفت شلون اتصرف
بس مثلج غبائج مشفت موتيني اعدل بيها تروح تلبس الطاك وهل قراصه الحمرة

احجي وياها تروح تعير بغزوان..

كتلها شيوي يعني..

كالت جربي حبي غزوان هذا زوجج ليش حب ذيج
وفضلها عليج

شوفي ابويه عاف امي من ورة وحدة لسان

انتي مراح تحصلين شي وربج حتة هذولي الجهال تكبر وتكفخ بيج..

كافي نجمة لو هدة وحدة لو ماكو

مثلا اسالي غزوان شيحب وشنو هوايته

مثلا اسالي يامطرب يسمع

هيج تقربي اله..

ويجوز يطلع خوش ادمي..

مثلا سويله اكل.. وصعدي ماعون فواكه
اسالي شبيك
ترة مو الة ذيج الشغلة..

فهمتي لو لا واكيد لا اوي خلي اكوم تعبين الي ميتعب
وسالفه تغرين رجال انسيها الحياه مو هيج

اروح اخابر تحسين اريد اطلع شلون هنا يمنا
حديقه والناس تكعد بيها

راحت ورجعت

تريدين وليد يرجف غيضي بغزوان وروحي ذبي هاي ملابسج جنج..
عبوشة المخبله..

كتلها ولج..

عبوشة وحدة جانت يمنا مخبله سعرها منفوس و هدومها وصخة وريحتها تكتل .. وياجاهل تشوفه تضربة.. بحيث اذا نعرف ببها بلدرب ولا نطلع...

وطلعت جابت التليفون وكعدت تخابرة وتفقت تطلع وياه العصر..

وجنت اسمع كلامهم وضحكم..

بداخلي احس حساس غريب لا هو غيرة ولا حسد
بس جنت اتمنى اعيش مثلها..

وخرت السماعه كالت تجين ويانه اليوم

هزيت راسي اي اي اجي

مدري شحجت وياه بعد وسدته كالت روحي بدلي..
وتعالي خلي اكول لابويه..

رحت بسرعه..
طبيت شفت غزوان يتغدى..

كتله راح اروح ويا رضوة نطلع..

بدون وين ومنو كال روحي..

صعدت بسرعه لبست تنورة عدله سودة وقميص اسودومشجر بحني..
صح عريض بس حلو

ولميت شعري.... ولبست قراصه جوزي ترهم ويا القميص وطاك ابو الوردة بي شذر الوان..

وحذاء الروغان ابو الطكه وجنطتي الروغان

ورتبت نفسي بحمرة وماسكارا

بس شنو طلعت كمر..

ونزلت بسرعه
ماكو ١٠ دقايق جهزت..

رحت يم اهلي شفت رضوة بعدها تلبخ بروحها

وممبدله ضليت اكولها يله وخلي نروح..

الى ان كملت بس لبست بنطرون كابوي وتيشرت ابيض ولمت كل شعرها فوك عالي ذيل حصان

وخلت حمرة وردي..
وكحل..

ةلبست حذاء خفيف.. مو مثلي كعب..

اندارت عليه طببي القميص جوة ولبسي هذا الحزام
وطلعت كتافيات كالت لبسيهن ارتب
وفتحي شعرج احلى..

مقبلت اني
المهم اجه علينا وطلعنا ورحنا كعدنا بحديقه حلوة
وجبيرة وبيها عالم هوايه كاعدة وشباب

خطيه تحسين يروح ويرجع يجيب النا شي..

وجانو اثنينهم واحد لازم ايد الثاني وكاعدين.. يسولفون..

واني وحدي اباوع عالعالم.

مدري شلون..

سمعت رضوةتكول لخطيبها انت صدك متستحي

وبنص العالم..
ضربته بجيس الكرزات..

وكالت كومي.. شصار شكو

اجر بيه امشي..

ولج شبيج

اندار هو من فشلته كاعد نفس مكانه

كالت امشي فوكاها معاجبه..

ولج فهميني شكو

اخذتني الطريق كلة تحجي عليه وفوك الضيم رجليه ماتن الحذاء عالي..
كمت اعرج يمه علما وصلنا لبيتنا متت
دخلنا كالت كل شي لا تحجين
طبينا

مرمر /بالمطبخ ها ولجن رجعتن

رضوة /اي رجعنا

وطبيت وراها للغرفه

كامت تنزع..
كتلها فهميني شصار

كالت شفتي هاي ام الاسود الي كاعدة كبالنا..

كتلها اي؟

عيني عجبته الاستاذ يكولي الله يستر عليها حلوة

والله لو يصغو ذهب ماريدة..

مبقت عليه بس وصخ رجليه..

كتلها مابي شي كلامه شدعوة هالكد عصبيه..

اندارت عليه..
مناقصني شي مال وجمال ودراسة

مجرد كلمه يمج ويمي لا موقف..

نجمة احنا بنات بدريه مناقصنه شي لا تخلين واحد يستهزء بيج..

اذا عاجبته خلي يروح عليها محد جبرة عليه زين عيني

وربج يجي مثل الجلب ويعتذر ويبوس الرجل اصبري ميمر اليوم اذا مو هو هنا

نجمة /يمعودة ضربتي بنص العالم.

رضوة /طبة مرض حتى يعرف شحجي بعد

نجمة/مستحيل يجي هسة تشوفين..

رتبت ملابسها وخلتها بالكنتور

كالت مضل شي اتخرج وادخل طبيه

والله نجمة مابقيكم هنا اخذكم وكلنا نكعد بيت..
واحد ولا حجايه من مرمر ولا غيرها..

هسة اجاري كل شي لاجل اوصل للي اريدة

بين مدنحجي مرمر صاحت رضوة هنا تحسين يريدج

طلعت وطلعت وراها واعرج.

كاعد بالهول اول مطبت

اتخوصىت اله شتريد جاي

تحسين/هو هذا تصرف منج بله كدام العالم

رضوة /والله ماكولك غير مو اني الي ينحجي ويايه هيج

تحسين /يجي ابوج واتفاهم وياه ع خبالج هذا
وبدا يلين ترة مقصدت والله
رضوة/ اي واضح

تحسين /تغارين عليه

طلعت منهم وافر بايدي يالله تكرمت رجلي وهم حايرين تغارين عليه بس والله قويه شلون عرفت يجي
شبيه يحظي اني..

اخذت الجهال ورحت بيهم للبيت..
سبحتهم وعشيتهم يمي..

وبدايت احضر العشا للبيت...

اندك الجرس
مفتوحه الباب بس ميبين منو
كتلها عمة فدوة شوفي منو الجهال كاعدين هسة يكومون..

.

اسمع عمتي تصيح هلا هلا تعال يمه ادخل.. وصوت تبوس..

دخل وليد وياه.. ج

ياسه..

السلام عليكم

مجرد رفعت عيني عليه ودنجت..

كال يمه جايب وياية دجاج شوي

لا تسون عشا..
اخذته مم ايدة وتبوس بي..

واخذته اللهول
هالمرة احساسي اختلف احس بفشلة ويا..

واذكر كلامه شلون رفضني ونفرني...

كملت العشا بس الي

وحضرت عشاهم الهم وعفتهم وصعدت

بيومها بات يمنا وليدوراح من الصبح

كلام امه او كلامه ماعرف مخلانب حتى اباوع بوجهه

لكن ثاني يوم انصدمت نازل حتى يكمل خطبته

ويجي يكعد يمنا

زين شنو الي اتغير هو جان رافض..

عمتي من يوم الي حجته ويايه بعد ابد محجت شي

غزوان احس هو بدا يتجاهلني وميريد يشوفني..

بقى وليد بهاي نزلته يروح ويرجع علينا

بس اني ابد ما انزل ولا اشوفه..

فديوم الصبح.. اندكت الباب علينا

العامل مال ابويه جايب طشت لحم..

وخلاه بالطرمه..

كال الف مبرووك..

بقينا اني وعمتي وحدة تباوع ع الثانيه ومعرفنا شكو..

اخذته عمتي وطببته بالمطبخ..

رحت ع بيتنا طبيت..
شفت مرمر ممددة بالمطبخ..

شفتي ورجعت راسها

كتلها شكو شبيج
الجهال وين..

كالت يلعبون.. وضحكت ولزمت بطنها

اني حامل..

انصدمت كتلها انتي مو ميصير عندج

كامت وكعدت امر الله هذا الحمدلله.. راح يترس حظني..

وكامت تمشي..
ارووح امدد للغرفه ابوج كال متتحركين لحد متجيبين

عمتي اجتي ورايه

سالت شكو

كتلها مرمر حامل..

هي هم انصدمت شنيييهاااي...

حامل...

مرمر /شبيكم عيني اي حامل وباست ايديها

شنو عجبه فتحتوا حلوكم عليه..

بيج حظ حبلي نجمة

ام غزوان /اي ان شاء الله تحبل وتجيب تووم..

حامل مرمر يعني مرمر صارت الكل بالكل

يعني مراح نتنفس بعد

عزة بعيني عزة..

ابويه يحبنا بس يحب مرمر
والقهر اجه ابويه مثل الطفل فرحان
ويكولي بابا عينج عليها بابا ديروبالكم
وكانما اول مرة يصير عندة طفل

يا ضيمج يانجمة اخاف كمت اكعد ب ١٠ الصبح وبراحتي

كمت مالحك

اكوم من ٧ يادوب اللحك ع بيتين من كل شي
بس التركيب ع عمتي

متت وهاي احنا بعدنا باولها

بحيث بس اريد اذب راسي... وانام..

فديوم كاعدة اني وغزوان بالغرفه

شفته لازم كتاب ويدرس.
سالته غزوان
نعم

انت شنو هوايتك..

ضل صافن عليه.. بله انتي شنو هوايتج

كتله ازرع.. مو اوصيك جيب شتلات وازرعها..

كال حلو.. الخضار

والله نجمة هوايتي السباحه..

نجمة هاااا حلو

زين شتحب تاكل..

غزوان /احب النواشف وامي موتتني بالمركه والتمن

نجمة/شنو يعني.. مثل شنو

غزوان/كبه كباب بتيته مخلمه هالسوالف

هااااا اسويلك

كال خلي ادرس عندي امتحان..

كمت يمه اسويلك جاي..

بقى يباع عليه
غزوان بكيفج...

نزلت بسرعه بس جنت احس جابرة نفسي ع الي اسوي

خليت الجاي يمه
كال شكرا نجمة تعبتج

خجلت كتله لا عادي
ورحت نمت

ثاني يوم شفت الممر متروس شتلات وسماد

عرفت غزوان جايبها الي

واللتهيت للعصر ازرع بيها والجهال تساعدني
مرات جنت من اشوف الجهال وفرحتهم
وخاصه سعتد. تعلم بشهاب تكوله
لك مو نمنم هاي ماما وتقصدني
جنت افرح
وانسى كل شي

بنفس اليوم العصر اجه وليد وكال لامه كملت كل شي

وحددو يوم الخميس هم مهر وهم نيشان..

الجاي..
عمتي /شنلحك غير تحجي نشتري ملابس وغيرها
كال يلا يمه هي يومين رتبو نفسكم بيها

واندار عليه تعالي نجمة مو متجين..
اريدج توكفين وكفه لحماج
من اخت لاخوها

بارت (16)

بنات بدرية..

منو بدرية

بدرية طفله مدلله عند ابوها وامها بس هالوحدة الهم
بيبتي من بعد امي طبت للكبور وهي نفسة
لان ابوها مات... يكولون من بعدها انجبست..
السالفه مو سالفه كبور
لا لان حتى بيبية امي خلفتها قليلة بس ولد وبنيه

جدي إلله يرحمه متزوج ولا دور وراها ابد.
جان راعي غنم
ومن الراعي صار كصاب مشهور
تكول امي..
جدي يكول ع وجهه بدريه شفت كل الخير
لهذا
.

بقى ع بيبيتي. .. وكبرو بدرية
ربت بدرية وهي كل شي تريدة يجرى الها بدون نقاش..

ربت مدللةوبنت عز وخير..

زواج امي

هنا ماعرف.
صح ابويه حفة وراها
او
جدي اقترح عليه زواجهم

بدرية.. كبرت واشوفها تشتري ذهب هواية.. وتجيب اشكال غراض للبيت.
وملابس.. النا وقماشات
مقصرت رغم قسوتها ويانه عود من اجه شهاب فكت

امي جانت تريد تسوينه هوايه.
لان عاشت وحدها.
وجانت متحب خلفة البنات تكول همهم ميخلص

وسبحان الله صرنا ٤ بنات
وبعدين اجاها الولد،، شهاب،،

وبقت تريد بعد.. عزة لكبرتها مثل متكول..

الى ان حبلت وبالولادة ماتت
ولا ربت شهاب ولا حضت بكاظم
ولا احتوتنا..

كل ماذكر حجايتهاانتو بنات بدرية..

سبحان الله لا بقى النا اسم ولا الها ذكر
بينا غير بس بالمشاكل نتعير بنات بدرية..

عرفت اكو اشياء نلح بيها هي سبب تعاستنا
وايقنت.. بوفاة امي انتهت سعادتي..

جنت سابقا اسمع من النسوان الخلفة تكسر الظهر

وصح تكسر الحنين بس..

اشوف الكل عايش واني بس اركض ورة اخواني
الكل ممهتم

وحتى ابويه حباله مرمر سحبته منه اكثر واكثر
انتهى عندة وفر النا فلوس ورياجيل سترنا بيهم..

ولهنا مسوؤليته تخلص..

انك تنظلم وتشوف الي ظلموك كدام عينك
وغصب لازم تستمر حياتك ويا الكل..
اني مو هديه وانهزم
ولا رضوة واتجاهل الكل
اني نجمة

........

اندار عليه تعالي نجمة مو متجين..
اريدج توكفين وكفه لحماج
من اخت لاخوها...

هلهولة وطشت جكليت....
صوت اغاني عالي.

واسمع. كلووووش.. باذاني فززتني..
لواقعي..

شفت العروس..
كاعدة ولابسه بدله كلها تول وكراكش حمرة..
وهذا بصفها وليد لابس قاط زيتوني..

وهنا مىمر لابسه هاشمي اسود وذهبي.. وفاتحه شعرها.. وتهز ركبه
انداريت عمتي. بصفي تصفك وتهلهل

بعدت من الهوس الي تخنك وانتجيت ع الحايط

وكفت بصفي رضوة..

ولج شوفيها شكد حلوة..

رفعت راسي اي حلوة.

رضوة.. تعالي نكعد تعبت اني..

كعدنا ع جهه اليسار وهالعالم تركص وتغني وتدبج
ع صوت المسجل..

لزمت ايدي نجمة..
انداريت عليها نعم..
كالت انتي قويه...

هزيت راسي اي..
وابتسمت الي طالعه تخبلين..

هسة ساعه ونعوفهم ونرجع..
بيومها رضوة جابتلي فستان وردي طوخ وسوت شعري بالاوتي صار مي..

حتى هي كعدت خلتلي المكياج

لحضات جنت احس اني عروسه.. اله

وللحظات افز واصحى واشوف عبيركدامي

العروس حلوة وصح بيضة وطويله وشعرها اسود مسوي تسريحه

جنت اتمنى اختفي
محد يحس احساسي ابد

وليد مو مجرد شخص. حبيته وانتهى لا

وليدجان يعني الي كل شي حلو بحياتي

صدك احبه ومن اشوفة احس روحي توكع..
وهذا قلبي ما اسيطىر ع داكته رغم
صرت اشوفه هوايه بس بقت هاي اللهفة بروحي ولا بردت

هسة هو كبالي كاعد. بصف خطيبته
ولا زم اديها..

شفت مرمر فاتت من الكل وجرتني تعالي ركصي..

كتلها لا ماعرف

كالت ركصي شبيج راج تموتين وجهج مال عزة
جريت ايدي منها بقوة

كتلج ماعرف..

سوتلي اووي
وجرت رضوة..

وكفتها تصفك وياها

شفت خلو كدامهم الكيك والشربت
والذهب..
هاي التفاصيل معشتها

جنت متلهفه اشوف
وجنت اتخيل تفسي
وجنت وجنت..
حسيت اختنكت..

دفعت نفسي بين العالم وسالت ع الحمام
مراه عجوز دلتني..

ودخلت بالحمام

ماسويت شي غير.. واكفه انتظر الهلاهل تخلص

وكل شويه اريد اطلع وارجع بمكاني
واكثر من مرة يدكون عليع الباب

بس بقيت..

الى انهدات والظاهر بدات العالم تاكل..

طلعت وشفت حتى وليدماكو

كعدت بمكاني.

رضوة قدمت الي ماعون الكيك

كتلها ماريد امشي نرجع انتي مو كلتي ارجعج

رضوة طلعتنا هسة تبين اكو شي..

كتلها اختنكت كلش راح ابجي..

رضوة اوكفي يمعودة.. هسة اجيج دقايق ما اتاخر

بقيت كاعدة انتظرها واحاول اشتت فكري باي شي
المهم ما اباع عليها
شوية ودخلت وبنص الهول كالت كومي يمعودة

ولازمه باديها شهاب
بس شنو مطربس بالشربت ع هدومه ويبجي..
كالت كومي يلا

كمت اجتي يمنا مرمر هاي شنو

اندارت عليها رضوة شنو يعني راح نرجع مدتشوفين شمسوي بروحه

هو احنا ممكتوب علينه نفرح

مرمر /دبقو هسة اشوفله هدوم
رضوة /ششوفين لا نرجع حتى. هدومي توصخت..

وجرتني اني والجهال وطلعنا من البيت...

وصلنا للباب جان تحسين واكف بسرعه اخذنا وصعدنا بسيارة..

والي يمر ابالي بس صورة وليد هو عبير
واتخيل ضحكته وابتسامته.. الها
بقيت اطلع من الجامه..

وعرفت اني انتهيت بالنسبه الة...

اول مرة بدون دموع اواجهه موقف صعب
رغم احس كل شي

بيه يبجي الا عيوني رفضت البكاء...

رجعنا للبيت..
وبقى يمنه تحسين.. وجنت كاعدة وياهم بس كل فكري مو يمهم اصلا..

مر اليوم ورجعو والكل يحجي بحسن عبير..
واهلها...

كلام بكلام يوجع
كمت ادور بخت بنات بدرية وين.
وين ادور بخت للي ما عندة بخت.. اني ممرتاحة اني تعبانة

مرهقة جدا لدرجة تألمني دقات قلبي
انفاسي..
تألمت شوقاً
وتأملت كثيرا...
باغدآ سوف يكون أجمل
وسوف تتفتح جميع زهور حياتي.

لكن كنت أروي زهور ليس لها جذور..
وفي اول صيف احترقت..وتيبست اوراقها.. .

حالة جنون وجع..
شوك بداخل روحي..

وليد كاعد كبالي.. وبايدة حلقة..

ومبتسم ويسولف..

واني اموت..

زين اذا جابها لهنا شلون يكون الحال

شلون اشوفه هو وياها..

مكدرت.. عفتهم.. وصعدت..

جنت اروح وارجع ماعرف شنو اسوي
اروح اوصل يم الشباك وارجع يم.. الباب

دك التليفون..

رحت جاوبت
صوت بنيه
الوو

جاوبت نعم.. تفضلي

كالت بدون زحمة غزوان موجود..

نجمة/منو حضرتج

المتصل/اني سولاف انتي منو..

كتلها اني نجمة مرت غزوان انتي شتريدين منه..

سولاف /هااا نجمة.. حبيبتي صيحيلي غزوان كوليله سولافه تريدك..

سديته بوحهها..

شفت الباب انفتحت..

غزوان / منو اتصل.

انداريت ع التلفون كتله سولاف..

غزوان /شكلتي الها..

كتلها جوزي منه هذا انسان مزوج..

غزوان/منو سمحلج تححين بالنيابه عني..

كعدت ع الجرباية..
واباوع ع غزوان شكله تغير ومتعصب..

راح ع الفون يريد يتصل..

كتله تحبها؟؟؟؟

سد السماعة..

نجمة هذا موضوع معقد مراح تفهمي.

جاوبني ع سؤالي بس تحبها..

غزوان /اي احبها

كال اهوو تريدين تتعاركين واني مالي خلك وراجعين من مناسبه..

جان صوتي كلش هادئ..

نجمة /لا والله بس سؤال ابد مهما كان ردك.. اتقبلة

غزوان /نجمة كتلج موضوع معقد.. صعب تفهمي

كمت اخد راحتك...

وعفته ونزلت..
جنت وين ماروح عمتي وراية تمشي
تخاف لا اروح التقي بوليد..

اني عفتهم..
براحتهم ورحت لبيت ابويه.
وبقيت يم رضوة نسولف
رجعت تنصح بيه بس هالمرة كتلها ماريد ل شي مع بعد..
.

حتى من قهري نمت يمهم.. ومحسيت الا ثاني يوم..
يكعدوني..
وابويه مستغرب نومتي يمهم..

كتله ماكو شي بس اخذتني السوالف ونمت هنا

مرمر جانت كوة تكوم من الفراش عبالك حامل ٩اشهر
والي يقهر ابويه
كمت سويت الهم ريوك..

وكاعدة اني وابويه والجهال نتريك

ومرمر بعدها نايمه بعدها..

اوكل بالجهال وابويه كلي الله يرضا عليج

سوي ريوك لباجيتج خطية متكدر تتخرك بابا

وشغله ثاتيه البارحه اشتهت كراعين راح ادز وسويلها

ماو صيج عليها..

ابويه/الف الحمدلله.
وديكوم..

كتله واني مستمرة اوكل بالجهال الله لا يرضى علية

رجع شنو..

كتله الله لا يرضى عليه كون ومالي دخل ابو نجمه ابو شهاب..

تعبت اني من كل شي حسو بيه ختى لو عبد حتى العبيد تنعتق بيوم

ابوية شبيج نجمة شنو هل حجي

كتله مابيه بس تعبت مالي دخل واذا ع عل جهال جيبهم يمي
ومالي دددددددخل مابيه حييييل تعب

كفر اتعب لو جريمة..

ابوية / شبيج نجمة هم بحسبة امج عمتج..

من الباب اسمع مرمر ياساتر شكو من الصباحيات..

هاي شكو طبت..

شكو جعفر..

كلها نجمة تعبانه...

مرمر خير ياىبي من الصبح منو دايس ع طرفج

نجمة.. /بابا اني راج اخذ الجهال يمي بلبيت حتى نومتهم يمي وانت ابقى يم مرمر دلل بيها بعد وبعد

امي جانت تحبل منا تكوم منا لو نسيت
ولو انت نسيتنا حتى
وجريت الجهال..

اسمع تكوله ابد متحترم شنو هل صلافة.. ياربي

بالجذب متكول ابويه ومرته..

ابويه كال.. ولج نجمة..
وكفت.. انداريت..

ولج لا عبالج طولتي شبر وازوجتي ولسانج طول عليه..
غصبا ما عليج تحترمين مرت ابوج..

مابين اريد اجاوب والسكوت..

كتله احترمها ع عيني وراسي بس مو معناها كلها براسي اني هم بشر كلكم عايشين الا اني
زوجتني لواحد
مرمر قاطعتنه وتبوس بابويه.. يلا لخاطري انسى

تقربت منهم ودفعتها.
كتلها زوجتني لواحد بس همه فلوسي وصار بفلوس امي.
ذولي عائلة نصابه..

ووكفت بوجهه..
حسيت خدي صار نار.. ابويه ضربني راشدي

وضل يحجي مثل امج نفس الطبع الله لا يوفقكم موتوني..
دمرتوني عمر راح ويا امج شحصلت منها غير الأمراض وانتو كملتو الباقي..

عليه..

الجهال تبجي.

كتله موتناك مرضناك انطيني حصتي من امي ايجاراتها ورثنه هذا من حقنه مو من حق هالحية

شحجي الك وانت ماحاس بينه
بله تعرف جهالك ساكلت شربت لو بس مرررررمررر جنت احجي بصوت عالي

هجم عليه يريد يضربني مرمر ضلت تصيح يبووو يبووو .
طلعت للطرمه والجهال تركض ورايه
حسيت احد جرني.. وخلاني ورة ظهرة
اباوع غزوان طالع بالفانيلا والشورت الداخلي يكول شبيكم شكو شكو

ابويه.. تقرب منه..
وضل يحجي ويسب بيه..

غزوان كله عمي ميصير هيج تسوي وياها هي مو طفله.... وهي مرتي

ابويه كله من انعل ابوك لابو مرتك امشي اطلع برة..
....

جرني غزوان وطبينا للبيت..
شكو شبيكم اني بس ابجي ع

متب كامت من نومها
وراها وليد.

كال شبيكم

غزوان /ماعرف طلعت دافتح الماطور مال مي واسمع صوت بيت عمي عالي

طبيت شفت ابو نجمة يريد يضربها..

واجاوز علية بالكلام جان رديت

بس اني انسان واعي ومثقف ودارس وتعبان ع نفسي

مستحيل انجر لهيج نقاشات عقيمة..

عمتي اخذتني وراحت غسلتلي وجهي..
وحاولت تعرف شكو بس محجيت شي..

مرت الايام وابويه ميحجي ويايه ومن بعدها ابد مرمر ما طلبت مني انظف البيت بس اغلب الوقت الجهال يمي..

يرحون بس ع كد النومه وبس..

ووضعي زاد سوء مابين تمرد ومابين تعب
بديت اضعف وشكلي اتغير حسيت ضيعت كل شي مني
شريد اتغير وشغير من نفسي

عرفت مرضي هو وليد مو غير شي..

بدات الايام تتغير
ووليد

عقد محكمه
وعزمو اهل عبير يمنا بيومها رضوة اجت يمنا
لان جنت ماكدر لروح يمهم ابويه زعلن مني واني اكتفيت من الكل
حتى ماريد اححي وياه

اجتي يمنا هي ومرمر ومرمر هم متحجي ويايه

صعدنا فوك..

كالت نجمة كافي انسي وليد جنت اصطنع القوة واكولها لا اصلا اني ما افكر بي..

ورتبتني واختارت الي ملابس لبستها

وبدات تمكيج الي

تمكيج وتحجي عليه وتكولي
بشرتج كلش تعبانه ولج حت ىفجوج مبينه شجاج
نجمة
احس ماعندي روح
صح اتحرك بس بلا روح واتمنى انهزم بيت ومابقى يمهم...
يردون مني حل
وين الحل
غزوان ميريدني ولا دراسه درست ولا وليد ولا ابويه
رضيت بهذا نصيبي
وع الماضي الحنين الف ونه اون

لبست تيشرت وردي كلابية ..لونها بنفسجي
ولازم البس الخلخال مال وليد..
هذا اخر شي منه..

ودخلت عبير وامها وبس..
جنه محضرين اكل مال عشيرة
برياني ودولمه وسمج..
بس مااجوي باقي اهلها

عبير جانت لابسه كوستم كريمي
وفاتحه شعرها وانتبهتع حمرتها الحمرة..

ووليد لابس بنطرون قماش اسود وقميص مقفل زيتوني..

طبو وسلمو علينا
ودخلو بالهول
جانت عمتي مخبوصه وفرحانه بيهم

سبحان الله يابدرية دشوفين خيرج وين ديتقسم..

كمت اساعدها وفرشنا بالهول
انترست السفرة اكل..

ونزل الكل ياكل
الا اني كل شويه عيني اباوع عليهم وارحع

اخلي لكمه بحلكي..

بحيث الكل شبع وكام.. واني حسيت ع نفسي الماعون الي يمي بعدة هو هوة..

كمت الم بالاكل وياهم
واودي وعبير ويانه تشيل وتخلي
وتحجي وياه عمتي خاله
وين اخلي هذا..

نزعت سترتها لابسه قميص ابيض جوةالسترة..
بين جسمها اكثر..
جسمها جان كلش متتاسق
رغم هي مو صعيفه متروسه بس حلوة

تقربت منها جريت من اديها
كتلها لا مشكورة حبيبتي. انتي عروستنا.

عمتي.. كالتاي حبيبة
روحي يم رجلي و سولفو..

كالت لا.. وضحكت..

امها يمها مرمر مديت راسي مرمر تحجي وياها وتاشر باديها وبت ت اديها توكع من من الثكل متنشاف من الذهب

الي لابسته

كلت بكلبي شتكولها هذا ورث ابويه
لو دبات الطرشي سوت هالعز
والله وكت

كالت عبير

انتي نجمة.

ابتسمت الها اي نجمة..
عبير/يالله شكد حلوة؛ وشكد يحجيلي بيج وليد

عمتي جانت تصفي بل اكل..

كالت اكعدي يمه عبير روحي يم رجلج..

رجعت كالت لا هنااحسن

كالت تعالي اشوفج
وغسلت اديها ع السنك
واخذتها من يمي..

ودخلت للهول

اجتي رضوة يمي.. كفت اديها.

كالت يلا اعاونج بسرعه..

غسلنا المواعين. وكملنا رضوة راحت للبيت
واني كملت الجاي

واجتي عمتي اخذته

اهدومي اتنكعت بالمي.

بدون ما اشوفهم

عفتهم ورحت صعدت فوك..

كملت المحجر.. داروح لغرفتي..
اشوف الغرفة الي بصفي مفتوح ضوها..

شنيهااي

منو داخل بيها.. اهوو راح تتوصخ..

تقربت.. من الباب..

وفتحتها كلها..
وبقيت واكفه

شفت بوجهي. ضبط.

وليد وعبير.. ايدة بنص شعرها والثانيه ع خصرها
وديبوسها
جان بوجهي هو. شوفني. بعد عنها
. من الموقف عفتهم
وومشيت ركض
بركضتي داطب لغرفتي.
انركعت بالحايط ووكعت.
انداريت شفته واكف وليد يباوع عليه
رجعت كمت وطبيت للغرفه وسديت الباب

ماعرف شنو احساسي بالضبط
بس احس كل شعور بيه مات اكثر واكثر..

مطلعت من غرفتي بيومها الى طلعو
وجنت من اسمع يصيحوني اطب بنص الفراش واغطي راسي
عود نايمه
صعد مرتين غزوان عليه..
طفة الضوة..
ونزل..

كل يوم يمر وهم سوة جان يذبحني
واصعد ع غزوان اشوف.. ملتهي يحب

بس اني الوحيدة الي لا حضت برجيلها ولا خذت سيد علي

وصحيح بدا التعب عليه وكل شكلي اتغير وعيوني جواه اسود حتى اكلي ما اشتهي الاكل
ولا اشتغل
بس اطلع شويه للحديقة.

اشتم هوى نظيف وارجع للبيت امدد..

اتكررت جيه عبير يمنا.
همسهم وكلامهم.. ضحكتهم..

جنت اجنبهم..
واحاول مالتقي بيهم.

الكل تغير وصعد للقمة بس اني نزلت للقاع..
صدفه
واكفه بالمطبخ واجه وليددياخذ مي من الثلاجة
كتله وياج للوحه مو؟؟
رجع دولكه المي..
وليد / الماضي انتهى نجمة.. جنتي كل شي بالنسبه الي بس هذا قرارج واتمنى مرتاحه

نجمة نفس سؤالي
تحبها..
وليد / نجمة دتلعبين بالجمر ومتحركين بس نفسج

دخلت عبير..
اندار عليها
ها حبي عبورة

عبير /وين صرت ضجت وحدي وانت ماكو وخلت اي

دها ع جتفه اووف شوكت تلتحق..
وجرت ايدة يلا تعال..

وليد /روحي هسة اجي
اني سويت نفسي امسح الكاونتر

راحت
كال نجمة..
كتله كافي سمعت الجواب عبورة

وعفته ومشيت

جنت ضايعه..
وماعرف وين اروح
ولا شسوي

ولا اتصرف.
مليت من كل شي..

فديوم بليل غزوان ديتصل مثل كل مرة..

فتحت الباب.. عليه كام ختى ميغير كلامه لا يستمر..

اخذت ملابس خفيفه الي.. الي ممجرتها ولا لبستها بيوم..

ودخلت للحمام..
لبسته وخجلانه من نفسي شلون راح اطلع بي

بس ماكو شي ابالي غير اعادل هذا الوجع الي بداخلي
حياتي تتمحور ع غزوان ووليد
ماكو غير منفذ اطلع منه..

وكفت كبال المرايا اتقبلي غزوان وعيشي
حاولي وياه يجوز يصير عندي اطفال.. وانسى واعيش
وتبت هدومي وجان شعري مبلل
لفيت خاولي عليه
ولبست روب وطلعت فتحت الباب..

غزوان جان مدد وديحجي..
بعد السماعه كال شويه وتعالي

بس اني اجاهلت كلامه وذبيت الروب جنت لابسه
جواه دشداشه خفيفه.. لونها ابيض عسا تبيض ايام
حياتي

وكفت ع المرايا..
وبديت اخلي عطر وامشط شعري..

جنت اباوع ع غزوان سد الفون..

وبقى يباوع عليه..

كوة اتنفس خجلانه خايفه ماعرف ماعرف
تقويت وذبيت المشط
وتقربت من الفراش..

ضل يباوع عليه ويبتسم..

خيرج نجمه..

كعدت.. ع الفراش..

غزوان..
كال احجي عاد شبيج..

ماكدر احجي. شي..
كمت.. كتله لا هيج بطلت..
بسرعه كمز من الجربايه..

وتقرب مني..
وحاوطني.. وحسيت بطرف اصابيعه يتلمس جسمي..

وصوته بهمس احجي شنو تريدين..

كتله هيج والله..

كال هذا الجمال وهل لبس مو هيج..
وقرب شفته يم ركبتي..
وطبع بوسة

اول مرة بحياتي رجل يلمسني..
حسيت احساس غريب.. شي دافي وبنفس الوقت حسيت برد
واخذت نفس..

اصعب احساس جنت اتخيل هو وليد..

وغمضت عيوني.

وتم زواجي الفعلي من وليد..

.........

ثاني يوم.. كعدت من نومي وهو ماكو.

احساس ندم.. او انتصار ماعرف..
افسرة بس اني زوجته..
حبيت اعيش هالاحساس..

اكون زوجه..

كعدت اكو ابتسامه ع وجهي يمكن حسيت انتصرت ع حب غزوان.

سبحت ونزلت وجنت اسال عن غزوان..

كالت عمتي طلع من وكت شعجب واليوم جمعه

بسرعة سويت اكل يحبه
وصعدت فوك رتبت الفوك وغيرت الفرش

ونزلت كلت لعمتي زواجنا تم..
عمتي هلهلت وجانت كلش فرحانه
والاسعد من هذا وليد جان موجود..

ودخل يسأل..

امه كالت معليك انت سوالف نسوان..

بس رحت دخل لامه..

وماعرف شنو الي صار بعدي

للظهر اجه غزوان وكفت بلباب وانتظرة

دخل اخذت من ايدة المسواك

وبديت افتح بالجدورة كتله سويتلك

كال نجمة تعالي اريد احجي وياج..
وصعد بسرعه

عمتي دفعتني روحي شوفي شيريد

وليد كاعد ع الميز ومجتف ايدة

كالت عرسان جدد روحي يمه..

رحت صعدت..
ودخلت..

جان يريد يسبح..

كتله تريد احضر الك الحمام

سد الباب كال اسمعي نجمة

الي صار بينا البارحه اكبر غلط..

ماعرف شلون ضعفت.. واستسلمت اصلا اني راح افاتح والدج واطلكج

ماكدر اكون زوج الج واني ماحبج..

نجمة /يعني..

غزوان.. اني اسف ع كل شي نجمة..

وراح افاتح ابوج..

حياتنا غلط تستمر..
اسف وسد الباب وطلع..

كمت اضحك. لا يشاقه يشاقه اكيد

لا مستحيل..

لا..
اني شسوي هسة.. لا..

بقيت اكرر كلمه لا..

وماعرف شنو اسوي..
ماعرف
الصبر بحدود وصبري انتهى
كلبي مات وانتهى كل شي...

بعد الي صار تمرضت. بنفس اليوم.

ايام ونايمه بالفراش.. صخونه.. عاليه..

وزرفوني ابر..
جنت راسي ماكدر اشيلة من الفراش..

جتي رضوة يمي اداريني
ابويه اجاني ويبجي يم راسي
مرمر
غزوان الكل
يبجي عليه
عرفت الطيب كل شي يخسر
من دكتور الى دكتور.. انتهيت صفيت الربع
يادكتور ادخل اله يحولني مستشفى
حتى يسطر ع حرارتي..

بقيت بالمستشفى بردهه النساء ٣ ايام
كالو بيه سحايا
وطلبو يحولوني لغير غرفه وحجر عليه
انتهيت.
اصحى شويه وارجع اصخن..

قبل لا يحولني.. سحبو مني دم
مع العلم تحليل السحايا نظيف بس باشرو
بعلاج السحايا لان كل شي مابيه.

جنت اصحى..

بنفس اليوم .. ورة المغرب جنت لازمه القران بايدي وادعي لان تعبت من المرض..
اهلي راحو يجيبون اليه هدوم ورضوة نزلت تشوف التحاليل

دخلت بنيه شابه وياها مرة سمينه
نومتها ع السديه الي بصفي

فتحت عيوني وجنت اسمعها تحجي..

هذا الصوت مألوف مو غريب

فتحت عيوني..

انتبهت مرة سمينه نايمه والثانيه لابسه جبه سودة

وشعرها قصير اصفر

متروسه..

كالت الها ابقي هنا اجيبلج بطانيه..

ياربي صوتها مو غريب..

حاولت اكعد نفسي..

كتلها هنا اكو بطاطين بالدولاب.. واشرت الها

اندارت عليه
انتفضت
هاي
هدية..

للحكاية بقيه

بارت (17)

حاولت اكعد نفسي..

كتلها هنا اكو بطاطين بالدولاب.. واشرت الها

اندارت عليه
انتفضت
هاي
هدية..

كلتها بصوت المرض اخذ منه العافيه اريد اكوم ماكدر

هدية هدية.. واشر عليها..

المراة تباوع عليه وهدية هم

اجتي يمي وذبت كل ثكلها عليه وتبوس بيه

هاي اختي نجمة هاي نجمة وتندار ع المراه الي وياها
هاي اختي..
وتبجي..
بقيت. حاضنتها وابجي..

ولج وين عفتينه وين رحتي وارجع اباوع بوجهها وارجع احضنها..
اريد اكوم ماكدر..
بقت تبوس بايدي نجمة..
انتي نجمة شبيج شيوجعج..

الموجودين كلهم يباعون علينه..

خذت نفس ومسحت وجهها وكعدت بصفي

كالت شبيج شجابج هنا..

ورجعت شبكتني وتبجي..

ثواني وكامت..
كالت يمه منو وياج راح يذبحوني..

ياربي اريد اجرها ما اكدر

كتله لا لا ماكو احد هنا بس اني ورضوة

هدية /بخوف والدموع تصب ع خدها
لا اروح.. واندارت ع المراة كومي...

نجمة /ولج هديه لا ترحين...ماكو احد

كالت ماكدر نجمة اروح بس كوليلي اهلي شلونهم

كتلها وين رحتي وعفينا ولج شلون هنة عليج

دنجت راسها خفت.. وصارت..
جريت اديها مين خفتي ولج هدية

المراة الي وياها..

وكفت بصفها....

وتعدل بعباتها..

نجمة /احلفج بروح امي لا ترحين هدية

يارب اريد حيل وقوة اكوم الزمها يارب هاي اختي

ولج هدية..
تعالي.. ليش نزلتي راسنا وبكتي ابوج ولج هذا ايوج

هدية / ضربت ع صدرها يافلوس
نجمة /فلوس الحلال

هدية / نجمة ماعرف شدتحجين مرمر بعدها موجودة

نجمة /اي موجودة..

زادت بالبجي.. وتححي بصوت مكطع
اساليها ليش انهزمت اساليها..

تقربت مني رجعت حضنتني.. بكل قوتها

لزمتها من اديها.. احجي مرمر شعليها باوعت عليه

كالت هي السبب شافتني ويا عدي..
وكالت الا اكول لابوج ويذبحج وانهزمت بسرعه..

نجمة. وتبوس بايدي

ابويه محلل دمي وعندي جهال اندارات ع المراه
هاي عمتي والله ازوجت بحلال الله

بس تعبانه بدونكم..
شيوجعج حبيبة كون بيه عساني بالموت

المراة تصيحها هديل امشي
لا يجون اهلج..

هدت ايدي..
اني اروح.. اوكفي احنا كاعدين بفلان منطقة وابوج بعدة كصاب ارجعيلنا هدية

بقيت اصيحها هديه هديه

مراة عجوز بصفي كالت انخرسن عادنريد ننخمد..
هم مرض وهم تخرطن..يا اختي ويا امي
اهمدن..

بين منداريت على المراه

هدية راحت.

كوة سحبت نفسي.. واجر المغذي ويايه..
كمت وكفت..

مشيت للمرمر.

ادور ولج هديه لا ترحين ارجعي ولج هديه وينج

انتجي ع الحايط وامشي

حسيت ايد لزمتني.. غزوان

شبيج نجمة واشر اله هديه والله هديه اندار كال ارجعي
نجمة..

ولك داكولك هديه هنا

العالم اللتمت عليه

امشي. وين رضوة..

بقيت اصيح هديه هديه..

اجتي رضوة وكوة جروني ورجعوني للغرفه

احجي وياهم هديه جانت اهنا اني شفتها

رضوة تبجي عبالها تخبلت

لان الكل كال السحايا تخبل لو تصكط

كتلها عوفيني.. مداكذب اسالي العالم الي يمي

بس مهتمت لكلامي..
وبقت تبجي..

انداريت عنها وعكفت نفسي وكمت ابجي والله
هديه وشفتها بعيوني متخبلت والله.

نقلوني بغير غرفه..
وحدي وتفصل بينه.. ستارة من نايلون..

ماكو شي غير

ريحه المعقم و الجرجف الازرك.. وصوت الانين

والابر الي بايدي خلتني احس بقيمة الحياه الي الله انطاها الي رغم كل شي اعوج بس كل شي ولا المرض

المرض ياكل روح صاحبة بس..

المرض انطاني اقوة حكمة بحياتي
واصعب درس مريت بي..

خلاني يوميه اوعد نفسي بس اكوم اعيش لنفسي فقط
ماكو اقوة من انك تكون عاجز
وتستجدي الرحمه من الكل
مرات اتوسل يخلصوني من الالم
ومرات اتوسل بيهم اموت واخلص
ومرات ابتسم واكول هذا اخر علاج الي
..كل شويه يجوني..
ياخذون دم او ينطوني علاج..

بقيت اربع ايام.. اني عايشة ع الابر والمغذي...

اسوء ايام مرت بحياتي

فديوم

جان موعد جيه الدكتور.. للفحص..

دخل دكتور صغير بالعمر..
كلب بالاوراق مالتي..
وححة ويا الدكتورة الي بصفه..

بالانكليزي..

وكال للسستر اقطعي العلاج من اليوم..

احساسي راح اموت..
زين ياربي ذولي الجهال منو الهم
امي ماتت واني هم..

كتله دكتور يعني ماكو امل..

كال.. تحاليج كلها نظيفه ليش شبعو جسمج بعلاج
مينفع

متاكد الي عدها فايروس..

وبنفس اليوم عاد الي مجموعه تحاليل
وكلها طلعت نطيفه

وكتب الي خروج من المستشفى..

جان حلم اطلع من هالاربع جداران الي ريحتها كلها مرض
وروحها الشكوى.. والتوسل

جنت ابجي من اشوف غيري يتالم..

وجنت انطيهم من الاكل الي عندي..
او انطيهم من فراشي..

من يصير الليل تبدي القصص
الي كلها الم
هاي العجوز الي ذبوها ولدها ولا مرافق وياها
وهاي الشابه.. الي تمرضت فجاءة ووكعت

وهاي اطفالها يبجون عليها

واخر وحدة غطوها بصرخه من بنتها هزت اركان المستشفى

متعرفت ع احد الكل تشكي وتسولف عن حياتها الا اني بقيت اسمع بلاوي الناس..

طلعت وودعت نجمة القديمه..

اول مطلعت برة المستشفى اخذت نفس عمييق

حسيت الهوى ترس ريتي

..

شكد مشتاقه لكل شي..

صعدت ويا ابويه..

ووصلنا لبيتنا..
استقبلوني بذبايح.. جنت تعبانه اريد اسبح وانام ع فراشي..

اول مادخلت ركضو عليه

بعدتهم عني خفت لا شايله مرض واعديهم..

دخلت بدون ما ابوس احد..
دخلت اخذت هدوم وسبحت
وكل فكري بهدية

وشلون مرمر ضيعتها منه

ماكول فقيرة هديه لا بس جاهله ومرمر الجبيرة

لو احجي محد راح يصدكني..
لبست ملابس جديدة
وجنت اشم بيها حيل اىيد ريحه المعقم تروح من خشمي..

نزلت.. وجان الكل كاعد..

وعمتي كامت تهلهل وطش جكليت عليه..

عيني ادور شهاب و سعادة

لكيتهم كاعدين يم ابويه

زعلانين مني..

رحت كعدت بالكاع.. وفتحت ايدي اجوي اثنينهم بحظني..

بقيت اشم وابوس بيهم
واكولهم علمودكم بس انتو رجعت للحياة

بس انتو..
بس انتو..

كعدت.. وكعدو يمي..

جنت اباوع ع واحد واحد بيهم..

احسهم غربة عني..

غزوان ابويه رضوة

الكل..
صبو غدة..

ترس الهول..

كعدت اكل كل لكمه اخليها بحلكي احمد ربي ع عافيه الاكل

اول مرة احس الاكل بي طعم طيب

طيب لان العافيه موجودة..

صدك اكلت لحد الشبع..

كملت وتعذرت منهم وصعدت اريد انام..

طبيت لغرفتي رغم اكرهها بس سديت الباب وضحكت..

وبسرعه شمرت نفسي ع الجربايه واحضن بالفراش
فرحانه..

بصحتي وحياتي

لفيت روحي.. وحضنت الغطة

وبدايت اقرا ايات تعلمت اقراها بالمستشفى..
بدات تاخذ عيوني نوم

حسيت.. اكو احد يم راسي..

فتحت عيوني غزوان..

كال نمتي..
نجمة /اي نمت..
غزوان /اني اسف نجمة.. اسف

نجمة /ع شنو اسف

غزوان /ع كل شي سويته بيج..

كمت عدلت نفسي..
كتله بصراحه.. تعبانه ومالي خلك هالحجي

غزوان /حقج بس راح اعوضج
ولزم ايدي..

جريتها منه.. شتعوض؟
غزوان / اعوضج عن الايام الي مرت..

واشرت عليه اني وانت.. هههه.. لا لا غلطان يلا عيني اطلع منا اريد انام النوم اهم منك

ها نسيت راح اطلك لان منرهم اذكرك انت دارس ومثقف واني الوصخة.. ريحتي زفر..

غزوان /نجمة مو اعتذرت

رجعت راسي ع المخدة..
حسيته كام..

وبقى واكف..

كتله طفي الضوة.. وسد الباب وراك..

نمت نووم مال طفل توة جاي للدنيا..

نمت وحتى ما حلمت بشي..

كعدت الدنيا فجر.. وحدي نايمه بالغرفه

نزلت ادور اكل بثلاجه..

شفت اكو كباب طاوة وطماطه..

طلعتها..
وجريت من جووة الكرويته صندوك ببسي..

واخذت بطل فتحته وكعدت اكل

احس جسمي يريد اكل..

مرضي مجان مرض

جان اهمال مني لناس متسوى

جان احساس زايد مني لناس عديمه الاحساس والمشاعر..
سوف اعيش لنفسي فقط

لا احد يستحق العيش من اجلة..

كملت الاكل... وغسلت ايدي..
طلعت شفت..

غزوان نايم بالهول ع القنفه..

رحت شغلت التليفزيون

وجان عالي كل صوته..

بس وشه لان انتهى البث..
وشششششش

غزوان كمز من مكانه هاي شنو هاي شنو

كتله ماكو شي بس عبالي اباوع مسلسل

كال ساعة بيش هسة

كتله ٤ الفجر

كال نجمة يامسلسل هسة

مجاوبته وعفت التليفزيون مشتغل وصعدت فوك

صعدت شغلت الضوة وبديت اطلع بالمكياج وارسم ع وجهي..

دخل غزوان.

حسيته خايف مني

كال شدسوين..

كتله دامكيج..

نجمة ساعه ٤.. مطفي الضوة دنام.. باجر عندي دوام

انداريت علية..

اني منعسانه..

غزوان /بس اني

قاطعتة دوامك الك مو دوامي شي يخصك روح حير بنفسك..

غزوان/هاي شنو نجمة.. ترو ساكت لان..

كتله اي كمل ليش ساكت

غزوان،، جر مخدة وغطه لان مريضة

ضحكت.. المرض مرض الروح مو الجسد عالج نفسك انت وعمتك ام راسين

غزوان يباوع عليه بعصبيه جنت اشوفه من المرايا رجعت اخلي حمرة

. غزوان /ولج احترمي نفسج ولج

لا تخليني اهينج

نجمة / يلا رجال سويها وهيني حتى اشهرك...

جتف ايدة قويانه نجمة.. لا تستفزيني

اخاف تريدين ادفيج وتحبين هالسلوب

اشمئزيت..

كمت..
وبايدي الفرجة الخشب مال شعر

كتله امشي اطلع يلا اطلع برة.. اووع ذكرتيني باسوء لليله بعمري..

اطلع قبل لا اتقيئ..

وكمت ادفع بي

ويكول شبيج شبيج..

طلعتة وسديت الباب..

ومكيجت وتعطرت ورجعت نمت..

وكعدت ثاني يوم غسلت وبدلت ورتبت نفسي ونزلت
عمتي صافنه عليه..
مستغربتني..
حتى ما احجي وياها ولا اساعدها
بس لاخواني يجون يمي اخذهم وابدل واطلع اشتري الهم وارجع اباوع تليفزيون واكل

من يجي ابوية او مرمر او وليد اصعد للغرفه ما انزل منها الة يرحون ماريد اشوفهم

اكثر من مرة اتعاركت ويا عمتي

اما غزوان يوميه اتعارك وياه
ومرة من المرات بحضور ابويه كاعدين العصريه يجي يشوفني يوميه
ديسال شلونه غزوان وياج

كتله يابه ترة غزوان يحب وحدة..
عمتي كامت تنطي الوان
غزوان صار ازررك مو اصفر

وضحكت. وكمت لزمته يحبني الي

كام يضحك غزوان اي اي اي ويحجي معلس
احبها احبها
وعمتي كامت ركض جابت شربت لابويه..

هيج اغثه مو اكثر..

رضوة.. ابتعدت عنها جنت ماريد اي احد قريب عليه بس اخواني

كمت اسمع اغاني
كمت اهتم بروحي..
طولت اظافري..
اشتريت هدوم جديدة. رتبت

نفسي
اطلع اسولف ويا العالم..

ارد الي يضوجني واعيط واحجي

اشتري كل شي بنفسي وما اهتم لاحد والبس الي يعجبني..

يوميه اوكف بالباب واغسل الطرمه

غزوام يوم بعد يوم بدا يشيك بية وبدا يحجي عليه
لو يطببني جوة
لو يحجي او ياخذ مني الصوندة ويكمل هو غسل

مرات يكعد يمي يريد يسولف ومانطي مجال واردة

مرة جابلي مجموعه ملابس.. وخلاها بالغرفه

يم مكتبته سله زبل

شلتها وذبيتها.. بزبالته

جان يحاول يتودد الي ويقترب

مرات يحجي ويرزل ومرات يتود

فديوم كاعدة بالغرفة
ودخل عليه..

كال نجمة شبيج

نجمة /مابيه ليش شكو

غزوام /متغيرة هوايه مداعرفج
نجمة/لا بس صحيت

غزوان/نجمة اريد اكولج شي اني عفت سوالف

نجمة /اي. والمطلوب شنو

غزوان /داكولج عفتها علمودج

نجمة / احلف ضحكتني والله مالةعلمودج
بيج قصص عراقيه حقيقيه من واقعنا.روعه الطائي
يلا عيني اطلع الجهال راح يجون اريد اطلع وياهم
اشتري الهم

غزوان /بعصبيه نجمة مو بكيفج اطلعين وطبين

كتله بكيفي وانت مو زوجي زين
ماعرف انت منو ماكو قائمه اخليك بيها
يلا اطلع اريد ابدل

كال خلي اشوف متو يطلع واني ماعدلج باب الشارع

عفته واجوي الجهال يمي وبقيت اسولف وياهم
وهو بقى بالباب ينتظر

جان الكل مستغرب مني حتى اهلي
فديوم نزلت وشفت مرمر يمنا

بالمطبخ دتشرب جاي..
ظهرها عليه..
وعمتي بوحهي

جانت تسولف

كالت اتخبلت شبيج حبيبه هذا المرض يخبل
وهي تخبلت حتى كلت لابوها ينتبهه عليها
لان تخبلت بنت بدرية..

جانت عمتي تغمز الها

تقربت منها

وضربت ع جتفها..

منو هاي الي تخبلت

فزت وصاحت يمه اسم الله شطلعج علينا

كتلها اني مو مخبله بس بيه جني

صاحت اسم الرحمن

ضحكت مرمر هزمتي هديه وهسه اجيتي عليه تريدين
تخبليني يابنت الفكر..
وجريتها من شعرها..
ونزلتها للكاع ملخته بايدي..
بحيث عمتي اجر بيخ ومرمر بس تعيط

جىتني منها واني نص شعرها بايدي
لو بيدي اعضها واشلع لحمه منها ومارتاح

دفعتني عنها..

مرمر ولج الا اخلي ابوج يموتج

كمت اصيح وخلي يسمع ابويه واني مخبله شتكولين عليه كولي..

ا
ميهم ماعلى المخبل حرج

ولج حقيرة انتي هزمتي هدية
شفتها بعيوني.. وكالت مرمر هددتني
يامرمر عسا ايامج تسود..

بقت تلزم بيه عمتي واسكت بيه
صوتي جان عالي.

دخل ابويه علينا
هي ركضت عليه كالت بنتك موتتني كتل
تريد توكع الولد الي بطني..

ابويه كلها مرمر شنو سالفه هديه

بقت تتلعثم بالحجي..
وتبجي..
بنتك مخبله بيها جني
ابويه اسكتي اسكتي

حجيت اله شفتها بتلمستشفى
جنت احجي وهي تكذب بيه..

ابويه
جاب القران كال
احلفي انتي وياها
اريد اعرف منو الي هزم بنتي

وللحكايه بقية

بارت(18)

ابويه جاب القران كال احلفي انتي وياها اريد اعرف منو هزم بنتي..

مرمر ضربت ع صدرها وكالت هاي تاليها جعفر تخوني
واندارت ع جواهر ام غزوان شفتي شكتلج يجي يوم ويشمرني برة هسة خوني وهاي مو اول مرة

ابوية/مرمر احلفي اذا صدك مخايفه من شي بنتي وين راحت
مرمر كامت تصيح ع جواهر وين القرآن وينه..

اكو قران صغير فوك الكاونتر جريت الككرسي بسرعه و صعدت نزلته..
ونزلت وقدمته الها..
مرمر /جعفر هالمرة صدك اذا حلفت راح تخسرني للابد
وبعد هل حلفان ماكون الك زوجه..

ابويه عيونه دم ووجها احمر يريد ايطك
عمتي لازمه مرمر وتهدي بيها تحاول تبعد عنها القران

ضربت القران ٣ مرات وكالت ماعرف بنتك وين..

نجمة /كتلها كولي لا هددتها ولا خوفتها كولي
بقت تباوع عليه وملامحها كلها تغيرت..

ورجعت كملت مالي دخل بيها لا هزمتها ولا اعرف بيها وين
ولا هددتها اصلا..

جريت من اديها القران.. وقسمت اني شفت هديه بلمستشفى..

ابويه كعد..

ومرمر هم جرت كرسي وكعدت..
عم الهدوء دقايق..
مرمر... ماكو شي يدل ع صحة كلامج

كتله بابا اسأل عنها بالمستشفى اكيد مسجلين اسمها..

طلع ابويه.. من البيت رحت وراه شفته شغل سيارته..
وراح..

رجعت..
شفت مرمر تبجي..

كالت عساها حركه قلبي تموتكم اعرفكم تكرهوني حوبتي وحوبه هل طفل الي بطني عساها تلحكم..

نجمة/كافي مرمر كاافي كذب الي ردتي وصلتي اله شتتينا وطيحتي حظنا ولا واحد بينا مرتاح وبس انتي الي مرتاحه بالله اسالج سؤال هدية طفله..
ليش منصحتيها ليش عفتيها تروح..

مرمر/مالي دخل اني..

وكامت.. كتلها مترحين.. الا تحجين الي الي صار كوله ما اعوفج..

اندارت عليه نجمة الي ردتو صار كاافي لهنا وبس وياجن يا بنات بدرية..

تحملت منكم اشكال الله لا يوفقكم..

عمتي تحجي ويايه وتحجي وياها..

عافتنا وطلعت..

بقت عمتي يمي يمه نجمة اخاف متوهمه مرمر تحبكم ومثل امكم

كتلها لا تكولين امنا محد يعوض مكان امي

وثاني شغله انتي وياها بكل شي فروحي وىاها لا لكمتج هم تنكطع..

واضح من البدايه هي تكرهه هدية وقصد سوت هيج
حتى تخلص منها وصح اني فقيرة ورضوة تريد تعيش
واختي ضاعت

عمتي/صل ع نبيج شلهج بهل حجي هسة تصالح هي وابوج
تحبه بس انتي محلو.ةمنج اتضربها بكد امج
عطت بيها هم كالت امج

عمتي/نجمة اني احبج بس انتي من تمرضتي. مدري شصار بيج اصحي ع نفسج وشوفي شجاي تسوين راح تهجمين بيت ابوج

كتلها والله هو انهجم صار سنين مو اليوم ولا البارحه .

عافتني وطلعت..

بقيت وحدي.. انتظر اشوف ابويه شيسوي

ورة مدة من القلق والتوتر

اجة غزوان جنت كاعدة بالهول.. وطاشه ميكانو للجهال تلعب بي

طب.. باوع ع الجهال كال اريدج بموضوع نجمة

كتله احجي شتريد..
غزوان!/مترهم هنا امشي
نجمة... احجي هنا
غزوان.... داكولج امشي لا تعانديني امشي ويايه
كلت للجهال هسة اجي لا تتعاركون..

كمت وراه..

طبيت لغرفه امه..

كال انتي شمسوية اليوم..

بعدت عيوني عنه..

كال ماكو وحدة اسمها هدية دخلت للمستفى ماعدا عجوز وعدها تسمم وطلعت اختج عجوز
وبدا يعلي صوته كاافي
الظاهر المرض اخذ جزء من دماغج واني سبق وكلت الهم تصرفاتج مو طبيعيه كافي

عمتي طلعت من البيت بسببج وماعرف عنها شي..
ابوج ضغطه معلك وشديتله مغذي وانتي كاعدة ولا يمج
اكبري بعد وعقلي. كافي هالتصرفات

انتي مو طفله.. كاافي

هسة ترحين تصححين كل الي خربتي هسسسسسة افتهمتي..

بقيت صافنه عليه..

اريد استرجع ذاكرتي الاسم الي صاحتها بي

كتله هديل اي هديل كالت الها هديل
اذا هدية مغيرة اسمها رووح اسال عن هديل

تقرب مني.. كال لا لهنا وكافي بعد

انتي مجنونه رسمي..

وطلع..

طلعت اركض من بيتنه لبيت ابويه
دخلت شفته بالهول مدد

كتله هديل يابه اسمها هديل مغيرين اسمها
لان تخاف وحتى فلوسك ما باكتها...

عدل نفسه..
وباوع عليه بشفقة نضرة شفتها من ماتت امنا

كال..

نجمة بنتي.. اكعدي..

بقيت اردد جانت عجوز بصفي وحجت علينا..

وكالت هديل والله حتى المراة الي وياها
كالت الها امشي يخافون لا تكتلها

عدها اطفال..

نجمة كاافي..

ماكو لا هديه ولا هديل ولا غيرها اليوم دورنا السجلات كلها مشفت اسم اختج اصلا

لزمت ايدة هديل والله وياما ناس غيرت اسمها

اسمعني فدوة..

خله ايدة ع راسي..وبقى يمسد الي

ميخالف بنيتي ميخالف..

بعدت جسمي وانداريت عليه شبيك..

انتي صحتج ع كدج ميخالف بنيتي

العصر اوديد للطبيب..

كمت.. كتله اخاف كالولك تخبلت وصدكت بيهم

وتريد توديني لمصحة

انهاريت عزززة بعينج نجمة عززة
كمت اضرب ع. جهي

خبلوج..

عززة لعينج نجمة

لزمني وحضني حيل..

وجان يحجي ويايه ويبجي..

لا لا مو مخبله لو اعرف اذب فلوسي كلها عليج

ومااخليج هيج..

من الحجي واللطم وحركان الدم تعبت..
كعدت واستسلمت

اجه غزوان ويسولف لابويه شلون السحايا تتلف جزء من الدماغ..

وشلون الوعي يبدي يقل
ويبدي الانسان يتهيئ اشياء مموجودة..

وهذ

ا هذيان ارتفاع درجه الحرارة..

جنت مددة واحس ظهري بي قالب ثلج

درت نفسي عنهم..

وصافنه بدهائهم الي مصار ولا راح يصير مثله

راح يخبلوني..

الي صار عندي صحوة مو جنون

كمت اشك بنفسي..
اني شفتها لو لا..
يمكن جنت احلم..

لا ماظن حلم ولا هذيان..

اني شفتها..
طلعو من يمي.. واجتي رضوة جابت الي اكل..

نجمة نجمة انداريت عليها..

خاله صينيه يمي..

كومي اكلي لكمه..

كتلها شفتي شسوو بيه..

رضوة /كافي نجمة ارحمينا وارحمي حالج
كتلها رضوة حتى انتي..
كالت هو شنو الي حتى اني انتي مدتحسين بنفسج شجاي تسوين. كتلج تغيري مو اتخبلي

كمت شداسوي..

كالت ضربتي مرمر..
غرفتج كلها شخابيط ع الحياطين..
طلعين وضحكين ويا نفسج.

نجمة اصحي ع نفسج.. تعبت اني قررت ازوج بهل شهر وكامت يعلى صوتها

تعبتيني تعبتوني كلكم ستر الله هدية

هالمرة انتي..
احجي وياج ديرين وجهج.

شغلين تلفزيون بظلمه وماكو اشارة وتباعين

كمت اخاف منج..
وحتى ابويه كلنا نخاف..

عافتني وكامت..

ماظن احد عايش هالاحساس هو منو اني؟

اني عايشة لو ميته
صح كلامهم لو خطا
يا شخابيط ويا سوالف

معقوله اني تخبلت
لا لا اني عاقلة متخبلت..

عفت الاكل وكمت اريد اطلع..

كف بوجهي غزوان كال وين رايحه..

كتله وخر اريد اشوف وين كاتبه اني

اني مو مخبله

غزوان/اي حبيبي مابيج شي

انداريت بابا اني مو مخبله..

ابويه مقهور..
ويباع عليه كل شي محجة ورضوة هم نفس الشي
جرني غزوان وكعدني..
ولزم ايدي وباسها

اوعدج ابقى وياج للوحه..
رفعت راسي..

احساس غريب جريت ايدي منه.

وضربته ابويه كام جرني..
كام غزوان كله عوفها عوفها نوبه هاي عوفها

عززة بعينكم خبلوني
حالة هستيرية صابتني كمت احجي.. واغلط
واكسر

الى ان تعبت..
وذبيت نفسي بالكاع
واردد خبلوني خبلوني

للمغرب اخذوني طبيب نفسي

غزوان وابويه..

طبيت هموم الدنيا كلها بيه

عيادة صغيرة
مرة ورجال وطفله كبالي حركات الطفله جانت لا اىاديه تحرك اديها..
انداريت ولدشاب هو وامه..
انداريت رجال عجوز يرعش
وهاي مرة خاله اديها ع خدها وصافنه..

ابويه كال كومي..
كمت. دخلنا..
مكتوب ع الميز
دكتور محمد.. كعدت.
بدا بسولف غزوان.. مرة انكليزي ومرة لا

سالني شسمج.
كتله نجمة جنت احاول اكون باقوى تركيزي..
ماريد اي غلط مني
رغم خوفي بس ردت شهادة منه اني صاحيه..
شكد عمىج
٢٠
الطبيب.. عندج اطفال
لا..
اجه وخله ضوة ع وعيوني. جايب مثل المطرقه وضرب بيها رجلي
قدم ايدي وبعدها

طفى الضوة وقرب الضوة ع عيني

وبدا يسالني شنو تسمعين احد يحجي وياج

كتله لا
كال صوت بداخلج
لا
اشخاص شفتيهم
هم لا
كرر اكثر من سؤال..

وكال تمام نجمة.
ابويه كله شبيها طمني..
غزوان قاطع والدي

الدكتور مهتم لكلام غزوان.. واندار ع ابويه..

كله.. اخي البنت مابيها شي ابد..
كل مافي الامر ضغط نفسي واحيانا الضغوط تولد النا تهيأت.. او تخلق اجواء مموجودة
انصحكم بالراحه وراح انطيها علاج بسيط
واما كلام ا لا خ مو صحيح لان بنتك ماعدها اي علامه بتلف الدماغ او غيرها
اخذها منا ولا جيبها طبيب مرة ثانيه
فقط محتاجة راحه..

اني هو حجة هيج وهاي دموعي مالحك عليها
كتله ها يابه كتلك خبلوني.

من طلعنا ابويه يمشي وينطي للفقرة فلوس..
صعدنا بسيارة..
غزوان / كال عمي خلي نشوف غير طبيب
ابويه/هيج تشوف شوفلنا واحد يفتهم

غزوان/عمو اني دارس واعرف هذا المرض يأثر ع جزء

قاطعتهم..

كتله الدكتور كال مابيه شي وهذا فايروس وراح لا سحايا ولا غيرها.. ما اروح غير طبيب لا تخبلوني كوة
ابويه اندار عليه كال حقج بابا مثل ما تريدين

وكله لغزوان عوف سالفه . الطبيب انطاها علاج خلي تاخذة ونشوف..
كل تفكيري بالجنون هو للقطات من الافلام شلون يخلون صاعقه كهرباء والمريض ينتفض..
ما افكر بغيرها..

رجعت للبيت..

واول ما ابويه نزل..

غزوان كال لا تلعبين ويايه ياحلوة
لا والله تاليتج بالشماعيه..

ترجع عمتي وتعتذرين منها وتبوسين اديها..

نجمة اسمعي الكلام...

نجمة/حسبي الله ونعم الوكيل بيك
حسبي لله.. بيني وبينك رب كبير اكبر من هذا الكون كله
اليوم منغر بفلوس باجر عكبه يروح منك كل شي
واريد اشوف شتكول لربك..
وعفته ونزلت..

انك وحيد وتواجهه مجموعه صعب.
وخاصه من تشوف اقرب الناس ضدك
الي صار مختصر

بفترة الي طلعت من المستشفى الكل ظن بيه اني مخبله
ومرمر وغزوان والكل فهمو ابويه اني عقلي انضرب
وصلت حتى رضوة صدكت بيهم لان ابتعدت عنهم.
حتى غرفتي مشخبطين الحياطين كاسرين الغراض
وهدومي مشككه.. .

ما عدا الاعيبيهم المستمرة
وكل شي وضح عندي لكن وحدي صعب
اقاوم..
مرمر هدفها تشتيت عائلتنا..
حتى يكون كل شي الها
مع العلم ابويه ابد ممقصر وياها بشي..
وبجوز احسن منا بس تريد الها كل شي وحدها..
غزوان هدفه الفلوس وبس وصح بهاي الفترة بدل سيارته اخذ مارسدس ام عيون..
ويدور ع صيدليه.. بس يتخرج يفتح
ماعدا البدل

الي اندفع اله
وله عمتي الي جانت شيلتها مزرفه
هسة لبسها وذهبها
انقهر بس مابيدي حيله لكل شي

............
مرت الايام واني مابين القوة والضعف..

لا اني يطلكني غزوان واعيش
ولا اني اكدر اكمل هاللعبه الي متنتهي بيوم ولا راح تخلص ولا اعرف نهايتها شنو
كل الي اعرفه الكل وحوش.

الكل اناني وعايش لنفسه فقط..
...
مرمر بقت زعلانه من ابويه وراحت بيت بنت خالتها.
كعدت.. واكثر من مرة يروح يصالحها ومترضى..

غزوان رجع ع مكالمته.. وهدايا وذهب وفلوس وخير فوك الخير
وكذالك والدي اشترة عمارة
وكام يستثمر فلوسه

و عمتي حايرة بلبيت وبوليد وزواجه الي هو بعد تخرجه يتم..

رضوة ملتهيه قدمت زواجها
تريد تخلص منه..
اني بين الجهال وبين نفسي..
بقيت ما اهتم لاحد ولا أسمع احد..
وبقيت بنضرهم عقلي انضرب..
مرات اظن كلامهم صح ومرات لا اكول مابية شي

انتهت نجمة المبهذله هسة نجمة المخبله..

توجع اي توجع من اسمع ابويه يكول عقلها مو شي

او غزوان يكولي ها مخبله..

او عمتي تجنبني.. من يصير بينا كلام

ماعرف اختلطت كل الاوراق عندي..

وضيعت نفسي وضعت.
ما عدت نجمة الصغيرة كل شي اختلف عندي
كل شي..
حتى مفهوم الحب اختلف...

كمت اشوف الكل

الكل مذنب محد بريئ

حتى وليد..الي جنت اظن هو منقذي الكل خذلني..
حتى اني خذلت نفسي بايدي..
اني مخبله بنظررهم خلي اعيش ع هواية..

جتي ايام اكوم بنص الليل اشغل تليفزيون والاضويه
وارجع اطب بالغرفه الصغيرة انام

او افتح بواىي المي وانام

مو جنون لكن ماعندي غير سلاح..

مرة غزوان ديتصل..
طبيت للغرفه.. فتحت الكنتور.
وبايدي بطل مي.
وذبيتها كلها ع هدومه..
بقى يصيح هاي شنو هاي شنو شدسوين..
كتله مخبله والمخبل معذور..
وشغلت الضوة وطلعت نزلت ركض
شفت عمتي يم الدرج
تصيح شكوو

تقربت منها كتلها بوووووو
صاحت اسم الله. يمه..

نزل غزوان مخبله والله مخبله واصبريلي اني اعلمج

كتله روح حير بسولاف
معليك بيه اني مخبله..

ضل يسويلي بسيطه وصعد..

حياتي تمحورت ع رويات عبير واحلام
ومجلات
. واطلع اشتري حلويات
واكمل شغلي بسرعه وارجع اقرا
هم بدات تتحسن قرائتي وهم جنت استمتع بيها
الروايات صدفه صعدت للمخزن وشفت كارتونه بيها كتب
بقيت اكلب بيها.. شفت منها تاريخ وفلسفه ودين
ومن ضمنها روايات

جانت تاخذني من هذا عالمي لغير عالم اعيشة
بكل تفاصيلها.. اعيش.. المهم اطلع من الواقع الي عايشته.. حلو الخيال..
والمتعب.. بأن تصنع عالم وهمي كامل

عالم بي انت وكل شي حلو تريدة
عالم.. اعيشه من ادخل لغرفتي وحدي
جنون او ضياع
ماعرف
بس صعنت عالم الي وحدي.. لعل اعيش بسلام..
.....
عفت الرويات قريت تاريخ
لكن الفلسفه صعبه مكدرت الها

....
بهاي الفترة.. كصيت شعري وصبغته لون خشبي
وجانت حواجبي ثخينه رفعتها.
واشتريت ذهب بعد مرور كل هاي المدة نزعت خلخال وليد
وضميته بذهب امي..
لو تدري مرمر بهذا الذهب جان اخذته مني من زمان
بس محد يعرف بي بس ابويه..

وسبق وكتله هاي حصتنا اني والبنات..
..
عالم الروايات فتح الي عالم جديد واشياء ماعرفها..
حتى طريقه اهتمامي بنفسي اختلفت
تنسيق الملابس اختلف
جنت من اطلع ادور ع ملابس البطله الي بالروايه

او نفس قصه شعرها او نفس لونه..

حتى هاي التفاصيل الحميمية اقتبستها..

جنت البس ملابس خفيفه..
واقرا ومن اشوف غزوان اعتمد ابرز مفاتني مو رغبة بي لكن القراءة علمتني منو هو الرجل..
مرة داقرا
دخل عليه غزوان كال ياهلا بالمثقفه
اني هم.. مهتميت اله
بدل.. وكمل وكعد يمي شتقرين..

بله..
ذبيت الكتاب
نجمة/شوف هذا البطل اسمه جورج والبطله اسمها لولي
وتقربت منه..
لولي جانت نايمه
واني نمت ع بطني..
واجه جورج حضنها.. وطبع قبلات من رجلها لحد شفافها..
هي كامت وكعدت بحضنه

وتقربت منه اكثر وكعدت بحضنة..
غزوان ملامحه تغيرت

كال كملي..شسوو بعد.. عجبتج الروايه

انطبق اليى صار بيناتهم..

بسته من ركبته بوسه خفيفه وهمست باذنه الباقي

حاوطني بايدة ولزمني من شعىري
كملي.. نجمة

عيب.. يامثقف
وعليت صوتي باذنه عييييييييب
نفض جسمه

دفعني الله ياخذج مخبله.. والله..

كمت اضحك..

اووع بس بقى اطبق وياك..

جنت افرح وارتاح وانقهر احساس صعب مثل الدولاب صاعدة نازله..
الرويات والكتب..

علمتني الدلع.. والرد الصحيح..

اقتباسات.

رغم هو رجع انشغل بسولاف.. الي علاقتهم عرفت من اول سنه كلية..

لكن بين فترة وفترة يحاول يتودد الي.. او يجيب الي كتب او شتلات..
ماعرف يكفر ذنب او عندة غايه

اما وليد.. جنت اجنب اشوفه بأي مكان موجود اني اطلع مشفته من اخر لقاء بينا
اتكررت زيارته النا هو وخطيبته هو واهلها..

الكل يطلعون سوى ويرجعون صوت ضحكهم يرن بلبيت
كله
تساولات تدور براسي
معقولة الكل راضي واني قريبه ع ابويه

يعني معقولة والدي ميكول بنتي ليش ماعدها اطفال لحد هسة
او ليش انعزاليه..
او غيرها وغيرها من الاسئلة الي جانت تنا

م وتكعد ويايه..

بشر قادر يوصلك للجنون ويقنع الكل انك مجنون
هذا قادر كل شي يسوي..
مرات اتخيل غزوان ومرمر يقتلوني او قتلون عائلتي كلها..
تحكمهم بعائلتنا فاق الحدود..

والدي مخله شي مسواه في سبيل ترجع.اله مرمر .

فديوم..
جنت ازرع.. كملت وصعدت فوك سبحت وكملت اكلب بايدي محبسي ماكو
اذكرت من زرعت . نسيت محبسي..
نزلت بسرعه.. واني لافه راسي بخاولي
بقيت ادور بين الشتلات ياربي وينه

هذا من امي الشذر الاحمر الياقوتي..

اووف يالله..
سمعت الباب انفتحت..

انداريت هذا وليد..
لابس بنطرون كابوي ازرك و قمصله جلد..

رجعت ادور

تقرب مني.. عاش من شافج نجمة
مجاوبته.. وبقبت ادور

نجمه شضايع الج..

مجاوبته..

نجمه مز جاي احجي وياج جاوبيني..

رفعت راسي عليه..

امك يم مرمر وغزوان يم ابويه بالمحل
وحدي بالبيت مترهم ارجع مين ما جيت..

ضحك وباوع ع السما..

ها هيج صارت..

كمت ونفضت ايدي وهدومي من الطين..

اي نعم هيج وماكو غيرها لا تنسى اني مرت اخوك الشفية المخبله..

ورجعت ادور..

بس كوليلي شمضيعه.. خلخالي..

انداريت عليه..
والله انت بطىران ياخلخالك تريدة انطي الك تودي لعبورة..

وليد/نجمة بلا هل الاسلوب ويايه..

مديت ايدي جوة الجوري اذكرت زرعت هنا شتله جديدة
لكيته..
جريته ولبسته..

كتله يلا عيني انت حرام وجودك هنا اطلع وسد الباب وراك..

وليد /نجمة اني ماستاهل هيج تعامليني تعرفين بيه شكد احبج وكل الي شفتي علمودج..
من تجي امي تكولي شفتك ويا نجمه شتريدين اسوي
كسرت عينهم وبعدت عنج شبهه.. بخطوبتي من عبير
والحل شنو لا اني احبها
التالي كلنا ضحايا..

بقيت اباوع عليه..
كتله اي تمام افتهمت كلامك..

راح تطلع انت المضحي واني بنت الكلب
يلا عيني..
اطلع منا
ولو عندك كرامه لا تحجي ويايه بعد ولا تندك بيه..

هل مرة اني اشهرك واكول يتحرش بية.

وليد /شكد متغيرة مو انتي نجمتي..

عفته وطبيت للبيت وسديت الباب
نجمتي هو انتو بقيتو نجمه
صرت ظلمه..

..

بيوم حنه اختي.. الكل معزوم الا اني صدفه

بنفس اليوم العصر عرفت بعد ما عمتي بدلت
كتلها وين رايحه..
عمتي/هاي شنو حنه اختج اليوم.. متدىين وبالمبارك
رجعت مرمر..
اليوم يلا رجعت..

كتلها محد كلي..

عمتي /ها يجوز نست..

نجمة /اني اختها مو غريبه حتى تنسى.. يلا راح ابدل واجي
عمتي ارتبكت.. داصعد
صاحتني

عمتي/ نجمة لا تزعلين بس مرمر كالت ارجع بشرط نجمة متدخل بيتي..

ضحكت كتلها بيتها والله وكت ايام وانظف جيفتها وهسة صار بيتها العتب مو عليها ولا ع ابوية الطرن
العتب ع اختي الي رضت. بحنتها اختها ماكو

المهم مو مشكله.. بركيليها..

وعفتها وصعدت انقهرت لان جنت محضرة الها هديه
اشتريتها الها
وحضرت الها ذهب من مال امي..
بس اتعلمت بعد كام ميوجعني شي..

.......
ثاني يوم انجبرت اروح للعرس بس هالمرة
بصفتي زوجه غزوان مو اختي حتى لبسي جان عادي حيل..
شسورت شعري يم الصالون..
جانت اكو صالونه يمنا اسمها حلا براس الفرع..
صارت صديقه الي
الفرق بيني وبينها قليل
هي امها متزوجه وعايشه مع زوج ام

هم انظلمت بحياتها هوايه..
وجانت يجبروها تشتغل..

....
شسورت شعري وخلت فوك عيوني ضلال ورتبتها
الي..
حلا... ولج جسمج مثل جسمي.. عندي فستان مال سهرة قطعتين اسود والجوة اسود كلش حلو بس الرردت شيفون من هاي ام قطعتين الجوة وفوكاها شيفون عدله..
البسيها والله ولا لبستها.. مرة وحدة وسمنت..

جان صالونها بصف البيت..
فراحت بسرعه جابتهم واجتي..

بالبدايه ترددت وراها..
لبستها وجانت كلش راهم عليه..
اخذتها منها ورجعت للبيت..
لكيت عمتي لابسه هاشمي احمر ماكو خرزة بالكون مابي..

وشال ذهبي.. وذهب..
صعدت فوك بسرعه شفت غزوان ديبدل
قاط اسود وقميص ماروني.. وتوة سابح..

اخذت العلاكه وطلعت بالغرفه الثانيه..
ذبيت ملابسي ولستها وعدلت شعري..
وطلعت عندي كعب اسود لبسته..
وطلعت..
طبيت للغرفه

جنت ادور ع جنطي و العطر..

غزوان باوع عليه شنو هالاناقه مداعرفج وشنو هالجمال هاي شوكت سمنتي هالكد..
شو ممنتبهه..

سكتت اول شي..
تعطرت.. انداريت عليه..
والله خير ابويه سمني..

نزلت..
عمتي رايحه يمهم..
وبقيت اني الى ان اخذوها الزفافه بقاعه كلش جبيرة

دخلت.. من الجهتين كراسي ومعازيك وبوجهي
الكوشه كلها ورد..

وصوت الاغاني.. عالي..

وعالم هوايه

انداريت اباوع شفت عماتي وكمت رحت سلمت عليهم ورجعت..
برجعتي شفت وليد واهل خطيبته كاعدين..

تقربت منهم سلمت ع عبير.. وامها
وجان اكو ولد وياهم مزين اكرع وعندة لحيه..
معرفت هذا منو بس كاعد بجهه وليد..
كتله السلام عليكم ورجعت لمكاني..
وكعدت..
بمكاني...

وغزوان كل شويه يكوم يسلم ع العالم..

هناك واشوف سولاف طبت ومراة وياها..
جانت لابسه فستان قصيرجوة الركبه..
اسود وذهبي..

واجتي كعدت بميز بصف ميزنا.

دخلو العرسان اباوع ع اختي..

وكلبي يدك ع شكلها وتسريحتها.

. دمعت عيوني ودرت راسي عنها
منا سولاف بصفي ومنا وليد كبالي..

بقيت كاعدة..
مكت من مكاني الناس تركص والجهال تفتر من ميز لميز..

غزوان كل شويه.. ورايح يم سولاف..
يسولف ويحجي..
اما اني كلما ارفع عيني يصير بوجهي وليد.

واباوع اشوف الي بصفه يباوع عليه.

ادنج واشوف ضحكات اختي وفرحها اكتفي

جنت مبعدة نفسي حتى لا اشوفها

وانغث..
هناك وبينت مرمر. لابسه كوستم. وبطنها كبرانه والشعر اصفر والذهب الذهب تلالي بي..

وكعدت ورانا..
يم سولاف وامها
كل شويه واطكها بضحكه مخبله شبيكم وربج مستخطيها
لو والله حفاي اني سويتهم اوادم لبس ميعرفون يلبسن

وتعلي صوتها اختها انهزمت وجابت العار
وهاي مخبله
والعروس.. ثولة

صكط. عائلة بناتهم بلا شرف..
بس طلعي ابوهم خير.

بقيت اسمع وما اجاوب بس افور اريد اجفص ابطنها بس ماريد اخرب فرحه اختي

كمت.. تقربت من الكوشة..

باركت لتحسين
وباركت لرضوة وكتلها تبقين اختي

وطلعت من جنطتي بتوت ٢ لبستها
وطلعت من ذهب امي سلسله كلش طويله يسمها ام الكصب موديلها لبستها وملوي واحد

وبوستها ورجعت
برجعتي شفت
غزوان ماكو جنت اريد اكوله رجعني..
انداريت عمتي تركص.. ويا مرمر

عفتهم ومشيت بالممر..
طلعت دورت ع غزوان ماكو

جان هذا الشاب الاكرع واكف بالباب يدخن..
من وصلت يمه

ذب الجكارة

كال ع منو ادورين..
كتله غزوان وين

كال /هسة طلع.. هو ووحدة

انتي اخت غزوان..

عفته وطلعت امشي وصلت للبارك مال سيارات ادور ع سيارته السودة
شفتها اخر سيارة..

مركونه..

الولد ورايه كال يابنيه هذا وكع منج..
مهتميت اله..
اوكفي.. يابنيه..

وصلت الهم ظلمه. حيل.. سيارته جوة شجرة مضلله عليها
قصص وروايات عراقيين كيك
تقربت.. ظلمه بس واضح الاثنين
غزوان ديبوس بسولاف..

وللحكايه بقية

بارت (19)

تقربت.. ظلمه بس واضح الاثنين
غزوان ديبوس بسولاف..

اتقربت اكثر منهم صرت يم الجامة..
انداريت الولد بعدة يصيحني يبنيه.. وصار قريب عليه.

انداريت عليه شبيك متكولي صرعتني يابنيه ويايبنيه

ورجعت تقربت ع الجام.. دنجت ودكيتها بكل هدووء
اكثر من مرة..
الولد صار بصفي.
كال اوكفي هذا وكع منج..

كتله انت اوكف.. خلي نشوف تاليهم..

فتح الباب غزوان..
ونزل يعدل بهدومه وبسرعه سد الباب..

كال هاي شبيج نجمممممة..
ابتسمت اله..
الولد كال محتاج شب غزوان..

غزوان /لا مازن.. بس شجابكم..

قاطعتهم رجعني للبيت..

غزوان ارجعي للقاعه وهسة جااي..

نجمة /غزوان رجعني للبيت وارجع بوس براحتك..

غزوان/وجهه صار احمر وجرني من ايدي حيل يمشي بيه..
حاولت اجر ايدي منه..
بحيث ىجلي انلوت..
تقرب منه مازن..

كله شبيك غزوان ليش هيج.. عيب منا العالم
مهتم لكلامه..

جنت احاول اجر ايدي..
وصلت قريب القاعه..
هدني ارجعي هسة جايج..
وحسابج عسير بلبيت..
جريت ايدي منه.. شفت حذائي مفتوح..
سويت حذائي وعدلت شعري وهدومي ورجعت للقاعه اعرج..
وجنت اسمع مازن يحجي ويا غزوان من الي سمعته هاي مخبلة..

دخلت للقاعه.. والعالم تركص وهوسه..
شباب.

دخلت بين الناس..
جنت ادور ع عمتي شفت عمتي وام سولاف و مرىمر واكفين يم العرسان..
ويصفكون والناس تركص..

تقربت منهم
ووكتلها لام سولاف..
خاله خاله..
اندارت عليه شكو؟
جانت هوسه وعالم..
احجي متسمعني..
كتلها بنتج دتتباوس بسيارة
ام سولاف شنووو ماسمعج
عليت صوتي بنتج سولاف وغزوام يتباوسون..

بصفي خطيبه وليد صفنت..
دتتغير الاغنيه..
واني بعلو صوتي كتلها.. وأشرت بايدي حركه..
غزوان ديبوس بنتج..

عم الهدوء مع اخر جملتين الي..
والتفت عليه القريبين..
ام سولاف....
فتحت عينها عليه..
عفتها وتقربت ع وليد..... جان كاعد ع الميز..
ويمه صديقه مازن..

كتله وليد..
نعم.. نجمة..
انداريت على النسوان ام سولاف طلعت تمشي بسرعه..

كتله احميني اليوم غزوان يموتني..
كام..

ليش شكو شصاير..
انداريت ع صاحبه.. كتله اسال الولد شصار..

وليد كال امشي اريد اشوف منو يحاجيج

مشيت اني وياه..
ومازن اسمعه يكول اوكف..

مشيت وياه.. وصلنا لباب القاعه..
ام غزوان طلعت ورانا..

وتحجي عزة بعينج نجمة ع دكتج هاي..

ولج فضحتي العالم شلون بيج
وليد.. يمه شكو..

عمتي/ وليد ارجع ع خطيبتك عفتها وحدها..

اني ارجعها..

بعد اني جفصت بيها مابين خوف و فرح

لزمت ايد وليد.. كتله بس تعوفني يموتوني كلهم والله..

وليد لا ترجع..

جريت ايدي منه..

واندار ع امه يمه ارجعي انتي وياها.

عمتي/ وليد تعال مالك دخل.. وليد ارجع..
مازن يحجي وعمتي ومن بعيد شفت..
ام سولاف وسولاف وغزوان
بس يحجون يم الحديقه..
من طلعنا من الباب صرت بظهر وليد ولزمت سترته..
جان اكو شباب واكفه ادخن...

شافنه من بعيد.. غزوان..

وليد اندار عليه نجمه شبيج لا تخافين ابد
داكولج انتي ويايه..
اخذنا بتجاه الكراج..
من شافنا غزوان..
اجه بسرعه علينا اني بلحظه هاي خفت حيل..
وتقربت من وليد اكثر واكثر..

اندار ع مازن كله اصعد شغل السيارة واخذ نجمه وياك..

مازن كال امشي ويايه..
جنت اباوع ع وليد.
وليد / روحي نجمه لا تخافين..
مشيت وياه..
لحك تقرب النا غزوان..
كال نجمة تعاالي..

صار بوجهه وليد. اتقربت من السيارة وصعدت ليورة

كلت لمازن عفيه لا تعوفني ترة يموتني
مازن قبل لا يسد الباب..

كال لا تخافين صدك جذب وياج زلم مو خرعه خضرة
نجمة /انت متعرف هذا شنو غزوان يجوز صديقك او اقربائك بس خبيث ومكر.. هسة يفر السالفه عليه

مازن/والله ماعرف شكولج انصدمت من عرفتج مرته
عبالي اخته.

اني شفت الي صار لوما مشايف اكول مو صح..

كتله شفت
مازن/اي مو جنت وياج نسيتي
نجمة/ لا مانسيت بس الموقف صعب

عين ع مازن وعين ع وليد وغزوان وداشوف الحديث بينهم تصاعد.. وصار غزوان يحجي بايدة
.......
ومازن سد الباب وجتف ايدة ووكف..
شفت عمتي وياها عبير..
ووكفو يم وليد..
وليد يحجي ويا هم وشويه ويحجي ويا اخو
الا ان رجع غزوان للقاعه
واخد وياه ام عبير.. وعبير
وعمتي بقت تحجي وياه

دقايق.
ورجع وليد.. وحجة ويا مازن وصعدو الاثنين بسيارة

اول ماصعد وليد..
كال.. شمسويه نجمة..

اتنفست.. كتله ياريت يطلكني وارتااح..

شغل السيارة ومشى بينا..

محجة شي الطريق كله.
الى ان وصلنا البيت..

وليد اندار عليه.. كال وصلتج لا تخافين ميسويلج شي..
نجمة/ اصلا راح اروح لبيت ابوية..

تعبت من اخوك اريدحل..

اشر الي روحي..
وليد /راح ارجع اوصل عبير واهلها
واجي يمكم..
الافضل ترجعين لبيتج..

نجمة /ع كولتك ارجع لبيتي شراح يفرق يم ابويه لو يمه
الاثنين.. ذباحه..

وليد /انزلي هسة اجي ونسولف

نزلت وكوة امشي رجلي من الوجع لان انولت..

وصلت الباب بقى واكف. فتحت الباب الخارجية..
والداخليه..
وطبيت.

وسديتها..

حسيت بنصر.

اولا حجيت الحقيقه..
من مرمر تكول عنه عائله بلا شرف لام سولاف..
ومن سحبت وليد من عبير..

صح او خطا.. ماعندي اي شي اخاف منه..
من يخذلك الكل..
تفقد كل شي وبعد ميهمك كل شي.. بالحياة

لان مابيها طعم بشي...
مابين القوى والصمود والخذلان والضعف..

ذبيت هدومي..
ورتبتها..
ودخلت للحمام. سبحت..

جان راسي مصدع.. اباوع ع الساعه..

عبرت العشرة وما اجة احد..
نزلت للمطبخ..

خليت قوري الجاي.
وبدايت اسوي جاي

كملت..صبيت الي الجاي

وكفت بيدي كلاص الجاي
اثار لزمت غزوان بايدي مكدرت..
اتحكم بدموعي..
الي نزلت خدي وكأن دكلي رح تبقين هيج طول عمرج
حياتج حتبقى وي غزوان الخاين...محد يحس بيج يانجمه....
كلمن يفكر بنفسه..دخل غزوان متعصب مكدرت اباوع بوجهه لأن مثل كل مره عصبي بلا سبب..
ويرجع عليه
رغم هل مره عصبيته تختلف..تقرب يريد يضربني....
دخل وراه وليد بصياح
كاله بصوت عالي

غزوان لك ماكافي ماتعبت
طلكها يااخي ماايصير هيج
أنت لاتحبها ولاتريدها
أ ليش مبقيه يمك اذا هلكد متعبه وتهين ..
.رفع عيونه غزوان ينتر بيه كله
أنت شعليك ومنو سمح الك تدخل لو بالك غيري شي كولها وركبلي كرون

فتحت عيوني على وسعهن هذا غزوان شنو جاي يخربط..

وليد/ياكرون وتقرب من غزوان وياشر بايدة اسمع ولك لا بالاسلام ولا عند اليهود هيج زواج طايج حظه تحب روح ازوج وطلكها وفضت

غزوان دفع وليد من صدرة مالك دخل افتهمت انت مو احسن مني اني انسان تعبان ع نفسي وواعي ومثقف مو مثلك عسكري.. همجي....

ما اطلك وكعد ع الكرسي رجل ع رجل
وما اعوفها هيج مزاجي...
وكل كلمه كالتها كذب مخبله هاي..

تقرب وليد بوجه اخو كاله مراح اجاوبك بس اقسم بلي خلق الكون كله بسبع ايام ان مديت ايدك عليها
وحق الحق لا اندمك..
وسالفه مخبله وكذب بطلها لااصير مثل الي احترك بيته من ورة كذبه
اكثر من شخص شافك وانت بسيارة
...
افتهمت حباب ويضرب ع جتفه شلون ما تفهمها افهمها..

اني رايح وماكو شي ينضم..

وانت اخويه.. قبل كل شي.. خليها ابالك

......
طلع وليد وبقيت اني ويا وحدنا..

بقى كاعد واني وراه..

كال..
نجمة/ لا تلعبين ويايه ويييييييايييييييييية لا تلعبين
جان اكو ماعون مال فواكه..
شاله وشمرة بالكاع اباوع الكزاز انثر بكل مكان والفواكه تدحرج..

واندار علية..
مراح اضربح لان اني انسان واعي
وانتي عاذرج..
والله البسج البدله الزركه اذا اندكيتي بيه بعد

وعدل شعرة بهدوء..

اخذ نفس..

ولزمني من وجهي بقوة حسيت فكي يريد ينكسر..

افتهمتي لو لا..
جاوبي..

شفت عمتي من بعيد.. دتدخل..
دفعت ايدة..
لا ما افتهمت ولا راح افهمك ولا كل شي ابالك يصير.

بسرعه ركضت علينا عمتي

دفعت ابنها وبقت تحجي.. وياه وهو يحجي

....
عفتهم صعدت اكذب اذا اكول ماخفت وكذب اذا اكول خفت تناقض مشاعر

ضيعوني الكل..
وماعرف تاليها شنو..
المهم حجيت وارتاحيت
ميهمني دفاعهم عني او لا الخذلان.
المهم بعد الي اريدة اسوي وميهزني حب انتهى وراح
ميهمني شي برود عواطف ومشاعر متعب.

نمت بالغرفه الصغيرة
جنت خاله مكتبه صغيرة.. و فراش بالكاع..

دائما اكعد بيها..

نمت بالكاع وسديت الباب..

حسيت ماعرف ساعه بيش اكو احد يمي

فتحت عيوني بظلمة وخيال ضوة يدخلي من البردة
فزيت بخوف
واحد كبالي.
صحت يمه
سمعت صوت غزوان..
لا تخافين لا تخافين

ثواني اتخيل نفسي اني جوة ايدة ويخنكني..

كمت بسرعه

شكو
مديت ايدي ع الحايط فتحت الضوة

شفته بالملابس الداخليه..

كتله شبيييك.

كال شبيج طيرتي ابو الحاله الي بيها اني

نجمة /ياحاله.. تخبلت انت.. شنو جن فوك راسي

كال جيت اكولج لا زعلين مني.. من اعصب ما سيطر ع نفسي.. وانتي هم اليوم
دكيتي سالفه متسولف.. لايكلج القوة نجوم

باوعت عليه صفح..

وتقربت منه. وحسيته راغبني مو اكثر

التصقت بي.. ومديت ايدي ع راسة.. وحجيت بصوت ناصي اخاف مصخن يول..

غزوان /اي والله.. صاير تنور.

بعدت عنه..
والله نعسانه وتعبانه ورجلي توجعني انزل ع ماما تسويلك كمادات..
لو خابر الشفيه.. دزلك بوسات تبرد حرارتك

لو تحب اخابرلك الاطفاء

باوع عليه
كال.. ثول اي والله ثول..

وعافني وراح سديت الباب وقفلتها وضحكت من كل قلبي

ورجعت نمت

شكد احب غرفتي هاي
وخاصه شباكها الي يطل ع الشارع..
بيتنا عالي..
جنت دائما افتح البردة واطلع.. واشوف.
اكو بيت مقابيلي دائما انتبهه عليهم..
من شكله الانسان يحس بهدوء عميق
الباب البيضة..
والسياج الناصي والشجر الي مغطي السياجهم
وخاصه الشايب والعجوز..
يوميه يطلعون السكملي.. ويكعدون بالحديقه
هو يعتني بالزرع وهي تسولف..
مرات يندار عليها ويضحك..
ومرات يبقى يسقي الزرع وميحجي وياها
وهناك وتطلع اله بصينيه جاي.. وياها كليجه
ليمي اشم ريحه الهيل...

حلوين..
وحلو الحب من الصغر للشيب..

وارحع ادخل بعالمي الخاص الي محورة الخيال..

محد يصدك اذا.. الي صار تعلمته من روايه

البطله تنتقم من الكل وتربح بالاخير..

لكن اني راح اكون مثلها بيوم..
واعلن انتصاري لو الخذلان يكون مصيري..

بعد الظهر.. رتبت كل شغلي.. بدون ما اححي ويا احد
بدلت ومشيت لحلا..

واخذت ويايه الغراض..

جنت اتمشالها وحدي.. الجهال كبرت وطلعتهم ويايه تعبني
وشهاب فدوة لطوله بدا يروح ويا ابويه..
للشغل وسعادة..
تجي يمي اغلب الوقت....
بس صدفت.. اليوم.. صديقاتها يمها وتلعب بالحديقه..

تمشيت وصلت الها..

دخلت..
هلاو حلا..
حلا /هلا حياتي.. جانت تحف لبنيه

كالت اكعدي هسة اكمل..

بقيت واكفه والم الها بالغراض الي مطشرة..

جانت تسولف ويا الزبونه.. عن الايجارات هنا.. وغيرها..

كملت الها المحل..
كتلها اروح اني جبتلج الفستان ارجع وبعدين اجيج

كالت اكعدي دقايق دروحي سويلنا جاي بين ما اكمل..

دخلت جوة طباخ صغيرة خاله..

حضرت الجاي..

اجتي يمي.. شبيج شكلج ميعجبي..

باوعت عليها..

حلا.. قصيرة.. وشعرها هم كاري اني كصيت مثل كصتها لان عجبتني.. بس شعرها اصفر..
واني اختاريت لون الخشبي احلى شفته
ملامحها حلوة.. وسمينه شويه..

كتلها خايفه..

جرت من ايدي الجاي..
تعالي اكعدي شبيج. ومين خايفه..

راحت سدت الباب ورجعتلي جرت كرسي كعدت كبالي..

احجيلي شصار..

حجيت الها وجانت تضحك..

ولج عفيه عليج افضحي.. هالمعفن بس تدرين.
نجمه.. غزوان حلو..
نجمة/اووع لا ذكريني بي..

حلا /. ضحكت ولج اقصد طوله وجسمه وشكله واناقته مرات يفوت منا اباوع عليه
اكول معقوله هذا الانسان مثل متكول نجمة..

كتلها اذا متصدكين براحتج..

حلا/لا ولج اصدك.. بس اكسبي.. اغري حاولي تبعدي عن المكموعه سولاف مدري شسمها
جيبي يمج.. وخلي ينسى الدنيا وياج..
صيري مرمر.. شبيج تجي هنا تسولفلي سوالف عقلي يوكف عليها

ولج لوتيه مخليه ابوج ميندل لليله من نهارة

هالمرة اني ضحكت واذكرت من كسبته شصار..

بقيت ساكته وتغير موضوعنا تريد تخصل للي

كتلها عوفيني مالي واهس نفسي مو خصل..
دخلت زبونه وتغير كلامنا..

مر للوقت واني محاسه بشي..

الى ان اجتي عليه سعادة..

كالت تعالي.. عمتج دزتني..
بوستها ورجعت وكتلها اتصل بيج
سالفه الاتصال مزعجة بسبب اكثر من جهاز بلبيت
اكثر من مرة اتصل واسمع لو عمتي لو غزوان يصنتون عليه.

لهذا تركتها..

رجعنا دنمشي.. كالت سعادة بس اشتري امشي ويايه
حاولت اجرها..

مقبلت الا تشتري تقربنا من المحل.

وكفت الها برة... شفتها تشتري..
وكفت يمي سيارة..
انداريت بدون ما انتبه ع الشخص ورجعت عيني ع سعادة كتلها فضيني.

حسيت احد واكف بصفي..
بصوت خشن السلام عليكم..
انداريت..
هذا منو وين شايفته..
رجال ضخم وطويل وشعرة خفيف..
وعيونه ملونه وعندة لحية..
ابتسم بوجهي.

انداريت من جديد ومشيت اريد ادخل للمحل..
كال
يابنيه..
هنا وكفت هالكلمه والنبرة اذكرتها هذا.. الولد..
نسيت اسمه يالله..

اندارؤت عليه نعم..
مد ايدية بجيبه.. كال بس هذا وكع منج البارحه اظن سلسله ذهب.. مديت ايدي من بعد اخذتها منه
اي صح هاي كلادتي.. عفته ومشيت
دخلت للمحل.. دخل ورانه

سعادة تاخد وترجع

جريتها من اديها فضيني عاد..

كالت اي اي هسة..

جريتها كوة وطلعت من المحل..

جان واكف..

من صرت قريبه يمه.
كال مكلتي شكرا..نجوى.

انداريت.. عليه باوعت.. نجوى منو شبي هذا
واخذت اختي وركض جنت امشي واجر بيها
علما وصلت البيت وسديت الباب
روحي طلعت..

دخلت بوجهي عمتي..
مبدله.

كالت الحكي..

شكو..

ولج مرمر دجيب وهي بعدها مو بشهرها..
جريت اختي..

كتلها ميخصني والله جابت وله ماتت..
عمتي /وتالي وياج وتالي هل عداوة متفض كافي تصرفاتج كلها غلط
البارحه عبير الطريقه كله تبجي اني اعرف شتريدين تسوين اعرفج مو فقيرة لا والله
وهاي سولافه تهمتيها وفضحتيها خليتي القاعه كلها تحجي بيها
وتالي وياج

كتلها اسمعي. مرة حبيرة ع عيني وراسي احترمج اي
بس تاذوني واسكت لا انتهت نجمة القديمه
يعجبج يعجبج ميعجبج اطلعي برة انتي وولدج

هذا بيتي وخير امي هذا..
مثل الشجرة السامه انتغرستو وجذوركم بكل مكان بس يجي يوم وتموت ولو اني لو انتو

العيب ابنج كاعد يبوس بيها اييع وسم كون..

عمتي/لا لا بعد ما اتحمل اني.. يجي غزوان واعرف شسوي...

ضحكت.. كتها ميسوي وربج... ابنج عبد الفلوس
وانتي هم

عافتني وراحت.. وتحجي ادبسز.. ممربايه صلفه..

سديت الباب وكعدت اني وسعادة

سعادة جانت فرحانه بولادة مرمر
يشهد الله

رغم مرمر حقيرة بس ولا يوم ضربت اخواني او اذتهم
او حرمتهم من شي اصلا مالها دخل بيهم بكل شي
المهم هي تفرفر وتلبس ذهب..

مر الوقت هادئ وبارد ورة ساعات ابويه اجاني اصفر ويرجف

دك الباب عليه..

طلعت اله خير يابه كال بقي شهاب يمج..

اححيلي شصار..

كال هم عمليه واني اخاف منها.. لان ماتت امج بسببها

بقلبي ايبااه ذكر امي واخيرا..

اخذت اخويه وهو رجع..

للمستشفى..
اقل نص ساعه..

دخل غزوان بالبدايه ارت

بكت منه بس اول ما طب ذب السويج كال حضريلي اكل.. تعباان..

اختي يمي..

حميت الاكل.. مدة ونزل..
صبيت اله.

ع الميز

داروح
كال اوكفي عندي حجي وياج.

نجمه /ماله داعي كلامك..

غزوان!/ عمو سعادة روحي اشتري وانطاها فلوس ....
كالت اي عمو جنت اخنزر عليها وهي ولا يمها عافتني بسرعه
ولج تعالي..

جرني من ايدي اكعدي لا تخلفين..

بدا ياكل..

كال.. نجمة تصرفاتج وغيرتج و تغيرج ولبسج
حتى جسمج غيرتي
مال وحدة تحب...؟؟؟
سكت وشرب ماي شويه..

انتي تحبيني..

حايرة بردي اله..

اكولة كون اطبب بعينك الخاشوكه وتصير اعور
وراها اضربك بالجدر ويصير بيك شلل
واضحك عليك طول عمري..

بالحظات تخيلت هو بجامه بازة وموسخ هدومه والجهال تركض وراه ابو شخة .

ضحكت..

حسيت بي ابتسم..

باعي اعرف وليد جان يحبج وجان زعطوط.
ويسوي هيج عود شوفيني اني احسن منه.

واعرف بيج تحبيني..

يالله هذا شديخربط..

سكتت اكثر...

شجاوب هسة..

مد ايدة ع ايدي.. ولزمها
كضيت وياج لليله من العمر..

ويوميه اتمناج بحظني واضوك عسل شفافج

كل شي بيج يثيرني.. نجمة..

كمت مم الميز ورايه الباب..

اعترفي كولي احبج..

شبيج ساكته.

نجمة /اختي اتاخرت..

ذب الخاشوكه وكام..
تقرب مني..
كولي احبك..

مسامعها منج..
ولزم زري..

كتله.. والله من تصير رجال الي وحدي ذاك الوكت اكون الك مراه كامله..
ودرت وجهي واحجي ويا الباب يالله هذا وكته شبي

حضني.. من الخلف..

جنت اكول لنفسي اصبري اصبري..
لا تحجين شي..

شفت الباب انفتحت.

بعد عني دخلت سعادة..

طبت للحديقه..

كال شلون الج وحدج ورجع للميز ياكل

كتله سولاف.. ويوم مخبله

انداريت عليه غزوان.. يجوز احبك ويجوز امووت عليك وانت متدري..
يجوز اتعذب وابجي يوميه عليك.
واشوف غيري الحب الها واني ممحترمني

ويحوزاكرهك واتمناك تموت..

ضحك بصوت عالي
الاول كلامج صح.

شنو المطلوب مني اعوف سولاف..

دخلت سعادة.

كالت مرمر جابت ولد
مرمر جابت ولد..

وللحكايه بقيه

بارت (20)

دخلت سعادة.

كالت مرمر جابت ولد
مرمر جابت ولد..

كام غزوان من الاكل شنو هاي شوكت عمة جابت..

وكعد يحسب بايدة..
بعد مو هسة..

منو كلج سعادة.

كالت / بابا برة البيت تعال شوفه..
ترك كل شي بايدة وبسرعه طلع..

...

حمدت الله المسرحية خلصت..
وضجت لان مرمر جابت.
شهاب ووسعادة فرحانين..

طبو وباديهم كومه فلوس..

عرفت ابويه ع سلامتها ديوزع..
انحصرت رووحي..

ليش ياربي الموزين هيج الدنيا وياه عدلة بكل شي..
شويه ودخل غزوان..

كتله تعال كمل اكلك..
كال لا يابه يااكل مستعجل.. مشى شويه ورجع...

كال متجين؟؟؟
كتله وين..

غزوان /نروح نشوف عمتي..

ونتحمد ع سلامتها..

نجمة/اظن اني ممرغوب بيه..

غزوان /معليج انتي وياية..
نجمة /لا رووح انت مالي دخل بيها ولا بابنها..

غزوان.. مشى ويحجي بالممر..

نجمة ربحان الي يمشي وياية..

لميت الاكل من الميز وطلعت شفت الجهال جايه من الاسواق وكل واحد بيهم بايدة علاكه شكبرها

..

طببتهم للبيت.. و غزوان نزل..
يلا نجمة امشي..

نجمة /لا ماروح..

جان يعدل بملابسه..
وكعد يلبس حذائة..
غزوان/اليوم اريدج الي وحدي بس تمام..

كمل لبس وعدل نفسه..
وغمز الي..ماوصيج.
بقيت فاكه حلكي.. هذا شبي ياربي..

تخبل عليه ابن المخبله.

بقيت اباوع عليه شغل السيارة..

وفتح باب الكراج..
وكفها باب بيتنا..
ونزل يسد الباب..

كال بصوت عالي اليوم لا تسوين عشا..
اجيب ويايه.. بس رتبي وضعج..

تمام.. وحركه الاوكي بايدة..

وسد الباب..
انداريت اني هييهيي وافر بايدي شحضر ابن المعزايه
خرب بيومج نجمة
شسوي اني..
طبيت للهول الجهال ناثرين البيت بالحلويات والجبس..

خرب.. يمغودبن توني نظفت البيت صدك جذب
ياربي..
بديت الم بيها..
شهاب بعدة صغير..
وكلامه مو مفهوم بس داسمع تكوله لا ولك هاي ماما نمنم لا تحجي عليها..

لميت الغراض.. واحجي عليهم.
تقربت منهم..
كتلها شبي شهوب..

كالت.. هاااا يكول..
شهاب لزم حلكها. يكول لا لا..

تقربت منهم.. عمري كله ممستخدمه القسوة وياهم..

كتلها شكو..
تقربت مني.. وكالت يكول عليج مخبلة
فتحت عيني وانداريت ع شهوبي..

صدك بجيت..

وجريته يمي جان خايف..

كتله هاي علييمن مخبله..

بقى ساكت..
كتله منو علمك تكول هاي الكلمه احجي..

سعادة لسان..
كالت هاي مرمر دومها من نجيج تكول رايحين للمخبلة
متصيحج نجمه المخبلة

حضني شهاب وكام يبجي..

لزمته حبيبي.. محد يحبكم بهذا الكون كله بكدي مستعدة اعوف كل شي علمودكم....
جريتهم اثنينهم
سعادة شهاب..
مراح تفهموني بس كل حملي ذابته عليكم وانتظركم تباروني بيوم..
كمت امسح بدموعي..
شهاب انت مو اخويه انت ابني اريد هالكلمات تبقى ابالك..

انت سندي.. وسعادة انتي بنتي اريد ارفع راسي بيج..
بس يهزون راسهم وعيونهم كلها دمع..
ضحكت الهم ضحكوا بوجهي..

كتلهم يلا..
نرتب البيت واسبحكم..
و اسويلكم معكرونه وعندي كاسيت مال توم وجيري..

كامو يكمزون..

طلعت منهم..
وطلعت برة.. بالطرمه.. اول مرة افتح زيجي..
للسما..
وادعي.. الله لا يوفقج مرمر وعساج لا تشوفين يوم راحه..

ربي اذا بيه حوبه طلعها..
واشوفها بحياتي..

حسبي الله عليكم..

.....
اخذني الواهس وبديت.. اسقي الزرع..
وطلعو الجهال يمي..

حلو من اشوف الي زرعته كبر واثمر
اجمل احساس.. اشوف حك تعبي ياترى يجي يوم واذوق ثمرة تعبي..
كملت ودخلت للبيت...
اني والجهال وحدنا والكل يم مرمر
نسيت او تناسيت كلام غزوان الي..

اندك جرسنا.. اباوع ساعه عبرت السته

طلعت صحت منو.. منو...

تقربت من الباب..

منو..

جاوبني شخص اني..

نجمة/اي نعم منو انت..

كال اني مازن.. انتي نجوى؟

مازن نجوى رجعت ذاكرتي وعرفت الي دك الباب منو

هذا صديق وليد..

فتحت الباب ع كيف..
ومديت بس عيوني..

اتفضل..

جان داير جسمه عني وهم يدخن من شافني شمرها وابتسم..

تفضل؟؟؟

كال اني مازن الي..... قاطعته اي والمطلوب..

مازن/وليد موجود..

؟؟؟
نجمة /لا مموجود واصلا مساكن يمنا..

مازن /من رخصتج دقيقه مو اكثر..

راح افوت مباشرتا بالكلام.. اني من الطبابة العسكريه.. صديق وليد المقرب..

نجمة/بدون زحمه اختصر الكلام شنو تريد..

مازن /نجوى.. اني اكدر اساعدج..

فتحت كل الباب اولا اسمي نجمة وثانيا والمهم يعني جاي واكف بابنه علمود اعرف انت طبيب عسكري..

وبيش تخدمني

مازن /اسف اسف اعصابج حبيت اقدم مساعدة الج بعد الموقف الي صار.. وصدكي اني انسان واعي.. ومثقف..
مجرد ما سمعت هل كلمتين

.. سديت الباب.. بوجهه ودخلت..

يالله هاي العائله ماعدهم غير هل جملتين واعي ومثقف.. وهم ميعرفون شنو الثقافه
وصلت لباب المطبخ.. خجلت من تصرفي لكن بقيت.. ومطلعت ابد
سديت الباب وقفلتها شيريد يساعدني اصلا..
وهو ميعرف شي..

.....
كملت اليوم بين الجهال وسهرنا ومحد اجه..

اتعمدت اصعد من وكت فوك واقفل الباب وانام واني والجهال..

كلام

- تلعبون ڪدها 😂🔥👍🏿 .