ورحت ويارتني مارحت مااكدر اذكر بشاعة  المنظر
ياريت لو اكدر امحي هذا اليوم من ذاكرتي ‏ بس صعب
ماكدرت ابجي ولااحجي لان الشعور الي جنت ‏أحسه مجانت الدموع تكدر توصفه ولا الكلام  يعبر عنه

  مات الكلام امام شعوري المؤلم
شعور صعب حسيت الدنيا صارت سودة
كرهت كل الناس كرهت نفسي لان اني جنت السبب
وجنت اكول لنفسي ماااريد اذكر تفاصيل هذا اليوم
جنت اتمنى لو كل هذا كابوس واغمض عين وافتح عين واشوف أوس كاعد يلعب يمي
قررت انتقم من الي  ‏سوا هيج
من الي قتل طفل ماله اي ذنب ‏
هذوله موبشر هذوله ‏ وحوش بشريه
شلون عدهم القابليه والقدرة على انو يقتلون طفل
وبكل دم بارد لازم انتقم
لان من تنملي كلوبنا بالحقد والكرة
تنعمي عيونا ونبدي منشوف شي كدامنا  ‏واني قررت اخذ حقي من كلمن خله  هاي النار الي مدتطفه بكلبي ‏وكل الي داير مدايري
حاولو يوأسوني ويهونون عليه بالكلام  ولكن مكدرو لان هما مديحسون بلي اني داحس بي
النار متحرك بس صاحبها
وفعلا اني بديت انتقم وكلما بدة يمر الوقت بيه كام
كلبي يموت اكثر وكامت روحي  تبطل تتنفس
حياتي تغيرت وصار ليلي  نهار
ونهاري لليل حاولت ابتعد واروح لمكان محد يعرفني بي ومكان مابي احد شبه معزول وبحكم انو اني مقاول
بنيت بيت بمكان شبيه   بالصحراء مابي اكثر من ست بيوت اوسبعه
بس كل بيت بينا مسافه جبيرة
واما البيت الي بنيته اني  كان اكو يمه بيت صغير
طول فتره البناء ماشفت احد يطلع منا ماعدة مرة جبيرة
ولكن لمن خلص البيت وكعدت بي
بديت انتبه انو هذا البيت بي اطفال استغربت لان
الي يشوف هذا البيت والهدوء الي بي يكول مستحيل اكو بشر  بهذ البيت ماعدة هاي المراة الكبيرة
وفديوم اني بالمطبخ وشفت بنيه بحديقتي بيدها طوبه
صحت عليها
.....انتي جابج هنا
........اسفه عمو بس اخويه ديلعب بالطوبه وشمرها عليكم
ودكيت الباب محد جاوب
...وكمزتي جيبيها شنو جنيه بابا انتي بنيه
شلون تسوين هيج
....اسفه بعد مااسويها
...يله روحي منا بعد لتجين
ماادري ليش ضجت
وهاي  كانت اول مرة اشوف احد من هذوله الاطفال
والمرة الثانيه لمن اني جنت كاعد  بالحديقه الصبح وسمعت صوت وحدة
دكول عمه الله يخليج والله جوعان
استغربت  لان الصوت موطفولي ومونفس الصوت مال البنيه الي جتي على الطوبه وصار عندي فضول  اشوف هاي منو الي دتحجي
صعدت فوك لغرفتي وفتحت الشباك مال غرفه
باوعت بنيه واكفه وطفل كامش ملابسها من وره وهاي المرة الجبيرة بيدها عودة  تريد تضرب الطفل الصغير
وهاي البنيه واكفه كدامها دتمنعها ‏ واخير شي كامت تضربها الها
وعافتها ودخلت
الموقف الي شفته كلش تألمت منه
وصوت هاي البنيه الرقيق وتوسلها ‏
وخوفها على هذا الطفل حسيته  موقف هزني ولمن كامت تكمش الاماكن الي بجسمها الي توجعها وكعدت بالكاع وتبجي وهذا الطفل حاضنها
خلاني احس انو  كلبي نجرح  والموقف قهرني جدا
كلت معقوله هاي عمتها ام زوجها وهذا ابنها
بس هي صغيرة مومال وحدة مزوجه
وعدها طفل ظليت اباوع عليها لحد ماكامت نفضت ملابسها وشالت هذا الطفل ودخلت
كلش اتاثرت
بلي شفته
و هسه يله اتأكدت انو خلص الناس مابقى عدها ضمير ماتت الانسانيه الي بداخلهم
بس عجبتني شجاعة هاي البنيه الصغيرة الضعيفه
وهي ددافع عن هذا الطفل
الصغير ومرت ايام وجتى ايام واني  كمت يوميه اسمع صوتهم يبجون واكتشفت انو هاي عمتهم اخت ابوهم
طبعا هاي بعد ماسئلت
بالبدايه كانت حاله انسانيه
تقهرني بس بعدين بدت هاي البنيه تجذبني برغم انو اني اباوعها من بعيد وحتى ملامحها ماجانت واضحه
بس اكو فد احساس بداخلي بده يجذبني الها كمت اراقبهم من بعيد واشوف مدى التعاسه الي هما بيها
برغم
انوجان بودي اساعدهم بس جنت اعرف نفسي مثل المرض
الي اتقرب منهً يموت يوم عن يوم اني اراقبهم وبالذات هي
فجأة كمت مااحس على نفسي الااني اخلي الكرسي كدام الشباك واكعد حتى   أشوفها مااعرف ليش فضول
او اهتمام يمكن بسبب حياتي القاسيه
يمكن شفت بهذا الطفل الصغير ابني
وشفت بيها ام ‏دافع عن اطفالها او شفت بيها
شي مالمسته بحياتي
دورات نعيش بخيالنا ويااشخاص احنا مايربطنه بيهم شي
فقط شعور بشيء ما
يربطنه بيهم شي منفهمه ولكن نحسة
وبهاي الفترة طه ابن اخويه الجبير اجى بقه يمي لان هو طالب سادس ولان ‏مد يقرأ  ابو عاقبه
كله تروح تبقى يم عمك زيدون حتى لاتطلع ولاتدخل
وهو طه يخاف مني واجى بقة يمي
وطبعا جان مركز ويا بيت هذول الناس وكل شويه يكلي عمو شوف خطيه هذوله هاي المرة شسوي بيهم
وجنت اكله اي اعرف
وصادف
ومرة بالليل جنت داغير ملابسي بالغرفه لان  داريد اطلع ورحت على الشباك فتحت البردة شفت هاي البنيه دتغسل الكراج بالليل والدنيا باردة وجانت ترجف
وجان مبين عليها الخوف
صار عندي رغبه انو اروحلها ‏وادفيها ‏ واخليها تدفى بالنار الي تشب بضلوعي
سرحت بخيالي وياها شفتها مثل العصفور المحتاج حنيه
لوبدي احضنها لو بيدي العب بشعرها لوبيدي اكمش هاي يديها الصغيرونه  ولواكدر اسمع دكات كلبها الصغير اتخيلت اذا هي بحضني  شراح ا

حس يمكن تخيلاتي
كانت فقط كرجل يمكن جنت محتاج لحضن محتاج وحدة تحس بيه بس ماادري ليش حسيت انو هاي الوحيدة الي اني اريدها برغم انو هي طفله
يمكن  حبيت اخذها لكلبي واخفف عنها حزنها
بس اني كذاب اني اريد حضنها حتى يخف عني وجعي
جريت حسرة وسديت البردة ونزلت
جوة اخذت مفاتيحي وقفلت الباب وطلعت وصلت يم سيارتي بس ماكدرت افتح الباب ظليت واكف
وخطواتي اخذتني للباب الخلفي للبيت  مال هاي البنيه
هذا البيت جان بي باب ليورة باب صغيرة
رحت وفتحتها ودخلت وجان المكان اظلم يادوب ضوه خفيف كلش
ومشيت على  كيفي  وتقصدت اطلع صوت شفتها وكفت وكامت متتحرك  واني وكفت وراها
وجان البرد الي بالجو 
والرغبه الي بداخلي
تولد عندي شعور مختلف
كنت اتصورها حلم شي موحقيقي مديت يدي ولمستها
هي خافت وشويه وكامت تركض ودخلت جوة
ضحكت عليها بس 
اكو شي جان اكبر  خلف هاي الضحكه
وطلعت من المكان الي دخلت منه وصعدت سيارتي ورحت
وطول الطريق اني بالي مشغول بهاي البنيه
الي هي طفله اكثر من ماهي بنيه شابه
بعض الاحيان النقص الي يكون بمشاعرنا يخلينا نذهب
الي اي مكان المهم نشعر بهذا المكان بشيء ما
ممكن تكون رغبه او عاطفه
المهم
ثاني يوم اجاني طه كلي
....عمو
...ها طه
...رحت لبيت هذوله الناس
.....اي شبيهم
....خطيه عمتهم  موخوش انسانه شكد تضربهم
اليوم قبل متطلع ضربت هاي البنيه الحلوة
رفعت عيني وباوعتله
...طه انت هنا اجاي دتدرس ومواجاي دور بنيه حلوة
ومااريدك توصل يمهم مناقصين مشاكل
.....بس عمو خطيه
...اي اعرف  خطيه بس هاي عمتهم ومنكدر نسوي شي
التهي بدراستك ومستقبلك
....اي عمو
وبعدها بكم يوم داطلع اني وطه جنت اريد اروح اسوك ومن دنطلع سمعت صوت عياط كلش قوي
.....عمو هاي يمكن عمتهم دتضربهم
بعد متحملت اوكف رحت بسرعه شفت الباب مفتوحه بسرعه دخلت وكمشت يد هاي المرة
وهي صفنت وخافت كالتلي
.....انتو منو حراميه طلعو من بيتي
....انتي شلون اضربيها هيج متخافين من الله
....وانت شعليك
....شنو شعليه دائما اشوفج هيج تاذيهم خافي الله بيهم
حرام عليج
.....انت لتدخل جهال اخويه واربيهم
....تربيهم لو تريدين تموتيهم دشوفي حالهم راح يموتون
وهي كامت تغلط وتجاوز واني باوعت عليها هي جمدت بمكانها وكفت بعيد وصحت هاي البنيه
....جيبي اخوتج وغراضكم وتعاي
....اي
راحت بسرعه
واجتي وهي كامشه اخوتها
واخذتها لبيتي واشرت ل طه يدخلهم للغرفه الجوة وصعدت اني فوك بس جنت كلش ضايج واحس جسمي كله يرجف
وبعدها هديت شويه ولليل ماكدرت انام وظليت اروح واجي
ولحد وجه الصبح  واني كاعد
ونزلت للمطبخ وكعدت داشرب جاي
وشفتها دخلت
وجانت مرتبكه وخايفه
باوعت عليها وكلت لنفسي
ياربي اني شنو الي ديصير بيه
ليش شوفتها تخمط كلبي
ويمكن منا بدت معاناتي لمن تحس بشخص ميفرق قربه لو بعده المسافات ماراح تكون الها اهميه  لان احنا نحس مراح نفهم
ولكن هي نظراتها ارتباكها خوفها مني جان كله يخليني اشعر بيها اكثر
للاسف احنا منكدر نتحكم بكلوبنا يجوز  من نظرة وحدة
كلبنا يكوم ينبض ويجوز سنين احنا عايشين ومنعرف شنو معنى انو كلبنا ينبض بشدة
يمكن كلبي يريد احد يطيب جرحه بس تاليتي راح اوكع بجرح جديد
يتبع ...

قصة خيال ﴿ اليتيمه ﴾ حقيـقيه 💯-


بارت 19 شاركو القصه مع اصدقائكم

صعدت فوك ونمت ولمن كعدت جبت
غدة من برة
وكلت ل طه انو يصيحهم يجون ياكلون
وشويه واجتي واول مادخلت اشرتلها انو تكعد
وكعدت هي واخوتها وجنت اباوع عليها شلون تهتم بااخوها واختها ومتاكل كلش قليل وكل شويه تشاور اخوتها مااعرف شدكللهم
ولمن خلص الاكل كامت بسرعه تشيل بالغراض ونظفت الميز وراحت تسوي جاي كاانما حافضه الدور الي سوي بدون مااحد يطلبه منها
كمت غسلت وخليت يدي بجيوب بنطروني وكفت اباوع على الحديقه من الشباك
كتلها
.....انتي شنو اسمج
....اسمي خيال
نداريت عليها وكلش عجبني الاسم فعلا حسيته راهم عليها وكمت بدون وعي اردد الاسم
....خيال ....خيال
....اسمج غريب منو سماج خيال
...والدي الله يرحمه
......الله يرحمه
..... ليش سموج خيال
.....ماااعرف بس بابا جان يكلي انو شكلج مثل اسمج
....اي صدك يحجي
ظليت اباوع عليها وهي متباوع بوجهي وبعدين رفعت عينها وصارت عيني بعينها
....انتي عدكم اقارب
....لا
....انتو شلون متحمليها هاي مجنونه
.....شنسوي مجبورين وين نروح
.....احسج هوايه فاهمه واعيه شكد عمرج
....16سنه
.....معقوله انتي صغيرة
.....بس كبرت قبل وقتي
.....وهوايه كبرتي اظاهر  دائما ‏المأاسي ‏تكبرنا وتخلينا اانكون اعقل وافهم في سبيل نفهم الحياة ونستوعب الي ديصير
بس اني حاير هسه وين راح اوديكم
....اني اكول نرجع لعمتي نستسمحها  بلكي ترضا  ونخلص
ماعدنا احد
ورفعت راسها للسما وكالت عدنا بس الي ‏خلقنا ‏يتولانه
وسمعت صوت شدن دكوللها
.....خيال والله ‏تموتنا وين تريدين ترجعينا يمها
....سكتي شدن ماعدنا مكان خوما اخذج انتي ومصطفى وافتر بيكم بالشوارع احنا محد يريدنا
جنت صافن على الكلام الي ديصير كدامي
وعلى طريقه كلامها وكتلهم
......محد راح يظل بالشارع اني راح اشوفلكم مكان ومراح
ارجعكم يم هاي عمتكم شفت اخوتها كام يضحكون
وابتسمت على ابتسامتهمً
بعيد عن مشاعري اكو شي بداخلي ديكلي لازم اساعد هذوله الاطفال لان الظلم الي متحملي اكبر منهم
ونداريت على خيال كتلها
..شكد قياس حذائج انتي واخوتج 
......ليش
.....شنو هالسؤال الغبي
مااعرف ليش كتلها هيجي
.....ها اسفه
طه كال
.....عمو زيدون اني هسه اسئلهم واكتبه بورقه وانطي الك
علما تغير ملابسك
...اوكي
وبعدها صعدت دالبس
ولمن نزلت شفت شدن تباوع عليه وصافنه كلت هاي شبيها وبعدين ركضت
انتبهت انو اني جنت خال المسدس بحزامي يمكن هي شافته وخافت
ضحكت  عليها ولبست سترتي
وطلعت وشفتهم ديباوعون عليه طبعا اني كنت مابين انو أدعي عدم الاهتمام ومابين مهتم
طلعت واشتريتلهم ملابس لان كانت ملابسهم كلش تعبانه
وجنت حاير لان مااعرف اشتري  ملابس بالذات على قياس
خيال
دخلت للمحل وظليت صافن
جان اكو هوايه بنات انتهبت اكو وحدة تطلع مثل جسم خيال بس شويه اطول
رحت على ابو المحل كتله اريد على قياس البنيه
وشنو هي جانت دشوفني أشر عليها
يمكن عبالها نعجبت بيها كامت اتوزع ابتسامات
دورت بالملابس ولكيت الي عجبني واخذته وطلعت
وصلت  للبيت وشفت خيال
....تعاي خيال هاي ملابس جبتها الكم
.....شكرا ‏
...خيال ،،،،
...نعم
....لا بس كلش عجبني اسمج وحبيت اردده  ان شاءالله اذا فديوم
من الايام صار عندي بنيه اسميها خيال مثلج
شفتها تغير لونها وعبالك خافت
مني ورفعت حواجبها
ماكنت اريد اخوفها بس فعلا عجبني اسمها وقررت اذا صار عندي وطبعا هذا الاحتمال بعيد
بس اذا صارت  بنيه عندي اسميها خيال
كتلها
..شوفي راح انصحج نصيحه واذكريني بيها ‏
انتي هسه كبرتي وراح تواجهين هوايه اشخاص ممكن يكلولج انتي حلوة او يمدحوج هوايه بس مو كل الي يكلج انتي حلوة معناته عندة فد غايه صحيح الدنيا صايرة غابه واكو هوايه ناس صايرة ذيابه بس مومعناتها الكل يطمعون بيج ويريدون منج شي
اكو يكلج حلوة لان هاي حقيقه لانج فعلا حلوة والي. راح يكلج
حلوة و يجوز هو بحد ذاته انسان  صريح وحب يعبر عن رائية ‏ ‏بصراحه
او اكو شخص حب يجاملج
وانتي من راح تكبرين اكثر راح تفهمين انو كل رجال يباوعلج
من  نظراته  راح تعرفين شيريد ونظراته شتعني وشيريد منج وشنو غايته
ويبقى كلشي بيدج ويبقى ‏و انتي شلون تحافظين على نفسج
وتكونين ام واب لنفسج وتكونين ايضا قدوة لااختج واخوج
لان هما يشوفون بيج ام
افتهمتيني اني اتمنى انج تعرفين ‏قيمة نفسج ومتخلين احد يسترخصج
افتهمتيني
....اي افتهمت
....انتي حلوة فحذري
...روحو غسلو وبدلو ملابسكم
حبيت انصحها لان هي مجرد ماكتلها كلام مابي شي ومااقصد بي شي خافت

وبعد مايقارب الساعه جتي خيال وجانت غاسله وشعرها
مفتوح ومبلل ولابسه البنطرون والبدي نداريت باوعت عليها وحسيتها خطفت كلبي خفت يبين شي على
ملامحي لهذا  درت وجهي
عنها وبعدها ماتعشينه
اني طلعت للحديقه وظليت مدة طويله كاعد اشرب جكاير واباوع على السما جنت كلش ضايج
واحس دمي فاير وبعدها كمت دخلت جوة
وجان البيت هادىء تصورت الكل نامو
بس لمن دخلت للمطبخ
شفت خيال كاعدة دكمز تريد توصل للكاونتر
ضحكت عليها وانتبهت عليه
كلت صدك طفله برغم الغطاء الي تحاول تخبىء  ‏نفسها بيه
جنت اريد اروح اشيلها واصعدها تاخذ الي تريده
بس خفت من قربي منها لهاي الدرجه
ندارت عليه
كتلها
.....قزومه انتي بس لابعد مطولين
.....لااطول بعد هوايه ورايه
....ان شاءالله طولين بس هم تبقين كصيرة يعني لتحلمين
اصيرين طويله
...يله ميخالف شسوي
اجيت وكفت يمها وحسيت هذا القرب ديتعب اعصابي
.....كوليلي شدورين
....الحليب
....هناك بهذاك الكاونتر روحي جيبي اذا دكدرين
.....اي عادي اصعد على الكرسي
....ههههه وخري خلي اني اجيبه
....لااني اجيبه ‏
...بعد ساعه مجيبي ومشيت ‏ من يمها وجبت القوطيه مال حليب هاج
صدك
انتي شسوين بالحليب بالليل
...احب اشرب حليب وجاي بالليل  تريد اسويلك
....لا مااريد لان راح اطلع
.....هسه
...اي هسه
....يا متخاف تطلع هسه هو منو اكو بس الذيابه
....ههههه لااني مااخاف بس من الخالقني
واخاف بس من انو افقد الناس الي احبهم بس مااخاف
من شي ثاني
استغربت انو اني اطلع بهيج وقت وحسيتها كامت تفكر
وطلعت ولمن رجعت جان الوقت متاخر وجنت تعبان
وصعدت لغرفتي وكعدت لصبح على مشكله جتي عمه خيال وسوتلي مشكله و حاولت تضرب  خيال
بس وكفت  اني بوجهه وكنت  مستعد ادافع عنها لااخر نفس بيه وقررت انو لازم ابعدهم منا وابعد خيال عني
وكتلها لخيال انو راح اوديكم يم بيت خالتي عارضت انو ليش دساعدنا بس بعدين وافقت جان عدها خوف مني وجانت تتردد تحجي ويايه وجانت تحاول تسئلني وتستفسر مني بس اني جانت اجاباتي مبهمة
ولكن فاجئتني لمن كالتلي ‏جبت
.... انت ليش اجيت لبيت عمتي بالليل
.....شوكت اجيت
...بالليل من جنت داغسل الكراج اني ماشفتك بس عرفت انت
وبوقتها كمشتني واني نهزمت دخلت جوة
....منوكلج اني
.....يعني  مو انت
...لااني
....ليش
...مجاوبتها  وكمت وكفت
وحسيت نفسي  داريد اتهرب من الاجابه شكللها احساسي خلاني اخطو الج واجيج بنص الليل احساس بداخلي يريدج
كتلها
.... اني من زمان جنت اشوفكم وحبيت اساعدكم
...بس ليش اجيت للبيت
..... ليش دسئلين
....هيج مجرد فضول اريد اعرف
....واني مااريدج تعرفين
...ليش
....احسن الج
وانتهى الكلام بينا وكانت نهايته غموض  بالنسبه الها
وبالنسبه الي احساس جديد
واليوم مثل كل يوم اطلع بالليل واروح واحمل سلاحي
ولكن لااول مرة افكر ويا
كل رصاصه جنت اسمع صوتها توكع جنت اكول الطلقه لبعدها تدخل بصدري
كل رصاصه تسقط على الكاع واسمع صوتها من توكع اكول الي بعدها
راح تجي وتنهي حياتي
من جنت البس واجهز واشيل سلاحي جنت اصير انسان ثاني
انسان يقاتل ويقتل بدون مايرفله جفن
وكل قطرة دم اشوفها ذكرني باابني
واذكر اصدقائي الماتو
واذكر
القارورة الي نملت ‏ من دم كل شهيد
اذكر جرحنه وحزنه اذكر الناس الي دفناهمً
كلما كلبي يلين اذكر اعزازنا
ويرجع يقسى ‏
بس
قبل خيال مكان عندي احد اهتم واريد ارجعله بس خيال جنت اريد ارجعلها حتى اشوف وجهها
مرة ثانيه خيال خلت عندي نفس الشعور الي حسيته من شفت اوس اول مرة وخفت عليه وخفت اموت واعوفه وقررت اعوف كلشي
بس ماكنت اكدر
اعوف كلشي  هالمرة اكو شي اكبر مني وبنفس الوقت
و اريد اقترب منها خفت عليها من نفسي
خفت عليها من قربي
ورجعت للبيت  لان بعدها هالروح مجايها  السرة
شفت خيال
دتباوع تلفزيون رحت عليها
....شعندج كعدة لحد هسه
باوعت عليه
فتحت عينها
....انت ليش هيج صاير بيك
.....شنو شبيه
....هدومك كلها تراب ومبين تعبان
.....اي هسه ادخل اغسل
...تريد اكل
....لامجوعان
....تريد جاي
....شتريدين خيال
....ماااريد شي
....لاتريدين
......تصبح على خير
جريتها من يدها
...... خيااال مااريدج تكونين قريبه مني سمعتي وانتي باجر راح تروحين
....بس اني ماااجايه كاعدة يمك
....ههههه لا موقصدي تكمشيني او دكعدين بصفي قصدي
وسكت ,,,,,,,.,,.....,..,,,,شلون افهمج
باعي خليج بعيدة عني
....شلون يعني
....لج بابه شنو شلون انتي ليش مدتفهمين
...انت ليش تصيح عليه اني مسويتلك شي حبيت اساعدك او اسويلك اكل جاي بس
....ياالله منج خيااال لصيرين طفله ويايه رجاءا انتي صدك
مدتفهميني لو دتحاولين ضوجيني
....اني اروح انام احسن
...صوجي بقيتج جان المفروض اوديج من اول يوم
...وين توديني
....لاحول ولاقوة الابالله
كمت اتنفس قوة واجر حسرات  وكل حسرة حسيتها شكت صدري وطلعت الجكاير مالتي  ودورت على الجداحه مالكيت وراحت جابتلي جداحه ورجعت اخذتها منها
وشعلت جكارة وجان اكو بركان بداخلي
جنت احس نفسي راح اطك كتلها

....خياااااااااااال
....نعم
.....اني تعبان كلش وضايج ومخنوك واريد احجي
واحد يسمعني اريد اتنفس لان داحس النفس
بيه كام يضيق داحس الدنيا بدت تصغر بيه
اني ابد ماااحجي ويا احد عن الي بكلبي لان مااعتقد احد راح يفهمني وحتى انتي مراح تفهميني
سمعتها دكلي
....الانسان لازم يحجي الي بكلبه حتى يرتاح
....مااتصور
تعرفين اني حاولت هوايه اتغير وانسى  بس اكو شغلات بينا اكبر منا
ومراح يفيد الحجي لان صوت الوجع الي بروحي مديسمع
...ان شاءالله ترتاح والله يعوضك
....مااتصور الي يروح ميرجع وماكو شي يتعوض
اني حاولت انسى بس ملكيت نفسي
جنت متاكد انوهي مدتفهمني بس
بهاي  اللحظه اكتشفت انو اني احب خيال
وانو مشاعري مجانت رغبه جانت حب
وبعد مرور 
اعترفت  بحبي الها ولكن جانت باردة
مجانت تكدر تفهم مشاعري مرة كنت انطيها العذر ومرة لا ماجنت اكدر  اعذرها
وحتى بعد غيبابي
رجعت ولكيتها بنفس المشاعر
انما اني مشاعري متغيرت
الي دخلت لحياتي ماكدرت
تنسيني خيال
الدنيا اخذتني ودتني بعيد ورجعتني لنفس المكان
بس مانسيتها
الي اريد اذكره هوايه ويرادله عمر كامل يله اكدر اتكلم عنه مشاعرنا ماتكفيها ورقه وقلم وماتنكتب بسطرين
عشر ايام فصلتني عن سعادة وعن تعاسه بنفس الوقت
رجعت من وين ماوكفت رجعت وكلي امل اشوف خيال
ورجع شريط ذكرياتي لوقتي لحالي
وياصوت المفاتيح
ويافتحت الباب
بس هالمرة
بفتحت  الباب نفتح عمر جديد
شفت خيال واكفه ورا الباب 
شفت لهفتها وعيونها الي تلمع
كالتلي
...حمدلله على السلامه
.....الله يسلمج
عبالي رحتي
....مااروح بعد لمكان
رفعت حاجبي مستغرب من كلامها
...صدك
....اي والله
....لعدشسوين
....ابقى هنا
انت من غبت عني انا مثل المرايه المكسورة
وجرح جبير  بيه
طول ماانت غايب عني اني كلبي تعبني
اني ماااكدر افرح بدونك
ماصدكت الي سمعته
كتلها
.....احبج تعاي لحضني
....لا
....موعلى كيفج انتي مالتي من اول مرة شفتج من تعذبت من وراج هوايه
ماكو انسان يكدر يحب اكثر من مرة الحب مرة وحدة
واني قبلج ماعشته
انتي خيال تحولتي لحقيقه
خيال
....احبج هوايه واريد و صراحه ماعندي صبر
....على شنو
....على كل ليله انامها وحدي على كل هبت هوا بارد
وانتي موبحضني اريد اضمج بصدري
....اي
.....هههه ياالله شكد باردة مشاعرج
اني مااريدج هيج
.يعني اريدج تحسين مثلي
...خيال
....هازيدون
....اني تعبان وانتي راحتي انتي الشي النقي الي اني شفته
تزوجيني
....اي
.....اني راح اصبر عليج لحد مااعلمج الي تحب زيدون لازم شلون تكون
وقررنا نزوج بس ليش دائما الفرحه ماتكمل وتكون
ولازم  اكو عثرات بطريقنه ومطبات
واسلاك شائكة
ياترى ليش ‏
يتبع....

قصة خيال ﴿ اليتيمه ﴾ حقيـقيه 💯-


بارت 20 شاركو القصه مع اصدقائكم

وقررنا نزوج ومكان عندي صبر وثاني يوم وديتها ‏
لبيت
اختها وكتلها اني راح اجي اخطبج من زوج اختج واختج وهي كانت فرحانه وفعلا خطبتها   وعقدنا
بالمحكمه ماردت شي بي هوسه وحفله لان ماكلت لااي احد من اهلي مااعرف ماردتهم يعرفون هسه بس اختي عرفت
وخيال مجانت ‏مهتمة انو نسوي حفله اوشي
كنا بحاجة بعضنا بس  وبعد ماعقدنا رحنا  لبيتي
وصلونا بيت شدن وبعدها راحو لبيتهم
اول ماصرنا وحدنا حسيت ملكت جزء من كلبي وهسه راح احضنه
..خيال
....هازيدون
....كوليلي حبيبي
...هههه
...ليش ضحكين
.....استحي
....لتستحين اوكي
....اوكي
.....يله شدكوليلي
....حبيبي
....فداج حبيبج
تعاي يمي وكعدتها على القنفه
اول مكعدت  باوعت بعيونها
وكلبي جان طاير مني
كتلها

انا متيم بك حبيبتي وكان حلمي حضن صغير
وقبله ترويني وكنت احلم بضوء من
عينيك يحميني  ‏ ‏
انا متيم بك حبيبتي وبهواك انا اموت
اعلم إنك صغيرة
وقلبك ‏ يشبه قلب العصفور
كنت احلم انا ارأك
وعندما أراك
يخفق  قلبي بشدة ويطلب من شهد حبك
‏أن يرتوي
اين المفر ياعمري وانا سجين حبك
اين المفر ياقلبي وانا اتنفسك
اين المفر ياعاشقتي
وانا بالحب  فقير ‏
لاتبتعدي  عن حدود احضاني حبيبتي
لان اذا ذهبتي لايوجد 
بعدك شي جميل وما الجمال اذا لم تكوني انتي
حبيبتي انتي
وكل عمري لك سوف يكون
‏وقلبي لن يحب امراة ‏غيرك ‏ لأن ذلك مستحيل
.....هذا عليه
....ابتسمت اكيد عليج
...هيجي تحبني
....الحب  مينولد الحي يخترق العيون ويخطف القلوب وانتي خطفتي كلبي
الحب مو اوهام الحب انو ازرع الابتسامه بوجهج
واني من حبيتج نسيت كلشي وردت بس اخليج تبتسمين
اني بحبج
ماسمعت غير صوت كلبي
وهو الي وصلني الج
.....متحبها
....منيه هي
.....زوجتك
.....الله يرحمها جابها على بالج
....تصدك اذا اكلك اغار عليك من عدها من جنت تحجي عليها تحجي عليها بحركت كلب لهذا السبب جان يصير بيه احساس مااعرف شلون اوصفه
بس اكيد هو شعور الغيرة
......الله يرحمها راحت واني اقدرها  واحترمها وكانت انسانه جيدة
بس من حبيتج حسيت انو اني هسه يله اخذت نصيبي من الحياة
الحب ياخيال انو نعيش احلى ايام العمر مع حبيب  باي مكان وبااي زمان  كان مراح تفرق لان راح نحس احنا بلجنه وراح
نتمنى شعور الحب مينتهي
قبل جنت اتمنى بس اسمع منج كلمه احبك
جنت مستعد ادفع عمري لخاطرها متدرين شكد جنت اتعذب واتاذى وانتي ماكو
انتي طلعتيلي من مكان مجهول واحتليتي كل كلبي
ونزرعتي بيه 
جان الشوق الج يقتلني جنتي باافكاري بخيلاتي
صورتج محفورة بجفوني كلما اريد انام واغمض عيوني
اشوفج كدامج
....وحبك للوطن والخطر الي انت تلاحقه هم راح ترجعله فديوم
.....ماادري يجوز الظروف تجبرني
.....انت ليش هالمرة هم مدتفكر بيه
ضجت من كلامها  لان حسستني انو اني اناني ونسيت ابني ومرتي ومهتميت الهم وماتو بسبب انانيتي كمت وكفت
ورثت جكارتي
وفتحت الشباك وكمت انفخ بالهوى
حسيت بخيال كمشتني من ورا وحضنتني قوي
و خلت راسها على ظهري
...اسفه حبيبي موقصدي بس اني اخاف عليك مااريد افقدك الله يخليك لتخلي نفسك بااي شي بي خطر
نداريت عليها ورفعت وجها
.....لتخافين الله الحافظ
ومن انتي يمي اني باامان
....احبك
...احبج
....يله نروح نام
...لا
....ليش
.....منعسانه
.....بس اني نعسان😉
...ههه
...حبيبتي خليني دائما بقربج خليني يمج حضنيني ودفيني
مثل مااني راح احضنج ودفيج ومن كل الناس احميج
....كون بي حنونا يا عاشقي
،... ههههههه مااثرة عليج القصه الي قريتها
....لحد الان اذكر كل كلمه مكتوبه بيها يمكن قريتها
15مرة كلما جنت اضوج
جنت اقراها جنت احسها تربطني بيك
جنت اشوفك انت البطل
،....وهسه هم بعدني بطل
....انت اجمل بطل شافته عينه
.....الله الله شنوهالكلام فاجئتيني
.....ههههه عابت فشلتني بعد ولااحجي
....ههههه لا حبيبتي داشاقه وياج بالعكس دائما اريدج هيج تكونين
تعاي وغمزتلها
.....زيدون حباب
.....لا
.....شنو لا شفتهمت
....اعرف شتريدين ولتحلمبن اليوم اعوفج من زمان جنت احلم باب تنسد علينا  وعلى مخدة وحدة نخلى راسنه  ونروح لعالم ثاني
ياخيال خلي بالج
حبي الج مو رغبه حبي الج شي جبير ظلي قربج
لان بعدج عني ياذيني
.....عزة
.....هههههه شبيج
......لامابيه شي
كمت وكفت وطفيت الضوة
وفتحت ضوة لونه خفيف وكمشت خيال من يدها
....خلص زمن الانتظار
احبج
عشت وياها بعالم من الخيال
من نحب ونعاني لااجل شخص وفجأة هذا الانسان يكون النا راح يكون اكو شعور ماله عنوان
من تغيب روحنا وتسبح بعالم من الاحزان وفجأة بوسط هذا الحزن نلكي الانسان الي يحبنا يجي ركض ويحضنه ويشيل كل همنا وكل عذابنه تتحول فجأة تعاستنه لفرح

حسيت جان اكو ضوة بالغرفه وخيال ماموجودة
نزلت من الجربايه ولبست قميصي
ونزلت من الدرجه على كيفي وسمعت صوت بالمطبخ
وشفت خيال جانت لابسه روب كصير وشعرها مفتوح عبالك طفله تجنن
ظليت واكف باب المطبخ واباوعلها والابتسامه ممفارقه وجهي
وبعدين رحت وشبكتها
....هههه زيدون
....شكلنا
.....اني كلت حبيبي زيدون بس انت مسمعت زين
....صدك
....اي ههههه
.....صباح العسل حبيبي
....او زيدون لدكلي حبيبي كلي حبيبتي
.....اريد افتهم ليش اضوجين من اكلج حبيبي
.....احس نفسي صديقك
...هههههههههه شلون صديق يخبل هذا
هسه اكله هههههه
...حبيبي جوعان
....كلش جوعان  انتي صدك ليش كاعدة من وكت شعندج مو البارجه تاخرنه  يله نمنا اني حسبت للظهر مدكعدين
..... موتعرف متعودة
.....اني مااريد افتح عيني واشوفج منايمه بصفي
زين
.....زين
....وين دتروح هسه
.....اروح اسبح واجي
....تعال تريك وبعدين روح
...موااريد اطلع
.....وين تروح
.....بعدين اكلج
...اوف منك زيدون هم بديت
....ولج شسويتلج
.....هم بديت تحجي بغموض ومدكلي شي
....هسه كتلج عود من ارجع اكلج لتعانديني
....اي
...هههه شوفي حتى تفميني زين وتعرفين طبعي
خلي اكلج شي  اني كلش عصبي والشي الي مااريد احجي  بي خلص ماااحجي لو تنكلب الدنيا ومن انطي كلمه
اوفي بيها مهما كان
وماااحب احب يحدد حياتي ويكلي لاتطلع ولاتدخل
...حتى اني
.....حتى انتي برغم حبي الجبير الج بس اني رجال
وماااقبل ينفرض عليه شي او تجي مرة تتحكم بيه
اني احبج خليني اسوي الشي لخاطرج وحبن بيج ‏موخوف
ولتصورين انو في يوم من الايام راح اذيج او اجرح مشاعرج
لان ماكو واحد يأذي نفسه
.....افتهمت
.....ههه لتبرطمين يله ضحكي اريد اشوف الحياة باابتسامتح
ضحكت وبرغم كضيت الليله بحضنها بس احس ابتسامتها وحركاتها ترجف كلبي
...خيال
..نعم
وكفت وجريتها من الكرسي وحضنتها
....دفو صدرج على صدري يسكرني بالحب
احبج
وبستها من راسها
محتاجه شي اجيبه ويايه من اطلع
....سلامتك
....الله يسلمج
وصعدت فوك  وغسلت وبدلت ملابسي ولمن نزلت شفتها واكفه
وجتي يمي ورفعت راسها تباع عليه ورادت تبوسني بس ماوصلت هههههه
شلتها
....هاشتريدين
....انت ليش هلكد طويل
....انتي قزومه تذكرين من جنتي ادورين الحليب ودكمزين
كتلج مطولين بعد
.....لا طولت شويه
.....ههههه مااادري مداشوفج طولانه بس داشوفج
احلى بهوايه صرتي انثى بكل ماتحملها الكلمه من معنى
.....تشوفني حلوة
.....انتي الكمر يدور ضواج
باستني من خدي
....يله نزلني راح اظل هيج معلكه بالهوى
....شكو بيها القاضي راضي هو اني الي شايلج
نزلتها على الكاع
وبست جف يدها وطلعت
وصعدت سيارتي
وجنت فرحان صار شكد معايش هذا الشعور ويمكن اصلا اني معايشه من قبل
ياالله سوت بيه هالخيال
وياخوفي تطلع خيال
بس اني متعلق بيها وكاانو بلارض مااكو احد غيرها
ويبقى الحب هو الشمعه الي تنور حياتنه
جنت اشعر بالوحدة واني كاعد ويا هوايه ناس بس  هسه وجودها مكفيني
دك تلفوني وشفت رقم اخويه
....هلو مؤمن شلونك
....هلو زيدون اكلك شنو زوجت
....اي
...واحنا منعرف بس اختك تعرف ليش مواحنا اهلك ونفرحلك
....بعدين اكلك شلون صار الزواج
ومنو
....اني اعتب عليك مع الاسف والله
....مؤمن كتلك بعدين اكلك ليش دتريد تكبر السالفه علويش
.....الله كريم
.....ولو انت ماقدرتنا بس باجر تعالو معزومين يمنا وكلنا راح نلتم
....ان شاءالله...
....مع السلامه
....الله وياك
ماادري ليش مزاجي تغير من حجيت ويا اخويه وضجت
اني مجنت  اريد اضم  موضوع زواجي عنهم
بس اعرف راح ينتقدون خيال
لا ن هما هذا اسلوبهم وبالذات لان طه ابن مؤمن يعرف خيال
والي صار وياهم
دورات جنت احس طه معجب بخيال
ماااعرف بس احس هيج
استغفرالله اني شدافكر هسه
خلي اروح اجيب شدن ومصطفى يشوفون خيال
اني احب اشوفها سعيدة
واعرف شوفتهم شكد تسعدها
شلت تلفوني وخابرت شدن
وحجيت وياها وكتلها شويه وامر اخذج
ورحت خلصت كم شغله واشتريت كم حاجه
ورحت لبيت شدن
دكيت هورن وطلعولي
اجتي شدن صعدت
ومصطفى هم
...هلو شلونك ياعريس
....هلو شدن شلونج
....والله بخير بس شعجب اجيت علينا خوماكو شي
....لاوالله ماكو بس مشتاقيلكم
....ههههه صدك شو مداحس
....ام لسان
.....هههه
....لا بس خيال تفرح كلش بشوفتكم
....اي اعرف بس هي البارحه جانت يمنه مالحكت
.....مشتاقه لمصطفى
.....اي اعرف بس اني راح ابقى يمي مصطفى هالفترة
وبعدين الله عودالله كريم لان انتو بعدكم عرسان
....الله كريم
...شلون شغل احمد
....والله زين على الطاكات يوم هيج ويوم هيج وهسه كاعد بالبيت
....خلي باجر يجيني للمكتب اني احتاج احد ويايه
يوكف على البناء شي
وشعلنا بي خوش فلوس
....فدوة لعمرك والله مانعرف شلون نرد وكفاتك ويانا
....انتي اختي الصغيرونه ومصطفى مثل ابني
...الله يسلمك
وصلنه للبيت واول مافتحت الباب
اجتي خيال وحضنتني
....خيال شدن ويايه
خجلت شافت اختها
....شدن هو كلبي شلونج
وكمز مصطفى على اخته
وهي جانت تبوسه جنت اباوع

علية وابتسم لابتسامتها
يعجبني اشوف نظرات الفرح بعيونها احسها من تضحك
الدنيا كلها تضحك
ماادري ليش كلما اصفن احس انو اني في يوم ما ممكن افقدها
ماااعرف ليش احس هذا الحب وهاي الفرحه مراح تكمل
طلعت اتمشى  بالحديقه
وتركتها ويااختها واخوها
وشفتها واكفه بالباب مال مطبخ
..حبيبي تعال تغدة
.... اوكي اجيت
دخلت وتغدينا وجان اليوم حلو مليان حب وجو عائلي
وبعد الغدة اجى زوج شدن واخذها هي مصطفى
والعصر طلعت ويا خيال
وظليت كل شويه اوديها لمكان حتى بس اشوفها فرحانه
ولمن رجعنا للبيت
واجى وقت الحضن الدافي والصوت الي يشبه نسمات الربيع ‏

....خيال
....هاحبيبي. ‏
....انتي سعيدة ويايه
....كلش صارلي يومين احس نفسي بالجنه
.....ان شاءالله دوم تبقين سعيدة
.....زيدون ليش احس ضام شي بداخلك ليش احس ورة هاي الابتسامه اكو حزن
....فدوة للي تحس بيه وتفهمني بس صدكي ماكو شي
اني وياج هنا
تعاي ومديت يدي وحضنتها ودك تلفوني
باوعته رقم غريب
.....منو
...مااعرف رقم غريب
...جاوب
....لا هسه مو وكته
.....ههههه جاوب خاف احد من اهلك
...اوكي
جاوبت
.....اول ماسمعت الصوت وكفت
..... انت شتريد
لتتصل بعد واخر مرة احذرك واني ماااخاف من احد انت تعرفني  كلش زين
شلون  لازم انهيكم كلكم
وطلعت من الغرفه وكفت على الدرج
وكتله
والي خلقك  والحق الحق والي نزل القران
اذا مسيت شعرايه من راسها لاتحسب الله ماخلقك
وماجابتك امك
ودربالك تهددني المثلي مايتهدد اني زيدون لونسيت

وسديت التلفون
وسمعت صوت
...حبيبي اكوشي
..لاماكوشي روحي نامي
.....وانت
....نفعلت وكمت اعيط
كتلج روحي نامي
شفتها دنكت راسها ومشت
بس اني اختنكت نزلت  جوة وشعلت جكارة وظليت افكر
وبعدين صعدت فوك فتحت باب الغرفه
شفت خيال نايمه ومندارة ومتغطيه
انقهرت عليها
رحت يمها
....حبيبي
مجانت تقبل جاوبني
.....اسف بس شويه تعصبت وكتلج من شوفيني  عصبي لتحجين ويايه
...اني اسفه
.....اشو رفعي وجهج وباعيني
تسلملي هالعيون الي من اشوفها انسى كل همي
احتاجج يمي كل وكت واني خايف من الوكت
....ليش هيج تحجي تخوفني
....لتخافين طول مابيه نفس ماخلي بشر يجيسج
.....اني مااخاف من انت يمي دائما احس بلامان
....ومراح اخليج تفقدين هذا الشعور ابد
طول مااني موجود وطول ماعيونج ماشوف غير ي وطول ماتحبيني  اني راح اظل احميج
اني اريد كلبج دائما ويايه اني احتاج دائما للحب
وبالذات حبج
....اني راح ابقى وياك ومراح  تباوع عيني رجال بالدنيا كلها غيرك
(((((كم اعشق تلك المراة التي تحسسني
وإني امانها  وإني اغلى ماتملك))))
لعبت بشعرها واشتميت عطرها وحسيت هنا الراحه تكون هنا يتنفس زيدون وهنا يفاركه النفس

يتبع....

قصة خيال ﴿ اليتيمه ﴾ حقيـقيه 💯-


بارت 21 شاركو القصه مع اصدقائكم

شويه وخري خلي انام يمج
وخرت ونمت ونومتها على صدري وجنت العب بشعرها
بس جان بالي بغير مكان جنت دافكر
وبعدها  ماحسيت نمت
بس حسيت من وكت وكعدت على الجربايه باوعت جانت خيال نايمه وممتغطيه غطيتها وجانت خصله من شعرها نازله على وجههاشلتها رجعتها ‏ ليورة
وطلعت من الغرفه وسديت الباب على كيفي
ونزلت للمطبخ وسويتلي كهوة
وكعدت اشربها بهدوء  وجان صوت العصافير
والهوى البارد
وظليت بالحديقه افتر  وارش الزرع
ودك التلفون
وهم شفته رقم غريب  ماردت اجاوب
بس كلت خلي اشوف شيريد
...الو
..... ‏أهلين حبيبي
....جنة
...أنا كيفك
ياحبيبيً كملت السبحه
....شتريدين
..... ‏شو كأنك ما فرحت
....لا مافرحت
....ماطليت عليه
...احجي شتريدين اكيد هو دازج
....لي هيك عم تحكي
...شوفي لتخابرين ولتخليني اجي اطيح حظج زين
اكيد تريدين فلوس
....لامابدي
سديت التلفون بوجها وغلقته ونداريت
شفت خيال واكفه تباوع عليه
....هاي منيه
....مكالمه مومهمه
......شلون يعني
....يعني مومهم تعرفين
.....انت ليش هيج تحجي
.....خيال كافي
محجت شي عافتني ودخلت جوة سحبت الكرسي وكعدت عليه
اني ليش هيج مدارتاح كلما اريد اكلب صفحه تطلعلي
نفس الصفحه
ورا شويه جتي خيال شايله صينيه بيدها
وجانت لابسه دشداشه كصيرة ‏
تقربت مني وهي كالبه وجهها وخلت الصينيه
....هاي شلابسه
...شنو
...شلون اطلعين هيج بالحديقه طلع احد ديباوع علينه
...بس الاشجار عاليه محد يكدر يباوع
.....لطلعين هيج بعد بالحديقه
مجاوبتني وعافتني  ودتروح
...وين تروحين تعاي اكلي
......ماااريد مجوعانه
....تعاي بس كعدي كدامي
....ماااريد
ودخلت جوة واني نسدت شهيتي وماكدرت اكل بس شربت الجاي وفتحت التلفون
وصلني مسج فتحته
جان من جنة مكتوب بي
(((حبيبي من اليوم بدك تسمع صوتي كتير
وتشوفني كمان بحبك)))
الله ياخذج  ان شاءالله
هاي شلون سالفه طلعتلي يارب ليش مامكتوبلي الراحه
يارب ساعدني
وهاي شتقصد انو اشوفها معقوله هي بالعراق
ياربي اني لشوكت اظل افتر بنفس المكان
كمت دخلت جوة  خيال كاعدة على الميز
وتشرب حليب متباوع عليه
....حبيبتي
....ماااجاوبك
....هههه لعد شلون هسه جاوبتيني
.....مااحجي وياك
.....هههه ولا تكبرين طبعا
خيال اني شكلتلج مومن تشوفيني عصبي ابد لتفتحين ويايه موضوع او تعانديني
من تشوفيني عصبي عوفيني وروحي واني بعدين ابرد
وإهداء واجي لحضنج
...بس هاي مو حياة على كل حجايه مسويلي مشكله وحاجي عليه
....راح تتعلمين على طبعي صدكيني وراح اتعلم عليج
وتصير الامور اعتياديه بينا
....احسك بطلت تحبني بمجرد ماصرت يمك
.....اني ماااكدر ماااحبج موبيدي
لان كلبي يمج بس اني شويه ضايج ودافكر باامور وعندي شغل مدوخني
..... شنو الي مدوخك احجيلي
...مو وقته
...ويامن جنت تحجي
....اهووووو علينه موكلت سدي الموضوع
سكتت ومجاوبت ودنكت راسها كلش انقهرت عليها
داصير قاسي عليها وهي مالها ذنب
خليت اصبعي على خدودها ورفعت راسها
شفت عينه بيه دمعه
جريتها وخليت راسها على صدري وكمت العب بشعرها
....لتبجين ترة موقصدي بس كتلج تعبان
شويه وبعدين شتريدين تعرفين اكلج بس هسه مو وقته
.....زيدون اني ليش احسك راح تبتعد عني
مكدرت اكللها اني خايف عليج وكلبي مالحك يفرح
بيج ماكدرت اكللها اني هم عندي هذا الاحساس
....لاحبيبتي ماابتعد عنج صدكيني
....اني ماعندي غيرك انت كلشي بالنسبه الي
.....اعرف اني احبج
راح اطلع ومن اجي الظهر ارتاح ونروح نطلع اني وياج ونشتري ملابس ونتعشى برة
بس نهائيا متفتحين الباب ابد واني عندي مفتاح اني افتحة
ومن يصير شي خابريني
.....ليش شراح يصير شكو زيدون
...ماكوشي مجرد دانبهج خاف يصير تفتيش شي
يعنى مجرد حتى تكونين حذرة وخلي بالج اني من اليوم راح اعلمج شلون تستخدمين السلاح
....عزة يمه لويش راح اقاتل
....يجوز
.....لاعلى بختك
....ههههه لا اريدج تتعلمين تستخدمي حتى يكون عندج واحد بالبيت للحمايه
.....انت موجود انت تحميني
.....ومن اني ماموجود شلون
......انت وين تريد تروح ودتحجي هيج كلي ريح كلبي
.....ماااروح لمكان
....ممرتاحه لحجيك
....لتشغلين هذا الراس الحلوبالتفكير
ورحت للغرفه وجنت احس نفس مالي واهس لشي
وتعبان وفكري مشغول كعدت على الجربايه
وطلعت تلفوني ودكيت على صديقي جلال
دك التلفون
....الو هلو جلال شلونك
.....هلو ياعريس شخبارك ويا الزواج
....يازواج موطلع من خشمي
...ياساتر ليش شصار مدكلي
....هذاك هم خابر  وجنة هم خابرت
....شنو متواعدين
.....والله اظاهر متفقين
....وشسوي هسه
...والله حاير شنو الي لازم اسوي
....تعال مرلي
.....والله عندي شغل كومه ومابيه حيل اروح بس مضطر اروح تعال انت
....يله امرلك فدساعه ساعه ونص
....يله انتظرك

....
....ويامن تحجي
.....خرب
...شبيج جفلتيني شنو تريدين تموتيني
كل شويه طالعتلي
...شبيك شسويت
....لاحول ولاقوة الابالله 
كمت بدلت وطلعت وجانب جلال وحجينا شويه وخلصت شغلي ورجعت للبيت
كعدت تغديت
ولمن خلص الغدة شويه نمت
ولمن كعدت باوعت خيال صافنه بوجهي
.....ههههه لج راح تخبليني شبيج هيج تباعين عليه اني نايم
..مشتاقتلك
....مو راح تسوين عندي جلطه
....ليش اني شكلي هم يجلط ههه
....لاانتي تسوين سكر
.....هههه ليش
....موحلوة واني احب الحلويات😋😋 وبعد عندج الحساب
....اهااااا😊😊
.....اي والله هسه انتي قشطه بالعسل هههههه
..... اي فدوة شكد حلو من يصير هيج مزاجك
... تعاي يمي
...داروح اسوي جاي مال عصر
....لا انتي الجاي مالتي
.....ههههه دخت من كلامك
....تعرفين شي خيال شنو
....اني  شكد احبج وشكد اعشق تفاصيلج
اني شغوف بيج
...حبيبي
....لعد تعاي يله 😉😉😉
من تكون خيال يمي واحس بدفء انفاسها وبصوتها الناعم وبحركاتها البريئه احس نفسي
اروح لعالم ثاني

(((اريدها قبله تذوبني واريدها احضان تحرقني
واريدها انثى تجمع كل الالوان
وانا اكون بحبها  فنان
اريد ان اكون مجنون وانا بين دفئ ‏ الاحضان
‏أيا قمر لم يأتي ‏مثله
الزمان ياامرأة اعتقلت قلبي بكل عنفوان
ياشوق لم يكتب عنه في اي كتاب
وياطائر يغرد بااجمل الالحان
أعلم اني اصبحت رجل فقد عقله في الغرام
ياصغيرة الاحلام ‏
نامي بين احضاني  الان واصمتي فما الجدوى ‏ من الكلام
اذا التقينا ‏ تحت جنح الحمام ونحن التقينا
وكان حبنا اجمل غرام
فما الجدوى من الكلام اذ كان حبنا اقوى من الكلام )))
لمن كعدت  داشرب الجاي كتلها
....اني راح اسافر
....شنو وين تسافر
...كم يوم وارجع
...ليش
...عندي شغل
....وين تسافر
...لتركيه
...خلي اجي وياك
....لا نسافر غير مرة اني وياج
....براحتك
شفتها ضاجت بس محجت شي  خافت
....حياتي لضوجين اني ماطول كم يوم وارجع
واعوضج
...واني وين ابقة
....غير هنا بالبيت اذا تحبين خلي اختج تجي يمج هي ومصطفى
.....اوكي
.....مااريدج اطلعين من البيت
.... اوكي
....باجر ان شاءالله اطلع الظهر
.....شو ماكلتلي
.....هسه كلتلج بعد اريدج تحضرين هدوم مال  اربع ايام بس ماااطول اكثر
وحضري نفسج دنطلع وهم حتى نشتري الشغلات الي تحتاجيها للبيت ‏
.....اوكي
.....ها  شوكاعدة كومي تحضري
....اي
ومر هذا اليوم وثاني يوم جنت داتحضر للسفر
وكملت واجتي سيارة مال مطار بالباب
....حبيبي راح اشتاقلك
....اني هم تعاي اشتم ريحتج
حبيبتي دربالج على نفسج ولطلعين من البيت واحنا هم نتخابر ولتفتحين الباب لااي شخص وخابري شدن خلي تجي يمج
...اوكي حبيبي
....احبج هوايه كلبي مدينطيني اعوفج
.....اني هم مااريدك سافر
....يله ماطول كم يوم واجي
....ترجع بالسلامه
....باعي خليت هناك فلوس يم التلفزيون خاف يصيرشي لاسامح الله
....تسلم
...يله مع السلامه
.....مع السلامه  حبيبي ترجعلي سالم
ابتسمتلها وبوستها وطلعت
وسديت الباب وخليت الجنطه مالتي
بالسيارة
طبعا اني ماسافرت لتركية بس ماردت خيال تعرف
المهم كانت سفرتي خمس ايام ورجعت
واني بالطريق خابرني اخويه مؤمن جان يعرف بيه مسافر
وكتله راجع وهلكد بقالي وقت  وأوصل
وخيال مجانت تعرف اني اليوم راجع وصلت لراس الشارع والسايق
....كلي اخويه الشارع مسدود من كدام تنزل هنا
....اي عادي ماكو مشكله
نزلت ونزلت الجنطه مالتي ودامشي وجان اشوف من بعيد طه ابن اخويه طلع من بيتي
وصعد بالسيارة وفر السيارة ودخل بالفرع الي بصفنه
حسيت نار صعدت براسي
طلعت تلفوني
دكيت على طه
....هلو طه
....هلو عمو شلونك
شخبارك
....والله بخير
....شنو داك عليه
....لاوالله عمو مداك عليك
....يجوز غلطان  طه انت وين
...بالبيت شوكت تجي انت عمو
....بعدني موواصل
....يله توصل بالسلامه
...باي
رحت بسرعه للبيت
وفتحت الباب بالمفاتيح
ودخلت للبيت وجان عبالك مابي احد
مشيت على كيفي وصعدت فوك شفت خيال نايمه
....خيال خيال خيال كعدي
..زيدون
...اي
.....حبيبي حمدلله على السلامه
وكامت حضنتني
...اكلج
...كول
....طه اجى هنا
....لا ليش
....مو اني كلتله خاف تحتاجين شي
يعني مااجى ابد
....لا
مااعرف شلون كمشت روحي
ماادري شصار بيه
ظليت الوب
اروح واجي نزعت قميصي وشمرته بالكاع
....خيال اخر مرة اسئلج طه ماوصل هنا
...شبيك زيدون داكلك لا
كمشتها من ركبتها  وجانت شويه وراح تختنك
....لج خيال متحملتي ولج صارلي خمس تيام بس غايب
شسويتي ولج اليوم اشرب من دمج احجي
....زيدون راح اموت
تركتها ودفعتها حيل
....لوميته احسن
.كعدت بالكاع وتبجي
.....شسويت اني
حسيت كلبي كام يوجعني  واختنكت والنفس ضاك  بصدري ‏
ماحسيت على نفسي والا
اصيح بصوت عالي
....خيال احجي لاااقتلج ولج ليش ولج شسويلج بعد
شسويلج ولج راح اموت علمودج ولج اني مارحت هنا خمس تيام هيجي سوين
....والله ماسويت شي
....كافي ولانفس اسمع منج
.....زيدون الله يخليك والله مامسويه شي
ابوس يدك
كمشت كلبي حسيت فد

وجع صار عندي كلش
قوي بحيث تركت الغرفه بس ماكدرت انزل جوة كعدت على الدرج
واجر نفس بكوة
....حسبي الله ونعمه الوكيل
بيج ياخيال ليش ليش
لج اني احبج  ليش هيج سويتي لج اموتج والله اموتج
واعيط وكلما اعيط احس كلبي يريد يطك
والوجع يزيد
كمت نزلت جوة وحسيت جسمي كله ثكل
....الله ياخذكم
ونمت على القنفه لان حسيت بعد مابيه حيل حتى اتحرك
وغمضت عيني وحسيت احد يكمشني
ويصيح بااسمي

يتبع....

قصة خيال ﴿ اليتيمه ﴾ حقيـقيه 💯-


بارت 22 شاركو القصه مع اصدقائكم

.....غمضت عيني وماحسيت الا احد كمشني من يدي فتحت عيني شفت الدكتور (علي ) صديق زوج اختي
باوعت  اختي واكفه وزوج اختي ودورت بعيني على خيال جانت ماكو
.....اسم الله عليك اخويه شبيك سلامتك
اشرت بيدي انو مابيه شي
....شنو مابيك شي جيت تموت الضغط مالتك كلش صاعد صدك جذب يازيدون
...الدكتور كلي
....زيدون الضغط من يصعد لواحد بعمرك يموته دربالك
يعني الله سترك
...اشرتله على كلبي
...شبي
....يوجعني
...اي اكيد يصير عندك هيج وجع  من صعد ضغطك زين مامتت  واول وتالي مااريد اقلقك بس اخاف شي ثاني عالعموم
بس دكوم على حيلك شويه تجيني للمستشفى نسوي فحوصات
حتى نطمن عليك اكثر
....ان شاءالله
....هذا دوه كتبته الك ولازم ترتاح ومتصير عصبي
زين
يله اي شي تحتاجو اني موجود اتصلو عليه
طلع الدكتور وزوج اختى نور  وياة
اجتي اختي كعدت يمي
...سلامتك زيودي
شبيك اسم الله عليك والله متت من الخوف
...وينها
...منو
....خيال
....موجودة بس يمكن صعدت فوك من دخل رجلي والدكتور اصيحها
..لا
...اني اليوم ابات يمك
...لا
....لويش
...اني مابيه شي روحي
....زيدون حبيبي ليش هيج صرت شكو كولي اخويه
....مابيه شي نور
....انت تعبان سودة عليه ماشفت الراحه انت يوميه طالعلك قهر جديد
...مابيه شي
....من ورا خيال
....لا
.... لعد شبيك فهمني
....مشاكل بالشغل
وانتي منو خابرج
....خيال خابرتني كالتلي زيدون لا رجل لايد
واجيت جانت كاعدة تبجي
....خلي رجلج يجيب الدوه وروحو بعد نشكركم
.....كلبي وبالي راح يطل يمك خلي ابقى
....لا
...ديله هو اصلا راح ديجيب الدوة
ورا شويه اجى زوج اختي ونطاني  الدوة وسلمو عليه
وراحو
واني جنت بعدني نايم على القنفه ومااكدر اكوم
احس وجع بكل جسمي
....زيدون
اشرتلها بيدي سكتي
جنت مغمض عيني بس جنت اسمع صوتها تبجي
واجتي خلت راسها على صدري وجانت تبجي ودموعها بللت صدري دفعتها
وبكوة كدرت اكوم واكعد وهي جانت بالكاع
واني جنت كاعد اشوفها شلون تبجي
....زيدون والله ماسويت شي
والله ردت اموت من شفتك متتحرك عبالي متت
ماعرفت شسوي ماادري شنو الي صار بيه
زيدون حبيبي كلي سويتلك اني
الله يخليك اني مداتحمل اشوفك مريض هيج
وجهك تعبان بس كلي
مجاوبتها  وعفتها واخذت الدوة على الطبله جان
وصعدت الدرج بس بصعوبه جنت كلش تعبان
واول ماصعدت باوعت على الفراش
نفسي مرادته ماكدرت
انام عليه رحت للغرفه الثانيه نمت بدون حتى ماانزع ملابسي مال السفر
حسيت احد ديغطيني بس جنت كلش تعبان
مااكدر احجي شي
وظليت نايم وماحسيت الا ساعه
بالعشرة بالليل
بكوة جريت نفسي ودخلت سبحت وجنت داريد انزل جوة حتى اشرب الدوة
مجانت خيال موجودة تقربت على باب الغرفه
فتحتها على كيفي جانت نايمه
متحملت اشوفها سديت الباب ونزلت
جنت تعبان
ونفسيتي مكسورة
جنت مخنوك ولااول مرة احس نفسي مهزوز والدنيا طالعه من عيني
و لااول مرة
اوصل لهاي  المرحله انو اني عاجز بهذا الشكل
حتى من ماتت مرتي وابني ماعجزت مثل العجز الي هسه اني بي
اني احبها احسها تجري بدمي ماااتصور انو اني اعيش
بدونها بس هسه كرهتها شلون تخوني
معقوله هي صدك بريئه مثل مدكول
يعني اني اضحي بحياتي واترك كلشي  علمودها
يعني اني راح اموت كدامها ومشتريها وهي تجي تبيعني

اني ميت احس نفسي
شسوي
جنت بكوة امشي وكلبي يوجعني ورحت على القنفه وباوعت خيال واكفه
.....زيدون تريد شي
زيدون جاوبني لظل ساكت الله يخليك
....مااريد اسمع صوتج ولااريد اشوفج
مداتحمل اشوفج
...شسويت كلي
،..متدرين يعني
......كلي
..روحي مابيه حيل  احجي تريدين تموتيني
روحي
....اسم الله عليك
واجتي كعدت  كدامي
....اني شسويت كلي حباب
غمضت عيني
.....كومي منا
....هيج كرهتني
.....كتلج روحي خلصيني ماااريد اشوفج
....ماااروح اذا مدكلي شمسويه اني
.....شفته ل طه من طلع من البيت بعد لتهتمين
يعني علويش علاقتكم بالسر سوها علني وتونسو
....ياعلاقه شدتحجي
....اي غشمي نفسج وبيعي دور المسكينه والفقيرة
كشفتج بعد
....تشك بيه
....ههههه اشك بيج اني شفت بعيني
والله رحم بحالكم لان لو اجاي وشايفكم سوة جان كتلتكم بنفس اللحظه بس هسه دادورلكم على موته
حلوة
....شدتحجي
....الي دسمعي
.....اني ماراح ابقى لحظه بعد يمك
....جربي اطلعين من الباب وشوفي شراح يجرالج وشنو الي راح اسوي بيج
.....ماااريدك بعد
....ولج اني ماااريدج اني كرهتج احتقرتج اني اعلمكم  انتي تستغفليني
تخونيني ولج
وكمت اعيط لان كلما احجي كلمه عن هذا الموضوع كلبي يشب نار
....ماسويت شي والله
....لج شلون تنامين بحضن رجال غيري مافكرتي بيه
هسه اني شسوي كوليلي اقتلج لو
اقتل  ابن اخويه  افضح نفسي اموت روحي كوليلي
روحي من كدامي مااريد اشوفج
روحي منا ولي
لان بيه أذيه وفرفحت كلب ا ذا هسه اكوم اقتلج خلاص
روحي منا
وراحت

ياربي اني ليش هيج مدالكي راحه بال
وكلبي دائما مشتعل
بين كل شي ء ابحث عنه الكي بركان يشتعل بيه حتى الي حبيتها ولكيت بيها كلشي حبي
وفرحي وحزني وسعادتي مالةيت وياها الراحه
يس عندي شعور بداخلي يريدني اروحلها واضمها لكلبي
وعندي احساس مديخليني حتى اباوع بوجهها
وثاني يوم العصر
خابرت طه
....الوو هلو طه
،...هلو عمو
....باع تعالي للبيت
...اكوشي عمو
....لابس اريدك بشغله ولدكول لاابوك
....اي عمو هسه اجيك
شربت الدوه مالتي
وصحت خيال
....تعاي نزلي جوة بسرعه
....مااريد
...لتخليني اصعد اشحطج من فوك ليجوة
بسرعه نزلي
نزلت وهي تباوعلي
...تريد اكل
.....لتحجين
كعدي هنا
وبعد ساعه
دك الجرس ورحت فتحت الباب
...هلو عمو
....هلو ادخل جوة
......هلو خيال شلونج
....هلو طه
تحجي وتباوع عليه
....اكعد طه ارتاح طبعا ماكدرت اشكرك على الي سويته ويا خيال وشلون جنت تتسوك الها
رفع عينه عليه وبعدين باوع على خيال
....بس ماسوكتلها اني
...يعني انت ماااجيت للبيت هنا
....لا
جر يت نفس طويل
ورحت عليه وجريته من ياخته ونومته بلكاع وظليت اضرب  بي
وخيال تعيط وتبجي
....كذاب اني شفتك بعيني طلعت من البيت
....ماااجيت عمو مااااجيت
....لك لتكذب
وظليت اضربه لحد متعبت وكعدت وهو نايم بالكاع
وجهه كله دم
....انت شسويت  تخبلت
....سكتي لج
...حرام عليك
....خايفه عليه حقيرة ولكم شلون اسوين هيج بيه
كمت جريت طه وسحلته سحل وطلعته باب البيت ودخلت وسديت الباب
وخيال من شافتني اجيت كامت ترجع ولطشت بالحايط
وغمضت عيونها
وجانت ترجف وتشبه العصفور المبلل
جريتها من شعرها  وهي تعيط وتبجي وصعدتها فوك للغرفه ودفعتها على الجربايه وطلعت وسديت الباب
ونزلت جوة ورحت اغسل يدي
جانت كلها دم مال طه وشعر مال خيال
صفنت وكلت
ليش الحب مثل الزجاجه خدش بسيط  كله ينكسر
وتبقى بس شظايا  وألم الفراق والوحدة
ونكوم نحس بطعنات عميقه بالصدر
ياترى لشوكت راح اصبر واكدر اكمل للنهايه واني كلبي
مليان بالندوب
ليش دائما اني مغطى  بالوجع والجروح ليش
دائما اتحمل فوك طاقتي ياربي وين غلطت ياربي دتعاقبني بشنو
اني اعرف ابتعدت عنك بس ياربي ماعندي غيرك
ارحمني
اني داتعذب
نجدني كلي شسوي شوفني الطريق الك يارب
اني راضي تاخذ روحي وتخلصني
ياربي لتخليني ضعيف طول عمري جنت انت تنطيني القوة
لتكسرني هسه
وبعدها اخذت مفتاح سيارتي وطلعت من البيت شفت طه ماكو
بس نقط الدم بالكاع
خابرت جلال صديقي
...وين انت
...احنا بيت صديقنا صباح مسوين كعدة تجي
....اي جاي هسه
رحت وكفت السيارة بالباب
ودخلت وشفت جان اكو شرب وبنات ثلاثه  كاعدات
استغربت لان هاي مو سوالف جلال واني اصورت هما مسوين كعدة بينهم
ردت اطلع سحبني جلال
....دكعد شويه
.....تعرف هذا موجوي جلال
....بس اكعد ويانه على الواهس
كعدت وجانو يحجون ويضحكون ويشربون
بس اني جنت داشرب جكاير وبغير دنيا
وحسيت احد خله يدة على ظهري ويد ثانيه على شعري
نداريت شفتها وحدة من هذني البنات
وبعدين جتي كعدت يمي
.....ها ياحلو شبيك
مجاوبتها
رجعت بظهري ليورة
....ابو عيون الزرك دخيل الله على هاي العيون تذبح ذبح
جانت تحجي وتكمشني بس اني اتخايل خيال وشلون
جانت خايفه مني ومنظر  طه من مدد بالكاع
حسيت  بنفس حار على ركبتي
دفعتها عني
...مقززة
موصوجك جلال صوجي اني اجيت عبالي ادمي
كمت وطلعت وحسيت بالفرق جوة
الجو مليان  ‏بريحة الدخان  وريحة النسوان

ومنظرهن الي يقزز 
......زيدون
...امشي جلال صدك ضوجتني
....يولي شبيك شويه جاين نتونس ونغير جو
....هي هاي الونسه عندك
....شبيك زيدون شو مو على بعضك
.....تعرف لااحب الشرب ولااحب هيج نسوان
....يابه حقك انت بعدك عريس ونايم بالعسل
....يمعود دروح منا جلال
وصعدت سيارتي وظليت اسوق ومارجعت للبيت لحد وجه الصبح
وصلت للبييت صعدت للغرفه وقبل مدادخل شفت الغرفه مال خيال  بابها مفتوحه دخلت شفتها ماكو
تخبلت  كمت اصيح
،...خيال. خيال
وفتشت البيت كله ماكو خيال دكيت على التلفون مغلق
خابرت على شدن مجاوب

عرفت هي بيت اختها لان وين تروح  ماعدها غير احد
دخلت للغرفه مالي وبعدها رجعت للغرفه مال خيال ونمت على مخدتها
ولمن خليت راسي اشتميت ريحتها على المخدة
استنشقت ‏ ‏ريحتها  قوي وبعدين شلت المخدة وشمرتها بالكاع
وماكدرت انام
ولحد مصارت بالسبعه الصبح كمت شغلت سيارتي ورحت لبيت شدن
ظليت  ادك بالباب تقريبا ربع ساعه وبعدين فتحها زوج شدن وجان النوم بعينه
...صباح الخير
.....صباح الخير
....خيال وينها
...مويمنا
....شنو
....خيال مويمنا ليش شنو مو يمك
سكتت ومجاوبته
دفعته ودخلت جوة وكمت اصيح
خيال وينج
.....هاي شكو زيدون
.....وين خيال
....بيتك غير
.....لكذبين شدن
....والله العظيم ماشفتها ‏

ورحت  وعفتهم يحجون وماعرف وين اروح او منو اسئل عليها وين راحت خيال وهي  ماعدها احد
بس لاراحت وياهذا النذل طه
رجعت للبيت وكل شويه ادك على التلفون ويطلع مغلق
تخبلت حسيت برج من راسي طار
ليش هالخيال دظل خيال ودظل
حلم  ومدتتحول لحقيقه
وين رحتي خيال
ليش برغم الي سويتي   ياخيال مداعرف شلون احدد احساسي وياج
اني اكرة قلبي لان يفكر بيها ويحبها هيجي
ليش الحياة قاسيه ويايه انا بس
ليش اني دائما وحيد بالحب
ليش كلما اتقدم خطوة ارد ابتعد خطوة
وين هي هسه  وين ادور عليها
وشراح اسوي بظنوني
وسمعت صوت الجرس
وكمت فتحت الباب
وتفاجأت،،،،،،،،...
يتبع ......

قصة خيال ﴿ اليتيمه ﴾ حقيـقيه 💯-


بارت 23 شاركو القصه مع اصدقائكم

ندكت الباب وفتحتها
تفاجأت ‏
.....انتي جابج
....ليش ماااجي
ودخلت جوة وجريتها من يدها
....طلعي  وين رايحه لدخلين
....شبيك زيدون
....ولج انتي طبيعيه تجين لبيتي بصفتج شنو
.... زوجي غير
....زوجي من شوكت
....سمعت بيك زوجت
..وانتي شنو
.....وينها خلي اتعرف عليها صيحها
....باعي انتي مخبله وبيج حاله نفسيه وهنا لتوصلين لااكسر رجلج
.....وشلون اروح واني مرتك
.....انتي تعرفين الي صار واني طلكتج
....شنو الي صار
....اذكرج
....ياريت
....الجماعه الي سفروني لسوريه حتى يسولي عمليه
جانو علااساس متدينين وبماانج تعرفيهم مااعرف شلون سويتو لعبه
ورتبتوها عليه انو اني ازوجج بس عالورق حتى شنو اظل بيتج  من اطلع من العمليه وبشكل قانوني
واني جنت بالمستشفى من صار كل هذا
يعني جنت مو واعي
للي ديصير
..... بس اني مرتك اني اعترف انو الشيخ هوايه سهلنه امور
بس اني مرتك رضيت ولامارضيت وعندي ورقه انت موقع عليها
....واني طلكتج وبوقتها تذكرين من رحت كعدت بغير شقه وجبت وحدة كامت اداريني
.....اي السوريه
...اي زين تذكرين السوريه
.... يس شنو الي يثبت انت مطلكني
استغفرالله
.....شتريدين مني ليش هسه ورا هاي المدة اجيتي
ومنو الي كلج وين اني كاعد
.....ميفرق منو كلي على بيتك المهم ياحبيبي اني هسه يمك
.....شوفي لطلعين خلكي روحي منا
....مااكدر ماعندي غير مكان واني جيت لبيت زوجي حبيبي
....حبج دب ان شاءالله ولكفج اسد اكل راسج
وعضتج حيه ونمتي ماصبحتي
ولو انتي حية
....ههههه فدوة شكد دمك خفيف وظريف
....يله منا وكمت ادفع بيها
....ليش اعيط والم عليك الناس اني عندي ورقه هسه اروح اشتكي عليك
....دمشي بابه اني اشتري القانون
جايه تخوفيني انتي روحي
....اكو واحد يخوف روحه
مشتاقتلك تعال ندخل جوة
.....امشي روحي منا ودخلت للكراج وسدت الباب
....لج روحي عد
.....خايف منها
.....ريم طلعي منا ولتوصلين هنا لطلعين صوتي
وكامت تكمشني وتخلي يدها على شعري
وخرت يدها
...لج انتي متستحين مناك العالم
....ليش استحي غير رجلي
.....مورجلج لتعيدها بعد اني ماازوج وحدة مثلج
.....ليش شبيه شوفني شكد حلوة من تشوفني مترغب بيه
.....لا بالعكس نفسي تلعب
.....ههههه كذاب
....احترمي نفسج كذاب شنو اصلا ايام سودة انتي ولت شكد لحيتي ويايه وحاولتي وماكدرتي
....وبعد راح الح وياك تعرف ليش ياحبيبي لان احبك
سكتت وباوعت عليها كلت هاي علاجها واحد يخوفها هيج نماذج يصيرون جبناء
.....تعرفين شي ياحلوة انتي اجيتي لملعبي وراح العب بيج لعب يعني انتي هنا بالعراق موبسوريه وتعرفيلج جم واحد ومتكويه بيهم لا هنا اني عندي علاقات
وعندي فلوس يعني مختصر الكلام
اني اكدر بتلفون واحد ادمرج
...واني هم اكدر ابلغ عنك واكول جنت تشتغل
....ههههه خوفتيني والله لتلعبين ويايه انتي موكدي لونسيتي
...لامانسيت بس اني مااريد العب اني احبك اريدك يمي
.....واني ماريدج يمي روحي شوفي واحد مثلج
.....اني راح اروح بس مراح اعوفك صدكني
واكيد راح اجي واتعرف على زوجتك يكولون حلوة
..... لتوصلين هنا احسلج سلمي على نفسج
وصيري حبابه ولتجين هنا بعد
....واذا ماصرت حبابه
....اني اعرف علاجج
وجتني حضنتني
....ياريت تعالجني
....دوخري عد عبالك ذبانه ولطشت روحي الله ينطيج
.....اني اريد انت تنطيني
.....ياصبر ايوب وتالي
.....حبيبي سي يو راح اشتاقلك منا لكم يوم هههه
ودزتلي بوسه بالهوى
ومشت تتمايل وصوت الكعب مال الحذاء مالتها يدك براسي
وفتحت الباب وطلعت
سديت الباب وراها
يايابه على راسك زيدون شنو هالمصايب
الي دتوكع على راسي وتالي مو راح يطك كلبي من الضيم
خابرتني شدن
....هلو
....هلو زيدون
.....ترة خيال رايحه يم عمتي
.....صدك تحجين
.....اي والله
.....تعال عليه نروح نجيبها هاي عمتي موخوش انسانه وهاي ماعدها عقل شلون راحت ماادري
....منو كلج
....عمتي خابرتني وكعدت تتمضحك عليه  ودكلي اجتي اختج الفاهيه يمي والا اخليكم ترجعون تخدموني
وكعدت دكلي دورج راح يجي
والله خوفتني
....ثوله
....منيه
....اختج منو غيرها
....هسه شراح سوي
.....اروح اجيبها غير
.....تجيني
...لا
.....زيدون ترةخيال ماكالتلي شكو بينكم بس فدوة
والله تحبك وخطيه دربالك عليها
...الله كريم
ورحت عالسريع لبست وطلعت والطريق طويل جان وازدحام وصلت
وصارلي فترة طويله ماواصل هنا
هذا المكان يذكرني بفترة صعبه ويذكرني بمواقف كلها حزن وتعب
حبيت ابقى هذا البيت الي جنت اراقب منه خيال
بس ماحبيت ادخله
دورات يربطنا شي بمكان معين يجوز ذكريات
بس متكون سعيدة يكون بيها حزن وألم ورغم هذا
منكدر نترك هذا المكان يمكن الشعور الي بداخلنه يكون
انو احنا ممكن نرجع لهذا المكان حتى نلكي بي سعادة
حتى نحس انو احنا موبس تألمنا بي
لا عشنا لحظات سعيدة
هذا الشباك الي اول مرة شفت منه طفله دتنضرب وبعدها كمت اشوفة شابه
وكمت اراقبها منه حتى احس انو اكو احد ويايه
ومن هذا الشباك حبيت صورة ماحبيت انسانه
لان حتى انفاسها مكانت ويايه ‏
وبعدها حبيت ح

لم وطلع خيال وهذا الخيال تحول لحقيقه وبعدها صار غبار
هذا البيت كنت اتعذب بي جنت بعد مااقاتل اجي انظف كلبي وانظف عيني من الي شفته
وجانت هي الي تمسح الغواش عني وهي تنظف سواد عيوني ‏بشوفتها ‏
جانت هي النسمه الحلوة  هي نسمه
كمشتها وحضنتها ونامت على صدري وجنت احس دكات كلبها مجتمعه بدكات كلبي
كلشي جان   بيه يرغب بيها
رغبت بيها اكثر من اي مرة شفتها بحياتي لان مكانت رغبه ذكوريه وبس 
كانت رغبه الحب
من نوصل للنجمه ونكمشها ونسرق من عدها ضحكه
ومن نحس السما ماتكدر تلمنا من كبر فرحت كلبنا
ومن نحس دفىء الشمس مديكدر يوصل لحرارتنا صدرنا
ومن نحس الكمر قريب كلش
ومديكدر يغمض عينه عن حبنا هاي مشاعر عشتها
اني حسيت بكل هذا وياخيال من اول يوم نامت بحضني
لحظات وكفت  اتمعن بالصحراء الي داير مدايري بالبيت الي بنيته حتى اهرب من الناس
وطلعت اني داهرب من نفسي لنفسي
لحظات ذكرتني بشعور عشته وايام مرت
ولحظات كمشت حلم حلمته
بس احنا متعلمين دائما احلامنا ماتتحقق
ومناخذ الي نريدة
وحتى اذا صار يمنا نضوك شويه من حلاوته وبعدها يروح
بس يظل طعمه بحلكنا وريحته مجلبه بينا
قفلت سيارتي
ورحت لبيتي وفتحته وصعدت على الشباك كنت اريد اعيد شريط الماضي للحظات يجوز اكدر اغير بي شي
باوعت على بيت عمته خيال جان الحوش فارغ بس جان مغسول
باوعت للمكان الي شفته مليان تراب
ونفضت يدي ونزلت ورحت على بيت عمته خيال ودكيت الباب
وشويه وفتحتها عمته خيال
....هذا انت شتريد خير
لمحت شي تحرك من بعيد
...وين خيال
...ماكو مويمي
دخلت جوة وهي صيح
....وين تدخل لبيتي تعال اطلع
....خيال وينج اني شفتج تعاي
طلعت من ورا الباب وكفت كدامي
رحت بسرعه عليها وجريتها واخذتها ويايه
وعمتها دردم ماادري شتحجي
بس اني ماكمت اشوف شي كدامي ردت بس اكمشها
اخذتها ودخلتها للبيت
ودفعتها وكتلها
....سؤال واحد اسئلج ليش نهزمتي من البيت
انتي ليش دسوين هيج لج تعبت اني تعبت منج
ومن مصايبج لشوكت اظل اطول بالي عليج
لشوكت كوليلي
كامت وكفت ورفعت   شعرها من وجهها
....لطول بالك عليه واني ردت ارجع خدامه يم عمتي ولاابقى يمك علااقل عمتي تعلمت على مذلتها  الي
ماااريدك زين وسويت الي سويته شتريد
ماحسيت الا دارفع  يدي واضربها
وحسيت الصوت مال الراجدي صدى صوته رن بالبيت
اول مرة اشوف خيال هيج عدائيه بحركاتها
وبعلو صوتها
بعصبيتها لهذا السبب نفعلت كلش
.....اي تعلمت تضربني عادي اني من قبل انضرب اصلا جسمي متعلم على الضرب مراح يفرق اذا ضربتني
اني صرت دواسه رايحين جاين يدوسون بطني
واني اسكت واتحمل ويتهموني
واسكت واكول الله موجود تهمتني باطل بس الله مايضيع حقي الله ياخذ حقي منك
حسبي الله ونعمه الوكيل
حسبي الله ونعمه الوكيل
وكامت تعيط وتصيح
وينك ياالله باوعني شوف حالي
وينك يابه والله متت والله تعبت
يابه صرت طوبه يلعبون بيه
يابه يشمروني بينهم يابه
صرت بغابه كلها وحوش يابه
تهموني بشرفي
والله تعبت  والله تعبت هاي مو حياة هذا موت عالبطيء
وباوعتلي حرام عليك زيدون ولك اني احبك
ولك اني اتنفسك ليش هيج سوي حتى ماسئلتني منطيتني الحق ادافع عن نفسي وينك من عذاب الله
عوفني اني موخوش انسانه اني مااافيدك عوفني وروح
خليني بعد
الدنيا تريد تلعب بيه بعد خليني
خليني بعد اتلوع
ياضيم كلبي شحجي
المن اشكي ويسمع شكواي
يارب دعوت حرة شريفه ريحني واخذني وخلصني
ماكدرت اوكف كعدت ماصدكت هاي خيال
ماصدكت الوجع الي حسيت بي من كلامها
وظليت اسمعها تبجي ودموعها متوكف
بس اكو شك بيه مداكدر  اصدكها
يمكن اني لوماااحبها جان قتلتها من اول لحظه بس
ماكدرت
مداقتنع انو هي ماسوت شي
ومداقتنع انو اعوفها
يتبع ....