جمعة مباركة ☻
@ki0ki

نشرت قصة جديدة افوتكم وربي قصة بنية كتبتهة صالهة يومين نشرتهة ع انستاا لحكوو علمود كملكم البقية 😋🤩 يوزر انستا
fs3s_

قصة خيال ﴿ اليتيمه ﴾ حقيـقيه 💯-


بارت 16 شاركو القصه مع اصدقائكم

....اني اريدج خيال
.....واني ماااريدك بعد
.....شنو الفرق هي ماموجودة
......هي ماموجودة شلون وهي اخذت جز ء من كلبي
شلون تغيب اذا هي حاضرة بحياتي شلون انسى انك
ملكها
....اني مو ملك احد
....انت  بكد ماعندك طيبه بكد ماعندك انانيه
بكد ماساعدتني بكد مااذيتني بكد ماحبيتني بكد ماجرحتني
خليتني بدائرة وهاي الدائرة متفتر بس عليك
افتر وافتر وارجع الك لنقطه البدايه
وين ماانت واكف اتهمتني باردة وكلت اي يجوز
اني بادة و ردتني افهمك بدون ماتفهمني
....اذا تريدين تروحين روحي  مراح امنعج
.....لان ماافرق وياك اني مو السوريه الي ازوجتها اني الطفله الي ردتها اني مراح اكبر لان كلما داحاول اكبر وافهم اكثر داشوف وافهم حقيقه الناس
...... انتي كبرتي وهوايه بس بعدج صغيرة بااحساسج
وين تريدين تروحين اوصلج
.....ماكو داعي اني اروح
....روحي
وطلعت رحت على مصطفى واخذت ملابسي وطلعت
لمن فتحت الباب انداريت شفت زيدون واكف
كلت معقوله بينا كل هالقرب
وبنفس الوقت بينا كل هذا البعد شنو هالحياة الي تخلينا مثل الي يمشي بمتاهه وميعرف نهايته وين
ماادري اني ضيعته لو هو ضيعني زين وين التضحيه
زين ليش بس اني اضحي
ليش بس اني من دون البشر كلبي هيج جبير وطيب
سمعت مصطفى يكلي
....خيال وين روح
....يله امشي
وطلعت وياة وسدينا الباب ورانا وظليت امشي بس وكفت لان
المشكله جانت ماعندي فلوس وظليت حايرة شلون اوصل لبيت اختي وظليت اباوع منا ومنا
كلت خلي نصعد تكسي ومن اوصل لبيت اختي اخذ من شدن فلوس وانطي الفلوس للتكسي  كلت خلي اوصل لراس الشارع  واهذ تكسي ودنمشي اني ومصطفى وسمعت صوت هورن منداريت بس مصطفى كلي خيال هذا عمو زيدون
....امشي معليك
....بس ديدك هورن
....اي ميخالف
....امشي امشي
.....خيال
مجاوبته
....خيال
وكفت كتله
....شتريد
.....تعاي صعدي اوصلج
....مااريد اشكرك
.....امشي لتعاندين اعرف ماعندج فلوس
.....انت عود ليش دتحسسني   انو احنا فقرنا وانت تعطف علينا
....استغفرالله اني فتحت حلكي حجيت هيج
امشي يله اوصلج
....ماااريد هسه اصعد تكسي
....اي حتى ياخذج ويطلع بيج كبل
.....ميطلع
.....يطلع
.....ميطلع وانت معليك بيه رجاءا
عوفني ضايجه وروحي واصله لخشمي وهسه عندي استعداد اكعد هنا بالشارع واكوم ابجي
والم العالم عليك
.....تعاي ابجي بحضني تعاي ابجي واني امسح دموعج
.....انت ليش هيج
......تعاي كافي احنا بالشارع اني اوصلج
مد يده بس ماكمشتها
ورحت كعدت ليورة وكعدت مصطفى ليكدام يمه
....تروحين يم شدن
...اي ماعندي غير مكان
....ليش عندج
.....يامكان هذا
....المكان الي اني موجود بيه
.....انت ليش هيج دسوي وين تريد توصل ترة. دتعذبني حرام عليك والله العظيم كلبي مامتحمل ألم
....اني  راح اخليج ترتاحين كم يوم واجيج
....ماارجع لتعب نفسج وتجي انت سويت الي عليك
وبعد كافي
وجان يسوق على كيفه وكاانما ديمشي علي بيض
ولمن وصلنا كال لمصطفى انزل يله وضحكله
ومن دانزل كمش يدي
..... لطولين عليه ارجعيلي ونوري ايامي
لطلين زعلانه
.....ماارجع
دار وجه عني وصار عصبي
.....خرب بكلبي الي حب زعطوطه مثلج
نزلي يسرعه
نزلت ودخلت جوة وجانت واكفه شدن ورا الباب
رحت حضنتها كالتلي
...شبيج
....الي بيه هوايه
....تعاي دخلي احمد ماكو طالع
دخلت وكعدت
......شبيج خيال اني اليوم جنت ناويه اجي شكو شبيج
شصار
....طلع زيدون مزوج
.....يا يمه على حظج ياخيال شمدريج
....هو كال
...اي
....شلون بله هيج
..... كلي ازوجج كتله اي موافقه
كلي بس اكوشي لازم تعرفي
....اي
....كلي اني مزوج
...ومنيه هاي
....وحدة سوريه
....منين يعرفها هاي وجابها هنا
....هاي سالفه طويله وهي موهنا بسوريه
....اي وتالي
....اي شنو تالي عفته  واجيتج
....مو هو جابج
...اي
...لعد شنو عفتي
....يعني مابقيت بالبيت
....ياحظي  شبيج انتي خيال ليش هيج ماعندج حظ ولزعلين مني متعرفين تصرفين
....واني شسويت يمعودة
....موتي للولد
لحد مزهك شبيج اتحركي شويه اسولف احجي كلام بي حب افر راسه
....ولج انتي منين تعرفين هاي السوالف مدكوليلي
والله خبلتيني وانتي مصارلج هوايه مزوجه

.....مو اذا اظل فاهيه مثلج يطير الرجال من يدي
....احمد خوش ولد
..اي اني وياج احمد فقير وحباب بس الاختلاف الي بينا وبين واحد مثل زيدون شاسع
....شلون يعني
....زيدون عندة هوايه شغلات احمد مايملكها
مثل شكله الي يجذب اكبر وحدة اله
حالته الماديه
وفوك كل هذا ثقافته شايفته شلون يحجي
وشخصيته القويه وطني
صفات قليل تلكيها برجال واحد مجتمعه
....شسوي بشكله وبفلوسن اذا ياذيني
.....انتي دتاذين نفسج زيدون يحبج بس انتي معرفتي تصرفين وياة
.....اني كلتله
....شكلتيله
....كتله احبك
...شوكت بعد ماخربتيها وكعدتي عليها
.....زيدون يباوعلج بنظرات ميباوعها رجال لمرة
مافديوم شفت احمد يباوعلي بهاي النظرات برغم انو احمد يحبني
بس زيدون حبه مختلفً
الي مثل زيدون يريد وحدة تحسسه بااهتمام بحب
تفمه وانتي خجلج عام عليج
....يعني لازم اصير موخوش بنيه يله اعجب
....اني كتلج صيري موخوش بنيه بس شويه حسي بي
....شيفيد الاحساس اذا هو زوج
....اي هي موهنا وانتي تكدرين تخلي ينساها
....ولج تريدني اخذة منها
.....هي اخذته منج هو يحبج الج من الاول
....لا ماسويها ماابني سعادتي على تعاستةغيري وهي موذنبها اذا حبته هو اكيد كذب عليها
....خيال لضيعي من يدج
.....القاسمه  ‏الله يصير وزيدون موقسمتي
...الله واكبر عليج
وظلينا نسولف اني وشدن وبعدها اجى احمد زوج شدن
.....هلو خيال شلونج
....هلو احمد عيني شلونك شخبارك
....والله بخير
...راح نضايقكم شويه راح نبقى يمكم هالفترة
...شنو هالحجي تبقون هنا بعد خلص
احسن مايوميه رايحين واجاين لمكان
......تسلم وتعيش والله انت اخويه الي ماجبته امي
بس اريد منك خدمه اريدك تشوفلي شغل
...شسوين بي
.....غير اخذ منه فلوس
.....اني ماقصر وياكم
...والله اعرف متقصر بس الله يخليك اني لشوكت اظل هيج خلي اشتغل يجوز ادرس  هم وحتى لااحس نفسي داثكل عليكم هوايه
....اني اشوفلج شغله مناسبه وجيدة واكلج
....اي والله ياريت وخلفله عليك
...تدللين
....شدن
....ها. احمد
...يله وين الغدة
...يله هسه اصب يله خيال ويايه
ومر هلااسبوع على هالمنوال
بس اليوم احمد كلي
....خيال
...هاعيني احمد
...لكيتلج خوش شغله
...اي فدوة وين
...هنا بالمنطقه بمكتبه مال رجال جبير
بس يوميه تفتحين من الصبح لظهر وبعدين تفتحين ولعصر ثلاث ساعات
....اي اروح ياريت
....من باجر تبدين الشغل باجر اني الصبح اوديج
...تسلم تعبتك
...لاتعبج راحه
وبديت اشتغل  وصارلي خمس اشهر اشتغل هاي الشغله
مو هذاك الراتب الزين بس شايلني اني ومصطفى
ومكفينا لان كمت اشارك بالبيت اجيب مسواك
لوشي ولو احمد ميقبل بس اني استحي ولان هسه شدن حامل
راح نصير خمسه خطيه قابل نظل كلنا براس هذا الرجال المسكين
وبخلال هاي الفترة مرتين اجه زيدون ميدخل جوة يبقى بالباب يجي يشوف مصطفى ويجيبله غراض
وينطي فلوس بس اني ماجنت اقبل واخلي مصطفى يرجعها وبعدين كام ميجي
وجنت اتخابر ويا بيبي صح مشايفتها صار فترة طويله بس ماكطعت المكالمات وياها واخابرها يوميه لوبين يوم ويوم
وجانت دائما دكول تعبانه وصحتى على كدي ودورات اجيب طاري زيدون
دكول متغير ضعفان ضايج طول الوكت
ولمن تذكر اسمه تشب النار بين ضلوعي
واخمدها بحسرة
وجرت نفس
ومشيت حياتي لان الدنيا هيج هيج ماشيه بس مانسيته
ولاكرهته ولا كدرت اسامحه ولاكدرت ازعل منه
اكو فد مشاعر متضاربه بداخلي
واني بالمكتبه داصفط بالكتب والقرطاسيه وسمعت التلفون دك
جانت شدن
....هلو خيال
....هلو شدن
....باعي عندي موخوش خبر ماادري بوجه منو صبحنا اليوم
...شكو كوليلي
....بيبي ماتت
....لا عفيه لدكوليها اول البارحه جنت داحجي وياها
وحسيت دموعي الدافيه نزلت على خدي
...الو ويايه
....وياج هسه ارجع للييت
وسديت التلفون وكعدت على الكرسي وذكرت هاي المرة الجبيرة الي استقبلتنا بيتها وحبتنا واحتوتنا وجانت ام  هيجي راحت
بسهوله بجيت وبجيت لحد ماسمعت صاحب المكتب
....شبيج بتي
.....بيبيتي ماتت
....لاحول ولاقوة الابالله البقاء في حياتج بنتي
هم السابقون  ونحنو الاحقون كلنا على هذا الطريق الله يجعلها اخر الاحزان
.....وحياتك الباقيه بس ممكن اليوم اروح
وباجر اجي من الصبح
...روحي بنتي وباجر هم لتجين من تتحسن نفسيتج تعاي
.....اشكرك عمو الله يخليك الي
.وطلعت منا وحسيت الدنيا غير دنيا عبالك الدنيا حزينه
وصلت للبيت تلكتني شدن وكمنا نبجي اني وياها
وبعدين سئلتها شمدريج
.....زيدون خابرني وكلي وكال الفاتحه بيتها
....اي نروح العصر سودة عليه شلون ماتت وصار شكدمشايفيها والله كلبي مفرفح وروحي احسها موبيه
....الله يرحمها شكد خوش انسانه
وظليت ابد دمعتي منشفت والعصر بقينا مصطفى يم بيت جوارين شدن وزوج شدن هو ودانا
واول مادخلنا جانو الزلم كاعدين بالكراج خالين كراسي ولمن دخلت جان اشوف زيدون كاعد جان  لابس قميص اسود وبنطرون جينز اسود
والسبحه بيدة من جنت داباوع عليه شافني وظلت عينيه عليهً
واول مادخلنا للمطبخ  وشفنا زوجته ابن بيبي
كالتلي
....هاي شابج غير

عين
......اني اجيت داخذ من خاطركم
...شلون كباحه روحي منا لتخليني اطردج كدام العالم
.....ولج سكتي
.....كافي شدن عوفيها
....وليش اسكت شوفيها ماعدها اخلاق
....عليمن ولج ام نص لسان منيه ماعدها اخلاق
....انتي والله انتو حلكم مليان دم وفاتحه وعدكم مصاب
وكاعدة تسوين مشاكل
...اخذي اختج وطلعتي
...ليش متحترمين نفسج
ندارينا على الصوت شفنه زيدون
جاوبته
....خلي يولن فكر وين ميروحن  حتى انت شسون بيج
....راح اعيدها مرة ثانيه عليج واني حذرتج من قبل احترني نفسج واحذري مني
...زوجها اجه شكو هنا
باوع زيدون وجان محنزر وعيونه حمرة
....لم مرتك واضبطها لتخليني اصرف وياها غير تصرف
.....شبيك زيدون اني ابن خالتك ليش هيج تحجي
.....انت تعرف ليش هيج احجي ماكو داعي اذكرك
واحنا الي بينا خالتي وهسه خالتي ماتت
طبعا جان مبين يخاف من سيف بحيث سكت
ومجاوبه
.....اي ساحراتك خطيه متشوفك دايخ
....شوفي اقسم بلي خله النفس بيه اذا فتحتي حلكج بكلمه وحدة بعد الاتحسبين الله ماخلقج
وباوع علينا
.....يله امشوووو 
وطلعنا واشر زيدون لزوج شدن اجى الولد
وطلعنا وماحجى شي زيدون
ولمن طلعنا هو هم طلع وكف بالباب وشفت ولد خالته اجوي ديحجون وياة وجان ياشر بيدة ومنفعل وعصبي
رحنا وبعد ماعرفت شي عن زيدون ولاهو اتصل ولاحتى اجى على مصطفى
واني عادي مثل ايامي الاعتياديه اروح للمكتبه
وارجع عادي
ولمن رجعت اليوم جنت متاخرة لان جانت اكو شغلات ديجبوهن للمكتبه فتااخرت جنت دارتب بيهن
ورجعت للبيت تقريبا بالتسعه
اول مادخلت شفت شدن واكفه وعصبيه
...هاشبيج
.....شوفي اكلج اني بيتي بعد مااريدكم اخذي اخوج وروحي
...ههههه ولج شبيج  منو وياج
....انتي
....اني
...اي انتي وسوالفج المكسرة
...عزة بعينج ولج يامكسرة شسويت
....انتي تعرفين شسويتي واني مااريدج وطلعي يله هسه
من البيت
....شدن صدك دتحجين
...شنو انتي متفتهمين
...دكولي شسويتلج حتى هيج اسوين ويايه
....والله من عمايلج وسوالفج تلعبين من ورايه
...شدتحجين انتي
.....اني ماااريد العالم يحجون عليه علمودج
....يحجون عليج من ورايه ولج المفروض لو الدنيا كلها تحجي عليه انتي مصدكين ولج اني خيال
....شنو يعني قابل انتي امي
امي ماتت
... اني صرت امكم لو نسيتو
...ريحيني وكولي شمسويتلج موكلبي راح يطك من القهر اححي
...روحي منا خيال
.....وين اروح هسه بهذا الوكت انت تعرفين ماعندي احد اروحله وماعندي مكان
....مشكلتج اني معليه
......مشكلتي مجانت مشكلتي من ماتو وعافوكم مجانت مشكلتي من جنت انضرب بدالج مجانت مشكلتي من جنت اخذ النص صمونه مالتي واضمها حتى من اجوعين انتي واخوج تاكلوها
من جنت اشتغل بدالج حتى للتمرضين لان اعرف عمتج متوديج للدكتور
مومشكلتي مو من صرتلكم ام من حرت بيكم
وافر براسي منا ومنا من جنت احميكم على حساب نفسي
كعدت لان حسيت رجلي مدشيلني وجنت احجي ودموعي تنزل
طرديني شدن حسبي الله ونعمه الوكيل
خمس اسنين اني شايله همكم
هاي تاليتي اطرديني وبلاسبب
الله موجود الي خلقني مايتخله عني
زوج شدن جان صافن
كللها
....شبيج شدن هاي شدسوين موعيب عليج
...انت معليك
اني مااريدها بالبيت
...اشكرج اختي ياا بت امي وابويه اشكرج
انطيتيني حقي  بيدي اشكرج
مصطفى جان يبجي على بجيتي
.....كوم مصطفى يله
...وين نروح اني اخاف اطلع بالليل خيال
باوعت على شدن
...مثل ماجنت احميكم قبل هسه احميك يله حبيبي امشي واخذت الجنطه مالتي واخذت ملابس مصطفى وطلعت الدنيا لليل واني تعلمت كل شويه الم هدومي واطلع عادي صرت بيد الزمن يلعب بيه
رحت كعدت على الرصيف ظليت افر براسي
وين راح اروح
وخفت لااحد يشوفني هيجي كاعدة يجي يسويلي شي كمت امشي
وكلت  ماعندي غير مكان   غير انو اروح
ل زيدون بس هالليله  وبعدها  الصبح اروح  اشوف مكان
والله ومناك و شفت ابن جوارين  بيت شدن اسمه علي سايق تكسي
كتله فدوة وصلني لبيت كرايبي وصلني الولد
وصلت يم بيت زيدون
ودكيت الباب
وسمعت صوت الباب انفتحت
....هلوخيال
...هلو زيدون اسفه ازعجتك هيج وقت بس ماعندي غير مكان
...تعاي دخلي هسه
...شكرا
ودخلنا جوة ومصطفى راح نام على التخم جان نعسان
...شبيج خيال
....مااعرف شبيها شدن طردتني من البيت بدون سبب
...معقوله
...اي والله  انصدمت  انسان اضحي علمودة وتحس انت مسؤول عنه وتخاف عليه
وبعدها من تحتاجه يتخلى عنك
اني صرت مثل السمج ماأكول مذموم
وتالي هيج جازتني شدن
الله يسامحها
....لديرين بال
....شلون مااادير بال واختي هيج اسوي بيه اني مستعدة لخاطرها اوكف بوجه الدنيا كلها
وهي وكفت بوجهي
اني بس هالليله ابقى هنا وباجر الصبح اروح
اني ماعندي احد وانت تعرف وخفت اروح لمكان
مااعرفه
....هلابيج بااي وقت
ولاتنسين اني دائما موجود اذا احتاجيتي مساعدة
...شكرا
يتبع

قصة خيال ﴿ اليتيمه ﴾ حقيـقيه 💯-


بارت 17 شاركو القصه مع اصدقائكم

.....اني دائما راح اكون موجود من تحتاجيني خليها بالج
...اشكرك
....دك تلفونه وجاوب
.....هلو حبيبي بعدين اخابر مااكدر احجي
اختنكت من سمعته ديحجي بس ماحجيت شي لان ماعندي  الحق بلااعتراض
....اني راح ادخل انام
....تصبحين على خير
سمعته بس مجاوبته حسيت نفسي رحت لغير عالم حسيت الدنيا وكفت بيه  لحظات حسيت بالخنكه وصغر الدنيا صعب من نحس شي مالتنا يروح لغيرنا
دخلت للغرفه وشلت مصطفى ونومته وغيرت ملابسي
وجافاني النوم وظليت واكفه بالشباك مال غرفه اباوع على الحديقه
حسيت نفسي مخنوكه ولازم ابجي يس دمعتي مدتطلع
يمكن من كثرت الاذيه يمكن لان هوايه بجيت وبعد ماااكدر  ابجي يمكن تعبت من البجي
مليت من الحزن والحزن مل مني
سمعت الباب تندك
....ادخل
....عرفت بعدج كاعدة سويتلج حليب تعاي شربي
....هسه اجي
من شفت ندار وراح كلت لنفسي
احبه ياالله اريد اركض واحضنه
....خيال
....اجيت
....تعاي كعدي شربي الحليب
...شكرا ليش تعبت نفسك
...اعرف بيج كاعدة دتفكرين
....اي صحيح
طلع الجكارة وشعلها وظل يشرب وهو عينه عليه
واني جنت اشيل الكوب واشرب منه بس باارتباك
لان عيونه عليه
.....داتفكرين مو
...اي عادي كضيت عمري كله افكر
.....يله تهون
....جنها ماناويه تهون
....ماكو شي يبقى على حاله كلشي يتغير
....الله كريم هو ارحم بينا من البشر
....شلونج انتي
....الحمدلله
...دتشتغلين
.....اي بمكتبه
.....اي اعرف اشوفج
.....شلون اشوفني
.....هههههه يعني اكيد اروح اشوفج
....ليش تراقبني
......اي اراقبج من بعيد حتى اطمن عليج
....لتخاف ماعليه شي
...موبيدي مااخاف عليج
...اني زينه لتخاف
....داشوف هوايه بيج وجع 
....اي هوايه موجوعه
صافنه على الدنيا والي دسوي بيه وشلون يوميه تشمرني بحفرة اكبر من الي قبلها
صافنه على الدنيا الملعونه ناس يحتاجوك تقدملهم كلشي
ولمن تحتاجهم بدون خجل يعوفوك الغريب تشوفه يحن
والقريب شيطان ويصير جن
الناس الي دكول عليهم اعزاز  يطلعون انذال بامتياز
شلون لازم اصير موخوش انسانه لازم اجرح وأذي حتى اكدر اعيش ليش الفقير بهاي الدنيا حقه مسلوب

....خيال انتي كلبج جبير  هونيها تهون صدكي
....صعب من تنصدم بناس تحبهم كلش صعب
يمكن الي متحبه سامحه بس الي تحبه متكدر سامحه
تحس جرحه كلش عميق ويظل ينزف وكلما نزف كلما تحس يلجمك اكثر
....والي نحبه وميحس بينا شنسويله
مجاوبته سكتت
....ها خيال شنسويله الحب بكلبنا شلون نموته
والروح الي ذبلت بينا شلون نحيها
مجاوبت
....ظلي ساكته ظلي
اني راح اسافر وانتي ظلي هنا بالبيت ولاتعانديني لان اعرف بوضعج
...وين تروح
.....مومهم وين اروح
....ليش مومهم
......ميفرق اذا  رحت ولابقيت ولاكنت وياج بنفس المكان
.....براحتك
.....هههههه راحتي اني نسيت الراحه من زمان
...راح اروح انام
شلت الكوب بس عثرت وكع الكوب من يدي ونكسر
ودنكت دالم الكزاز ودخلت بيدي كزازة
و طلع دم جان الجرح بسيط
بس شفت نظرات زيدون وكلبي نبضه وجعني
كمش يدي
.....يوجعج
....شويه
....سلامتج من الوجع
رفعت وجهي  وباوعت بعينه ابتسم ابتسامه خلتني اذوب
جاب كطن وخله بيها معقم ومسح الجرح وخلالي مال جروح
وعاف يدي على كيفه وكاانما جان كلبه ميهله يترك يدي
وراح يلم الكزاز
بي مو الكزاز الي انكسر وطشر كلبي الي انكسر
واتبعثر
وكف وباوعلي
وكلي
...لشوكت انتظرج واني محتاجج
....انتي متحبني جان مازوجت
....مشكلتج ماعندج ثقه بيه ماعندج ثقه انو اني ماااكدر اعذبج بشي
اني اشوفج دنياي
روحي نامي خيال ارتاحي
وخليني بهمي
....شتريد مني
....متعرفين
....لا
((كيف اقول لكي ماذا اريد وانتي تعلمين كيف اكسر جمود قلبك  ومتى تحسين بااني وعاني كيف  اطلب منك
الحب وانتي تضعين يدك على قلبي
كيف اطلب ان كنتي انتي
طلبي كيف اعبر لك عن حبي ان كان حبي
لايستطيع التعبير عنه ‏ لاانك اكبر منه))))

رفع يده وخلاها على شعرة ورجعه ليورة 
وراح  ورحت ورا جنت دارجع للغرفه بس شفته جان ديلبس قميص
واخذ السويج مال سيارة
وكعد على الكرسي ديلبس الحذاء مالته
...وين دتروح ساعه بالوحدة
.....بالوحدة ونص
....اي زين تعرف وين لعد دتروح
.....يمها
....يم منو
...يم الي تريحني
...صدك
....اي صدك
....منيه
.....انتي شعليج
....ليش مدتتحمل للصبح
.....لا
......ليش شسويلك
....مااكدر اكلج شسويلي
....ليش
......هسه انتي شتريدين
......ماااريدك تروح
....ليش
......هيج مجرد ماااريدك تروح
.....لا كوليلي ليش واذا اقتنعت مااروح
.....ماااريدك تروح يم اي وحدة ولان اني احس بلاامان من  انت موجود
.......مقتنعت
شراح اكله لهذا مو اني مااريدة يروح اذا راح يمها اتخبل
..... زيدون لتروح حباب
ابتسم
......اي ابقى لخاطر  الحلوين بس بشرط اليوم اريدج تحجين كلشي لان مليت من الصبر
....شنو احجي
....كلشي
....ماعندي حجي
.....لعد خلي اروح اطلع
....اهوووو شتريد احجي
....خلي اجي اكعد واشوف شنحجي اكلج تعاي نطلع بالحديقه الجو حلو كلش
......اوكي
طلعنا وكعد هو على المرجوحه واني كعدت على الكرسي
....تعاي كعدي يمي
....لا ماااريد هنا مرتاحه
...اي زين يله احجي بله ليش متخليني اروح يمها
....هي منيه
.....وحدة بس ليش تغارين
....لا مااغار
....لعد خلي اروح مدام متغارين علااقل الكي حضن دافي
.....زيدون ليش تحرك بدمي
....موكافي خيال كافي اظلين اسوين هيج
كافي تكابرين وتقشمرين عليه وعلى نفسج
....اني متعذبه بدونك زيدون اني احبك
بس انت ازوجت بعد خلص مو من حقي
...منو كلج
....انت كلت
....تتصورين اكدر ازوج وحدة غيرج تذكرين من كلتلج اخذي رجال عندى مبادئ هذا عمرة مراح ياذيج او يفكر يسوي  شي يألمج
..يعني انت ممزوج
.....ههههه لا
....ليش تضحك يعني جنت تقشمر عليه
...الحقيقه اي وانتي تقشمرتي بمنتهى السهوله وكلش ضجت منج لهذا السبب عفتج وماكلتلج ترة اني جنت داختبرج المفروض جان مصدكين  ودكولين انت متسويها تمنيت اسمعها منج
بس انتي جنتي باردة تخبلت جان بمدي اكمشج واحير شسوي بيج بس كلت  خلي تاخذ وقتها
وشدن
...شبيها
....اني كتلها سوي هيج
.....انت مومعقول شلون كدرتو اسون هيج بيه صدك تحجي انت تعرف شلون جنت داتعذب اني
تعرف جنت اموت باليوم الف موته شلون اسوي هيج
....كتلج داساعدج تكتشفين نفسج
بالنسبه الي الرجال يبحث عن امراة مو عن طفله وبس
مو على انسانه باردة عواطفها متحجرة انتي جان عندج عواطف وحب بس مجنتي تعرفين تبينيها
واني حاولت اخليج تبينيها
.....اني ضجت منك اكثر تعرف
.....ليش
....لان جنت مسويني لعبه وتلعب بعواطفي واحساسي
ومهتميت لجرحي شلون سوي هيج بيه
....جان لازم اسوي هيج حتى تحسين على نفسج
....روح زيدون
ورحت ودخلت لغرفتي وقفلت الباب  صراحه جنت ضايجه منه بس  بنفس الوقت فرحانه كلش حسيت انو اني خلص  اكدر اكون ويا زيدون
وضحكت على افكارة
سمعت صوته من ورا الباب يحجي
.....لج خيال فتحي الباب
...ماافتح
.... وتالي ويا هالخبال اني راح اروح بس ترة دكعدين الصبح متلكيني والله العظيم
اسافر واعوفج تعرفيني خلكي صغير واضوج اظل اتوسل واحجي  فتحي الباب
زين خيال راح اخليج تبطلين تسوين هيج ويايه
وسمعت صوت خطواته تبتعد عني  بس مهتميت
لااول مرة انام فرحانه
لاول مرة  انام واني ماتجيني كوابيس
وحسيت الصبح على صوت مصطفى
يتحرك
كمت فتحت الباب وطلعت اباوع ماكو زيدون
كمت اصيح زيدون وينك
ودورت البيت كله جان مموجود  وصعدت لغرفته شفت الملابس مشمورة على الجربايه مالته
كلت عزة بس لا سافر صدك
طلعت تلفوني وكمت اخابر على رقمه مغلق
خرب بحضج خيال هاي شلون سالفه
اني شجاني وهيج سويت مو محترمني وكاعد ديحجي ويايه
يارب ساعدني بلكي شويه ويجي وظليت افتر مثل المخبله ويدي بردت
ودك تلفوني ورحت ركض عبالي هو طلعت شدن
جاوبتها
سمعتها تضحك
....ولااحجي وياج على الدكه الي سويتيها بيه معقوله كلبج انطاج حتى لو زيدون كايلج
....ههههه لاوالله كومه بجيت بس شسوي داشوفج دتبعدين عن زيدون وهو يحبج وانتي مدتعرفين تصرفين
...جان المفروض مسوين هيج وعالعموم مابيه حيل احاسبج هسه
زيدون ماكو
،...عزة بعينج هم طفشتي الرجال
....اي يمكن طفش
....لج بابا هذا ميتنازل  هو طبعه هيج مافهمتي لحد الان
وين راح
.... ماادري
....ديله اذا بين كوليلي
...ميخالف
ومابين زيدون
وحالتي صارت حاله
ظليت بيت زيدون وكلت هسه يرجع وجنت اروح للمكتبه وارجع للبيت
وصار عشر تيام ضبط زيدون ماكو
والظهر  بعد مارجعت من المكتبه
جنت نايمه وسمعت صوت
المفاتيح مو مشيت انما طرت
وصلت كدام الباب وحسيت فتحت الباب اخذتلها عمر يله نفتحت
ولمن فتحها شافني واكفه
...حمدلله على السلامه
....الله يسلمج
....عبالي رحتي
....مااروح بعد لمكان
رفع حاجبه مستغرب
...صدك
....اي والله
....لعدشسوين
....ابقى هنا
انت من غبت عني انا مثل المرايه المكسورة
وجرح جبير  بيه
طول ماانت غايب عني اني كلبي تعبني

اني ماااكدر افرح بدونك
.....احبج تعاي لحضني
....لا
....موعلى كيفج انتي مالتي من اول مرة شفتج من تعذبت من وراج هوايه
ماكو انسان يكدر يحب اكثر من مرة الحب مرة وحدة
واني قبلج ماعشته
انتي خيال تحولتي لحقيقه

وكلت لنفسي والحلم الي حلمته خيال اليتيمه الي اصبحت في وقت ما ام واخت واصبحت ممر الكل عبرو عليه
ومحد جان مهتم هاي الطفله شنو جان شعورها  اصبح حقيقه
موصعب انو نحلم ولاصعب نحقق حلمنا
بس لازم نحلم كل يوم حتى  نصحى على واقع يشبه الحلم

(((( انا احببت وتعذبت وتألمت وابتسمت واكملت يومي
وكرهت يومي وبيوم اخر احببته ولكني لم استطيع ان
اتخلى عن من ملكني بكل شيء
كيف لااحبه وهو ينبض بي
لماذا لااعشقه وانا لاارى غيرة هو ملكني واحنا احببت امتلاكه
هو يراني وطن وانا اعلم باان الاوطان لاتباع
اذن سوف يحبني ا فلماذا بعد الان اخاف من ان
احزن ولكني تعلمت ان احزن لكي افرح))

يتبع.....

قصة خيال ﴿ اليتيمه ﴾ حقيـقيه 💯-


بارت 18 شاركو القصه مع اصدقائكم

يمكن العشر ايام الي غبت بيها عن خيال رجعتنني
للماضي هاي العشر ايام ذكرتني  بهوايه امور  خلوني اخذكم بعالمي شويه
خلوني اشوفكم الحب من منظار زيدون شلون خلوني اتكلم عني
،،،،،،،،،،.
حياتي لفترة اصبحت كابوس بعدها  تحولت لحلم وظليت في كل مرة اعيش تجربه ما
في كل مرة انجرح بطريقه وبعض الاحيان افرح بطريقه ما
تبدي قصتي
من انو اني شاب مثل اي شاب مندفع اي شخص بداخله انسان وطني حب يدافع على فكرة هو مؤمن بيها
لمن جنت اشوف الناس ينتهكون حرمته بيوتهم والنساء تنتهك اعراضهن
والاطفال المعذبين  وصرخاتهم والتعامل الوحشي
جنت اكول ليش
ليش مواحنا شباب وعدنا القدرة انو نحارب ليش منطلع ندافع عن وطننا ليش كل واحد ضام ‏راسه ويخاف يطلع لباب البيت
العمر واحد والرب واحد
وهيج هيج ميتين اذا مو اليوم باجر اذامو  باجر
بعد باجر
بس لازم نعيش بكرامه لشوكت نظل نسكت وحقنا مسلوب لشوكت نخاف
هاي كانت قناعتي
وصرت بالمقاومه وبديت اقاتل وجانت حياتي مالها قيمه لان دائما جان اكو خطر محاوطنه ‏
لان دائما الانسان من يفكر انو خلص هو اقدم على عمل شيء ينتهي احساس الخوف والتردد
وكلشي بلبدايه يكون صعب بعدين يصير عنده تعود
واني تعودت انو اقاتل دفاع عن مبادئي ودفاع عن وطني
ومرت فترة وبدو اهلي يصرون عليه انو ازوج
وانو اني كبرت ومن هذا الكلام
واني قبلت وزوجت رفل اني كنت معجب بيها هي كانت بيت جوارينة اصغر مني بخمس سنوات
بس كنت اناني يعني فكرت ازوج وبنفس الوقت اظل بنفس عملي  ‏
مفكرت انو اني داخلي حياة هاي الانسانه  بخطر
وبعد زواجنا  هي كانت تعرف بعملي  وكانت ترفض وجانت هوايه صير مشاكل بس اني مكنت
اهتم كنت راسم طريق ومقرر امضي بي
ولكن بعد زواجنا  بفترة صارت رفل حامل وبعدها صار عندي اوس
من اول لحظه  ‏شفته خفت من شعور انو يكون يتيم
خفت اعوفه فقررت انو خلص بعد مااظل اقاتل
لازم  أبقى اربي اوس
وفعلا نسحبت وغيرت مكان سكني وبديت اشتغل بالمقاولات
واصبحت حالتي الماديه جيدة
وحياتي اصبحت عملي وبيتي
اني من طبعي انسان قاسي  وفجأة ‏جاني أوس
عشت ويا لحظه بلحظه كل خطوة يخطيها ‏ كل  ‏ضحكة يضحكها اول كلمه تعلمها او لعبه اشتريته  ‏الا عشت حياتي اله خصصت اغلب وقتي لاأوس
 
وأوس كان عن عبارة عن لوحه تفنن الخالق برسمه جان يشبهني نفس لون عيوني ولون شعري بس لون بشرته
بيضة اني اسمر
حبيت حركاته وسوالفه وضحكته وصار عمرة سنتين
وبهاي الفترة صدفه التقيت بصديق
كان ويايه من ايام الدراسه
هو مكان يعرف اني وين بيتي فااني تعاملت بحسن نيه
وانو هو صديقي وكلتله وين بيتي
وبعدها بيومين ضبط اني كنت بالشغل دخلو مسلحين لبيتي ممعروفين الى أي جهة  ولكن كانو ضباط يشتغلون ويا الامريكان
وجان وياهم  ايضا همر مال امريكان
اخذو رفل واوس واتصل عليه
وكالولي لو تنطينه اسماء كل الي تشتغل وياهم ومكانهم لو نقتل زوجتك وابنك اني صارلي سنتين مبتعد عنهم
ماااعرف وينهم ومابينا تواصل
وكان ومابين  الاتصال الاول والاتصال الثاني تقريبا اربع ساعات ولمن خابروني بلااتصال الثاني كالولي انت ترددت اظاهر متريد زوجتك وابنك عالعموم تلكيهم بفلان مكان
كل ظني انو هما عايشين

ورحت ويارتني مارحت مااكدر اذكر بشاعة  المنظر
ياريت لو اكدر امحي هذا اليوم من ذاكرتي ‏ بس صعب
ماكدرت ابجي ولااحجي لان الشعور الي جنت ‏أحسه مجانت الدموع تكدر توصفه ولا الكلام  يعبر عنه

  مات الكلام امام شعوري المؤلم
شعور صعب حسيت الدنيا صارت سودة
كرهت كل الناس كرهت نفسي لان اني جنت السبب
وجنت اكول لنفسي ماااريد اذكر تفاصيل هذا اليوم
جنت اتمنى لو كل هذا كابوس واغمض عين وافتح عين واشوف أوس كاعد يلعب يمي
قررت انتقم من الي  ‏سوا هيج
من الي قتل طفل ماله اي ذنب ‏
هذوله موبشر هذوله ‏ وحوش بشريه
شلون عدهم القابليه والقدرة على انو يقتلون طفل
وبكل دم بارد لازم انتقم
لان من تنملي كلوبنا بالحقد والكرة
تنعمي عيونا ونبدي منشوف شي كدامنا  ‏واني قررت اخذ حقي من كلمن خله  هاي النار الي مدتطفه بكلبي ‏وكل الي داير مدايري
حاولو يوأسوني ويهونون عليه بالكلام  ولكن مكدرو لان هما مديحسون بلي اني داحس بي
النار متحرك بس صاحبها
وفعلا اني بديت انتقم وكلما بدة يمر الوقت بيه كام
كلبي يموت اكثر وكامت روحي  تبطل تتنفس
حياتي تغيرت وصار ليلي  نهار
ونهاري لليل حاولت ابتعد واروح لمكان محد يعرفني بي ومكان مابي احد شبه معزول وبحكم انو اني مقاول
بنيت بيت بمكان شبيه   بالصحراء مابي اكثر من ست بيوت اوسبعه
بس كل بيت بينا مسافه جبيرة
واما البيت الي بنيته اني  كان اكو يمه بيت صغير
طول فتره البناء ماشفت احد يطلع منا ماعدة مرة جبيرة
ولكن لمن خلص البيت وكعدت بي
بديت انتبه انو هذا البيت بي اطفال استغربت لان
الي يشوف هذا البيت والهدوء الي بي يكول مستحيل اكو بشر  بهذ البيت ماعدة هاي المراة الكبيرة
وفديوم اني بالمطبخ وشفت بنيه بحديقتي بيدها طوبه
صحت عليها
.....انتي جابج هنا
........اسفه عمو بس اخويه ديلعب بالطوبه وشمرها عليكم
ودكيت الباب محد جاوب
...وكمزتي جيبيها شنو جنيه بابا انتي بنيه
شلون تسوين هيج
....اسفه بعد مااسويها
...يله روحي منا بعد لتجين
ماادري ليش ضجت
وهاي  كانت اول مرة اشوف احد من هذوله الاطفال
والمرة الثانيه لمن اني جنت كاعد  بالحديقه الصبح وسمعت صوت وحدة
دكول عمه الله يخليج والله جوعان
استغربت  لان الصوت موطفولي ومونفس الصوت مال البنيه الي جتي على الطوبه وصار عندي فضول  اشوف هاي منو الي دتحجي
صعدت فوك لغرفتي وفتحت الشباك مال غرفه
باوعت بنيه واكفه وطفل كامش ملابسها من وره وهاي المرة الجبيرة بيدها عودة  تريد تضرب الطفل الصغير
وهاي البنيه واكفه كدامها دتمنعها ‏ واخير شي كامت تضربها الها
وعافتها ودخلت
الموقف الي شفته كلش تألمت منه
وصوت هاي البنيه الرقيق وتوسلها ‏
وخوفها على هذا الطفل حسيته  موقف هزني ولمن كامت تكمش الاماكن الي بجسمها الي توجعها وكعدت بالكاع وتبجي وهذا الطفل حاضنها
خلاني احس انو  كلبي نجرح  والموقف قهرني جدا
كلت معقوله هاي عمتها ام زوجها وهذا ابنها
بس هي صغيرة مومال وحدة مزوجه
وعدها طفل ظليت اباوع عليها لحد ماكامت نفضت ملابسها وشالت هذا الطفل ودخلت
كلش اتاثرت
بلي شفته
و هسه يله اتأكدت انو خلص الناس مابقى عدها ضمير ماتت الانسانيه الي بداخلهم
بس عجبتني شجاعة هاي البنيه الصغيرة الضعيفه
وهي ددافع عن هذا الطفل
الصغير ومرت ايام وجتى ايام واني  كمت يوميه اسمع صوتهم يبجون واكتشفت انو هاي عمتهم اخت ابوهم
طبعا هاي بعد ماسئلت
بالبدايه كانت حاله انسانيه
تقهرني بس بعدين بدت هاي البنيه تجذبني برغم انو اني اباوعها من بعيد وحتى ملامحها ماجانت واضحه
بس اكو فد احساس بداخلي بده يجذبني الها كمت اراقبهم من بعيد واشوف مدى التعاسه الي هما بيها
برغم
انوجان بودي اساعدهم بس جنت اعرف نفسي مثل المرض
الي اتقرب منهً يموت يوم عن يوم اني اراقبهم وبالذات هي
فجأة كمت مااحس على نفسي الااني اخلي الكرسي كدام الشباك واكعد حتى   أشوفها مااعرف ليش فضول
او اهتمام يمكن بسبب حياتي القاسيه
يمكن شفت بهذا الطفل الصغير ابني
وشفت بيها ام ‏دافع عن اطفالها او شفت بيها
شي مالمسته بحياتي
دورات نعيش بخيالنا ويااشخاص احنا مايربطنه بيهم شي
فقط شعور بشيء ما
يربطنه بيهم شي منفهمه ولكن نحسة
وبهاي الفترة طه ابن اخويه الجبير اجى بقه يمي لان هو طالب سادس ولان ‏مد يقرأ  ابو عاقبه
كله تروح تبقى يم عمك زيدون حتى لاتطلع ولاتدخل
وهو طه يخاف مني واجى بقة يمي
وطبعا جان مركز ويا بيت هذول الناس وكل شويه يكلي عمو شوف خطيه هذوله هاي المرة شسوي بيهم
وجنت اكله اي اعرف
وصادف
ومرة بالليل جنت داغير ملابسي بالغرفه لان  داريد اطلع ورحت على الشباك فتحت البردة شفت هاي البنيه دتغسل الكراج بالليل والدنيا باردة وجانت ترجف
وجان مبين عليها الخوف
صار عندي رغبه انو اروحلها ‏وادفيها ‏ واخليها تدفى بالنار الي تشب بضلوعي
سرحت بخيالي وياها شفتها مثل العصفور المحتاج حنيه
لوبدي احضنها لو بيدي العب بشعرها لوبيدي اكمش هاي يديها الصغيرونه  ولواكدر اسمع دكات كلبها الصغير اتخيلت اذا هي بحضني  شراح ا

حس يمكن تخيلاتي
كانت فقط كرجل يمكن جنت محتاج لحضن محتاج وحدة تحس بيه بس ماادري ليش حسيت انو هاي الوحيدة الي اني اريدها برغم انو هي طفله
يمكن  حبيت اخذها لكلبي واخفف عنها حزنها
بس اني كذاب اني اريد حضنها حتى يخف عني وجعي
جريت حسرة وسديت البردة ونزلت
جوة اخذت مفاتيحي وقفلت الباب وطلعت وصلت يم سيارتي بس ماكدرت افتح الباب ظليت واكف
وخطواتي اخذتني للباب الخلفي للبيت  مال هاي البنيه
هذا البيت جان بي باب ليورة باب صغيرة
رحت وفتحتها ودخلت وجان المكان اظلم يادوب ضوه خفيف كلش
ومشيت على  كيفي  وتقصدت اطلع صوت شفتها وكفت وكامت متتحرك  واني وكفت وراها
وجان البرد الي بالجو 
والرغبه الي بداخلي
تولد عندي شعور مختلف
كنت اتصورها حلم شي موحقيقي مديت يدي ولمستها
هي خافت وشويه وكامت تركض ودخلت جوة
ضحكت عليها بس 
اكو شي جان اكبر  خلف هاي الضحكه
وطلعت من المكان الي دخلت منه وصعدت سيارتي ورحت
وطول الطريق اني بالي مشغول بهاي البنيه
الي هي طفله اكثر من ماهي بنيه شابه
بعض الاحيان النقص الي يكون بمشاعرنا يخلينا نذهب
الي اي مكان المهم نشعر بهذا المكان بشيء ما
ممكن تكون رغبه او عاطفه
المهم
ثاني يوم اجاني طه كلي
....عمو
...ها طه
...رحت لبيت هذوله الناس
.....اي شبيهم
....خطيه عمتهم  موخوش انسانه شكد تضربهم
اليوم قبل متطلع ضربت هاي البنيه الحلوة
رفعت عيني وباوعتله
...طه انت هنا اجاي دتدرس ومواجاي دور بنيه حلوة
ومااريدك توصل يمهم مناقصين مشاكل
.....بس عمو خطيه
...اي اعرف  خطيه بس هاي عمتهم ومنكدر نسوي شي
التهي بدراستك ومستقبلك
....اي عمو
وبعدها بكم يوم داطلع اني وطه جنت اريد اروح اسوك ومن دنطلع سمعت صوت عياط كلش قوي
.....عمو هاي يمكن عمتهم دتضربهم
بعد متحملت اوكف رحت بسرعه شفت الباب مفتوحه بسرعه دخلت وكمشت يد هاي المرة
وهي صفنت وخافت كالتلي
.....انتو منو حراميه طلعو من بيتي
....انتي شلون اضربيها هيج متخافين من الله
....وانت شعليك
....شنو شعليه دائما اشوفج هيج تاذيهم خافي الله بيهم
حرام عليج
.....انت لتدخل جهال اخويه واربيهم
....تربيهم لو تريدين تموتيهم دشوفي حالهم راح يموتون
وهي كامت تغلط وتجاوز واني باوعت عليها هي جمدت بمكانها وكفت بعيد وصحت هاي البنيه
....جيبي اخوتج وغراضكم وتعاي
....اي
راحت بسرعه
واجتي وهي كامشه اخوتها
واخذتها لبيتي واشرت ل طه يدخلهم للغرفه الجوة وصعدت اني فوك بس جنت كلش ضايج واحس جسمي كله يرجف
وبعدها هديت شويه ولليل ماكدرت انام وظليت اروح واجي
ولحد وجه الصبح  واني كاعد
ونزلت للمطبخ وكعدت داشرب جاي
وشفتها دخلت
وجانت مرتبكه وخايفه
باوعت عليها وكلت لنفسي
ياربي اني شنو الي ديصير بيه
ليش شوفتها تخمط كلبي
ويمكن منا بدت معاناتي لمن تحس بشخص ميفرق قربه لو بعده المسافات ماراح تكون الها اهميه  لان احنا نحس مراح نفهم
ولكن هي نظراتها ارتباكها خوفها مني جان كله يخليني اشعر بيها اكثر
للاسف احنا منكدر نتحكم بكلوبنا يجوز  من نظرة وحدة
كلبنا يكوم ينبض ويجوز سنين احنا عايشين ومنعرف شنو معنى انو كلبنا ينبض بشدة
يمكن كلبي يريد احد يطيب جرحه بس تاليتي راح اوكع بجرح جديد
يتبع ...

قصة خيال ﴿ اليتيمه ﴾ حقيـقيه 💯-


بارت 19 شاركو القصه مع اصدقائكم

صعدت فوك ونمت ولمن كعدت جبت
غدة من برة
وكلت ل طه انو يصيحهم يجون ياكلون
وشويه واجتي واول مادخلت اشرتلها انو تكعد
وكعدت هي واخوتها وجنت اباوع عليها شلون تهتم بااخوها واختها ومتاكل كلش قليل وكل شويه تشاور اخوتها مااعرف شدكللهم
ولمن خلص الاكل كامت بسرعه تشيل بالغراض ونظفت الميز وراحت تسوي جاي كاانما حافضه الدور الي سوي بدون مااحد يطلبه منها
كمت غسلت وخليت يدي بجيوب بنطروني وكفت اباوع على الحديقه من الشباك
كتلها
.....انتي شنو اسمج
....اسمي خيال
نداريت عليها وكلش عجبني الاسم فعلا حسيته راهم عليها وكمت بدون وعي اردد الاسم
....خيال ....خيال
....اسمج غريب منو سماج خيال
...والدي الله يرحمه
......الله يرحمه
..... ليش سموج خيال
.....ماااعرف بس بابا جان يكلي انو شكلج مثل اسمج
....اي صدك يحجي
ظليت اباوع عليها وهي متباوع بوجهي وبعدين رفعت عينها وصارت عيني بعينها
....انتي عدكم اقارب
....لا
....انتو شلون متحمليها هاي مجنونه
.....شنسوي مجبورين وين نروح
.....احسج هوايه فاهمه واعيه شكد عمرج
....16سنه
.....معقوله انتي صغيرة
.....بس كبرت قبل وقتي
.....وهوايه كبرتي اظاهر  دائما ‏المأاسي ‏تكبرنا وتخلينا اانكون اعقل وافهم في سبيل نفهم الحياة ونستوعب الي ديصير
بس اني حاير هسه وين راح اوديكم
....اني اكول نرجع لعمتي نستسمحها  بلكي ترضا  ونخلص
ماعدنا احد
ورفعت راسها للسما وكالت عدنا بس الي ‏خلقنا ‏يتولانه
وسمعت صوت شدن دكوللها
.....خيال والله ‏تموتنا وين تريدين ترجعينا يمها
....سكتي شدن ماعدنا مكان خوما اخذج انتي ومصطفى وافتر بيكم بالشوارع احنا محد يريدنا
جنت صافن على الكلام الي ديصير كدامي
وعلى طريقه كلامها وكتلهم
......محد راح يظل بالشارع اني راح اشوفلكم مكان ومراح
ارجعكم يم هاي عمتكم شفت اخوتها كام يضحكون
وابتسمت على ابتسامتهمً
بعيد عن مشاعري اكو شي بداخلي ديكلي لازم اساعد هذوله الاطفال لان الظلم الي متحملي اكبر منهم
ونداريت على خيال كتلها
..شكد قياس حذائج انتي واخوتج 
......ليش
.....شنو هالسؤال الغبي
مااعرف ليش كتلها هيجي
.....ها اسفه
طه كال
.....عمو زيدون اني هسه اسئلهم واكتبه بورقه وانطي الك
علما تغير ملابسك
...اوكي
وبعدها صعدت دالبس
ولمن نزلت شفت شدن تباوع عليه وصافنه كلت هاي شبيها وبعدين ركضت
انتبهت انو اني جنت خال المسدس بحزامي يمكن هي شافته وخافت
ضحكت  عليها ولبست سترتي
وطلعت وشفتهم ديباوعون عليه طبعا اني كنت مابين انو أدعي عدم الاهتمام ومابين مهتم
طلعت واشتريتلهم ملابس لان كانت ملابسهم كلش تعبانه
وجنت حاير لان مااعرف اشتري  ملابس بالذات على قياس
خيال
دخلت للمحل وظليت صافن
جان اكو هوايه بنات انتهبت اكو وحدة تطلع مثل جسم خيال بس شويه اطول
رحت على ابو المحل كتله اريد على قياس البنيه
وشنو هي جانت دشوفني أشر عليها
يمكن عبالها نعجبت بيها كامت اتوزع ابتسامات
دورت بالملابس ولكيت الي عجبني واخذته وطلعت
وصلت  للبيت وشفت خيال
....تعاي خيال هاي ملابس جبتها الكم
.....شكرا ‏
...خيال ،،،،
...نعم
....لا بس كلش عجبني اسمج وحبيت اردده  ان شاءالله اذا فديوم
من الايام صار عندي بنيه اسميها خيال مثلج
شفتها تغير لونها وعبالك خافت
مني ورفعت حواجبها
ماكنت اريد اخوفها بس فعلا عجبني اسمها وقررت اذا صار عندي وطبعا هذا الاحتمال بعيد
بس اذا صارت  بنيه عندي اسميها خيال
كتلها
..شوفي راح انصحج نصيحه واذكريني بيها ‏
انتي هسه كبرتي وراح تواجهين هوايه اشخاص ممكن يكلولج انتي حلوة او يمدحوج هوايه بس مو كل الي يكلج انتي حلوة معناته عندة فد غايه صحيح الدنيا صايرة غابه واكو هوايه ناس صايرة ذيابه بس مومعناتها الكل يطمعون بيج ويريدون منج شي
اكو يكلج حلوة لان هاي حقيقه لانج فعلا حلوة والي. راح يكلج
حلوة و يجوز هو بحد ذاته انسان  صريح وحب يعبر عن رائية ‏ ‏بصراحه
او اكو شخص حب يجاملج
وانتي من راح تكبرين اكثر راح تفهمين انو كل رجال يباوعلج
من  نظراته  راح تعرفين شيريد ونظراته شتعني وشيريد منج وشنو غايته
ويبقى كلشي بيدج ويبقى ‏و انتي شلون تحافظين على نفسج
وتكونين ام واب لنفسج وتكونين ايضا قدوة لااختج واخوج
لان هما يشوفون بيج ام
افتهمتيني اني اتمنى انج تعرفين ‏قيمة نفسج ومتخلين احد يسترخصج
افتهمتيني
....اي افتهمت
....انتي حلوة فحذري
...روحو غسلو وبدلو ملابسكم
حبيت انصحها لان هي مجرد ماكتلها كلام مابي شي ومااقصد بي شي خافت

وبعد مايقارب الساعه جتي خيال وجانت غاسله وشعرها
مفتوح ومبلل ولابسه البنطرون والبدي نداريت باوعت عليها وحسيتها خطفت كلبي خفت يبين شي على
ملامحي لهذا  درت وجهي
عنها وبعدها ماتعشينه
اني طلعت للحديقه وظليت مدة طويله كاعد اشرب جكاير واباوع على السما جنت كلش ضايج
واحس دمي فاير وبعدها كمت دخلت جوة
وجان البيت هادىء تصورت الكل نامو
بس لمن دخلت للمطبخ
شفت خيال كاعدة دكمز تريد توصل للكاونتر
ضحكت عليها وانتبهت عليه
كلت صدك طفله برغم الغطاء الي تحاول تخبىء  ‏نفسها بيه
جنت اريد اروح اشيلها واصعدها تاخذ الي تريده
بس خفت من قربي منها لهاي الدرجه
ندارت عليه
كتلها
.....قزومه انتي بس لابعد مطولين
.....لااطول بعد هوايه ورايه
....ان شاءالله طولين بس هم تبقين كصيرة يعني لتحلمين
اصيرين طويله
...يله ميخالف شسوي
اجيت وكفت يمها وحسيت هذا القرب ديتعب اعصابي
.....كوليلي شدورين
....الحليب
....هناك بهذاك الكاونتر روحي جيبي اذا دكدرين
.....اي عادي اصعد على الكرسي
....ههههه وخري خلي اني اجيبه
....لااني اجيبه ‏
...بعد ساعه مجيبي ومشيت ‏ من يمها وجبت القوطيه مال حليب هاج
صدك
انتي شسوين بالحليب بالليل
...احب اشرب حليب وجاي بالليل  تريد اسويلك
....لا مااريد لان راح اطلع
.....هسه
...اي هسه
....يا متخاف تطلع هسه هو منو اكو بس الذيابه
....ههههه لااني مااخاف بس من الخالقني
واخاف بس من انو افقد الناس الي احبهم بس مااخاف
من شي ثاني
استغربت انو اني اطلع بهيج وقت وحسيتها كامت تفكر
وطلعت ولمن رجعت جان الوقت متاخر وجنت تعبان
وصعدت لغرفتي وكعدت لصبح على مشكله جتي عمه خيال وسوتلي مشكله و حاولت تضرب  خيال
بس وكفت  اني بوجهه وكنت  مستعد ادافع عنها لااخر نفس بيه وقررت انو لازم ابعدهم منا وابعد خيال عني
وكتلها لخيال انو راح اوديكم يم بيت خالتي عارضت انو ليش دساعدنا بس بعدين وافقت جان عدها خوف مني وجانت تتردد تحجي ويايه وجانت تحاول تسئلني وتستفسر مني بس اني جانت اجاباتي مبهمة
ولكن فاجئتني لمن كالتلي ‏جبت
.... انت ليش اجيت لبيت عمتي بالليل
.....شوكت اجيت
...بالليل من جنت داغسل الكراج اني ماشفتك بس عرفت انت
وبوقتها كمشتني واني نهزمت دخلت جوة
....منوكلج اني
.....يعني  مو انت
...لااني
....ليش
...مجاوبتها  وكمت وكفت
وحسيت نفسي  داريد اتهرب من الاجابه شكللها احساسي خلاني اخطو الج واجيج بنص الليل احساس بداخلي يريدج
كتلها
.... اني من زمان جنت اشوفكم وحبيت اساعدكم
...بس ليش اجيت للبيت
..... ليش دسئلين
....هيج مجرد فضول اريد اعرف
....واني مااريدج تعرفين
...ليش
....احسن الج
وانتهى الكلام بينا وكانت نهايته غموض  بالنسبه الها
وبالنسبه الي احساس جديد
واليوم مثل كل يوم اطلع بالليل واروح واحمل سلاحي
ولكن لااول مرة افكر ويا
كل رصاصه جنت اسمع صوتها توكع جنت اكول الطلقه لبعدها تدخل بصدري
كل رصاصه تسقط على الكاع واسمع صوتها من توكع اكول الي بعدها
راح تجي وتنهي حياتي
من جنت البس واجهز واشيل سلاحي جنت اصير انسان ثاني
انسان يقاتل ويقتل بدون مايرفله جفن
وكل قطرة دم اشوفها ذكرني باابني
واذكر اصدقائي الماتو
واذكر
القارورة الي نملت ‏ من دم كل شهيد
اذكر جرحنه وحزنه اذكر الناس الي دفناهمً
كلما كلبي يلين اذكر اعزازنا
ويرجع يقسى ‏
بس
قبل خيال مكان عندي احد اهتم واريد ارجعله بس خيال جنت اريد ارجعلها حتى اشوف وجهها
مرة ثانيه خيال خلت عندي نفس الشعور الي حسيته من شفت اوس اول مرة وخفت عليه وخفت اموت واعوفه وقررت اعوف كلشي
بس ماكنت اكدر
اعوف كلشي  هالمرة اكو شي اكبر مني وبنفس الوقت
و اريد اقترب منها خفت عليها من نفسي
خفت عليها من قربي
ورجعت للبيت  لان بعدها هالروح مجايها  السرة
شفت خيال
دتباوع تلفزيون رحت عليها
....شعندج كعدة لحد هسه
باوعت عليه
فتحت عينها
....انت ليش هيج صاير بيك
.....شنو شبيه
....هدومك كلها تراب ومبين تعبان
.....اي هسه ادخل اغسل
...تريد اكل
....لامجوعان
....تريد جاي
....شتريدين خيال
....ماااريد شي
....لاتريدين
......تصبح على خير
جريتها من يدها
...... خيااال مااريدج تكونين قريبه مني سمعتي وانتي باجر راح تروحين
....بس اني ماااجايه كاعدة يمك
....ههههه لا موقصدي تكمشيني او دكعدين بصفي قصدي
وسكت ,,,,,,,.,,.....,..,,,,شلون افهمج
باعي خليج بعيدة عني
....شلون يعني
....لج بابه شنو شلون انتي ليش مدتفهمين
...انت ليش تصيح عليه اني مسويتلك شي حبيت اساعدك او اسويلك اكل جاي بس
....ياالله منج خيااال لصيرين طفله ويايه رجاءا انتي صدك
مدتفهميني لو دتحاولين ضوجيني
....اني اروح انام احسن
...صوجي بقيتج جان المفروض اوديج من اول يوم
...وين توديني
....لاحول ولاقوة الابالله
كمت اتنفس قوة واجر حسرات  وكل حسرة حسيتها شكت صدري وطلعت الجكاير مالتي  ودورت على الجداحه مالكيت وراحت جابتلي جداحه ورجعت اخذتها منها
وشعلت جكارة وجان اكو بركان بداخلي
جنت احس نفسي راح اطك كتلها

....خياااااااااااال
....نعم
.....اني تعبان كلش وضايج ومخنوك واريد احجي
واحد يسمعني اريد اتنفس لان داحس النفس
بيه كام يضيق داحس الدنيا بدت تصغر بيه
اني ابد ماااحجي ويا احد عن الي بكلبي لان مااعتقد احد راح يفهمني وحتى انتي مراح تفهميني
سمعتها دكلي
....الانسان لازم يحجي الي بكلبه حتى يرتاح
....مااتصور
تعرفين اني حاولت هوايه اتغير وانسى  بس اكو شغلات بينا اكبر منا
ومراح يفيد الحجي لان صوت الوجع الي بروحي مديسمع
...ان شاءالله ترتاح والله يعوضك
....مااتصور الي يروح ميرجع وماكو شي يتعوض
اني حاولت انسى بس ملكيت نفسي
جنت متاكد انوهي مدتفهمني بس
بهاي  اللحظه اكتشفت انو اني احب خيال
وانو مشاعري مجانت رغبه جانت حب
وبعد مرور 
اعترفت  بحبي الها ولكن جانت باردة
مجانت تكدر تفهم مشاعري مرة كنت انطيها العذر ومرة لا ماجنت اكدر  اعذرها
وحتى بعد غيبابي
رجعت ولكيتها بنفس المشاعر
انما اني مشاعري متغيرت
الي دخلت لحياتي ماكدرت
تنسيني خيال
الدنيا اخذتني ودتني بعيد ورجعتني لنفس المكان
بس مانسيتها
الي اريد اذكره هوايه ويرادله عمر كامل يله اكدر اتكلم عنه مشاعرنا ماتكفيها ورقه وقلم وماتنكتب بسطرين
عشر ايام فصلتني عن سعادة وعن تعاسه بنفس الوقت
رجعت من وين ماوكفت رجعت وكلي امل اشوف خيال
ورجع شريط ذكرياتي لوقتي لحالي
وياصوت المفاتيح
ويافتحت الباب
بس هالمرة
بفتحت  الباب نفتح عمر جديد
شفت خيال واكفه ورا الباب 
شفت لهفتها وعيونها الي تلمع
كالتلي
...حمدلله على السلامه
.....الله يسلمج
عبالي رحتي
....مااروح بعد لمكان
رفعت حاجبي مستغرب من كلامها
...صدك
....اي والله
....لعدشسوين
....ابقى هنا
انت من غبت عني انا مثل المرايه المكسورة
وجرح جبير  بيه
طول ماانت غايب عني اني كلبي تعبني
اني ماااكدر افرح بدونك
ماصدكت الي سمعته
كتلها
.....احبج تعاي لحضني
....لا
....موعلى كيفج انتي مالتي من اول مرة شفتج من تعذبت من وراج هوايه
ماكو انسان يكدر يحب اكثر من مرة الحب مرة وحدة
واني قبلج ماعشته
انتي خيال تحولتي لحقيقه
خيال
....احبج هوايه واريد و صراحه ماعندي صبر
....على شنو
....على كل ليله انامها وحدي على كل هبت هوا بارد
وانتي موبحضني اريد اضمج بصدري
....اي
.....هههه ياالله شكد باردة مشاعرج
اني مااريدج هيج
.يعني اريدج تحسين مثلي
...خيال
....هازيدون
....اني تعبان وانتي راحتي انتي الشي النقي الي اني شفته
تزوجيني
....اي
.....اني راح اصبر عليج لحد مااعلمج الي تحب زيدون لازم شلون تكون
وقررنا نزوج بس ليش دائما الفرحه ماتكمل وتكون
ولازم  اكو عثرات بطريقنه ومطبات
واسلاك شائكة
ياترى ليش ‏
يتبع....

قصة خيال ﴿ اليتيمه ﴾ حقيـقيه 💯-


بارت 20 شاركو القصه مع اصدقائكم