في عد ترة ضجت وتعبت منج شنو هاي التصرفات
نصيت صوتي وكمت احجي برقه
.....اني مسويتلك شي انت بتعدت ورحت ولمن رجعت متغير
شفت ملامحه صارت ارق وعرفت انو وجودي يمه
يخلي ضعيف وانو نظرات عيوني تخلي ميتحكم بنفسه ولايكدر يتحكم بتصرفاته حتى كمشت يده صارت ناعمه
.....اني اريدج  انتي
انتي لوعتي كلبي ليش متريحني ليش  من دترفعين  راحتي بيدج تعذبيني ليش
والله احبج  اني تعبان كلش والي مرعليه هوايه
تعرفين جان الشي الي منطيني القوة انو  ارجع واشوفج كدامي ابتعدت عنج  حتى تكبرين وتوكنين أوعه ماادري ليش هيجي اتعامل وياج
اني حبيت قبلج بس عمري ماخفت على الي احبها مثل ماا اخاف عليج ولاحبيت مثل ماحبيتج انتي
.....اني جنت انتظرك ومارحت من بالي من غبت عني
...وبرغم هذا من شفتيني جنتي هادئة لدرجه مومعقوله حسيت انو مافرقت وياج
جان يحجي وهو يلمس ايدي بااصابعه
حسيت هاي المسات بكلبي
شنو هذا الحب الي يخلي الانسان مجنون ويخلي قرب الشخص الي يحبه
يخلي يحس  بشعور يعجز اللسان عن وصفه ماااعرف
شنو هو
او شلون اعبر عنه سبحان الله من ينطينا هيج مشاعر شلون ويخلينا بنفس الوقت نحافظ على نفسنا
شلون احنا عايشين بس ميتين
....زيدون
.....نعم
....انت تحبني
....هههههه انتي صدك مخبله صارلي ساعه شداحجي
....اي اعرف سمعتك بس
...اي شنو كملي
....اريدك دكولها
.....احبج
ظليت صافنه عليه وسمعت صدى احبج بداخلي
....واني هم احبك
صفن عليه وجان يعوفني ويمشي
.....زيدون  اوكف
ندار عليه وكلي
....واني مااريد حبج
....شنو

يتبع...

قصة خيال ﴿ اليتيمه ﴾ حقيـقيه 💯-


بارت 14 شاركو القصه مع اصدقائكم

......شنو كلي متريد حبي الك
......اي نعم
.......شنو اي نعم شدتححي
......الي سمعتي كلبي
....الي سمعتي كلبي عزة بعيني كاعد تلعب عليه تقشمرني يوميه مسويلك سالفه ويوميه كايلي حجايه وكل شويه سمعني كلام مال حب
وهسه هيجي دكلي ماااريد حبج
شكد هادئة
اني واسلوبي وتعامل راقي ويا الكل بس بهاي اللحظه بالذات انكلبت وطلع لساني وكمت احجي وبعصبيه وعبالك مو نفسها هذيج خيال
.....اي مااريدة
.....ليش يمه متريدة
شفت نظرة بعينه ادل على واحد يريد يضحك بس هو مضحك
.....خيال كافي اني راح ازوج
....شنو يمه تزوج
....اي نعم
.....نعم الله عليك يريد يزوج  واني شنو موقعي
.....شنو موقعج كاعدة بهالبيت وكلشي يوصل يمج
ويا خالتي واخوج بعد شتريدين
......ميهمني كل هذا
....لعد شيهمج
....انت تهمني
.....اويلي عليه
خيال اني فكرت هوايه وصلت لنتيجه وحدة انو انتي
باردة وماعندج مشاعر واني مشاعري مثل البركان
اريد وحدة على نفس مستوى مشاعري
.....معقوله انت نفسك زيدون الي كلي انتي الوطن بالنسبه الي
الي مانسيت كلمه وحدة من كلامه
ليش لعد خربت حياتي من رجعت موجنت داريد ازوج واخذ اخويه ويايه واعيش
....فوك ماخلصتج من هالزواجة
.....شخلصتني لوعايفني فاقدة الامل بيك ومزوجه جان احسن خليتني هسه على الهامش
شنو هالحياة الي اني عايشتها بمزاج فلان وبمزاج علان
ليش هيج
اني مو طوبه وتلعبون بيه وتشمروني واحد للثاني ومن ضوجون تعوفوني
اني انسانه من لحم ودم وعندي قابليه للااحتمال
مكافي ظلم الدنيا وظلم البشر عليه هدورة زاد ظلمك
مواني جنت اشوفك شي جبير
لهذا السبب  اخجل احجي وياك
جنت اكول لوزيدون موجود محد ياذينة وجان زوجت ابن خالتك ماطردتني انت الامل الوحيد الي جان عندي
وانت انظف شي شفته بحياتي
وتاليتك طلعت مثلهم ليش هيج
.....اني راح اروح
.......هذا جوابك
.....اي
....زين بس اريد اعرف شي واحد تلث اسنين وين جنت
بس جاوبني على هذا السؤال
.....تذكرين من يوم الي حجيت وياج وطلعت من البيت بوقتها ردت منج كلمه وحدة
وماقبلتي تحجيها
...بس اني من داحجي سكتتني
....اي لان جنتي تريدين تحجين وخلص
....لاموهيح
.....اني اعرفج من نظرات عيونج وافهمج اكثر من نفسج
المهم من بعد ماطلعت  من هنا جان اكو عمليه ضد الامريكان
ومثل كل مرة يكون الخطر هو الشي الوحيد الي يغلب
مجنت اخاف لان  عمرة ماوصل الخوف لكلبي لان اني مااخاف من الموت اني ضكته واعرف طعمه واني عايش عد مراح يفرق اذا متت لان مراح اتوجع هو الموت راح يخلصني
الموت شفته اهون عليه
لاعبالج ياخيال انو الروح بس بيها نفس والنفس هو الي يحينا
النفس الي بينا اذا مانحبه يضعفنا مايقوينا
واني نفسي ضاك
من زمان
من يوم ماشمرو ابني ومرتي   وهما مقتولين بالشارع
من يوم ماقتلو فرحتي وعشت ليلي نهار ونهاري لليل
من بعد ماحبيت الي ماحبتني
المهم انو بهاي الليله
حسيت نفسي مستقتل حسيت نفسي انو ليش  عايش على الاقل اموت ادفاع عن شي اني اشوفه هدف سامي هدف نبيل
....وين النبل بالموضوع القتل
.....هذا مفهومج عن الرجل الي يدافع عن وطنا قمه الحب والوفاء يقدمها فقط الرجل الي عندى مبادئ

،،،،،من ادافع عن وطني عن عرضي عن بيتي عن مقدساتي عن معتقداتي عن ايماني بقضيتي من ادافع عن ناس مظلومين عن اطفال
نسجنو ابائهم بدون اي ذنب عن نساء نسجنن وظهرت عوراتهن  عن اطفال تيتمو  من ادافع عن شابات مثلج من اضحي بنفسي لخاطر ناس اضعف مني تعيش
من ادافع عن ديني عن اهل بلدي
اني ولا غيري عدنا هدف
ادافع عن عراقيتي  ادافع بااسم الرجل الي بداخلي
ادافع عن بلد غايتهم يشتتو يدمرو ينهون حضارته
ينهون تاريخه العريق يخلون ابناءة ناس تاكل ناس
وناس تظلم ناس وهما طول عمرهم عايشين جوة غيمه وحدة
هذا الي جنت ادافع عنا شلون تؤمنين بحبي اذا انتي متؤمنين بقدرتي
من تبحثين عن رجل يحميج بحثي عن رجل
يحب وطنه بحثي عن انسان مؤمن بفكرة
هذا راح يحميج ومراح يجي  يوم ياذيج
ولا راح يتخلى عنج
..... انت انسان غريب
.....وانتي انسانه باردة برغم بيج شي عجيب
....مكملتلي
....نرجع للي صار بهذاك اليوم صارت اشتباكات عنيفه بينا وجاننا  هوايه وتقريبا احنا 30واحد مابقو منا بس تلاثه اني جنت من ضمن المصوبين الي بعداد الاموات
طبعا هما بعد مايصير قتال بينا ينهزمون يخافون يطلعلهم بعد
ويعوفون الجثث
اني جنت من ضمن الجثث بس مجنت ميت جنت دانزف
هالمرة المعركه بينا جانت بمنطقه بيها بيوت وجنا ‏احنا على السطوح ولمن وصلو نزلنا جوة بالشارع فيعني جان اكو بيوت بيها ناس والعالم بعد ماراحو الامريكان
طلعو يشوفون هذوله شصاربيهم
لان هما كانو يعرفون هذوله مقاومه يدافعون عنهم
فكنا دائما  نجد مساعدة من شخص ما
وهل مرة ايضا بعد ماراحو الامريكان وهما عدهم عدد من القتله والجرحى
شفت رجال تقرب عليه اني جنت  عين مفتوحه وعين مسدودة
حسيت نفسي دانجر وداتأذة  لان جسمي جان ديجرح بالكاع الخشنه
وداحس اكو رطوبه بيه مااعرف منين وحسيت برد
وبخيالات كدامي ومنهم انتي خيالج وصورتج
وبعدها ماحسيت الا ورا تلث تيام  هما كالولي طبعا لمن فتحت عيني  جنت نايم وملبسيني فدشي  لونه ابيض ومتغطي بجرجف ابيض
كل ظني  اني ميت ومجان اكو احد يمي
مجنت اكدر امشي ماااعرف ليش رجلي متتحرك
وذهني مشوش عبالك اعرف نفسي ومااعرفها
ماادري شبيه
وجنت اباوع وجنت ارفع يدي عالضوة واكول لروحي اني بعدني داشوف وداتنفس شلون متت لحد ماشفت وحدة
دخلت عليه لابسه مال دكاترة كتلها
....منو انتي
....اني الدكتورة
....اني وين
...بالمستشفى غير
....جابني هنا
......شيخ الجامع
.....يعني اني مميت
....ههههه لامميت بعدك عايش
ظليت افر براسي واباوع زين طلعت صدك بغرفه مال مستشفى
جانت ادواتها قديمه وضوة مالتها اصفر وجوها ‏ يخنك بي
ريحة دم
بيت اصحى  ‏على  المكان الي اني بي وبديت اذكر شغلات
...كالتلي
....حاليا متكدر تمشي رجلج متااثرة بالطلقه الي انضربت بيها ولازم عمليه واحنا هنا ماعدنا الامكانيه الي حتى نسويها
مجاوبتها ظليت اباوع وكاانما ممصدك نفسي بعدني عايش موخوف من الموت لا خوف من انو ماااشوفج الج
تعرفين شكتلها
....شنو
...اريد  خيال
....ضحكت كالت احنا موخيال احنا حقيقه وانت عايش وهذا موخيال
كل ظنها انو اني داكللها هذا خيال واني ميت
...لااريد خيال جيبوها
....منو خيال
وشفتها تقربت وخلتلي ابرة بالمغذي
....كالتلي نام هسه وبعدين نجيبلك خيال
والمغرب من نفس اليوم شفت واحد رجال   دخل للغرفه نور الله بوجه
سبحان الله وجة منور وتقرب مني وكلي
....حمدلله على السلامه ابني
....الله يسلمك
بس ماعرفت شحجي ويا لان مااعرفه
ظليت ساكت
....اني الرجال الي جابك هنا
...انت شيخ الجامع
....نعم
....اشكرك نقذتني
....الله الي نقذك اني جنت سبب الله مد بعمرك
ياابني انتو رفعت راسنا
...اني توقعت نفسي ميت
...والله ياابني الله نفخ بيك الروح اني شفت عندك نبض
بس جنت تنزف من كل مكان ماعرفت جرحك وين انتشلتك من بين الجثث
وجريتك جر لان اني مااكدر اشيلك
وماعندي سيارة وبيتي بس بنات اني ماعندي ولد
خليك بعربانه مال مسواك ومشيت بيك للمستشفى
علما وصلنا كلت هذا مات والله تلكوك مني
وماشاءالله هسه انت حي ترزق
....ليش هيج خليت نفسك بخطر
....العمر واحد والرب واحد وانت مو اول واحد
اساعدة القبلك هوايه الله يحفظكم وليدي
والله اني افتخر بيكم سباع متهابون الموت
توكفون بوجهم واسلحتهم ودباباتهم
....كلي عمي شلون اجازيك
...مااريد غير سلامتك وستر الله
بس كلي منو اوس ومنيه خيال
اني صراحه كلت  هذوله زوجتك وابنك
....خجلت اكله وحدة احبها وهو شيخ جامع كتله ابني
الي كتلو الامريكان ً وهاي زوجتي الثانيه
.....الله يخليها الك وترجعلها  سالم غانم
...طلب واحد بس
...تدلل
....اريد تلفون
....اي
وطلع تلفون وانطانياة
....دكيت على رقم واحد جان ويانا  بالمجموعه بس مجان ويانا بالااشتباك الي صار
خابرته ودليته على المستشفى
واجوي اخذوني ودوني يمهم وكم يوم وطلعوني لسوريه
هناك حتى اسوي عمليه
كالولي رجلك بيها رصاصتين وحدة مطلعيها وحدة
لا وصعب تطلع
ولازم عمليه صعبه
وافقت وسويت عمليه
وظليت فترة مااكدر امشي هناك

دارتني وحدة
سوريه ممرضه ظلت ويايه اداريني
وكلش نعجب بيه وجانت تفهمني بدون ماااحجي
ومر وقت علما تحسنت بس كالولي لترجع وخلي الكل يظن انت ميت لان اكيد هسه راح تنعرف
وظليت بسوريه والسبب الثاني انتي
ردت ارجع اشوفج كبرانه حتى لااحس انو قربي منج منعج تعيشين الحياة الطبيعيه الي لازم تعيشيها
بحسب عمرج
وبعدين رجعت والباقي تعرفي
...حبيتها
مجاوب وهرب من عيني
....حبيتها زيدون
...مجان رجعتلجبس حسيتها  بس محبيتها
اكو اشخاص يحبوج وتحسين بحبهم بس صعب تبادليهم المشاعر
...ليش مابقيت يمها
....صعب
....شنو الصعب
....ابتعد
...ليش
....لان عفت كلبي هنا وماكو واحد يعيش بلا كلب
....ليش كلتلي ماريد حبج انت ليش تحجي بالدقيقه ميت كلمه مختلفه
....لان حبج مرض واني لازم اطيب منه اني مااكدر اعيش وياج واني احبج بهالقوة احتمال افقد نفسي
....بس اني احبك
......تعرفين جنت اريد من ارجع اجي ركض واحضنج واحس كل الي مريت بي كابوس وراح
بس اجيت شفتج بعدج مثل ماانتي 
وبعدج متغيرتي صرتي احلى واطول واكبر بس بعدة كلبج صغير
شكد انتي هسه قريبه مني بس احس الي بينا بحور
انتي موصغيرة ومراح انطيج العذر بعد اليوم
اني تعبت هوايه بحياتي وهاي التلث اسنين مرت عليه وكاانما سجن
...سجن وانت كاعد تحب هناك
....تعرفين هي هوايه حبتني اسمها جنة
......انت دضوجني لودتحجي صدك
....من شوكت اني اكذب لو اشاقه وياج
....لعد ليش رجعتني
...لان وعدت نفسي انو اني مااخليكم تحتاجون احد
وهذا كان عهد لنفسي
....انت دتكذب مو ونظراتك وكلامك
شنو الي تريد تسوي
....جنت اريد اشوفج بعدج لو تغيرتي
..تلعب بيه
...اني مالعبت بيج اني ساعدتج تكتشفين نفسج
بعد ماسيطرت على دموعي وكمت ابجي ورحت كعدت على الدرج وخليت وجهي بين يديناتي وهو جان واكف ومنتجي على الحايط ويباوع عليه
...اني راح اسافر بعد مااعيش بالعراق تعبت
لهنا وكافي  اني انطيت هوايه ودافعت هوايه اجى الوقت الي ارتاح بي شويه وياانسانه تحس بيه وتفهمني
واكيد موانتي واني بوسط بجيتي سمعت صوت الباب نفتح ونسد

((ليس لك الحق ان تتلاعب بي ليس لك الحق ان لاتنظر لي ليس لك الحق باان تسلب قلبي مني
اين حقي بتقرير مصير قلبي هل سوف تذهب بعد ان
اوجعتني الى حد الموت هل تتزوج غيري وانت حلمي هل سوف تحمل طفل  صغيرا لايناديني باأمي
لماذا عدت بعد ان غادرت  لماذا عدت ان كنت تنوي المغادرة
انا منك لم اكتفى فمتى انت مني اكتفيت
تكلم  معي قبل ان تغادر لكي اتنفس قليل من عشقك
وصدقني انا لن اعشق بعدك
لقد احتللت كل قلبي وليس هناك مكان لغيرك))


يتبع....

قصة خيال ﴿ اليتيمه ﴾ حقيـقيه 💯-


بارت 15 شاركو القصه مع اصدقائكم

(((لقد اخذتني من عالمي البسيط و من حياتي البائسه من تفاصيل يومي ووضعتني بعالم لااعرف عنه شي تطلب مني مشاعر وانا بالحب فقيرة تطلب مني ان اعبر وانا تخونني كلماتي عندما ارى زرقت عيناك
لاتحكم على قلبي بالموت لاتطلب  الهروب مني
لااني كلما هربت من نفسي وجدتني اهرب اليك
و وجدتني ارتمى بااحضان كلماتك
ارجوك دعني معك لن اقول مدى العمر ولكن دعني معك لوقت غير معلوم دعني امسك السماء بكلا يدي ودعني ابتسم للنجوم))))

طلع زيدون وظليت ابجي على حظي وعلى ميلت  بختي ليش عود اني مومثل باقي البنات

مرت فترة و زيدون ميجي يمنا قليل واذا اجي يوكف برة
او يدخل يحجي ويابيبي ويطلع
واني من كثرت الكلام حسيت كلبي وجعني
كمت اشوف زيدون ماااحجي شي اسلم واكعد
جان الحزن مبين عليه بس مجنت احجيً
دورات احس كلبي يريد يطك من القهر بس اني
اضم  قهري  بكلبي واسكت
بيبي جانت تعرف وشدن تعرف بس محد يكدر يغير شي
كمت ادعي عدم الاهتمام
بس اني بداخلي صايرة مثل الجمر
سمعت صوت شي وكع
ركضت شفت بيبي بالكاع واكعه ماعرفت شسوي
اصحيها متصحه
بيبي جان عدها تلفون فتحته وخايرت زيدون
وماطول شويه زيدون واجى.
ودا بيبي للمستشفى واني ماكدرت اروح لان مصطفى جان بالمدرسه
وظليت كل شويه اخابر زيدون وابجي
واكله شلونها بيبي
ويكلي زينه
احد مااجانه ساعه بالتسعه بالليل
دك الجرس  ورحت بسرعه فتحت الباب اصورت بيبي وياة
بس شفته وحدة
....لعد وينها
......بالمستشفى
....وليش عفتها
.....ولدها يمها
....شبيها
.....وضعها موهالكد
ومشى وراح كعد على الكرسي الي كدامه طبله
الي موجود بالمدخل
وكعد الكعدة مالته المعتادة والي هي يكعد ويصعد رجله على الطبله ويرجع راسه ليورة ويغمض عيونه
واني كل مرة يسوي هيج اكعد اباوع عليه
وهو مغمض عينه كلي
...شو واكفه
.....وانت شو هنا شنو راح تبقى
....اي
....شلون يصير
.....لتخافين مااجيج بالليل
....ها
.....اي يعني مااستغل الفرصه واجيج بالليل
واضوك طعم الجنه
.....شدتحجي
جان يحجي ويبتسم
...اني اريد ارتاح اريد انام وماااكعد بعد اريد اشوف راحتي وين واركض عليها 
.....وين راح تنام احضرلك  مكان
.....اي اني احجي بمكان وانتي بمكان
وكام مشى من يمي ودخل لغرفه بيبي وكلي
راح انام هنا
....براحتكً
....خيال
.....نعم
.....اريد اشرب  جاي حليب ممكن تسويلي صرت مثلج من متنعسين اروح للمطبخ بالليل واسويلي كوب حليب وجاي واكعد اشربه

باوعتله جان يريدني احجي وماادري ليش جان متناقض بكلامه
بس هو تعبان ومبين عليه وكلت خلي شويه اصير اقوة واحجي الي بكلبي قابل شراح يصير
اني لازم اصحح شي مااريد زيدون يعوفني ماااكدر
باوعتله جان ديفتح دكم قميصه
.....زيدون
مجاوبني بس باوع عليه
وظليت مترددة وبعدبن حجيت
..... اني احبك ومداتحمل اشوف هذا التعب بعيونك
....شتغير
.....كلشي تغير كلشي بيه تغير
.....مداشوف تغير
.....انت ليش هيج فجأءة صرت ويايه
.....اني تعبان طلعي وسدي الباب وراج
محجيت شي وكمشتني البجيه وخنكتني العبرة ورحت طلعت بالحديقه وجان الجو بي برودة
وظليت كاعدة ودموعي تنزل بلا صوت جنت احس نفسي خايفه من النفس
فجأءة حسيت بدفو ويد قويه كمشتني من ورا
غمضت عيني وتنفست قوي واستنشقت الهوى
بدون مااندار كتله
....احبك اني متعلقه بيك اني اسمع صوتك بداخلي حتى وانت ساكت
كمش يدي قوي  ودارني عليه ومسح دمعتي
.....عيونج منخلقت حتى تبحي
.....انت حيرتتي
......ابتسمي خلي اشوفج لان متدرين شيصير ببه من اشوفج تبتسمين اروح لدنيا غير دنيا
ابتسمت
.......اني احبج
..... واني هم احبك
.....اوف اوف اوف ياخيال انتي  صدك خيال
مااكدر ابتعد عنج كمتي تمشين بيه
....اني اسفه اذا مجنت ابين الك مشاعري بس اني من طبعي اخجل وانت تعرف
وايضا اني حياتي مكانت سهله لهذا السبب اكثر الاحيان مكنت اعرف شلون اتصرف وياك
....عاف يدي وراح وكف بعيد عني
....زعلان
...لا
....صدك انت راح تزوج
...ماادري
.....شنو الي متعرفه زيدون
....اني اريد ازوجج الج اريد اغفى بحضنج
..... انت دتحيرني ساعه دكلي مااريد حبج وساعه اريد ازوجج ولمن احجي وياك صدني
كلي شبيك زيدون
.....تزوجيني
ماااادري ليش حسيت كلمه تزوجيني باردة منه عبالك وراها شي
مجاوبته
.....كالعادة سكتي موجنتي زينه 
....مااعرف احسك
....معليج بااحساسي
خفت اكول لا او اسكت خفت لايضيع من يدي زيدون
خفت من فكرت انو يروح يزوح وحدة غيري
....اي اقبل
...تقبلين بشنو
.....ازوجك
مجاوبني
......زين متريدين تعرفين شي عني
......لا لان اصلا كلشي اعرف عنك
.... زين راح اكلج شي واحد بس مااعرف شلون راح تتقبلي
......شنو كول
....اني ازوجت من جنت بسوريه
......ها
.....اي ازوجت هاي الي كتلج عليها
....عزة بعيني انت كذاب
....اني ماكذبت عليج بس
...بس شنو ياريت لوماكايلي جان.علاقل ابقى احترمك ياريت لو رايح ومبتعد هسه اجاي ادكلي ازوجج وانت مزوج
...اني اضطريت ازوج اني مااحبها
....كذب
....جان اكدر ازوجج واكذب عليج وماااكلج بس اني ماكدرت حاولت اضم عليج بس ماكدرت
...كمت احجي وابجي واحس صوت الحزن بيه مخنوك
ماااريد اشوفك بعد ولااريد اعرفك ولااريد منك شي
....وين تريدين تروحين
...عوفني
....والله احبج والله ماحبيت وحدة غيرج ومارف كلبي على غيرج
...جذاب
....مداكذب
.....عوفني الله يخليك
ومنا للصبح اروح 
وركضت لغرفتي وظليت ابجي وبللت مخدتي
من الدموع
وطلع الصبح واني ماغمضلي جفن
ومانمت ومن طلع الضوة لميت ملابسي اني ومصطفى وكعدت مصطفى وبدلتله
ودنطلع من الباب وشفت زيدون واكف
بالحديقه اول مشافني
اجى بسرعه
...وين دتروحين
....معليك
....داحجي وياج جاوبي
....لتدخل
.....روحي دخلي جوة خلي  نحجي
.....مااحجي ويا واحد مثلك
....كتلج امشي
....وخر
جرني من يدي ودخلني جوة وصاح على مصطفى
كله العب بالحديقه
واخذني ودخلني جوة
.....لتتخبلين
....اني مو مخبله جنت مخبله هسه لا
.....انتي حتى منطيتيني محال افهمج شنو الموضوع
..... شتفهمني كاعد تلعب بيه كاعد دكلي باردة وماعندج مشاعر وانتي وانتي
وبعدها دكلي اني  اريد ازوجج بس والله شنو مزوج
الي كلتلي عليها عود هي مجرد وحدة جانت اداريك
.....صحيح بس  اني مااحبها احبج االج ولهذا السبب رجعت
....لامبين حبك
...هسه انتي شعليج اني راح ازوجج واعيش وياج انتي
....وهي
....ماعندي شي يربطني بيها صدكيني
اني اريدج

()))بدأت حياتي تتغير وبدا شوقي اليك يزيد هل سوف تذهب الان  وانا مقيدة
بك بسلاسل من حديد وماالجديد الان لقد تعلمت بااني لان امسك الذهب لكي لايصبح حديد
اين الجديد وانا في كل مرة اشعر كاااني واحدة من العبيد
ماالمهم اذا انت تخليت عني وايقنت الان باانك اكبر مني بحبك وعقلك وقلبك
ماذا تريد مني ابتعد لكي ولملم. ماتبقى من نفسي
من ذاتي من كبريائي من شجوني من همسي
ولكن لاتعود المرة القادمه لاانك لن تجدني
سوف اذهب هناك بعيد حيث لااحد يعرفني
حيث لاارى مايذكرني بك ويعاتبني
شبهوني بالماء وشبهوك بالنار  وكاانهم لايعلمون ان الماءغايت البشر
لاتعاتبني ولاتقاتلني بكلماتك لقد  فات الاوان
ولايوجد عتاب بعد الان
فقط سوف اكتفي بالصمت امام حزني وامام نفسي)))

يتبع....

باجر انزل التكمله❤️😍 ان شاء الله تعجبكم القصة

جمعة مباركة ☻
@ki0ki

نشرت قصة جديدة افوتكم وربي قصة بنية كتبتهة صالهة يومين نشرتهة ع انستاا لحكوو علمود كملكم البقية 😋🤩 يوزر انستا
fs3s_

قصة خيال ﴿ اليتيمه ﴾ حقيـقيه 💯-


بارت 16 شاركو القصه مع اصدقائكم

....اني اريدج خيال
.....واني ماااريدك بعد
.....شنو الفرق هي ماموجودة
......هي ماموجودة شلون وهي اخذت جز ء من كلبي
شلون تغيب اذا هي حاضرة بحياتي شلون انسى انك
ملكها
....اني مو ملك احد
....انت  بكد ماعندك طيبه بكد ماعندك انانيه
بكد ماساعدتني بكد مااذيتني بكد ماحبيتني بكد ماجرحتني
خليتني بدائرة وهاي الدائرة متفتر بس عليك
افتر وافتر وارجع الك لنقطه البدايه
وين ماانت واكف اتهمتني باردة وكلت اي يجوز
اني بادة و ردتني افهمك بدون ماتفهمني
....اذا تريدين تروحين روحي  مراح امنعج
.....لان ماافرق وياك اني مو السوريه الي ازوجتها اني الطفله الي ردتها اني مراح اكبر لان كلما داحاول اكبر وافهم اكثر داشوف وافهم حقيقه الناس
...... انتي كبرتي وهوايه بس بعدج صغيرة بااحساسج
وين تريدين تروحين اوصلج
.....ماكو داعي اني اروح
....روحي
وطلعت رحت على مصطفى واخذت ملابسي وطلعت
لمن فتحت الباب انداريت شفت زيدون واكف
كلت معقوله بينا كل هالقرب
وبنفس الوقت بينا كل هذا البعد شنو هالحياة الي تخلينا مثل الي يمشي بمتاهه وميعرف نهايته وين
ماادري اني ضيعته لو هو ضيعني زين وين التضحيه
زين ليش بس اني اضحي
ليش بس اني من دون البشر كلبي هيج جبير وطيب
سمعت مصطفى يكلي
....خيال وين روح
....يله امشي
وطلعت وياة وسدينا الباب ورانا وظليت امشي بس وكفت لان
المشكله جانت ماعندي فلوس وظليت حايرة شلون اوصل لبيت اختي وظليت اباوع منا ومنا
كلت خلي نصعد تكسي ومن اوصل لبيت اختي اخذ من شدن فلوس وانطي الفلوس للتكسي  كلت خلي اوصل لراس الشارع  واهذ تكسي ودنمشي اني ومصطفى وسمعت صوت هورن منداريت بس مصطفى كلي خيال هذا عمو زيدون
....امشي معليك
....بس ديدك هورن
....اي ميخالف
....امشي امشي
.....خيال
مجاوبته
....خيال
وكفت كتله
....شتريد
.....تعاي صعدي اوصلج
....مااريد اشكرك
.....امشي لتعاندين اعرف ماعندج فلوس
.....انت عود ليش دتحسسني   انو احنا فقرنا وانت تعطف علينا
....استغفرالله اني فتحت حلكي حجيت هيج
امشي يله اوصلج
....ماااريد هسه اصعد تكسي
....اي حتى ياخذج ويطلع بيج كبل
.....ميطلع
.....يطلع
.....ميطلع وانت معليك بيه رجاءا
عوفني ضايجه وروحي واصله لخشمي وهسه عندي استعداد اكعد هنا بالشارع واكوم ابجي
والم العالم عليك
.....تعاي ابجي بحضني تعاي ابجي واني امسح دموعج
.....انت ليش هيج
......تعاي كافي احنا بالشارع اني اوصلج
مد يده بس ماكمشتها
ورحت كعدت ليورة وكعدت مصطفى ليكدام يمه
....تروحين يم شدن
...اي ماعندي غير مكان
....ليش عندج
.....يامكان هذا
....المكان الي اني موجود بيه
.....انت ليش هيج دسوي وين تريد توصل ترة. دتعذبني حرام عليك والله العظيم كلبي مامتحمل ألم
....اني  راح اخليج ترتاحين كم يوم واجيج
....ماارجع لتعب نفسج وتجي انت سويت الي عليك
وبعد كافي
وجان يسوق على كيفه وكاانما ديمشي علي بيض
ولمن وصلنا كال لمصطفى انزل يله وضحكله
ومن دانزل كمش يدي
..... لطولين عليه ارجعيلي ونوري ايامي
لطلين زعلانه
.....ماارجع
دار وجه عني وصار عصبي
.....خرب بكلبي الي حب زعطوطه مثلج
نزلي يسرعه
نزلت ودخلت جوة وجانت واكفه شدن ورا الباب
رحت حضنتها كالتلي
...شبيج
....الي بيه هوايه
....تعاي دخلي احمد ماكو طالع
دخلت وكعدت
......شبيج خيال اني اليوم جنت ناويه اجي شكو شبيج
شصار
....طلع زيدون مزوج
.....يا يمه على حظج ياخيال شمدريج
....هو كال
...اي
....شلون بله هيج
..... كلي ازوجج كتله اي موافقه
كلي بس اكوشي لازم تعرفي
....اي
....كلي اني مزوج
...ومنيه هاي
....وحدة سوريه
....منين يعرفها هاي وجابها هنا
....هاي سالفه طويله وهي موهنا بسوريه
....اي وتالي
....اي شنو تالي عفته  واجيتج
....مو هو جابج
...اي
...لعد شنو عفتي
....يعني مابقيت بالبيت
....ياحظي  شبيج انتي خيال ليش هيج ماعندج حظ ولزعلين مني متعرفين تصرفين
....واني شسويت يمعودة
....موتي للولد
لحد مزهك شبيج اتحركي شويه اسولف احجي كلام بي حب افر راسه
....ولج انتي منين تعرفين هاي السوالف مدكوليلي
والله خبلتيني وانتي مصارلج هوايه مزوجه

.....مو اذا اظل فاهيه مثلج يطير الرجال من يدي
....احمد خوش ولد
..اي اني وياج احمد فقير وحباب بس الاختلاف الي بينا وبين واحد مثل زيدون شاسع
....شلون يعني
....زيدون عندة هوايه شغلات احمد مايملكها
مثل شكله الي يجذب اكبر وحدة اله
حالته الماديه
وفوك كل هذا ثقافته شايفته شلون يحجي
وشخصيته القويه وطني
صفات قليل تلكيها برجال واحد مجتمعه
....شسوي بشكله وبفلوسن اذا ياذيني
.....انتي دتاذين نفسج زيدون يحبج بس انتي معرفتي تصرفين وياة
.....اني كلتله
....شكلتيله
....كتله احبك
...شوكت بعد ماخربتيها وكعدتي عليها
.....زيدون يباوعلج بنظرات ميباوعها رجال لمرة
مافديوم شفت احمد يباوعلي بهاي النظرات برغم انو احمد يحبني
بس زيدون حبه مختلفً
الي مثل زيدون يريد وحدة تحسسه بااهتمام بحب
تفمه وانتي خجلج عام عليج
....يعني لازم اصير موخوش بنيه يله اعجب
....اني كتلج صيري موخوش بنيه بس شويه حسي بي
....شيفيد الاحساس اذا هو زوج
....اي هي موهنا وانتي تكدرين تخلي ينساها
....ولج تريدني اخذة منها
.....هي اخذته منج هو يحبج الج من الاول
....لا ماسويها ماابني سعادتي على تعاستةغيري وهي موذنبها اذا حبته هو اكيد كذب عليها
....خيال لضيعي من يدج
.....القاسمه  ‏الله يصير وزيدون موقسمتي
...الله واكبر عليج
وظلينا نسولف اني وشدن وبعدها اجى احمد زوج شدن
.....هلو خيال شلونج
....هلو احمد عيني شلونك شخبارك
....والله بخير
...راح نضايقكم شويه راح نبقى يمكم هالفترة
...شنو هالحجي تبقون هنا بعد خلص
احسن مايوميه رايحين واجاين لمكان
......تسلم وتعيش والله انت اخويه الي ماجبته امي
بس اريد منك خدمه اريدك تشوفلي شغل
...شسوين بي
.....غير اخذ منه فلوس
.....اني ماقصر وياكم
...والله اعرف متقصر بس الله يخليك اني لشوكت اظل هيج خلي اشتغل يجوز ادرس  هم وحتى لااحس نفسي داثكل عليكم هوايه
....اني اشوفلج شغله مناسبه وجيدة واكلج
....اي والله ياريت وخلفله عليك
...تدللين
....شدن
....ها. احمد
...يله وين الغدة
...يله هسه اصب يله خيال ويايه
ومر هلااسبوع على هالمنوال
بس اليوم احمد كلي
....خيال
...هاعيني احمد
...لكيتلج خوش شغله
...اي فدوة وين
...هنا بالمنطقه بمكتبه مال رجال جبير
بس يوميه تفتحين من الصبح لظهر وبعدين تفتحين ولعصر ثلاث ساعات
....اي اروح ياريت
....من باجر تبدين الشغل باجر اني الصبح اوديج
...تسلم تعبتك
...لاتعبج راحه
وبديت اشتغل  وصارلي خمس اشهر اشتغل هاي الشغله
مو هذاك الراتب الزين بس شايلني اني ومصطفى
ومكفينا لان كمت اشارك بالبيت اجيب مسواك
لوشي ولو احمد ميقبل بس اني استحي ولان هسه شدن حامل
راح نصير خمسه خطيه قابل نظل كلنا براس هذا الرجال المسكين
وبخلال هاي الفترة مرتين اجه زيدون ميدخل جوة يبقى بالباب يجي يشوف مصطفى ويجيبله غراض
وينطي فلوس بس اني ماجنت اقبل واخلي مصطفى يرجعها وبعدين كام ميجي
وجنت اتخابر ويا بيبي صح مشايفتها صار فترة طويله بس ماكطعت المكالمات وياها واخابرها يوميه لوبين يوم ويوم
وجانت دائما دكول تعبانه وصحتى على كدي ودورات اجيب طاري زيدون
دكول متغير ضعفان ضايج طول الوكت
ولمن تذكر اسمه تشب النار بين ضلوعي
واخمدها بحسرة
وجرت نفس
ومشيت حياتي لان الدنيا هيج هيج ماشيه بس مانسيته
ولاكرهته ولا كدرت اسامحه ولاكدرت ازعل منه
اكو فد مشاعر متضاربه بداخلي
واني بالمكتبه داصفط بالكتب والقرطاسيه وسمعت التلفون دك
جانت شدن
....هلو خيال
....هلو شدن
....باعي عندي موخوش خبر ماادري بوجه منو صبحنا اليوم
...شكو كوليلي
....بيبي ماتت
....لا عفيه لدكوليها اول البارحه جنت داحجي وياها
وحسيت دموعي الدافيه نزلت على خدي
...الو ويايه
....وياج هسه ارجع للييت
وسديت التلفون وكعدت على الكرسي وذكرت هاي المرة الجبيرة الي استقبلتنا بيتها وحبتنا واحتوتنا وجانت ام  هيجي راحت
بسهوله بجيت وبجيت لحد ماسمعت صاحب المكتب
....شبيج بتي
.....بيبيتي ماتت
....لاحول ولاقوة الابالله البقاء في حياتج بنتي
هم السابقون  ونحنو الاحقون كلنا على هذا الطريق الله يجعلها اخر الاحزان
.....وحياتك الباقيه بس ممكن اليوم اروح
وباجر اجي من الصبح
...روحي بنتي وباجر هم لتجين من تتحسن نفسيتج تعاي
.....اشكرك عمو الله يخليك الي
.وطلعت منا وحسيت الدنيا غير دنيا عبالك الدنيا حزينه
وصلت للبيت تلكتني شدن وكمنا نبجي اني وياها
وبعدين سئلتها شمدريج
.....زيدون خابرني وكلي وكال الفاتحه بيتها
....اي نروح العصر سودة عليه شلون ماتت وصار شكدمشايفيها والله كلبي مفرفح وروحي احسها موبيه
....الله يرحمها شكد خوش انسانه
وظليت ابد دمعتي منشفت والعصر بقينا مصطفى يم بيت جوارين شدن وزوج شدن هو ودانا
واول مادخلنا جانو الزلم كاعدين بالكراج خالين كراسي ولمن دخلت جان اشوف زيدون كاعد جان  لابس قميص اسود وبنطرون جينز اسود
والسبحه بيدة من جنت داباوع عليه شافني وظلت عينيه عليهً
واول مادخلنا للمطبخ  وشفنا زوجته ابن بيبي
كالتلي
....هاي شابج غير

عين
......اني اجيت داخذ من خاطركم
...شلون كباحه روحي منا لتخليني اطردج كدام العالم
.....ولج سكتي
.....كافي شدن عوفيها
....وليش اسكت شوفيها ماعدها اخلاق
....عليمن ولج ام نص لسان منيه ماعدها اخلاق
....انتي والله انتو حلكم مليان دم وفاتحه وعدكم مصاب
وكاعدة تسوين مشاكل
...اخذي اختج وطلعتي
...ليش متحترمين نفسج
ندارينا على الصوت شفنه زيدون
جاوبته
....خلي يولن فكر وين ميروحن  حتى انت شسون بيج
....راح اعيدها مرة ثانيه عليج واني حذرتج من قبل احترني نفسج واحذري مني
...زوجها اجه شكو هنا
باوع زيدون وجان محنزر وعيونه حمرة
....لم مرتك واضبطها لتخليني اصرف وياها غير تصرف
.....شبيك زيدون اني ابن خالتك ليش هيج تحجي
.....انت تعرف ليش هيج احجي ماكو داعي اذكرك
واحنا الي بينا خالتي وهسه خالتي ماتت
طبعا جان مبين يخاف من سيف بحيث سكت
ومجاوبه
.....اي ساحراتك خطيه متشوفك دايخ
....شوفي اقسم بلي خله النفس بيه اذا فتحتي حلكج بكلمه وحدة بعد الاتحسبين الله ماخلقج
وباوع علينا
.....يله امشوووو 
وطلعنا واشر زيدون لزوج شدن اجى الولد
وطلعنا وماحجى شي زيدون
ولمن طلعنا هو هم طلع وكف بالباب وشفت ولد خالته اجوي ديحجون وياة وجان ياشر بيدة ومنفعل وعصبي
رحنا وبعد ماعرفت شي عن زيدون ولاهو اتصل ولاحتى اجى على مصطفى
واني عادي مثل ايامي الاعتياديه اروح للمكتبه
وارجع عادي
ولمن رجعت اليوم جنت متاخرة لان جانت اكو شغلات ديجبوهن للمكتبه فتااخرت جنت دارتب بيهن
ورجعت للبيت تقريبا بالتسعه
اول مادخلت شفت شدن واكفه وعصبيه
...هاشبيج
.....شوفي اكلج اني بيتي بعد مااريدكم اخذي اخوج وروحي
...ههههه ولج شبيج  منو وياج
....انتي
....اني
...اي انتي وسوالفج المكسرة
...عزة بعينج ولج يامكسرة شسويت
....انتي تعرفين شسويتي واني مااريدج وطلعي يله هسه
من البيت
....شدن صدك دتحجين
...شنو انتي متفتهمين
...دكولي شسويتلج حتى هيج اسوين ويايه
....والله من عمايلج وسوالفج تلعبين من ورايه
...شدتحجين انتي
.....اني ماااريد العالم يحجون عليه علمودج
....يحجون عليج من ورايه ولج المفروض لو الدنيا كلها تحجي عليه انتي مصدكين ولج اني خيال
....شنو يعني قابل انتي امي
امي ماتت
... اني صرت امكم لو نسيتو
...ريحيني وكولي شمسويتلج موكلبي راح يطك من القهر اححي
...روحي منا خيال
.....وين اروح هسه بهذا الوكت انت تعرفين ماعندي احد اروحله وماعندي مكان
....مشكلتج اني معليه
......مشكلتي مجانت مشكلتي من ماتو وعافوكم مجانت مشكلتي من جنت انضرب بدالج مجانت مشكلتي من جنت اخذ النص صمونه مالتي واضمها حتى من اجوعين انتي واخوج تاكلوها
من جنت اشتغل بدالج حتى للتمرضين لان اعرف عمتج متوديج للدكتور
مومشكلتي مو من صرتلكم ام من حرت بيكم
وافر براسي منا ومنا من جنت احميكم على حساب نفسي
كعدت لان حسيت رجلي مدشيلني وجنت احجي ودموعي تنزل
طرديني شدن حسبي الله ونعمه الوكيل
خمس اسنين اني شايله همكم
هاي تاليتي اطرديني وبلاسبب
الله موجود الي خلقني مايتخله عني
زوج شدن جان صافن
كللها
....شبيج شدن هاي شدسوين موعيب عليج
...انت معليك
اني مااريدها بالبيت
...اشكرج اختي ياا بت امي وابويه اشكرج
انطيتيني حقي  بيدي اشكرج
مصطفى جان يبجي على بجيتي
.....كوم مصطفى يله
...وين نروح اني اخاف اطلع بالليل خيال
باوعت على شدن
...مثل ماجنت احميكم قبل هسه احميك يله حبيبي امشي واخذت الجنطه مالتي واخذت ملابس مصطفى وطلعت الدنيا لليل واني تعلمت كل شويه الم هدومي واطلع عادي صرت بيد الزمن يلعب بيه
رحت كعدت على الرصيف ظليت افر براسي
وين راح اروح
وخفت لااحد يشوفني هيجي كاعدة يجي يسويلي شي كمت امشي
وكلت  ماعندي غير مكان   غير انو اروح
ل زيدون بس هالليله  وبعدها  الصبح اروح  اشوف مكان
والله ومناك و شفت ابن جوارين  بيت شدن اسمه علي سايق تكسي
كتله فدوة وصلني لبيت كرايبي وصلني الولد
وصلت يم بيت زيدون
ودكيت الباب
وسمعت صوت الباب انفتحت
....هلوخيال
...هلو زيدون اسفه ازعجتك هيج وقت بس ماعندي غير مكان
...تعاي دخلي هسه
...شكرا
ودخلنا جوة ومصطفى راح نام على التخم جان نعسان
...شبيج خيال
....مااعرف شبيها شدن طردتني من البيت بدون سبب
...معقوله
...اي والله  انصدمت  انسان اضحي علمودة وتحس انت مسؤول عنه وتخاف عليه
وبعدها من تحتاجه يتخلى عنك
اني صرت مثل السمج ماأكول مذموم
وتالي هيج جازتني شدن
الله يسامحها
....لديرين بال
....شلون مااادير بال واختي هيج اسوي بيه اني مستعدة لخاطرها اوكف بوجه الدنيا كلها
وهي وكفت بوجهي
اني بس هالليله ابقى هنا وباجر الصبح اروح
اني ماعندي احد وانت تعرف وخفت اروح لمكان
مااعرفه
....هلابيج بااي وقت
ولاتنسين اني دائما موجود اذا احتاجيتي مساعدة
...شكرا
يتبع

قصة خيال ﴿ اليتيمه ﴾ حقيـقيه 💯-


بارت 17 شاركو القصه مع اصدقائكم

.....اني دائما راح اكون موجود من تحتاجيني خليها بالج
...اشكرك
....دك تلفونه وجاوب
.....هلو حبيبي بعدين اخابر مااكدر احجي
اختنكت من سمعته ديحجي بس ماحجيت شي لان ماعندي  الحق بلااعتراض
....اني راح ادخل انام
....تصبحين على خير
سمعته بس مجاوبته حسيت نفسي رحت لغير عالم حسيت الدنيا وكفت بيه  لحظات حسيت بالخنكه وصغر الدنيا صعب من نحس شي مالتنا يروح لغيرنا
دخلت للغرفه وشلت مصطفى ونومته وغيرت ملابسي
وجافاني النوم وظليت واكفه بالشباك مال غرفه اباوع على الحديقه
حسيت نفسي مخنوكه ولازم ابجي يس دمعتي مدتطلع
يمكن من كثرت الاذيه يمكن لان هوايه بجيت وبعد ماااكدر  ابجي يمكن تعبت من البجي
مليت من الحزن والحزن مل مني
سمعت الباب تندك
....ادخل
....عرفت بعدج كاعدة سويتلج حليب تعاي شربي
....هسه اجي
من شفت ندار وراح كلت لنفسي
احبه ياالله اريد اركض واحضنه
....خيال
....اجيت
....تعاي كعدي شربي الحليب
...شكرا ليش تعبت نفسك
...اعرف بيج كاعدة دتفكرين
....اي صحيح
طلع الجكارة وشعلها وظل يشرب وهو عينه عليه
واني جنت اشيل الكوب واشرب منه بس باارتباك
لان عيونه عليه
.....داتفكرين مو
...اي عادي كضيت عمري كله افكر
.....يله تهون
....جنها ماناويه تهون
....ماكو شي يبقى على حاله كلشي يتغير
....الله كريم هو ارحم بينا من البشر
....شلونج انتي
....الحمدلله
...دتشتغلين
.....اي بمكتبه
.....اي اعرف اشوفج
.....شلون اشوفني
.....هههههه يعني اكيد اروح اشوفج
....ليش تراقبني
......اي اراقبج من بعيد حتى اطمن عليج
....لتخاف ماعليه شي
...موبيدي مااخاف عليج
...اني زينه لتخاف
....داشوف هوايه بيج وجع 
....اي هوايه موجوعه
صافنه على الدنيا والي دسوي بيه وشلون يوميه تشمرني بحفرة اكبر من الي قبلها
صافنه على الدنيا الملعونه ناس يحتاجوك تقدملهم كلشي
ولمن تحتاجهم بدون خجل يعوفوك الغريب تشوفه يحن
والقريب شيطان ويصير جن
الناس الي دكول عليهم اعزاز  يطلعون انذال بامتياز
شلون لازم اصير موخوش انسانه لازم اجرح وأذي حتى اكدر اعيش ليش الفقير بهاي الدنيا حقه مسلوب

....خيال انتي كلبج جبير  هونيها تهون صدكي
....صعب من تنصدم بناس تحبهم كلش صعب
يمكن الي متحبه سامحه بس الي تحبه متكدر سامحه
تحس جرحه كلش عميق ويظل ينزف وكلما نزف كلما تحس يلجمك اكثر
....والي نحبه وميحس بينا شنسويله
مجاوبته سكتت
....ها خيال شنسويله الحب بكلبنا شلون نموته
والروح الي ذبلت بينا شلون نحيها
مجاوبت
....ظلي ساكته ظلي
اني راح اسافر وانتي ظلي هنا بالبيت ولاتعانديني لان اعرف بوضعج
...وين تروح
.....مومهم وين اروح
....ليش مومهم
......ميفرق اذا  رحت ولابقيت ولاكنت وياج بنفس المكان
.....براحتك
.....هههههه راحتي اني نسيت الراحه من زمان
...راح اروح انام
شلت الكوب بس عثرت وكع الكوب من يدي ونكسر
ودنكت دالم الكزاز ودخلت بيدي كزازة
و طلع دم جان الجرح بسيط
بس شفت نظرات زيدون وكلبي نبضه وجعني
كمش يدي
.....يوجعج
....شويه
....سلامتج من الوجع
رفعت وجهي  وباوعت بعينه ابتسم ابتسامه خلتني اذوب
جاب كطن وخله بيها معقم ومسح الجرح وخلالي مال جروح
وعاف يدي على كيفه وكاانما جان كلبه ميهله يترك يدي
وراح يلم الكزاز
بي مو الكزاز الي انكسر وطشر كلبي الي انكسر
واتبعثر
وكف وباوعلي
وكلي
...لشوكت انتظرج واني محتاجج
....انتي متحبني جان مازوجت
....مشكلتج ماعندج ثقه بيه ماعندج ثقه انو اني ماااكدر اعذبج بشي
اني اشوفج دنياي
روحي نامي خيال ارتاحي
وخليني بهمي
....شتريد مني
....متعرفين
....لا
((كيف اقول لكي ماذا اريد وانتي تعلمين كيف اكسر جمود قلبك  ومتى تحسين بااني وعاني كيف  اطلب منك
الحب وانتي تضعين يدك على قلبي
كيف اطلب ان كنتي انتي
طلبي كيف اعبر لك عن حبي ان كان حبي
لايستطيع التعبير عنه ‏ لاانك اكبر منه))))

رفع يده وخلاها على شعرة ورجعه ليورة 
وراح  ورحت ورا جنت دارجع للغرفه بس شفته جان ديلبس قميص
واخذ السويج مال سيارة
وكعد على الكرسي ديلبس الحذاء مالته
...وين دتروح ساعه بالوحدة
.....بالوحدة ونص
....اي زين تعرف وين لعد دتروح
.....يمها
....يم منو
...يم الي تريحني
...صدك
....اي صدك
....منيه
.....انتي شعليج
....ليش مدتتحمل للصبح
.....لا
......ليش شسويلك
....مااكدر اكلج شسويلي
....ليش
......هسه انتي شتريدين
......ماااريدك تروح
....ليش
......هيج مجرد ماااريدك تروح
.....لا كوليلي ليش واذا اقتنعت مااروح
.....ماااريدك تروح يم اي وحدة ولان اني احس بلاامان من  انت موجود
.......مقتنعت
شراح اكله لهذا مو اني مااريدة يروح اذا راح يمها اتخبل
..... زيدون لتروح حباب
ابتسم
......اي ابقى لخاطر  الحلوين بس بشرط اليوم اريدج تحجين كلشي لان مليت من الصبر
....شنو احجي
....كلشي
....ماعندي حجي
.....لعد خلي اروح اطلع
....اهوووو شتريد احجي
....خلي اجي اكعد واشوف شنحجي اكلج تعاي نطلع بالحديقه الجو حلو كلش
......اوكي
طلعنا وكعد هو على المرجوحه واني كعدت على الكرسي
....تعاي كعدي يمي
....لا ماااريد هنا مرتاحه
...اي زين يله احجي بله ليش متخليني اروح يمها
....هي منيه
.....وحدة بس ليش تغارين
....لا مااغار
....لعد خلي اروح مدام متغارين علااقل الكي حضن دافي
.....زيدون ليش تحرك بدمي
....موكافي خيال كافي اظلين اسوين هيج
كافي تكابرين وتقشمرين عليه وعلى نفسج
....اني متعذبه بدونك زيدون اني احبك
بس انت ازوجت بعد خلص مو من حقي
...منو كلج
....انت كلت
....تتصورين اكدر ازوج وحدة غيرج تذكرين من كلتلج اخذي رجال عندى مبادئ هذا عمرة مراح ياذيج او يفكر يسوي  شي يألمج
..يعني انت ممزوج
.....ههههه لا
....ليش تضحك يعني جنت تقشمر عليه
...الحقيقه اي وانتي تقشمرتي بمنتهى السهوله وكلش ضجت منج لهذا السبب عفتج وماكلتلج ترة اني جنت داختبرج المفروض جان مصدكين  ودكولين انت متسويها تمنيت اسمعها منج
بس انتي جنتي باردة تخبلت جان بمدي اكمشج واحير شسوي بيج بس كلت  خلي تاخذ وقتها
وشدن
...شبيها
....اني كتلها سوي هيج
.....انت مومعقول شلون كدرتو اسون هيج بيه صدك تحجي انت تعرف شلون جنت داتعذب اني
تعرف جنت اموت باليوم الف موته شلون اسوي هيج
....كتلج داساعدج تكتشفين نفسج
بالنسبه الي الرجال يبحث عن امراة مو عن طفله وبس
مو على انسانه باردة عواطفها متحجرة انتي جان عندج عواطف وحب بس مجنتي تعرفين تبينيها
واني حاولت اخليج تبينيها
.....اني ضجت منك اكثر تعرف
.....ليش
....لان جنت مسويني لعبه وتلعب بعواطفي واحساسي
ومهتميت لجرحي شلون سوي هيج بيه
....جان لازم اسوي هيج حتى تحسين على نفسج
....روح زيدون
ورحت ودخلت لغرفتي وقفلت الباب  صراحه جنت ضايجه منه بس  بنفس الوقت فرحانه كلش حسيت انو اني خلص  اكدر اكون ويا زيدون
وضحكت على افكارة
سمعت صوته من ورا الباب يحجي
.....لج خيال فتحي الباب
...ماافتح
.... وتالي ويا هالخبال اني راح اروح بس ترة دكعدين الصبح متلكيني والله العظيم
اسافر واعوفج تعرفيني خلكي صغير واضوج اظل اتوسل واحجي  فتحي الباب
زين خيال راح اخليج تبطلين تسوين هيج ويايه
وسمعت صوت خطواته تبتعد عني  بس مهتميت
لااول مرة انام فرحانه
لاول مرة  انام واني ماتجيني كوابيس
وحسيت الصبح على صوت مصطفى
يتحرك
كمت فتحت الباب وطلعت اباوع ماكو زيدون
كمت اصيح زيدون وينك
ودورت البيت كله جان مموجود  وصعدت لغرفته شفت الملابس مشمورة على الجربايه مالته
كلت عزة بس لا سافر صدك
طلعت تلفوني وكمت اخابر على رقمه مغلق
خرب بحضج خيال هاي شلون سالفه
اني شجاني وهيج سويت مو محترمني وكاعد ديحجي ويايه
يارب ساعدني بلكي شويه ويجي وظليت افتر مثل المخبله ويدي بردت
ودك تلفوني ورحت ركض عبالي هو طلعت شدن
جاوبتها
سمعتها تضحك
....ولااحجي وياج على الدكه الي سويتيها بيه معقوله كلبج انطاج حتى لو زيدون كايلج
....ههههه لاوالله كومه بجيت بس شسوي داشوفج دتبعدين عن زيدون وهو يحبج وانتي مدتعرفين تصرفين
...جان المفروض مسوين هيج وعالعموم مابيه حيل احاسبج هسه
زيدون ماكو
،...عزة بعينج هم طفشتي الرجال
....اي يمكن طفش
....لج بابا هذا ميتنازل  هو طبعه هيج مافهمتي لحد الان
وين راح
.... ماادري
....ديله اذا بين كوليلي
...ميخالف
ومابين زيدون
وحالتي صارت حاله
ظليت بيت زيدون وكلت هسه يرجع وجنت اروح للمكتبه وارجع للبيت
وصار عشر تيام ضبط زيدون ماكو
والظهر  بعد مارجعت من المكتبه
جنت نايمه وسمعت صوت
المفاتيح مو مشيت انما طرت
وصلت كدام الباب وحسيت فتحت الباب اخذتلها عمر يله نفتحت
ولمن فتحها شافني واكفه
...حمدلله على السلامه
....الله يسلمج
....عبالي رحتي
....مااروح بعد لمكان
رفع حاجبه مستغرب
...صدك
....اي والله
....لعدشسوين
....ابقى هنا
انت من غبت عني انا مثل المرايه المكسورة
وجرح جبير  بيه
طول ماانت غايب عني اني كلبي تعبني