ونداريت وشفت مصطفى نايم على التخم ومتغطي بربطت الصلاة
مال المرة ضحكت عليه وجانت شدن دتقرا كتاب استغربت
كلت صدك ماسمعتلها صوت ابد
....شدن شسوين
مجاوبتني ،.....ولج شدن
....ها شكو شصار
....ها شدتقرين مو من عوايدج
... ليش قابل شبيه
....ميلج هذا الكتاب
...لكيته فوك يمكن عمو زيدون عايفه الج بس تخبل شلون قصه حلوة
...عايفه الي
.....اي
كمت رحت يمها
....اشو انطيني
واخذت الكتاب وجان مكتوب على اول صفحه من زيدون
الى خيال وعلامة استفهام
اخذته ومقبلت انطي لشدن بعد
....خيال انطيني الكتاب
...هو الي مو الج
...حبابه مو صار ساعه اقرا بي
.....ماانطيج الكتاب
...اي اكو بعد واحد اروح اخذة
....ليش اكو بعد
....اي جانن اثنين اروح اخذ الثاني لان عفيه هنا كلش ملل
هناك جنت ملتهيه ويا طه ويا زيدون وتعلمت على البيت هنا احس نفسي مستغربه
....كم يوم وتتعلمين  على البيت ودكومين مضوجين
....راح اصعد فوك
.....صعدي
باوعت شدن صعدت ومصطفى نايم وجان البيت هادئ ‏ ‏
فتحت الكتاب وقريت العنوان (((( شاطئ الاحلام )))
ظليت اقرا بيها وندمجت واخذني الوقت 
وماادري ليش كنت احس البطل الي بالقصه زيدون
ماااعرف يمكن لان يجوز هو الي جابلي هذا الكتاب
وليش جابه الي شنو السبب  يجوز يريدني اثقف
وسمعت
.....خيال ليش ماكعدتيني شوفي شكد نمت
.....ها بيبي اسفه والله نسيت كعدت اقرا ونسيت اكعدج
عذريني
...لا يله عادي بس هسه اليوم اسهر واسهرج ويايه
....ههههه عادي ميخالف اسهر وياج
وسديت الكتاب وكلت اكمله بالليل
ومشى  ‏اليوم ومشى الي بعدة واحنا بالبيت يم هاي الانسانه
العظيمه سبحان الله ميكطع بشر تنسد باب تنفتح ميت
باب
مرتاحين كلش بس جان بالي ليش مااجي بعد زيدون صار 4ايام احنا هنا
ليش ماكو هو
واليوم جان مسواك ماكو بالبيت وكالتلي بيبي
طبعا انكللها بيبي لان من نكول خاله تزعل كلش
وهي تستاهل على هالحنيه نكللها بيبي ‏
....خيال تجين ويايه نروح نسوك
....اي بيبي
....يله لعد بدلي هدومج
....اي هسه ماااطول
وصعدت لبست الملابس الي جابها زيدون لان مجان عندي غيرها وسويت شعري ظفيرة ‏  واني شعري طويل
ونزلت كتلها
...بيبي كملت
....يمه هاي الدنيا باردة شلون طلعين بطرك هذا
باعي اكو بالكنتور مالتي جاكيت مال ميمونه بت ابني اخذي لبسي يمكن على كدج
،،،
رحت وطلعته من الكنتور جان جاكيت لونه ماروني شكله كلش بسيط ونازك لبسته على كدي وطلعنه وصيت شدن على مصطفى
ورحنه اسوكنه واول مادخلت للسوك جان اكو ولد كل شويه يذبلي حجايه
واني خجلت وسويت  نفسي مامنتبه عليه
بيبي كالتلي
....هذا شلون ميستحي اروح ارزله
....لا عوفي خلي يولي
وخلصنه المسواك وشلت العلاليك وكمنه نتمشى على كيفنا وهذا الولد يمشي  ورانا وصلنا للبيت  ‏
وجان اشوف زيدون واكف بالباب وجان ديباوع على هذا الي ديمشي ورانا ولمن وصلنا يم زيدون
الولد هذا راح  لان شاف زيدون واكف
بس زيدون تخبل وضاج كلش بس محجه شي
....اشر انو ندخل جوة
....هلووو خاله شلونج ومسلم عليه
...هلو شلونك ابني شو ماكو صار كم يوم
...رفع عينه باوعني والله شويه عندي شغل
...الله يساعدك ابني
....اي شلونكم مرتاحه خاله شلونهم وياج
....فدوة لعمرهم نعمه والله مونسيني وخيال متخليني اسوي شي
باوع عليه
...اي مبين شعجب طالعين للسوك
...والله ماعدنا مسواك شنسوي
....مواني جبت مسواك ويايه
....موعبالي متجي
ومصطفى اجي وكام يشاقه ويا زيدون وشدن ضحكتها وصلت يم اذانها وكعدت تحجي وماسكتت
واني اخذت المسواك ورحت افرغه
وسمعته
....هاي شلابسه وشلون طلعتي هيج
....ماعندي بس هذا اللبس وهذا انت جبته ‏
....اي للبيت مو للطلعه وانتي كبرتي شوكت تلبسين حجاب
انتي هسه محسوبه عليه ماااريدج تغلطين
....بس اني ماسويت شي
.....ولا راح اسوين داحذرج  ومنو هذا الي جان يمشي وراكم
...ماااعرفه
.....اي مو شافج حلوة ولابسه هيج طبعا يلحكج
...بعد مااطلع
...احسن
.....انت شنو

يتبع ....

قصة خيال ﴿ اليتيمه ﴾ حقيـقيه 💯-


بارت 7 شاركو القصه مع اصدقائكم

.....انت شنو وردت اكمل بس سكتت لان جان مخنزر عليه
...اني شنووو خيال
...الي تريدة يصير
....مو الي اريده  يصير  اريد يصير الشي الصحيح اني معليه بيج
...هسه انت موكلتلي انتي مسئوليتي ومحسوبه عليه هسه
دكلي معليه بيج
....لااله الاالله موكمتي تخربطيني  قصدي اني اريدج تسوين
الشي الصحيح
...ان شاءالله
...شكد  ،،،،،وسكت وطلع من المطبخ
يوم عن يوم ديزيد هذا الانسان غرابه
حاولت ابقى بالمطبخ واجنب شوفته بس تفاجأت لمن اجتي بيبي
وكالتلي
...خيال حبيبيتي
....هابيبي
...اليوم زيدون راح يبقى يمنا يبات صعدي شوفي الغرفه الي فوك تحتاج تنظيف
....شعجب بيبي راح يبات هنا
....ماادري علمي علمج
يجوز ضايج
....هسه اصعد
ومشيت وطلعت من المطبخ وصعدت على الدرج وزيدون جان كاعد وكامش القصه الي جنت داقرأ بيها مجان ديقراها بس كامشها بيدة
ورفع راسه وباوعني واني مهتميت وصعدت
فوك ورتبت الغرفه ونزلت وبديت اني وبيبي نسوي اكل وشدن جانت تساعدنا ومصطفى كالعادة يكمز ويلعب
واحنا بالمطبخ وجان نشوف زيدون اجه جان طالع من الحمام  ولابس دشداشه بيضه
وجانت كصيرة عليه
ههههههه
ظليت اضحك اني وبييي وشدن متنا من الضحك وهو عاكد حواجبه
....ليش اضحكن مالكيت غير الداشه مال مرحوم
بيبي كلتله
....لاتخبل عليك
....اي كلش حلوة يرادلها كركش صير اخر موده
وظليت اني اضحك وهو جان ميضحك. يباوع بعصبيه
كال
...اروح البس بنطروني احسن واليوم العصر اطلع اشتري بجامه
وطلع من المطبخ واحنا نضحك عليه
ورجع وراها لابس نفس هدومه الي اجى بيها  وكال
....جوعان  كلش شوكت يصير الاكل
...جاوبتة اني
هسه شويه ويصير الاكل
....يله انتظرج ياخيال
سمعت بيبي دكله
....زيدون
....ها خاله
....مناوي تزوج
....لا ماااريد ازوج
...لشوكت يايمه تبقى هيج الي راح راح بعد احنا ولد اليوم
....اني هاي الصفحه سديتها وموضوع الزواج والحب لغيته من حياتي خلص
كلشي يروح بوكته
....بعدك بعز شبابك وميت بنيه تتمناك
....اني الي ماااريد
وجان يحجي ويباوعلي
كلت شبي هذا شنو ديسمعني معقوله اني سويت شي غلط وديحسسني بهذا كلامه
اني راح اصعد انام خاله مااريد اكل
...ليش خاله انت موجوعان
...لا
وصعد فوك
كتلها بيبي
....يمكن ضاج من انتي حجيتي وياة
...والله موقصدي بس انقهر عليه وهو بس يكابر
بس داشوفه وكلبي دينكسر شلون وياة هذا الولد
حبيبتي روحي احجي وياة انتي
....شكله اني
...صيحي بلكي ياكل خطيه
ظليت مترددة مابين اروحله ومابين مااروحله
ومناك نطت شدن
...اني اروح اصيحه
....لاخيال تروح تعاي انتي
واخذتني خطواتي وصعدت و دكيت الباب وسمعت
...ادخل
فتحت الباب وهو جان نايم علىً الجربايه
...ها خيال
....تعال تغدة بيبي مجان قصدها ضوجك
.....اوف  ماااريد هسه اريد انام
....ليش
...مو داكلج اريد انام
....مويبرد الاكل يصير مطيب
...عود نحمي
...هم يصير مطيب
.....خيال روحي حبابه
.....ديله تعال انزل  ناكل على الواهس
ابتسم ابتسامه غريبه اول مرة اشوفه يبتسمها
...انتي صدك خيال  واني خايف عليج هوايه
...منين
...من كلشي حتى من نفسي
...اني اعرف بيك كلبك طيب وساعدتنا هوايه  ومتاذينا فديوم
....مدتفهمين
....شنو
... سكت وظل صافن بوجهي
وكال
....اني الي اجيتج بيت عمتج بالليل من جنتي تغسلين الكراج تذكرين
،....اكيد اذكر بس ليش
....خفت عليج
....من شنو
....من كلشي خفت عليج من الظلمه ومن البرد 
...بس انت رحت بسرعه
....صحيح
....ليش
.... انتي صغيرة بعد وراج هوايه وقت حتى تفهمين
كلشي  وتحسين بكلشي

يتبع....

قصة خيال ﴿ اليتيمه ﴾ حقيـقيه 💯-


بارت 8 شاركو القصه مع اصدقائكم

....صراحه اني ماافهم انت شتقصد وكلما احجي وياك اظل صافنه بكلامك
.....اي اعرف خيال
......تعال اكل يله
سكت وكلي
.....بيج طفولة عشك يراد اضمه وبيج ونت
سهر وبيج حنيت طفل مشتاك لاأمه وبيج
حزن  ودمع وبيج دنيا جبيرة مطشرة  ‏وظلمه
وبيج فيت كمر وبيج  حضنت شمس
يالون الورد ياعطرة
نيال الورد من يلمس جفوفج المعطرة
نياله العافيته بيدج والي يبعد عنج ليلة يكضي
بحسرة
كون انا وياج ننجمع هناك يم الكمرة  وج انا طير وانتي شجرة
انا الماي وانتي الزهرة  هم شفتي ورد يتخلى  عن عطرة
وهم شفتي بشر يخنك بيدة عمرة ‏ ‏
انا قبلج عشكت وهوايه شفت بس انتي عشكج هيل ومسك وعشكج ماله عنوان وماله وصف
يدك بكلبي همسج وعيوني بس تتخايلج
انتي وحدج
ملكتي الكلب    بس سؤال اسئلك ياكلب وين
تاليتك من هذا العشك
وهم تصفى الدنيا الك
وهم تبقى روحك خضرة
اخاف تاليتك ياكلب بس
نار وتشتعل ونارك تصير جمرة

....الله شكد حلوو
...ههههه حلو عجبج
....كلش
....هذا الشعر ما ‏أنساه ابد كلش احبه وهسه اجه على بالي
....حلو كلش
....انتي الحلوة
....وهسه مجعت متنزل تاكل
.....ميخالف انزل
وطلعنا اني وياة من الغرفه ونزلت كدامه من الدرج ورحت للمطبخ
واكلنا وظليتا نسولف بس دائما احس زيدون يتعامل ويايه
بطريقه مختلفه وبنفس الوقت ميحجي ويايه هوايه كلش
قليل برغم كلامه ويا شدون وخاله ومصطفي طبيعي
يس هو كشخصيه قويه ومخيم عليه طابع الحزن
يحجي  الغاز وكلامه مامفهوم لحد الان مااعرف هو عليمن
حزين على زوجته او على الي يحبها مثل مكالت خالته
واني بين هذوله كلهم ماااعرف شنو موقعي لان احسه ‏
يتعامل ويايه بطريقه خاصه يمكن لو ماااعرفه زين
جان كلت يمكن يحبني او يريد مني شي
صحيح اني صغيرة بس اكيد افتهم الي يجب والي يلمح
شلون يتعامل بس اني ايضا اعرف انو زيدون مجروح
وبنفس الوقت عنده وحدها يحبها
دورات احس اني اذكره بشي او احس انو هو يرتاحلي
ويحجي ويايه

،،،،،شدن
سمعت صوت مصطفى يصيح شدن وشدن مجانت دجاوبه
مااعرف اليوم هاي شبيها
.....جاوبت اني
.....ها حبيبي مصطفى شتريد
......خيال هاي شدن منريدها ذبيها بالشارع
....كلنا ضحكنا ‏
....ليش خطيه
....باعي شلون تباوعلي واليوم ضربتني
...شسويتلها
.....مسويت شي
....ههههه شدن بعد لضربي
...مجاوبتني شدن جانت ضايجه ماادري ليش
زيدون ،،،،،ها شدن خيرج شبيج
.....مابيه شي بس ضايجه احنا النهار كله بالبيت
....ها يعني تريدون اطلعون
......اي عفيه خلي نطلع
.....اي ميخالف فدشويه اطلعكم وخاله هم تجي ويانا
....لاخاله اني ماااروح و هم محابتلكم هلطلعه اليوم
الاخبار جانت كلها انفجارات واعتقالات وهذوله الامريكان
والشرطه بالشارع
ديلعبون لعب اني اخاف على البنات وعليك ياخاله
.....اي اعرف بس شسوي ضايجين هم حقهم  خلي اوديهم يغيرون جو
...زيدون حبيبي تعرف الوضع والي بي
....لتهتمين خاله تعرفيني اني شنو
.....هو هذا الي مخوفني ياخاله انت سبع  وبميت رجال بس هالوكت مابقى بي رجال
.... اذا احنا مو زلم نلبس الشيله ونكعد بالبيت لعد
الرجال رجال بكل وكت وبكل مكان
...والله ياابني هالوكت صار الطايح رايح
....لتخافين عليه اعرف ليش قلقه محد يعرفني
وغمزلها.  لخالته
كلبي كام ينفض من حجه هيج
شنو فلمه هالرجال ومنو الي ميعرفو شنو مسجون ومهزوم
شنو السالفه لومنطلع وياة احسن
باوعته كام وراح غسل يده وكال
....شدن
....ها
....اريد جاي وحتى اشرب الجاي وارتاح شويه واطلعكم العصر
،،،،.اي هسه
وكامت مصدكت شدن سمعت طلعه سوت جاي ودته
وهو جان فاتح التلفزيون بالهول يباوع اخبار
كتلها
...بيبي
....هايمه شكو
.....اشو حجي زيدون خوفني شنو السالفه
....اي يمه الدنيا موخوش دنيا وتعرفين الوضع اشونه
واخاف عليه وعليكم
...لعد منطلع اذا هيج الموضوع يخوف
....هههه لايمه اني صحيح حجيت بس اعرف زيدون
شنو
باعي حبيبيه انتي ويا زيدون لتخافين محد يلمس شعرايه منج
اعرف زيدون اكثر من نفسه وزيدون سبع
ورجال  ابن رجال ميهاب شي حتى الموت ميخاف منه
بس تعرفين اني شلون احبه وهو ابن اختي معناته هو ابني
ودائما اني اقلق عليه واخاف عليه
....اي حقج بيبي بس صراحه خفت
...لتخافين يفديكم بروحه ‏
وكامت من يمي بيبي وكامت تلم بالغرض الي على الميز
اذكرت من كلي مااخاف من شي بس اخاف من انوافقد الناس
الي احبهم
تصرفاته وكلامه وكلام خالته يدل على انو اكو وراهم شي
ومر الوقت وزيدون كال تحضرو اطلعكم
واصر انو خالته تجي ويانا
مجرد انو افترينا بالسيارة ونزل هو اشترى بجامه واخذ مصطفى وياة واشتراله غراض جانت بالعلاكه ماعرفت شنو
ولمن صعد انطاني علاكه
كلي  هاي الج ولشدن واشترينا شغلات ورجعنا للبيت
واول ماوصلنه ودخلنا السيارة ونزلنا اني وشدن سمعنا صوت اندارينا شفنا ‏ سيارة عاليه بيضه وكفت بالباب
ونزلو اثنين من السيارة اشروله لزيدون
وكاللهم
......اجابكم هنا
.....مكدرنا نوصلك   وصار ساعه دننتظر لازم تجي ويانا هسه
ندار علينا كال
....دخلو جوة
دخلنا جوة بس بيبي جان وجهة يضرب الوان وخايفه
وصراحه البيت كله تغير
ودخل زيدون
وراح على خالته كال
.... راح اروح هسه اني واشوف شوكت اكدر اجي
....وتالي وياك زيدون
باسها من راسها
وباوع علينا وصل يم الباب وصاحني رحتله
كلي
.....دربالج عليهم ودربالج على نفسج ولطلعين ابد من البيت
واني من ارجع اوديكم لغير بيت
...ليش
...احسن
...شوكت تجي
....ماادري
وطلع زيدون ومر عشرين يوم وماعرفنا عنه ‏ خبر
واحنا مصار اي شي خلال هالعشرين يوم ماعدة
مرة وحدة  ابن
بيبي الصغير أجاها وجان كلش مومريح ونظراته غريبه
واسلوبه محلو حتى ويااامه
وباقي الايام طبيعيه منطلع ولااحد يجينا بس الحمدلله انو ايامنا ‏ ‏ ‏ ‏ماشيه طبيعيه مرتاحين بكعدتنا بس
غياب زيدون كل هاي المدة كدر خواطرنا ‏ ‏
وخلانا بقلق وعدم راحه شعورالانتظار صعب بلذات بلد منعرف الشخص الي يطلع من بيته يرجع بتالي النهار لو نسمع  عنه خبير مو زين لو يكون مصيره انفجار او اعتقال
او قتل على الهويه او غيرها من كل  الامور   الي ‏ استجدت بالعراق
اسمع كلام بيبي دكول
....وين هذا زيدون اني راح اموت من القلق مو من عوايده  يغيب هلكد بس لاصار شي عليه
...ان شاءالله ماكو شي بيبي يجوز عندة شغل
....ياشغل يايمه
اوف ليش هيج ياربي صار بالعراق الناس متأمن ‏ ‏ على نفسها الي يطلع الصبح مايرجع الظهر شبابنا.   الحلوة شايلين جفنهن بيدهم ويمشون  حسبي الله ونعمه الوكيل بكلمن يأذي بشر ويقتل روح
....يله هسه يبين ان شاءالله
...ان شاءالله

يتبع....

قصة خيال ﴿ اليتيمه ﴾ حقيـقيه 💯-


بارت 9 شاركو القصه مع اصدقائكم

(((عندما نكون على  امل الانتظار وتزداد الثواني.
والدقائق والساعات
ويمر ‏اليوم  ‏ ‏بعده  يوم ونكون نشعر بالمرض ومرضنا اما بجسدنا او بقلبنا ولكن
كل مافي الامر هناك احجار ‏ على صدرنا
تجعلنا لا نتنفس
لا نعلم بالتحديد ماهو السبب ‏ ‏ يلاحقه الانتظار
وتصبح دقات الساعه هي الامل باانو
تفتح نافذة جديدة
ويطل منها ذلك الذي افقده  الزمان
صوابه ‏
واصبح يتخبط بجدران الايام  واصبح
يدعي القوة ‏
وبداخله  ‏رجل يود الاحتضان  ‏ يود ان تكون
هناك انثى تداوي
اهات الزمان يود ان يعيش بقلب
امراة ويدعي باانو هو روح
وليش شبه انسان  هل تود الاحتضان
حبيبي وانا طفله اود ان ارتمي
باأحضان  ابي  اتمنى ان أجري
واختبئ خلف امي
هل تريدني امراة تغفى ‏  بين
احضانها ام تريدني ملاذ
او حضن تجد به ‏الدفء والامان
تريدني بجسدي ام بقلبي  ايهما
تريد حبيبي
تريد عشقي أم ‏ ‏ ‏براءتي ام الطفله
التي تنمو بداخلي
ماذا تريد ياازرق العينين ياضوء الصباح
ياصوت العصافير يارائحته المطر ياعبق الزهر
يااجمل الصور ماذا تريد حبيبي طفولتي او انوثتي )))

.....ان شاءالله يجي اني الخوف موتني اني صوجي جم مرة
كلي اجيبلج تلفون خابريني ماقبلت كتله مااعرف استخدمه
توسل عليه وعاندت حتى رقمه جان يمي مااادري وين راح
منا ليومين اذا مابين اروح ادور عليه اشوف وين صفه بي الدهر
....بيبي هو شيشتغل
...سكتت
....بعدين تعرفين
....بيبي الله عليج كوليلي والله ماااحجي
...زين راح اكلج بس دربالج كدام اخوتج  تحجين هذوله صغار وكلشي يحجون واني لو ماااعرفج متحجين وعقلج جبير واعيه جان
ماكلتلج
...اي والله ماااحجي شي
....زيدون يقاتل الامريكان من زمان من اول مادخلو لبغداد وهو
انسان وطني برغم هو لاجان قبل بالدوله ولاابد انسان اعتيادي
بس من كام يشوف الي يسو الامريكان بالعراقين وتعذيب النسوان ويهنون الرياجيل  الكبار  وجان يشوف شلون  يطلعون الزلم سودة عليه ويخلون  براسهم جياسه ويكعدوهم بالكاع ويعذبوهم كام يتخبل
كام يشتغل ويا جماعه وبعدها بفترة ازوج ولمن مرته صارت حامل
كامت مرته متقبل يقاتل الامريكان  وعاف هاي الشغله لخاطرها وجابت اوس
وجان طاير بي وابتعد ولحد مصار الولد سنتين وشويه
وبذاك اليوم شافه
صديقه 
وهو صديقه من ايام الدراسه بس راحت فترة وجتي فترة وملتكو
بس هذا صديقه يدري انو زيدون يقاتل الامريكان يس مجان يعرف وين مكانه سامع من واحد وندل بيت زيدون
وطلع هالصديق يشتغل وياالامريكان  مترجم
وبلغ عن زيدون  باع صديقه وباع ضميرة  وبذاك اليوم جان زيدون طالع موبالبيت
ودخلو ضباط عراقين يشتغلون ويا الامريكان على مرت زيدون وابنه واخذوهم من البيت
وكامو يسامون  بيهم  وكالو لزيدون لو نعرف الي تشتغل وياهم  لو نقتلهم
وماااكو ورا اربع ساعات كالوله روح اخذهم قتلناهم  وشمرناهم بالشارع وهذوله المساكين
دفعو ثمن وهذاك يوم وهذا يوم وزيدون مابرد كلبه لحظه كره
الكل وحقد على الكل وكام يقاتل الامريكان وكل الي يشتغل وياهم
ودائما بخطر ويوميه يطلع من حلك الموت 
..... عزة يمه خطيه اوي
وكامت ادموعي تنزل  انمرد كلبي وجانت بيبي تحجي
وكلش ومتاثرة
الله يساعدة بس بيبي ميخاف على نفسه
....لا ميهتم كم مرة صوب وكم مرة جان بينا وبين الموت شعرايه
شكد احجي وياة واتوسل عليه بس ميقنع اني اعرف فديوم يجيني خبرة بس اقشمر نفسي
...اني جنت اشوفه يرجع بالليل هدومه متربه
....اي هو يطلع بالليل وبالنهار يشتغل بالمكتب مال مقاولات وبالليل
يقاتل شايفه هيج انسان معذب روحه
ومعذبنا وياة والله اهله عجزو وهما يقنعو واخوته يتوسلون عليه
حتى يعوف هذا الطريق الي ديمشي بي بس ميفيد
ظليت صافنه بكلامها شنو هذا الانسان  الي يذب نفسه بالنار
وميهتم بس يمكن هذا احساسه وشعوره ماتو ويا زوجته وابنه
لهذا السبب ميهتم لشي
واحنا كاعدين دنسولف وسمعنا صوت الباب تندك
كمت طلعت وصحت من ورا الباب منو
...اني
....منو حضرتج
...ام مهند
...دقيقه
...بيبي هاي وحدة  دكول اني ام مهند
...اي دخليها
ورحت فتحت الباب
....تفضلي
...يزيد فضلج حبيبتي ودخلتها للمطبخ وكعدت يم بيبي
وظلت سولف
..يمه خيال سوي جاي
...اي بيبي
سويت جاي وقدمته وجانت هاي المريه تباوعلي من فوك ليجوة
وظلت كاعدة فوك الساعه وبعدين راحت
كالتلي بيبي
...هاي بيت جوارينا هاي البيت الي كدامنا
...اي شبيها
ضحكت
..اجايه تخطبج لاابنها
....الي
....اي صرتي عروسه وتخبلين طبعا يخطبوج
ويا بنتي مهند خوش ولد وحلو واخلاقه حلوة وهيانج قريبا اصيرين علينا
....لا ماااكدر شلون اعوف اخوتي
...انتي راح دكعدين بيت وحدج مو بغرفه يعني يكدرون يجون يمج اخوتج
،،سكتت ماعرفت اجاوبها بس اني ماعندي رغبه بالزواج
لان اعرف محد راح يتحمل اخوتي
وماااكدر اعوفهم
....شوفي حبيبتي اني هسه عفت السالفه خلي يجي زيدون بالسلامه وعود نحجي
ومر هذا اليوم وماعرفنا شي عن زيدون واليوم من الصبح كعدنا وتريكنا ومثل  كل يوم يمر نسمع الاخبار  وكلبنا يجوعنا وننقهر على الي د

يصير
ونكعد بالبيت حتى نكون باامان مع العلم حتى ببيوتنا فاقدين الامان
وبالليل ساعه بـ 11جنت فوك بالغرفه وجانت شدن دسولف ويايه ومصطفى نايم وبيبي نايمه بغرفته جوة
سمعت صوت سيارة ركضت على الشباك شفت واحد نزل من سيارة وكف بالباب مالتنا والسيارة بعد مانزل منها لتافت  ومشت بسرعه
وركضت جوة عرفت هذا زيدون
وسمعت صوت الباب الخشب تندك
على كيف ركضنة اني وشدن وفتحنا الباب وصارت عيني بعين زيدون
....حمدلله على السلامه متنا عليك من الخوف
...الله يسلمج
ودخل جوة وجان شكله كلش تعبان وورجله جان بكوة يدوس عليها
وراح كعد على القنفه وكال
....وين خالتي نايمه
...اي نايمه اكعدها
...لا خليها زين محست عليه خطيه مااريد اقلق نومتها
....هي كلش قلقه عليك
...اي اعرف كلت هسه قلقت عليه كلش
اريد ادخل للحمام
...اي هسه احضرلك الحمام
...شدن روحي رتبي الغرفه الفوك والبجامه فوك جيبها
...اي هسه
وراحت شدن
واني داروح وكمشني من يدي
...نداريت  عليه
...تريد شي
...لا
...شلونج
....الحمدلله
....ظل بالي عليكم كلش
...احنا شكوعلينا احنا كاعدين بالبيت بس انت
....اني شنو
....انت الي بخطر
.....لتخافين عليه ماااموت هسه وكلشي بيد الله
.....اسم الله عليك عمرك طويل
اني راح اروح احضرلك الحمام
...روحي
وبعد ماحضرت الحمام دخل للحمام ولمن طلع بدون ميحجي شي
صعد للغرفه الفوك
واحنا هم صعدنا نمنا
وكعدت من وكت وشفت زيدون وبيبي بالمطبخ ديسولفون
كلتلهم
....صباح الخير
....صباح الخيرات
تعاي كعدي اكلي
وكعدت اكل وبيبي جانت مندمجه بالكلام ويا زيدون وبعدين
كالتله اي اذكرت
....اي شكو
....مو خيال اجوها خطابه
جان بيدة الكلاص مال جاي جان يخلي على الميز وجتف
ورفع حواجبه
....منو هذا
...هذا ابن جوارينا بيت ام مهند البارحه جتي المرة وكلش عاجبتها خيال ورايدتها بس كتلها للمرة اشوف البنيه واهلها
.... ماعدها اهل خيال
وثاني شي وين شايفين خيال
....ليش مرتين تلاثه طلعت ويايه للسوك تعرف مااكدر اشيل علاليك وحدي
ندار عليه
....اني موكلتلج لطلعين ابد
...موبيبي متكدر وحدها
....اني كلتلج لو لا جاوبيني
...اي كلتلي
...ورغم هذا طلعتي يعني ضربتي كلامي عرض الحائط
وطلعتي
...مووووبيبي
...اني مالي دخل باااحد اني اعرف شداسوي من كتلج لطلعين المفروض مطلعين
...يمه زيدون هي ويايه طلعت
...خاله جان المفروض متخليها تطلع انتي تعرفين الوضع كلش زين
...اي ابني اعرف بس شنسوي اني مرة جبيرة ومااكدر اروح
وحدي وانت ماكو
...اني ماجنت دالعب اني جنت بنص الموت اني اعرف
ثكلت عليج بيهم بس تعرفين ماااكدر اخليهم بيتي
ولااكدر اوديهم يم اهلي( خاص بقناة قصص فتيات حقيقيه)
....اني كلش ضجت  من كلامه حسيته ديشمرنا منا ومنا
....احنا ضوجناك اظاهر وعادي نرجع يم عمتي
....باعي اكلج خيال من احجي حجايه مصير اثنين
واذا تريدين تزوجين براحتج روحي زوجي
اني راح اظل اخلي شدن ومصطفى يمي براحتج روحي
اخذي مهند
..انت ليش تحسسني اني اعرفه
..انت بكيفج بعد
وكام وطلع من المطبخ
..بيبي شبي هيج يسوي
...يله حبيبتي لتهتمين هو نفسيته تعبانه اني بعدين احجي وياها
كومي خلي نشوف شنسوي غدة
وباوعت من شباك المطبخ جان زيدون برة واكف وديشرب جكارة
وبيبي كالتلي
...صبيله جاي ودي  لان مشرب جايه
...اي هسه
حميت الجاي وصبيت وطلعت  ورحتله وخليته كدامه
...خيال انتي تريدين تزوجين
....لا
...متاكدة
....اي
...ليش
...مااريد اعوف اخوتي
....اي زين بس خلي بالج اذا تريدين تزوجين مراح احد يمنعج ولا راح اخلي اخوتج يكونون عائق كدامج لان اني تكفلت بيكم وانتو مسئوليتي اريد اطمن عليكم
...نشكرك 
..... اني وظل ساكت
...انت شتريد
.....مااادري
..... اني بس حبيت اكلك دربالك على نفسك خاف يصير عليك شي
....ضحك  احس بشي غريب
..شنو
.....تعجبني نظرات الاهتمام الي بعينج
...اكيد اني اهتم لانك انسان كلش جيد واحنا نحبك
.....نحبك
...اي اكيد نحبك
...اني ميهمني الكل يحبوني

يتبع .....

قصة خيال ﴿ اليتيمه ﴾ حقيـقيه 💯-


بارت 10 شاركو القصه مع اصدقائكم

....لعد منو يهمك
كام وكف وحسيت روحه مفرفحه باوعلي باعي اني راح اكلج شي لان بعد مااكدر اضم اكثر لان بس اريد احجي حتى ارتاح
واني مااريد منج شي بس تسمعيني
.اني جنت واكفه كلي
....كعدي خيال
جريت الكرسي. وكعدت
ظل واكف وخله يدة ورا ظهرة
((( اني حبيت وفقدت الانسانه الي احبها وعشت بدوامه من الوجع
ضيعت نفسي بنفسي بحثت عن شي يخليني ابتعد عن حزني
رحت بالي وبقلبي لبعيد كلش حتى لا ارجع اذكر شي يوجعني
بس مانسيت ولا لحظه
بس لكيت طفله هي ام واخت حلوة وجبيرة برغم صغرها
اسمها خيال اسمها مثل شكلها مثل ماابوها يكللها اسمج
مثل شكلج
جنت اراقب هذوله الاطفال الي عايشين بمكان مابي احد
وجانت عمتهم

مثل السجان تعذبهم جنت اشوف
هالخيال تحمي اخوها واختها جنت اشوف بيها نفسي
مااعرف بااي طريقه ولكني  كنت اراقبها على طول
جنت اشوفها تطلع تبجي وبعدين تمسح دموعها وتفوت
وجنت اشوف انسانه ظالمه جانت تضربها واني جنت
عاجز مااسوي شي  مااعرف ليش  وكمت يوم عن يوم احس الوجع يكون بيه اني  موبيها
مرة شفت هاي خيال عمتها ضربتها كلش قوي وهي ظلت تبجيي
وشفت اخوها الصغير اجه يمسح دمعتها تخبلت ردت اركض احضنها ردت ادفن راسها بصدري ردت اخليها تحس بلاامان
بكثر مااني جنت اريدة
يمكن شفت بخيال طفوله ماضي حاضر ضعف يمكن هالخيال
شوفتني شي بداخلي اني ماكنت اشوفه يمكن حسيت انو هي بحاجتي بكد مااني بحاجتها
ليش  هي دكولون وليش من دون كل البنات هي
لان هي تختلف تكفي نظرات عيونها يكفي همسات صوتها
يكفي حنيتها وشجاعتها
طفله ولكنها شجاعه لاابعد الحدود قويه واني تستهويني
المراة القويه تحسسني انو الي بيني وبينها مو علاقه جسديه
فقط
سكت ورفع عينه وابتسم وكال
كل هذا الكلام عنج انتي  عن خيال الي كاعدة كدامي
وأجى عليه ودار الكرسي مالي عليه
وكلي افتهمتيني
اني مجاوبت سكتت وخجلت
...وهزيت راسي
....اني مااريد منج شي لان اعرف صعب اخذج لكلبي
صعب انومج بحضني صعب اعيشج بيتي
اني حياتي مو الي من زمان دخلت عالم صعب اطلع منه
...من وسط كل هالسكوت الي عندي
ومن وسط السكون الي حوالينا نطقت
كتله
...عوف كلشي
غمض عيونه وفتحها وطلع جكارة وخلاها بحلكه
وقبل مديشغلها كتله
.... عوف  لخاطري لتخاطر بروحك ليصير بيك شي
جانت الجداحه بيدة وبعدة ممشغل الجكارة
جان يطلع الجكارة وشمرها وكعد على الكرسي
وكلي
...انتي تفهميني لولا انتي تحسين بيه
اني اعرف بيج صغيرة بس مو لهل الدرجه الي تخليج متفهمين شنو الحب شنو الاحساس شنو المشاعر
انتي صغيرة بس انتي موطفله
.....بس اني افتهمك وجنت اشوفك تعاملني بطريقه مختلفه عن الكل وسمعت انك تحب وحدة
بس ماتصورت اني
...لا انتي الج وحدج يدك كلبي
اني صحيح داحجي وياج بس مراح اطلب منج
شي مجرد ردت ارتاح ردت اطلع الكلام الي خانكني
اي اتمنى  تكون نظراتي الج بيها مبرر
اريد من احجي شي بوجع جاوبيني بنفس عمق وجعي
من اباوعلج بحب تبادليني النظرة من احجي وياج
تكونين مهتمه من اخاف عليج تقدرين خوفي
من اغار لااني اشعر انج ملكي وانج شي بخصني لا الي وحدي مضوجين تفرحين لان راح تعتقدين انو
هذا الشي ناتج من حبي الج انتي مالتي وحدي مو من حق احد يباوعلج
لان اني فعلا احبج واغار عليج واخاف عليج
واخاف عليج من كلشي من نفسي من حياتي
من حبي من ضعفج واخاف من ضعفي واني يمج
واني متعلمت اكون ضعيف اني دائما قوي
ودائما املك من الشجاعه مايخليني اتميز عن غيري
مااااريد وجودج يضعفني
لهذا السبب  راح اقتل كلبي بيدي واقتل مشاعري
واكلج اذا تريدين تزوجين ازوجي
لان كل الي حجيته هو حلم ميتحقق
صعب طريقي وطريقج يكون واحد اني مااريد شي يمسج
مااريد اعيد الماضي لان اذا خسرتج
معناتها اني اقتل روحي من بعدج مومهم شلون الطريقه بس المهم مااعيش هالشعور مرة ثانيه وهالمرة الشعور
راح يكون اقوى واعظم
انتي دائما بالنسبه  الي حلم خيال اخاف اكمشى لايختفي وضيع روحي وياة
....اني
...انتي شنو سمعيني صوتج خيال
احجي كوليلي كلمه وحدة تريحني كلمه وحدة تبرد كلبي
اني اعرف داطلب منج هوايه اعرف مدتستوعبين كل الي حجيته واعرف تفاجئتي بس ماعندي قدرة
ابقى هذا الحجي بكلبي
لان اخاف يصير بيه شي واموت علااقل اكون تركت شي بداخلج دائما يخليج اذكريني
انا حياتي كلها خطر وعدم راحه وعدم امان وحياة قاسيه
بس وجودي يمج بي راحه
انتي دنيا جبيرة واني بيج ضايع
انتى الهوى وانا بهواج مخنوك
يتبع ...

قصة خيال ﴿ اليتيمه ﴾ حقيـقيه 💯-


بارت 11 شاركو القصه مع اصدقائكم

(((اة منك ياعاشقي لقد زلزلت اركان قلبي
و ‏قرأت على روحي السلام وتمنيت ان يجد قلبي من بعدهذا الكلام  السعادة وقليل من الاحلام لم اجد جواب لكل هذا الكلام ليس لااني لاافهم بل كان يجب ان تفهم ياعاشقي ان نظرات عيني اقوى من الكلام)))

كلام سمعته من ارق واحلى  انسان شفته بحياتي انسان
كلشي بيه عظيم وطنيتة شهامته جرأته قوته
نظرات عيونه حتى مشيته  وصوته الرجولي
والي بي بحت حنية والم
وحتى تصرفاته وسكوته وعيونه من تشتعل الغيرة بكلبه

انسان زرعني بكلبة  ‏
....خيال
.....دكدريني جاوبيني
...شتريد اكلك واني مااعرف شنو الجواب
...اي شي المهم حتى لو تحجين بطفوليه بعفويه حتى لو كان كلامج مامترابط  المهم تحجين
اني اريد لحظه وحدة وياج انسى بيها كل الي احسه
انسى بيها كل الي مر عليه انسى بيها حتى اسمي

...اني اريد اكول شي
...كولي
....انت متحبها
....المن
....زوجتك يعني صراحه احس اكو شي بيه يذكرك بيها احتمال انت متحبني الي احتمال تشوفها بيه
.... اكذب عليج لو اكلج من البدايه ماكنت احسج هي
بس بعدين لا عرفت انو اني احب خيال
احب هاي العيون الحلوة احب لون شعرج احبج كلج على بعضج اني مااشوفها بيج 
ولاراح اشوفج بغير وحدة
لان صعب احضن وحدة واحسها هاي خيال
وصعب اخلي وحدة
واشر على صدره
تنام هنا وتسمع دكات كلبي
اني مراح اكدر احب بعد لان ماكو بكلبي مكان لغيرج
وجان يحجي ويبتسم واني جانت عيونه مخوركه وذايبه بالكلام بس مجنت  اكدر احجي شي  احس لساني نعكد
اما هو فجانت نظراته تبحث عن شي
.....ضحكت وكتله راح ابجي لان كلبي وجعني
من حجيت هيجي حسيت نفسي جوعانه اشو
هههههه
....صدك تحجين هههههه ياالله منج اني واكف هنا
داحترك وانتي دكوليلي جوعانه هههههه
....ههههه لالا خلي احجي صدك
...فتح عينه وركز ويايه
واني افر بعيني منا ومنا اريد الكلام يساعدني
كتله
....انت
....اي اني شنوه
.....انت متريدني ازوج
.....استغفرالله ربي انتي ليش تودين وجيبين بالحجي
هي كلمه احجيها وخلصيني
ليش دضوجيني واني اليوم راح اطلع بالليل ولو ارجع لو ماارجع  لشلعين كلبي مالي قابليه
....لاعفيه لتروح ابقى يمنا خاف يصير شي
.....ابتسم اموت على هاي النظرة الي بعينج
هاي ثاني مرة اشوفها
...يانظرة
...نظرت الخوف عليه
.....سكتت
سمعته يكول
....اني شلون ويا هالمزعطه
...ها
...اي
....اي شنو اني زعطوطه
....اي لان كاعدة تتغابين واني اعرف بيج تفتهمين
لدكوليلي اني مااعرف شتقصد لان راح تكذبين اذا كلتي
هيج
.....بس اني ماكلت مااعرف شتقصد بس انت
تحجي شي وتريد شي
...شلون يعني
....يعني دكلي احبج يس روحي زوجي احبج
بس مراح نكون سوى مااعرف شنو الي تريدة
بالضبط هذا الي صدك مدافهمة
.....اني كتلج اني وضعي مختلف وانتي فتهمتي شلون
لهذا السبب اني بين الجنه وبين النار
الجنه انتي والنار شغلي وضعي
...عوفه
...ماااكدر
...ليش
....اني للحظه حسيت انو اني لازم انتقم لاابني ولمرتي
لازم اخلي الي قتلوهم وهما ماعدهم ذنب يدفعون الثمن
بس بعدين شفت نفسي داقاتل لان عندي مبدأ
لان هاي فكرتي هاي قضيتي
من نحمل سلاح وندافع عن وطنه هذا ايضا هم حب
بس نوع اخر كيف احمي حبيبتي اذا اني ماكدرت احمي وطني شلون احضنها وانام واني ماادري شوكت يدخلون
علينا للبيت وينتهكون حرمتنا

اني ضيعت نفسي بدنيا غير الدنيا اني ماكدرت اوكف مجتف  الايدين
...ليش مواكو هوايه كاعدين ببيوتهم وساكتين ليش انت
.....اني معليه بغيري اني داسوي شي مقتنع بي
لان لو كل واحد حاول يغير شي ويدافع عن مبادئه ‏ وقيمه
كان ماوصلنا لهل المرحله
...بس انت اذا اظل هيج تموت
....اني مستعد اموت لخاطر القضيه الي ادافع عنها
ولخاطرج انتي
انتي الوطن بالنسبه الي
والوطن انتي اثنينكم مرتبطين بشي واحد
...اني خايفه عليك
....واني هم خايف عليج لان ماادري باجر شصامنا
كلمه وحدة خيال
كوليها حتى لو مو من كل كلبج خلي اسمعها وكاانما داسمعها من طفله
....شنيه
.....احبك
....اني اكولها
....اي
...ظليت مترددة حسيت الي داسوي غلط وعيب
بس ماكدرت كدام كلامه هذا الحلو ونظراته
مااكله لان حسيت هو محتاج هاي الكلمه
داحجي وجان يكلي
....لدكولين  اني جنت بس اريد اعرف راح تحجين لولا
الحب موكلمه وبس الكلمه اذا متحسيها لدكوليها لان راح جرحج من تحبين ياخيال راح تعرفين انو الحب
شي مختلف الحب احساس واهتمام ومشاعر بمنتهى
الصدق
واريد منج شي واحد   لجبرين نفسج فديوم
على مشاعر انتي مشاعرتها لان راح اظلين مثل الي بسجن
  وراح اظل احاسيسج مكبودة
وعافني زيدون وراح
،،،،،....
ومر ثلث سنوات على غيابه يس برغم غيابه حبيته
وفعلا تعلمت ماااحجي شي محاستة
احس زيدون ويايه احس انفاسه وصوته
وكلماته بعدها ترن با ‏أذاني
(((((انت غائب عن عيني ولكنك حاضر بقلبي
انت تجري بوجداني وانت  هنا دائما اراك تجلس امامي
وتسمع كلامي وتبتسم لطفولتي  ‏
اين انت الان انا مازلت اقف تحت المطر انتظر ان تأتي
وتحملني ونبتعد عن كل  ‏أعين البشر
اين انت ياقلبي فاانا بغايبك اصبحت كالغصن الذي انكسر))))

يتبع ....

قصة خيال ﴿ اليتيمه ﴾ حقيـقيه 💯-


بارت 12 شاركو القصه مع اصدقائكم

تلث سنوات عشت بخيالي ويا زيدون برغم بعدة عني وغيابه بس جان دائما حاضر دائما احس بوجودة
زيدون من اخر مرة حجه ويايه طلع من البيت كالعادة  واختفى وظلينا ندور عليه
ومابقى مكان مادورنا عليه
ناس كالو مسجون وناس كالو نقتل واهله وخالته مابقو مكان مادورت عليه بس ماعرفو عنه شي
اما اني
كمت يوميه ابجي لحد  ماااتعب وانام واني دمعتي على
خدي
بس جان عندي امل انو زيدون عايش احساس بداخلي يوم عن يوم يزيد انو لا مستحيل زيدون
يكون ميت  دائما اكول لا زيدون عايش وبمكان ما
مارضيت اقنع نفسي بهذا الشي الكل  فقدو الامل وكالو
هذا نهايته طريقه
بس اني كلت لا مستحيل
هو عايش مدام بعدة عايش بيه معناته عايش
قبل تلث سنوات جنت ابجي لان انضرب واتوجع
وانجرح جنت اتصور هذا اقسى انواع الوجع
بس هسه لا عرفت انو الوجع مو بالجسد الوجع
بالكلب
واني كلبي ينزف اني وعيت وكمت اعرف مشاعري اكثر
كمت احس هسه ليش جان زيدون من يحجي ويايه يحترك
مثل الشمعه وجع زيدون بصفحه وحياتي الي  مرتاحيت بيها بصفحه
بيوم الي حجه ويايه زيدون
وقبل ماااريح كلبه واكله كلمه وحدة عافني وراح
ديلبي النداء الي بداخله راح ديدافع  عن وطنه الي اصلا هو مبيوعه  بيه القضيه
ديدافع عن مبدأ واحنا بزمن  اصلا فقدنا المبادئ ‏
راح وغاب والكل كالو مات
وماعرفنا عنا شي و بهاي الفترة بيبي تمرضت وكامت تتعب هوايه وقهرها على زيدون هد حيلها
وبعد مدة ابنها الجبير طلع من بيته لان هو كان مأاجر  بيت واجى كعد يم امه بحجت انو هو حاليا  ماعندة فلوس ياااجر بيت بس هما كانو يعرفون انو هي كبرت
فكالو اول وتالي تموت وناخذ البيت ليش ندفع فلوس
بس اني كنت الضحيه من كل هذا  زوجت ابنها دمرتني
وكل شويه جانت طردني وتسويلي مشاكل  ودكول بااي حق هي باقيه بالبيت هي واخوتها
بس بيبي جانت متقبل ودكول اذا يطلعون من البيت اني هم
اطلع وياهم
وتقريبا بعد غياب زيدون سنتين شدن اجه ولد تفدم لخطبتها
ولد جدا محترم وفقير وجان ماعندة احد امه متوفيه وابو ايضا وحالته الماديه اعتياديه
صراحه اني قنعت شدن انو تزوج ردت اخفف من الحمل
الي عليه ردت اشوفها مستقرة لان اني ومصطفى اذا ماتت
بيبي ننشمر بالشارع لونرجع لعمتي
لان صعب يتحملنا  احد
وزوجت شدن وصارلها فترة و الحمدلله عايشه مرتاحه
اروحلها بس قليل وهي دورات تجي
بس زوجته محمد ابن بيبي كلش مو خوش انسانه
وجانت تغار على رجلها مني 
واني كمت ادخل للغرفه مااطلع منها كلش قليل
ومصطفى دخل مدرسه وهالسنه صار ثاني ابتدائي
راحت عليه سنه بس ميخالف المهم هسه هو بالمدرسه
يوميه ابدله الصبح واودي
وارجع اخذة واكعد اقري  عشت دور الام وياه
وكنت احاول اسويله كلشي يطلع بيدي
بس يوم عن يوم بيبي بدت تتمرض اكثر وبدت زوجتة ابنها تضغط عليه اكثر لحد ماطردتني
من البيت اني ومصطفى وشمرت غراضنا بالشارع
ورحت يم شدن بس حسيت نفسي كلش ثكيله
وظليت مايقارب الشهرين يم شدن
ومرة اجى ابن خالته لزوج شدن وشافني وخطبني
واني اضطريت اوافق ولكن بشرط يبقى مصطفى يمي
وهو قبل الشرط
لان هو كان مزوج ومنفصل عن زوجته
ماجنت احبه او حتى اتقبله بس جنت مجبورة
وين اروح   منو يتحملنا  هاي البنيه الي ماعدها اهل ومجرد نخطبت يعني كلام ماكان اكو شي جدي برغم شكد خطبوني سابقا بس جنت ارفض بس هسه فاض بيه
بعد وتعبت
جنت   اكول وينك يابابا  تجي تشوف  حالنا من بعد ماراحت تعال شوف شلون
ظلت الدنيا تخبط بينا وظلينا حايرين بدنيانا واحنا مومومال حيرة اويلي  على الظلم الي شفنا
بحياتنا صار خمس سنين عيوني مابطلت دمعها وكلبي مابطل حزنه
وارد واكول
وينك  يازيدون وين رحت ليش مارجعت
وجنت احس نفسي خجلانه من زيدون وجنت اكله
سامحني مجبورة ازوج مجبورة انزف لغيرك
سامحني
جنت احجي ويا روحي مثل المخبله
جنت ابحث عن شي بدااخلي جنت اريد شي يخليني اصبر على وجعي
واليوم الظهر
ندكت باب بيت شدن  
وركض مصطفى يفتحها بس مصطفى تاخر
ورحت عليه وشفت
حلم مانسيته شفت ضوء بنص صحراء ظلمه
شفت زيدون كاعد يحجي ويا مصطفى  ومدنك عليه
اول ماشفته
كتله
..زيدون
رفع راسه بسرعه ونظرات الهفه بعيونه
رحت يمه بسرعه وسمعت صوت شدن
دكله
،...حمدلله على السلامه الحمدلله انت عايش
وهو ميحجي بس يباوع عليه
...كتله
....ليش هلكد رحت
اتقرب من يم اذاني  كلي
.... خليني اشوفج زين خليني احسج بلا
صوت
وابتعد ورجع وكف كدامي
وشدن جانت تباوع وعلى وجهه ابتسامه
مقبل يدخل جوة لان زوج شدن ماموجود
وخاف يسبب مشكله مع العلم زوج شدن يعرف بزيدون
انوهو الي ساعدنا
شدن جابتله كرسي وخلته بالكراج وهو كعد عليه وبدة
يسئلنا وشلون عايشين وشدنسوي
وجان يتفحصني بنظراته
وبعد مايقارب ربع ساعه اجى زوج شدن
وعرفنا عليه وطلب من زيدون انو يتفضل
لداخل البيت وزيدون وافق
وبعد مادار كلام بينا
كلي زيدون
.....انتي ومصطفي راح تجون  ويايه
زوج شدن
كله ميصير خيال تروح وياك هي هسه بحكم  المخطوبه تبقى هنا لحد متزوج
دار وجه عليه
واني نزلت راسي وم

اكدرت احجي شي
وماكدرت اخلي عيني بعينه خجلت منه
كلي
...خيال ممكن احجي وياج
وكام وكف وطلع 
واني كمت طلعت  ورا  و راح للكراج  وجان مندار على الباب
واني جنت بظهره
جان داير وجه عني
لان اكيد اكو الم بعينه  ميريدني اشوفه
تمعنت بي جان اضعف من قبل بس جان حلو
يمكن صاير احلى من قبل وبرغم جان ميت سؤال اريد اسئله عنه وهو وين جان وشصار بي وليش راح كل هالمدة
بس ماكدرت  لان داحس اكو بركان بداخله
جان ديشعل جكارته 
عرف اني واكفه ورا كلي
....راح تزوجين
....مجاوبت
....جاوبي راح تزوجين
...اي
...منو
.....ابن خالت احمد زوج شدن
....تحبي
هم سكتت وماكدرت اجاوب
....جاوبي عد تحبي لولا احجي
...لا
ندار عليه
..لعد مراح تزوجي
....شلون
....بدون شلون
...هزيت راسي يعني اي
.....كوليها اذا ذكريها
عرفت شيقصد اخر مرة حجى بيها ويايه كلي كولي احبك بس اني جنت مترددة من انو اكولها ولمن ردت اكولها
ماقبل كلي لتحجين شي متحسي
...خيال
....نعم
.....اني بعدني احبج وكل الي مريت  بي مخلاني انساج
ولا دقيقه دائما جنتي بكلبي
بس ياترى اني جنت بكلبج فكرتي  بيه جنتي اذكريني
لو من غبت نسيتيني
...لا مانسيتك وشلون انساك
جنت اريدك تجي تشوف من رحت شلون تبهذلنا وشصار بينا
....وعيونج لاااخذ حقج من كلمن اذاج بكلمه
..الحمدلله انت رجعت
....اني راح اروح واجي بالليل اخذج
..شلون يصير
....يصير كلشي يصير
....بس
...بدون بس
....مااريد اسوي لشدن مشكله ويازوجها
...خيال مبين زوج شدن لايحل ولايربط وهي اختج مسيطرة عليه يباوع على حلكها من تحجي
....ههههه لا بس خوش ولد
...اي ‏امنا بالله  خوش ولد وحباب بس موهيج
يله احسن
....وين جنت كل هاي المدة
..اوووو قصه طويله بعدين احجيلج عليها
....خفت لايكون صار بيك شي
....لتخافين الاعمار بيد الله
...ونعم بالله  بس الكل جانو فاقدين الامل برجوعك لان اكو ناس كالول ميت اسم الله عليك وناس كالو مسجون يم الامريكان  بس اني مافقدت الامل برجوعك جنت احسك موجود ومارضيت اقنع بغايبك
.... اعرف بس مجان بيدي  ابتعد وبعدين اسولفلجً شنو الي صار ويايه بس  هسه اريد اروح بس اريد اسئلج سؤال
بيت خالتي  ليش عفتي اعرف ابن خالتي هناك طرودج هما
،.......صراحه اي طردوني والحقيقه مو ابن خالتك زوجته
كلش ضوج مني بدون سبب
واني كلبي مثل النار على بيبي
.....اني احلها
....زيدون
....نعم
....بعد ماكو امريكان المن تقاتل
....ماااقاتل بعد خلص
....صدك تحجي يعني بعد ماكو قلق  وخوف
....لا ماكو بس بقت امور متعلقه واني خايف منها
....شنو
...لدوخين هذا الراس الحلو بااافكار
.....كلي وين جنت
....اكلج بس يرادنا كعدة طويله
....ليش داحس بيك شي متغير
.... لتفكرين حتى  بهذا الشي
....شنوه
.....انو اني متغير عليج اني جنت احسب الدقايق والثواني
والساعات والايام حتى ارجعلج بس مامستوعب انو
اني لو مطول بعد شويه جان رجعت شفتج مزوجه كلش ضجت وحسيت هذا الشي كسر فرحتي
....جان سويت لو شايفني مزوجه
.....جان قاتلت هههه
....صدك
.....اكيد الي يقاتل علمود وطنه مايقاتل علمود وحدة
يحبها
بس  ياخيال اني هوايه تاذيت ونفسيتي تعبت بهاي الفترة الي
غبت بيها
....بس داحسك مو ذاك زيدون
....اني نفسي  بس انتي الي متغيرتي بعدج باردة
انتي محبيتيني يجوز شفتيني كدامج  وشفتي واحد
يحبج بس محبيتيني  انتي موصحيح
،،،.
انصدمت بكلام زيدون هو يشوف انو اني مااحبه معقوله هو ديشوفني باردة  وماعندي مشاعر لهل الدرجه
بس اني احبه اني اشوف الدنيا كلها بي
......ها وين صفنتي
...وياك
...استغفرالله  اني تعبان والي بيه مكفيني وانتي وسكت
عالعموم راح اروح وبالليل اجي
....انتظرك
......مع السلامه
....مع السلامه زيدون
وطلع زيدون وراح ولمن غلقت الباب بعدة حسيت بفراغ
وبرد حسيته مختلف او يجوز  اني الي مافهمته

يتبع....

قصة خيال ﴿ اليتيمه ﴾ حقيـقيه 💯-


بارت 13 شاركو القصه مع اصدقائكم

بعد ماراح زيدون دخلت جوة واشرتلي شدن انو اروح اكعد يمها
بس اني مارحت جان مالي واهس احجي وياااحد ودخلت للغرفه
وشويه وجتي شدن ودخلت وسدت الباب
....شبيج خيال
.....ماااعرف شسوي شدن
....ترة زيدون يحبج مشفتي عينه شلون تلحكج وشلون يباوع بطريقه غريبه
لضيعي من يدج
....وابن خالة رجلج الي خطبني وانطينا كلمه
....معليج بي اني ارتب الوضع
....خاف اصير مشكله ويارجلج وتاثر عليج
....لتخافين
خيال انتي موبس اختي انتي امي احنا لوشكد نريد نوافيج على الي سويتي ويانا  اني ومصطفى منكدر
اتمنى اشوفج سعيدة
....حياتي شدن اني سعيدة لان انتو سعيدين
.....انت موسعيدة لتقشمرين على نفسج  واني اعرف احنا كبرنا ياخيال
وبدينا نعرف شنو السعادة وشلون لازم تكون
....بس زيدون متغير
....لان انتي جامدة برغم حبج بس باردة عندج
هدوء غريب وقاتل ويمكن هذا احد الاسباب الي خلاج تتحملين هالخمس سنوات تتحملين كل هذا العذاب
بس هذا الهدوء ميفيد ويا واحد مثل زيدون
زيدون نار وانتي مي كلما راح يشتعل راح تطفي
لازم تتغيرين خيال
...مااعرف
....لاتعرفين اذا تحبي تغيري
....تعرفين اني عندي خجل وماعندي الجرأة ‏ الي تخليني اعبر عن مشاعري
.....اذن راح تخسرين واني مااريدج اضيعين زيدون
راح اعوفج اتفكرين ولتهتمين لزوجي اني احجي وياة
...اوكي
من بعد ماطلعت شدن ظليت افكر بكلامها وحسيت فعلا
لازم اتغير لازم اعترف لازم اكله ترة اني احبك
بس استحي اكلك
ومر الوقت وكاانما مر عليه سنين مر واجي زيدون
مثل ماوعدني وكف بالباب وكلي يله دنروح
....شدن اني راح اروح وباوعت على زوج شدن
جان ساكت اظاهر شدن كايلتله
كتله
....احمد اني ماادري شلون اشكرك لان استقبلتنا بيتك
كل هالمدة
....عيب تحجين هيج هذا بيت اختج معناتها بيتج بااي وقت
بابي مفتوحه الكم
...اشكر الله لان انطى شدن هيج انسان محترم وراقي مثلك
....انتي الراقيه و دربالج على نفسج
شدن،،،،حبيبتي
....هاخيال
.....يله راح اروح وعود تعاي شوفي بيبي
....اي كلش مشتاقتلها
...احمد عود جيب شدن حباب
....اذا تريدوها اخذوها وياكم ههههههه
...... هاتريد تخلص مني استاذ احمد
....لاحبي واني اكدر
وغمزلي
ضحكت على سوالفهم وتمنيت الله لايحرم شدن من هالسعادة
برغم وضع زوج شدن كلش طبيعي بس عدهم سعادة وهذا المهم
شنو فائدة الفلوس وهي متكدر تشتري السعادة
وراحه البال
وبوست شدن وطلعنا اني ومصطفى وصعدت ليكدام بصف زيدون ومصطفى كعد ليورة
بس زيدون ماتكلم ولا كلمه ولا اني حجيت والغريب انو جان مصطفى هم ساكت بس لان يمكن جان يريد ينام
اتصورت زيدون راح ياخذنا لبيت بيبي بس هو ودانا لبيت ثاني جان بيت حلو اول ماوصلنا نزل فتح باب الكراج وجان الكراج جوة البيت مثل السرداب
وبعد ماوكف السيارة نزل
وصاح مصطفى كله يله تعال
واني مكلي شي بس نزلت ومشيت وياهم ودخلت جوة
وكلي
.....خالتي جوة روحيلها
رحت ركض شفت بيبي نايمه بالغرفه الي جوة ورحت بوستها وجان وجهه اليوم احسن من اخر  مرك شفتها
كتلها
....بيبي شكد مشتاقتلج
واجه مصطفى وكام يسوي فعالياته هههه
وحركاته
....خيال شلونج
...الحمدلله انتي شلونج بيبي
....والله يايمه من رحتو كلش انقهرت وتعبت اكثر بس ماكو باليد حيله واني كبرت ورجلي باب كبري
....لااسم الله عليج عمرج طويل
سمعت زيدون يكول
...هاي شنو خالتي صايرة تدللين خاف تسوين هيج تريدين نزوجج
.....ههههه اي زوجني فدوة هههههه
....اي موتدللين اجيبلج شاب سبعيني هههه
.....اني مابقالي شي واودع
.....انتي الخير والبركه انتي من بعد امي 
.....الله يرحمه شكد مشتاقتلها شكد حنينه
وباوعت عليه كلتلي
....انتي اذكريني بيها جانت كلش حنينه علينا
شلون انتي حنينه على مصطفى وشدن
نفس الشي
ابتسمتلها
باوعتلي كلتلي
.....نياله الي راح ياخذج يحضن وجه الكمر وينام وشمحله الليل يصير مو زيدون
....اي
وخله وطلع
ضحكت بيبي كالتلي
......زيدون متغير لولا
.... مااادري
.....انتي شدتحسين
....اي متغير
...تعرفين ليش يايمه لان انتي متغيرتي وتصورتي الناس راح تبقى مثل ماهيا
.....يجوز
....مو يجوز اكيد خلي بالج شي واحد يابنتي اكو شغلات من تروح متتعوض مستحيل  وتبقى الها معنى وشكل مختلف
....اي صحيح
.......انتي كبرتي وصرتي حلوة والدنيا هسه بيدج افتهمتيني يمه
.....اي افتهمت
مع العلم مفتهمت شتقصد بالضبط بس كلت  اي
اكيد جان الكلام على زيدون

.....بيبي مبين عليج تعبانه ارتاحي والصبح نتحاجه
....ان شاءالله يمه روحي انتي هم نامي كون الله يهدي بالج ويريحج  ويسعدج وين متكونين
....بيبي حبيبتي الله يسمع منج يله هسه ارتاحي تصبحين على خير
....وانتي من اهله
....يله مصطفى كوم انومك لان طفيت  انت بعد
وطلعنا وسدينا الباب على بيبي
وصار بوجهي زيدون كلي
....خالتي نامت
....اي نامت واني  اريد راح اصعد انومصطفى
....براحتج
وعافني وراح
....بس لحظه اصعدة فو ك انومه
....البيت كله الكم اني مراح اظل هنا
....وين تروح لعد
....لبيتي
....وهذا بيت منو  لعد
....ميصير ابقى هنا انتي بنيه شابه واني مااريد يصير كلام زايد ناقص لهذا السبب جبت خالتي هنا يمكم حتى
لظلون وحدكم
....ممكن احجي وياك من بعد مااروح انوم مصطفى
....داريد اروح
...وين
.....وانتي شنو دخلج تحاسبيني قابل مرتي
....اسفه موقصدي
...تصبحين على خير وتعاي قفلي ورايه الباب
...وانت من اهل الخير
ومشيت ورا ولمن طلع قفلت الباب وعلكت المفتاح وصعدت مصطفى فوك نومته بالغرفه
ولمن رحت دانام ظليت افكرانو ليش ديسوي هيج
زين ليش جابني من بيت اختي اذا ديسوي هيج
ليش كلي متزوجين شنو سبب تغيريه
يجوز هاي المدة
الطويله الي ابتعدها هي السبب يجوز اكو شي صار
ونمت واني مقهورة ومغثوثه
وثاني يوم مابين زيدون بس المشكله انومصطفى عندا دوام لازم انقله من هذيج المدرسه لمدرسه هنا قريبه
بس لازم يكون زيدون موجود
ولازم انتظر
ومريومين ومااجه واليوم العصر اجى وجان ميباوع بوجهي
ولا يحجي ويايه يحجي ويا مصطفى ويابيبي
ومن ديطلع كتله اريد احجي وياك
وفتحت باب الصاله واشرتله
يعني هنا
راح كعد وكلي
.....ها خيال شكو
.....مصطفى شلون على مدرسته
....باجر انقله لهاي  المدرسه الي هنا اكو بعد شي
.....لا
....لعد اروح
......زيدون شبيك
......مابيه شي
.....ليش متغير
..... كل الناس يتغيرون
....وين جنت صارلك تلث اسنين كلي
...جنت مسافر
....معقوله
....ليش مامعقوله
.....اني شسويتلك
....هي هنا المشكله انتي مسويتي شي ولا راح اسوين
....حاولت استجع كل قوتي واكله  احبك بس شفته طلع من الصاله وعافني
وظليت جامدة بمكاني من تصرفاته الي مامفهومه
رحت على بيبي
......سئلتها اذا تعرف وين جان مختفى زيدون كل هالفترة
بس كلتلي كال جنت مسافر
....بس اني ماصدكت هو جان مسافر
هاي موتصرفات زيدون
زيدون انسان مو انهزامي  ولا معقوله انو هيج يروح ويغيب بلا اي سبب
ومر يوم مثل باقي  الايام واجى اليوم الي بعدة
وجاب ويا هوا بارد وجاب ويا مشاعر دافئه
مابين حب ومابين حنين ومابين شوق
صوت الجرس وصوت خطواتي
ولمن فتحت الباب شفت زيدون
جان شكله تعبان
ولحيته الطويله وشعرة الطويل الي مبعثر ومجان منتظم
مثل كل مرة اشوفه
.....صباح الخير زيدون
...هلووو
يعاملني برود قاتل وعدم اهتمام
....زيدون كافي عد
ندار عليه شبيج
....كافي تعاملني هيج ترة راح اروح
....ضجتي حسيتي هسه بيه حسيتي برودج
تعرفين شنو المفروض كل الناس تسمع صوتي بس انتي اسمعين  كلبي
.....اني موباردة ولا مااحبك
....تحبيني تعرفين ياخيال الاهتمام اجمل من الف كلمه عشق
احنا نحتاج للااهتمام حتى نشعر بالحب
ونحتاج احد ينطينا ‏
وردة بلاسبب حتى نشعر بلااهتمام
الكلمه وحدها متحسسني بالحب
اني اريدج تتعلمين تحبيني تحبيني كاانثى وكطفله
اني مااريد انثى بلا طفوله وبلا براءة
ولااريد طفله بلا انوثه
خيال مهما بلغ كبر العالم فهو ميمتلئ الا بشخص واحد نحسة
واحد بس
من جنت غايب عنج جنت اكول ياريت   نكدر تشتري المسافات  حتى اشتري اقربها الج
حتى اكون حاضر بكلبج وبعلقج
تكرار كلمته احبك بدون مااحسها مراح تفرق ويايه
انتي كبرتي ولازم تتغيرين او راح تشوفين زيدون
مختلف راح ابدي افكر بنفسي وانسى كلشي
...تنساني الي
...انسى كلشي
وراح دخل جوة  واني كمت الوب اريد احجي ومااريد احجي
ياالله شسوي اني ليش هيج ماعندي حظ حتى زيدون
ديسوي هيج ويايه اني شراح اسوي هسه
ولمن رحت لغرفه بيبي
وسمعته يحجي ويا مصطفى يكله
....اليوم العصر اجي اخذك نشتري شغلات للمدرسه
....عندة شكرا
...مجاوبني
......مصطفى حضر روحك العصر اجي اخذك
زين
بيبي كالتله .....اخذ خيال هم وياك خطيه
....لاشلون تعوفج وحدج غير مرة
....وشكو عليه الف راسي وانام
.....لا خليها بعدين مو وقتها
....اني هم مااريد اطلع وياك ولا راح اطلع وياك لاهسه
ولابعدين
.....يله خالتي اني راح اروح
مصطفى حبيبي حضر نفسك اليوم العصر
....مصطفى ممحتاج شي نشكرك وميطلع يكعد يقرأ
وعافني وكام وطلعت ورا حسيت نفسي مثل المخبله لازم احجي لان راح اطك  وكلبي يوكف اذا ماااحجي
...شبيج انتي تخبلتي
......اني راح ارجع لبيت اختي ونشكرك لحد الان
خلفله عليك ماقصرت عمو زيدون
....شنو عيني  شنو فدوة سمعيني عمو زيدون منو
.....حضرتك
.....حضرتي
.....اي
جان يجر يدي وكمشني من معصمي قوي
.قرب وجه على وجهي وعيونه جانت بيها نظرة عبالك  نظرة مال اسد
..... لج لتتغابين ويايه زهكتيني وكا

في عد ترة ضجت وتعبت منج شنو هاي التصرفات
نصيت صوتي وكمت احجي برقه
.....اني مسويتلك شي انت بتعدت ورحت ولمن رجعت متغير
شفت ملامحه صارت ارق وعرفت انو وجودي يمه
يخلي ضعيف وانو نظرات عيوني تخلي ميتحكم بنفسه ولايكدر يتحكم بتصرفاته حتى كمشت يده صارت ناعمه
.....اني اريدج  انتي
انتي لوعتي كلبي ليش متريحني ليش  من دترفعين  راحتي بيدج تعذبيني ليش
والله احبج  اني تعبان كلش والي مرعليه هوايه
تعرفين جان الشي الي منطيني القوة انو  ارجع واشوفج كدامي ابتعدت عنج  حتى تكبرين وتوكنين أوعه ماادري ليش هيجي اتعامل وياج
اني حبيت قبلج بس عمري ماخفت على الي احبها مثل ماا اخاف عليج ولاحبيت مثل ماحبيتج انتي
.....اني جنت انتظرك ومارحت من بالي من غبت عني
...وبرغم هذا من شفتيني جنتي هادئة لدرجه مومعقوله حسيت انو مافرقت وياج
جان يحجي وهو يلمس ايدي بااصابعه
حسيت هاي المسات بكلبي
شنو هذا الحب الي يخلي الانسان مجنون ويخلي قرب الشخص الي يحبه
يخلي يحس  بشعور يعجز اللسان عن وصفه ماااعرف
شنو هو
او شلون اعبر عنه سبحان الله من ينطينا هيج مشاعر شلون ويخلينا بنفس الوقت نحافظ على نفسنا
شلون احنا عايشين بس ميتين
....زيدون
.....نعم
....انت تحبني
....هههههه انتي صدك مخبله صارلي ساعه شداحجي
....اي اعرف سمعتك بس
...اي شنو كملي
....اريدك دكولها
.....احبج
ظليت صافنه عليه وسمعت صدى احبج بداخلي
....واني هم احبك
صفن عليه وجان يعوفني ويمشي
.....زيدون  اوكف
ندار عليه وكلي
....واني مااريد حبج
....شنو

يتبع...