قصة خيال ﴿ اليتيمه ﴾ حقيـقيه 💯-


بارت 3 شاركو القصه مع اصدقائكم

.....ان شاءالله يصير عندك
بس اني استغربت من كلي هيج واني عندي حركه اسويها من    انو اي شي ميصرفلي او مااتقلبه ‏ ارفع حواجبي وانزلها عالسريع بدون ماااحجي وجانت ماما تعرفني من اسوي هاي الحركه  وجانت تضحك و دكلي مثلج حركات ابوج بالضبط
بس اظاهر هو انتبه عليه فشفته ابتسم ابتسامه يادوب تبين
.....شوفي راح انصحج نصيحه واذكريني بيها ‏
انتي هسه كبرتي وراح تواجهين هوايه اشخاص ممكن يكلولج انتي حلوة او يمدحوج هوايه بس مو كل الي يكلج انتي حلوة معناته عندة فد غايه صحيح الدنيا صايرة غابه واكو هوايه ناس صايرة ذيابه بس مومعناتها الكل يطمعون بيج ويريدون منج شي
اكو يكلج حلوة لان هاي حقيقه لانج فعلا حلوة والي. راح يكلج
حلوة و يجوز هو بحد ذاته انسان  صريح وحب يعبر عن رائيه ‏ ‏بصراحه
او اكو شخص حب يجاملج
وانتي من راح تكبرين اكثر راح تفهمين انو كل رجال يباوعلج
من  نظراته  راح تعرفين شيريد ونظراته شتعني وشيريد منج وشنو غايته
ويبقى كلشي بيدج ويبقى ‏و انتي شلون تحافظين على نفسج
وتكونين ام واب لنفسج وتكونين ايضا قدوة لااختج واخوج
لان هما يشوفون بيج ام
افتهمتيني اني اتمنى انج تعرفين ‏قيمة نفسج ومتخلين احد يسترخصج
افتهمتيني
....اي افتهمت
...اي زين بس انتي حلوة فحذري  من الكل
.....اني مجان قصدي شي بس ماما دائما جانت ادكلي
من احد يحجي وياج شي او يكلج حلوة او يحاول يبين شي بكلامه
ابتعدي عنه واني دائما اذكر كلامها  وامشي بي
....عفيه عليج واني هم اكلج  سوي هيج بس راح تكبرين اكثر وتفهمين
اكثر وتعرفين انو اكو شغلات بعيدا كل البعد عن الجمال وكلمه
انتي حلوة اكو شغلات مختلفه   تحسيها متفهميها ويس افتهمتيني

هو يحجي واني صافنه على كلامه محسيته كلام اعتيادي حسيته ديحجي شعر شنو هلاانسان المختلف مزيج مابين انسان عدائي على انسان مثقف متفهم تكوينه غريبه
كتلها
...اي اكيد افتهمت
...زين هسه روحو غسلو وغيرو ملابسكم وتعالو تعشو
...اي
رحت للغرفه واني صافنه بعدني بكلامه وبااسلوبه
اكو ناس من نحجي وياهم نحسهم يكمشون كلبنا بكلامهم
ويخلون يدهم على نبضنا ‏
دخلت وشدن تحجي واني صافنه
...خيال  خياااااااااااال 
......ولج ليش تعيطين شبيج موعيب يسمعوج
....صار كم مرة اصيحج وانتي صافنه وبالج مو يمنا
....اووووف شتريدين شدن
....هاي شنو بيدج
.....ها نسيت والله هاي هدوم عم طه جابها
....ها زيدون  جابها
.....اي بس لصيحي زيدون عيب صيحي عمو انت هم مصطفى
....اي ميخالف
....يله مصطفى كوم ادخلك للحمام اغسلك
ودخلت مصطفى للحمام وغسلتله وطلعته ودخلته للغرفه وبدليتله
وجانت الملايس شويه جبيرة عليه بس اهمشي نظيفه وجديدة وجان فرحان وطاير بهدومه الي عليها رسم سيارات
وشدن هم غسلت وجانت هدومها هم شويه جبيرة بس هم
حلوة وبقيت بس اني كتلهم كعدو هنا اروح ادخل للحمام اغسل واجي لطلعون من الغرفه زين
...اي زين ننتظرج
وبعد ماخلصت حمامي شفت الهدوم جان بنطرون وبدي
لونه ابيض بس اني جانت الهدوم على كدي بالضبط
عبالك حافظ قياسي ومشطت شعري وطلعت رحت للغرفه شفت
شدن ومصطفى ماكو
رحت للمطبخ جانو ماكو رحت للصاله جانو كاعدين يباوعون تلفزيون
وجان كاعد طه وعمه زيدون واول مشافوني اثنينهم اندارو
عليه عم طه باوع ودار وجه بس طه ظل يباوعلي ويبتسم
اول ماكعدت جان عم طه يكوم وكال يله نتعشه
ورحنا للمطبخ واكلنه بدون ولاكلمه ولمن خلصنه
باوع عليه زيدون وكلي
....خيال انتي وشدن ومصطفى راح اظلون يمي منا لثلاث ايام وبعدين راح اوديكم يم خالتي مرة جبيرة وماعدها احد ولدها مزوجين وعايشه بالبيت وحدها اني رحت وحجيت وياها وهي كلش
حبت الفكرة وانتو راح ترتاحون يمها اني متاكد
من هذا الشي  وبعدين  انفكر شلون نرتب وضعكم

.....اني اشكرك هوايه بس حضرتك مامضطر تساعدنا  لهاي الدرجه
....اني ماتعلمت ادير ظهري وامشي لااي انسان محتاجني
واني قررت اساعدكم مولااجل شي لان هذا الي لازم يصير
.....شكرا
مجاوبني وكام وطلع برة بلحديقه
اني ماحجيت شي بس فجأة حسيته ضاج
....كتله ل طه
اني ماحجيت شي بس حسيت عمك تعصب كلش
....هو بطبعه عصبي بس كلبه كلش طيب
....اني ماتقصدت اضوجه بالعكس ماردت احس انو اني
داثكل عليه
.....ليش تحجين هيج ودائما تحسين انو الناس يشوفج فد ثكل عليهم عادي بسيطي الامور وخليها تمشي طبيعي والانسان اكيد يحتاج للمساعدة
....اني دائما اشوف الناس يحسوني ثكيله عليهم ومسؤولية  لهذا السبب مااريد احد يشوف  وجودنا ثكل عليه
..لاتحجين هيج بالعكس اني داشوف عمي فرحان بيج
وديحب يساعدكم وهذا الشي برغبته
اني اتمنى انج من تروحين يم خاله وداد ‏ تعيشين مرتاحه
هي  جبيرة وعدها احفاد وراح تحبكم كلش
.....بس اني مااعرف هي على اي اساس تتحملنا
....مدام عمي جابكم وهو كللها  تبقيكم يمها اذن هي راح تحبكم
صدكيني
...ان شاءالله
ومصطفى كام يصيحني ويكول نعسان
....شدن روحي ودي مصطفى ينام
....ميخالف يله كوم مصطفى
...خيال
....نعم
...انتي مراح تنامين
....لا

والله ماادري شعجب اليوم منعسانه روح نام اذا نعسان
انت وراك قرايه ‏
....اوكي اني مابودي اتركج كاعدة وحدج بس داتعب  من ‏القراية  ودانعس
....لاولايهمك روح نام تصبح على خير
....وانتي من اهل الخير
ظليت شويه كاعدة وشفت شدن اتاخرت رحت للغرفه شفتها نايمه هي ومصطفى طلعت وسديت الباب ومجنت نعسانه بعدني
رحت طفيت التلفزيون ورحت على الشباك شفت زيدون كاعد على الكرسي ومرجع راسه ليورة وخال رجله على الميز
ظليت اباوعه وبعدين رحت للمطبخ جنت قبل من ماانام بالليل اسوي كوب حليب اشربه
وهسه اجى على بالي اسوي كوب حليب وجاي اشربه
لان بيت عمتي متقبل اسوي  ومرة ضربتني وكلش اذتني
علمود كعدت وشافتني بالليل مسويه حليب وجاي وداشرب
من اذكر عمتي واذيتها كلبي ينخمط
واحس وجع ضربها بعدة بجسمي
بديت احمي الجاي وادور على الحليب بس مالكيته و كلت اكيد بالكاونترات الفوك بس مجنت اكدر اوصله اني طولي اعتيادي
واني جنت كاعدة داحاول اوصل  واكمز وسمعت واحد يضحك
نداريت شفت زيدون واكف باب المطبخ ويضحك
.....قزومه انتي بس لابعد مطولين
.....لااطول بعد هوايه ورايه
....ان شاءالله طولين بس هم تبقين كصيرة يعني لتحلمين
اصيرين طويله
...يله ميخالف شسوي
اجى وكف يمي
.....كوليلي شدورين
....الحليب
....هناك بهذاك الكاونتر روحي جيبي اذا دكدرين
.....اي عادي اصعد على الكرسي
....ههههه وخري خلي اني اجيبه
....لااني اجيبه ‏
...بعد ساعه مجيبي ومشى ‏ من يمي وراح جاب القوطيه مال خليب وخلاها على الميز
انتي شسوين بالحليب بالليل
...احب اشرب حليب وجاي بالليل  تريد اسويلك
....لا مااريد لان راح اطلع
.....هسه
...اي هسه
....يا متخاف تطلع هسه هو منو اكو بس الذيابه
....ههههه لااني مااخاف بس من الخالقني
واخاف بس من انو افقد الناس الي احبهم بس مااخاف
من شي ثاني
وصدك انتي وين وصلتي بالدراسه
....ثاني متوسط وصار الحادث وبعد ماداومت واختي هم نفس الشي ومصطفى اصلا مراح للمدرسه اني احاول اعلمه الاحرف والارقام بالبيت
....انتي كلش سباعيه وقويه ونادرا ‏ مانشوف وحدة بعمرج
هيج تتصرف
....يجوز
...لا مو يجوز اكيد
....اني راح اطلع هسه تصبحين على خير
وطلع وسد الباب وسمعت صوت المفاتيح ديقفل الباب
استغربت يطلع هيج وكت بالذات بالمكان الي احنا كاعدين بي وين راح يروح بهيج وقت
هذا الانسان شخصيته غريبه  والاغرب انو هو يطلع هيج وكت
وحدة ياترى  شنو السر الى ورا  هذا الشخص

يتبع ....

قصة خيال ﴿ اليتيمه ﴾ حقيـقيه 💯-


بارت 4 شاركو القصه مع اصدقائكم

معقوله يطلع ورا ‏ سر جبير زين هو شيشتغل صار
عندي فضول ‏ اعرف عمرة شكد شيشتغل مزوج لا وليش يجي هنا
كل فترة ويروح  شنو سالفته  وصار الفضول عندي ازيد وظليت انتظره وتعدت ال2بالليل وهو ماكو ولمن رجع  رحت للغرفه وسديت الضوة  وفتحت شويه من الباب وكمت اباوعً ردت اعرف هذا شبي
بس غرفتي الدرج يصير كدامها واني لمن جنت اباوع
شفته اجى وصعد على الدرجً وجان يمشي على كيفه بس عبالك جانت هدومه مخربطه مجنت هالكد اكدر اباوع بوضوح خفت لايشوفني اذا افتح الباب اكثر وجان البيت اظلم
ورحت نمت بفراشي وظليت افكر وبعدين محسيت على نفسي غافيه وكعدت الصبح على صوت اصياح وشفت مصطفى وشدن ماكو تخبلت كمت اركض عبالي صار بيهم شي طلعت شفت باب المطبخ مال برة مفتوحه ورحت بسرعه شفت عمتي دتعيط
وجان واكف زيدون وطه  واكو رجال جبير واكف يمهم
ومصطفى وشدن خاتلين ورة الحايط من الكراج ويباوعون
اول ماطلعت من باب المطبخ وجان اشوفني عمتي وجان تجي عليه ركض وجرتني من شعري  واجى زيدون ركض عليها
وجرني ‏وكفني ورا
....وكال لعمتي
.....طلعي منا ماااريد اشوفج واذا تمدين ايدج عليها اكسرها
....هذوله ولد اخويه انت لتدخل ليش اخابرلك الشرطه
...اذا بيج خير سويها وشوفي شسويلج انتي والشرطه الي تهدديني بيهم
روحي منا ترة وصلت ويايه لهنا
....انطيني جهال اخويه بااي حق مبقيهم يمك
....معليج انتي روحي منا انتي مرة جبيرة لتخليني اتصرف وياج
غير تصرف
....شسويلي قابل
... ‏يا أمة محمد  ترة دجيبين اخرتي وصارلج ساعه دوختيني روحي منا ميرجعولج بعد لان ميريدوج كوة خوما كوة
....اي انت مكيف بنات اثنين شابات يمك وهاي الواكفه تتحامه بيك حلوة وعيونك زغللت  عليها
....لو انتي مو مرة جان ضربتج ضرب لحد ماتموتين بس راح اسكت لان انتي خطيه مريضه لو مو مريضه متسوين هيج بجهال اخوج واخر مرة اكلج روحي ومااريد اشوفج بعد ولو يبقى اخر يوم بعمري مااخليهم يرجعولج والمن تريدين اجيبين روحي جيبي
بس اقسم بالله لاافتح عليج ابواب جهنم
وعمتي ادكلي
....لج خياااال تعاي هنا  والله لااكطع شعرج اني اعلمج تنهزمين من البيت ماعندج اخلاق اني اشوفج
ولج كوليله ‏ لهذا وتعاي رجعي ويايه
....جنت واكفه ورة زيدون وكتلها
...ماارجع  اني راح اروح بغير مكان
...ولج طالعلج لسان ولج معزايه  وين راح يوديج هذا
....احترمي نفسج عد زين صار هوايه اجاوزتي بس انتي لو رجال جانت ضربتج والله وكيلج هي ضربه وحدة واوديج يم العزيز الكريم   بس ساكت لان اكول عجوزة
ومخرفه
....اني مخرفه ‏
...اي خطيه واصله ‏ المرحله الاخيرة
....اوكف شوف شسوي بيك  اني اعلمك
....روحي منا روحي يله لضوجيني لحد الان ترة بعدني مضايجً
...انت واحد غريب بااي حق تتهجم علينا بالبيت وتضربني وتدفعني وتاخذ الجهال  مني
....هههه والله انتي موطبيعيه اني ماضربتج ودفعتج بس هسه دافكر اسويهن
.....مصطفى تعال يم عمه تعال امشي نروح للبيت واني اشتريلك الي تريدة
صحت عليها
....معليج بشدن ومصطفى وخلص منرجع عندج بعد منريدج
انتي سنتين عذبتينا ‏ وموتينا جوع ودكعدينا ودكومينه بالكتل
منريدج روحي منا
....سكتي لج ترة اجي اكسرج ومحد يوكفلج
....باوع عليها زيدون وجه صار احمر وعيونه كامت اذب شرار
....فكري تتقربين يمها بس فكري شوفي شسوي بيج
والرجال الجبير كام يحجي على عمتي يكللها
.....حرام عليج انتي هذوله الجهال تعذبيهم وضربيهم
انتي متخافين الله شلون واحد ‏يأمن بيج على هذوله الاطفال
والله اذا استاذ زيدون مراح يرتب وضعهم اني اخذهم يمي
الله واكبر شنو هيجي ماتت الانسانيه ودكاطعت الدنيا اخت متحن
على ولد اخوها وتعذبهم وتاذيهم حسبي الله ونعمه الوكيل بيج
شوفي الله شلون راح يعاقبج عقاب وكون عقابج دنيا واخرى
.عمتي كامت تنكر ودكول
.....اني مامسويتلهم شي فوك مامنومتهم ومكعدتهم وموكلتهم بلاش
زيدون,,،بلاش ليش موحتى اطلعين بالليل بالبرد خيال
تغسل الكراج
....لاماكو هيج شي
....لتكذبين اني شفتها
اني طهت عندي انو اكو احد كمشني بالليل من جتفي
ولمن نهزمت ورجعت عمتي دور مجان اكو احد وبوقتها شفت مفتاح بالكاع ولمن شفت طه اتصورته هو
بس هسه اتضحت الصورة انو زيدون هو الي جان بالكراج مال
بيت عمتي وهو الي كمشني وكع المفتاح مالته
بس ليش اجاني وجان يريد مني
وليش مذكرلي هذا الشي
ورجعت من صفنتي على ذكر اسمي
....خيال
...نعم
......بيج شي
...لا مابيه
وعمتي كامت ادردم وتحجي وتتحلف وخلت وطلعت من الباب. وطه جان ديحجي وهذا الرجال الجبير هم جان ديحجي بس
زيدون جان ديباوع عليه بنظرات وكاانما بيها علامات استفهام جان يريد يعرف سبب شرودي  شنو
بس اتفأجات ايضا لمن سمعت هذا الرجال يكله لزيدون
ابو اوس
‏يعني هو مزوج لعد ليش معايش ويا مرته
صارت عندي هوايه اسئله اتمنى اعرفها عنه مو علمود شي بس مجرد فضول اريد اعرف شي عنه
وبعدها دخلته للبيت وتريكنه وكالمعتاد زيدون ساكت وطه يحجي شويه لان يخاف من عمه و ميحجي ويايه كدامه كلش قليل
بس ورة الريوك زيدون طلع  من البيت

وطه كعد يسولف ويحجي ويايه بحريته
وعلى طبيعته وكلت خلى اسئله عن عمه و شنو موضوعه
....طه
....نعم
...صراحه عندي فضول
...بخصوص شنو
....عمك شيشتغل ومزوج لان اليوم لرجال صاحله ابو اوس
وشكد عمرة
....ها اظاهر فضولج صاير كلش قوي
...هههههه اي صراحه
.....باعي عمي عمرة 31سنه  اصغر واحد بعمامي
هو يشتغل مقاول هذا الي اكدر اكوله وضحك طه
وهو جان مزوج زوجته اسمها فداء وعندة ولد اسمه اوس بس انقتلو
وعمي بعد مزوج وعايش وحدة
....ياخطيه  اكول شكله دائما حزين بس شلون انقتلو
.... باعي لتحجين كدام عمي لان يضوج احد يحجي بهذا الموضوع واني هسه راح اكوم وبعدين  نسولف
وكام طه وراح بس عافني بدوامه   وانو هو صدك مثل مافكرت اكو سر ورا وليش انقتلت زوجته اني كمت اخاف
اكو شي غامض  بس كلت يله هي يومين واروح منا اني شعليه
ليش ادخل زيدون بالنسبه النا ساعدنا وانسان جيد ويانا
اني شنو الي دخل بس المشكله بلاانسان دائما يكون عندة فضول
ويحاول يعرف كل الي داير مدايرة اذا كان هذا الشي يهمة او لا
يحاول يعرف كلشي لمجرد الفضول
كمت دخلت جوة وكلت خلي اسويلهم اكل صار يومين يجبون اكل من برة واني اكلي طيب  خلي اطبخ وكمت ادور على الغراض واسوي اكل وجان مصطفى يلعب ويكمز وماخذ  راحته
وشدن جانت دساعدني
ولمن خلصت الاكل رحت كعدت بالحديقه لحد ماسمعت
مصطفى يكلي
.....اني جعتً وداشتم ريحت  ‏اكل طيبه
...هههه اي اليوم الاكل طبخ مال بيت صنع يدي
....يله خلي ننتظر عمي منا لشويه بلكي يجي واذا تاخر ناكل زين
.....زين ننتظر
وشفته كعد يشاقه ويامصطفى ويسولف ويا شدن
وشدن صافنه عليه ضحكت عليها
شدن جانت كلش مدللة ومدتكبر وياريت لو يصير تفكيرها مثلي حتى اطمن ‏ عليها
وسمعنه صوت الباب نفتحت ودخل زيدون
اول وحدة باوع عليها اني  وشاف مصطفى واشرله كله
....تعال
مصطفى راح بسرعه
‏ ‏انطى علاكه  بيها غراض وكله هاي كلهن الك
صراحه انقهرت عليه يمكن جان يتخيل بمصطفى ابنه ‏ الي مات
كلبي نكسر عليه
وشفته يلعب بشعر مصطفى ويضحكله
شويه وجيت ابجي كلش اتاثرت بحيث عيوني غوركت اني بطبعي كلش عاطفيه بحيث من اشوف احد يبجي كدامي اكوم ابجي
ولمن ديدخل زيدون للبيت شافني كلي
...شبيج خيال
....مابيه شي
....لعد شبيها عيونج شنو جنتي تبجين
.....لا
ظل يباوع عليه وهز راسه ودخل جوة
ودخلت ورا وبديت احضر الاكل. وسمعت صوت على الدرج
عرفت انو زيدون نزل من فوك
ودخل للمطبخ وكعد على الميز وماحجة  اي شي
وصاح طه
....اي عمو
....يله تعالو اكلووو
....اي جينا
‏وحضرت الاكل وخليته على الميز جنت اباوع زيدون
ياكل ويباوع على مصطفى ويبتسمله كل شويه
واني كلبي كام يوجعني عليه
كلت بكلبي الله يساعدك شلون متحمل 
بس هو مبين انسان يكابر هوايه
اما بالنسبه لشدن يحجي وياها كلش طبيعي ودورات اشوفه يضحك على سوالفها بس ويايه جان يباوعلي ويصفن وبعدها يدير وجه ماادري ليش احسه  ‏يذكر بيه شي
او من يشوفني يحس بشي يأذي ماااعرف مجرد احساس
ويجوز احساسي غلط ويجوز مثل ماكلي بعدني صغيرة ومشاعري
مو واعية
وبعد ماكملنا الاكل هو كام صعد لغرفته وبعد ماشفته وطه جان يقرا واني هم دخلت للغرفه وظليت افتر بيها ماعندي شي اسوي
ولمن صار العصر طلعت وسويت جاي وطلعت بسكت
وصحت طه  كتله
....طه وين عمك خلي يجي يشرب جاي
....يمكن فوك
...ادز مصطفى يكله
....يله دزي وخلي نطلع بالحديقه واني راح اطلع قبلكم شويه افتح المي اسكي الزرع
...زين
....مصطفى
....ها خيال
....باع اصعد فوك صيح عمو زيدون كله تعال اشرب جاي
....هسه اصعد
ومصطفى كام يركض على الدرج
....مصطفى لتركض لتوكع
وصعد مصطفى بس طول كلش
كلت هذا وين راح دادز شدن شفتها برة يم طه
كمت صعدت اني شفت  باب الغرفه مال  زيدون مفتوحه
باوعت جان زيدون نايم ومصطفى نايم على يده
وماادري شيكله ومصطفى طاك من الضحك
ظليت واكفه اشوفهم لحد منتبه زيدون عليه
....اشو واكفه
.....مواني دزيت مصطفى يكلك تعال سوينا جاي وراح نطلع للحديقه نشربه
...اوكي
...وكال لمصطفى يله انزل جوة قبلي
ومصطفى كام ركض ولمن ديركض وكع اوراق جانت على الكومدي
الي يم الجربايه مالته ونهزم
وصحت على مصطفى
....اني اعلمك مصطفى شوف شسويت
ورحت وكمت الم الاوراق  وزيدون جان واكف يباوع عليه
لمن وكفت وخليت الاوراق على الكومدي ونداريت داروح
سمعته يكلي
.....اشو باعيني
....شكو
....هاي صار ثالث مرة من تشوفيني اباوع عيونج بيها دموع
شبيج خايفه مني
اني ماااذيج صدكيني
.....لامخايفه منك بالعكس اني احس هنا بيتك احنا باامان ومحد يكدر ياذينا
....لعد شبيج
.....مابيه
.....متريديني احجي وياااخوج
.....لالويش مااريد بالعكس افرح
...لعد شييج شكلج طه
....ماكلي شي
.....متاكدة
.....اي
.....كلج عندي ولد مات مو
...ماكدرت اكذب كتله  اي
....لتخافين مااسوي شي لااخوج صحيح اخوج يذكرني باابني
لان من عمرة تقريبا
....اني اسفه وموقصدي تاذي اخويه بس صراحه انقهرت كلش
....شنسوي هاي الحياة
....انت تشتاقلهم ا

كيد
سكت وظل يباوع بوجهي وكاانما اخذته الدنيا ودته لغير دنيا
.....وجر حسرة
.....هوايه اشتاقلهم
....الله يكون بعونك وينسيك وان شاءالله تزوج ويصير عندك اطفال
.....تعتقدين
...اكيد احنا هم فقدنا ابويه وامي وتعذبنا هوايه يس شنسوي ماشيه حياتنا ‏
.....بس الي احس بي يختلف عن الي تحسون بي انتو
مفتهمت قصده مكدرت اجاوبه لان ماااعرف شيقصد
....اني راح انزل جوة  واذا تحب تعال اشرب جاي
....هسه أجي

يتبع ....

قصة خيال ﴿ اليتيمه ﴾ حقيـقيه 💯-


بارت 5 شاركو القصه مع اصدقائكم

((عندما نفتح باب قلبنا ويدخل الحزن الى اعماقنا ويتغلغل في مسام مشاعرنا وتصبح ايامنا ‏سواسيه ويصبح حزننا اكبر جزء فينا عندما نرى في بعض الاحيان وجعنا في غيرنا ‏ ‏ونرى ظلمت ايامنا في نورنا وننسى كيف يكون
يومنا جيد وكيف تمر لحظات بدون ان تسقط دمعتنا
اين مفتاح قلوبنا لكي نغلقها الي الابد ولكي لانحزن بعد الان)))
،،،،،
زيدون انسان غريب بس بي هوايه اشياء حلوة شهامته وسباعيته
بس كلامه مامفهوم وهسه من حجه ويايه مفتهمت قصدة
ردت ابتعد عنه
وفعلا هذا الي سويته
ونزلت جوة وحضرت الجاي مثل ماكلتله وطلعت للحديقه
وانتظرته يجي
واجي وكعد كدامي وقدمتله الجاي وجان يشرب على كيفة
وهم كام يباوعلي وكمت انزعج ماادري ليش
ولكن احس  انو عيونه تتفحصني
معقوله يريد مني شي معقوله ديفكر بيه بطريقه غلط بس ليش
احس دورات ورا هاي  نظراته  ‏شي مختلف
احس اكو كسر اكو مشاعر محطمه
وسمعته يكلي
....باجر تحضري الصبح اوديكم لبيت خالتي
...انت كلت تلث تيام تبقون يله اوديكم
رفع حاجبه
....لا راح اوديكم باجر ليش متريدين تروحين
....لا اكيد اريد اروح
....اي زين لعد تحضري باجر اوديكم
....ان شاءالله
.....طه
.....هاعمو
....مداشوفك تقرأ
......لاوالله عمو داقرأ حتى اسئل خيال
.....طه هذا مستقبلك لضيعه  وبس هالفترة اضغط على نفسك
وهسه روح اقرأ و اني من شوكت د اسمع صوتك تحجي ويا شدن ومصطفى
....اي عمو  راح اكوم
....اخذ جاي وياك
...اوكي عمو
وكام طه وهو يتأفف ودخل جوة ومصطفى جان ديلعب وشدن
كاعدة
وكل شويه تسئل زيدون  سؤال وهو يجاوب
وكلتله
....انت ممزوج ماعندك اطفال
حسيته كلش ضاج
كتلها
....شدن اخذي مصطفى للغرفه خلي يلعب واني هسه اجيكم
...ليش مو دنسولف
.....شدن كافي عد ميصير هيج
...اني شسويت
...دخلي جوة واخذي مصطفى
دخلت شدن كتله
.....اني اسفه بس هي متعرف  شي
....تختلف عنج حاولي تخليها تكون مثلج حتى تكدر تعيش
....ان شاءالله اني داحاول دائما وياها
..... لتظنين اني اريد اخلص منكم وداوديكم  اني داحس ‏بمسؤوليه اتجاهكم  بس داشوف روحتج قصدي روحتكم
افضل
....اكيد انت تعرف بهذا الشي واحنا شاكرين الك ونقدر تعبك ويانه وفعلا دورات الانسان الي منعرفه يوكفنا ويساعدنا اكثر من
الي يعرفنه ‏
.... اني ماسويت شي واني اشكركم لان وجودكم
بالبيت خله  ‏اكو روح
...يعني ولو فضول مني بس اني مجنت اشوفك تجي  هنا للبيت كلش قليل يعني جنت اشوف الاضويه. يشتغلن شويه وينطفن
وكل فترة
.....اي صحيح  بس مومعناته اني مو بالبيت  دورات اجي واطفى الاضويه ودورات اجي بوقت متاخر بالليل واطلع الصبح من وقت وفعلا بعض الاحيان ماااكون موجود هنا
بس احب اجي هنا احس بوجود روحي الكي روحي الفاقدة
بس ماااعرف راح تبقى هيج مشاعري لو راح تتغير
راح ابقى ابحث عن روحي
ظليت ساكته
....خيال
....نعم
....شتريدين تعرفين عادي احجي اي شي اجاوبج
....صراحه
....اي الصراحه اكيد
.... انت ليش اجيت لبيت عمتي بالليل
وبدون مااكمل كلامي وجه تغير
.....شوكت اجيت
...بالليل من جنت داغسل الكراج اني ماشفتك بس عرفت انت
وبوقتها كمشتني واني نهزمت دخلت جوة
....منوكلج اني
.....يعني  مو انت
...لااني
....ليش
...مجاوب وكف
وحسيته جان يريد يتهرب مني ويتهرب من الاجابه بس فجأة كلي
.... اني من زمان جنت اشوفج وحبيت اساعدكم
...بس ليش اجيت للبيت
..... ليش دسئلين
....هيج مجرد فضول اريد اعرف
....واني مااريدج تعرفين
...ليش
....احسن الج
....لاتزعل من كلامي بس انت انسان غامض وعندك غرابه وتصرفاتك ايضا غريبه
....ليش غريب
...يعني اجيت لبيت عمتي ودافعت عنا وانت متعرفنه وخروجك بالليل وحدك
.....ليش مركزة ويايه
.....ههههه لا مواني الي مركزة
......شنو قصدج
......اني اسفه موقصدي شي وراح اتحضر علمود باجر نروح
والي سويته ويانا راح اظل طول عمري  كله ‏ااذكره
.....ياريت
......شنو يعني
.....قصدي ياريت اظلون اذكروني
.....صراحه انت  انسان كلش حزين اتمنى اشوفك سعيد
لان تستاهل
سكت وشال الكوب مال جاي وشرب منه شويه ورجعة على الميز
.....ماكو واحد يحس بوجع واحد كل واحد يحس بوجعه وبس
موصحيح ياخيال
وابتسم
اسمج دائما اردده  كلش حبيته غريب مثلج
ضحكت بخجل
....اي الكل يكلولي اسمج غريب
.....خيااال اسمج بي الف معنى
وعافني وكام
واني هم دخلت جوة واجي الليل وطلع زيدون واني اباوع عليه من الشباك
وهالليله جافاني النوم ردت اعرف وين يروح
يوميه بالليل
وبعد مانامو الكل طلعت كعدت اباوع تلفزيون لحد وكت متاخر كلش وبعد مدت طويله سمعت صوت الباب تنفتح وخطوات
بطيئة  ولمن وصل يم الدرج رجع وشاف التلفزيون مفتوح
اجي عليه كلي
....شعندج كاعدة لحد هسه
....منعسانه
شفته زين جان بي ملامح تعب وجانت هدومه تراب
....انت ليش هيج صاير بيك
.....شنو شبيه
....هدومك كلها تراب ومبين تعبان
.....اي هسه ادخل اغسل
...تريد اكل
....لامجوعان
....تريد جاي
....شتريدين خيال
....ماااريد شي
....لاتريدين
......تصبح على خير

ومشيت من يمه وجان يجرني من يدي وكفني
...... خيااال مااريدج تكونين قريبه مني سمعتي وانتي باجر راح تروحين
....بس اني ماااجايه كاعدة يمك
....ههههه لا موقصدي تكمشيني او دكعدين بصفي قصدي
وسكت ,,,,,,,.,,.....,..,,,,شلون افهمج
باعي خليج بعيدة عني
....شلون يعني
....لج بابه شنو شلون انتي ليش مدتفهمين
...انت ليش تصيح عليه اني مسويتلك شي حبيت اساعدك او اسويلك اكل جاي بس
....ياالله منج خيااال لصيرين طفله ويايه رجاءا انتي صدك
مدتفهميني لو دتحاولين ضوجيني
....اني اروح انام احسن
...صوجي بقيتج جان المفروض اوديج من اول يوم
...وين توديني
....لاحول ولاقوة الابالله
وكام يتنهد وطلع الباكيت مال جكاير وكام يدور على الجداحه
ومالكاها
ورحت اني ركض جبتله وحدة من المطبخ واجيت
وصلت يمه ومديت الجداحه
اخذها مني وشعل الجكارة وراح كعد على الكرسي
وخله رجله على الطبله الي كدامه واني بعدني واكفه
واباوع على تصرفاته الي مدافهمها وعلى كلامه الي مو واضح
....خياااااااااااال
....نعم
.....اني تعبان كلش وضايج ومخنوك واريد احجي
واحد يسمعني اريد اتنفس لان داحس النفس
بيه كام يضيق داحس الدنيا بدت تصغر بيه
كلش انقهرت
وعيوني كامت تلمع بدمعه
رد كلي
.....اني ابد ماااحجي ويا احد عن الي بكلبي لان مااعتقد احد راح يفهمني وحتى انتي مراح تفهميني
....الانسان لازم يحجي الي بكلبه حتى يرتاح
....مااتصور
تعرفين اني حاولت هوايه اتغير وانسى  بس اكو شغلات بينا اكبر منا
ومراح يفيد الحجي لان صوت الوجع الي بروحي مديسمع
...ان شاءالله ترتاح والله يعوضك
....مااتصور الي يروح ميرجع وماكو شي يتعوض
اني حاولت انسى بس ملكيت نفسي
تعبان تعبان تعبان
جان يردد هاي الكلمه واني مجنت افهمه لان هوايه كلام
احسه عبالك لغز لان مدافتهم  هو بالضبط على شنو ديحجي
بس كنت اقنع نفسي انو هو ديحجي عن زوجته
وابنه  ودورات احس الكلام عليهم ودورات لا مااعرف بشنو
ديفكر او شنو باله
ندار عليه وشاف عيوني تلمع
......ههههههه ياالله شكد حساسه انتي وشكد بجيتي صارلي سنه اشوفج يوميه تبجين جان المفروض مااخليج تبجين
المفروض اخذج من عمتج من زمان
خيااال هاي العيون الحلوة ماالمفروض تحزن  ضحكي بعدج
صغيرة والحياة كدامج  وكلشي ان شاءالله يتغير
واني مجان قصدي ابجيج بس دورات احب احجي وياااحد
ميعرفني احب احجي وهو يسمعني
روحي نامي وباجر تحضري انتي وشدن ومصطفى الصبح
اوديكم
تصبحين على خير
...وانت من اهل الخير
ودخلت لغرفتي واني صافنه بكلامه الي مافهمت منه شي وبعدها
نمت وكعدت الصبح من وكت وتحضرنا  اني وشدن ومصطفى
وكعدنا تريكنا ‏ وجان زيدون واكف ماقبل يتريك
كلي يله
سلمت على طه وصعدنا بالسيارة وكعدت ليكدام يم زيدون
وشدن ومصطفى ليورة
وظل يسوق والطريق كله ساكت وبعدها وصلنه لبيت
جان شكله طبيعي من برة بي حديقه صغيرة كلش
ونزل زيدون وفتح الباب ودخل السيارة للكراج ونزلنا احنا
وطلعت مرة جبيرة سلمت علينا  جانت بكوة تمشي
ودخلنا للبيت واحنا مستغربين واحد لازك بالثاني اني واخوتي
وبدة زيدون يحجي وكال
....خاله هذوله امانه يمج دربالج عليهم واني مثل مفهمتج
..اي خاله بعيوني
....اني كل كم يوم اجي اشوف شمحتاجين
...اي عيني هلا بيك
....يله اني راح اروح
واشر لمصطفى تعال ومصطفى راحله وبوس مصطفى
وسلم على شدن وباوعلي
وكلي
.....دربالج على نفسج وعلى اخوتج
...انتي تجي مو
.....انتي تريدين اجي
....اي ياريت
ابتسم ،،،لعد اجي ومن تريدين شي كولي لخالتي وهي دكلي
.....شكرا
....تدلل خيال
ودار وجه وجان ديطلع وحسيت كلبي نخمط يمكن لان هو الوحيد الي ساعدنا وهسه احنا بمكان غريب
....خيااال
.... سمعت زيدون ديصيحني
.....نعم
.... تريدين شي
....لا تسلم
....لتهتمين لشي طوال مااني موجود
...تسلم انت ماقصرت ويانا   ‏ ‏
....مع السلامه
....الله وياك

يتبع ....

قصة خيال ﴿ اليتيمه ﴾ حقيـقيه 💯-


بارت 6 شاركو القصه مع اصدقائكم

اول مندار زيدون وراح سمعت خطوات ‏ ابتعادة ‏ وصوت سدت الباب حسيت برد وبفراغ بغربه
من نكون فاقدين الامل بكل الاشخاص  الي ‏ ‏حوالينا ومن بين كل وجوة الاشخاص  المعتمه
يطلع ضوة  ‏وامل وطريق مفتوح اكي راح نتمسك بي بكل قوتنا
‏وراح نحس بجدار ممكن يسندنا  دورات الانسان
يحس بلاامان وياانسان ميعرفه واحنا بيت زيدون
جنة نشعر بااامان كلامه ودفاعه عنه
ولمن خلاني بظهرة  ودافع عني كدام عمتي وتعامله ويا مصطفى
وشدن
كل هذا يخلي انسان جيد وانسان قريب منا
‏ ‏سمعت المرة الجبيرة دتسئل مصطفى

....شكد عمرك
رديت اني
.....عمرة 6سنوات وشدن 13سنه واني 16سنه
.....ماشاءالله
الله يطول بعمركم ويحميكم ويحفظكم وان شاءالله تكون حياتكم سعيدة
...اشكرج خاله
....انتي خيال مووو
...اي
....اكثر وحدة زيدون  سولف عنها كلي مختلفه وأعيه برغم صغر سنها وقويه وسباعيه
ومن وجهج  وكلامج وكفت اخوانج يمج عبالك ديتحامون بيج
مبينه  انتي مثل مكلي زيدون واكثر

...اشكرج خاله وان شاءالله منزعجج ومنعذبج ونشلع كلبج
والي تريدي احنا حاضرين.
....حبيبتي بنتي انتو من عمر احفادي واني احفادي مااشوفهم
هوايه وهسه انتو مثل احفادي ان شاءالله مااقصر وياكم
صحيح الصحه على الكد يايمه بس الي يطلع بيدي اسوي
وزيدون هم ميقصر كال كل كم يوم اجي امراكم واشوفكم
شرايدين مرايدين
..ان شاءالله
....شوفي بنتي هاي الغرفه الجوة مالتي بس اكو فوك غرفتين
هاي الكم وزيدون رتبها هم وجابلكم بيها تبريد وغراض
فيابنتي هاي تنامون دكعدون تقرون بيها وانتو هنا جوة هم ويايه تونسوني واونسكم
...اي خاله
....لدكولولي خاله كولولي بيبي زين  ترة ازعل
...ان شاءالله
....بنتي صعدو فوك ودو غراضكم ونزلو جوة نسوي غدة سوا
...اي خاله
...ها شكلنه
....ههههه اسفه بيبي
....اي عفيه
صعدنا فوك وشفنا الغرفه جانت حلوة وبيها وثلاث جربايات وكنتور جبير
ومرتبه ومفروشه خليت العلاكه مال ملابسنا
ونزلت جوة وظليت وياهاي المرة بالمطبخ اشيل واخلي وسوينل غدة وتغدينا وسولفتلها عنه وعن عمتي وعن زيدون شلون جابنه  يمه
وشلون ساعدنا ‏
ضحكت
....اي اكيد زيدون يساعدكم لان زيدون كلبه طيب كلش
وميكدر يشوف احد محتاج وميساعدة بس سودة
عليه حظه ‏ ‏ بالدنيا قليل
....اي اني عرفت بزوجته وابنه
...سولفلج هو
....طه كلي بس هو هم حجه ويايه شويه
....مواعرف بي ميحجي ويضم ‏ بكلبه بس اني يحبني
واني هم كلش احبه والله اشوفه احسن من ولدي الي ميجون يشوفني كل شهر مرة وعافوني بكبرتي بهالبيت وحدي
بس زيدون دائما يجيني ويسوكلي ويكعد يسولف ويايه
الحمدلله  ‏الله يسخي مايكطع بعبدة شلون وكف الله زيدون
بدربكم وخلصكم من ظلم عمتكم حسبي الله ونعمه الوكيل بيها
شلون قلب قاسي
هم اكو هيح ناس والله زيدون جان يسولفلي من زمان عليكم
ويكول هالخيال ماوكفت دمعتها يوميه اشوفها تبجي تطلع
تكعد يم النخله الي بنص الحوش وتبجي
وجان كلبه ينكسر عليكم
،،،
اني سكتت  وكلت بكلبي والله يازيدون كل شويه مكتشفه ‏
عنك شي
.....هو ليش ميزوج
....منو قصدج زيدون
....اي
....يابنتي القلب من يعشك صعب ينسى وهو يحب
شلون تريدي يزوج
....وليش ميزوج الي يحبها
....صعب يايمه يزوجها اكو شغلات متصير مترهم وهو مجروح
وكلبه ينزف
....اني كلش انقهر عليه واكوم ابجي من يحجي
...ضحكت
اي كال كلي خيال ام دميعه بسرعه تنقهر وتتااثر
... انتي اتقصدين مرته
......مرته مسكينه راحت هي والطفل  من ورا هالدنيا
التعبانه
اوس ابن زيدون  جان كلش حلوة عبالك طير ذهب يشبه زيدون بس ابيض مثل امه بس عيونه عيون ابو  وزيدون  جان  كلش فرحان بي 
وممصدك وطاير بي وتالي ياحسرتي عليه
لجم كلبه
.. خطيه الله يساعدة صدك صعب احنا مارين بهيج موقف
....الله يكون بعونا يابنتي كلنا عدنا قهر وكل واحد قهره شكل
...خاله انتي ليش مو احد من ولدج يمج
.....اوف اوف مواكلج كل واحد همه شكل
اني عندي ولد اثنين وبنيه وحدة بنتي الجبيرة
سافرت اول مصار السقوط رجلها ضابط كمشو وسجنو وهي خافت على ولدها لان عدها تلث ولد وسافرت
وعندي  ولد اثنين مزوجين وكل واحد كاعد بيت وحدة
يايمه نسوانهم ميريدوني  ومن اروح يمهم اشوف الوجوه   تصير ثكيله فاارجع لبيتي واكعد واسكت
وهما كل شهر يجوني مرة لو مرتين
...ليش هيج شلون يعوفوج وحدج
...شسوي يابنتي المهم هما مرتاحين وسعيدين اني عايشه اليوم معايشه باجر علويش اكسر الخواطر
....يااالله شكد كلبج طيب نيالهم عليج
...حبيبتي ام وجه الحلو ميلام زيدون من كلي
اخاف احد يطمع بيها
وخلت يدها على يدي وكالتلي
...يله يمه اني اليوم كلش تعبانه اريد شويه ادخل ارتاح
... روحي ارتاحي
...بس يمه موتخليني نايمه شويه وكعديني
....تدللين
فدوة
وكمشت خدودي
وراحت لغرفتها وسدت بابها وجنت مندمجه وياها بالكلام وبسوالفها وبكلامها الحنين ‏وجهة المتعوب والي مبين عليه علامات الكبر بس بي طيبه وملامحها بيها رحمه عكس عمتي

ونداريت وشفت مصطفى نايم على التخم ومتغطي بربطت الصلاة
مال المرة ضحكت عليه وجانت شدن دتقرا كتاب استغربت
كلت صدك ماسمعتلها صوت ابد
....شدن شسوين
مجاوبتني ،.....ولج شدن
....ها شكو شصار
....ها شدتقرين مو من عوايدج
... ليش قابل شبيه
....ميلج هذا الكتاب
...لكيته فوك يمكن عمو زيدون عايفه الج بس تخبل شلون قصه حلوة
...عايفه الي
.....اي
كمت رحت يمها
....اشو انطيني
واخذت الكتاب وجان مكتوب على اول صفحه من زيدون
الى خيال وعلامة استفهام
اخذته ومقبلت انطي لشدن بعد
....خيال انطيني الكتاب
...هو الي مو الج
...حبابه مو صار ساعه اقرا بي
.....ماانطيج الكتاب
...اي اكو بعد واحد اروح اخذة
....ليش اكو بعد
....اي جانن اثنين اروح اخذ الثاني لان عفيه هنا كلش ملل
هناك جنت ملتهيه ويا طه ويا زيدون وتعلمت على البيت هنا احس نفسي مستغربه
....كم يوم وتتعلمين  على البيت ودكومين مضوجين
....راح اصعد فوك
.....صعدي
باوعت شدن صعدت ومصطفى نايم وجان البيت هادئ ‏ ‏
فتحت الكتاب وقريت العنوان (((( شاطئ الاحلام )))
ظليت اقرا بيها وندمجت واخذني الوقت 
وماادري ليش كنت احس البطل الي بالقصه زيدون
ماااعرف يمكن لان يجوز هو الي جابلي هذا الكتاب
وليش جابه الي شنو السبب  يجوز يريدني اثقف
وسمعت
.....خيال ليش ماكعدتيني شوفي شكد نمت
.....ها بيبي اسفه والله نسيت كعدت اقرا ونسيت اكعدج
عذريني
...لا يله عادي بس هسه اليوم اسهر واسهرج ويايه
....ههههه عادي ميخالف اسهر وياج
وسديت الكتاب وكلت اكمله بالليل
ومشى  ‏اليوم ومشى الي بعدة واحنا بالبيت يم هاي الانسانه
العظيمه سبحان الله ميكطع بشر تنسد باب تنفتح ميت
باب
مرتاحين كلش بس جان بالي ليش مااجي بعد زيدون صار 4ايام احنا هنا
ليش ماكو هو
واليوم جان مسواك ماكو بالبيت وكالتلي بيبي
طبعا انكللها بيبي لان من نكول خاله تزعل كلش
وهي تستاهل على هالحنيه نكللها بيبي ‏
....خيال تجين ويايه نروح نسوك
....اي بيبي
....يله لعد بدلي هدومج
....اي هسه ماااطول
وصعدت لبست الملابس الي جابها زيدون لان مجان عندي غيرها وسويت شعري ظفيرة ‏  واني شعري طويل
ونزلت كتلها
...بيبي كملت
....يمه هاي الدنيا باردة شلون طلعين بطرك هذا
باعي اكو بالكنتور مالتي جاكيت مال ميمونه بت ابني اخذي لبسي يمكن على كدج
،،،
رحت وطلعته من الكنتور جان جاكيت لونه ماروني شكله كلش بسيط ونازك لبسته على كدي وطلعنه وصيت شدن على مصطفى
ورحنه اسوكنه واول مادخلت للسوك جان اكو ولد كل شويه يذبلي حجايه
واني خجلت وسويت  نفسي مامنتبه عليه
بيبي كالتلي
....هذا شلون ميستحي اروح ارزله
....لا عوفي خلي يولي
وخلصنه المسواك وشلت العلاليك وكمنه نتمشى على كيفنا وهذا الولد يمشي  ورانا وصلنا للبيت  ‏
وجان اشوف زيدون واكف بالباب وجان ديباوع على هذا الي ديمشي ورانا ولمن وصلنا يم زيدون
الولد هذا راح  لان شاف زيدون واكف
بس زيدون تخبل وضاج كلش بس محجه شي
....اشر انو ندخل جوة
....هلووو خاله شلونج ومسلم عليه
...هلو شلونك ابني شو ماكو صار كم يوم
...رفع عينه باوعني والله شويه عندي شغل
...الله يساعدك ابني
....اي شلونكم مرتاحه خاله شلونهم وياج
....فدوة لعمرهم نعمه والله مونسيني وخيال متخليني اسوي شي
باوع عليه
...اي مبين شعجب طالعين للسوك
...والله ماعدنا مسواك شنسوي
....مواني جبت مسواك ويايه
....موعبالي متجي
ومصطفى اجي وكام يشاقه ويا زيدون وشدن ضحكتها وصلت يم اذانها وكعدت تحجي وماسكتت
واني اخذت المسواك ورحت افرغه
وسمعته
....هاي شلابسه وشلون طلعتي هيج
....ماعندي بس هذا اللبس وهذا انت جبته ‏
....اي للبيت مو للطلعه وانتي كبرتي شوكت تلبسين حجاب
انتي هسه محسوبه عليه ماااريدج تغلطين
....بس اني ماسويت شي
.....ولا راح اسوين داحذرج  ومنو هذا الي جان يمشي وراكم
...ماااعرفه
.....اي مو شافج حلوة ولابسه هيج طبعا يلحكج
...بعد مااطلع
...احسن
.....انت شنو

يتبع ....

قصة خيال ﴿ اليتيمه ﴾ حقيـقيه 💯-


بارت 7 شاركو القصه مع اصدقائكم

.....انت شنو وردت اكمل بس سكتت لان جان مخنزر عليه
...اني شنووو خيال
...الي تريدة يصير
....مو الي اريده  يصير  اريد يصير الشي الصحيح اني معليه بيج
...هسه انت موكلتلي انتي مسئوليتي ومحسوبه عليه هسه
دكلي معليه بيج
....لااله الاالله موكمتي تخربطيني  قصدي اني اريدج تسوين
الشي الصحيح
...ان شاءالله
...شكد  ،،،،،وسكت وطلع من المطبخ
يوم عن يوم ديزيد هذا الانسان غرابه
حاولت ابقى بالمطبخ واجنب شوفته بس تفاجأت لمن اجتي بيبي
وكالتلي
...خيال حبيبيتي
....هابيبي
...اليوم زيدون راح يبقى يمنا يبات صعدي شوفي الغرفه الي فوك تحتاج تنظيف
....شعجب بيبي راح يبات هنا
....ماادري علمي علمج
يجوز ضايج
....هسه اصعد
ومشيت وطلعت من المطبخ وصعدت على الدرج وزيدون جان كاعد وكامش القصه الي جنت داقرأ بيها مجان ديقراها بس كامشها بيدة
ورفع راسه وباوعني واني مهتميت وصعدت
فوك ورتبت الغرفه ونزلت وبديت اني وبيبي نسوي اكل وشدن جانت تساعدنا ومصطفى كالعادة يكمز ويلعب
واحنا بالمطبخ وجان نشوف زيدون اجه جان طالع من الحمام  ولابس دشداشه بيضه
وجانت كصيرة عليه
ههههههه
ظليت اضحك اني وبييي وشدن متنا من الضحك وهو عاكد حواجبه
....ليش اضحكن مالكيت غير الداشه مال مرحوم
بيبي كلتله
....لاتخبل عليك
....اي كلش حلوة يرادلها كركش صير اخر موده
وظليت اني اضحك وهو جان ميضحك. يباوع بعصبيه
كال
...اروح البس بنطروني احسن واليوم العصر اطلع اشتري بجامه
وطلع من المطبخ واحنا نضحك عليه
ورجع وراها لابس نفس هدومه الي اجى بيها  وكال
....جوعان  كلش شوكت يصير الاكل
...جاوبتة اني
هسه شويه ويصير الاكل
....يله انتظرج ياخيال
سمعت بيبي دكله
....زيدون
....ها خاله
....مناوي تزوج
....لا ماااريد ازوج
...لشوكت يايمه تبقى هيج الي راح راح بعد احنا ولد اليوم
....اني هاي الصفحه سديتها وموضوع الزواج والحب لغيته من حياتي خلص
كلشي يروح بوكته
....بعدك بعز شبابك وميت بنيه تتمناك
....اني الي ماااريد
وجان يحجي ويباوعلي
كلت شبي هذا شنو ديسمعني معقوله اني سويت شي غلط وديحسسني بهذا كلامه
اني راح اصعد انام خاله مااريد اكل
...ليش خاله انت موجوعان
...لا
وصعد فوك
كتلها بيبي
....يمكن ضاج من انتي حجيتي وياة
...والله موقصدي بس انقهر عليه وهو بس يكابر
بس داشوفه وكلبي دينكسر شلون وياة هذا الولد
حبيبتي روحي احجي وياة انتي
....شكله اني
...صيحي بلكي ياكل خطيه
ظليت مترددة مابين اروحله ومابين مااروحله
ومناك نطت شدن
...اني اروح اصيحه
....لاخيال تروح تعاي انتي
واخذتني خطواتي وصعدت و دكيت الباب وسمعت
...ادخل
فتحت الباب وهو جان نايم علىً الجربايه
...ها خيال
....تعال تغدة بيبي مجان قصدها ضوجك
.....اوف  ماااريد هسه اريد انام
....ليش
...مو داكلج اريد انام
....مويبرد الاكل يصير مطيب
...عود نحمي
...هم يصير مطيب
.....خيال روحي حبابه
.....ديله تعال انزل  ناكل على الواهس
ابتسم ابتسامه غريبه اول مرة اشوفه يبتسمها
...انتي صدك خيال  واني خايف عليج هوايه
...منين
...من كلشي حتى من نفسي
...اني اعرف بيك كلبك طيب وساعدتنا هوايه  ومتاذينا فديوم
....مدتفهمين
....شنو
... سكت وظل صافن بوجهي
وكال
....اني الي اجيتج بيت عمتج بالليل من جنتي تغسلين الكراج تذكرين
،....اكيد اذكر بس ليش
....خفت عليج
....من شنو
....من كلشي خفت عليج من الظلمه ومن البرد 
...بس انت رحت بسرعه
....صحيح
....ليش
.... انتي صغيرة بعد وراج هوايه وقت حتى تفهمين
كلشي  وتحسين بكلشي

يتبع....

قصة خيال ﴿ اليتيمه ﴾ حقيـقيه 💯-


بارت 8 شاركو القصه مع اصدقائكم

....صراحه اني ماافهم انت شتقصد وكلما احجي وياك اظل صافنه بكلامك
.....اي اعرف خيال
......تعال اكل يله
سكت وكلي
.....بيج طفولة عشك يراد اضمه وبيج ونت
سهر وبيج حنيت طفل مشتاك لاأمه وبيج
حزن  ودمع وبيج دنيا جبيرة مطشرة  ‏وظلمه
وبيج فيت كمر وبيج  حضنت شمس
يالون الورد ياعطرة
نيال الورد من يلمس جفوفج المعطرة
نياله العافيته بيدج والي يبعد عنج ليلة يكضي
بحسرة
كون انا وياج ننجمع هناك يم الكمرة  وج انا طير وانتي شجرة
انا الماي وانتي الزهرة  هم شفتي ورد يتخلى  عن عطرة
وهم شفتي بشر يخنك بيدة عمرة ‏ ‏
انا قبلج عشكت وهوايه شفت بس انتي عشكج هيل ومسك وعشكج ماله عنوان وماله وصف
يدك بكلبي همسج وعيوني بس تتخايلج
انتي وحدج
ملكتي الكلب    بس سؤال اسئلك ياكلب وين
تاليتك من هذا العشك
وهم تصفى الدنيا الك
وهم تبقى روحك خضرة
اخاف تاليتك ياكلب بس
نار وتشتعل ونارك تصير جمرة

....الله شكد حلوو
...ههههه حلو عجبج
....كلش
....هذا الشعر ما ‏أنساه ابد كلش احبه وهسه اجه على بالي
....حلو كلش
....انتي الحلوة
....وهسه مجعت متنزل تاكل
.....ميخالف انزل
وطلعنا اني وياة من الغرفه ونزلت كدامه من الدرج ورحت للمطبخ
واكلنا وظليتا نسولف بس دائما احس زيدون يتعامل ويايه
بطريقه مختلفه وبنفس الوقت ميحجي ويايه هوايه كلش
قليل برغم كلامه ويا شدون وخاله ومصطفي طبيعي
يس هو كشخصيه قويه ومخيم عليه طابع الحزن
يحجي  الغاز وكلامه مامفهوم لحد الان مااعرف هو عليمن
حزين على زوجته او على الي يحبها مثل مكالت خالته
واني بين هذوله كلهم ماااعرف شنو موقعي لان احسه ‏
يتعامل ويايه بطريقه خاصه يمكن لو ماااعرفه زين
جان كلت يمكن يحبني او يريد مني شي
صحيح اني صغيرة بس اكيد افتهم الي يجب والي يلمح
شلون يتعامل بس اني ايضا اعرف انو زيدون مجروح
وبنفس الوقت عنده وحدها يحبها
دورات احس اني اذكره بشي او احس انو هو يرتاحلي
ويحجي ويايه

،،،،،شدن
سمعت صوت مصطفى يصيح شدن وشدن مجانت دجاوبه
مااعرف اليوم هاي شبيها
.....جاوبت اني
.....ها حبيبي مصطفى شتريد
......خيال هاي شدن منريدها ذبيها بالشارع
....كلنا ضحكنا ‏
....ليش خطيه
....باعي شلون تباوعلي واليوم ضربتني
...شسويتلها
.....مسويت شي
....ههههه شدن بعد لضربي
...مجاوبتني شدن جانت ضايجه ماادري ليش
زيدون ،،،،،ها شدن خيرج شبيج
.....مابيه شي بس ضايجه احنا النهار كله بالبيت
....ها يعني تريدون اطلعون
......اي عفيه خلي نطلع
.....اي ميخالف فدشويه اطلعكم وخاله هم تجي ويانا
....لاخاله اني ماااروح و هم محابتلكم هلطلعه اليوم
الاخبار جانت كلها انفجارات واعتقالات وهذوله الامريكان
والشرطه بالشارع
ديلعبون لعب اني اخاف على البنات وعليك ياخاله
.....اي اعرف بس شسوي ضايجين هم حقهم  خلي اوديهم يغيرون جو
...زيدون حبيبي تعرف الوضع والي بي
....لتهتمين خاله تعرفيني اني شنو
.....هو هذا الي مخوفني ياخاله انت سبع  وبميت رجال بس هالوكت مابقى بي رجال
.... اذا احنا مو زلم نلبس الشيله ونكعد بالبيت لعد
الرجال رجال بكل وكت وبكل مكان
...والله ياابني هالوكت صار الطايح رايح
....لتخافين عليه اعرف ليش قلقه محد يعرفني
وغمزلها.  لخالته
كلبي كام ينفض من حجه هيج
شنو فلمه هالرجال ومنو الي ميعرفو شنو مسجون ومهزوم
شنو السالفه لومنطلع وياة احسن
باوعته كام وراح غسل يده وكال
....شدن
....ها
....اريد جاي وحتى اشرب الجاي وارتاح شويه واطلعكم العصر
،،،،.اي هسه
وكامت مصدكت شدن سمعت طلعه سوت جاي ودته
وهو جان فاتح التلفزيون بالهول يباوع اخبار
كتلها
...بيبي
....هايمه شكو
.....اشو حجي زيدون خوفني شنو السالفه
....اي يمه الدنيا موخوش دنيا وتعرفين الوضع اشونه
واخاف عليه وعليكم
...لعد منطلع اذا هيج الموضوع يخوف
....هههه لايمه اني صحيح حجيت بس اعرف زيدون
شنو
باعي حبيبيه انتي ويا زيدون لتخافين محد يلمس شعرايه منج
اعرف زيدون اكثر من نفسه وزيدون سبع
ورجال  ابن رجال ميهاب شي حتى الموت ميخاف منه
بس تعرفين اني شلون احبه وهو ابن اختي معناته هو ابني
ودائما اني اقلق عليه واخاف عليه
....اي حقج بيبي بس صراحه خفت
...لتخافين يفديكم بروحه ‏
وكامت من يمي بيبي وكامت تلم بالغرض الي على الميز
اذكرت من كلي مااخاف من شي بس اخاف من انوافقد الناس
الي احبهم
تصرفاته وكلامه وكلام خالته يدل على انو اكو وراهم شي
ومر الوقت وزيدون كال تحضرو اطلعكم
واصر انو خالته تجي ويانا
مجرد انو افترينا بالسيارة ونزل هو اشترى بجامه واخذ مصطفى وياة واشتراله غراض جانت بالعلاكه ماعرفت شنو
ولمن صعد انطاني علاكه
كلي  هاي الج ولشدن واشترينا شغلات ورجعنا للبيت
واول ماوصلنه ودخلنا السيارة ونزلنا اني وشدن سمعنا صوت اندارينا شفنا ‏ سيارة عاليه بيضه وكفت بالباب
ونزلو اثنين من السيارة اشروله لزيدون
وكاللهم
......اجابكم هنا
.....مكدرنا نوصلك   وصار ساعه دننتظر لازم تجي ويانا هسه
ندار علينا كال
....دخلو جوة
دخلنا جوة بس بيبي جان وجهة يضرب الوان وخايفه
وصراحه البيت كله تغير
ودخل زيدون
وراح على خالته كال
.... راح اروح هسه اني واشوف شوكت اكدر اجي
....وتالي وياك زيدون
باسها من راسها
وباوع علينا وصل يم الباب وصاحني رحتله
كلي
.....دربالج عليهم ودربالج على نفسج ولطلعين ابد من البيت
واني من ارجع اوديكم لغير بيت
...ليش
...احسن
...شوكت تجي
....ماادري
وطلع زيدون ومر عشرين يوم وماعرفنا عنه ‏ خبر
واحنا مصار اي شي خلال هالعشرين يوم ماعدة
مرة وحدة  ابن
بيبي الصغير أجاها وجان كلش مومريح ونظراته غريبه
واسلوبه محلو حتى ويااامه
وباقي الايام طبيعيه منطلع ولااحد يجينا بس الحمدلله انو ايامنا ‏ ‏ ‏ ‏ماشيه طبيعيه مرتاحين بكعدتنا بس
غياب زيدون كل هاي المدة كدر خواطرنا ‏ ‏
وخلانا بقلق وعدم راحه شعورالانتظار صعب بلذات بلد منعرف الشخص الي يطلع من بيته يرجع بتالي النهار لو نسمع  عنه خبير مو زين لو يكون مصيره انفجار او اعتقال
او قتل على الهويه او غيرها من كل  الامور   الي ‏ استجدت بالعراق
اسمع كلام بيبي دكول
....وين هذا زيدون اني راح اموت من القلق مو من عوايده  يغيب هلكد بس لاصار شي عليه
...ان شاءالله ماكو شي بيبي يجوز عندة شغل
....ياشغل يايمه
اوف ليش هيج ياربي صار بالعراق الناس متأمن ‏ ‏ على نفسها الي يطلع الصبح مايرجع الظهر شبابنا.   الحلوة شايلين جفنهن بيدهم ويمشون  حسبي الله ونعمه الوكيل بكلمن يأذي بشر ويقتل روح
....يله هسه يبين ان شاءالله
...ان شاءالله

يتبع....

قصة خيال ﴿ اليتيمه ﴾ حقيـقيه 💯-


بارت 9 شاركو القصه مع اصدقائكم

(((عندما نكون على  امل الانتظار وتزداد الثواني.
والدقائق والساعات
ويمر ‏اليوم  ‏ ‏بعده  يوم ونكون نشعر بالمرض ومرضنا اما بجسدنا او بقلبنا ولكن
كل مافي الامر هناك احجار ‏ على صدرنا
تجعلنا لا نتنفس
لا نعلم بالتحديد ماهو السبب ‏ ‏ يلاحقه الانتظار
وتصبح دقات الساعه هي الامل باانو
تفتح نافذة جديدة
ويطل منها ذلك الذي افقده  الزمان
صوابه ‏
واصبح يتخبط بجدران الايام  واصبح
يدعي القوة ‏
وبداخله  ‏رجل يود الاحتضان  ‏ يود ان تكون
هناك انثى تداوي
اهات الزمان يود ان يعيش بقلب
امراة ويدعي باانو هو روح
وليش شبه انسان  هل تود الاحتضان
حبيبي وانا طفله اود ان ارتمي
باأحضان  ابي  اتمنى ان أجري
واختبئ خلف امي
هل تريدني امراة تغفى ‏  بين
احضانها ام تريدني ملاذ
او حضن تجد به ‏الدفء والامان
تريدني بجسدي ام بقلبي  ايهما
تريد حبيبي
تريد عشقي أم ‏ ‏ ‏براءتي ام الطفله
التي تنمو بداخلي
ماذا تريد ياازرق العينين ياضوء الصباح
ياصوت العصافير يارائحته المطر ياعبق الزهر
يااجمل الصور ماذا تريد حبيبي طفولتي او انوثتي )))

.....ان شاءالله يجي اني الخوف موتني اني صوجي جم مرة
كلي اجيبلج تلفون خابريني ماقبلت كتله مااعرف استخدمه
توسل عليه وعاندت حتى رقمه جان يمي مااادري وين راح
منا ليومين اذا مابين اروح ادور عليه اشوف وين صفه بي الدهر
....بيبي هو شيشتغل
...سكتت
....بعدين تعرفين
....بيبي الله عليج كوليلي والله ماااحجي
...زين راح اكلج بس دربالج كدام اخوتج  تحجين هذوله صغار وكلشي يحجون واني لو ماااعرفج متحجين وعقلج جبير واعيه جان
ماكلتلج
...اي والله ماااحجي شي
....زيدون يقاتل الامريكان من زمان من اول مادخلو لبغداد وهو
انسان وطني برغم هو لاجان قبل بالدوله ولاابد انسان اعتيادي
بس من كام يشوف الي يسو الامريكان بالعراقين وتعذيب النسوان ويهنون الرياجيل  الكبار  وجان يشوف شلون  يطلعون الزلم سودة عليه ويخلون  براسهم جياسه ويكعدوهم بالكاع ويعذبوهم كام يتخبل
كام يشتغل ويا جماعه وبعدها بفترة ازوج ولمن مرته صارت حامل
كامت مرته متقبل يقاتل الامريكان  وعاف هاي الشغله لخاطرها وجابت اوس
وجان طاير بي وابتعد ولحد مصار الولد سنتين وشويه
وبذاك اليوم شافه
صديقه 
وهو صديقه من ايام الدراسه بس راحت فترة وجتي فترة وملتكو
بس هذا صديقه يدري انو زيدون يقاتل الامريكان يس مجان يعرف وين مكانه سامع من واحد وندل بيت زيدون
وطلع هالصديق يشتغل وياالامريكان  مترجم
وبلغ عن زيدون  باع صديقه وباع ضميرة  وبذاك اليوم جان زيدون طالع موبالبيت
ودخلو ضباط عراقين يشتغلون ويا الامريكان على مرت زيدون وابنه واخذوهم من البيت
وكامو يسامون  بيهم  وكالو لزيدون لو نعرف الي تشتغل وياهم  لو نقتلهم
وماااكو ورا اربع ساعات كالوله روح اخذهم قتلناهم  وشمرناهم بالشارع وهذوله المساكين
دفعو ثمن وهذاك يوم وهذا يوم وزيدون مابرد كلبه لحظه كره
الكل وحقد على الكل وكام يقاتل الامريكان وكل الي يشتغل وياهم
ودائما بخطر ويوميه يطلع من حلك الموت 
..... عزة يمه خطيه اوي
وكامت ادموعي تنزل  انمرد كلبي وجانت بيبي تحجي
وكلش ومتاثرة
الله يساعدة بس بيبي ميخاف على نفسه
....لا ميهتم كم مرة صوب وكم مرة جان بينا وبين الموت شعرايه
شكد احجي وياة واتوسل عليه بس ميقنع اني اعرف فديوم يجيني خبرة بس اقشمر نفسي
...اني جنت اشوفه يرجع بالليل هدومه متربه
....اي هو يطلع بالليل وبالنهار يشتغل بالمكتب مال مقاولات وبالليل
يقاتل شايفه هيج انسان معذب روحه
ومعذبنا وياة والله اهله عجزو وهما يقنعو واخوته يتوسلون عليه
حتى يعوف هذا الطريق الي ديمشي بي بس ميفيد
ظليت صافنه بكلامها شنو هذا الانسان  الي يذب نفسه بالنار
وميهتم بس يمكن هذا احساسه وشعوره ماتو ويا زوجته وابنه
لهذا السبب ميهتم لشي
واحنا كاعدين دنسولف وسمعنا صوت الباب تندك
كمت طلعت وصحت من ورا الباب منو
...اني
....منو حضرتج
...ام مهند
...دقيقه
...بيبي هاي وحدة  دكول اني ام مهند
...اي دخليها
ورحت فتحت الباب
....تفضلي
...يزيد فضلج حبيبتي ودخلتها للمطبخ وكعدت يم بيبي
وظلت سولف
..يمه خيال سوي جاي
...اي بيبي
سويت جاي وقدمته وجانت هاي المريه تباوعلي من فوك ليجوة
وظلت كاعدة فوك الساعه وبعدين راحت
كالتلي بيبي
...هاي بيت جوارينا هاي البيت الي كدامنا
...اي شبيها
ضحكت
..اجايه تخطبج لاابنها
....الي
....اي صرتي عروسه وتخبلين طبعا يخطبوج
ويا بنتي مهند خوش ولد وحلو واخلاقه حلوة وهيانج قريبا اصيرين علينا
....لا ماااكدر شلون اعوف اخوتي
...انتي راح دكعدين بيت وحدج مو بغرفه يعني يكدرون يجون يمج اخوتج
،،سكتت ماعرفت اجاوبها بس اني ماعندي رغبه بالزواج
لان اعرف محد راح يتحمل اخوتي
وماااكدر اعوفهم
....شوفي حبيبتي اني هسه عفت السالفه خلي يجي زيدون بالسلامه وعود نحجي
ومر هذا اليوم وماعرفنا شي عن زيدون واليوم من الصبح كعدنا وتريكنا ومثل  كل يوم يمر نسمع الاخبار  وكلبنا يجوعنا وننقهر على الي د

يصير
ونكعد بالبيت حتى نكون باامان مع العلم حتى ببيوتنا فاقدين الامان
وبالليل ساعه بـ 11جنت فوك بالغرفه وجانت شدن دسولف ويايه ومصطفى نايم وبيبي نايمه بغرفته جوة
سمعت صوت سيارة ركضت على الشباك شفت واحد نزل من سيارة وكف بالباب مالتنا والسيارة بعد مانزل منها لتافت  ومشت بسرعه
وركضت جوة عرفت هذا زيدون
وسمعت صوت الباب الخشب تندك
على كيف ركضنة اني وشدن وفتحنا الباب وصارت عيني بعين زيدون
....حمدلله على السلامه متنا عليك من الخوف
...الله يسلمج
ودخل جوة وجان شكله كلش تعبان وورجله جان بكوة يدوس عليها
وراح كعد على القنفه وكال
....وين خالتي نايمه
...اي نايمه اكعدها
...لا خليها زين محست عليه خطيه مااريد اقلق نومتها
....هي كلش قلقه عليك
...اي اعرف كلت هسه قلقت عليه كلش
اريد ادخل للحمام
...اي هسه احضرلك الحمام
...شدن روحي رتبي الغرفه الفوك والبجامه فوك جيبها
...اي هسه
وراحت شدن
واني داروح وكمشني من يدي
...نداريت  عليه
...تريد شي
...لا
...شلونج
....الحمدلله
....ظل بالي عليكم كلش
...احنا شكوعلينا احنا كاعدين بالبيت بس انت
....اني شنو
....انت الي بخطر
.....لتخافين عليه ماااموت هسه وكلشي بيد الله
.....اسم الله عليك عمرك طويل
اني راح اروح احضرلك الحمام
...روحي
وبعد ماحضرت الحمام دخل للحمام ولمن طلع بدون ميحجي شي
صعد للغرفه الفوك
واحنا هم صعدنا نمنا
وكعدت من وكت وشفت زيدون وبيبي بالمطبخ ديسولفون
كلتلهم
....صباح الخير
....صباح الخيرات
تعاي كعدي اكلي
وكعدت اكل وبيبي جانت مندمجه بالكلام ويا زيدون وبعدين
كالتله اي اذكرت
....اي شكو
....مو خيال اجوها خطابه
جان بيدة الكلاص مال جاي جان يخلي على الميز وجتف
ورفع حواجبه
....منو هذا
...هذا ابن جوارينا بيت ام مهند البارحه جتي المرة وكلش عاجبتها خيال ورايدتها بس كتلها للمرة اشوف البنيه واهلها
.... ماعدها اهل خيال
وثاني شي وين شايفين خيال
....ليش مرتين تلاثه طلعت ويايه للسوك تعرف مااكدر اشيل علاليك وحدي
ندار عليه
....اني موكلتلج لطلعين ابد
...موبيبي متكدر وحدها
....اني كلتلج لو لا جاوبيني
...اي كلتلي
...ورغم هذا طلعتي يعني ضربتي كلامي عرض الحائط
وطلعتي
...مووووبيبي
...اني مالي دخل باااحد اني اعرف شداسوي من كتلج لطلعين المفروض مطلعين
...يمه زيدون هي ويايه طلعت
...خاله جان المفروض متخليها تطلع انتي تعرفين الوضع كلش زين
...اي ابني اعرف بس شنسوي اني مرة جبيرة ومااكدر اروح
وحدي وانت ماكو
...اني ماجنت دالعب اني جنت بنص الموت اني اعرف
ثكلت عليج بيهم بس تعرفين ماااكدر اخليهم بيتي
ولااكدر اوديهم يم اهلي( خاص بقناة قصص فتيات حقيقيه)
....اني كلش ضجت  من كلامه حسيته ديشمرنا منا ومنا
....احنا ضوجناك اظاهر وعادي نرجع يم عمتي
....باعي اكلج خيال من احجي حجايه مصير اثنين
واذا تريدين تزوجين براحتج روحي زوجي
اني راح اظل اخلي شدن ومصطفى يمي براحتج روحي
اخذي مهند
..انت ليش تحسسني اني اعرفه
..انت بكيفج بعد
وكام وطلع من المطبخ
..بيبي شبي هيج يسوي
...يله حبيبتي لتهتمين هو نفسيته تعبانه اني بعدين احجي وياها
كومي خلي نشوف شنسوي غدة
وباوعت من شباك المطبخ جان زيدون برة واكف وديشرب جكارة
وبيبي كالتلي
...صبيله جاي ودي  لان مشرب جايه
...اي هسه
حميت الجاي وصبيت وطلعت  ورحتله وخليته كدامه
...خيال انتي تريدين تزوجين
....لا
...متاكدة
....اي
...ليش
...مااريد اعوف اخوتي
....اي زين بس خلي بالج اذا تريدين تزوجين مراح احد يمنعج ولا راح اخلي اخوتج يكونون عائق كدامج لان اني تكفلت بيكم وانتو مسئوليتي اريد اطمن عليكم
...نشكرك 
..... اني وظل ساكت
...انت شتريد
.....مااادري
..... اني بس حبيت اكلك دربالك على نفسك خاف يصير عليك شي
....ضحك  احس بشي غريب
..شنو
.....تعجبني نظرات الاهتمام الي بعينج
...اكيد اني اهتم لانك انسان كلش جيد واحنا نحبك
.....نحبك
...اي اكيد نحبك
...اني ميهمني الكل يحبوني

يتبع .....