بارت رابع ..
طب ولد
علي ... سلام عليكم
كله ماعدا سمر وعليكم
كعدوا واحد كبال ثاني وعلي يباوع وسمرمتشيل عينها
علي .. شسمج...
سمر😒😒😒😒
مرت عمها .. خطيه مستحيه
علي ... خاف خرسه...
سمر ... اي خرسه
علي ... اممم خرسه تحجي شهل معجزه شمخلصه
سمر ... واصله لرابع ادبي واريد اكمل
منيرع ... هس من تزوجون تتفاهمون
ظلت نظرات علي متفارك سمر راحوا وهيه جواب واحد ب راسها لا ...
حسين حاول ابوها مرت ابوها ايه ميفيد
موصفات علي
طويل طوله ١٩٥ وزنه ٩٦ ب حشد اسمر صاحب ادلحيه واصل السادس علمي ومبطل عربي من أهل بصره اهلمهم جانوا يبيعون سمج واجوا لبغداد
مرت ايام واجه الاب
ابو سمر ... بنات بنات
سمر وشيرين.. ها حبيبي بابا
بابا ... يوم جمعه خطوبتج حضري نفسج باجر يجةن يشترولج حلقه
سمر ... لا بربكم واني مو مموافقه
ابوسمر... بابا انخطبي وبعدين فصخي لان انطيت كلمه
منيره... ليش متوافقين الله يستر شنو شبيج ومتقبلين
ابو سمر ... سمر غصبن غليج يله ولي عصر تاخذج منيرع تروحون لصالون
ظلت سمر تبجي وتتوسل لاكن ماكو فايدع راحت لصالون وبلشت وجعها
وهيه كل ساعه تكمز من ايدها بس رغم هيه بيضه صارت كلش ابيض
وثاني يوم راحوا يشترون حلقه الا هنا صدمه اخذولهم حلقه فضه ومن حجت سمر كالت هاي شنو كالوا هاي تقاليدتنا معقوله اكو هيج تقاليد
راحت حجزت بدله ب ٢٥ الف
سمر ... خاله وين اكو بدله ب ٢٥ الف
أم علي .. اي هاي معلكينها
سمر ... لا عليج عباس تشاقين مو لو اموت مالبسها
لا حياه لمن تنادي بس ماخذتها
يوم جمعه صادفت خطبه لبست فستان وردي مفتوح ظهر ومفتوح صدر ومكياج يم كرايب ولد لعبت ب خلقتها كل حجوا لو باقيه ع طبيعه احلى
لبسوا حلقات وكان ولد خيل مستعجل
خلصت ايام وشهور وهيه ولد مشايفته مجرد ع رسايل او تصال
إلى أحه يوم
علي ... الو سمر شلونج
سمر .. صباح نور تمام وانت
علي .. اكلج سمسم حضري روحج راح اطلعج ب مكان جنه مو مكان
سمر ..اي والله علي لان خلصت متحانات ومحتاجه طلعه
علي .. حظري روحج ب ١١ اني يمج
كامت سمر وسبحت وعدلت روحها لبست فستان وردي وسخي وشيله ع لون حزام فستان وخلت مكياج بسيط
أجه علي واخذها وهنا صدمه انو امه واخو وخاله وبت خاله وياهم وسياره جانت سايبه
سلمت وصعدت وهيه انعم وحده ومشوا مشوا
سمر ... عمه وين رايحين
علي ..يمه لا كليلها خليها مفاجئه
مشينا وشفنا كوستر كرايبهم كلهم صح استغربت بس مبينت نزلت جان شوف مكبره
سمر ... علي اشو هاي مكبره
علي .. اي حبيبتي حبوا يزورون عمتي واني جيت اخذج
سمر ... زين اني مكبره شلون راح كعدون هنا
علي .. اكو مجال
سمر ... ها بين كبور نكعد كم ساعه تبقون
علي ... منا لمغرب حياتي
سمر...لا بربك شنسوي منا لمغرب نونس الاموات
علي ... سمر اكعدي واسكتي دوختيني فوك ممطلعج
سمر ... اوك
مرت ساعات
أم علي ... علي يمه اخذ سمر خلي تغسل
سمر .. لا اروح ويه بنات
علي .. يله تعالي هم افرج
سمر كمزت من فرح عبالها يطلعهل منا
علي ... شايفه هذا كبر جوه شجره نكعد يمه
سمر ... ههههههه
علي ... شبيج ضحكين
سمر ... لا هيج اجت سالفه بالي
علي لازم ايد سمر وهيه تحجي وياه وهو صافن عليها شلون تسولف ويصيحلها سندرلا
وسمر لاحظت دفان جاي يباوعلهم
ضحكت
سمر ... علي دفان يباوعلنا هههههه
علي يله امشي نكوم بس انتبهي من تمشين
طبعا عل مكبره مجهوله ماعرف شنو مهم بيها ريحه مو طبيعيه ونوب اكلوا يمها وصار عصر ماصدكت صار عصر خبصت خبص علي
رجعوا ومرت شهور ع خطوبتهم سبع شهور وهيه لا نيشان ملابس ولا ذهب
تكمله...

بارت خامس

سمر ... علي اكلك انتو سبع شهور ماكو لا نيشان ولا ذهب شنو سالفه
علي ... سمر ليش تريدين نيشان واصلان عيب انتي طلبي
سمر ... والله شفتك سكتت كلت احجي وليش عيب .. هذا حقي انس مابيه شي عيب حتى متسويهن
غلي ... سمر اني جان شرطي ويه عمج هيج لا ذهب ولا ملابس
سمر.. ياروحي يا علي اني اريدهن اوك اني بنيه حالي حال ناس وهيه تزوج مره مو عشره
علي ... الله كريم
سمر ... علي وين تودي راتبك
علي ... سمر اني راتبي يروح ع مطاعم منعرف تاكل من بيت
سمر ... علي عل شي تبذير
علي .. الله كريم
مر سبوع أحه غلي وامه
أم علي .. سلام عليكم
كل وعليكم السلام ورحمة
سلمت وسمر جاي جيب ماي وثوبهل كلش طويل نعثرت بيه شهل فشله هاي يالله
أم علي.... عيني ابو سمر هذا ذهب بيبتي علي جبته ل سمر بدال ذهب
سمر .... بابا
ابو سمر.. اششش اي اي هاهيه احنا ماخذين رجال
مهم راحوا وصار نقاش
سمر ... بابا كلشي تحملت وكلت ميخالف بس كافي انتو حسوا بس تريدون دفعوني غ كلشي اس اش اش
ابو سمر ... ديلع انتي غ اساس بت وزير
سمر ... اي حتلو مو بت وزير بس اني بنيه وهذ حقي
منيره... هسه تمشيها ابو سمر جمعه جايه كلهم غرس
سمر ... بربكم هيج اني زايده كافي هواي هنتوتي كدام ناس باجر يطردون ومتحجةن يعرفون بس تريدون تخلصون
مرت الاايام وف فعل اتفقوا ع غرس وصدمه ماكو عرس ولا بدله
جانت هيه ضامه ٣٥٠ الف سوت بيهن ميش وحجزت بدله وسوت صالون
لا الاب كفل نفسه ونطاها ولا زوج
صار عرس كانوا بنيه بيها عيب شلون كبع
بليله عرس هاي ليله لازم كون اجمل ليله لكن من انطتهم بدله لاهلها وراحو
أم علي ... سمر سمر خلص عرس تعالي غسلي ماعين معازيم
سمر .. شنو ليش نرى اليوم عرسي شلون اغسل ماعين وهسه ساعه ب ١١
أم علي ... ديله صيري نظيفه
سمر ... غسلت ونظفت بيت ب ٢ رجعت نامت وهيه تضحك ع حضها
صار صبح
علي ... سمرسمر كومي امي تصيحج.
سمر ... علي ساعه ب ٦ ونص شويه خليني انام
علي .. حبيبتي كومي ليش تخليهم يحجون عليج
سمر .. صار حياتي تدلل
طلعت سمر سوت مكياج ومشطت ولبست شلال وجان شروط علي قبل لا يزوج قبل عرس انو متنزع شال حتى كدام ابوه واخو
مرت ايام يمهم وام علي تغار حيل من سمر لان هيه صغيره وتعتني بيهم حتى ب عمها وبيت من ٣ يوم غيرته تنظيف وترتيب حتى نظمت وقتهم ب أكل
أم علي.. سمر هاج هاي جبت سمجه نظيفيها
سمر ... صار عمه نظفتها وغسلتها وذبت نصارينها
أم علي ... وج بومه بت فكر هاي شنو ذابه
سمر ... عمه واللع مذابه شي
أم علي ... لج فكر شلون ذبين مال سمجه
سمر ... عمه هاي مصارينها شلون ماذبها وثانيا صارت جوه زباله
أم علي ... حبيبتي بيت ابوج هناك خير هنا هاي متنذب وشنو هل بثل ذابته
شالتهن وكلمن ب مكان سمر لعبت نفسها
طبعا أم علي رغم انو غلي ينطيهم بشهر ٦٠٠ الف الا هيه تبقى تجيب بس بيض بيهن وطماطه و بيتيته وتضمهن ويخلص راتب ع بيض لان بين يوم ويوم بيض طبقه لان ع غداه وع عشاء وع ريوك
وياكلةن رجلين دجاج و مصارين سمج وراس دجاج...
اما سمج يكلون سمج ودهن اسود يذبوا ع تمن ويخلون فوكه مصارين
تخيلوا هسه ....

بارت سادس

سمر طبعا اي واحد يجي من بيت أهل علي يخطبون اختها لان جمالها مو طبيعي وكل تحسد علي منين جابها وشلون شافها
مرت اربع شهور غ نفس حاله حاولت تسوي عمتها صديقتها كامت تمكيج الها وتعطرها وتحفلها إلى درجه غيره مالتها كامت تخلي سمر تطلع من غرفتها وهيه تنام بيها وتباوع تلفزيون
اما علي وسمر حياتهم كلش حلوه مبنيه ع ضرب وخيانه وعلي كل يوم ويه وحده وبنفس فراشها وبه بت خالته ويحجي ويه بنات ويتغزل بينهن كدامها كلش صعبه
اما سمر كلما تسبح أو تبدل تشوف خيال أو شي
سمر ... خابرت اهلها وفهمتهم بس كان كلام ابوها
ابو سمر ... إذ اجيتي زعلانه اضربج كدام رجلج
ورجعج وياه حفظي كرامتج
عمتها بدت تريد طفش سمر كامت تخترع انو اكو جني
سمر مت صبح كوم تصلي تشوف خيال وهيه تعرف هاي عمتها وتغلس مره
مرتين ثالثه
هم مفاد
صارت خمس شهور ع حاله وسمر صار وزنها من ٦٩ إلى ٤٩
وهنا هيه حامل وخبرت علي لكن صدمه مفرح
سمر .. علي حياتي عوف تليفون شويه
علي ... خير شتريدين
سمر ... علي اني صاير عندي كرش
علي .. من أكل
سمر ... علي راح نصير ٣
علي ... ليش راح يجون اهلج فكريه
سمر .. علي ليش دائما تحجون ع اهلي وانت تعرف انو بابا معروف ب فلان منطقه ب محلاته وسياراته وبيوت ويساعد ناس ليش تحجون عليه إذ هو فكري احنا شنو
علي ... شقصدج
سمر ... لا مقصدي شي علي من اخير اني حامل
علي ... تريدينه
سمر.. ليش ماريده هذا قطعه من كبدتي كون بنيه
علي ... اي حتى ادفنها مهم لا كولين لاحد خاف يحسدوج حتى اهلج لا تحجين وإذ سمعت حاجيه اجيج ب نعال اخرب فرحتج بيه
وراه سبوع سمر لاحظت ابو زوجها يباوغ عليها وعلي صعد لدوام
وعمتها تحاول تقرب سمر من عمها وجانت تحرص ع روحها وتقفل بابا
وعرفت لي يباوعلها من حمام هو عمها
مرت يومين وسمر ممرتاحه
عزلت بيت وخبزت وطبخت وغسلت ملابس
طلعت شافت محد محد ماكو ب بيت غير هيه وعمها
سمر ... عمو وين عمتي
ابو علي .. تعالي يعمريانتي عمتج طلعت فدشويه تجي تعالي يمي
سمر .. لا عمو اروح امشط وخابر اهلي خلي أحد يجي ياخذني لان مريضه
ابو علي.. وتعوفيني وحدي
راحت سمر ولحد غروب تدور ع تليفونها ماكو دور ع تليفون بيت ماكو
سمر ... احسن شي أظل هنا ماطلع لحد ما يصير صبح
وراه ساعه
ابو علي ... دق .ق ب باب غرفه سمر
سمر ... منو
ابو علي... افتحي باب ليش قافلته
سمر ... هو نقفل
ابو علي... ديله زباله سويلي عشه
سمر ... صار
سوت عشه ونهزمت للغرفع وهيه مو بس شاكه لا متاكده هذا مو خالي اليوم
صارت ساعه ب ١٢ ب ليل
هنا جانت صدمه

بارت سابع ....
دك باب
سمر ... منو
ابو علي... تعالي يمي ضايج
سمر .. عمو ب ١٢ ونعسانه
ابو علي.. كومي بت اوادم سويلي كهوه
سمر.. اوك عمو
طلعت سمر سوت كهوه وراحت جاي تنطيها له وهو جرها
وجانت صدمه سمر وهيه متعرف شسوي بس اكيد هذا غلط
ونطفت كهرباء ...
جرها ع فراشه وبده يبوسها وهيه تريد كوم لكن هو اضخم منها وسمين وخله ايدها ثنينهن فوك راسها وهيه عياطها باسم علي وامها رفع ملابسعة وطبع كل اثر عليها ويضربها وهو نزع فقدت امل وصارت بس ترفس ودموع وتحس انو آخر يوم لها
ماعرف صارت معجزه أو شلون هذا ضخم قوي هواء يحركه شلون
اخذت ملابسهل وتركض وهيه فرحانه انو حافظت ع روحها وتشوف طريق صارلعا مثل ضوء وطبت للغرفع وهو يريد يكسر باب وجانت أكثر صدمه
شلون باب مجاي ينكسر وهو علي مرتين ب ضربه ع رجلينه كسره
اكو نفس وياها اكو احد يحميها وهيه كله تنادي باسم فاطمه زهراء وباسم زينب عليهما سلام صار صبح هيه بدون وعي اخذت عبايتها ركضت
وصلت ل بيت اهلها مثل مخبله
ابو سمر .. ياستار شكزمن صبح
سمر ... وروح امي هسه هنا ااحرك روحي إذ رجعتوني لهم
حسين .. تعالي شيرين جيبي سوج خلي ارجعها اكيد جانت عندصاحبها ونهزمت

سمر .. لك انت شنو اخذ لو عدو لك يا ماعندكم شرف عمي راد يعتدي عليه
ابو سمر.. نجبي طخ طخ راشدي
طبت وشوفتهم اثرات اجه ثالث يوم أحه علي
علي .. سلام عليكم
عمامها وابوها وعليكم
علي .. يابه بتكم حامل مو بني ولازم نذبحها اني مواصلللها وابويه لكفها ويه واحد وذبت صوج بابويه
طبعا احنا ب مجتمع ذكوري صارت عشاير وبنيه نفضحت وهيه تحلف ومخلصت من ضرب وبيوم قرروا ب ليل يذبحوها الا اكو شيخ واحد
ابو فلان ... بنيه متنذبح نحللها يله
ابوها .. يابو .... تريدتني أكثر انفضح
ابو فلان ... انت مثاق ب تربايتك مثاق بتك وسفه عليك خليت يسوه وميسوه يجيب شرفها بدال متشكرها حافظت ع نفسها
ابو سمر .. شنو دليل هيه مو حامل ب غريب
ابو فلان .. اكو تحليل اسمه DNA
وراه يومين اخذوا سمر وعلي يصيح ب مستشفى وسمر صدمه بس تبجي وكول اهلها رفعوا راسكم اني حافظت ع نفسي حتى مينزل راسكم لكن تقراير بعد ٣ ايام يله تطلع
وراه يومين ..
علي .. عمي شلونك
ابو سمر . هلا بويه انت شلونك ولو اني خجلان منك
علي .. عمي صديقي هناك ب مستشفى وطلع تقرير يكول مو طفلك
الاب .. اني اليوم الا اذبحها
علي .. لا عمي مادام ساعه ب ١ بليل اني رايح نوكع طفل وبعدين من تطلع نتائج نذبحها
ابو سمر ... ابني انس مستحي منك هذيج غرفتها
طب علي وظل يضرب ب سمر ضرب باي خشبه وهيه تعيط ومحد بهل بيت عدهم رحمه يساعدها وطلع وهيه تشوف نفسها غركانه ب دم من كل جهات
شخص واحد وكف وياها هيه اختها صغيرع شيرين خابرت ع خالها واجو اخذوها لمستشفى
بس مات طفل ..
وجانن توم بنات هنا سمر دخلت ب صدمه هستريه

نزلت القصة بعد بارت
اريد منكم بس سون مشاركة للقناة اريد قناة تصعد يلا همتكم علمود نزل بارت الاخير 😰
@ki0ki

بارت ثامن
صار صبح بتاريخ ٣ / ٢٤
طلعن نتائج وتبين انو طفل ابن علي
وصدمه ع وجوه كل وبتسامه ع وجه شيخ لي ساعدها ..
ابو فلان ... ابو سمر سمعت كتلك بنيه ما عدها شي وكلامها صح هسه نسويها كعدت عشاير وطفل منطي لهم
ابو سمر .. بس ياشيخ
ابو فلان .. شكو ابو سمر بنيه بيها شي
ابو سمر.. شيخ كذا وكذا قضيه
شيخ ابو فلان ... لا لا الله واكبر عليكم هاي بنيه اني اخذها انتو حرام تسمون أهل
لكن عمها مقبلوا ومقبلوا يرفعون دعوه وايضا ذبوا تهما انو سمر هيه متحارشه
مرت شهور وسمر طبت بحاله نفسيه قويه
تحبس روحها ب غرفه وهيه مطولت ب زواجها خمس شهور عمرها ١٧ وطلكت وصارت هاي سوالف قنعتهم انووترجع لدوام رغم حالتها وادويه
صارت سمر خامس ونجحت وصارت سادس وجان حلمها قانون
وصارت قانون بس جان حقدها ع اهلها وعممها ميقل يزيد يوم عن يوم
اي شخص جرحها تاذه
ابو سمر ... حالتها ماديه جاي ترجع
مرت ابوها .. ندعمت ونكسر حوض.
اختي سمر لي هيه كلما تجي تعيرها وتشمرلها كلام وزوجها عينه وسخه يكلها مثل مانطيتي لهل رجال انطيني
اختها مزوجها زوجها طب سجن ونحكم سبع سنوات
اما ابو علي ا نضرب جلطه وميعرفون شبي شنو يوجعه
أم علي أيضا اندعمت ونكسر حوض وظهرها
أما علي اخذ بت خالته مطلقه وكشف خيانتها وهيه فضحت اخته
أما سمر اي شخص يتقدملها ترفض وهسه صارت اول مرحله كليه قانون
لكن اكو انتقام منتظرته هيه
هاي نهايت قصتي ...
كل سنه سمر منست طفلها ولا امها وصارت رغم كلشي سوا وياها نفذت وصيت امها
ب .... اتصيراهم أم زوجت اختها صغيره
سوت راتب مال مطلقات وصار لاختها مزوجه رحلها ب سجن
أما ابوها ومرت ابوها يتمنون يسامحوها
هاي نهايت قصتي 🥺🥺🥺

نبدي قصة جديده قرأ ممتعه❤️😍

قصة خيال ﴿ اليتيمه ﴾ حقيـقيه 💯-


بارت 1 شاركو القصه مع اصدقائكم

.....انتي جابج هنا
....اسفه عمو بس اخويه ديلعب بالطوبه وشمرها عليكم
ودكيت الباب محد جاوب
...وكمزتي جيبيها شنو جنيه بابا انتي بنيه
شلون تسوين هيج
....اسفه بعد مااسويها
...يله روحي منا بعد لتجين
ولج شدن تعاي بسرعه
...كلبي راح يوكف
...هذاشبي والله هذا يخوف
....اي بالله جمدت سمعتي شكلي
...اي سمعته بعد ابدلتوصلين هناك ولتخلين مصطفى
يشمر الطوبه بعد
...اوكي
...يله امشي جوة قبل ‏تطلع ‏عمتنا وتشلع ‏عيونه
...اوف شوكت نخلص منها ومن عذابها
،...سكتي لسمعج ‏جفينا الشر
دخلنه جوة اني واختي وسمعت صوت مصطفى يبجي
بسرعه رحتله
شبيك مصطفى
...عمه ‏ضربتني
...اويلي علي هاي العمه والله ‏موتتنا شوكت الله يتوب ‏عنه
من ‏هالعيشة
....ولجً خيال ‏اشددردمين ها
...ماكوشي عمه بس داسكت مصطفى
....والله  اكمشه لهذا اخوج اكطعه اذا شفته يوصل يم باب غرفتي
....مصطفى شوداك  هناك موكتلك لتروح يم باب غرفتها
كمشني قوي ودموع بعيونه
...خيال والله مسويت شي رحت اخذ كلينس ‏ك باعي
انجرحت وهي متقبل  تنطيني كلينس
باوعت عليه وكلبي نمرد وشبعت قهر 
.....وسمعتها دكول اي مومتعلم على الكلينس حضرتك
والله اطيح حظك بس توصل موزين مني متحملتكم
وصابرة عليكم وعلى صرفكم و ‏اكلكم ومنطيتكم مكان
،،،،باوعت عليها وسكتت
احنا عايشين حياة مثل المتشردين بس بيت هذا الفرق الوحيد
شنو الذنب الي ارتكبنا ‏ ماادري
كل الي سوينا ‏اجينا على هاي الدنيا
ذنبنا انو ابويه  وامي ماتو بحادث وتركونه
احنا ثلاث اطفال خيال وشدن ومصطفى
اني الجبيرة عمري 16سنه وشدن اصغر مني 3سنوات
ومصطفى عمرة6سنوات
احنا كنا عائله حلوة ولكن فجأة القدر لعب لعبته ويانه
وصار حادث ومات والدي والدتي
وبقينا احنا  وبحكم انو احنا ماعدنا احد بس عمتي وعم واحد
وميريدنه اخذتنه عمي الي هي ارمله وعدها بنيه
مزوجه بس عمتي انسانه ظالمه لاابعدالحدود
دمرتنا دورات اكول لو نروح نام بالشارع افضل  منظل يمها
بس اخاف على اخوتي لان بعدهم صغار
وبالذات مصطفى اني احاول احميهم حتى من عمتي ‏تضربهم اني اصير كدامها  ‏ ‏وانضرب بدالهمً
هما ماعدهم احد غيري واني ماعندي مكان
اروحله متحمله عمتي وظلمها واذيتها وضربها وطول لسانها وساكته
شسوي صابرة بلكي الله يباع على حالي وحال اخوتي
المساكين وتفرج علينا

....ولج خيال
....اهووو هاعمه
...عميتي ان شاءالله ومافتحتي
....اشكرج عمه
....العفو لاشكر على واجب اكلج طلعي انتي واختج
غسلي الكراج
....بس دنيا باردة ودنيا لليل
....دمشي لج يله تحركو بسرعه دنيا باردة شلون تبردين علااساس حساسه
...اني راح اطلع اغسلها شدن مريضه
....كلشي مابيها هي جذب روحي ‏صيحيها
.... اني راح اغسلها انتي موتريديها نظيفه اني انظفة وحدي
..يطبج مرض روحي غسليها وحدج

مشيت ورفعت راسي ليفوك كتله ياربي دشوف حالنا
فتحت باب الكراج وفتحت المي وبديت اغسل بالكراج
ودنيا باردة ثلج وارجف من البرد
وحسيت رجلي ويدي جمدت بعد ماااكدر احركهن
والخوف اكلني لان بيت عمتي على اطراف  بغداد الله وكيل ‏صحراء ‏مابي  صريخ ابن يومين
بس قبل فترة ‏آجي واحد ‏بنه بيت شويه بعيد عنه قصر  موبيت وماعرف منو يدخله منو يطلع منهً يادوب نشوف
كل كم يوم اضوية مفتوحات بالليل
كاعدين احنا  بالمنكطعه عمتي كل اسبوع تروح تتسوك  مرة
ودورات مل اسبوعين
فد منطقه تخوف الليل كله نسمع صوت ذيابه
اني بوسط افكاري وسمعت صوت
نداريت ماشف احد وهم سمعت صوت مرة ثانيه
هالمرة الصوت كان اوضح واقرب وماااحس الا احد خله يده
على جتفي ماااعرف بعد شصار بيه لااكدر
اندار ولااكدر اعيط احس الصوت وكف  بحلكي
ودكات كلبي  كامت ازيد
لحد مااجتني الجرأه وركضت ودخلت جوة
واعيط واصيح واكول حرامي
وعمتي اجتي وفتحت الاضويه الي برة وكامت  تصيح منو
وطلعت برة دور ماكو احد
....ولج خيال ليش اجذبين شنو متقصدة تريدني اخاف
حتى اتخربط واموت
....لاوالله العظيم جان  اكو احد بالبدايه يحجي ومو واضح
بعدين كام الصوت يقرب مني
واحد خله يدة عليه
....جذابه سكتي
.....والله العظيم
...اني اعلمج عود شنو كاعدة تخوفيني
....لاوالله عمه ماااخوفج صدك واحد اجي كمشني
....روحي خلصي غسل الكراج
..... باجر الصبح اكملها
....كتلج كومي
كمت واني احجي بكلبي وطلعت مرة ثانيه
واني ميته من الخوف باوعت منا منا ماكو احد بسرعه غسلت الكراج وسديت المي  داخل وجان
اشوف مفتاح بالكاع بنفس المكان الي انهزمت منه
واتاكدت انو اني مجنت اتخيل
شلت المفتاح ودخلت جوة بسرعه وسمعت صوت عياط
مثل كل ‏ليلة  مثل كل يوم مثل كل ساعه هذا حالنا
اني واخوتي عايشين برعب بظلم واكثر واحد ينضرب مصطفى
واني مداتحمل اشوفه
رحت بسرعه شفت عمتي كامشه مصطفى تضربه بالعودة
...ليش اضربي شسوة
...كاعد يلعب بالثلاجه
...غير جوعان الله يخليج عوفي
.....والله ماانطيكم اليوم اكل يله اخذي وروحي
شلت مصطفى ودخلت للغرفه جان يبجي من الضرب ومن الجوع
....خيال
....هاشدن
....خلي ننهزم منا
....وين نروح
....اي مكان هاي هوايه دتضرب مصطفى باعي جسمه
خطيه
...جم مرة كتلج خلي هنا بالغرفه يمج ولطلعون حتى لشوفه
وضربه
.....هي ليش هيج اسوي ويانه عود هاي عمتنا
....هاي موطبيعيه واحنا مضطرين  نسكت متشوفين بتها متحجي  وياها وبابا جان قبل هم ميحجي وياها
يله نامي شدن
باوعت شدن نامت ومصطفى حبيبي جان جوعان يتلوة
من الجوع انقهرت عليه كلش
كتله اسكت لطلع  صوت اروح اجيبلك خبزايه واجي
طلعت امشي على كيفي واباوع منا اباوع منا شفتها ماكو
مشيت لحد الثلاجه جبت خبزايه وجبن شويه كلش حتى ليبين وجبت ‏طماطايه صغيرة
ورجعت على كيفي ودخلت وقفلت الباب
وكعدت مصطفى  وسدن وكتلهم اكلو
وشفتهم ياكلون بسرعه وخايفين ياكلون ويباوعون على الباب
جنت اشوفهم واشوف عذابهم بس مجان طالع بيدي
شي  وجنت اكول شكد اكو بالحياة ناس مظلومه والدنيا
اجايه عليهم هوايه ‏كل ليلة  ادعي اكله ياربي ارحم
بحالنا
وبعدها نمنا وكعدنا الصبح وبدة يوم جديد من المعاناة ‏ال
والضرب جنت اتمنى الليل يطول ومايبين ضوة النهار
حتى لااشوف اختي واخويه يتوجعون غريب انوالانسان يكون ماعندة مشاعر الرحمه ‏والانسانيه كلنا عدنا كلوب وهذا القلب كله احساس ومشاعر معقوله اكو ناس ماعدها قلب لعد شلون عايشين واذا عدهم قلب لعد شلون ماعدهم احساس
بس جنت اسئل نفسي سؤال واحد ياترى اكو امل نرجع
نعيش مثل قبل ولشوكت راح نكدر نصبر ولشوكت اظل اتحمل وجع اكبر مني ياربي اسمع شكواي  ماعندي غيرك
واليوم اول ماكعدت الصبح رحت على الدجاج انطي اكل
وشفت عمتي واكفه ورايه تصيحني
.... طرش
نداريت وكلت لاحول ولاقوة الابالله
....هاعمه
..عمه العماج راح اروح للسوك ويجوز اتاخر والله اذا تلعبونً
بشي لو تفتحون الثلاجه ادمركم ولاعبالج ماادري بيج بالليلً
رحتي  اخذتي اكل بالليل
...عمه فدوة اروحلج موهذا مصطفى جان جوعان ميت من الجوع
انطيته اكلت 
...وبلكي يموت واخلص من مصاريفه
....اسم الله عليه يامصاريف اشو احنا نشتغل ليل انهار وميتين من الجوع ولبسنه مشكشك والبرد اكلنه
....لج املص اذاناتج هاي فوك الزينيه اني شمستفادك
منعدكم ها لو من ابوكم اشو  جان حاقد عليه  بس اذيه
.....الله يرحمه الابويه لوعايش مجان صار هيجي بينا
وماااشوف الا راجدي اجاني قوي وكعني بالكاع
....سمعي لج خاف عبالج يشيل عمج ينطيني جم فلس

حتى تبقون يمي تكفيني لا انتي غلطانه اني كومه اصرف عليكم
ومتحمله دوختكم والله بعد ياخيال اذا فتحتي حلكج وحجيتي
اموتج ادفنج هناك يم هاي الشجرة لو ازوجج رجال جبير واخلص منج
وعافتني وطلعت من البيت وظليت كاعدة بالكاع وابجي
وشفت مصطفى اجاني ركض وحضني وكام بيدة لصغيرة
يمسح دموعي وبكلام طفولي يكلي
....هسه من تجي هاي الشريرة اضربها لتبجين
بس بكلبي جان وجع والم وحزن وردت البجي يريحني وظليت ابجي وسمعت صوت لمن رفعت راسي
شفت ولديطلع شويه اكبر مني كلي
....لتبجين
....انت منو
وكمت وكفت بخوف وجريت الماسحه حتى اضربه بس هو ابتسم
...لتخافين اني بيت جوارينكم
واشر على القصر الي يمنا
ومديده يريد يصافحني بس اني مامديت يدي
...شدسوي هنا
...اني دائما اشوفج تبجين واشوف هاي المرة الجبيرة شلون تاذيكم انتو ليش عايشين وياها
....وين نروح لعد احنا ماعدنا اخد وهاي عمتنا
....عمتج اخت ابوج
......اي اخت ابويه من امه
....معقوله هيج اسوي بيكم
...انت شلون اشوفنا
...اني صارلي هنا تقريبا عشرين يوم اني طالب سادس اعدادي وطول مااني ‏بيتنا ‏ما اقرأ فوالدي  دزني هنا يم عمي
حتى ماكو احد يااثر عليه
....احنا منشوف احد بهدا البيت
...اي صحيح عمي ميجي هوايه هنا يكول بس من اريد اصفي بالي اجي هنا وهو ماعندة عائله اني راح ابقى لفترة هنا اتمنى اشوفج مرة ثانيه
....لاعفيه عمتي متقبل بعدين تضربني وطلع عليه حجايه
....اني راح اكون صديقج شكو بيها
...لا ماااكدر
....معليج انتي اني من اشوف وقت عمتج ماكو اجي اسلم عليكم
مصطفىً صاحني وكلي جوعان خيال
...اي هسه حبيبي
....باوع عليه كال راح اروح هسه اوكي
....اوكي
....بس لحظه انت البارحه اجيت هنا بالليل
...لا
....لاصدك احجي انت بالليل جنت دانظف الكراج اجيت كمشتني من جتفي
...لاوالله مواني
....عزة لعد منو يجوز داتخيل
...هههه يجوز تتخيلين لان هو منو اكو هنا وحتى الموجودين
يخافون يطلعون بالليل
وباوع على مصطفى وكله تعال ويايه شوف شنطيك
وراح مصطفى وبعدها بشويه رجع مصطفى شايل علاكه و بكوة
يمشي
جانت ثكيله اخذتها منه جانت بيها فواكه وبسكت ونساتل وشربت
ركضت بسرعه ضميتها بالغرفه مالتنه كلت لاتجي عمتي وشوفها
وكتلهم تاكلون منها شويه شويه وبلا ماتشوفكم زين
واكلو شويه وكمنه اني وشدن نشتغل
وجتي عمتي  من السوك وبدت عياط والغلط مالتها
ومركم يوم وبعد ماشفت هذا الولد
واليوم العصر جتي عمتي وكامت تعيط على شدن
كتلها
....شكو شسوت شدن
..انتي معليج لج شوفي غاسله الماعون وباقي بي هاي الوسخايه
شوفيها
كمت
.....اني اغسله  نطينياة
ماقبلت كمت اني اجر وهي اجر وجان يوكع الماعون
ونكسر وهاي عينها كامت تجدح وكمشتني  وكامت تضربني
واني كمت اعيط  واركض وهي ورايه ومااشوف الا واحد
كمش يد عمتي
باوعت عليه جان ولد شاب جبير واكف بصفه هذا الولد الي حجه
ويايه قبل كم يوم
عمتي كامت تعيط ودكول
....انتو منو حراميه طلعو من بيتي
...سمعت صوت خشن ويخوف وعيون بيها رهبه ونظرات
كرة لعمتي
....انتي شلون اضربيها هيج متخافين من الله
....وانت شعليك
....شنو شعليه دائما اشوفج هيج تاذيهم خافي الله بيهم
حرام عليج
.....انت لتدخل جهال اخويه واربيهم
....تربيهم لو تريدين تموتيهم دشوفي حالهم راح يموتون

وكامت تعيط وتغلط عليه وهو تخبل
فتح عينه كلها بحيث شكله صار عبالك ذيب يخوف
عمتي خافت ورجعت ليورة عبالها راح يضربها
اشرلي تعاي رحت وكف كدامه كلي
جيبي اخوتج وغراضكم وتعالي يمي بالبيت حتى اوديج لااحد من اقاربج واني خفت احجي شي رحت بسرعه جبت هدومنا
واجيت وكمشت اخوتي ومشيت كدامه
وعمتي جانت ترجف وتخاف تحجي
وطلعت بسرعه ورحت وياة ودخلت لبيته وظليت اباوع ومستغربه المكان وبعدني ممستوعبه الي صلر اول مرة من تضربنه عمتي
احد يدافعنا
واشر لاابن اخو انو ياخذنه
وكلي تعاي بسرعه ودخلنه لغرفه وكلي
...اني ماسئلتج على اسمج
...اسمي خيال
....عاشت الاسامي اسمج حلو
...اشكرك
...باعي ابقو هنالحد مااشوف عمي شيريد يسوي وياكم
لان صار هوايه مشايف عمي هيج عصبي بس صراحه
اني كتله على عمتج وشلون دائما تاذيكم وهو هم جان منتبه
على هاي الحاله 
...بس احنا وين راح نروح ماعدنا احد غير عمتي
....والله ماادري هسه اشوف عمي وشلون نرتب وضعكم
....بس
...بدون بس هسه ارتاحو وبعدين الله كريم
طه ،،،،طه
خلي اروح عمي ديصيحني
....روح
وطلع وسد الباب  ولمن نداريت شفت اخوتي  كاعدين بالزويه وخايفين ومترقبين الي راح يصير شنو
لان احنا منعرف شراح يصير بينا وين راح نروح
لان صار سنتين احس بشعور مافارقني ابد دائما احس بالوحدة
والعجز والظلم ا صعب  شعور من الانسان يعيش بظلم ويشوف كل الي داير مدايرة ميريدو   وكاانما هو مرض
ياترى من ينظلم الانسان من الكل راح يكون الذنب ذنب منو
وشنو الي ممكن يتغير بحياتنا ياترى اكو امل

يتبع .....

قصة خيال ﴿ اليتيمه ﴾ حقيـقيه 💯-


بارت 2 شاركو القصه مع اصدقائكم

شكو بيها لو انام واكعد واشوف كل هذا حلم
وحلم مزعج كل  ‏ليلة اكول يله هسه راح انام وراح اكعد واشوف نفسي بيتنا ‏ بغرفتي الي لونها كلها وردي الي تعاركت ويااهلي وظليت يومين مااقبل اكل علمود يصبغوها  وردي
ويشترولي بردات لونها وردي ارجع لقبل سنتين من جنت ادلل
ومااقبل اكل هذا وهذا وما ‏البس هذا وميعجبني فلان شي
وماااحجي ويا فلان شخص ارجع نفسها خيال الي لمن جان بابا يباوع بوجهي  يكلي انتي شكلج مثل اسمج
جنت اضحك وكله شتقصد بابا يكلي يعني انتي حلوة
بطريقه خياليه اضحك اكله هاي لان بنتك تشوفني هيج حلوة
واذكر هم من جان يوصيني على مصطفي دائما
ويكلي شدن احميها من نفسها ‏ ‏احميها  من الكل
ردت ارجع لحظات   ليورة يرجع بيه الزمن شويه شكوبيها
بس شويه ارجع للحنيه ولطيبت قلب امي
ولمن جانت تهددنا  باابونه ودكول بس يجي اخلي يضربكم ‏ ‏
ولمن يجي مدكله حتى ليعاقبنه ارجع لوكت جنت صغيرة
ويجي ابويه للبيت وجايبنا اكل وجايب مسواك وجايب
ايدن ههههه جنا نسوي جكارة ونضحك
اني عمري 16سنه بس احس نفسي كبرت هوايه
بطلت ادلع وادلل وبطلت اكول لا على كلشي بطلت
اعاند لان محد راح يفهمني من راح ارفض شي او من
راح اعاند او من راح اكول  لا محد راح يحاول يرضيني اذا
زعلت واذا بجيت محد راح يمسح دمعتي تعلمت هسه
امسح دمعتي بيدي واعالج جرحي بيدي
تعلمت انهان وانضرب واسكت تعلمت هوايه شغلات
  صار سنتين
على فراكهم  راحو وعافولي مسؤوليه  جبيرة اخوان اثنان
فجأة حسيت انو اني اخذت مكان ابويه وامي
حتى من جنت انام جنت دائما احلم بصوت والدي
يوصيني على اخوتي
انا لازم احميهم ولازم اظل محافظة عليهم بس مداكدر
اسوي شي شلون احميهم واني مااعرف  احمي نفسي وين راح اروح بيهم
وشلون راح اوكلهم واعيشهم
واشربهم شلون راح احميهم من برد الشته وحر الصيف
ظليت اروح واجي بالغرفه وعيوني طالع اخوتي
وظليت افكر وافكر وافكر لحد ماتعبت ومليت من التفكير الي
بدون نتيجه ورحت نمت وحسيت ويا طرت الفجر وكعدو اخوتي
ومصطفى كالعادة جان جوعان بس اني استحي اطلع اجيبله ‏اكل
وظل يزن مصطفى علىً راسي يريد اكل واني اسكته
لحد مابعد ماتحمل كام يبجي المشكله هو طفل
مديفهمً انو اني مااكدر كلشي اسوي ومديفهمً انو احنا وضعنا ‏ ‏
تغير مومثل قبل الي يريدة يصير
اخير شي تعبت منه وكمت طلعت من الغرفه ومجان اكو صوت يدل
على انو اكو احد كاعد بهذا الوكت وكمت ادور على المطبخ ولكيته واول مادخلت تفاجأت انو هذا الشخص  الي دافعلي كاعد الميز بالمطبخ
وكدامه فنجان ماادري جاي كهوة  بس اني اول مشفته طلعت من المطبخ ردت ارجع للغرفه بس سمعته يكلي
....تعاي
رجعت للمطبخ وجنت امشي برتباك  ودخلت ورحت وكفت كدامه
.....تريدين شي
....صراحه اخويه الصغير كلش جوعان وديبجي
،....وليش مدتنطي اكل
سكتت
....مو مااريد ازعجكم
... ‏ماكو ازعاج من جوعون اوكلو وياريت لوتخدمون نفسكم
بنفسكم لان مثل مدشوفين ماعدنا امراة بالبيت
....اي صحيح اشكرك
....صيحي اختج واخوج وكعدو هنا اكلوو اني راح اصعد انام لان منايم بالليل وكام  طلع من المطبخ بس اني جنت خايفه وجنت مااباوع بوجه  من يحجي  جنت مابين خوف وتردد ومابين انو وضعنا احنا حرج هذا الرجال جابنا ودافع  عنه ميصير نستغله
ورحت على كيفي صحت مصطفى وشدن
...يله تعالو داسويلكم اكل
مصطفى كام يكمز ضحكت على حركاته شكد  بريئه و احلامه بسيطه مجرد ماكلتله اكل كام يكمز وفرح
وديتهم للمطبخ وفتحت الثلاجه وجان هوايه بيها اكل
وسويتلهم لااخوتي واكلو وشبعو وجانت اكو ابتسامه مرسومه على وجوهم صار هوايه مشايفتها
ورة ساعتين سمعت صوت طه
...صباح الخير خيال
....صباح الخير
....ها تريكتو
...اي من زمان
...ليش من شوكت كاعدين انتو
....وياطلوع الشمس
.....شعدكم من هيج وكت كاعدين
....موعمتي جانت دكعدنا هيج وكت فمتعلمين نام من وكت ونكعد من وكت
....اوكي
.....انت جوعان اسويلك ريوك
.....والله ياريت
...اي تدلل
....تسلمين
سويتله ريوك وبعد ماكمل ظل كاعد يسولف ويضحك
ويشاقه ويايه وياااخوتي
شكد جان انسان طيب ومحترم وكلش ارتاحيت لااسلوبه
ولكلامه
وبعد ما ‏كضينا فترة طويله نسولف ترخص وكال
اروح ‏إقرأ واني همين نظفت المطبخ وكمت دخلت اني واخوتي للغرفه وظلينه لحد الظهر كاعدين بالغرفه
صارلنه هوايه ماكدين هاي الكعدة لان عمتي اظل طلعنه شغل وتخلينا نوكف على رجلينا  من نفتح عينه لحد منام
وماادري صارت ساعه بيش وسمعت صوت باب الغرفه تندك
كمت فتحتها شفت طه
....يله تعالو تغدو
....اي
....شدن مصطفى يله كومو دنتغدة
مطصفي كام يكول ...اي ويكمز
وطه يضحك على مصطفى وطلعنها ورحنا للمطبخ جان اكو اكل
مغلف مبين من مطعم بس  بعدين شفت عم طه كاعد ومن شافني
اشرلي انو اكعد واني هم كعدت اخوتي وكعدت وبدينا ناكل
بدون كلام
وبعد متخلصو الاكل شلت الغراض وسويتلهم  جاي
ويسمعت عم طه يكلي
.....انتي شنو اسمج
هو جان يحجي ويايه ومندار على الشباك
....اسمي خيال
اندار عليه وكام يردد الاسم
....خيال .

...خيال
....اسمج غريب مو سماج خيال
...والدي الله يرحمه
......الله يرحمه
..... ليش سموج خيال
.....ماااعرف بس بابا جان يكلي انو شكلج مثل اسمج
....اي صدك يحجي
وجان يباوع عليه ولمن رفعت عيني وباوعته
كلت بكلبي سبحان الي منطيك هالعيون الي متناقضه ‏ وياشكلك هو اسمر وطويل وخشمه طويل وعندة لحيه خفيفه بس عندة عيون
سبحان الخالق زركه بلون المي لون عيونه متناقضه ويابشرته وملامحه بس منطيته جمال من نوع اخر
وهيبه والا رهبه  والنظرة بعيونه وبوجة
يرادلها عمر 
......رد سئلني عندج  اهل ام اقارب احد غير هاي عمتج
....لا
....انتو شلون متحمليها هاي مجنونه
.....شنسوي مجبورين وين نروح
.....احسج هوايه فاهمه واعيه شكد عمرج
....16سنه
.....معقوله انتي صغيرة
.....بس كبرت قبل وقتي
.....وهوايه كبرتي اظاهر  دائما ‏المأاسي ‏تكبرنا وتخلينا اانكون اعقل وافهم في سبيل نفهم الحياة ونستوعب الي ديصير
بس اني حاير هسه وين راح اوديكم
....اني اكول نرجع لعمتي نستسمحها  بلكي ترضا  ونخلص
ماعدنا احد
ورفعت راسي للسما عدنا بس الله الي ‏خلقنا ‏يتولانه
.....خيال والله ‏تموتنا وين تريدين ترجعينا يمها
....سكتي شدن ماعدنا مكان خوما اخذج انتي ومصطفى وافتر بيكم بالشوارع احنا محد يريدنا
جان صافن عليه من اني داحجي
......محد راح يظل بالشارع اني راح اشوفلكم مكان ومراح
ارجعكم يم هاي عمتكم المخبله 
شدن ومصطفى كامو يضحكون وجان هو يبتسم على ابتسامتهم
بس اني جنت حاسه هذا الانسان راح يلعب دور جبير بحياتي
او راح يغير بحياتي يجوز هذا الامل الي جنت منتظرته
وسمعت طه يكلي
....لتهتمين عمي زيدون يحلها ‏هو مدام ‏انطه كلمه بعد خلص معناتها راح يحلها لتهتمين
....ان شاءالله
وكام يصيح طه وكله
......اني راح اطلع هسه ولمن ارجع عود اشوف شلون
ارتب الوضع
وندار عليه وكلي
.....شكد قياس حذائج انتي واخوتج 
......ليش
.....شنو هالسؤال الغبي
.....ها اسفه
طه كال
.....عمو زيدون اني هسه اسئلهم واكتبه بورقه وانطي الك
علما تغير ملابسك
...طه
.....هاعمو
......لتلتهي وراك دراسه مااريد اذكرك  تعرف انت ليش هنا
.....اي عمو اكيد لتهتم
ومشى من يمنا وصعد فوك وجنت اسمع صوت خطواته على الدرج
صدك هذا الانسان مربك وجودة يخلي كلبي يطكطك من الخوف
بس طه لاانسان حباب ومرح واسلوبه لطيف
وبعد شويه عم طه نزل ولمن نزل جوة جتي عليه شدن
ركض كلتلي
....لج خيال عندة مسدسً
....لج منو
....هذا ابو عيون الزرك
....قصدج عم طه
.....اي هو
....شمدريج
.....هسه شفته نزل مجان لابس سترة وجان المسدس مالته
بالحزام اكلج خايف يموتنا  اشو يخوف هذا
....هههههه لا يجوز هو عندة مسدس هذا الرجال ساعدنا
بس صدك شدن هذا نفسه الي مرة صيح عليج علمود الطوبه
.....ماادري ماااذكر
....يله بس اكلج لدكولين لمصطفى شي هذا صغير يكعد يحجي شي خاف عيب من الناس ساعدونا
وسمعنه صوت الباب وشدن ركضت على الشباك تباوع
.....خيال شوفي طلع باعي عندة سيارة وهناك هم اكو وحدة
باعي
.....اي شفت
....ها شدتشوفون
....ها طه اجيت عبالي رحت ويا عمك لان طلعت وياة
.....لا جنت داحجي وياة شدتشوفون
....عمك ديطلع شدن شافته
....اي طلع
وطه  جان يباوع على عمه بنظرات اعجاب واحترام وكلي
  تعرفين خيال اني كلش احب عمي زيدون احب قوته وسباعيته ميخاف من شي لهذا السبب احب هوايه اكون وياه ‏
....اي صدك شدن شافت عندة مسدس وجاي كالت خاف يموتنا ههههه
....هههههه لا يمعودة بس هو من زمان يشيل مسدس وبالذات من يكون هنا تعرفين مكان مابي هالكد ناس يعني يشيله للحمايه
...اي اني كلت لشدن بس هاي مخبله متلام بيها عمتي
ههههه
....هوايه تختلف عنج طفوليه بس انتي واعيه
....اني دورات احسهم جهالي ههههه
شسوي ماعدهم غيري يعني يس اني الي اكدر احميهم تخيل لو اتخلى  ‏عنهم شيصير بيهم فكمت احاول استوعب الامور بشكل
اكبر من فهمي ومن عمري
....اي صحيح والله عفيه عليج سباعيه
...اشكرك واشكر مساعدتكم النا ‏
....لاتسكرينا هذا واجبنا اني هسه راح اروح اقرأ
وانتو عادي اتصرفو بطبيعتكم زين
....ان شاءالله روحي الله يوفقك
....الله يسلمج
وشفت طه صعد فوك واحنا بقينا جوة نفتر ماعدنا شي
وكمت افكر بعمتي شعجب مو وصلت هنا وجتي علينا معقوله هيج خافت من عم طه
ولو هو يخوف  من صدك والبارحه للحظه حسيته راح  يضرب عمتي بس كمش نفسه وماضربها
وباوعت داير مدايري 
وكلت لنفسي صارلي يومين كاعدة مرتاحه واباوع
مصطفى وشدن فرحانين ومرتاحين احس نفسي كلش سعيدة
ولو سعادة ‏ ‏مؤقته بس ميخالف عيشني  اليوم وموتني باجر
وظليتا نفتر منا  ومنا وماشفت بعد طه
لحد ما سمعت صوت سيارة
وشويه ونفتحت الباب
ودخل عم طه وشايل بيدة غراض لمن شافني
صاحني كلي
....تعاي خيال هاي ملابس جبتها الكم
.....شكرا ‏
...خيال ،،،،
...نعم
....لا بس كلش عجبني اسمج وحبيت اردده  ان شاءالله اذا فديوم
من الايام صار عندي بنيه اسميها خيال مثلج

يتبع .....

قصة خيال ﴿ اليتيمه ﴾ حقيـقيه 💯-


بارت 3 شاركو القصه مع اصدقائكم

.....ان شاءالله يصير عندك
بس اني استغربت من كلي هيج واني عندي حركه اسويها من    انو اي شي ميصرفلي او مااتقلبه ‏ ارفع حواجبي وانزلها عالسريع بدون ماااحجي وجانت ماما تعرفني من اسوي هاي الحركه  وجانت تضحك و دكلي مثلج حركات ابوج بالضبط
بس اظاهر هو انتبه عليه فشفته ابتسم ابتسامه يادوب تبين
.....شوفي راح انصحج نصيحه واذكريني بيها ‏
انتي هسه كبرتي وراح تواجهين هوايه اشخاص ممكن يكلولج انتي حلوة او يمدحوج هوايه بس مو كل الي يكلج انتي حلوة معناته عندة فد غايه صحيح الدنيا صايرة غابه واكو هوايه ناس صايرة ذيابه بس مومعناتها الكل يطمعون بيج ويريدون منج شي
اكو يكلج حلوة لان هاي حقيقه لانج فعلا حلوة والي. راح يكلج
حلوة و يجوز هو بحد ذاته انسان  صريح وحب يعبر عن رائيه ‏ ‏بصراحه
او اكو شخص حب يجاملج
وانتي من راح تكبرين اكثر راح تفهمين انو كل رجال يباوعلج
من  نظراته  راح تعرفين شيريد ونظراته شتعني وشيريد منج وشنو غايته
ويبقى كلشي بيدج ويبقى ‏و انتي شلون تحافظين على نفسج
وتكونين ام واب لنفسج وتكونين ايضا قدوة لااختج واخوج
لان هما يشوفون بيج ام
افتهمتيني اني اتمنى انج تعرفين ‏قيمة نفسج ومتخلين احد يسترخصج
افتهمتيني
....اي افتهمت
...اي زين بس انتي حلوة فحذري  من الكل
.....اني مجان قصدي شي بس ماما دائما جانت ادكلي
من احد يحجي وياج شي او يكلج حلوة او يحاول يبين شي بكلامه
ابتعدي عنه واني دائما اذكر كلامها  وامشي بي
....عفيه عليج واني هم اكلج  سوي هيج بس راح تكبرين اكثر وتفهمين
اكثر وتعرفين انو اكو شغلات بعيدا كل البعد عن الجمال وكلمه
انتي حلوة اكو شغلات مختلفه   تحسيها متفهميها ويس افتهمتيني

هو يحجي واني صافنه على كلامه محسيته كلام اعتيادي حسيته ديحجي شعر شنو هلاانسان المختلف مزيج مابين انسان عدائي على انسان مثقف متفهم تكوينه غريبه
كتلها
...اي اكيد افتهمت
...زين هسه روحو غسلو وغيرو ملابسكم وتعالو تعشو
...اي
رحت للغرفه واني صافنه بعدني بكلامه وبااسلوبه
اكو ناس من نحجي وياهم نحسهم يكمشون كلبنا بكلامهم
ويخلون يدهم على نبضنا ‏
دخلت وشدن تحجي واني صافنه
...خيال  خياااااااااااال 
......ولج ليش تعيطين شبيج موعيب يسمعوج
....صار كم مرة اصيحج وانتي صافنه وبالج مو يمنا
....اووووف شتريدين شدن
....هاي شنو بيدج
.....ها نسيت والله هاي هدوم عم طه جابها
....ها زيدون  جابها
.....اي بس لصيحي زيدون عيب صيحي عمو انت هم مصطفى
....اي ميخالف
....يله مصطفى كوم ادخلك للحمام اغسلك
ودخلت مصطفى للحمام وغسلتله وطلعته ودخلته للغرفه وبدليتله
وجانت الملايس شويه جبيرة عليه بس اهمشي نظيفه وجديدة وجان فرحان وطاير بهدومه الي عليها رسم سيارات
وشدن هم غسلت وجانت هدومها هم شويه جبيرة بس هم
حلوة وبقيت بس اني كتلهم كعدو هنا اروح ادخل للحمام اغسل واجي لطلعون من الغرفه زين
...اي زين ننتظرج
وبعد ماخلصت حمامي شفت الهدوم جان بنطرون وبدي
لونه ابيض بس اني جانت الهدوم على كدي بالضبط
عبالك حافظ قياسي ومشطت شعري وطلعت رحت للغرفه شفت
شدن ومصطفى ماكو
رحت للمطبخ جانو ماكو رحت للصاله جانو كاعدين يباوعون تلفزيون
وجان كاعد طه وعمه زيدون واول مشافوني اثنينهم اندارو
عليه عم طه باوع ودار وجه بس طه ظل يباوعلي ويبتسم
اول ماكعدت جان عم طه يكوم وكال يله نتعشه
ورحنا للمطبخ واكلنه بدون ولاكلمه ولمن خلصنه
باوع عليه زيدون وكلي
....خيال انتي وشدن ومصطفى راح اظلون يمي منا لثلاث ايام وبعدين راح اوديكم يم خالتي مرة جبيرة وماعدها احد ولدها مزوجين وعايشه بالبيت وحدها اني رحت وحجيت وياها وهي كلش
حبت الفكرة وانتو راح ترتاحون يمها اني متاكد
من هذا الشي  وبعدين  انفكر شلون نرتب وضعكم

.....اني اشكرك هوايه بس حضرتك مامضطر تساعدنا  لهاي الدرجه
....اني ماتعلمت ادير ظهري وامشي لااي انسان محتاجني
واني قررت اساعدكم مولااجل شي لان هذا الي لازم يصير
.....شكرا
مجاوبني وكام وطلع برة بلحديقه
اني ماحجيت شي بس فجأة حسيته ضاج
....كتله ل طه
اني ماحجيت شي بس حسيت عمك تعصب كلش
....هو بطبعه عصبي بس كلبه كلش طيب
....اني ماتقصدت اضوجه بالعكس ماردت احس انو اني
داثكل عليه
.....ليش تحجين هيج ودائما تحسين انو الناس يشوفج فد ثكل عليهم عادي بسيطي الامور وخليها تمشي طبيعي والانسان اكيد يحتاج للمساعدة
....اني دائما اشوف الناس يحسوني ثكيله عليهم ومسؤولية  لهذا السبب مااريد احد يشوف  وجودنا ثكل عليه
..لاتحجين هيج بالعكس اني داشوف عمي فرحان بيج
وديحب يساعدكم وهذا الشي برغبته
اني اتمنى انج من تروحين يم خاله وداد ‏ تعيشين مرتاحه
هي  جبيرة وعدها احفاد وراح تحبكم كلش
.....بس اني مااعرف هي على اي اساس تتحملنا
....مدام عمي جابكم وهو كللها  تبقيكم يمها اذن هي راح تحبكم
صدكيني
...ان شاءالله
ومصطفى كام يصيحني ويكول نعسان
....شدن روحي ودي مصطفى ينام
....ميخالف يله كوم مصطفى
...خيال
....نعم
...انتي مراح تنامين
....لا

والله ماادري شعجب اليوم منعسانه روح نام اذا نعسان
انت وراك قرايه ‏
....اوكي اني مابودي اتركج كاعدة وحدج بس داتعب  من ‏القراية  ودانعس
....لاولايهمك روح نام تصبح على خير
....وانتي من اهل الخير
ظليت شويه كاعدة وشفت شدن اتاخرت رحت للغرفه شفتها نايمه هي ومصطفى طلعت وسديت الباب ومجنت نعسانه بعدني
رحت طفيت التلفزيون ورحت على الشباك شفت زيدون كاعد على الكرسي ومرجع راسه ليورة وخال رجله على الميز
ظليت اباوعه وبعدين رحت للمطبخ جنت قبل من ماانام بالليل اسوي كوب حليب اشربه
وهسه اجى على بالي اسوي كوب حليب وجاي اشربه
لان بيت عمتي متقبل اسوي  ومرة ضربتني وكلش اذتني
علمود كعدت وشافتني بالليل مسويه حليب وجاي وداشرب
من اذكر عمتي واذيتها كلبي ينخمط
واحس وجع ضربها بعدة بجسمي
بديت احمي الجاي وادور على الحليب بس مالكيته و كلت اكيد بالكاونترات الفوك بس مجنت اكدر اوصله اني طولي اعتيادي
واني جنت كاعدة داحاول اوصل  واكمز وسمعت واحد يضحك
نداريت شفت زيدون واكف باب المطبخ ويضحك
.....قزومه انتي بس لابعد مطولين
.....لااطول بعد هوايه ورايه
....ان شاءالله طولين بس هم تبقين كصيرة يعني لتحلمين
اصيرين طويله
...يله ميخالف شسوي
اجى وكف يمي
.....كوليلي شدورين
....الحليب
....هناك بهذاك الكاونتر روحي جيبي اذا دكدرين
.....اي عادي اصعد على الكرسي
....ههههه وخري خلي اني اجيبه
....لااني اجيبه ‏
...بعد ساعه مجيبي ومشى ‏ من يمي وراح جاب القوطيه مال خليب وخلاها على الميز
انتي شسوين بالحليب بالليل
...احب اشرب حليب وجاي بالليل  تريد اسويلك
....لا مااريد لان راح اطلع
.....هسه
...اي هسه
....يا متخاف تطلع هسه هو منو اكو بس الذيابه
....ههههه لااني مااخاف بس من الخالقني
واخاف بس من انو افقد الناس الي احبهم بس مااخاف
من شي ثاني
وصدك انتي وين وصلتي بالدراسه
....ثاني متوسط وصار الحادث وبعد ماداومت واختي هم نفس الشي ومصطفى اصلا مراح للمدرسه اني احاول اعلمه الاحرف والارقام بالبيت
....انتي كلش سباعيه وقويه ونادرا ‏ مانشوف وحدة بعمرج
هيج تتصرف
....يجوز
...لا مو يجوز اكيد
....اني راح اطلع هسه تصبحين على خير
وطلع وسد الباب وسمعت صوت المفاتيح ديقفل الباب
استغربت يطلع هيج وكت بالذات بالمكان الي احنا كاعدين بي وين راح يروح بهيج وقت
هذا الانسان شخصيته غريبه  والاغرب انو هو يطلع هيج وكت
وحدة ياترى  شنو السر الى ورا  هذا الشخص

يتبع ....

قصة خيال ﴿ اليتيمه ﴾ حقيـقيه 💯-


بارت 4 شاركو القصه مع اصدقائكم

معقوله يطلع ورا ‏ سر جبير زين هو شيشتغل صار
عندي فضول ‏ اعرف عمرة شكد شيشتغل مزوج لا وليش يجي هنا
كل فترة ويروح  شنو سالفته  وصار الفضول عندي ازيد وظليت انتظره وتعدت ال2بالليل وهو ماكو ولمن رجع  رحت للغرفه وسديت الضوة  وفتحت شويه من الباب وكمت اباوعً ردت اعرف هذا شبي
بس غرفتي الدرج يصير كدامها واني لمن جنت اباوع
شفته اجى وصعد على الدرجً وجان يمشي على كيفه بس عبالك جانت هدومه مخربطه مجنت هالكد اكدر اباوع بوضوح خفت لايشوفني اذا افتح الباب اكثر وجان البيت اظلم
ورحت نمت بفراشي وظليت افكر وبعدين محسيت على نفسي غافيه وكعدت الصبح على صوت اصياح وشفت مصطفى وشدن ماكو تخبلت كمت اركض عبالي صار بيهم شي طلعت شفت باب المطبخ مال برة مفتوحه ورحت بسرعه شفت عمتي دتعيط
وجان واكف زيدون وطه  واكو رجال جبير واكف يمهم
ومصطفى وشدن خاتلين ورة الحايط من الكراج ويباوعون
اول ماطلعت من باب المطبخ وجان اشوفني عمتي وجان تجي عليه ركض وجرتني من شعري  واجى زيدون ركض عليها
وجرني ‏وكفني ورا
....وكال لعمتي
.....طلعي منا ماااريد اشوفج واذا تمدين ايدج عليها اكسرها
....هذوله ولد اخويه انت لتدخل ليش اخابرلك الشرطه
...اذا بيج خير سويها وشوفي شسويلج انتي والشرطه الي تهدديني بيهم
روحي منا ترة وصلت ويايه لهنا
....انطيني جهال اخويه بااي حق مبقيهم يمك
....معليج انتي روحي منا انتي مرة جبيرة لتخليني اتصرف وياج
غير تصرف
....شسويلي قابل
... ‏يا أمة محمد  ترة دجيبين اخرتي وصارلج ساعه دوختيني روحي منا ميرجعولج بعد لان ميريدوج كوة خوما كوة
....اي انت مكيف بنات اثنين شابات يمك وهاي الواكفه تتحامه بيك حلوة وعيونك زغللت  عليها
....لو انتي مو مرة جان ضربتج ضرب لحد ماتموتين بس راح اسكت لان انتي خطيه مريضه لو مو مريضه متسوين هيج بجهال اخوج واخر مرة اكلج روحي ومااريد اشوفج بعد ولو يبقى اخر يوم بعمري مااخليهم يرجعولج والمن تريدين اجيبين روحي جيبي
بس اقسم بالله لاافتح عليج ابواب جهنم
وعمتي ادكلي
....لج خياااال تعاي هنا  والله لااكطع شعرج اني اعلمج تنهزمين من البيت ماعندج اخلاق اني اشوفج
ولج كوليله ‏ لهذا وتعاي رجعي ويايه
....جنت واكفه ورة زيدون وكتلها
...ماارجع  اني راح اروح بغير مكان
...ولج طالعلج لسان ولج معزايه  وين راح يوديج هذا
....احترمي نفسج عد زين صار هوايه اجاوزتي بس انتي لو رجال جانت ضربتج والله وكيلج هي ضربه وحدة واوديج يم العزيز الكريم   بس ساكت لان اكول عجوزة
ومخرفه
....اني مخرفه ‏
...اي خطيه واصله ‏ المرحله الاخيرة
....اوكف شوف شسوي بيك  اني اعلمك
....روحي منا روحي يله لضوجيني لحد الان ترة بعدني مضايجً
...انت واحد غريب بااي حق تتهجم علينا بالبيت وتضربني وتدفعني وتاخذ الجهال  مني
....هههه والله انتي موطبيعيه اني ماضربتج ودفعتج بس هسه دافكر اسويهن
.....مصطفى تعال يم عمه تعال امشي نروح للبيت واني اشتريلك الي تريدة
صحت عليها
....معليج بشدن ومصطفى وخلص منرجع عندج بعد منريدج
انتي سنتين عذبتينا ‏ وموتينا جوع ودكعدينا ودكومينه بالكتل
منريدج روحي منا
....سكتي لج ترة اجي اكسرج ومحد يوكفلج
....باوع عليها زيدون وجه صار احمر وعيونه كامت اذب شرار
....فكري تتقربين يمها بس فكري شوفي شسوي بيج
والرجال الجبير كام يحجي على عمتي يكللها
.....حرام عليج انتي هذوله الجهال تعذبيهم وضربيهم
انتي متخافين الله شلون واحد ‏يأمن بيج على هذوله الاطفال
والله اذا استاذ زيدون مراح يرتب وضعهم اني اخذهم يمي
الله واكبر شنو هيجي ماتت الانسانيه ودكاطعت الدنيا اخت متحن
على ولد اخوها وتعذبهم وتاذيهم حسبي الله ونعمه الوكيل بيج
شوفي الله شلون راح يعاقبج عقاب وكون عقابج دنيا واخرى
.عمتي كامت تنكر ودكول
.....اني مامسويتلهم شي فوك مامنومتهم ومكعدتهم وموكلتهم بلاش
زيدون,,،بلاش ليش موحتى اطلعين بالليل بالبرد خيال
تغسل الكراج
....لاماكو هيج شي
....لتكذبين اني شفتها
اني طهت عندي انو اكو احد كمشني بالليل من جتفي
ولمن نهزمت ورجعت عمتي دور مجان اكو احد وبوقتها شفت مفتاح بالكاع ولمن شفت طه اتصورته هو
بس هسه اتضحت الصورة انو زيدون هو الي جان بالكراج مال
بيت عمتي وهو الي كمشني وكع المفتاح مالته
بس ليش اجاني وجان يريد مني
وليش مذكرلي هذا الشي
ورجعت من صفنتي على ذكر اسمي
....خيال
...نعم
......بيج شي
...لا مابيه
وعمتي كامت ادردم وتحجي وتتحلف وخلت وطلعت من الباب. وطه جان ديحجي وهذا الرجال الجبير هم جان ديحجي بس
زيدون جان ديباوع عليه بنظرات وكاانما بيها علامات استفهام جان يريد يعرف سبب شرودي  شنو
بس اتفأجات ايضا لمن سمعت هذا الرجال يكله لزيدون
ابو اوس
‏يعني هو مزوج لعد ليش معايش ويا مرته
صارت عندي هوايه اسئله اتمنى اعرفها عنه مو علمود شي بس مجرد فضول اريد اعرف شي عنه
وبعدها دخلته للبيت وتريكنه وكالمعتاد زيدون ساكت وطه يحجي شويه لان يخاف من عمه و ميحجي ويايه كدامه كلش قليل
بس ورة الريوك زيدون طلع  من البيت

وطه كعد يسولف ويحجي ويايه بحريته
وعلى طبيعته وكلت خلى اسئله عن عمه و شنو موضوعه
....طه
....نعم
...صراحه عندي فضول
...بخصوص شنو
....عمك شيشتغل ومزوج لان اليوم لرجال صاحله ابو اوس
وشكد عمرة
....ها اظاهر فضولج صاير كلش قوي
...هههههه اي صراحه
.....باعي عمي عمرة 31سنه  اصغر واحد بعمامي
هو يشتغل مقاول هذا الي اكدر اكوله وضحك طه
وهو جان مزوج زوجته اسمها فداء وعندة ولد اسمه اوس بس انقتلو
وعمي بعد مزوج وعايش وحدة
....ياخطيه  اكول شكله دائما حزين بس شلون انقتلو
.... باعي لتحجين كدام عمي لان يضوج احد يحجي بهذا الموضوع واني هسه راح اكوم وبعدين  نسولف
وكام طه وراح بس عافني بدوامه   وانو هو صدك مثل مافكرت اكو سر ورا وليش انقتلت زوجته اني كمت اخاف
اكو شي غامض  بس كلت يله هي يومين واروح منا اني شعليه
ليش ادخل زيدون بالنسبه النا ساعدنا وانسان جيد ويانا
اني شنو الي دخل بس المشكله بلاانسان دائما يكون عندة فضول
ويحاول يعرف كل الي داير مدايرة اذا كان هذا الشي يهمة او لا
يحاول يعرف كلشي لمجرد الفضول
كمت دخلت جوة وكلت خلي اسويلهم اكل صار يومين يجبون اكل من برة واني اكلي طيب  خلي اطبخ وكمت ادور على الغراض واسوي اكل وجان مصطفى يلعب ويكمز وماخذ  راحته
وشدن جانت دساعدني
ولمن خلصت الاكل رحت كعدت بالحديقه لحد ماسمعت
مصطفى يكلي
.....اني جعتً وداشتم ريحت  ‏اكل طيبه
...هههه اي اليوم الاكل طبخ مال بيت صنع يدي
....يله خلي ننتظر عمي منا لشويه بلكي يجي واذا تاخر ناكل زين
.....زين ننتظر
وشفته كعد يشاقه ويامصطفى ويسولف ويا شدن
وشدن صافنه عليه ضحكت عليها
شدن جانت كلش مدللة ومدتكبر وياريت لو يصير تفكيرها مثلي حتى اطمن ‏ عليها
وسمعنه صوت الباب نفتحت ودخل زيدون
اول وحدة باوع عليها اني  وشاف مصطفى واشرله كله
....تعال
مصطفى راح بسرعه
‏ ‏انطى علاكه  بيها غراض وكله هاي كلهن الك
صراحه انقهرت عليه يمكن جان يتخيل بمصطفى ابنه ‏ الي مات
كلبي نكسر عليه
وشفته يلعب بشعر مصطفى ويضحكله
شويه وجيت ابجي كلش اتاثرت بحيث عيوني غوركت اني بطبعي كلش عاطفيه بحيث من اشوف احد يبجي كدامي اكوم ابجي
ولمن ديدخل زيدون للبيت شافني كلي
...شبيج خيال
....مابيه شي
....لعد شبيها عيونج شنو جنتي تبجين
.....لا
ظل يباوع عليه وهز راسه ودخل جوة
ودخلت ورا وبديت احضر الاكل. وسمعت صوت على الدرج
عرفت انو زيدون نزل من فوك
ودخل للمطبخ وكعد على الميز وماحجة  اي شي
وصاح طه
....اي عمو
....يله تعالو اكلووو
....اي جينا
‏وحضرت الاكل وخليته على الميز جنت اباوع زيدون
ياكل ويباوع على مصطفى ويبتسمله كل شويه
واني كلبي كام يوجعني عليه
كلت بكلبي الله يساعدك شلون متحمل 
بس هو مبين انسان يكابر هوايه
اما بالنسبه لشدن يحجي وياها كلش طبيعي ودورات اشوفه يضحك على سوالفها بس ويايه جان يباوعلي ويصفن وبعدها يدير وجه ماادري ليش احسه  ‏يذكر بيه شي
او من يشوفني يحس بشي يأذي ماااعرف مجرد احساس
ويجوز احساسي غلط ويجوز مثل ماكلي بعدني صغيرة ومشاعري
مو واعية
وبعد ماكملنا الاكل هو كام صعد لغرفته وبعد ماشفته وطه جان يقرا واني هم دخلت للغرفه وظليت افتر بيها ماعندي شي اسوي
ولمن صار العصر طلعت وسويت جاي وطلعت بسكت
وصحت طه  كتله
....طه وين عمك خلي يجي يشرب جاي
....يمكن فوك
...ادز مصطفى يكله
....يله دزي وخلي نطلع بالحديقه واني راح اطلع قبلكم شويه افتح المي اسكي الزرع
...زين
....مصطفى
....ها خيال
....باع اصعد فوك صيح عمو زيدون كله تعال اشرب جاي
....هسه اصعد
ومصطفى كام يركض على الدرج
....مصطفى لتركض لتوكع
وصعد مصطفى بس طول كلش
كلت هذا وين راح دادز شدن شفتها برة يم طه
كمت صعدت اني شفت  باب الغرفه مال  زيدون مفتوحه
باوعت جان زيدون نايم ومصطفى نايم على يده
وماادري شيكله ومصطفى طاك من الضحك
ظليت واكفه اشوفهم لحد منتبه زيدون عليه
....اشو واكفه
.....مواني دزيت مصطفى يكلك تعال سوينا جاي وراح نطلع للحديقه نشربه
...اوكي
...وكال لمصطفى يله انزل جوة قبلي
ومصطفى كام ركض ولمن ديركض وكع اوراق جانت على الكومدي
الي يم الجربايه مالته ونهزم
وصحت على مصطفى
....اني اعلمك مصطفى شوف شسويت
ورحت وكمت الم الاوراق  وزيدون جان واكف يباوع عليه
لمن وكفت وخليت الاوراق على الكومدي ونداريت داروح
سمعته يكلي
.....اشو باعيني
....شكو
....هاي صار ثالث مرة من تشوفيني اباوع عيونج بيها دموع
شبيج خايفه مني
اني ماااذيج صدكيني
.....لامخايفه منك بالعكس اني احس هنا بيتك احنا باامان ومحد يكدر ياذينا
....لعد شبيج
.....مابيه
.....متريديني احجي وياااخوج
.....لالويش مااريد بالعكس افرح
...لعد شييج شكلج طه
....ماكلي شي
.....متاكدة
.....اي
.....كلج عندي ولد مات مو
...ماكدرت اكذب كتله  اي
....لتخافين مااسوي شي لااخوج صحيح اخوج يذكرني باابني
لان من عمرة تقريبا
....اني اسفه وموقصدي تاذي اخويه بس صراحه انقهرت كلش
....شنسوي هاي الحياة
....انت تشتاقلهم ا