هايي قصه يديده حنزل + القصه واقعيه
🥺😂💔
#غفو

#البارت الاول

////////////////
شئ ما مختلف ..
لفت انتباهي ذات يوم ..
حين صدمتكي في احدى ممرات ..
الحياة المزدحمة…
صوتكي لا زال صداه في مسمعي
عطركي تغلغل مع نسمات الهواء ..
نضرتكي الساحرة
حظوركي لا زال عالق في بالي
الى الأن ..
فأنتي شيء ما مختلف اصابني
بعيدآ عن ضجيج العالم .
اسمي جمال براهيم محمد
عمري٢٥ سنة
اعزب
طالب جامعي
اسكن بغداد /الأعظمية
طبعي عصبي
اني وحيد ماعندي اخوة
اني انسان احب الهدوء
الى ابعد حد ماحب ادوخ راسي
بسوالف الحب
كل ماتحاول ماما تفتح
موضوع الزواج ..اني اسدة لان
اريد اكمل دراستي ..
ولأن جنت خاطب بنت عمي
الي فرضوهة من الطفولة علية
وماكدرت اكمل..
تركتهة
احب اصدقائي وخاصتن احمد
عايش حياتي بكيفي
بابا مايحاسبني لان يدري بية عاقل اواعي
بس الشي الي ماكدرت اعوفة الجكارة
بقيت احاول وفشل
الى ان قررت ابقى ادخن بس قليل
حياتي عادية اكعد الصبح اروح للدوام
ورجع من الدوام للبيت
اطلع العصر وية اصدقائي
الشي الغريب بحياتي التفكير ..
افكر هواية واكثر من الزوم وبكلشي وخاصتن اذا شي لفت انتباهي وعجبني .. حبيت وبطريقة غريبة ..
جنت اسمع الي يحب ..
هواية ينصحوني الناس
أخذ وحدة تحبك قبل لا تحبهة
استغرب من اسمع هيج شي
بس من جربت عرفت
اسأل مجرب ولا تسأل حكيم
بس محد يدري شوكت الواحد
يحب…
الحب يجي فجئة مو بكيفنا
جنت عايش مو سأل على شي
ماجنت اتصور راح اتعذب هيج
وصلت المرحلة كلشي يذكرني بيهة
صرت اشوفهة بكل الوجوة
وسمع صوته وين ماروح..
اصدقائي ..
يكلولي انت نسان واقعي ..
بس بالحقيقة اني انسان خيالي
الى بعد حد ..
اهرب من كلشي ما الكة الة حل
بس ماكدرت اهرب منها
اني وحيد امي وابوية
عندي عم واحد عندة ..
ولد وبنية…
من جنت زغير اسمع يكولون جمال ياخذ
بنت عمة ملك من كبرت
شفت ملك ما تتناسب وياي ابد
خطبتهة فترة بس ماتحملت ابد تصرفاتهة فسخت الخطوبة وعفتهة
بقى بابا فترة زعلان علية
الى ان عرف احسن ما عوفهة بعدين
نسيت بنت عمي
حتى من اشوفهة ماحس بتجاهة بشي
عشت طبيعي ..
بس بقت تضايقني واني ابتعد
من فسخت الخطوبة
جان عقاب
بابا الي اخذ سيارتي
بس اني ماهتميت ..
بقيت اروح واجي بتكسي
الى ان فد يوم نزلت من التكسي
واني افكر شلون اقنع بابا يرجعلي السيارة مشيت مسافة ونصدمت بأحد ..
جان الجو شتة الهوة بارد
شفت الي خطفت بالي وفكري
مادري شنو الي صار بية صرت ما ستخدم عقلي… انجرف ورة مشاعري
متلكتني مشاعر غريبة حركت بية انسان ثاني
صوتهة الناعم وريحة عطرهة
الفواح عبالك وردة جورية
وعيونهة السود الوساع ،،
مر وقت طويل واني افكر بيها
ماعرف منو هي ولا وين ساكنة
ضلت عالقة أبالي لمدة طويلة بديت
من التفكير يصير عندي صداع
من اكعد من النوم
ومن اطلع
واني ساكت
ومن احجي وية نفسي
واني مسافر
ماراحت من بالي
ولا راح عطرهة من انفاسي
وصلت المرحلة التفكير بيها جنوني
دمرتني وقررت ان ادور عليها بكل مكان عسى ان اعرف منو هي
لمدة شهر لا ليلي ليل ولا نهاري نهار
يعني رحت اريد اسأل عليهة واني ماعرف لا اسمهة ولا اي شي يعني شكول اكو بنية نصدمت بيها واني ادور عليهة رجعت للبيت ورحت لغرفتي
واني تعبان صرت مقابيل المراية وكفت بمكاني واني اضحك على نفسي يعني صدك اني تخبلت رسمي مادري شبية بس قررت انسى
ولازم اساعد نفسي واحاول لان اذا بقيت
بهل شكل راح اتخبل
طلعت العصر رحت للمكتبة
ادور شي اقراه
اجاني صوت ولد تفضل شنو ادور
جاوبتة واني اضحك يمكن ماصدك كال لا اصدك كول كتلة اريد كتاب يساعدني مافكر بأشياء اني ماريدهة كال قصدك تصيطر على افكارك
كتلة اوكي
عندي طلبك عندي كتاب اسمة الصيطرة على افكاري جبتة قبل فترة طلب خاص بس صاحبة ماأعرف ليش ماأجة
ضحكت واني اكول
بس لا هذا مثلي عندة مشكلة وية التفكير
كال الولد طبيعي مرات واحد يصير بي هاجس التفكير ..
جاوبتة والله يا اخي تعبت وصار عندي صداع وراح اتخبل من هل شي اخذت الكتاب ورجعت للبيت خابروني اصدقائي كلت فرصة خلي اغير جو بلكت شوية ارتاح طلعت شقة وضحك وسوالف ورجعت للبيت واني اكول لنفسي اليوم اريد انساهة
وطلعهة من راسي غسلت ورحت لفراشي بديت اقرأة واقرأة حتى نمت
حلمت اني أصلي وهي نفسهة واكفة على جهة وتباوع علية ومبتسمة و فجئة تختفي فزيت واني ادور عليهة ستوعبت اني بحلم ..حطيت ايدي على راسي يعني اخلص من التفكير بيهة بل واقع
تطلع بل حلم
راح اتخبل بديت اضرب براسي شلون ياربي مليت شسوي لازم استشير احد
بقيت كاعد للصبح
دزيت مسح لصديقي احمد .
هلو احمد انت كاعد ..جاوبني اي خير
شبيك اليوم لسة كاعد ..
كتلة راح اخابرك
ردلي اوكي
رن هاا احمد
شبيك
شبية راح اتخبل والله تعبت
ولك شبيك
مادري شبية
اجي عليك بالتسعة وفهمك علتي مالهة حل
ياستار خير ان شاء الله انتظرك
اوكي باي
راسي ايريد يطك من الصداع بدلت وطلع

ت
صاحت ماما جمال
نعم
تعال تريك
ماريد عندي صداع
اسم الله ليش
مادري ..راح اروح اخذ كم محاضرة وطلع
رحت للجامعة شوية وطلعت
صعدت تكسي
وسمعت اغنية ماجد المهندس
يمكن احبك
لوشفتك كدامي احتار ماعرف بية اني شصار
يرجف گلبي ورعشة بأيدي لواسمع صوتك ناداني
يمكن احبك
نزعت نضارتي الشمسية
وو باوعت على ابو التكسي كتلة يمك نزلني نطيتة الاجرة وكتلة سؤال كال جواب
كتلة انت تحب
كال ومنو مايحب
واولهم انت
كتلة شلون يعني
كلي كتبك نسيتهم
اسف
ضحكت
مشيت واني اسولف وية نفسي التمت علية الدنيا
وأهلهة اني ماوصلت يم احمد مسافة يالة اصل رحت امشي شفتة كاعد من بعيد يأشرلي بيدة
ضحكت وصلت يمة جان يكلي انت ماكو غير وحدة من الأ ثنين لوتحب لو واكع بالحب 🏺
كتلة اسكت اني سالفتي عويصة
كالي شبيك
احجي لا والله اضربك على سنونك وخليك تسولف سنون بعدين لوين رايح شنو هاي اﻻناقة عيني
ششششش
كافي شبيك اني الي اريد اسولف وياك شو انت تلكيتني اسكت وسمع ولكالي حل
يباوع علية ومبتسم
اني قبل فترة نزلت من التكسي وجنت مدري وين سارح فكري فصدمت ابنية ماعرف جانت مدنكة المهم
ومن يومها واني دايخ يعني ليل نهار افكر بيهة خبلتني
قررت اروح ادور عليهة ومن صفنت يعني اني كلشي ماعرف عليهة شلون ادورهة تعبت حيل فرحت جبت كتاب حتى اقراه واحاول اسيطر على التفكير
بقيت اقرى لحد مانمت وبعدين حلمت بيهة واني واكف اصلي فزيت ادور عليهة وخابرتك اريد حل اجيت عليك
واني بالتكسي مشتغلة اغنية لماجد المهندس تحجي على واحد تايه مثل حالي من سمعت الاغنية كتلة انت تحب ضحك وكال منو مايحب
واولهم انت
كتلة شلون
كالي كتبك نسيتهم
يعني بالك مشغول
فشلت واجيت على الثورالي هو انت اريد حل يمكن راح اروح على طبيب نفسي ولك راح يطك راسي
ضحك انت من كل عقلك
احمد اني حيل تعبان لا تصنف ولا اي شي لا والله امشي هسة
على كيفك عيني عمي الحبيب
شوف هذا حب من اول نضرة وكعت ومحد سمة عليك
بس صدمتهة هيج صار بيك لعد لو حاضنهة شصار بيك
خرب يومك راح اسألك وانت جاوب يمكن رب العالمين
جابهة بدربك وحلمت بيهة لان انت ما تصلي وهيج تعبان فأنصحك يا صديقي روح صلي ودعي من ربك يرتاح بالك هذا هو الحل
يعني برائيك هيج
اي توكل على الله وشوف شلون راح ترتاح
اوكي يالة اني رايح
وين
احمد والله تعبان والليل كلة مانايم
براحتك
باي . باي
رحت للبيت سبحت وتمددت
على السرير شوية وجت ماما
تسألني خاف مريض
لا مابية شي بس تعبان
يتبع. ..

#جمال الندى)


البارت الثاني

رحت اريد اصلي دك تلفوني وألتهيت وية واحد من
الشلة وضليت لحد مانمت مادري شكد كعدت لكيتهة نص الليل كمت من فراشي البيت هدوء عرفت نايمين رحت للمطبخ لكيت ماما مسوية عشة ومغطيتة كعدت تعشيت فتحت الجهاز جان مغلق لكيت مكالمة من احمد و من الشباب شوية واني كاعد
اكلب بالجهاز سمعت صوت اذان الفجر كمت توضيت
مديت السجادة وصليت ضليت كاعد مادري شكول بس تذكرت احمد كلي أصلي وأدعي ربك ايريح بالك
كلت ربي انت اقرب علية من الوريد وادرة بمشكلتي اللهي ابعد هاي البنية من بالي وفكري تعبت بعد ماكدر اتحمل افكر ضليت كاعد شوية وكمت تمددت بفراشي
واني اكول ياريت اشوفهة ولو مرة بحياتي صحيت على نفسي واني اكول اني حيل اوفرت بالموضوع ونطيتة اكبر من حجمة لازم اكون اقوة من هيج
ورجع اكول شلون رجعت افكر بيهة بقيت اقرة لحد مانمت بس سمعت الكتاب وكع مني عفتة ونمت مرتاح
صارلي شهر ونص منايم هيج كعدت الساعة بالعشرة بدلت وطلعت للدوام رحت للجامعة اخذت كم محاضرة وطلعت رحت يم احمد كتلة هاا حمودي
هلا بالمضروب بوري شلونك اليوم
الحمد لله تمام داومت وحس اليوم احسن من كل يوم حتى نمت مرتاح
يالة باي
وين ..
اريد اروح للبيت وباليل اجي نتعلل لان البارحة
داكين علية
لعد ننتضرك
اوكي
صعدت تكسي وصلني راس الفرع نزلت ادندن رفعت راسي واني مبتسم وطلعت التلفون من جيبي عبرت الفرع شتميت نفس العطر رفعت راسي اجت عيني بعينهة اي هي وكفت اريد استوعب اني بحلم!..
لوحقيقة عبرت من يمي واني جماد تخربطت احوالي
وراسي يودي ويجيب ماعرف عبالك تعرفني بس لازم اتصرف مشيت وراهة لحد ماوصات بيت قبل لا
طب باوعت علية
يعني تدري بية لاحكهة

بقيت واكف مادري شسوي واني اسال نفسي هذا بيتهة
رجعت للبيت مامصدك لكيتهة حمدت ربي وشكرتة
روحي طايرة من الفرح أدندن وضحك
مادري شصبرني
ورحت على احمد هااا شلونك لزمتة بوستة من وجهة كتلة لكيتهة
كال هلا تخبل لا ونوب كام يهذي
نجب لا اهذي ولا شي اليوم شفتهة وضليت امشي وراهة وندليت بيتهم
صدك تحجي
اي والله
هاهية نحلت
تدري احمد من شفتهة لسة واني احس نفسي راح اطير
ضحك وكال شفت فد يوم احمار مثلك طار
لحكتة هو يركض واني وراه بس شنو موتني من الضحك
هذا احمد صديقي وهواية ألجأ
بقيت فترة واني اراقب بيتهم
الى ان فديوم واني قريب من بيتهم لكيت شايب
كعدت يمة شلونك حجي
جاوبني هلا يابة
كتلة حجي اريد اسألك هذا بيت منو
باوع علية وكلي ليش تسأل
كتلة نيتي خير
ضحك وكال شتريد تعرف
كتلة ابو البيت منو
كال ليش لازم عجبتك ندى
كتلة ياندى…
كال بنتهم…
كتلة هي اسمهة ندى…
رجع ضحك وباوع علية تحبهة وماتعرف اسمهة
سكتت شريد اجاوبة عرف كلشي قبل مااحجي
كتلة فيما لله حجي
كال لازم خفت
جاوبتة لا ماخفت بس انت تعرف عني كلشي قبل لااحجي
كال عيونك فاضحتك
حجي ريحني رحمة الوالديك ..البنية بنت منو
كال ماتفيدك
كتلة ليش كال مخطوبة
اني من سمعت مثل واحد وضربتة على راسة
بقيت تايه بمكاني شديصير بية شنو مخطوبة
بقيت كم يوم مصدوم ورجعت رحت سألت عليهم؟
ورحت على والدي عندي موضوع وياك كعدت كال كول شعندك كتلة اريد اتزوج
باوع علية بنضرة ماعرفت شنو يقصد بيهة
شبيك تخبلت انت بعد الجامعة ماكملتة
قاطعتة بابا الله يخليك اخطبة الي
جرني من ياختي وكال اكعد انت شمخبص
كلشي مامخبص بس قبل شهرين شفتهة سألت عليهة طلعت مخطوبة
بابا راح تخبل اذا بقيت هيج اسولف وية نفسي
سمعت صرختة انت شبيك تخبلت رفض حتى يسمعني
بقيت اربع اشهر واني بس اشوفهة من بعيد جنت اخاف عليهة من نفسي بفيت احاول احجي وياهة ولا انطتني مجال ابد الى ان رحت فد يوم عصرية واني كاعد انتضر شوكت اشوفهة طبكت سيارة ونزلت منها
عرفت هذا خطيبهة
رجعت للبيت ماشوف
تخبلت كسرت الغرفة ماخليت
ماما عرفت الفلم وبابا
كاللهة عوفي هو يهدة
هي تكلة شلون يهدة لايصير بي شي هو وحيدنة
بقيت شهر ماطلع من البيت اجلت السنة كل ما يجي علية احمد ابقى صامت حاول وياية هواية تغيرت
صرت منعزل معصب وتعبان
في يوم اجة احمد كال
يا صاحبي حاول أتطلع نفسك من الي انت بي ترى محد راح يتأذة غيرك
والبنية مامقسومتلك حاول تعيش حياتك من جديد
ولا تنسى الضربة الي ما تموتك تقويك وحرر نفسك من الصمت ولاتنسى البنية مجانت تعرف مشاعرك من ورة شايب مخرف بقيت ساكت 4 اشهر لحد ما وصلت لهل وضع يا جمال العمر يمشي والي راح مايرجع فكر بالموضوع… ..
راح بقيت
كاعد بمكاني وأفكر قررت اسافر احيانآ الهروب حل لمشاكلنا خبرت اهلي وبعد ما ودعت صديقي سافرت لتركيا… ..اجرت شقة هناك تغير وضعي نحو الأ حسن
ستقريت كملت اوراق الجامعة بدة الدوام وتعرفت على ناس جديدة غيرت كلشي لو بيدي اغير گلبي
غيرت

وطني واصدقائي وكلشي
ودراستي بس ماكدرت اغير تفكيري ومشاعري ابد ولا رجعت ضحكتي مثل قبل هتميت بحياتي وتناسيت

يتبع......

البارت الثالث)


مر وقت طويل واني عايش وياهة مرة انسى وألتهي ومرة افتكر ..تعرفت على اصدقاء وبقينا نلتقي
جنت سهران وياهم
فد يوم..
واني لابس تيشيرت ربع ردن جنت مسوي وشم مكتوب جمال الندى رغم حبي الهة ما عرفت عنهة بس اسمهة وماعرفت عني كلشي بقيت مجرد واحد مجهول
فسألني احد اصدقائي شنو معنى الوشم جاوبتة
جمال اسمي وندى اسم حبيبتي
بقيت ب تركيا سنتين
بقت غصة ب گلبي
وبيوم دك موبايلي
الو ..الو
سمعت صوت احمد لك بذات وينك مشتاقلك
هي هاي الخوة مالتك ماتسأل علية بس كلت اصير احسن منك وسأل عليك
ولك انت بعدك تسولف هواية فتقدتك حمودي
جمال عندي الك اخبار حلوة
كول حمودي
جمال الحب
شنو…
ندى..
شبيها…
من زمان مات خطيبهة ورة ما رحت بس والدك
ماقبل
الو جمال…
اسمعك
ليش جنت ساكت
صارلي سنين اتعذب هسة تذكرت دكلي
جمال اني خفت من والدك
بس كل هل الفترة ضميري
ما مرتاح سالت عليهة عرافت رافظة الزواج
اوكي ماقصرت اشكرك ومقدر الي انت بي
لاتزعل مني
لا والله مو زعلان بس كلشي غيرت بحياتي وماكدرت
اغير مشاعري أسبوع اني جاي للعراق بس ماريد احد يعرف
.اوكي
ورة أسبوع سافرت رحت على احمد أتفقت وياه مااريد اهلي يدرون
أرتاحيت ثاني يوم رحت البيتهم دكيت الباب طلعلي رجال متوسط بالعمر سلمت وكتلة عندي موضوع وياك
رحب بية وطبينة جوة عرافتة عن نفسي
اني جمال ابراهيم محمد
والدي صايغ ذهب
والدتي مديرة مدرسة
واني وحيد اهلي
وساكن بتركيا
طالب ماجستير
عمري ٢٥سنة
وجيت البارحة من السفر اريد اخطب بنتك على سنت الله ورسولة
راح أدكلي منين تعرفنا اعرفكم من صيتكم الطيب
والله مادري شكلك بس اني احييك على شجاعتك
واخلاقك بس شتعرف على بنتي
ادري جانت قبل فترة مخطوبة
يعني اني متفاجأ منك يا
جمال يا جمال
على هاي الطاقة العندك واني اتشرف بيك بس اسمحلي اهلك وين
عمو اني اجيت حتى احجي وياك وبعدين يجي والدي
اني ماعندي مشكلة بس ضلت يم البنية والله كريم
طلعت من يمهم واني اشم ريحتهة بكل الدنيا
رحت على احمد وصلت يمة حضني ويكلي رجعت ضحكتك تنهدت وكتلة راح اروح على اهلي وخلي يروحون وياي على اهلهة رحت على اهلي مايدرون بية جاي حضنتني والدتي والدي بقينا نسولف
كالي والدي شو ماكلت راح اجي كتلة عندي شغلة وراجع . بقيت أسبوعين انتضر خبر من ابوهة اخر شي اني خابرت علية بقى يسولف بعدين كال والله اني مادري شكلك بس البنية ماتريد تزوج هسة
من كلي هيج عبالك واحد ضربني على راسي بسرعة صعد ظغطي وطك خشمي دم تخربطت بعد ماشوف
نقلوني للمستشفى بقيت يومين
وطلعت واني دايخ ليش رفظتني .أ كيد هاي راح تموتني اذا بقيت هيج
اخذتلي أسبوع احس صرت احسن رحت على ابوهة حاولت افهم منة ليش رفضتني
كال البنية مصدومة وهي بعدهة زغيرة وتدري خطيبهة
بحادث ولسة نفسيتهة تعبانة
بس راح احاول افتح وياهة الموضوع مرة ثانية
بقيت انتضر لحد اسبوعين وماكو خبر اخر شي خابرت
كتلة هاا عمو طولت علية بالرد
جاوبني انت شبيك مستعجل يا ابني
عمو اني خلال أسبوع لازم اسافر
كلي ابني توكل واني من يستجد شي اخابرك
رجعت اعصب وكسر وماطايق روحي ليش هيج وياي
سافرت كلت خلاص بعد ماخابر حيل رخصت نفسي لخاطرهة وهي ما تنازلت ابد وحاولت تعرف منو اني وليش هيج مصر عليهة
رجعت اداوم والهي نفسي حتى ما يصعد ظغطي من وراهة وفد يوم اني ملتهي متحانات الليل ما انامة دك علية رقم جاوبت الو الو
ماكو رد الو منو وياي سمعت صوت يكلي انت شتريد مني كم مرة رفضتك وترجع ماعندك كرامة
بقيت استمع لصوتهة هية
اولآ اني عندي كرامة ثانيآ احترمي نفسج واحجي عدل
ثالثآ حجيي ويا ابوج ماعندي حجي وياج رابعآ عاندي واني اعاند ماعندي شي
سدت الخط
ثاني يوم خابرت ابوهة وكتلة بنتك خابرتني وهانتني ليش الي يخطب بنا تكم هيج تهينو
بقى يتعذر ويكول ندى الك ماتصير الغيرك غصبن عليهة
هناا اني عرفت شلون اجيبهة للدرب
ورة يومين دزلي مسج جيب والدك انتظرك
رديتلة بس ارجع للعراق وان شاء الله خير
رجعت ورة أسبوع وخذت والدي طبعن والدتي زعلانة لان البنية مات خطيبهة تعتبر هذا فال مو حلو
ستقبلنا اخوهة وأبوهة قرينا الفاتحة واحمد جاب سيد كطعلنا مهر..كام ابوهة وصاح على
اهلة كلهم سوو مجال حتى العريس يشوف عروستة
شوية وجة اخوهة كلي تفضل طبيت بصالة جبيرة
وصلت ليمهة وراح ماكو احد بس هي وامهة باركت الي امها وراحت وكفت كبالهة واني اكول لنفسي اخيرآ
كتلهة مبروك ياعروس ماردت ولا رفعت راسهة
ندى ارفعي راسج
تقدمت من مكاني بتجاهة وصلت يمهة كتلهة وبعدين نطيتهة ايدي بس كامت بدون ماتلمس ايدي وكفت قريبة مني وصلني عطرهة وتغلغل
رفعت راسهة تلاكت عيونا جانت متفاجئة
انت الي
اي اني الي صارلي سنين من حبيتج
بقينا مادري شكد ساكتين
مادري شنو الي خلاني اسكت واني الي جنت اريد
اشرحلهة عن حبي
نفتح الباب واني واكف وهية بعدهة مصدومة
سمعت اخوهة
جمال تفضل رايديك…

يتبع. ...

#جمال_الندى

البارت الرابع

طلعت من يمهة واني اسولف وية نفسي مشاعري مخربطة مادري شنو الي ديصير ..
جنت اصور من اخطبهة راح تفهم ..
وصلت يم الرجال باركولي وصلت يم احمد
حضني وهمس بأذاني شبيك كاشر فضحت نفسك
اني ضحكت وكتلة ألهل درجة فاضحتني مشاعري
رجعنة للبيت وماما جانت ابدآ مو راضية كعدت يمهة
كتلهة ياريت تعوفوني اعيش وختار مثل ما اريد أفهميني ماما هذا ختياري ..:)
كمت صعدت لغرفتي ثاني
يوم بديت ارتب اوراق العقد وسبوع يالة كملت
خابرت ابوهة كتلة باجر اجي اخذهة للمحكمة
رحت وكفت بالباب دكيت هورن طلعت من شفتهة گلبي كام يدك سريع وصلت يمي ..واني احاول اخفي توتري وصلني صوتهة الناعم وية عطرهة صباح الخير ..صباح النور
صعدت وجان الصمت سيد الموقف طول الطريق
وصلنا عقدنا وطلعنا وصلنا للسيارة صعدنا شفتهة تحاول تتهرب مني كلتلهة مبروك جاوبت شكرآ
كتلهة ليش ساكتة
جاوبتني يعني شكول
كلتلهة تذكريني
لولا احساسي مايخيب
من تسمعني تنسى وترفع راسها علية اعرفها جريئة ونضرات عيونها نفسهم
جاوبتني.. واذا ماعرفك
حركت السيارة ودزيت مسج لبوهة كتلة نتغدة برى ونجي رحنا المطعم وصلنا كعدنا
كليلي شنو تحبين تاكلين ..
ما عندي شي محدد اطلب انت
طلبت ونزلو الغدة ..
قبل فترة خابرتيني رقمج ..
جاوبتني لا رقم ماما..
نطيتها رقمي وكتلها تذكرين
قبل 3 سنوات انصدمتي بواحد بالشارع..
زين ما تفاجئتي من اصراري عليج
جانت نضرت عيونهة
دكلي اعرفك بس هي جانت ساكتة
اني هذاك الي نصدمتي بي والي مارحتي من بالة ويوم الي جيت اسأل عليج لكيتج مخطوبة عفت كلشي وسافرت يعني مادري شلون اوصفلج من يوم الي شفتج ابدآ مارحتي من بالي حتى حلمت بيج غيرتي الدنيا بعيوني مديت ايدي ولزمت ايدها حاولت تسحبهة بس صرت اسرع منها ولزمتها لا تخافين صدكيني اني هواية تعبت وعانيت يالة شفتج مرة ثانية ..
كمالنة غدة
اذا ممكن اريد اروح
نروح ليش مستعجلة
ندى اني من زمان احبج
ولازلت… . الى الان ومايهمني اي شي
ليش عيونج دكول شي وانتي تكولين غير شي
يعني شنو ..مافهمت
عوفي الموضوع بعدين
قبل ما أنسى اريد الجواز مالتج اذا عندج
اي عندي… .
نطيني اياه لان زواجنا قريب
رجعتهة للبيت وكلت ماخابر عليهة لازم انطيهة فرصة
تفكر وبعدين هي تقرر
مر سبوع او اكثر وماخابرت دزيتلهة مسج اني مسافر
اذا محتاجة شي…
ساعة وتصلت
الو هلو جمال شلونك
هلا بعد جمال وعشيرة جمال
تدرين لأول مرة اسمع اسمي حلو لهدرجة
سكتت واني أسمع صوت انفاسهة
احجي ليش سكتي
اسمعك..
ليش تريد تسافر
عندي شغل سبوعين وأرجع بس
جاوبتني شنو
جاوبتها مشتاقلج..
جمال ممكن تجي اشوفك
اوكي اجي ليش ..
بيج شي ..
لا بس عندي موضوع وياك
اوكي نص ساعة واجي
سديتة واني افكر شنو
بدلت وطلعت خابرت ابوهة
ترخصت منة اروح اشوفهة
كال ابني هي زوجتك بعد
رحت وصلت دكيت الباب طلعلي اخوهة سلمت علية
طبيت جوة طلع كال عندي شغل اخذ راحتك هسة تجي عليك ندى ..
بقيت كاعد ربع ساعة وهي ماكو دكيت عليهة فتحت خط تجين لو ابقة انتضر لباجر
اجت واني اتبع خطواتهة
شتاقيتيلي
جريتهة
اوي شبيك
وجعتج انتي وجعتي گلبي
بقت عينهة بعيني شوية
احبج ...ودتعذب
بس لا ماخليج تتلذذين بعذابي ابد
جريتهة بخفة نصدمت بصدري تفاجأت من تصرفي
همست يم اذانهة انتي حلالي اني وبس
دفعتني… ورجعت جريتهة اقوة كلتلهة وين بعد وبسرعة جريتهة ونزلت على ركبتهة
خليت اثر عليها هذا حتى من تباعين بالمراية تتذكريني

طلعت واني ماعرف على شنو رحت
رجعت حظرت جنطة ملابس وطلعت شوية يم الولد
وصلني مسج منها
مكتوب من تكرر الي سويتة اليوم بعد ماتشوفني بحياتك
جاوبتهة بعد ما شفتي مني شي شهر واجي حظري نفسج ✌ولا تنسين 💋ضلت مطبوعة بركبتج
رجعت دزتلي مسج انت وقح
جاوبتهة من زمان من اول يوم نصدمت بيج وشميت عطرج
بقيت طول الليل افكر بيها باوعت الساعة 11 بالليل
دزيتلهة مسج كتبت بي
احبج وعشق نضرات عيونج
ثاني يوم
سافرت بقيت بربيل يومية ب 11 ادزلهة احبك
تقريبن عشر مسجات
كلت لنفسي بالكت تلين شوية
رجعت خابرت عليهة ردت الو
عيوني روحي احبج ندى
ادري اني راح اضل اسولف وانتي ساكتة
ندى
نعم
اريد اشوفج مشتاق
اوكي ..
يعني شنو افتهم من الاوكي مالتج
جمال..
تعال اذا تريد تجي
اوكي راح اجي
رحت سبحت وبدلت وطلعت وصلت يم بيتهم دكيت الباب واني ملهوف اشوفهة

يتبع. ..

البارت الخامس )و السادس
#جمال الندى)


فتحت الباب امهة سلمت عليهة
تفضل هسة تجي ندى ..
بقيت كاعد
أجت اميرتي
شلونك جمال
هلو حبيبتي انتي شلونج
الحمد الله تمام
وصلت يمها واني احاول ما أخوفهة مني…
جمال رجاءآ لا تحاول تسوي نفس ذاك اليوم
ليش حرام .. لا مو حرام بس ميصير هيج
يعني بقيت أضم بركبتي من وراك
اي وبعدين
بس…
سولفي اريد ابقى اسمعج
بعدين شنو هل الحلا…
اخجل لا تبقى هيج تسولف وياي
يعني اذا ما اسولف المن اسولف
ندى ..تدرين جنت ما مصدك
راح تكونين فد يوم الي ..
انتي حلم من احلامي المستحيلة
بس الحمد لله…
اني فد يوم حلمت بيج
صدك… اي
واني حلمت بيك
لا
اي والله
تدرين انتي خبلتيني ..من شفتج
صدك من صدمتيني جنتي متعمدة
هههه طبعن لا… بس يمكن انت الي متقصد
لا ابد ولا منتبه الا وكعتي بحضني
شبيج والله
بس اريد اعرف من شفتيني اني الي خطبتج
شكلتي
نصدمت
لعد من رحنا للمحكمة شبيج
مادري جنت تايهة
تعالي يمي اني اتوهج صدك
ليش
لا دكليلي ليش
اوي
مو انتي خابرتيني
شبيج تضحكين ..
لا تفتح اعيونك اخاف
ماحسيت الا واني اجرهة ..يعني شلون
ماتجين لا اني اجي
لا ضلين تدلعين يمي ترة ما تحمل
دلعج
اني من اشتم عطرج ادوخ
جمال .. ابتعد عني
شنو يعني
لا تدفعيني
بتعد عفية
خلي ابوسج ..واني ابتعد
اكلك جمال ..كولي
منو ملك
ملك بنت عمي وجانت خطيبتي..
هااا
سألتي عنهة عرفتيهة بعد لا تسألين
شوفي حبي اني احبج اي
بس اني من اصير ..عصبي بعد
ما اعرف لاحب ولا شي
فلا تعصبيني
شوفي ندوشة ..
من تطول الخطوبة راح تكثر المشاكل
اوكي
بس جمال اني
ما أريد ازوج هسة
ليش…
شنو السبب
اريد اكمل السادس ..بس
اي .. بعدين كملي
شنو بعدين
جمال من هسة اكلك ترة اني ما عوف دراستي
لعد بعد أسبوع زواجنا
اني مخبل
مو بكيفك
لعد بكيفج
شوية وندكت الباب
شبيكم خير شنو الي صاير
ماما… تعالي اسمعي يكلي اسبوع الي يجي زواجنا
صدك جمال الي دكولة ندى
يعني شنو الغريب بالموضوع
لا ..بس الا تكمل السادس
واني كلت بعد اسبوع
يعني شلون تمشي كلامهة علية
لا يا ابني محد مشة كلامة
عليك ..ليش متعصب
اسألي بنتج
اوكي هسة روح وبعدين نتفاهم
جمال ما ازوج هسة
بصياح ..باعي لج اسبوع الي يجي عرسج
غصبن ما عليج
روح على بنت عمك احسن
بنت عمي اني الي عفتهة
سمعت امهة دكلهة شبيج تخبلتي
رحت على بيت عمي دكيت الباب
طلعتلي ملك جريتها من ايدها لج
منين تعرفين ندى
اوي وخر ايدك
احجي
وياي بالمدرسة ... بس
والله اذا سمعت إحجاية لا اخلص عليج
رجعت للبيت
كبل للغرفة ما حجيت

والله تعبت ومليت احاول بكل الطرق بس ماكو فايدة
هذا الحل الوحيد
شوية ندكت الباب
جمال
تعالي
يوم شبيك ليش هيج عصبي
مابية شي تعاركت
هااا ويا ندى
من تسكت يعني وياهة
ماما اسبوع الي يجي زواجي
ليش مستعجل احسن
انطي فرصة للبنية تعرف عليهة
لا ماريد انطي فرصة
ماما راح انام ماريد واحد يكعدني
براحتك بس ماتريد تاكل
لا ماشتهي
رحت بالفراش واني انكلب كل ساعة ب صفحة حطيت المخدة على راسي وغفيت ماعرف شكد نمت بس كعدت كوة اشيل راسي من المخدة باوعت للساعة
3 الفجر من زمان نايم
كمت
اسوي جاي سمعت الأذان
توضيت وصليت ودعيت ربي يهديهة علية ويريح
بالي بعدين بقيت كاعد رجعت نمت شوية دك تلفوني 9 - الصبح
الو ..الو
هلو جمال
هلو
هلو منو…
اني ام بسام
هلو عمة
البارحة تصلت بيك هواية
والله نمت من وكت شوية ماكدر ..أأمريني
ندى ..
شبيهة..
جانت بالمستشفى تخربطت بالليل
شبيهة…
أنهيار عصبي ..
اوكي شوية وأجي…
طلعت غسلت وبدلت ..تلكتني امي هاا خير وين تريد
عندي شغلة
جمال يوم انت لا تعشيت لا تريكت شبيك
ماما راجع فد شوية
طلعت كبل لبيتهم وصلت دكيت الباب طلعت امها
سلمت هلا جمال
خير شبيهة ندى ..
والله مادري ورة ماطلعت تخربطت وديناهة للمستشفى
يكول الطبيب انهيار عصبي ..
وهسة
نايمة شوية احسن
تعال عليهة
لا غير مرة اذا نايمة
ابني هي زوجتك
وصلت يم باب غرفتهة طبيت راحت امهة
وصلت يمهة كعدت اتأمل وجهة شكد حلو وبريئ شعرهة اسود سرح منثور على المخدة وجهة ابيض عيونها واسعة
جريت ايدهة خليتهة على وجهي وصحت عليهة
بهمس حبي فتحت عيونها شهكت
نتبهت عليهة تخاف مني
لا تخافين اني اسف البارحة تخبلت وانتي ماقصرتي
شلون صرتي
الحمد لله
لج ليش تعاندين هيج
على فكرة رحت على بيت ملك طلعت بالمدرسة
ليش ماكلتي
ترة هذي راح تبقى وراية الا تنتقم مني
خليج بعيدة عنها
مفهوم
جمال لاتعصب
لا تعانديني
انت زعلان

يعني كل هل السوالف ما أزعل
ندى والله تعبت شنو الي تريدي
ماريد شي بس اجل زواجنا
اريدك تنطيني فرصة حتى افتهم استوعب
انت ما تلاحض احنا كل ما نلتقي مامتفاهمين
ياريت وقت حتى نتفاهم اكثر
ندى تدرين اني تخبلت البارحة من وراج
ولج لا تخليني اعصب بية خبال مو طبيعي
اخاف عليج مني
اسمعي كلامي لا يضل راسج

يابس

يتبع. ..

البارت السادس )
جمال الندى)
اوكي ..
اني اروح ..
عندي شغل ارتاحي وبعدين اجي…
ندى احبج لا ضلين مخبلة ..
طلعت من يمها الأمور تمام بس اني ما مرتاح
مادري جان شعور غريب وقلق
امشي وأكل النفسي
جمال…
لاتفكر كافي خليك هادء
رحت جان عندي معاملة لازم اكملهة مالت واحد بتركيا
رجعت تعبان لكيت بابا وماما ..كاعدين
كعدت يمهم سمعت صوت بابا هااا ابني شلونك
شبيك وشنو قصتك ..
شو يوم مبتسم ويوم معكر احجيلي شبيك
ضحكت كتلة يعني ماتعرف طبيعتي
اعرف بس هواية مدغير يا ابني فكر قبل لا تتخذ قرار
تندم علية بعدين
بابا اني ادري اني عجول بس هي ما تحاول تفهمني
تعاندني
وتخليني اتخبل ...
وهسة شنو مشكلتكم ..
ماكو مشكلة بس ابقى اني مامرتاح
ليش ابني هذا فال مو حلو
يعني قصدك اني مطوخة
اي مطوخة اكثر من الازم
اسمع جمال الي مايريدني ما اريدة حتى اذا اني احبه
انتبه على نفسك ترى انت ابني الوحيد واني لسة ساكت اكول انت ترفظ واحد يداخل بحياتك
وانت من جنت زغير شخصيتك قوية
وتصرف بوعي فأذا دتحس البنية مامتفاهم وياهة انصحك اتركهة من هسة احسن لا تتعب بعدين
يعني تعب يوم ولا كل يوم ..
اشكرك بابا ادري بيك خايف علية بس اني من زمان اريدهة وما كدرت انساهة هسة لما صارت على ذمتي
تريدني اعوفهة ماكدر ..
ابني اني نصحتك وهاي حياتك بعد
ماما ماشاركتي ليش
اسمعكم ..
يهمني رائيج ..
مادري شكلك واني اشوفك ذاك اليوم ماخليت شي ماكسرتة ..
وأكلك شبيك دكلي متعارك وتسكت
يعني شتريدين اكلج
ماما اني طلعت لتركيا حتى انساهة ومانسيت ابد
بس هاي البومة ملك ..متعوفي ابد ..
ونوب طلعت ويا ندى بالمدرسة
جمال ماريد مشاكل ويا عمك
لا ماكو مشاكل

الله كريم ماما ان شاء الله لما تتزوج راح ترتاح وياهة
ان شاء الله
اني اروح انام ،،
ماتتغدة
لا من اكعد
براحتك ..
رحت سبحت وصليت وتمددت على السرير وغفيت
سمعت صوت امي تصيح علية ..
جمال جمال فتحت عيني
وجه امي مبتسم وهي تمسح على شعري وتبوس بية؟
دكلي خالك برة هو وعائلتة اجو كوم يريدك
هسة لما اصحصح واجي جريت تلفوني لكيت مسج
من ندى… مكتوب
جمال ( احبك)
بتسمت واني طاير من الفرح رديت
واني مجنون ومدمن وعاشق عيون الندى
سمعت صوت خالي هو هم اسمة جمال
يصيح جمال بعدك نايم
بدلت وطلعت تلكاني وحضني ويهمس يم اذاني
هاا حلو الحب
اني بتسمت كتلة شخبلني غيرة
بقينة كاعدين نسولف تغديت الساعة 7 المغرب راح خالي…
خابرت احمد
حمودي حبيبي وينك
هلو جوجو وينك شومختفي
جنت نايم تعبان بعدين كعدت لكيت خالي جاي علينا
وهسة يالة راح وكلت اخابرك
انت وين اني بالبيت تعال علية اليوم نتعلل وي الولد
اوكي شوية وجي
تصلت على ندى 5 مكالمات وماكو
اه لوبس من اتصل عليج تردين
طلعت رحت على احمد وصلت هلوووو
حضني ولك دايح كعدنا شوية بالسيارة يم البيت
شوكت تسافر
اسبوع بعد
وزواجك ..
مادري بعد ..
يالة نروح يالة
رحنا تعللنا لحد الوحدة بالليل كتلة احمد تروح
اني راح اروح
اي يالة
رجعت احمد ورحت للبيت تلكتني امي هاااا ماما
هلا بعد امك ليش تأخرت
بقينا نتعلل ومانتبهت للساعة
تريد عشة
لا ماما ماريد
اريد اروح اسبح ونام
براحتك تصبح على خير
وانت من اهلة بوستهة
سبحت وصليت تمددت جريت التلفون لكيت ندى متصلة 9 مرات اني جنت مسوي صامت دزيت الهة
مسج جنت طالع توني شفت اتصالج
كاعدة
نتضرت شوية ماردت
اجاني مسج منهة بعد وكت
اتصلت ماردت
رجعت اتصل مرة ثانية فتحت خط بس ماتحجي
ندى…
توك اذكرت ندى
حبيبي والله جنت اتعلل ويا الولد
بعدين اني من اتصلت انتي وين
جنت طالعة…
شنوو
جنت طالعة ويا ماما
ليش ماكلتي راح اطلع
شبيك جمال شنو الي صار
يعني الأصول تكول لازم دكولين للحمار الي خاطبج
شبيك انت
انتي الي شبيج
جمال لتصيح اني مو اخذ الأوامر منك
انت منين اجيت وهيج كلبت حياتي شتريد
شنو اسويلك حتى يرضيك
اسمعي لج صوتج ماريدة يعلة لا شفتيني احبج وساكت ترى وصلت حدهة وياج
شنوو سويتلك اني حتى توصل حدهة
يعني ليش تطلعين ماتكولين
جمال شبيك انت
انتي الي شبيج
سدتة الوو
دزيت الهة مسج ..
اسبوع الجاي زواجنا
فتهمتي هذا اخر كلام عندي

كل الليل مانمت
اني مكتوب علية شلعان الگلب بعدني اسولف وية نفسي
اجت ماما جمال شمسوي انت
شمسوي يعني
شبيك ويا البنية
مابية شي
خابر ابوهة هسة يكول جمال هيج حاجي على البنية
ماما سدي الموضوع ترى اذا ماسديتي والله هسة اسافر وبعد ما ارجع ابد
شبيك عين صابتك كل شوية متعارك انت وياهة
اني اعرف شلون أأدبهة ..
بقيت كاعد افكر
كلما اصلح شي يتخربط شي
للصبح
بدلت طلعت رحت على ابوهة
سلمت علية
جمال شبيك ويا ندى
بنتك طالعة وماكالت
وتعاندني بكلشي
يا ابني طلعت ويا امهة
عمو من نبقى هيج راح اطول المشاكل
اني اجيت اكلك عرسي هذا الاسبوع
فياريت خلي بنتك اجهز الي تريدة ..
راح ادز الوالدة اليوم العصر
هذا قراري …

يتبع

البارت السابع)والثامن

#جمال الندى)

اني ندى كريم عبد الرزاق
عمري ١٨ سنة
طالبة سادس علمي
عندي اخوية بسام واختي بسمة
اجلت السنة لان صارت الي ضروف
اني انسانة هادئة ورومانسيا مشكلتي
اعاند هواية هذا سبب مشاكلي
نخطبت ا لواحد عمرة مارادني
ولا بحياتة فكر بية بس مرة وحدة وصلني للمدرسة
جان قليل يجي ومن يجي وياه امة
جنت احلم واعيش وياه قصص بخيالي
بس الي صار جنت فد يوم راجعة من يم المدرس
أدرس خصوصي لان جان عندي مشكلة ب الرياضيات مجنت افتهم واريد اخذ درجة كاملة
رجعت واني افكر وماحسيت الا صتدمت بشي قوي
حسيت بنفسي الا واني بحضن واحد عيونة كبار
وعطرة يدوخ ممزوج ويا جكايرة بقى واكف بمكانة ويتبع خطواتي
بقيت افكر بي فترى من الزمن فد يوم رجعت شفتة
بقى يباوع علية ما أكذب وكول ما باوعت علية جنت
احس اني جريئة بس من اشوفة جان اكو احساس غريب احس بي من اشوفة
بقى يمشي وراية الى ان وصلت البيت ورة فترة شفتة واكف يم بيتنا جان خطيبي جايبني من المدرسة ذيج اول مرة يسويهة بحياتة ويجيبني من المدرسة

او مرة حلمت بذاك الي صدمني كاعد بنفس المكان الي التقينا بي وجان
وجه شاحب وحزين وصلت يمة مد الي ايدة توني اريد المس ايدة كعدتني ماما

كعدت واني احس اكو مشاعر بيني وبينا
وحساس غريب
اني حتى اسمة ما اعرفة الى ان اجة وشفتة بنفس المنظر الي شفتة بي بالحلم
جان مزعوج من الي وياي يمكن عرف هو خطيبي
اختفى هذا الي صدمني ودوخني بعطرة وريحة سكايرة مر وقت وصار الحادث وتوفى خطيبي
نصدمت لأن هو انسان محترم رغم جان أيلبي طلبات امة بكل دقة بس يبقى خطيبي بذاك اليوم هجمت علية امة وتهمتني اني السبب بموت ابنها بقيت مصدومة فترة واني ما أستوعب الي يصير من حولي
نسيت الفرحة بقيت مكتأبة
واجة واحد على بابا ايريد يخطبني رفضت بدون ماشوفة
رجع خطبني مرة لوخ ورجعت رفضت
وختفى وقت بصيط ورجع انوب خطبني
ضوجني شنو هذا اخذت رقمة من تلفون بابا بدون مايدري من خابر كلة بابا انطينا وقت يعني جان اخر اتصال ورة ما نام بابا خابرت علية
وكتلة اني ماريدك
أيكلي بس اني اريدج هذا يكفي
سكتت كتلة انت ماتحس
كلي انتي حسي بية
كتلة اخي
كلي اني مو اخوج
سديتة
اتصل على بابا وكع الحك براسي
وكلة اتصلت وهيج كالت
كلة بابا البنية الك ماتصير الغيرك
انطاني بابا واني مادري
اجة بابا يصيح ومعصب
ويكلي ليش تكسرين كلمتي
وتخابرين الولد بس عقابج اني انطيتج الة
اهذا الاسبوع يجون اهلة
باوع على ماما وكاللهة هاي تربيتج
بقيت ابجي وكرهتة قبل لا اشوفة
اجو الرجال بقيت كاعدة بغرفتي الى ان اجت ماما وكالت يالة ندى ايريد يشوفج الولد
ماما ماريد اشوفة
ندى ليش أدخلينا بمشاكل ويا ابوج
الخاطري ماما كومي
كمت واني احس كلشي بية ميت روحي جانت تتألم بصمت وصلت وكعدت
سمعت صوت اخوية يكلة تفضل وراح
سلمت علية ماما او طلعت
كعد كبالي سمعت صوتة
مبروك ياعروس
مارديت لان جنت كارهتة
بس صوتة مو غريب علية

سمعت صوتة يصيحلي
ندى ارفعي راسج ماحسيت الا وهو واكف قريب علية
مد ايدة حتى اكوم بس اني كمت بدون ما المس ايدة
بس رفعت عيني مستغربة من الجرئة الي عندة
شفت وجهة
بقيت مصدومة
انت
اي اني الي صدمتج
بس جان وجهة مبتسم
بقيت مصدومة هو الي مرة نصدمت بي بقيت كل الليل افكر بي وين جان وليش اجة
واني اكول لنفسي معقولة ما نساني
بس حسيت رجع حرك بية مشاعر مرة اخرة
عرفت اسمة جمال
جنت خايفة كرهت كلشي من تجربتي الاولى
وبنفس الوقت جان عندي مشاعر مخربطة
مادري احزن مادري افرح جان كلشي بية تايهة
حسيت اني بمتاهة
واني اكول النفسي طلع اسمة جمال هذاك المجهول
الي يطاردني بأحلامي اجت ماما هااا ندى شفتي
اي
شدكولين
مادري
واني اكول شبيج ندى مو هذا الي جنتي تتمنين تشوفي
بقيت فترة من الزمن واني عايشة ب متاهة ماعرف شبية
الى ان اجت ماما كعدت يمي شبيج نداوي ليش هيج تايهة وتفكرين هواية شبيج
الله عوضج بواحد حلو ومثقف ومبين رايدج ليش بعدين تخسري ياماما اذا اجة احجي وياه وشوفي
بالكت الله يطلع خوش ولد مبيين شخصية
انطي فرصة النفسج وللولد
ترى مالة ذنب بالي صار وياج فكري زين وان شاء الله ترتاحين
رغم اني جنت ارتاح من يصير قريب مني بس يضل اكو شي ما مفهوم
لحد هذاك اليوم لكيتة متصل علية
جنت طالعة رجعت اتصلت اني هواية علية ومارد
تركتة بوقت متأخر دز مسج اتصل
رديت علية جان هادء فجئة تغير بس كتلة جنت طالعة
بدة يصيح ويهدد ويحجي
ضليت ابجي وسديتة
ليش شنو الي سويتة حتى هيج يسوي
اني اعترف احبة بس ماكدر اكمل وياة بهل الطريقة
لكتني ماما ابجي كتلهة
جمال يصرخ علية ويحجي لان جنت طالعة وياج
راحت كلت لبابا وصارو يتصايحون
اني خليت ادية على اذاني
وأبجي
بقيت لحد الضهر واني اكول هسة يجي بس ابد ماتنازل واجة
اجة بابا من الشغل
وكال اليوم يجون لان هذا الاسبوع زواج بنتج
عرفت سواهة شغلت عناد…

يتبع

البارت الثامن)
جمال الندى)
أتفقت اني وبابا اسبوع وازوج هذا جان ابسط عقاب رحت لبيتهم اودي اغراض ماشفتهة
وماسألت كملت تجهيزات
خابرتني امه حتى اوديها للصالون الاربعاء كتلهة اخوهة يوديهة اتفقت وياه
رحت بالحنة جانت طالعة تخبل مابينت اني ضايج
بالعكس جنت سعيد باوعت علية بنضرة كلتلي رتاحيت
بتسمت جاوبتهة اكيد..ليش ما ارتاح وانتي الي
لبستهة الذهب وكصين الكيكة شوية طلعت
كملنا الحنة بالبيت
ثاني يوم البيت متروس ناس كل اقاربنا اجو
الى ان صار وكت الزفة تجمعت الناس
ومشت الزفة وصلنا للبيت نزلت والناس تهوس
طبيت كاعدة اميرتي وصلت يمها كامت بستهة من
كصتهة شوية مشينا
فترت السيارات وصلنا البيت نزلت كايدهة
الجكليت دكول رصاص
طلعت يم الولد
شوية وزفوني طبيت الغرفة
طلعو سديت الباب
واني مامصدك صارت يمي وبيتي
بقيت ساكت شوية افكر لازم ابدي حياة جديدة
كمت من مكاني بتجاهة
ندى ادري بيج زعلانة
بس حتى انهي المشاكل
خليت ايدي فوك ايدهة سحبتهة بسرعة
ندى لاتبجين اني اسف على كل الي صار
ندى حبيبتي هاي ليلة عمرنا ليش نخربهة
صدكيني لوما مسوي هيج جان زادت المشاكل بينا
جنت أخاف لا اضيعج بعد ما لكيتح
رفعت وجهة علية مسحت دموعهة ادري ميكفي
اسفي شنو الي تريدي اني حاضر
ما تتقربلي
الا هذا الشي
جريتهة بحضني
فتحت سحاب البدلة
وماحسيت بعد بشي تجاوبت وياي
وصلت الى ان اخذهة
كافي جمال
لا مو كافي
بعد ما اخذتج
تحمليني شوية
تعبتني بس ماعفتها
عطشان ورتويت منها
هواية سنوات مرت اني انتضر هاي الحضة
نامت بحضني
حسيت عليهة وهي تتأمل بوجهي
اخذتهة بحضني بوستهة رجعت عشت اجمل
من البارحة
مشت الايام ولا اروع
رحنا شهر عسل لربيل
وهواية عرفت عنها بس مابطلت تعاندني
هادئة ورقيقة
مزاجية
رومانسيا طفولية
تمتلك عزت نفس غريبة
خلصنة شهر يالة رجعنا
جان صدك شهر ولا بأحلامي
يعني حتى من تنام اغار عليهة
رجعنا وتلكونة اهلي والاقارب
جانت ماما مسوية حفلة
رحت على احمد
هلو حمودي
جوجو شوكت اجيت شتاقينا عيني من لكة احبابة نسى اصحابة
تلكاني وماسكت
حجيلي شلون الزواج
وضعك شلونة حليت سوء التفاهم الي بينكم
ولك نطيني مجال خلي اسولف اكلتني
شبيك من تشوفني بعد ما تسكت
بقينة نسولف اني وياه يالة اني اروح عندي شغل
شنو شغلك بالة اكو غير الحب شغلك
ضحكنة اني وياه يالة حمودي اني اروح انت سوالفك
ماتخلص
خليني اشوفك قبل لا اسافر
زين مرتك تروح وياك
اكيد اني ماخليهة هنا
يالة باي
الله معك جوجو
رجعت للبيت احس عبالك مضيع شي
وصلت لكيت ماما بالمطبخ سلمت عليهة ماما وين ندى
جانت هنا قبل شوية صعدت لغرفتهة

صعدت لكيتهة نايمة على القنفة شلتهة حست ولفت اديها على ركبتي
حطيتها على السرير
حسيت انفاسهةبدت تتعالة
ندى عمري انتي كاعدة
فتحت عين وعين سادتهة وهي دكلي
شدكول انت
اكو واحد سأل عليج اليوم
منو هذا
گلبي منو غيرة الي يدور عليج
حطيتهة بحضني فقدت
احساس ماينوصف
من اقترب منهة
صار لزواجنا شهرين
لحد ما صار الي عمري ما تخيلتة
جنت نازل من الدرج
سمعت ماما تسألهة جهزتو كلشي
وهي تسأل ماما شنو تقصدين
اجيت صحت عليها
ندى تعالي وراية
اجت
اكعدي
اليوم اخذج حتى تشوفين اهلج
لويش
حبيبتي اني لازم اسافر
بس اني ماأريد اروح
شلون وين تبقين
ابقة يم اهلي
شلون تبقين يم اهلج يعني
اني اكثر من سنة ماكدر ارجع
جمال كتلك ماكدر اسافر
ولج شنو ماتكدرين..
شنو هاي المسخرة مالتج
يومية مطلعتلي شي
جمال انت
اشش ماريد اسم صوتج
تروحين غصبن ماعليج
فتهمتي
لا مافتهمت وكتلك ماريد اروح
انتي شنو تكسرين كلامي
جاوبيني
اطلع وارجع الكاج مغيرة رائيج
مفهوم ..
هذا الي ماجنت
اتوقعة
طلعت واني مادري شسوي رحت كعدت بالكوفيه
وبقيت كاعد لحد ماصار الليل ومادري بنفسي
ذاك اليوم شكثر ما مغثوث شربت باكيتين جكاير
ماريد ارجع للبيت
صار الوقت متأخر
اتصل بابا
الو ..
وينك هسة ترجع للبيت انتضرك
وصلت لكيتهم منتضريني
سلمت ..
اكعد ..
تعبان اريد انام
بابا اني ماحب ادوخك اني احلهة
صعدت لكيتهة كاعدة
ماحبيت افتح وياهة اي موضوع بدلت ونمت
بقينا اربع ايام على هل وضع
كعدت الصبح لكيتهة ماكو
كلت اكيد نزلت يم ماما صحت
ماما ندى وين
ساكتة ندى وين
راحت وياة اخوهة
وين
مادري سألتهة
ماجاوبت
خابرت عليهة مغلق
بدلت ورحت البيت اهلهة
نزلت من السيارة دكيت الباب قوي
طلعلي بسام
وين اختك
جوة
شلون تجي بدون مادري
ليش هية ماكلتلك
لا ماكالت اني جنت نايم
يالة تفضل وهسة اصيحة تفاهم وياهة
كعدت واني احس نار بية
سمعت صياح جوة اضاهر اخوهة
مو قابل على تصرفهة وطلعتهة بدون ما ادري
بقيت انتظر
اجت
كالت

جمال ما اريد اسافر
شنو الي كتلج اياه
ليش تطلعين بدون علمي
جاوبيني.
ظربتهة راشدي الا نطبعت اصابعي على
ابقي يم اهلج
الي تطلع بدون علمي ما ريدهة
ولا تهمني ..
ثاني يوم سافرت… ..
يتبع
😊❤️😙

البارت التاسع )
جمال الندى)

سافرت واني اسوي نفسي مامهتم
كلشي بية بقى يمهة ..
اخذت گلبي مني
بقيت اعاني أشهر
كلت النفسي لا اني انسان عندة كرامة
خلاص مو اني نطيتهة مجال
واني الي حبيتهة
اني الي راح انهي كلشي
يوميا يخابر بابا يطمأن علية
جمال بابا ارجع اخذ مرتك
بابا ماريدهة بعد خليهة يم أهلهة
يعني ماصار النة 3 اشهر هيج
تمشي كلامهة علية
خلي تتأدب
ابني مو هيج تنحل المشاكل
بابا لا تحاول ابد ما ارجع
هاي امك تريدك
هااا ماما شلونج ..
هلا بعد امك ..
جمال ماألي خاطر عندك ..
خاطرج على راسي ... كولي
أأمريني ..
ارجع اخذ مرتك ..
رحتي عليهة ..
يوميا اروح البنية بالمستشفى
من سمعت گلبي وجعني ..
ماحبيت ابين
أشبيهة…
من يوم الي سافرت هية مريضة
خابر عليهة الخاطري
ماما لا تلحين بالموظوع
جمال اني الي ادري انت شكد تحبهة
اي احبهة
بس كرامتي داست عليهة ومشت
ماكدر هذا قراري
وما ارجع بي
لا تلحون كافي
خلوني أأدبهة
براحتك
دير بالك على نفسك
ان شاء الله
باي
الله حافظك
سديت الخط واني بالي مشغول بيهة
بقيت الهي نفسي ابد ماكدرت اتغلب على گلبي
يعني رغم البعد تتحكم بية
رجعت افكر وتعب
يوميا اخابر ماما واسأل عليهة
كتلهة لا دكولين اني اسألج عنهة
اي تسألني
كل ما اروح دكلي خالة خابرتي
جمال
دكلي ما سئل
اكلهة لا
تسكت ..
احسن خلي تبقى ساكتة
انهي مكالمتي ويا ماما ..
واني متقصد اسمع اخبارهة
صار 5 اشهر من سافرت
تتصل من تلفونهة مرات
مارديت ..ما أريد اضعف من اسمع صوتهة
هية الي وصلتنا لهنا
خلي تتعلم ما تكسر كلامي ..
مرات اشتاق اكول هسة ارجع
ورجع اكول لنفسي ..جمال شبيك
حنيت …
تعبت ليش هيج حظي
مر شهر.. جان عندي محاظرات حتى مافكر بشي
ارجع تعبان وانام وكعد ادرس ..
وصلني مسج منهة
جمال طلكني
كافي تعبت
رديت عليهة ..
عادي اطلكج ..شوكت ما عجبني
رجعت دزتلي ..
هسة طلكني
هذا الشي بمزاجي
لو تموتين ما طلكج
استمر الحال 6 اشهر كلت اروح اشوف ماما وبابا
واشوف الحيوانة شنو سالفت الطلاك
رجعت للعراق
فتحت الباب جانت ماما توهة جاية من الدوام
صحت ام جمال ..
أجت تركض ..يمة شوكت اجيت حضنتني
بوستني كعدنا اجة بابا ..
هااا ولك اجيت ..
شسوي أسبوع ورجع
حضنت بابا مشتاقلك
الي يشتاق يسأل ..
بس خاف مشتاق لغير ناس
ضحكت…
كالت ماما ..
جمال مو كافي
رجع مرتك .. صار هواية زعلان
ماما لا تشغلين بالج بينا
شلون ما أشغل بالي انت وحيدنا
وهيج حياتك ..
شبيهة حياتي كلهة سنة وأصير
دكتور جمال…
أن شاء الله
اني جوعان اريد من اكلج
يالة شوية واصب
تغدينا سولفنا
ترخصت منهم
رحت الغرفتي فتحت الباب شميت عطرهة
تنهدت من اذكر الي صار وشلون
سبحت ونمت مادري بيش الساعة
حسيت ماما تهمس ب شعري
جمال اكعد شبيك صارلك هواي نايم
فتحت عيوني
تعبان ماحسيت
الله ي ساعدك
ماما شلون ندى
ضحكت ..هااا ان شاء الله هديت
انتي شدكولين
اي كافي ترى طولتهة
ماما شفتيهة هل فترة
لا صار هواية من اروح ماتطلع علية
ليش…
اسأل عليهة يكولون نايمة
هااا
يمكن شوية وروح عليهة
اي كافي يا ماما والله اني من يمي تعبت
ماما اذا ماقبلت تروح وياية راح اطلكهة
لا جمال شو هيج
هي تريد اطلكهة
جمال شبيك هاي انت العاقل
يعني اذا ما تروح وياي شسويلهة
اهداء وستخفر ربك
راح اطلع
وبعدين اروح عليهة..
طلعت رحت على اصدقائي
خابرت بسام ..
الو ..الو
هلو بسام شلونك
هلو جمال انت شلونك
انت بالعراق…
اي أجيت اليوم
ماريد ندى تدري
اوكي براحتك
شلونها ..
الحمد لله زينة
وين هية هسة
رجعت اداوم
أمتحنت الي مكملة بيهم
وهسة اول كلية.
بابا كال ليش اظل بالبيت
ترجع اداوم احسن
لأن حيل تعبت من سافرت
اوكي بسام ماريد تدري اني رجعت
اوكي جمال
ثاني يوم
رحت للجامعة كلت اشوفهة من بعيد بدون ما شوفني
بقيت افتر الى ان لمحتهة…
كاعدة وياهة بنات
مشيت ب تجاهة وصلت هية مامنتبهة
سلمت ..من سمعت صوتي
التفتت وهية مفزوعة ..فاكة حلكهة وعيونهة
جمال
البنات يباعون عليهة .. اعرفكم زوجي
سلموو علية وترخصو
جانت خايفة
اني اباوع بعيونهة اوهية تتهرب بخوف
اسمعج احجي
جمال… بابا كلي ارجع اداوم
دتبررين الي
شنو المسج الي دزيتي
انت اذا ماتريدني ليش
ليش شنو
مو انتي الي رحتي بدون ما دري
وهسة تريدين اطلكج
اذا متريدني ليش باقية وياك
لازم عندج احد بالج
ستغربت من كلامة
بسرعة وصل يمي جرني من زندي
كومي كدامي
وين عندي محاظرة
مبين عليج مرتاحة بغيابي
جريتها من ايدهة
كامت وتحاول تخفي شي..صدمتني معقولة
امشي جريتهة للسيارة ..اصعدي
صعدت .. مشيت وحنا ساكتين
اخذتهة للبيت وصلنا
يالة انزلي
وديني على ا

هلي
ندى انزلي احسلج
شبيك اوي لاجرني
جريتهة لغرفتنا
بصياح فوتي
انتي حامل ..سألتج جاوبي

البارت العاشر ) بارت اضافي

للكاتبه
جمال -الندى

اني حظي قليل بالدنيا بس حبيت…
اجمل انسان بالعالم جمعتني بي الصدفة
ماعرف جنت رافضة الزواج صراحة
اخاف ...
يمكن لان جنت مخطوبة ومات
ماعرف عقلي رافض…
بس قلبي متمسك ..ب جمال
الى ابعد حد …
الى ان صار عرسنا اني عندية
هو عصبي ..اختصر المشاكل
بزواجنا
بالعرس…
اول ما طب اني ارجف مثل السعفة
وصل يمي وجرني باسني من راسي
أومشينا يجر بية اني مادري شنو الي صارلي
ماكدر امشي وصلت للسيارة…
بصعوبة صعدني اوصعد…
همس يم اذاني أهدئي لا تخافين ..
جر ايدي وباسهة
يمكن جان ايريد يخليني اطمأن
وصلنا للبيت نزلني جان مبتسم طبينا وطلع ويا اصدقائة
زفونا طبت وياية اختي وامه وخالاتي شوية اوطلعو
قفل الباب اني نزلن دموعي سكت شوية اجة بتجاهي
جرني من ايدي رفع البركع
ابتسم بوجهي ..
ندى انتي روحي ..
حظني بعد ما حسيت غير واني نايمة بحضنة
بقى مهتم بية وخايف علية حتى من اخذني
ماجنت اتصور هو هيج رومانسي
ويحبني اكثر ما اني احبة .. بقينا شهر كامل بأربيل
جان احلى ايام عمري ..
رجعنا ورة فترة من اربيل
ستقبلونا اهلة
سواتلي ام جمال حفلة بمناسبت رجوعنا
صار لزواجنا 3 اشهر يوميا بمكان لحد ما أجة
جمال كال ندى اسبوع الي يجي اسافر حتى اوديج
يم اهلج شوفيهم
أستغربت احنا ما متفقين اني اسافر وياه
كتلة ليش شنو تريدني اسافر وياك
جاوبني شدكولين انتي…
كتلة اني ماروح وياك…..
ماجنت مستعدة اسافر ..
جنت اريد اكمل دراستي
كلت هو متفهم راح يفهم وضعي
بس تخبل بقى اسبوع زعلان مني ...
حاولت اتفاهم بس جان قافل ..
ورة كم يوم اجة متأخر
بقيت انتظرة ..
فتح باب الغرفة شافني ..
دار وجهة عني
كتلة…
جمال حبيبي ليش هيج اني شنو الي سويتة
يعني زواجنا صار غصبآ علية خطوبتنا غصبآ
علية وبعدين
اني ادري بيك تحبني
والله انت الهوى الي اتنفسة
حبيبي افهمني ما عندي احد بتركيا
واني اريد اكمل دراستي
واني شنو بالنسبة الج
طلعتيني ولا شي
طلعتي اني على كلشي غاصبج
مو غاصبني بس انت تمشي الي انت تريدة
شتريدين تمشين امرج علية
لا مو قصدي
ندى اخر كلام عندي تروحين غصبن عليج
جمال ماروح الله يخليك افهمني
خلاص سدي الموضوع
بقيت للصبح اني ابجي
طلع حتى من الغرفة
جنت اتمنى ايكلي ابقي هنا
بس هل سنة واني ارجع
رجع للغرفة ب 2 بالليل
نام اني ماكدرت انام
الصبح خابرت على اخوية اجة اخذني
غلقت تلفوني ..
صارت الساعة 11
دك الباب طلع بسام
رجع يكلي جمال مايدري بيج تريدين تجين
كتلة لا
كام يصيح ليش ماكلتيلة
امشي يريدج
اني خفت منة بس شلون لازم اطلع علية
كلت خلي مابين الة اني خايفة
طلعت عرفت من نضرت عيونة ماراح يسكتلي
بعدني احجي وياه
كلي بصوت عالي
ليش تطلعين بدون علمي
ماعرفت شنو اكول
ظربني راشدي حسيت افتر راسي
صار عندي مغص مو طبيعي من الخوف
بعد مادري ..
شلون اوين وكعت
حسيت اني بالمستشفى
طلع هابط ضغطي
سوولي تحاليل
طلعت حامل
مادري شسوي اضحك لو ابجي
خابر بسام على جمال مغلق
طلعت من المستشفى ثاني يوم
خابرت على ام جمال
الو… .الو
هلو خالة…
هلا ندى ..
خالة جمال وين
سكتت شوية
كالت سافر
اني من سمعت
رجعت حالتي تدهورت
صرت انزف رجعت للمستشفى
بقيت مريضة فترة ..
اخابر علية ادز مسج ماكو
ماقبلت احد يكول اني حامل
صارت من تجي ام جمال ما اطلع
ماريد تشوف بطني
صار أشهر من سافر
اني صارلي 4 اشهر حامل
بقيت فترة على هل الحال
يوميا اكول هسة يدز مسج
بس ماكو ..
طبيت بالشهر 5 سوالي بابا واسطة
ورجعت اداوم ودفع كم ورقة يالة رهمت
كال اذا بقيتي كاعدة بالبيت راح يطلع الي ابطنج
متعلعل
سويت سونار طلع ولد
بس كلت مااكلة اومن اجيب اطلب الطلاق منة
تعودت شوية شوية
ماخلصت .. بابا يلومني ماما تلومني اخواني
حتى صديقاتي
عدت الاشهر واني احن علية واتمنى اشوفة
هواية احلم بي واكعد ابجي بالليل
تعودت بس ما نسيت
حياتي مخربطة
تجي ام جمال بس ابد ما اطلع
تسأل يكلولهة نايمة لو طالعة
لحد ما طبيت بشهر السابع
بطني كبرت تعبت ملامحي تغيرت
هو ولا حن علية ولا حتى رسالة ماكو
الى ان يوم اني نايمة حلمت بي اكلة
جمال تعال شوف ابنك
يكلي ما أرجع ..
فزيت خايفة
اكول بس لا مايريد يرجع
شنو هذا ليش گلبة مايحن علية
وين الحب الي جان أيسولف علية
دزيت مسج
كتبت بي جمال طلكني
عفتة لان ادري بي مايرد علية
بس هل المرة رد يهددني
ورة اسبوع اني بالجامعة كاعدة
ويا صديقاتي
سمعت واحد سلم
صوتة جان مو غريب التفتت
بقيت مصدومة
حسيت رجلية ماتو من الهبطة
كلت جمال
عرفت البنات علية ترخصو
اني جنت خايفة نسيت حملي
متغير شوية ضعفان بس يخبل
عطرة ملى المكان ورث جكارة
اني حتى جگارتة شتاقيت اشتمهة
كالي
شلونج ست ندى
بلعت ريكي زينة
حطيت الشال على بطني
بس هو ذكي أنتبه
كالي تريدين اطلكج
كتلة اذا ماتريدني ليش باقية
هو ..تخبل كام من مكانة وجرني
وراه ..صعد

البارت الحادي عشر

#جمال_لندى
فوتي بصياح تذكريهة هاي الغرفة
لو نسيتيهة مثل ما نسيتي صاحبهة
الي حبج اكثر من روحة
فوتي شبيج
سد الباب
انتي حامل
اني حسيت كلبي راح يوكف
يبس ريكي رجلية بعد ما شيلني
رتبكت مادري شكلة ..
صاح بصوت عالي سألتج جاوبيني
صار عندي مغص ..
باوعت علية ..
عيونة راح تاكلني
جاوبتة اي حامل
من شوكت احجي لا هسة اخلص عليج
من سافرت ..
شسوي بيج هسة ..
اموتج ليش هيج تتصرفين
حتى ماما ماتدري
اني ماقبلت احد يكلك
ليش ..
اني كلت اذا تريد ترجع الشخصي
مو على ابنك
شكد حامل
7 اشهر
شوية بقى ساكت ويباوع علية
شكد يرادلج تكسير راس لج شسويلج
كتلة جمال اني تعبت
جاوبني…
ليش انتي موتريدين اطلكج
ليش تتعبين ..
اطلكج بس ابني تتنازلين عنة
بقيت مصدومة
بجيت ..
الهدرجة ماتحبني
تبجين .. بعد ماشفتي شي
امه جانت بالدوام وابوه بالمحل
ماكو احد بالبيت
بصياح ليش حامل ما كلتي
فهميني شوكت دكليلي من تجيبين
كعدت بالكاع ،كمت ابجي
كافي ليش هيج شنو الي سويتة
تعبت والله تعبت
عوفني
منين اجيت علية
هيج كلبت حياتي
ماحسيت الا هو كاعد يمي
كافي لا تبجين
مسح ادموعي
حظني ..حط ايدة على بطني
باس ايدي
كالي هذا الي ردتي انتي
بوسني من خدي من راسي رجع حضني
نزل على ركبتي
شبيج خايفة مني
بعد ما حجيت جر شفتي
تعبني اكثر ما اني تعبانة بوسني
بعنف تجاوبت وياه
ماحسينا الا
دك تلفونة ..
فززنا
بتعدت عنة ..
رد هلو
بسام .. اي وياي
هسة اجيبهة ..
باوعت على نفسي حجابي بالكاع
شعري مفتوح قميصي…
مفتوح السحاب ..
ستغربت اني شبية مشتاقتلة هيج
طلع من يمي
كالي الحكيني للسيارة....
لفيت شعري عدلت حجابي ..
رحت للسيارة صعدت ساكتة
شوية دك تلفونة
ردعلية هلو بسام
كالة لاتخاف مابيهة شي
جايبهة للبيت ..
كتلة بسام يدري بية وياك
باوع علية رافع حاجبة شبيج
انتي مرتي ما ناهبج اني ..
سكتت..
بس اني من الهبطة والخوف منة
المغص زاد
وصلني يم الباب وكالي اليوم
اجي بالليل اتفاهم ويا اهلج ...
نزلت هو راح
طبيت البيت عبالك جنت
بحرب ..منهكة
تلكتني ماما هااا
ندى شبيج ..
مادري شكلج جمال رجع وعرف اني حامل
اي قبل شوية اخوج كلي…
من شوكت بسام يدري ب جمال راجع
هو البارحة مخابرة سائل عليج
اي وكلة روح تلكاهة بالجامعة ولا كلي
ماحسيت الا واكف فوك راسي
تخبل من شافني حامل
غير انتي عنيدة راسج يابس
كنالج لا زم دكليلة ..
يعني هو رد علية اوما كتلة
لعد هسة اهلة شيكولون
مايهمني احد
شوفي ندى انتي مايفيد بيج
غير بس هو يعرف شلون ..
ايطيح حظج…
ماما انتي ويا لو وياي
اني ويا الحق ..
جان رحتي وياه من البداية
ولا كل هل القهر ..
يعني اني شمدريني راح يصير كل هذا
ندى انتي بنتي وأعرفج
يعني شنو
يعني هل المرة الله ستر مرة
التجي راح يشمرج وياخذ ابنة
اني من هسة اكلج
لا تنسين بنت عمة ملك لسة كاعدة
تتمنة اشارة منة…
وانتي افتهمي عاد
اذا عندج عقل احتوي للولد
فتهمتي ..
بقيت دايخة ماعرف شنو راح يسوي ..
ما اشتهي حتى الأكل ....
قلقة ما اركز من احد يحجي وياي
جنت اريد الوقت يمشي حتى يجي
سمعت صوت بابا يسأل علية
سديت الباب سويت نفسي نايمة
فتحت الباب ماما رجعت سدتة
كلتلة نايمة… .
بقيت بمكاني مدة طويلة تايهة
افكر…
ليش هيج حضي متعثر
ادري اني احبة بس العناد مو بيدي
شسوي ياربي
احس اني بمتاهة كلشي
اريدة يتخربط ..
جنت قافلة علية شلون هيج
أتجاوب وياه…
ضليت ابجي الى ان نمت
حسيت على نفسي مغص قوي ونزف
صحت ماما… ماما
تعالي اني ماكدر ...
اجت ماما شبيج ليش هيج
وجهج اصفر..
ماكدر اني دنزف ...
تخبلت ليش شنو الي صارلج
اخذتني هية وبسام
رحنا دخلوني على الصالة
اني ابجي ايدي بيد ماما
طلعوهة…
كالتلي الدكتورة ..
الطفل النبض مالتة ضعيف
اذا بقى للصبح هيج
لازم عملية والا فقدنا ..
اجت ماما علية…
ماما ابني راح يموت
لا لدكولين هيج مابي كلشي
ماما خابرو على جمال خلي
يجي اريد اشوفة...
هسة اكل لخوج هو أيخابرة
طلعت ماما…
شوية رجعت كالت مايرد ...
ماما خلي يجي…
روحو علية…
لا تبجين بقيتي تقهرين بنفسج
الا تعب الطفل…
كلة منكم واحد اضرب من واحد ..
وصلت ندى…
رجعت للبيت لكيت ماما راجعة من الدوام
هلو ماما…
هلا بعد امك ..
شبيك وجهك مايتفسر…
انتي تدرين ب ندى حامل
شنو من شوكت ..
ماما ندى حامل من سافرت
صدك..تحجي
اي والله
واني اكول ليش ماتطلع علية من اروح عليهم
لعد ليش ماكالو…
مادري…
اي هسة شنو الي مضوجك راح تصير بابا
هية ياشهر ..
السابع…
يمة يمة شلون بنية…
شبيك ماما ضايج المفروض انت هسة سعيد
الي ضوجني تصرفهة يعني شنو واحد مر

تة حامل
هو مايدري
يعني لومو اني جاي هسة
چان جابت محد يدري بيهة
راح تخبلني
والله اليوم من اروح الا اطيح حضهة على هل السالفة
بس ااخ من اشوفهة ايحن گلبي..
بس مو صوجهة صوج اهلهة الي منطيهة مجال
لا وانوب تريدني اطلكهة ..
يتبع. ..

البارت الثاني عشر

جمال الندى )

مادري ماما والله ثم والله
لومو احبهة جان هسة ..
طلكته بس اخ ماكدر روحي بيهة
ادمنتها…
لا جمال شو هيج تحجي وابنك
ماما تصرفاتهة راح تخبلني تتصرف
من راسهة…
شبيج :) ؟!
شو هيج صافنة علية
مابية شي…
بس دشوف ابني ايريد يطلك منو
ولك انت ترباتي
شفتهة مرتين خبصت الدنيا
يوميا مكسر نص غرفتك…
اوحتى بالعراق ما بقيت من سمعت مخطوبة
هذا انت لو منو ..
ماما…
اني ما انكر دوختني وراهة…
بس والله تعبت
دخل بابا
تعال ابو جمال الله جابك…
خير…
جمال بدون ندى شبي
احمار تالي الليل يتخبل علينا يكوم يكسر
هههههه
هااااا
يعني هسة ثنينكم علية
غير اني طالع على الوالد
ولك جمال انت نص الخبال مالي
ماسويتة…
يعني بابا طلعت الشغلة متوارثة
اي والله .…
ابو جمال…
عود ندى حامل بالسابع
شنو هاي البارحة اجة…
شوكت حبلت
ههههه
بابا صاير اتنكت علية
صدك مرتك حامل
اي والله اليوم يالة عرفت
جانت ضامة علينة
ماتلام بيك
تغدينا
اجة خالي
العصر ..
بقينا كاعدين سالفة اجر سالفة
الى ان صار المغرب
ترخصت منهم رحت حتى انام شوية
حطيت تلفوني صامت
لكيت بالكاع ترجيتهة واكعة منهة
بقيت أكلب بيهة الى ان غفيت
نمت اربع ساعات
سمعت الباب يندك…
منو…
جمال ماما بسام اخو ندى برة ايريدك
جاي هسة…
طلعت علية ..
هلو بسام…
هلا بيك ..
مدكلي ليش ماترد علية صار الف مرة دكيت عليك
ما رديت… .
والله جنت نايم خير…
مرتك بالمستشفى ..
شنو ..
شبيهة..
مادري شبيهة
الدكتورة دكول النبض مالت الطفل ضعيف
ليش شنو الي صار الضهر ماجان بيهة كلشي
هسة امشي تريدك…
ابدل واجي اني وماما ..
اوكي
طبيت ماما وينج…
نعم ..
ندى ماتكدر ..
شبيهة ..
بالمستشفى…
تروحين لواروح
اي هسة ..
يالة ..
وصلنا للمستشفى
طبيت عليهة نايمة وكفت يمهة
من شفتهة هيج نسيت كلشي
ندى ..
فتحت عيونهة
جمال
الطفل …
النبض ضعيف
اششش لا تخافين مابي شي
شنو الي صار عفتج مابيج كلشي
مادري ..
يعني هو بعدة ما أجة للدنيا
تعبان…
جمال خايفة
اني يمج لا تخافين
قررت الطبيبة عملية الطفل تعبان
دخلو ندى واني كل الليل مانايم
خايف عليهة
طلعوهة محتاجة دم تبرعت الهة
الطفل حيل صغير
للخدج اخذو تعبان
قهرني من صار لحد ما اجة هو يعاني
من مشاكلنا
ندى مو تمام ..
وجهة تعبان اصفر
بقيت حاير شسوي…
ارجع اسافر لو شلون
بعد اربع ايام تخلص اجازتي
حاير بيهم
رحت اشوفة
الولد يشبهني ..
سميتة يزن
بقيت للصبح اني كاعد يمهة
كعدت تبجي تون ..
سلامات حبي
شبيج ..
جمال روحة…
شلونج هسة ...
الحمد لله ..
الصغير…
وينة…
بالخدج…
شلون صحتة ..
زين لا يظل بالج
سميتة يزن
بقيت للعصر… بعد ماشوف..
بسام اني تعبت دير بالك عليهم
راح اروح انام باجر اجي
باوعت على ندى
اذا كاعدة تون اوتبجي من الألم
اجو ظربوهة ابرة نامت هية لازمة ايدي
بقت ماما هناك اني تعبت
رجعت للبيت طبيت للغرفة كعدت على السرير
نزعت قميصي و الحذاء
بعد مادري بنفسي نمت من التعب
بالي يم ندى .. او يزن
حسيت ماما كاعدة يم راسي…
فتحت عيوني… .
ماما شوكت اجيتي ..
قبل شوية ..
شلونها ندى والصغير ..
ندى.. زينة… ابنها يعني
ليش شبي ..
يعني شبي الطفل سبع اشهر غير يبقة تحت المراقبة
ماما شدكولين…
الله كريم ادري شتفكر
لا تخاف ان شاء الله مابي شي
جمال…
اني اجيت اريد اسولف وياك…
بشنوو…
ندى وبنك شناوي تتصرف ..
بخصوص موضوعهم
مادري ماكدر افكر ولا زم ارجع
بعد كم يوم والله دايخ
تدرين ماما…
جنت شايل هم الندى اوهسة
ابنها
لا اكدر أخذهم
ولا اكدر اني ابقى ..يعني بعد يومين
لازم اسافر…
روح لا شيل هم اني اهتم بيهم ..
مايخلوهة اهلهة
يعني شكد اني فكر…
حبيتهة طلعت مخطوبة ..
سافرت شبعت قهر يالة عرفت
مات خطيبهة…
رجعت اخطبهة هية ترفض شلعت گلبي
من تزوجت صارت اعناد
من طلعت حامل اني بعيد عنهة…
حتى ولا ادري
من رجعت حتى اتفاهم وتروح وياي
صارت عدهة ولادة مبكرة
وهسة اني حاير شلون
اسافر وگلبي يبقة هنا…
جمال…..
كول الحمد لله
ربك كاتبلك هيج ..
يالة اني اخليك ..
لعد وين بابا ..
طالع شوية ويرجع
بابا شاف يزن ..
اي ..ايكول يشبه ابو
نفسك بس نسخة صغيرة
يالة اني اروح ارتاح
ماما تعبتج…
اذا الك ماأتعب المن لعد
كلة يهون بس اشوفك مرتاح…
راحت ماما
دكيت على بسام…
الو ..
الو ..
هلو بسام
هلا ابو يزن…
شلون ندى والبزون مالتنة
الحمد لله ..
ندى كاعدة لو نايمة
كاعدة ..
هاك وياك
هلو جمال
بعد جمال وعشيرة جمال
شلونج
الحمد لله ..
ليش ماجيت ..
تعبان توني يالة كعدت
يزن شلونة
يكولون زين
هااا
باجر اجي اني اوديج علية
ليش ما تجي هسة
عيني والله تعبان
اوكي براحتك
يالة لا ضلين تزعلين
مو زعلانة
علية اني اعرفج اكثر من نفسج
باجر اجي من الصبح
اوكي ..
تصبحين على

خير
وانت بخير..
ندى .. نعم
احبج اجبج
رغم الي سويتي گلبي يحبج
جمال نطيني فرصة اني احبك

البارت الثالث عشر )
#جمال الندى)

الكاتبة -

رحت من الصبح بعدهة نايمة بقبت كاعد أتأمل بيهة
حلوة حبيبتي ..لمست ايدهة سحبتهة خليتهة على
خدي بوستهة…
فتحت عيونها ..
تعبانات ..بتسمت بتسامة بعتب ..
وكأن عيونهة تعاتبني ..
اختصرت عليهة العتب ..
صباح الخير ..
صباح النور ..
الصغير ..كتلي توديني اشوفة
على كيفج عيني اني مافيد..
هو يشبهني ..
صدك يشبهك ..
اي والله…
هلكد تحبيني طلع نسخة مني
اني من سافرت اني تخربطت وراك
طلعت حامل ..
هواية دزيتلك مسجات ..اخذت رقمك من
خالة خابرتك ..بس انت الي مارديت ..
ليش هيج ندى…
دمرتيني جنت اكول وين ما روح تروح وياي
تالي هيج سويتي
ليش مارحتي ..
جنت ماكدر أتغرب ماعندي احد هناك ..
واني شنو…
بس ثقي لو جايبة واني مادري بيج اصلأ حامل
جان حاسبتج خوش حساب…
أجت الدكتورة…
ندى تكدرين تطلعين بس كملو اوراقها ..
دكتورة الطفل ..
عيني الطفل يبقى بالخدج على الاقل شهرين
اخذت ندى شافت الطفل ..
ليش تبجين ..
بعدة صغير
غير بعد وكتة
اخذتها هية ومهة على بيت اهلهة ..
طبيت وياهة كعدت جوة ..
سولفنا شوية
ندى اني بس اليوم هنا ..
شنو يعني اتعوفنا اني وابنك وتروح…
يعني اني ما رايح العب هاي دراستي
بعدين هاي اخر سنة ..
تحمليها ..
اني من اشوف فراغ اجي
شبيج بابا لا ظلين هيج ..عتبري نفسج
بعدج زعلانة…
جمال يعني والصغير شلون ..
اني اخلي احمد صديقي يوميا يجي يوديج
علية… ..
ندى فكيهة كافي ..
راح يخلص عمرنا وحنا هيج
ضحي على مودي شوية…
جمال اني كلت بعد ماتروح
حبيبتي يعني اني عاجبني هذا الوضع…
تحملي الخاطري ..
اني اتحمل بس لا تتأخر علينا ..
لومو عمليتج جان اخذتج وياي .،
وأعوف يزن ..
ولج على بيتنا
هااا
يالة ارتاحي اني باجر للعشرة يالة اروح للمطار
اجي عليج قبل لاأروح
هذا مصرف للصغير والج
اي شي تحتاجي خابري بابا…
ماما يوميا من تجي من الدوام تمر عليج
يالة ارتاحي باجر اجي ..
باي…
الله وياك…
رحت كملت شغلات مريت على احمد
دكيت هورن يم بيتهم…
طلع رافع حاجبة يابة شدعوة ترة ندى الي عافتك
مو اني…
نزلت حضني مشتاقين دايح
شوكت اجيت..
صارلي سبوع ..
ولك اسبوع هسة يالة اجيت
غيرت انت ماتدري
شلون طاح حضي…
شنو الجديد اني من يوم الي شفتك طايح حظك
صدك ..
اي والله
جوجو صدك فتقدتك
واني مثلك الله شاهد
شوكت لعد ترجع… ..
باجر…
صدك تحجي…
اي ..
لعد روح ليش جاي ..
والله غصبن ما علية
اسمعك احجي شبيك…
عوفك مني احمد انت شنو اخبارك
والله اذا ما حجيت هسة الا انزل وعوفك
اني صرت متأكد انت تحب مشاكلي اكثر مني
ههههه اي
اسمع…
اني هناك دزتلي مسج تريد اطلكهة…
أسبوع اجيت للعراق خابرت اخوهة ..
كلي رجعت للكلية ثاني يوم رحت عليهة
جانت كاعدة شفتهة متغيرة ، تفاجئت
من شافتني ماعرف نفرزتني بكلامها..
جريتهة ..لان الخانم حامل…
صدك
اي والله ..حامل من سافرت ..
اي ..
المهم كتلهة اليوم اجي اتفاهم ويا اهلج
هية بقت قلقة فصارت عدهة ولادة مبكرة
جابت ولد..
صدك تحجي ..
مثل ما كلك ..
ولك جمال انت غير بومة
ولك موبس بومة او فگرر )
وهسة راح تسافر ..
شسوي مدكلي…
اي صدك الولد وين ..
بالخدج…
شنو سميتة ..
يزن ..
على خير ..
ان شاء الله ترجع وتشوفة
احمد ..اريدك يومية تودي ..ندى على الصغير ..
اعتمد عليك انت اخوية
أدلل جوجو شعندي غيرك
اختي ندى بعيوني
سافر وطمأن ..
كفوو منك خويي
يالة باي
باي
رجعت وصلت يم البيت طبكت سيارة يمي نزلو منها
اربع شباب كسروني تكسير منين ما اصد تجيني ضربة
اخر شي الدم بعد ماعرف منين يجري وكعت بالكاع
ماما سامعة اصوات
ابراهيم مادري شنو هاي الاصوات طلع بابا لكاني واكع بالباب ماما فقدت هية تصيح
اجت الاسعاف شالوني خابرو على بسام واحمد
بقيت بالمستشفى 3 ايام اني مادري بنفسي
ضلوعي 2 مكسرات وجهي متخربط
بقيت اهذي ب ندى ويزن
صحيت ورة 3 ايام كوة احجي ما
مستوعب الي صارلي…
مادري منو هذولة اوليش هيج سوو بية
ماما منتهية حتى صوتهة رايح
فتحت لكيت
خالي وعمي وخالتي واهل ندى واقاربنا
فتحت عيني اسأل على ماما
هااا يوم شبيك منو هذول ليش سوو بيك هيج
مادري ماما ..لا تسأليني
ندى وينهة ..
ماتدري عبالهة سافرت
الصغير شلونة
الحمد لله
ليش تبجين ..مابية شي
شنو مابيك شي متكسر
ودكلي مابية شي
دكلي جمال منو هذول
والله مادري نزلت من السيارة
نزلو وراية
بعد مادري
يا يمة زين ما متت
بقيت بالمستشفى ..اسبوع
طلعت للبيت بابا ذبح 2 ذبايح الي واليزن
بقيت فترة يالة صرت شوية
احسن
خابرت على دكتور بتركيا شرحتلةالوضع
كالي اني ارتبلك لما ترجع
يوميا تجيني رسالة من ندى
اخر شي دزتلي
جمال ليش ما ترد
صحت ماما
نعم ..
ماما روحي جيبيلي ندى
شلون…