سهى ..... راحت وعافتني كلت بكلبي هاي شبيها ضليت
كاعده لحد مااجت اسيل كومتني رحت للغرفه مرت
الاسابيع واني على نفس جوعي ومعاناتي والكتل من
الشيخه اما هذاك الرجال الي يكتلني ماشفته من يوم
الاي كتلني رحت فتحت الجبس مالايدي ورجلي وصعدت
غراضي فوك بالغرفه وكعدت ارتب اغراضي باوعت
على شكلي بالمرايه كلش تعبان وضعفانه جتي فكره
. فكرت ابخطه بحيث اخليهم
على راسي ..٠٠٠٠٠٠٠٠٠
يتعلقون بيه حته اتجنب الضرب منهم وبنفس الوقت
كوم اكدر اطلع واوكف بالحديقه لان اختنكت بالفرفه
حديقتهم كلش جبيره كلش ومحاوطه البيت من جميع
الجهات وبالوسط طرمه جبيره المهم كعدت ارتب ابغرفتي
بعدين طبيت سبحت وبدلت وخابرت على ماما حته
تدزلي رصيد لان ماعندي وكل مايخلص ادزلي كنكت على
الرصيد وكعدت اباوع فديوهات مالطبخ وبديت اكتب
بالورقه لان مااكدى اطلع المبايل كدامهم جنت حيل حذره
وياهم حته ميكشفوني انو اني عندي مبايل تعلمت شلون
اسوي كيك وشوربه حته اكوم اسوي النفسي لان كاتلني
الجوع هنا جانت تقريبا الساعه 4 العصر جنت لابسه
دشداشه ورديه طويله لان اني بعد ما خلصت اربعين
المرحومه نزعته وطبعا صارت مشاكل بسبب هاي الشغله
بس الحجي وكف وياي... اجانه خبر بان مرت الحجي
الاولى راح ترجع من العمره باجر وهيه بالبدايه جانت
امسافره حته تعالج وبعدين مناك رايحه للعمره واني
صراحه فرحت لان كلت هاي ماراح تظلمني لان راح تجي
من العمره المهم بديت احاول اقوي علاقتي بالبنات حته اكسبهم لصالحي
يتبع ...

البارت العاشرر 👍🥲🥲

.
.
.رحت كعدت يمهم باصاله جان دوم رباب على حيلها
رباب ..... هسه دومين منا احنه الفصليه والخدامه
ماتكعد يمنه سهى ..... هي انتي شبيج ترى اني هم بشر
رباب .... عليمن هاي ترى والعباس اصيح الشيخ عليج
واخلي يموتج تل لاعبالج ساكتين عنج سهى.... وليش
أني شنو سويت حته يكتلني هناء ..... اهووو كافي
حجي وكومي منا وخلصينه سهى ...... رحت من يمهم
وحسيت نفسي مهضومه عابت علوش شايفين روحهم
دخلت الغرفتي ورحت نمت ووقتت المبايل السياعه5:30
حته ماتكعدني الشيخه وتضربني كعدت على صوت المنبه
واليوم راح تجي مرت الحجي كمت سبحت وشسورت
شعري ولبست ثوب يشبه هذا اشتريته ويه جهازى وماما
اصرت اخذه ولبسته لان الشيخه ماتقبل بالقصير وحطيت
مكياج هادئ وعفت شعري مفلول وشمر الشال على
راسي حته بدون ما الفه دخلت عليه الشيخه وتفاجئة
من كعتي بهذا الوقت الشيخه .... ولج شعندج كاعده بهذا
الوقت مو من عوايدج لازم عندج مؤامره علينه سهى....
لا شهل حجي حجيه مو لان راح تجي مرت الحجي من
العمره فكلت استعد قبل ماتجي الشيخه ..... جا مادام
مستعده لجيتها امشي نزلي بسرعه وحضري ويه النسوان
الريوك لا والله هسه بهاي العصا نزلت ورحت وكفت
يمهم بالمطبخ وهمه من شافوني اتفاجئو من شكلي
وكامو الكل يتأمر عليه رباب .... هي انتي يلفصليه تعاي
طكي بيض سهى ..... بس اني اكره البيض وما اطيق
اشم ريحته .... (من اني وصغيره مااكله ولااتقرب منه
والكل يدري) رباب ..... مايخصني تعا وبدون حجي
زايد رحت شفت حاطين الطبقه مالبيض على الكاونتر و
يمها طاسه تقربت وشلت اول بيضه وضليت اضرب بيها
على الطاسه لحد مانكسرت وكعت هيه والكشر ورديت
طكيت 6وياها وكلهم نفس الحاله همه والكشر حاولت
اططلعة الكشر بس مطلع لعبت نفسي من ازفاريته طلعت طكيت 6وياها وكلهم نفس الحاله همه والكشر حاولت
اططلعة الكشر بس مطلو لعبت نفسي من ازفاريته طلعت
طاوه وحطيتها على عنار وحطيت البيض فوكاها استوه
البيض وريحته كامت تطله واني كوه طايقه الريحه
طفيت الطباخ وحطيته ابماعون ورديت هم سويت مرت
الخ رحت حطيته على السفره و حطيت الكيمر والكاهي
وغيرها رحت دكيت باب الديوان وبدون ما افتحها كلتلهم
تعالو تريكو ضليت كاعده بالحطبخ انتظرهم ايكملون واني
سرحانه ابذكرياتي ويه اهلي لمن جنت انزل والكه الريوك
حاضر والكل مجتمع ونكعد نضحك ونسولف بس ااخ على
الزمن الي شمرني هنا ضليت كاعده وما اسمع بس صوت
صياح واجتي عليه رباب والشيخه ضربوني واني كلشي
...... شيخ مروان ... بعد حادثت المخزن
مامفتهحه
كمت اتجنبها لان كل ما اشوفها اشتاط غضب واضربها
موبيدي لان النار الي بكلبي ماتنطفي بسبب اخوها النذل
وهوه ليهساته محكوم عليه بالسجن 6 اشهر واني اصلا
مو هيج واني بعمري مظالم احد والكل يحلف ابراسي
وكلمتي هيه المسموعه والي مكانتي بالعشيره ودائما
اساعد وانطي والكل يحترمني ويقدرني مدري امين
طلعتلي هلبنيه وخلتني اظلمها بس كله من قهر كلبي مرت
الايام ولاشهر و ماضل شي وتجي
ي امي من العمرع وهيه تعافت هسه من مرضها كعدنه
الصبح وكلنه منتظرين جيت امي صبوه ريوك وكعدنه
ناكل واول ما اكلت البيض حسيت نفسي لعبت وسنوني
تكسرت من ورى كشر البيض كمت اصيح والكل ضاك
البيض شيخ مروان .... انتو شبيكم مخرفات شنو هذا
البيض الشيخه ...... والله همه مالهم دخل بس هذيج
العكربه سوته شيخ مروان .... منهي العكربه الشيخه ....
جا غير الفصليه شيخ علي ..... وانتو ما تعرفون تسوون
حته هيه تطبخ الشيخه ..... جا شتريد انسوي قابل
نبقه امكابلين جهرتها (وجها) اذا هيه فطيره ماتعرف
تسوي شي الشيخ علي ..... كومو يله شيلو البيض وسدو تسوي شي الشيخ علي ..... كومو يله شيلو البيض وسدو
سهى ..... بعد ما هدو عليه عرفت انو
الموضوع ..........
بسبب البيض هيج سوو قابل هوه بكيفي اني كلتلهم ما
أعرف اسوى شي بس همه ما يفتهمون 4 حت الغرفت
الجده وكعدت ابجي يمها وهيه تصبرني اجوي الجهال
يمنه وكعدت تحجينه عن ايام قبل من تحجيانه على
ايامهم وعلى طيبت كلبهم صدك اتمنه انو أعيش ابزمنهم
كمت رحت الغرفتي وعدلت مكياجي ونزلت جان الكل
مخبوص ويحضر كمت اساعدهم باشياء بسيطه ضليت
احاول اختلط بيهم بس كلهم يبتعدون عني بس شهد
مرت صر شويه كامت تسولف ويايه شهد ..... والله
انتي طلعتي كلش حبابه وماتوقعتج هيج وسوالفج حلوه
سهى ..... هههه تسلمين شهد ..... يعني احنه هسه صرنه
رفيجات سهى ..... يعني شنو رفيجات شهد .... يعني
صديقات سهى ...... هههه اي صرنه رفيجات شهد .....هههه يله خلينه نكمل شغل احسن كعدنه نشتغل ونسولف

وكملنه وبقينه منتظرين جيه الحجيه هناك وسمعنه
صوت الجهال ايصيحون جتي رحت وكفت بالحديقه يم
الناس واباوع وهمه سوولها زفه واستقبلوها وبعدين ضلو
يهوسولها وجابو بقره وخرفان ذبحوه جوه رجلها اني
هنا متت خوف وجانت أول مره اشوف حيوان ينذبح
ونقهرت عليه كلش وحسيت روحي دايخه ونوب ضلو
يرمون وهمه عشيره شكبرها والكل يرمي والنسوان تهلهل
حسيت بانو اليوم راح اموت من شدت خوفي من المنظر
واني بيه طبيعه ما اتحمل واخاف من ارمي وما احس الا
مي على وجهي فتحن
اغمه عليه حسيت اكو احد يذب
عيني لكيت نفسي امدده بالكاع والنسوان داير مدايري
وضلو بس يحجون ويايه واني معل الاطرش بلزفه. وحده دكلي نحستي ووحده تكلي انتي رجيجه (رقيقه) ماتتحملين اذيه وكومه حجي كوموني وكعدت بالصاله طبت علينه
مرت الحجي الاولى وضلو يسلمون ويبوسون بيهاويمكن العشيره كلعا جايه من كثر الناس بعد مرور عدت
ساعات فرغ البيت من الناس وبقه كم واحد من الاقارب
اني رحت عليها سهى ..... عمره مقبوله حجيه الشيخه
حميده ..... منا ومنكم صالح الاعمال بس ماعرفتونه
منو هاي الحلوه سهى..... حجيه اني الدكتوره سهى ضل
الكل صافن عليه لان مايعرفون اني دكتوره واني قبل
جنت متعوده من احد يسألني اكوله اني دكتوره سهى
فماخذ الساني حميده .... جا ليش منهو مريض بالبيت
رباب ...... هاي كذابه حجيه جا مادريتي هاي الفصليه
أمين طلعت دكتوره ضلت صافنه بوجهي وسكتت
سهى .... ليش اكذب اصلا اني دكتوره وعندي عياده
ابغداد وجنت عايشه احله حياة الشيخه .... جا ليش
ماكلتي من الاول ليش هسه ياله كلتي سهى .... بكيفي
حياتي واشكال بيها كل مايعجبني عود اكللكم جزء منها
قابل انتو شتعرفون عني الشيخه ..... لاترادديني ترى
والله لسانج اكطعه يله ولي منا سكتت وحسيت المكان
يخنك والكل مايريدني كمت طلعت ورحت وكفت بنهاية
الحديقه وكمت اشم بالورد كمت ابجي واتذكر حياتي
واهلي اوووف شلون حياة مابيها بس قهر سمعت صوت
يامره شعندج
خشن وعالي من ورايه شيخ مروان .....
كاعده هنا ماتعرفين الزلم طابه طاله من البيت ........
شيخ مروان ..... اجتي امي واستقبلناها وسوينالها زفه
وذبحنه كومه ذبايح على سلامتها بعد ما فضت الهوسه
وبقه بس كم شخص من الاقارب جانت الدنيه راح تصير
غروب جنت طالع توني من البيت واشوفلك ابنيه متربعه
بالكاع وشعرها كله طالع وحاطه شيلهه على راسها
ومنطتني ظهرها واسمعها تحجي ويه روحها بصوت
ناصي اني استغربت مستحيل هاي تكون وحده من بنات
عمي لان من طريقة لبسها امبينه بنت مدينه فكرت منو
تكون واني نسيت انو الفصليه هنا واني تقريبا صارلي
بالشهر ما شايفها وكل ما اشوفها اغضب واضربها وماكدر بس فتريت سمعت صوت خشن وعالي من ورايه شيخ مروان ..... يامره شعندج
كاعده هنا ماتعرفين الزلم طابه طاله من البيت ........
شيخ مروان ..... اجتي امي واستقبلناها وسوينالها زفه
وذبحنه كومه ذبايح على سلامتها بعد ما فضت الهوسه
وبقه بس كم شخص من الاقارب جانت الدنيه راح تصير
غروب جنت طالع توني من البيت واشوفلك ابنيه متربعه
بالكاع وشعرها كله طالع وحاطه شيلهه على راسها
ومنطتني ظهرها واسمعها تحجي ويه روحها بصوت
ناصي اني استغربت مستحيل هاي تكون وحده من بنات
عمي لان من طريقة لبسها امبينه بنت مدينه فكرت منو
تكون واني نسيت انو الفصليه هنا واني تقريبا صارلي
بالشهر ما شايفها وكل ما اشوفها اغضب واضربها وماكدر
اركز ابشكلها صرت عصبي شلون تطلع وهيه تدري انو
البيت بي ناس بالله شافها احد من الرياجيل ناديت عليها
شيخ مروان..... يامره شعندج هنا ماتعرفين انو الزلم
طابه طالعه بالبيت التفتت عليه وضلت صافنه ابوجيهي
وأني هم صراحه ما عرفتها وجانت اول مره اشوفها
ومااغضب وضليت صافن على حسنها وجمالها بعمري ما
شايف وحده مثلها ...... سهى .... التفتت واشوفلك رجال
لابس زي عربي ونظاره و لابس عكال وعبايه رجاليه فما
كدرت اركز ابشكله وما عرفت بان هذا الشيخ لان حيل
متغير واني صارلي فتره ما شايفته وكل ما اشوفه هوه
يضربني واني من كثر خوفي ما استجرئ ارفو عيني
واباوع عليه بس شنو طالع يخبل من شفته حجيت
ابداخلي ولت (يمهه فدوهه شههل جمال قلبي آلصغير لآيتحمل ) بس مآحبيت آبين آني آنعجبت آبشلهه
ولعادهه بينت آلوجهه العصبي لسهى وحجيت ويا بعصبيهه 😂💔 سهى...... وانته شعليك يعني ما تخلون احد يرتاح كمت
نفضت هدومي وكف على حيلي شيخ مروان ..... انتي
لسانج طويل ويرادله كص جا انتي ما تحترمين زلمه
مشورب واكف كبالج وآنتي ولا يمج سهى ..... اي

والمطلوب شنو كول خويه شرايد عقد حاجبه ونزع
النظاره اني راسا شهت وعرفت انو هذا نفسهه آلشيخ
وآلي دآىما يضربني ... ( ماجنت متخيلت صا
لههاي الدرجههي) ) شيخ مروان .... احاجيها وهيه
لسانها شطوله وبس ترادد وتحجي بنتر من كالتلي خويه
ضحكت ابداخلي لان حسيتها ما تعرف اني زوجا نزعت
النظاره هيه شهكت وخلت ايدها على حلكها لزمتها من
زنده شيخ مروان ..... شوفي ولج اذا بعد شفتج هنا اكسر
رجلج فهمتي سهى ..... اوووي وخر اي هياني رايحه
شيخ مروان ..... (ههيهه آلت آلؤوي لو آني تخربطت
آحوالي خرب آههلج لا وفواهها تتموع ههآي شبي
آليومـ مروآن ) حبيت آتشآقهه ويهها ولتلهها لاتراددين
ويله روحي لاهسه بهذا المسدس اكتلج ... جآن آلمسدسـ
فآرغ مآبي طلق .. سهى .... لزم المسدس وحطه على
راسي واني ماتحملت وتخربطت من الخوف لان حسيت
صدك راح يكتلني شيخ مروان ..... آبآوع عليهها آشو
ههاي وعت بالاع يولي انتي كومي شبيج وكعتي
ضليت اهز بيها وهيه ماترد ضلت امدده بالحديقه ههههه
يربي جا هاي آلبنيهه شكد فاهيه مااكدر حته اعوفها
بالحديقه ، ههسهه ماليتيلج مآن تتخربطين بي
غير الحديقهه ،،،ولج آلنآسـ طآبهه طالعهه ههآي شلون
ورطهه كمت شلتها وطببتها يم البنات كتلهم ديرو بالكم
عليها استبرق ..... اوفف جا شني هاي شبيها كل ساع
متخربطه سهى .... فتحت عيني واشوف نفسي امدده
على القنفه واسيل والجده وشهد يمي جنت اظن نفسي
متت رحت طبيت ابغرفتي سبحت وصليت ونمت
كامت شهد يوميه تجي يمي واني احجيلها عن ايامي بالكليه وبالعياده بس ما كلت الها عندي مباليل لان
ما اريد احد يعرف لان الوقت مو مناسب ...... شيخ
مروان .... بعد ما خلصت شغلي طبيت للبيت ورحت
يم امي وكعدنه نسولفحجيه حميده .... ولك امريوه
امين جايبلنه هدكتوره شيخ مروان ..... يادكتوره حجيه
حجيه حميده .... يا جا غير هاي الفصليه طلعت دكتوره
شيخ مروان .... حجيه يا دكتوره اذا هيه بيض ما تعرف
تسوي راح تصير دكتوره حجيه حميده .... والله ما
رحت الغرفتي اتصطحت
ادري اني العليه كتلك .......
بعدين اتذكرت المبايل ما لتها عجبني افتحه واشوف
شنو بي فتحته جان ما بي رمز كعدت اكلب بي واباوع
كومه امراسله اشخاص وكلها تصيحلها دكتوره ودكتوره
اتأكدت انو هيه صدك دكتوره دخلت للأستديو جان بي
بس صوره وحده الها بالعياده وجانت لابسه قميص ابيض
وبنطرون زيتوني وما لابسه حجاب وشعرها ضافرته
( الصوره طكيتها باول يوم دوام الي بالعيادع ) صدك
اتنرفزت شلون اهلها يسمحون الها انو تطلع هيج ، بسـ
شلون صيبهه حلوهه عليها وآصلهه لنههآيهه ضههرهها
والباقي آلمبآيل بي العاب وبرامج عاديه مرت الايام وهاي
الفصليه ابد ما غابت عن بالي بس المشكله انو اني ما
اعرف اسمها حته من عقدنه ما ركزت بالاسم بيوم من
الايام اجه الحجي عليه كال راح نروح سفره لمزرعة عمك
جواد عازمنه احنه وباقي عمامك وراح انروح باجر وكلي
خبر الكل حته يتحضرون ....... سهى ..... جنت اعده و
جتي شهد عليه شهد....ولج اشو ما متحضره سهى .....
ليش شكو على شنو اتحضر شهد .... جا محد كلج اليوم
معزومين بالمزرعه والكل لازم ايروح وانتي ويانه لان ما
نكدر انبقيج وحدج سهى .... اي واخيرا راح اطلع يله يله
روحي خلي ابدل طبيت سبحت وكويت شعري ولبست لبس محجبات لان ميقبلون. ..
يتبع ...🧐💔

البارت الحادي عشر ❤️🥺
.
.

.

وحطيت مكياج ولبست عدسات ولبست كعب وجزدان وشمرت شال على راسي ونزلت لكيت الكل متحضر الشيخه ..... هي انتي جا ليش ما لابسه عبايه مثلنه هسه تروحين تلبسين والا ماتخطين عتبت الباب سهى .... اوك حجيه رايحه ضليت ادردم عليها ورحت لبست عبايه صعدنه بالسياره واني كعدت يم الحجيه واسيل لان شهد صعدت ابسياره رجلها ضليت اباوع من الشباك واباوع على المناطق شكد حلوه جنت اتمنه رند ويايه جان تخبلت وضلت بس تباوع حنيت لايام قبل بس فعلا آلمناطق حلوه وصلنه ونزلنه واني العبايه ماتي كل اشويه وتوكع دخلنه ابستان يخبل كله خضار وجان الجو حلو وبدايت ربيع ضليت اباوع على الفواكه والخَضار طبينه جان اكو بيت جبير بالبستان دخلنه بي همه جانو مايصيحوله بستان جانو يكلوله مزرعه نزعت عباتي والبنات ضلو يحضرون اكل وجانو اكو نسوان هماد ما اعرفهم بس الضاهر انو كرايبهم حضرو الغده وفرشو على الخَضار سفره وحده يكعدون عليها نسوان والرياجيل سوه بديت احط الاماعين بالسفره بعدين صاحو الكل حته ياكلون اني ضليت واكفه بعيد عنهم بعدين صاحت الجده عليه حته اجي اكعد يمهم اني بقيت واكفه بعدين صاح عليه الشيخ علي الشيخ علي .... تعاي بنتي كعدي هنا اكلي ويانه ولاتبقين واكفه سهى
..... اصراحه اتفاجئت من ردت فعلهم وفرحت دنكت راسي واجت كعدت يم الحجي وحسيت الانظار كلها عليه صدك استحيت ابوقتها كعدت واباوع على الاكل وصافنه اكلهم ما عجبني جانو امسوين باچه و سمج وكومه اكل واني ما احب هذا الاكل اني جنت متعوده على الفنكر والشاورما والكباب وغيرها الشيخ علي .... شبيج بنتي اشو صافنه سهى .... ها لا هسه اكل حط ماعون تمن ومرك كدامي واكلت لكمتين وكمت شيخ مروان ..... ها وين 1 سهى...... ها مو شبعت بعد ما اكدر اكل هناء .... خلوه هيج احسن شوفوها شلون امعصعصه وراح تنكطم من الضعف جنها عوده مال مطيرجي سهى .... لاحبيبتي بس اني ما اكل هواي حته ما اسمن واضل محافظه على جسمي ورشاقتي سمعت احد من الولد كال ... خليج هيج احله من انو تسمنين سهى ..... شكرا عفتهم ومشيت حته اروح اغسل همه صدك سمان حيل بحيث اني يمهم ما ابين لان همه ضخام رحت استغليت الفرصه وضليت افتر بالمزرعه وهيه جانت كلش جبيره ضليت افتر وتهت ياربي هسه اني وين و مااندل واني من الخوف كعدت بالكاع يم شجره بنهايت المزرعه مرت تقريبا ساعتين واني غفيت من التعب لان كاعده الساعه6 وما احس الا وصوت واحد يمي وجان هوه الشيخ يمي ............. شيخ مروان ..... بعد ما رحنه للمزرعه وكعدنه ناكل صاح الحجي عليها وهيه جتي تاكل ويانه جانت مستحيه وباوع على ولد عمي راح ياكلوها بعيونهم ردت اموت من الغضب وصدك هيه احله وحده بين البنات وتحسها كلش رجيجه وهاديه وتحسها جوهره ثمينه ضلت صافنه على الاكل عرفت انو ما تحب هيج اكل طبعا اذا هيه بت مدينه وين تاكل هذا الاكل امبينه مايه ما تحب الباجه كامت من الاكل وضليت اباوع عليها شلون تحجي مااعرف ليش كامت اتهمني اباوع عليها جنها عصفوره كاعده يمهم انوب من حجه ابن عمي ويمدح بيها ردت اكوم واجتله ابأرضه كامت اتغسل وبعد ما رجعت مرت ساعه وهيه ماكو كلنه عبالنه انهزمت ضلينه اندور عليها ووحسيتها مخادعه وقشمرت علينا هنك والكاها نايمه يم شجره ما اوصفلكم شعوري من شفتها هاي احنه مشعول ابو ابونه وندور عليها وتالي تطلع نايمه ............ سهى .... حسيت اكو شخص يكعد بيه فتحت عيني وما اشوف الا الشيخ فوك راسي و عاكد حواجبه و كلي كومي شيخ مروان ....... شعندج نايمه هنا جا شنو ما كو بيت اتنامين بي سهى ...... بله اكو بس غير ضعت ابهاي الغابه وتعبت ونمت شيخ مروان ..... ولج ياغابه هيه كلها مزرعه حسستيني آنو هہيهہ صـدگ غآبهہ سهى ..... هههه لاوالله بس ضعت شيخ مروان ..... يله امشي جدامي لا هسه تشوفين شي ما يعجبج صـآرلي سـآعهہ آدور عليج آتگسـرت رجليهہ سهى ...... كمت نفضت ملابسي و بديت امشي ما اعرف نوبه احسه زين وياي ونوبه احسه شخص شرير وصلنه للمكان الي جنه كاعدين بي الشيخه .... ها ويلن لكيته خاتله هل مصروعه اكيد جانت ناويه تشـرد شيخ مروان ..... لا حجيه ضاعت بالمزرعه ونايمه بدون ماتدري رافد .... جا شعدها تضيع قابل احنه وين جان صرخت نادت على احد مو تروح تنام سهى ..... بالفعل اني ما فكرت اصرخ من الخوف ورحت نمت مـن آلتعب گلهہ مـن ورهہ آلسـعلوهہ آلشـيخهہ مـآ تخليني آنآمـ ودگعدني مـن صـبآحيآت آلهہ هههه رحت كعدت يم البنات وهمه بس اجيت سكتو حسيت انو ما مرغوب بيه ،،هہظـ،،صـدگ حزت آبدآخلي ونقهہرت كمت من يمهم ورحت يم اسطبل الحيوانات وكفت كدام البقر ارتجيت على الخشيه بأيديه 1 وحطيت كفوف ايدي على خدودي بآوعت حولي مـآگو آحد وكمت احجي ويهہ آلبقرهہ سهى .....

اكلج يابقره تدرين محد يريد ايسولف ويايه وشهد جاي تنيم جهالها والجده يم الحجي كاعده واسيل تلعب ويه الاطفال واني محد ما يقبل يسولف ويايه تره ولله ضوجه صاحت البقره مووو 8 سهى .....ها يعني قبلتي تحجين وياي ضلت اتصيح سهى  ..... سكتي شويه حته احجي لآتضـنيني مـخبلهہ بسـ مـن آلضـوجهہ رآح آحجي ويآج بلگت وعسـى تفهہمـيني آحسـن مـن مـآ آگعد وآسـگت ولذآ مـآ عندج شـي آريد نگعد آندردشـ آني ويآج ا باعي يا ست بقره انتي هم اتجوعين بالنهار وانتي هم فرقوج عن اهلج وانتي هم يضربوج لو بس اني زين انتي هم مشتاقه لاهلج اووف اني والله مشتاقتلهم حييل عوفينه من هذا الموضوع لان ما اريد نحزن سولفيلي عن ايامج بالمزرعه حلوه لو لا اكلج انتي اشو ماتحجين بس تهزين ابذيلج وبعدين شنو هاي ريحتج مو عيب ليش ما تسبحين وتسبحين ابنج ونظفي بيتج ترى عيب اني اكعد اعلمج شلون متحمله عايشه هنا بهذا الوصخ بابا عيب عيب صيري نظيفه صـيري مـعدلهہ مـيصـير هہيج آلوصـخ گآتلج وله اكلج اخاف انتي مثلي ما تعرفين تشتغلين يله حقج بس هم سبح ما تعرفين تسبحين ولج ريحتج وآصـلهہ لسـآبع جآر اوووف هاي شبيج ساكته خليتيني احجي هواي وانتي ما تردين شبيج خرسه 2 سمعت صوت ضحكه ورايه التفتت شفت ولد ما اعرفه ارتبكت وستحيت لان اني جاي احاجي بقره بس غير من الضوجه خرب آتمـنيت آلگآع تنشـگ وتبلعني سهى ..... اانته من شوكت هنا ياسر .... هههه من سولفيلي عن ايامج بالمزرعه ههههه 😂😂😂 سهى..... خير شعندك هنا وشرايد ياسر ..... والله جا هيه غير مزرعت ابويه واني حر بيها ..هههه بس اكلج اخاف هاي البقره ما جاي تفهم لهجتج لان هيه جنوبيه اصيله مو بت مدينه هههههه سهى ..... ااووف كافي عاد اني رايحه ياسر..... اوكفي يول هاي شبيج جنت اشاقه جا انتي ما لكيتيلج احد تحجين ويا غير البقره هههه سهى .... عفته ومشيت اووي هاي شبيهم مايخلون احد براحته وين ما اروح لاحكيني ادري حته ويه البقره ما تخلوني احجي هفف بسـ صـدگ آني شـنو تخبلت آحجي ويه آلبقر آخر عمـري😂 يله هہيه آلشـيخه خلت آبرآسـي عقل آدگعدني مـن صـبآحيآت آلله على گتله وتگرب گل آلبيت عليه وبعدين انتي هم الصوج بيج كاعده تحجين ويه البقر اي شسوي غير همه خبلوني رحت كعدت يم الحجي وضليت اباوع على طريقة حجيهم بحيث كلشي ما افهم من لهجتهم گلمـهہ آفهہمـ وعشـرهہ لآ باوعت شفت اسيل جاي تلعب ويه الاطفال رحت يمها وكعدت العبهم بالعابهم وسترجعت ذكريات طفولتي سرحت بافكاري واني مبتسمه اووف يابه شكد حانه لايام قبل حسيت اكو طكت اصبع صارت كدام عيوني باوعت شفت نفس الولد الي يم البقره ياسر ..... شلونج سـعديهہ آمـ آلبقر سهى..... خير شرايد هنا هم لحكتني ياسر ..... والله جيت يم اخويه الصغير . شاله وحطه بحظنه وكعد سهى ..... اشو انته شَكُلك ادكلي اجيت اسوي هيج شنو هاي ياسر .... ولج گضـي (لزمي) لسانج قابل كاعد اكذب عليج سهى  ..... سكتت وهوه ضـآج وبعدين ضل يحجي ويه اخو ياسر ..... اكلك خويه هاي شبيها لبنيه تحجي ويه البقر هههه جا ليش ما تحجي ويانه اشو هيه هلكد واصله مرحله انو تعوف البشر وتحاجي البقر سهى .... خزرته بعيوني وكتله يعني شلون ويه البقره ما راح تعوفها وتعوفني بحالي ياسر .... ترى اني مامحاجيج امحاجي اخويه فهمتي هناك واشوفلك الشيخ جاي علينه اباوع هذا الولد اتخربطت احواله وكام على حيله وآني هم آخترعت لآن وجهہ آلشـيخ مـآيفسـر بخير شيخ مروان ..... بعد ما لكيتها نايمه حسيت ابشعور غريب ما ادري اضحك عليها ولا اغضب لان صـارلنه ساعه ونص اندور عليها وهيه كعدت ولا كأنما صاير شي جنت احاول ما ابينلها انو اني اريد اضحك وابينلها عصبيتي رحت وديتها يم اهلي وهيه راحت يم البنات وبعدين طلعت وضلت تفتر وكل ساع تختفي ما اعرف ليش اهتم بيها لهاي الدرجه اخر شي جتي كعدت يمنه وضلت امدنكه راسها وتفر بالمحبس مالتها حسيتها كلشي ما مفتهمه من حجينا وقالها مو يمنا بعدين كامت كعدت تلعب الجهال حسيتها طفله مو متخرجه وهسه دكتوره شفت هذا ابن عمي ياسر ايحوم حولها وصدك غضبت وحسيت روحي راح اكوم اجتله راح كعد يمها وضلو يسولفون اني هنا ماضل عقل برآسـي وتسـودنت كمت رحت عليهم وهوه كام على حيله شيخ مروان ..... خير ياسر شعندك اهنا ياسر ..... ها شيخ مو جنت كاعد العب اخويه شيخ مروان ...... لاتصير طفل وتكعد تلعبه ترى هاي الشغله موش النه اكو نسوان تلعبهم يله روح اكعد يم الزلم باوعت على الفصليه وخزرتها وگتلهہآ بعد لآتگعدين يم رجآل غريب فهہمـتي ورحت سهى .... يمه احس من خزرني وكع كلبي وعبالي راح يضربني بس هہوه رزلني وعافني وراح بس همزين خلصني من هاي الزكه الي اسمه ياسر بعدين كالو راح انروح رحت اخذت جزداني وعباتي وصعدت بالسياره صدك استمتعت بهذا اليوم واكثر شي بالسياره لان اباوع على الناس والطريق و رجعت للبيت ..........
يتبع

البارت الثاني عشر 😁💖
.
.
.
مرت الايام ورند انخطبت من نفس ابن المره الي بعرس محمد و ايمان جابت ولد وسمته فؤاد مثل مردت ومحمد سوده عليه بعده مسجون اما امي وابويه واختي فما زلت على تواصل وياهم واني يوميه نفس المعانات والكعده من الصبح 1 بس لحد الان تعلمت بس انظف وصرت معدله بس ما اعرف اطبخ غير الكيك والشوربه 1 وحاولو يعلموني وحركتلهم 5 جدورت تمن وهمه وهمه جازو عني لان يخافون على الجدوره مالتهم هههههه ومازلت مستمره بالمحاوله ........ كعدت الساعه6 على صوت الشيخه ما ادري ليش هاي لمريه مسلطه عليه كمت بدلت ولبست بنطرون وبدي ورفعت شعري وسويته ذيل حصان هههه حطيت مكياج ولبست عدساتي ..وطبعاهمه لحد الان ما شايفيني بدون العدسات الا مرات قليله بس عبالهم من انزعها لابسه عدسات ....... نزلت وكمت انظف بالبيت بعدين صبو غده وكملو وجبتلهم الجاي وطلعت وطبعا اني لازلت اكل لوحدي صار الظهر والكل راح نام والي كاعد يباوع تلفزيون ولي تنيم جهالها اني رحت يم الجده وكعدت افركلها لان خطيه تعبانه وهيه تكعد تنصحني وتوجهني صارت دنيه العصر وسويت جاي وكعك رحت كعدت اني وشهد بالحديقه جان اكو ميز مالطعام صغير حاطي بالحديقه كعدنه نسولف وشهد اخذت طبعي وكامت تهتم بنفسها وتحط مكياج وتكشخ وحته كامت تعرف شويه من الهجه البغداديه جانت الساعه 5 العصر وندك الباب سهى ..... كعدي شهد اني اكوم انتي كملي اكلج شهد .... ماشي سهى ........ رحت فتحت الباب ولكيت 5 نسوان كلهم كبار بس وحده شابه يطلع عمرها 18 وشايله طفل بأيدها سهى..... تفضلو عيني شرايدين .. هيه لمريه رأسا كالت يمه اللهم صلي على محمد وال محمد شنو هذا جمال سهى ..... شكرا حجيه شهد ..... تعاي عيني ام جبار تفضلي ام جبار .... ايزيد فضلج يمه شهد منو هاي البنيه سهى..... اني الدكتوره سهى قصدي اني سهى ام جبار ..... ايديمج لشبابج يمه انتي مزوجه زين انتي شصيرين من بيت الشيخ علي سهى .... اني مخطوبه وعاقد عليه واحد من بيت الشيخ بس ما اعرفه ام جبار ...... يا وشلون يعني ما تعرفي سهى.... حجيه سالفه طويله عوفينه منها تعاو تفضلو كعدو جوه ما كو احد بس النسوان اني هسه اصيحلكم زوجات الشيخ رحت صحت الشيخه والحجيه ورحت حضرت عصير و فواكه ورحت قدمتها الهم الشيخه ..... ها يلفصليه جا ليش انتي جبتيها ليش مو البنات سهى ....، ها حجيه مو همه مشغولين فكلت اني اقدم الشيخه ..... يله روحي ام جابر .... يا جا هيه هاي الفصليه لا وفوكاها دكتوره والله حرامات كلهذا الجمال وفصليه سهى.... اني طلعت وبعد ساعات عرفنه انو هذوله جا يين خطابه على هناء اخت الشيخ وبعد فتره وافقو لان خوش ناس ولان هناء ولد عمها الكبار مزوجين والمامزوجين همه اصغر منها فسأئلينهم وكايليلهم انطوها خلي البنيه اتشوف نصيبها مرت ايام وصارت كعدت الزلم وقرو الفاتحه وحددو بعد يومين الخطوبه .......... ابيوم الخطوبه صحت شهد تحفلي وجهي لان تعرف وكعدت الساعه6 على كتله من كتلات الشيخه وكربو عليه كرب بحيث حسيت رجليه انشلت من التعب ضلينه نشتغل ونعزل وهناء راحت لصالون سوو غده وبعدين كلمن راح يجهز نفسه اني صعدت الغرفتي وقفلت الباب وطبيت سبحت وبعدين طلعت فستان نيلي طويل اشتريته مره من اربيل وكعدت احط مكياج وحطيتله ورده نيليه من جديد جبيره ولبست كعب كريمي عالي باوعت النفسي بالمرايه وكعدت امدح ابروحي يمه طالعه عبالك اخبل جتي عليه شهد شهد ..... يمه ولج جا اليوم شطالعه تخبلين ترى راح احسدج ولج كسرتينه ابلبسج ومكياجج شلابسه طالعه عبالك اجنبيه 1 سهى ..... كافي تره خجلتيني سولفنه شويه وبعدين راحت شهد نزلت واني بقيت كاعده بالغرفه صارت الساعه 4 وسمعت صوت الهلاهل كلت يمكن جتي العروس طلعت من الغرفه وباوعت من المحجر على الصاله الي بالوسط وهيه جانت حيل جبيره باوعت وشفتاك كومه نسوان زين هذوله شوكت جوي كمت انزل من الدرج ابحذر لان الكعب كلش عالي وبديت اهلهل بعلو صوتي لان اني متعوده اي عرس ادخله اهلهل ههههه ضليت اهلهل والكل صافن عليه استغربت هذوله شبيهم لعد غير عرس ونهلهل انوب حته ما مشغلين اغاني والديجي بس هيج حاطي رحت بوست هناء باوعت عليها مكياجها طوخ ولابسه بدله بصله وهيه سمينه شويه كلت ابكلبي ادري هيه خطوبه شعندج لابسه بدله وحاطه مكياج طوخ يمكن جايه عشيرتهم كلها المفروظ تكون بس عائلت الولد والبنيه وصديقاتها وتكون حاطه مكياج هادء وفستان حلو وحته تصير حفله حلوه وبسيطه ... رحت بوستها وهيه ضلت اتباوع عليه بعدين رحت على الديجي وشغلته وحيل جنت مستغربه ليش جانو امطفي كمت رحت وكفت بوسط الصاله وشغلت الاغنيه وعليته وكعدت اركص سحبت شهد ويايه واباوع على النسوان يركصون ركص جنوبي يخبل واني كاعده اهز جتف واتموع بكل فهاوه ههههه وجوي هم بنات ويانه كامو يركصون تعبت رحت للمطبخ اشرب مي ولزمتني الشيخه الشيخه .... هاج هاي صينية العصير والكييك وزعيها سهى ..... حجيه مو اكو هواي نسوان شمعنه اني الشيخه ......

لاترادديني ابكيفي المن انطي وانتي خلك فصليه وخدامه عندي ولازم اتوزعين سهى ..... يكت ماحجيت لان مالي خلك اخذت الصينيه ورحت اوزع للنسوان وسرحت بافكاري وتذكرت ابعرس محمد من اني ورند نتوسل حته نوزع اكل حته بالكت تشوفها وحده وتخطبها هههه بس همزين انخطبت من هاي المريه جان ضلت عانس على كولتها ضليت اوزع وكل شويه تسئلني وحده انتي منو وبتمن وكوللهم اني سهى ومخطوه لان استحي اكول اني الفصليه احس بيها تقليل من شأني كملت توزيع بعدين كالو راح يعقد السيد عليهم كوموها راحت لبست سيت ابيض وكعدو يعقدون ضليت اباوع عليها وتذكرت ابيوم الي جيت فصليه وعقدولي على واحد ما اعرفه ولسه ما اعرفه اوووففف شلون قهر منا اني فصليه ومنا اخويه محمد بعده عريس وراح لسجن ومرته جابت ولد وهوه مويمها ولساته ما شايف ابنه كملو العقد ولبسو الذهب والحلقات واني ضلت اباوع عليهم واتخيل نفسي اني الكاعده هسه شنو راح يصير لو مزوجه مثل العالم والناس هو اني لو قابله ابواحد من هذوله الي جانو يخطبوني من اشرفلي اوفف بس شنو ايفيد الندم كملو وراحو اهل العريس وشويه شويه خفت الناس اني رحت بدلت ولبست بنطرون كابوي وقميص احمر وغيرت مكياجي وخليته احمر وشديت شعري ذيل حصان ونزلت جانت الساعه 8 باليل جانت رايحه كل الناس لزمت شغلت الديجي وشغلت اغنيه ردح وجبت خوات الشيخ 5 لان حوراء واسراء جانو عدنه اما رباب ماقبلت تركص وشهد حاطه ابنها ابحضنها وسناء تعبانه والشيخه والحجيه والجده كعدو على التخم واني لزمت كل البنات وكعدنه نركص حته الجهال واني وهناء تكابلنه باركص واني من كد ما تخبلت ضليت اهلهل ونزعت القراصه من شعري عالسريع وكعدت افر شعري والبنات كلهم ويايه يفرون شعرهم حته كمت اصفر باصابيعي هههه من كد ما مستمتعه وصارلي هواي ماراكصه من عرس من عرس محمد اخر شي تعبنه وكعدنه بالكاع نضحك جانت اول مره افرح بهذا البيت من يوم الي اجيت وفجئه انطفه الديجي هناك واندار واشوفلك والحجي واخوته واكفين يم الباب مالمطبخ والشيخ واكف يم الديجي شيخ مروان .... مرت لايام واني ملتهي لان كثرانه الطلايب هل أيام وما الفصليه فكمت ما اشوفها الا قليل اجوي خطابه على هناء واحنه وافقنه وتمت الخطوبه وعقدو بعد ما خلصة الخطوبه طلعت من الديوان اني وابويه وطبينه للبيت ونسمعلك صوت الاغاني وركص والهلاهل شيخ مروان..... يابه خاف بعدها الحفله ما خلصت شيخ علي..... لابويه امك كالتلي خلصت وما بقه احد من الكرايب شيخ مروان ..... جا بويه شنو هاي الاغاني والهلاهل شيخ علي ..... جا واني شدراني يجوز هاي خواتك لان اني متأكد ما كو احد غيرنه شيخ مروان .... جا خلي ندخل دخلنه من باب المطبخ واشوفلك خواتي كاعد يردحن ويدبجن ونوب باوعت واشوفلك هاي الفصليه كاعد تركص ابمياعه وتهز جتف وتهلهل وشعلت الجو شعل وتعلم ابخواتي عفت الكل وضليت اباوع عليها جانت مميزه بين الكل ابلبسها وبمكياجها حته ابلون شعرها كعدت تعلم ابخواتي الركص وتصوفر وتفر شعرها ضليت اباوع عليها جانت تركص بس هيه وخواتي وجهال اجوي اخوتي رافد وائد وصكر وهمه متفاجئين من المنظر وهيه همزين ما مبينه بسبب الهوسه اني ما تحملت احد يشوفها غيري رحت طفيت الديجي 3 هيه كامت على حيلها ...
يتبع

البارت الثالث عشر ❤️😄🔪
.
.
.
سهى..... هاي ليش طفيت الديجي مجاي تشوف دانركص وبعدين انتو روحو طلعو ورجعو لديوان حته نكمل شيخ مروان ...... شوفي تحجين وياي عدل وماتصيحين ابوجهي لا والله اطيح حضج وبعدين وين اطلع لج بابا هذا بيتي اطلع علمود تركصون حوراء ..... لاخويه بس غير سالنه هواي ما راكصين شيخ علي ...... حقج بويه حقج بس خليها على الحنه وعود ركصو لصبح لان اليوم تعبانين سهى.... كمت شديت شعري و طبيت سبحت ونمت من التعب .... 2 حددو عرس هناء بعد شهرين وهيه بدت تجهز من هسا .......... الشخ مروان.....مرت الايام وامي من يوم خطبت هناء لليوم شايفتلها بنيه وتريدني اتزوجها بس اني ما اريد اتزوجه ق واذ اريد فأزوج الفصليه الحجيه..... يمه مريوه لكيتلك شلون بنيه تخبل وبت ناس وحته هيه شيخه وبت اشيوخ فلاتخلينه انضيعها من ايدينه شيخ مروان ..... حجيه كتلج ما اريد اتزوج الحجيه ....يايمه ليش ما تريد ازوجك تره البنيه راحت الدار حقها وكلنه هذا مصيرنه ما يصير هيج معتكف سالك 6 اشهر خليني ازوجك واشوف بزرك (اطفالك) شيخ مروان..... يمه هيه غصب خو ما غصب جاي اكلج ما اريد اتزوج الحجيه..... لايمه مو غصب بكيفك وليدي بس والله خوش ناس شيخ مروان ..... حجيه كافي سدي الموضوع .......مرت الايام جنت كاعد بالديوان واجانه خبر بان محمد طالع من السجن وابو ذابحله ذبايح ومسوي عزيمه على سلامته صدك انقهرت وغضبت وشلت سلاحي حته اروح اكتله بس ابويه ما خلاني اتذكرت مرتي وابني الي دفنتهم بأيدي وانقهرت ونزلت دمعتي رغم كل صلابتي وقوتي وجنت اضهر القوه حته ما ابين حزني همه الي قتلو مرتي وابني واليوم كاعدين يحتفلون وفرحانين ابسلامت هذا النذل 1 اشمئزيت من نفسي شلون جنت افكر اتزوج الفصليه وهيه اخوها كتال مرتي وابني اشتطت غضب وصرت عصبي بحيت كمت ما اشوف من العصبيه دخلت للبيت وجانت دنيه المغرب سألت عليها كالو ابغرفتها دخلت للغرفه لكيتها توها طالعه من الحمام رحت جريتها من شعرها وسحلتها بالغرفه وبديت اضرب بيها وادفر بكل قوتي وهيه تصرخ ضليت ادفر بيها واغلط لحد ما تعبت وطلعت من يمها وهيه اغمه عليها من شدت الضرب حلفت ما اوديها مستشفى مو هيه دكتوره خلي تعالج نفسها اني ما عندي فلوس زايده حته اصرف عليها اصلا حرام الي يصرف عليها لان ماتستاهل درهم واحد 4 ............ سهى ..... مرت الايام وامي وابويه خبروني ابخبر طلعت حسام من السجن وحاجيته وكعدنه نبجي مر الوقت وصارت دنيه المغرب طبيت للحمام حته اتوضه واصلي ومن طلعت لكيت الشيخ واكف بالغرفه راسا جا جرني من شعري وبده يضربني انوب اريد افهم ليش ما ادري ضل يضرب بيه لحد ما اغمه عليه كعدت على صوت شهد واسيل يكعدون بيه ضليت ابجي واحس جسمي مكسر طبيت سبحت ابمي حار لحد ما خدر جسمي طلعت ضمدت جروحي وضليت ابجي لحد ما نمت مر اسبوع على هاي الحادثه واني رجعت لحياتي الطبيعهشيخ مروان ..... بعد ما طلعت من يمها رحت على امي وكلتلها باجر تروحين اتخطبيلي هاي البنيه ما جان عندي رغبه في الزواج بس بسب حقدي على اخوها ردت اكسر اخته واخليها لا مزوجه ولامطلكه وابويه معلكه 1 ثاني يوم امي راحت هيه وشيخه وخالاتي وطلبو ايدها وبعد اسبوع ردو خبر الموافقه ثاني يوم رحنه مشيت الزلم وحددنه الخميس كطعان المهر وراها بأسبوعين نزوج ...... سهى ... كعدت الصبح ولكيت الكل مخبوص ومشغول رحت على شهد سهى ...... شهد ولج شكو اليوم شبيكم مخبوصين شهد ..... يا جا ماتدريت اليوم المشيه ما الزلم لان الشيخ قرر يتزوج شمس ....... ككككللووييشش (ماراح اكدر اوصف سعاتي من سمعت هذا الخبر واخيرا راح يتزوج وتصير عنده مره وينساها للمرحومه ويخليني ارجع لاهلي ما جاي اصدك ) شهد ..... ولج انتي صدك امخبله جا اكو وحده تفرح على عرس رجلها سهى ...... شنو قابل هوه ياهوه الي راح يتزوج غير الشيخ شهد .... اي راح يتزوج الشيخ مروان يعى .... اي واني شعليه شهد ..... ولج الشيخ مروان هوه رجلج هاي شبيج سهى..... شنو شنو شنو شكلتي يعني الشيخ هوه زوجي لعد ليش ماكلتيلي الاهسه شهد ..... والله ما ادري عبالي تعرفين جا غير انتي العقتي عليه يعني ما سمعتي السيد من عقد الكم وذكر اسمه سهى ..... اصلا اني جان بالي مو يم السيد وبس وافقت وكلشي ما فهمت وبعدين حتلو سامعه ما جان عرفت منوه لان انتو اتصيحوله كله الشيخ شهد ...... اي وهسه شنو راح تسوين سهى  ..... خلي على راحته هوه اني منو كلي خلك فصليه عفتها وصعدت للغرفه وقفلت الباب ما اعرف شنو حسيت حزن على خيانه حسيت روحي تقشمرت وكعدت ابجي مو على موده لا لان عفت حياتي واجيت لهنا حسيت روحي مخنوكه كمت اتوضيت وكعدت اقره قران حسيت روحي احسن من قبل وهدأت خلاص مثل ماهوه مايريدني اني ما اريده بس هاي راح تكون بدايت حربي ويا اصبرلي يا شيخ مروان راح اشوفك منوهاي سهىعرفت الخميس يعقد عليها يعني باجر صحت شهد حته تزيل الشعر من وجهي لان صارلي من خطوبة هناء قبل 3 السابيع ما شايلته رحت سبحت ونمت كعدت الصبح اشتغلت وكربت كرب عبالك

عماله وصار الضهر طبيت الغرفتي وكعدت اتحضر رحت برمت شعري ورفعت نصه ليفوك وطلعت خصل ولبست فستان احمر طويل اشتريته ويه جهازيوحطيت مكياج طوخ وبرزت الأيلاينر وحطيت حمره حمره لبست كعب وجزدان ذهبي و كلاده ذهبيه مكتوب عليها شمس لبست عدسات خضر واني بيضه باوعت على شكلي طلعت احله من عرس هناء .... (ادري يشيخ شفايتلك عفتني ورحت خطبت غيري شنو الي ناقصني بس طبك طب انته الخسران وراح اشوفك منو سهى ) جنت احجي بداخلي لبست ستره ذهبيه فوك الفستان وتقصدت ما البس حجاب عناد بيهم نزلت وكعدت على القنفه الي باصاله جتي عليه رباب وضلت اتباوعليه رباب ..... والله يا الله عرس رجلها وهيه كاشخه نسوان اخر وكت سهى..... ابكيفي عرس رجلي واني حره بي ومتونسه اصلا اني اريده يتزوج حته اخلص منه رباب ...لا انتي اكيد امسودنه سهى ....رباب روحي غسلي وجهج من هذا المكياج وتعاي اني احطلج هيه ما رفضت لان اني اعرف احط كعدت احطلها مكياج وطلعت حلوه سهى .... كملت رباب ..... يا ولا عبالك هاي اني شنو هذا المكياج جا وينراحت رباب اذا شافه زوجي هسه يصير مسودن سهى ...... زين بما انو حطيتلج مكياج اريد نكون صديقات اجتي باستني وكالت رباب ..... من عيوني ومن اليوم اني وياج مو عليج لان انتي كلبج طيب واسفه على الي بدر مني سهى .....ولا يهمج امسامحتج (صدك المرأه ابشي بسيط تكدر تكسبها ) اجتمعنه كنه والكل ضل يباوع عليه احس بعيونهم عيون مال شماته صعدنه باسياره والحمد لله الشيخه ما انتبهتلي انو ما لابسه حجاب لان صعدت ابغير سياره واني كعدت يم الجهال والجدهاوصلنه لبيت العروس واني نزعت الستره اباب المطبخ وطبيت اهلهل والبنات ويايه جنت اني الي رائستهم انتضرت البنات ايكملون سلام ورحت عليها وكفت يمها هلهلت وطشيت جكليت على راسها ورحت بستها وكتلها مبروك ضرتي الخطوبه نضال ...... منو انتي سهى ...... يو يعني ما تدرين اني الدكتوره سهى مرت الشيخ مروان الي خيصير زوجج المستقبلي نضال ...... ها قصدج انتي الفصليه هههه سهى .....اي حبيبتي اني هيه بس برأيج منو الي مبين عليها الفصليه اني لو نتي هيه خزرتني واني عفتها ومشيت اوصفلكم شكل نضال هيه سمره وكصيره ومربربه وعيونها كبار وخشمها طويل وحلكها جبير شويه 4 جانت لابسه بدله تركوازيه وتسريحه عاليه وميشه شعرها و مكياج مالايك البشرتها بحيث هيه سمره وحاطيها باودر ابيض طالعه رصاصيه 2 كمت على الديجي اريد اكلع اغنيه حلوه ملكيت اغانيهم كلها مال دبكات ومال وحده معدله تعرف تركص جنوبي مو مثلي اني فاهيه ركصي مال مايعين كوه لكيت اغنيه حلوه تناسبتي علكت اغنيه ردح وكمت وحدي اهز جتف واردح وهمه صافنين عليه حاولت انو اخلي نضال اتكوم ويايه بس ماقبلت ومستغربه من تصرفي كمت اهز واتفيك كدامهم جنت اتصرف ابغرور وعناد كومت شهد ويايه لان هيه شويه ركصها مقارب اليه لان اني علمتها ردح ردح لحد ما تعبت والكل يسئل منو هاي البنيه رحت اخذت عصير وكيكه وكمت اكل ابنزاكه لان ادري الانضار تسلطت عليه بسبب هذا تصرفي ..يعني معقوله مامنقهره على زوجها وفرحانه ابزواجه .... كعدت قريب على نضال كملت رحت وديت اماعيني للمطبخ ولزمتني امريه يمكن خالتها انضال بس امبينه تنقل حجي جتي يمي وكالتلي منو انتي كتلها اني الدكتوره سهى مرت الشيخ مروان ..جنت اتقصد اكول دكتوره ابدال الفصليه لان احس هاي الكلمه بمثابت فخر اليه هيه ضلت صافنه عليه وتباوعلي ابتك عين 😒 كالو اجه الشيخ مروان وراح يعقد اني ضليت واكفه وبعدين تشجعت ورحت وكفت يم نضال وابتسم لناس لان الكل صار يدري اني مرت الشيخ و منتضرين ردت فعلي واني جنت كلش بارده كدامهم بس والله حسيت كلبي اشتعل نار من الداخل ... كملو العقد واجه كعد يمها اني ضليت صافنه عليه جان شكله مثل الواحد الي جابري يزوج ومعالم وجها كلها جمود وغصب اني رحت وكفت يمه وهوه ضل ايباوعلي ومصدو رحت بوسته من خده وهمستله باذنه وكتله الف مبروك شيخنه تستاهل هيج وحده مثل نضال وبارفاه والبنين عليكم هو بقه مصدوم مثل الي اجته صعقه كهربائيه ما جان متوقع هل حركه مني و رحت على نضال وكتله مبروك عروستنه .....
يتبع ..

البارت الرابع عشر 😒😍❤️
.
.
.
.
.
شيخ مروان ...... اجه يوم العقد ورحت عليها مع العلم انو اني ما جنت راضي على هذا القرار كملنه العقد وبعدين اجيت حته البسها الذهب جان شكل البنيه عادي بس اني كنت اضنها حلوه لان امي هواي مدحت بيها اجتي عليه ابنيه سبحان الخالقها من جمال وطول واناقه وجانت هيه الوحيده الي ما لابسه عبايه من عندي جتي سلمت عليه ركزت عليها شكلها مو غريب عليه انوب طلعت هيه هاي الفصليه جانت اول مره اشوفها بهيج لبس ضليت اباوع عليها وعلى نضال واقارن بينهم اجتي عليه وتمشي وتتمخطر كدامي واني نار وشبت بيه وفجا اتقربت مني وباستتي واني كلبي شتعل وصرت مسودن وباركتلي واني صافن على ملامحها وشكلها ما اعرف حسيت خسرت شي غالي عليه وكاني تسرعت باخذ قرار الزواج من نضال وياريت لو اكدر الغي العقد بس ما اكدر اكسر بختها واني شيخ ومن اكول كلمه ميصير اتراجع عنها ضليت صافن عليها انتبهت على الكلاده الي بركبتها مكتوب عليها سهى وكف ايدها هم مكتوب عليه سهى شكيت بان يكون هذا اسمها
اردت تروح من يمي وتمنيت لو تبقه كل العمر ويايه جانت وكفتها يمنه دقايق معدوده بس حسيتها سنوات ردت اصيحه بس ما حبيت اكوللها يالفصليه فناديتها شيخ مروان ...... سهى سهى ..... نعم ابوقتها اتأكدت انو اسمها سهى فرحت انو واخيرا اعرفت اسمها شيخ مروان ...... لا كلشي ما اريد كملت تلبيس الذهب وطلعت ضلت عيني تدور على سهىوهيه ما كو رحت قبلهم لبيت ضليت افكر بيها صراحه فاجئتني اني جنت اريد اكسرها واتزوج بس طلعت قويه وتتحمل لا وفوكاها حسيت نفسي اني الي انكسرت من عفتها ورحت خطبت نضال  اوووف ياربي شكد تندمت اتمددت على السريد وحطيت ايدي على راسي احاول انام بس مااكدر تغكيري انشل ابسببها واني اتذكر شكلها وله بياضها ووجها الي جنه كمر اينور من اشتعلو ابيج يسهىسهى ..... راح شيخ مروان واني تقصدت ما اخلي يشوفني واني بعد ما طلع ضليت اركص واتموع واسويها شغلت عناد بيهم جنت اني طالعه احله وحده بيهم جني اميره كمت ما اهتم لاحد واتصرف ابغرور ويه الكل بالحفله كالو راح نرجع للبيت رحت على نضال وشاورتها سهى ..... باي ضرتي اشوفج بالعرس راح اشتاقلج عفتها ومشي وما خليتها تكمل حجيها طلعت صعدت بالسياره وكعدت اباوع من الشباك جانت دنيه ليل ضليت اباوع على الناس والمحلات وسرحت بافكاري واسترجع ذكرياتي حسيت روحي حققت اول انتصار رجعت للبيت طبيت بدلت وسبحت ورحت احضر عشه ويه البنات وحصلت رزاله من الشيخه لان سامعه اني طالعه بدون حجاب واجتي جرتني من شعري وهلسته تهلس ..من الله ياخذها ان شالله واخلص منها همه راحو يتعشون واني كعدت انتظر يخلصون حته اكل كملو واكلت ورحت لغرفتي ضليت متسطحه على السرير وافكر واسترجع يومي وشنو سويت حسيت اكو غصه بكلبي قررت اعاندهم ابكلشي وخاصه الشيخ مروان مر اسبوع واني على نفس الحال وجنت هادئه كلش وبارده واماالشيخ مروان فما اشوفه ودائما اتجنبه مرت الايام وما بقه على عرس الشيخ غير يومين الكل طلع لسوك حته يجهزون للعرس وما قبلو ياخذوني واصلا اني ما محتاجه اروح لان عندي هدوم كومه وكلها من الراقيه قابل ابحالهم خلصت شغل البيت وغسلت الكراج وطبيت للغرفه وكعدت انظف بشرتي حضرت اهدومي الي راح البسها بالحنه جتي شهد وكعدنه نحضر اني وياها جانت مشاعري غريبه وبنفس الوقت جنت مقهوره لان الشيخ فضل يتزوج غيري عليه ...؟ وهذا الشي صعب تتحمله اي مرأه بس والله لاخليك يا شيخ تندم وتتمنه كلمه مني ضليت اليل كله ارتب ابروحي واتجهز كعدت الساعه 6 الصبح طبيت سبحت وطلعت انظف واكرب وهاي الشيخه تتقصد اتخليتني اشتغل هواي وينكسر ضهري جان الكل مخبوص ويشتغل لان الحنه مالرجال راح تصير هنا تغدو من وكت لان مايلحكون اني رحت صعدت للغرفه وقفلت الباب وفتحت كنتوري وطلعت الفستان نيلي وكله بي تور
لبسته وكعدت اكبال لمرايه احجي ويه روحي سهى انتي لازم اتصيرين قويه و انتي اتحملتي هواي وهل مره لازم اتشوفيهم وجهج الثاني وتعلميهم منو سهى كعدت احط مكياج و بعدين سرحت شعري ورفعته ليفوك وسويت تسريحه بسيطه لبست حذاء كعب بيجي وجزدان بيجي لبست ستره فوك هدومي لان ما اكدر اطلع هيج واخذت جنطه زغيره بيها كم فستان ومكياج نزلت ولاكتني الشيخه وما قبلت اطلع بدون شال رحت حطيت شال على راسي لان مالي خلك انكتل شافوني البنات وضلو صافنين عليه سناء ..... والله انتي عجيب امرج اليوم حنت رجلج وانتي فرحانه سهى..... ها وانتي كلتيها حنت رجلي يعني شلون ماتريديني افرحصعدنه بالسياره واني قبل ما نوصل نزعت الستره والشال وضميتهم بالجنطه نزلنه السايق ابابهم وجانت الامه مكلوبه كلب اني نزلت ونزلو البنات ويايه واني ضعت بينهم من كد ما همه هواي طبينه للبيت وطبينه نهلهل ونصفك رحت عليها جانت لابسه بدله حمره ومكياج احمر وتسريحه بس ما زلت اني احلاهم كلهم بسبب طريقت لبسي ومكياجي ( فديوم اريد اروح اكتلها لام الصالون الي يسوون عدها لان ما تعرف تحط مكياج وخربت وجوه كل البنات هههه) رحت سلمت عليها

وبوستها سهى  ...شلونج حبيبتي نضوله مشتاقتلج نضال ....هلو سهى...... ليش سلامج ثكيل ويايه اعتبريني صديقتج مو ضرتج سكتت ماردتلي اني رحت ضميت غراظي وكعدت اركص وكلبت الدنيه كامت نضال تركص واني كابلتها وكعدت اهز جتف ضليت اركص اني والبنات واني جنت اسوي هيج حته ما ابين ضعفي الهم بعدها صارت دنيه المغرب طفو الديجي لان حرام هوه ياذن رحت طبيت ابغرفه وكعدت ابدل لبست فستان نيلي يشبه هذا اشتريته ابعيد ميلادي ولبسته هسهجددت مكياجي ونزلت ضلينه نركص لحد ما صارت الساعه 8 كالو راح يجي الشيخ مروان يحني العروس انتضرنه نص ساعه وبعدها دخل الشيخ مروان وكاشخ على اخر حبه وطالع يخبل دخل يمشي بكل هيبه لدرجت حسيت الكاع تهتز ويه مشيته همه نصو الاغاني وكعدو ايهوسوله واني بس صافنه عليه ومبتسمه  من راح كعد يمها صحيت على نفسي وبديت امشي خطوات نحوه رحت وكفت كدامه سهى..... شلونك شيخنه الف مبروك بقه صافن شويه وكال شيخ مروان ...... بخير الله يبارك بيج ضل صافن وحسيت نضراته الي مثل الندم والعتاب بس اني ما مسويتله شي حته هيج ضايج المفروض ايكون فرحان بهذا اليوم بده ايحنيها النضال واني جنت واكفه يمهم 9 والنسوان بدو يهوسوله ويهلهلون واني علواهس هلهلت وحطيت اصابعي بحلكي وكمت اصفر اشو هذوله سكتو وندارو عليه وبقه بس صوت الاغاني اني عناد بيهم رديت صفرت وطكيتها ابضحكه وهمه رجعو يهوسون ضليت اباوع عليهم وحسيت الشيخ كل شويه يباوع عليه كمل وطلعوحنه كعدنه نركص ونهلهل وكل ساعه جايتني وحده اتذبلي حجي علساس اني فصليه وخدامه واني حته ما اعرفهم خلصت الحفله ورحت بدلت ورجعت لبست الفستان النيلي الطويل هوه وستره وشال ورحت على نضال ودعتها وصعدت بالسياره كعدت العب ابمبايلي لان البنات كلهم صارو يدرون عندي مبايل بس عبالهم هذا مالألعاب والي اخابر بي اهلي اخذه الشيخ مروان رجعنه للبيت طبيت سبحت وبدلت ونمت من التعب وتوني غافيه وجتي الشيخه عليه تصيح لان البيت مكلوب كلاب من الحنه مال ولد واني نايمه رحت نزلت وبديت اتظف كربو عليه كرب لحد ماخلصنه ورحت نمت جانت الساعه تقريبا 10 ونص ........... كعدت من الصبح والكل يشتغل وفرحان لعرس الشيخ كالو الساعه4 يزفوهم بعد ما تغدو رحت صعدت للغرفه و لبست فستان ابيض ساده اشترينا ويه الجهاز وامي عبالها البسه ابيوم الرحت فصليه بحجت راح اكطع مهر وبعتبار عروس ولازم البس ابيض بس اني ما قبلت البسه ...
يتبع ..

تڪملةة. القصةة 😁🍇💖
.
.
.
.
وشسورت شعري ورفعته ليفوك كله وسويت بي فيكه وحطيت مكياج غامق وعبالك مالعرايس واحله بعد ولبست حذاء كعب اسود وجزدان اسود ولزمت مبايلي وشال بأيدي لونه اسود حته من نطلع البسه جان لبسي شويه محتشم علمود انو من راح ايزفو اطلع اسلم عليه وعيب من الناس انو ما البس حجاب وهمه بيت شيخ وطبعا اني جنت متقصده البس ابيض واحط مكياج طوخ نزلت ولكل تفاجئ من ملابسي لسببين الاول جان لان لابسه ابيض والثاني لان محتشم وهمه متعودين ايشوفوني كله صلوخ وحصر لا ولعجيب شايله الشال وبدون محد ما يكلي لبسي حجاب بقيت منتضره انو يكملون بعدين كالو راح انروح انجيب العروس طلعت حطيت الشال على راسي وشمرت اطرافه على كتافي شفت الشيخ مروان كاعد بسيارت العرس بالصدر ويدخن جكاير رحت مشيت وصعدت ويه خواته توجهنه البيت العروس ووصلنه نزل هوه وظلو يهوسوله ويركصون بقينه نص ساعه واخذ العروس وتوجهنه لبيت الشيخ ضلينه الطريق كله نصفك ونهلهل ونرش بخاخ من الجامه وعالكين الاغاني وبصوت عاليي جان الي يشوفني يكول فرحانه بس هذا كله الي اتصرفه نابع عن 1 انكسار وكره وانتقام بس ابطريقه وديه بس خلي يصبرون بعد ما شايفيني شراح اسوياذا ما اخذ كل حقوقي منكم فلا اسمي سهى وصلنه ونزلو وتلكونه ولد عمه وكرايبه وضلو يهوسوله وراها طبت العروس هيه والشيخ وكعدو على الكوشه مالعرس جان البيت مليان ناس 2 رحت وكفت يم الشيخ وسلمت عليه وبوسته سهى...... مبروك شيخ مروان واخيرا شفتك عريس شيخ مروان ...... جا شنو جنت كاعد على كلبج سهى .... اي والله ومن اتزوجت عروستنه نضال ارتاحيت وانته تستاهل هل عروس بقه صافن عليه وماحجه شي ما اعرف ليش من اشوفه يبقه صافن عليه رحت على نضال وبوستها سهى.... نورتي بيت الشيخ نضوله نضال.... شكرا كام الشيخ وراح يم الزلم وبعدين كامو يركصون ركصو جوبي كمت رحت وكفت بالمطبخ واباوع عليهم شلون يركصون جانت اول مره اشوف احد يركص الجوبي بهاي الروعه والاحترافيه تمنيت مايخلصون ابد بعدين هوسوله لشيخ بس ابد ما شفته فرحان معقوله جابري على الزواج او هوه لساته مشتاق لمرته زفو العرسان لغرفتهم واني كمت رحت للمطبخ وكعدت اكل لفت كباب وعصير وجان البيت بعده هوسه و الناس لسه ما رايحه والزلم طابه طالعه من الديوان سمعت صوت من ورايه وجان مئلوف عليه التفتت وشفت ياسر ياسر ...... شلونج ام البقر سهى ..... ياسر ؟ ياسر .... اي بشحمه ولحمه جا ليش مستغربه سهى ..... لا يعني شعندك هنا ياسر .... عرس ابن عمي جاي احضره وبيت عمي داخل عليه عندج مانع ام البقر سهى..... اهووو هم كال ام البقر تره هاي ام البقر الي جاي تشوفها تصير دكتوره لعلمك ياسر .... شنو لاوالله جا ام البقر دكتوره . سهى .... ليش عيني ممبين عليه لو شايفني انهار كله لازمه الهوايش واحلب 3 ياسر .... يعني صدك انتي دكتوره جا ليش ما كالو بيت عمي سهى ..... كتله باستهزاء مو خاف انحسد هههه واني شدراني ليش ما كالو فتحت تحقيق ويايه ياسر .... على كيفج اعصابج ويايه اكول جا انتي بس لا دكتوره بيطريه وتحاجين البقر سهى  ..... اههو شلزكت عاد متريد لاتصدكني ممجبوره ابررلك ياسر..... لالا مصدكج مصدكج سهى  ...... يله اني اترخص استاد ياااسر ياسر ...... على كيفج وهدأي من اعصابج تره راح تنفجرين سهى عفته ومشيت بعد فتره طلع الشيخ مروان وكعدو يهوسوله وانوب ضلو يضربون طلق انوب همه كومه حته اكثر من يوم الي جتي بي الحجيه من العمره وكلهم يرمون لان هيه شيخه وهوه شيخ وعشيرتهم ابكد التمن ههه اني من ضربو طلق كالعاده اتخربطت احوالي وحسيت بان هذي نهايت العالم وكلنه راح نموت جنت واكفه بوسط الصاله ووكعت من طولي واغمه عليه ..فتحت عيني لكيت نفسي ابحضن شهد والبنات حوليه كمت على حيلي والحمدالله توقفو رمي صعدت للغرفه رحت نمت ... .......... شيخ مروان ..... من يوم الي خطبتها لنضال واني ما مرتاح ومتندم وصار يوم الحنه جانت معالم الحزن واضحه عليه ماردت اتزوجا لنضال واضلمها ويايه لان اني فكري كله يم سهى من دخلت حته احني نضال جنت بس اريد اشوفها واجتي عليه بقيت صافن عليها و اعاتب نفسي على السويته ورغم الصراع الداخلي مع نفسي ما زلت ابقوتي وتسلطي وما اخلي احد ينتبه عليه وعلى حزني جنت اباوع على سهى  شلون فرحانه ابحنتي وتهلهل وتصفر حسيت هيه المزوجه عليه مو اني ... 5 جان من المفروض هيه حزينه واني فرحان بس انقلبت الموازين وحسيت نفسي اني الي خسرتها اجتي عليه بيوم الزفه واشوف شلون فرحانه وكلساع تذبلي بسامير ودكلي انته تلوكلك وحده مثل نضال هيه شيخه وانته شيخ احسن مني اني بت مدينه جنت احس هذا الحجي تقصده وحسيتها ادكلي انته الي خسرتني وراح اندمك شفتها لابسه فستان ابيض وهيه الوحيده الي ما لابسه عبايه بلعرس جان من المفروض تلبس لان الزلم طابه طالعه كمت اتخيلها هيه كاعده يمي ابدال نضال هيه وفستانها الابيض وضحكتها الحلوه ابذيج الساعه ندمت ابكد شعر راسي لان ما عقدت عليها محكمه وتزوجتها بس ياريت ايفيد

اندمسهى كعدت الصبح مثل كل يوم لبست دشداشه ورديه طويله وشال اسود بس هيج حاطته ومكياج ناعم وهادء اول ما نزلت رحت لديوان دكيت الباب مالديوان ودخلت جانو اخوت الشيخ والشيخ علي كاعدين سلمت عليهم ورحت كعدت يم الشيخ علي سهى ...... شيخنه اني داخله عليك ورايده منك حاجه شيخ علي ...... اي بنتي كولي سهى ...... شيخنه انتو جبتوني فصليه بسبب خطا غير متعمد واني ادري اخويه غلط بس هذا قضاء وقدر  وتحملت منكم الضرب والاذا والغلط وطبعا محشوم انته والولد من الحجي لان انته وكفت ويايه هواي اني اقصد الشيخ مروان ونسوان ضليت صابره ومتحمله 7 اشهر واني كل يوم اكول لعل الله يهديهم عليه ومايأذوني ويكومون ايحبوني بس انته مثل ما شفت الشيخ راح تزوج وتهنه واني باقيه معلكه فأريد يا منك ياشيخ 3 اشياء واتمنه ماتردني شيخ علي ..... كلامج كله صح وانتي ماقصرتي ويانه و كولي اذا اكدر انفذه الطلب انشالله سهى ..... اول شي اريد اتخليتي اكل وياكم واكعد وياكم بالكعدات العائليه الى اخره وثاني شي اريدك تخليني حالي حال الجناين الباقيات والي كلمه واكوم اطلع واروح لسوك ولجيران وثالث شي اريد مبايلي من شيخ مروان شيخ علي ..... بس هذا جنت اتوقع راح تطلبين اكثر بس انشالله انفذه سهى ...اي بس هذا وتسلم شيخ انته ماتقصر طلعت من الديوان وكمت احضر بالسفره جتي نضال يمنه لان همه هنا متعودين الكل يكعد من وقت ضلت كاعده بالمطبخ وتباوع علينه كملت السفره والكل راح حته ياكل ظليت منتظره بالمطبخ بعدين صاح عليه الشيخ علي رحت وكفت يمهم وكتله اؤمر شيخ شنو رايد كال تعاي كعدي يمي كال للكل من اليوم سهى مو فصليه وصارت وحده من البيت وحالها من حال البنات تكدر تطب وتطلع ومحد ما اله دخل بيها و بعد كله ويانه تاكل وتكعد فهمتو وبعدين كال لشيخ مروان انو ينطيني مبايلي وهوه كال من يكمل اكل ينطينيا
فرحت كلش وحسيت روحي انتصرت للمره الثانيه كملنه اكل وكلمن راح لشغله اني صعدت فوك ورحت لغرفت الشيخ مروان دكيت الباب عليه وهوه كال تفضلي ......... شيخ مروان ..... بعد ما كلي ابويه على شروطها حسيت بانو زواجي منها كان عليها رحمه حته تكدر تخلي الها مكانه بهذا البيت صعدت لغرفتي ونقلت صورتها لجهازي حته اضل اباوع عليها يومييه واكدر انطيها مبايلها اندكت باب الغرفه وجنت اضنها نضال كنت متصطح على الجربايه ومنطي ظهري للباب كلت اتفضل سهى .... دخلت على الغرفه وجانت بارده ثلج وهوه امدد على الجربايه ضليت صافنه على الغرفه وفصالها وتذكرت غرفتي وايامي ابيت اهلي وسرحت بافكاري جانت الغرفه كلش حلوه جانت الاضويه مطفيه ومعلوك بس ضوه واحد صراحه نعست على برودت الغرفه لان غرفتي هاي حاره نار مابيها سبلت صفنت وماحسيت على نفسي شيخ مروان .... دخل احد للغرفه بس ما حجه استغربت و التفتت حته اشوف منو واشوف سهى واكفه اباب الغرفه ضليت اباوع عليها وهيه صافنه ومامنتلها عليه كمت على حيلي ورحت عليها شيخ مروان ...... ياهله بسهى نورت الغرفه بوجودج سهى .... شكرا شيخ مروان .... جا كليلي شنو سبب ازياره المفاجئه سهى ..... نسيت حته علوش جيت وضليت اباوع عليه وانتبه على شكله وفرحته ابجيتي سهى .... ااا بس جنت اريد مبايلي واعتقد انته عندك علم بالموضوع شيخ مروان ..... اي طبعا جا شلون ما ادري هاج تفضلي سهى.... شكرا الك دخلت نضال للغرفه واني ترخصت وطلعت ورحت فتحت المبايل وجانت اكو هواي رسأئل من المرضى وكلها مفتوحه وقاريها عرفت بانو هذا الشيخ فاتحها غلقت المبايل ورحت كملت شغلي
فصليه الضابط كرم
شيخ مروان ..... طلعت شمس من الغرفه وجتي عليه نضال تخوصرت كدامي نضال ..... شعدها هل فصليه هنا شيخ مروان ..... اولا ما تعلين صوتج واني موجود وثانيا هاي مرتي حالها من حالج واذا بعد كلتي فصليه اكص لسانج فهمتي نضال ..... لا شيخنه مجان قصدي شي بس ليش جايه لغرفتي شيخ مروان ..... انتي تدرين مبايلها يمي فجتي تاخذه عفتها وطلعت من الغرفه .......... سهى..... بعد ما طلعت من الغرفه اجتي نضال عليه تهدد وتتوعدلي اني عفتها لان عروس بعدها وما اريد احاجيها مرت الايام وصار يوم السبعه مالت نضال واني كالعاده بدلت ولبست فستان اخضر طويل وبرمت شعري ضلينه تركص ونغني لحد ما خلصت الحفله ........ كعدت من الصبح نضفت وكملت وكعدت اسوي كيك سويك كيكه جبيره تكفي الكل واضهرت جميع ابداعاتي بيها صار طعمها وشكلها يخبل كتبت عليها (البدايه ) 1 لان هاي راح تكون البدايه باخذ كلب الشيخ الي 3 بعد ما تغدو وشربو جاي ضلينه كاعدين لحد ماصار العصركمت شلت الكيكه ورحت كعدت يمهم بالصاله انطيت للكل كيك والكل تعجب ابطعمها شيخ علي .... جا بنتي ليش كاتبه عليها البدايه شمس ..... مو لان هاي اول مره اسوي كيكه خلصنه الكيكهودخل علينه الشيخ مروان وصكر لان جانو بره صكر ..... هاي شنو اليوم كيك بويه والله جا ابوقته سهى  ......

اي اليوم اني سويتلكم كيك وهاك صكر ضميتلك قطعه مخصوصه الك لان ما اكلت باوعت على الشخ مروان وضحكت وكتله اسفه مروان ما تسيت ابقي الك قطعه الكل باوع عليه وستغرب من تصرفي وهوه خزرني وصار وجها احمر من الغضب 4 واني جنت متقصده اسوي هيج ..... شيخ مروان .... دخلت لكيت مسوين كيكه ولي عرفته سهى مسويتها  اجتي تتموع وانطت لصكر قطعه واليه ما انطتني هنا اشتعلت غيرتي على يا اساس تفظل غيري عليه المفروض اني زوجها واول من تذكره بس الي هون عليه غضبي انو نادتني بأسمي وجانت اول مره تصيحلي مروان ويابه شلون طلع حلو اسمي بلسانها رحت كعدت يم ابويه وجان الكل مجتمعين جتي نضال يمي ودتكلي اكل من قطعتي مالكيك لان اني ما نسيتك وبقيتلك واني اباوع على سهى اخذت منها الماعون وكعدت وهيه توكلتي كيك بايدها سهى ..... حسيت الغيره صعدت عندي فول واباوع على نضال تباوعلي وتضحك حسيتها تغورني اتصرفت طبيعي وما بينت الهم غيرتي كعدت اسولف اني واشاقه ويه الكل حته ويه اخوت الشيخ مروان وهوه ضل يخزرني ويمكن لو بيده يكتلني ويطلعني من الاستقبال ضحكت ابداخلي وتاكدت انو هوه يحبني ويغار عليه ضلينه نضحك ونسولف لحد ما صار المغرب وكمنه نحضر عشه ......... شيخ مروان ..... جنت احسها تتقصد تتصرف ويايه هيج وتحرك كلبي كمت اعشكها لسهى وصدك هيه سهاوتي الي نورت كلبي وخلتني احبها
جانت نضال ما تعدل ابروحه و كاضيه النهار كله بالشغل واني متعود على هذا الشي لا جانت فاطمه هم هيج بس جانت فاطمه اهون من نضال اني من يوم الي شفت سهى واباوع عليها شلون تلبس وتتعدل وحته تشتغل وتنظف جانت امنضمه وقتها ودائما كاشخه حته من تتوصخ هدومها تبقه حلوه لدرجه كمت احس بانو نضال هيه الفصليه مو سهى مع العلم انو نضال كلشي عدها من مكياج وملابس بس هيه هيج طبيعتها بس نو بات تعدل نفسها لمن تشوف البنات كاشخات تغار وتكوم تتعدل ......... سهى ..... كملنه العشه اجتي نضال عليه جانت لابسه دشداشه ا خضره فاتح ومكياج اخضر باوعت عليها اجي تتامر عليه نضال .... هي انتي يلفصليه امشي روحي غسلي اماعين سهى ..... وليش اني بالله انتي ما عندج ايد ودغسلين . نضال ..... لا مو انتي غير الفصليه ولازم اتخدمينه سهى ..... وليش عيني تايهتلج هاي الفصليه الكدامج تسواج وتعليج وتسوه عشره من امثالج تره لاعبالج مستخطيتج وجايه تتأمرين هنا كلمن اله شغله وانتي الماعين عليج فلا تتأمرين . نضال..... منشوكت الفصليات صاير عدهم لسان ويحجون سهى ...... شوفي ان ما سكتي راح اسوي شي ما يعجبج نضال ..... اي وشنو تسوين يلفصليه يلوسخه سهى .... حسني الفاضج تره عيب و بعدين انتي شرايد هسه جايه هاده عليه . نضال ..... جايه اريدج تغسلين اماعين لان انتي خدامه عدنه سهى .....اماعين ما اغسل و اني مو خدامه عند الخلفوج تره اروح اكله لشيخ علي عنج نضال ..... روحي كليله اصلا منو يصدك وحده مثلج عفتها ومشيت اجتني فكره بسيطه اني اراويج هاي الفصليه شنو تسوي كمت سويت كيكه صغيره بالككو ونتضرتها تبرد زينتها وكتبت عليها (شيخ مروان ) رحت عليه و جانت الساعه10 دخلت لديوان وجان كاعد وحده سهى ....... شلونك مرومي شيخ مروان ......جنو هاي مرومي اشايفتني ديج رومي هههه سهى..... هههههاي طلعت تحشش يشيخ واني كنت اضنك معقد ومن اليوم ورايح اتعود على هاي الكلمه مني وعلى العموم اني جايبتلك كيكه كعربون اعتذار لان مانطيتك اليوم كيكه شيخ مروان .... مقبول اعتذارج ويله هسه انطيني قطه من الكيك مااعرف اوصف فرحتي من شفت سهى  دخلت لديوان لا وفوكاها جايبه كيك ويها سهى ...... شيخنه رايتك ابموضوعشيخ مروان ..... اي كولي سهى ..... اريد تعلم مرتك المصونه انو بعد ما تغلط عليه وتكلي فصليه ترهيه الوحيده بهذا البيت تغلط عليه فهمت شيخ مروان ..... اشو انتي ماتعرفين تحجين احجي ويايه باسلوب زين لا هسه هذا الماعون اكسره فوك راسج وبخصوص نضال اني احاجيها سهى .... مشكور يشيخنه ما تقصر يله اني اترخص شيخ مروان ..... الله وياج بعد ماراحت رحت على نضال ورزلتاها نضال ..... كذابه ما كايلتلها هيج بس كتلها غسلي اماعين وهيه ماقبلت وضلت تغلط عليه ما عرفت منو اصدك منهم بس جان عندي احساس يكلي سهى هيه الصادكه كمت ما يكمل يومي بدون ما اشوفها واطلع ميت حجه حته اروح عليها لو مجروح لو استشيرها ابشي ....... سهى ..... من بعد ذاك اليوم حسيت بان الشيخ يطلع حجج حته يشوفني فكمت بادت من يمي تعلمت من الانترنيت الحلويات واول يوم سويتله تراب الملك اله ولكل البيت انطيت اول شي للعائله وبليل رحت لديوان يمه دخلت لديوان سهى...... شلونك مرومي شيخ مروان ..... ياهله بسهى جا شنو اليم هم جاي تعتذرين سهى ..... هههه لا بس سويت للكل وكلت اجيبلك شيخ مروان .... عاشت ايدج كمت طلعت من يمه حاول يوقفني بس كتله نعسانه كمت يوميه اسويله اله وللكل حلاوه شكل يحيث الكل تعود على هذا المنوال وصار لازم اسوي يوميه حلاوه ..

تڪملة
.
.

بعد ما رجعت لبيت الشيخ جان يعتريني الغضب وبوقتها كرهت كل بيت الشيخ وتذكرت ايامي بهذا البيت وزاد حقدي عليهم وعرفت هاي من مخططات الشيخه بانو تقنع نضال توكعني من الدرج لان هيه سوتها مره واكيد تسوبها مره ثانيه اول مادخلت طلبت انو نجتمع كلنه حنه الشيخه ونضال رحت تيممت لان جنت ما اكدر اتوضه بسبب ايدي المكسوره وطلبت بانو يجيبولي القران جابوليا الكل جان صافن عليه ومنتضر مني انو احجي حطيت ايدي اليمنه على القران وكلت سهى ..... وحق كتاب الله وحق كل كلمه بي اني شفت بهاي عيني الشيخه واكفه وتضحك عليهونضال دفعتني من الدرج وهاي وكعتي مو حادث بل جانت خطه مدبرره من الشيخه ونضال حته يموتوني ..... الكل بقه ساكت ومصدوم ومحد ما حجه شي وبعدهم مو مستوعبين الي جاي ايصير وقبل ماتحجي نضال سكتها الشيخ مروان نضال ..... شيخنه وال.... ق الشيخ مروان ....... اشششششش ولا چلمه اسمع عندج استعداد تحلفين ودكولين اني مالي دخل بالي صار هيه بقت ساكته وما حجت الشيخ مروان ....... تعاي ورايه نضال ...... شيخنه والله .. الشيخ مروان ...... كتتلجج تعاااي وررايه رحت دخلتها للغرفه وقفلت الباب وبديت اضربها بالحزام شيخ مروان ..... شنو احنه وين عايشين وكاعدين اتسوون مؤامرات هيه هاي تربيتج يبنت الشيوخ ... اتذكرت ابيوم الي طلع محمد من السجن ورحت ضربت سهى بالحزام وحته بدون سبب وضربتها بكل قوتي لحد ماتعبت واغمه عليها وعفتها ورحت خطبت نضال بنت الشيوخ وفضلتها على سهى واليوم هيه امأذيه حبيبت كلبي سهى ....... 2 ضليت ضرب ابنضال لحد ما تعبت وهيه بس تبجيسهى بعد ما راح الشيخ هوه ونضال صعدت لغرفتي وضليت ابجي واصرخ وخابرت على بابه وكعدت اشكيله وحجيتله كل الي صار ويايه من اول يوم لهذا اليوم سهى ..... لك يابه تعال شوف حالي هيه هاي عشايركم دمرتني ودمرت كل حياتي الاب ..... وعد مني من باجر الصبح تلكيني يمج و شيصير خلي يصير غلقت المكالمه من بابا وطلعت رحت لديوان وجانو اخوت الشيخ والشيخ مروان كلهم بي طلبت انو نكعد اني وشيخ علي على انفراد رحت كعدت يمه وكمت ابجي سهى..... شيخنه انته حجي ورايح لبيت الله وتعرف الحق من الباطل واني اجيت لهذا البيت وتحملت وشفت الضيم كمت يوميه اكعد على كتله من الشيخه واله الغلط الي اسمعه يوميه وصرت مكفخه بهذا البيت و صرت خدامه شفت انواع العذاب وكومه معانات عشتها وماتنحجي وكل هذا وصابره وفوك كل هذا زوجتو الشيخ وخليتوني معلكه وحرمتوني من شوفت اهلي وتركت دوامي وكل شي احبه بحجت فصليه وهسه مثل ماتشوف الشيخ بردت ناره على المرحومه وراح تزوج وعايش حياته واني مخليني هنا لضرب ولمكفهه ولخدمه تره لا عبالكم اضحك وسولف وعبالكم مرتاحه بحياتي تره اني عايشه صراع ويه نفسي ومن الداخل اشتعل نار انته وعدتني وكتلي انتي مو فصليه وانتي مثل بنتي يعني انته تقبل بنتك يصير بيها هبج هيه هاي عشايركم وعكلكم الي جاي تضلمني تحملت 8 اشهر ونص يمكم ويمكن لو باقيه شهر الاخ ارجع جنازه لبيت اهلي تره ثار المرحومه طلعتو بيه تعبت والله تعبت كاتمه بداخلي هواي آهات ومايعلمها اله الله اريد اطلك اي اريد تطلكوني من الشيخ وارجع لاهلي وحياتي تره انتو فاهمين الفصليه غلط هيه مو تنطي حته تتعذب لا هيه تنطي حته توكف الدم بين العشيرتين وتضحي بنفسها ومن خلالها تزوج وتجيب جهال حته تطفي النار الشاعله بين العشيرين ارجوك شيخنه خليني اطلك وارجع لاهلي لان اني بعد ما اريد اعيش هنا ... الشيخ علي ...... والله ما اعرف شنو اكلج كلامج صح وصراحه فاجئتيني ابجرئتج وحجيج ويايه واني راح انسه الثار واحجي الحقانتي نضلمتي بهذا البيت وحقج علينه واني الي فهمته منج انتي مارايده الشيخ ورايده تطلكين منه ومثل ما كلتي هوه تزوج ورتاح يعني ما رايدج بس احنه لازم نكله وهوه يقرر موضرع طلاكج وانتي اصلا من يوم الي كلت انتي بنتي واحده من العائله مو فصليه اسقط عنج حكم الفصليه وجان بأمكانج تروحين لاهلج ولكل عرف بهذا الشي بس الضاهر انتي ما عرفتي شنو جان قصدي بهاي الكلمه وعلى الموم اني راح ادز احد يصيح مروان حته نتفاهم على موضوع طلاكج دز الشيخ على واحد من الولد حته يصيح الشيخ مروان اجه الشيخ مروان واني طلعت من الديوان .................... شيخ مروان ..... رحت على ابويه لديوان شيخ مروان .... ها بويه رايدني شيخ علي .... اي بويه تعال اكعد عندي موضوع وياك كعدت وابويه حجالي على سهى  وانو هيه مارايدتني ما صدكت معقوله يعني تريد تكلك رحت عليها للغرفه مالتها ولزمتها من جتفها شيخ مروان ...... سهى صح الي سمعته من ابويه سهى .... هزي ابراسي بمعنى اي شيخ مروان ..... سهى جاوبيني على سؤال واحد وبعدها انتي حرا والي تردي يجرالج سهى .... اي كول شيخ مروان...... سهى  انتي تحبيني سهى .....

ما جنت متوقعه منه هذا السؤال جان بوي اكله اي احبك واعشكك وانته النفس الي اتنفسه بس حسيت طريقنه مزدود وجانت رغبتي ابشوفت اهلي والرجوع الى حياتي السابقه طاغي على تفكيري وجنت ما اريد ابقه هنا تحت رحمتهم نزلت عيني وكتله لأ شيخ مروان ..... سهى رفعي عينج وجاوبيني شنو لأ سهى .... لا ما احبك شيخ مروان ..... ما اعرف شنو صار بيه وخرت ايدي عنها وحسيت هموم الدنيه كلها فوك راسي شيخ مروان ..... خلص يجرالج الي تريدي اتريدين طلاك اني اطلكج سهى ..... اي طلكني شيخ مروان ...... يله لعد لبسي عباتج وبوش وتعاي ويايه سهى .... وين انروح شيخ مروان ..... كتلج لبسي وتعاي يدون لغوه زايده رحت حكيت عبايه فوك راسي وبوش لان راح اطلع ويه الشيخ ومايصير اكشف عن وجهي صعدنه بالسياره وبعدين وداني لسيد حته نطلك اتأكد السيد بأني بالغه سن الرشد والعقد مالتنه موجود وشوفه لسيد وتم الطلاك بيناتنه ما اعرف ليس انتابني شعور انو ابجي رشيخ مروان بعد ما طلكتها حسيت بانو شلت قطعه من كلبي ونطيتها حسيت بالانكسار ضلينه الطريق كله ساكتين سهى  رجعت للبيت وصعدت للغرفه وبديت الم ابغراضي صارن 4 جنط مثل ما اول يوم اجيت همه حته هدوم ما مشتريلي حضرت اهدومي واجتي عليه شهد تبجي شهد .... ولج صدك الي سمعته انتي تطلكتي من الشيخ سهى ......اي تطلكت وهاهيه راح ارجع باجر ابويه جاي عليه صلت تبجي وتعاتبني نمت بدون عشه وكعدت الساعه 8 لان اليوم الشيخه ما اجت كعدتني رحت غسلت وبدلت ونزلت شفت الشماته بعيون نضال والشيخه والفرحه ما واسعتهم سلمت على كل البنات ودعتهم سويت لفت جبن وكعدت اكلها وبعدين رحت نزلت الجنط بعد ساعه صاحو عليه وكالو ابوج اجه ما اعرف اوصف شعوري بهذيج الساعه ورجليه كامت ماتحملني من الفرحه ما صدكت لحد ماوصلت لديوان وحسيت المسافه طويله دخلت لديوان وجان ابويه كاعد يمهم رحت اركض عليه سهى .....ولك يابه مشتاقتلك بكد رحمت الله يايه شلونك بويه شوف بنتك وين صفه بيها الدهر رحت كعدت ابحضنه وضليت حاضنته وابجي وهوه نزلت دمموعه وضل يعتذر من عندي انوب شاف ايدي المكسوره وراسي الملفوف اتخبل وراح على الشيخ علي الاب ...... هيه هاي الامانه الي وصيتك عليها انطيتك اياها ورده امفتحه وهسه ذبلانه ومكسره شيخ علي ..... اعتذر منك وحقك عليه واني حاولت احميها بس ما كدرت رحت لبست عباتي واخذت غراضي وجاي اطلع واشوفلك الشيخ مروان وكف ابوجهي ... ..........جاي اطلع واشوف الشيخ مروان وكف كبالي سهى ...... يشيخ اني راح اروح ومسامحتك على كلشي سويته ويايه شيخ مروان ...... بس اني ما مساحج على الي جاي تسوي ويايه سهى ....... اعذرني شيخنه بس اني ما اكدر اعيش يمكم اكثر اني حانه لعيشتي ومشتاقه المدينتي واهلي ومابيه بعد صبر وهسه اني رايحه وما اعرف أذا جنه راح نلتقي بيوم بس على العموم اني ماراح انساك ولا انسه عائلتك جان تجربه صعلبه وبنفس الوقت حلوه وتعلمت انو اكون قويه مع الحياة ابفضلكم مع سلامه عفته ومشيت رحت على بابا طلعنه صعدت بالسياره حته ما التفتت البيتهم لان ما اريد اشوفهم ضليت الطريق كله ابجي وبابا خابر ماما وكللها جاين نمت باطريق وكل شويه اكعد ما اعرف خايفه ومشتاقه لاهلي وياتره شنو حالهم هسه وبنفس الوقت متشوقه وفرحانه بس رغم سعاتي جان اكو شعور ابداخلي حزين ما اعرف ليش يمكن لان كسرت كلب الشيخ بس هوه الي ختار يتزوج غيري خليني هسه ابفرحتي وعود الحك على الحزن اول ماوصلنه نزلت من السياره وجانت الباب مفتوحه طبيت اركض دخلت واجت عليه امي هم تركض انوب من شافتني اتربعت بالطرمه وكعدت تلطم وتضرب على رجلها لان اني جنت احجيلها كل الي يصير ويايه بس اأكد الها انو ماتحجي لاحد رحت كعدت يمها وضليت ابجي واصرخ طلعو كل اهلي حته رند جانت جايه كمت رحت على محمد وحضنته وهوه بس يبجي ويعتذر مني سهى ..... لا خويه لا تبجي انته سندي وضهري وما اريدك تنكسر كل الي صار ماضي وانسا وهسه اريد نرجع مثل قبل محمد ..... ااووف كل هذا الي صار بسببي وبسبب غبائي سهى ...... محمد كتلك انسه كل الي صار وما اريد احد يرجع يذكره بالبيت اريد انسه والكل خلي ينسه رحت سلمت على الكل وشلت فؤاد وتذكرت ابيوم الي طلعت فصليه وكلت الأيمان تسمي فؤاد اووف همزين خلصت ضلينه كاعدين ونسولف ونوبه نبجي وناس تعاتب ناس رحت دخلت لغرفتي لكيتها تظيفه وعلى حطت ايدي نزلت على ماما وسئلتها على الغرفه  خطيه طلعت يوميه تروح للغرفه وتنظفها رحت ارتب ابغراضي بعدين سبحت ونمت وجانت اول مره انام مرتاحه منذ8 اشهر كعدت جانت الساعه 12 الضهر كمت شبعانه نوم ومحد ما مكعدني جنت يوميه اكعد الساعه 5 لو6 على كتله من الشيخه اوفف الله لايرجع هيج ايام كمت غسلت ونزلت رحت على ماما بلمطبخ وحضنتها حيل سهى...... اوووف يمه شمستاقه لهذا الحظن الام ..... يابعد كلبي لوتدرين شنو صار عليه بغيابج وله من جنتي تشكيلي عن ضربهم الج انكسرت ايدهم انشالله. سهى .... لا يمه لاتدعين عليهم اني سامحتهم كمت اشتغل وياها لام .....

وين يمه كعدي ايدج مكسوره وراسج امعنجر من شوكت بنتي الدلوعه تشتغل سهى ..... يمه اني تغيرت اني مو سهى الدلوعه المدلله راح هذا الجانب من سهى اني هسه غير همه حته نسوني شلون يصير الدلال وتعودت على الشغل والخدم والضرب من الصبح لليل الام ..... حسبي الله عليهم خاف نسوج ادللال فحنه راح نرجه انذكرج بي وانتي راح تبقين ابنضري سهى الدلوعه والعصبيه ماريد تتغيرين وهذا هدوئج وعقلج اريدج تخفي وترجعين مخبله مثل قبل سهى .... هههه انشالله ماما استمرت حياتي عادي وكرست كل وقتي لاهلي لان ما جاي اشبع من شوفتهم بقيت بالبيت لمدت شهر واني ما طالعه الباب وما الشيخ مروان فمن يوم الي رجعت ليهسه ما راح من بالي شيخ مروان جان ضميري ايئنبني تجاها وحسيت الي سويته خطأ وكمت افكر بي ليل ونهار بديت ارجع لحياتي القديمه تدريجيا وفتحت الجبس من ايدي وقررت انو انساهم وامحي كل ذكراهم اخذت افلوس وصعدت سيارتي وخابرت زهره حته نروح نسوك رحنه فرينا لسوك والمولات كلها بحيت طلعت حركت كلبي مال8 اشهر وماخليت شي ما اشتريته وخصوصا ملابس البيت لان تعبت واني ضليت البس بيها 8 اشهر وما اشتريت رجعت للبيت واني محمله غراض وملابس وقررت ارجع اعيش مثل قبل ثاني يوم كعدت من الصبح كمت بدلت ولبست فستان طويل وردي وكله بي تور وفوكا ستره كابوي قصيره وسرحت شعري ولبست قبعه كابوي جانت جايه ويه الفستان ولبست حذاء كعب ذهبي وجزدان ذهبي ولبست نضاره شمسيه وحطيت مكياج وعدساتي و نزلت امي اول ماشافتني هلهلت لان رجعت لطبيعتي 3 ولكل فرح بهذا التغيير اتريكت وطلعت صعدت بالسياره جنت عالكه اذاعه واستمع الها سرحت بالجو والهوه وشوارع بغداد الحلوه اووف شكد مشتاقتلج واخيرا ارتاحيت وصلت لعياده وجان بيها ولد يشتغل ويسوري يمه سيف .....تفضلي ضليت اباوع على العياده ونوب نزعت النضاره ويسوري ضل يباوع عليه انوب فتحتله ايدي وهوه جا عليه يركض يسار ..... شلونج عمه سهى مشتاقلج كومه سهى..... واني هماد اني شكتل انو بعد متصيحلي عمه صيحلي سهى وبس يسار ..... اي ماشي سهى كمت باوعت على الولد وكتله خير محتاج شي وانته منو سيف ..... لا مامحتاج واصلا اني اشتغل هنا والمفروض اني اسئلج هذا السؤال سهى .... ضربت بأيدي على راسي اووه تذكرت ماعبالي احد يشتغل هنا سيف ..... تفضلي عيني رايده شي سهى .... اني سهى صاحبت هاي العياده سيف .... يااهلا وسهلا سهى...... من اليوم راح نقسم شغل العياده راح اشتغل اني بالنهار وانته باليل سيف ..... اي عادي ماكو مشكله بس ابيش اساعه اجي سهى ..... انته من الساعه4 العصر الى الساعه 9 باليل واني اشتغل بانهار سيف..... يعني اكدر اروح هسه سهى ....لا خليك لان اليوم مابيه حيل اشتغل ضل هوه يمشي بالزبائن الي يجون واني كعدت اسولف ويه يسوري خلص اليوم ورجعت للبيتشيخ مروان ..... مااكدر اوصف كميت الحزن الي شعرت بي من راحت وتركتني حسيت بالفراغ والوحده اول ماطلعت رحت صعدت لغرفتها ضليت ادور على غراضها بلكي ناسيه شي حته اخذه ويبقه ذكرى منها بس مالكيت شي جانت ماخذه كل غراضها فتحت الجراره لكيت فرده مالتراجي على شكل فراشه دورت على اختها بس ما لكيتها اشويه رتاح كلبي وحسيت انو بعد اكو امل جنت يوميه طلع فردت التراجي واباوع عليها وعلى صورتها الي بالمبايل من راحت سهى لهذ اليوم واحس البيت مابي روح وفارغ وجان بي ملل فضيع لاحضت على الكل حزين على فراك سهى الا نضال والشيخه جانت الفرحه ماواسعتهم تعودت على سوالف سهى  والحلويات الي جانت تسويها يوميه نوع جديد وله لبسها ودلعها ولسانها الطويل وضحكتها الي ماليه كلبي خلتني اصير مسودن (مجنون)ابعشكها بس ااخ لو احد يحس بالنار الي بكلبي حسيتها جانت جوهره غاليه وماجنت اعرف قيمتها وهملتها وكسرتها وبعدها ياله عرفت ثمنها مرت ثلاثت اشهر عليه مثل السم ماتنجرع حسيت روحي بعد ما اتحمل فراكها صار لا ليلي ليل ولا نهاري نهار ............. سهى...... استمرت حياتي وجنت دائما اقنع نفسي باني نسيت الشيخ وكمت ما احبه بس العقل يكول شي والكلب شي ثاني اني سمعت عقلي وماسمعت كلبي في سبيل الراحه والعيش بسعاده استمريت ابدوام العياد ويسوري لساته يشتغل ويايه ونوبات يجيب الكتب ويا واكعد ادرسه بالعياده مرت الايام وحددو عرس رند واني بديت اروح وياهها حته تجهز للعرس ماتخيلون فرحتي بهذا اليوم رحنه اني وياها لمركز تجميل وصبغت شعري وخصلته وسوينه تنظيف للبشره اوفف واخيرا رجعت لايام اطلعه والونسه ومراكز التجميل وثاني يوم رحت وياها لصالون ومافاركتها واين متروح اني وياها حطيت مكياج النفسي وماقبلت احد يحطلي وسويت تسريحه . ناعمه عند ام الصالون لبست ثوب نيليوبعدها كملت رحت صعدت بالسياره مالتي وهيه صعدت ابسيارت اخو العريس جان الطريق ازدحام وكوه وصلنه اول مانزلت رحت وكفت يم رند وهيه لزمت ايدي طبينه البيتهم وجان متروس ناس واني كرايبهم كلهم يعرفوني صديقت رند طبيت اهلهل وشعلت الجو شعل والنسوان ويايه تهلهل هيه كعدت على الكوشه مال عرس واني كمت اركص ونسوان

ويايه تركص وضهرت جميع ابداعاتي باركص لان اليوم حنت اعز صديقه الي وذبيتلك لحم بحيث ابعرس محمد ماركصت مثل اليوم وكل شويه اروح ابدل عبالك عرض ازياء والحلو بيهم انو همه عائله سبورتيه يعني كضينه الحنه ونسه وضحك وتصنيف وطبعا جانو امي ونجمه وايمان موجودين اجه حناها العريس وراح خلصت الحنه واناس راحت وبقه بس كم واحد من الكرايب واهلي راحو واني بتت يمهم كمت لبست تراكسوت وزهره لبست دشداشه وعلكنه الديجي وكعدنه نركص والكل ويانه يركص علواهس جانت الساعه 12:30 واحنه كاعدين نركص تعبنه ونمنه كعدنه الكل الساعه 7 حضرو ريوك اني كملت ورحت غسلت وكعدنه انضف البيت ونجهز للعرس صارت 12 رحت اخذت هدومي ورحنه لصالون جان ازدحام عليها اني حطيت مكياج لنفسي ولبست فستانوسوتلي ام الصالون تسريحه وبرمن كل شعري من جوه طلعت اخبل فديتني ورها خلصت رند ورجهنه وجانت الساعه 3 بعدين رحنه للقاعه مالعرس ضلينه نركص ومتونسين وبعدها اجه العريس اخذها واني رحت حضنتها وكمت ابجي وهيه هم ويايه وكلبناها مناحه وكعدت اعدل مكياجها لان خرب وعدلت مكياجي والحد لله ماضربو طلق من زفوهم 5 صعدت ابسيارتي و كمت امشي وره الزفه وصلناهم للفندق ووراها ضليت افتر بالسياره ورجعت للبيت جان يوم متعب كلش مرت الايام وصارت السبعه واني هم رحت يمها وضلينه نبجي استمرينه اني ورند على تواصل بحيث ما يكمل يومي اذا ما اخابرها ......... مرت الايام وجان يوم عادي جنت بالعياده ورجعت للبيت طبيت سبحت و لبست تراكسود احمر ورفعت شعري ذيل حصان وحطيت فيونكه جبيره حمره ابشعري يم القراصه وطلعت خصل من شعري من كدام وحطيت مكياج ويسويت كيكه وعصير وكعدنه اني وامي وايمان نسولف اندكت الباب كمت طلعت حته افتحها صارو بوجهي 3 نسوان حجت وحده منهم وكالت انتي مو سهى سهى ...... اي خاله اني تفضلو شرايدين ام جعفر ..... يمه اللهم صل على محمد وال محمد شنو هل جمال الوالده موجوده سهى....اي خاله موجوده تعالو تفضلو جوه هسه اصيحلكم اياها دخلتهم للاستقبال وصحت امي رحت حطيت عصير وكيكه ووديته الهم رحت كعدت يمهم بس الضاهر الموضوع بي( أن ) يعني شغلت خطوبه واباوع على ماما وايمان يحاولون ايلمحولي حته اكوم من يمهم طلعت ورحت الغرفتي وبعد ساعه اجتي عليه امي وفهمتني انو ذوله شايفيني ابعرس زهره ورايديني الابنهم اني رفضت بحجت مو مناسب وراها اجاني هواي خطابه واني ارفض واخر شي امي كعدت ويايه وتكلي ليش ترفضينهم سهى ....... ماما اني ماسالي شهرين من تطلكت وما صدكت خلصت من سالفت الزواج وتجين ادكليلي تزوجي الام ..... يمه هذوله غير يعني هذا زواج مو فصل والناس الي جاي تجيج من احسن الناس وكلهم محترمين وحالتهم زينه بعد شكو سهى ..... يمه الله يخليج سدي الموضوع السبب الحقيقي باني ارفض هوه حبي لشيخ لان ما اكدر ازوج واني بعدني احبه
جان يوم من ايام الصيف الحاره جنت كاعده بالعياده وحاطه ايدي على خدي اباوع من الباب ما العياده على الناس وصوت الجامع العالي الي كاعد يقره قران جانت الساعه 12 الضهر وماكو زبائن جنت تعبانه حيل ومالي خلك لشغل قفلت العياده طبعا العياده افتحهه ع الوقتين لان ممتعينه ورجعت للبيت جانو اهلي مخبوصين لان عمي عازمهم على غده اني اعتذرت منهم لان مالي خلك اطلع وجانت روحي طالعه طلعو اهلي وسديت الباب وراهم جان البيت فارغ مابي احد ضليت اباوع على البيت رحت صعدت لغرفتي لگيتهہآ مـرتبهہ وسـبلت مـشـتغل وآلغرفه بآرده تجذب آلوآحد وتخلي ينآم ومددت على الجربايه حته بدون ما ابدل ملابسي ضليت اباوع على السكف واسترجع ذكرياتي ماجنت افكر باي شي وجان اكو فراغ ابداخلي فضيع نمت واني على نفس وضعيتي سمعت صوت امي تكعد بيه وتخض ابجسمي سريع سهى ...... ها ماما شوكت اجيتو الام ..... ولج لحكي بيت الشيخ جوي عدنه وهسه همه كاعدين جوه سهر .....شنوووو شعدهم وليش جايين ،،،، جآنت بمـثآبت آلصـدمـه آلي الام ..... ما ادري جنه تونه راجعين من بيت عمج وندكت الباب وفتحناها ولكينناهم كلهم يمنه كمت على حيلي رحت غسلت وجهي باوعت على نفسي بالمرايه جنت لابسه تنوره سوده وبدي ابيض وستره سوده وحذاء كعب اسود وفاله شعري حطيت مكياج ومشطت شعري ما اعرف شنو جان شعوري غضب على فرحه لان حشوف الشيخ مـشـآعري جآنت مـلخبطـه ما ادري انتابني شعورحلو وبنفس الوقت تنرفزت منهم لان تذكرت ايامي وياهم نزلت ودخلت لاستقبال جانو بيت الشيخ كلهم جايين ما عده الشيخه ونضال والجهالسهى .... السلام عليكم . الكل .... وعليكم السلام ورحمه رحت بوست شهد والبنات وسلمت على الحجيه والشيخ علي ورحت كعدت وما سلمت على الشيخ مروان ما اعرف ليش بسـ ضـليت آبآوع علي وهوهہ هہمـ بسـ شـگله عصـب مـني لآن مـآسـلمـت عليه ق طبت ايمان قدمتلهم وكعدت بده الشيخ علي يحجي ويتأسف على الي صار ويايه يمهم وبده يدخل ابمواضيع وبعد حجي طويل كال احنه رايدين سهى لشيخ مروان اني هنا راسا ركزت كل تفكيري ونضري يم الشيخ مروان وضليت اباوع عليه وهوه هم ايباوع عليه ما كدرت افسر النضرات الي

جان يباوعلي بيها حب على توسـل على آسـف ابويه راسنا كال هاي بنتي الوحيده واحنه جربنه ونطيناكم بتنه ورجعتنه امكسره ونفسيتها تعبانه فما اكدر اجازف بيها مره ثانيه وآنسـهہ هہذآ آلشـي آحنه مـآعدنهہ آبنيهہ لزوآج شيخ علي ..... سـمـعني آبو محمد هذيج المره جانت فصل بس هسه هيه راح تصير مرت شيخ مروان يعني محد ما يكدر يلمس شعره من راسها الاب ...... شوف يا شيخ جيتكم على عيني وراسي وكلامك كله صح بس الشيخ متزوج واني ما انطي بنتي حته تصير ضره ترا هيه الف من يتمناها شيخ علي ..... اسمعني ابو محمد بخصوص الضره فأحنه اشترينالها بيت كبالنه يعني راح تعيش وحدها واحنه حاضرين لكلشي وأرجوك لاتصعب الامور علينه الاب .....والله يا شيخ علي اني العليه كلته والقرار قرار سهى لان هيه حياتها شيخ علي ..... ها بويه سهى شكلتي اني جنت اسمعهم بس ما اكدر ارد بس صافنه واباوع على الشيخ مروان صدك فرحت من خطبني بس ما اكدر اجازف ابحياتي وارجع لهذاك البيت ضليت صافنه ومارديت جان شكلي مثل الي مصدومه من هذا الخبر ابويه راسا كال انطوها فرصه حته تفكر اني ما اعرف شنو اسوي وله شنو اكول فعلا موقفناكل
احسد عليه ورها صار المغرب ورادو يطلعون بس عيب الضيف يطلع المغرب وما نعشي فرشنه سفره وحده وكعدنه ناكل والبنات ساعدونه بغسل الماعين على رغم الثار الي صار بين العشيرتين اليوم احنه مجموعين على سفره وحده والمحبه بيناتنه بعد ما خلصنه اخذت شهد ورباب وسناء لغرفتي وكعدنه نسولف الي عرفته هناء متزوجهجانو جاين من خوات الشيخ بس استبرق واسيل اتعجبو البنات ابغرفتي وهيه جانت طراز تركي وهآدئه وحلوه رحت بدلت ولبست بنطرون اسود وقميص بنفسـجي غآمـق ورفعت شعري وحطيت مكياج اخذت جنطـتي وطلعت رحت على البنات كتلهم روحو كولو لشيخ راح نطلع ويه سهى ولله راحو وبعد ربع ساعه رجعو صعدت ابسيارتي وهمه صعدو ورايه رباب .... ولج هاي شنو انتي راح اتسوقين سهى ....اي وهسه وين تريدون انروح مول لو لزوراء لو افركم بشوارع بغداد كالو ابكيفج ضليت اسوق وبعدين نزلت يم اسواق وشتريت حلويات حته ناكلها بالسياره لان الطريق شويه بعيد منا لزوراء بعدين طلبو يشوفون العياده مالتي ونزلتهم يمها ودخلت جان سيف كاعد بيها هوه ويسوري همه اشترو كم شغله وطلعو سهى  .... سيف باجر اني مراح اجي وانته اشتغل ابكاني سيف .... اوك تدللين طلعت صعدت بالسياره شهد .... ولج حقج ما تحبين العيشه يمنه اذا انتي عايشه ابيت حديث ايخبل وعنج سياره وعياده يعد شتريدين من الحياةّ سهى ..... هههه والله ضحكتيني ليش شتفيد هاي الامور اذا ماكو راحت بال شهد .... يا ولج ليش شبيج ما مرتاح بالج سهى  ..... لا مو عليه دا احجي بشكل عام ضلينه الطريق كله نسولف ونضحك وناكل وشغلت اغاني وصلنه لزوراء ونزلنه وفرشنه بالكاع وبعدين خذتهم حته نلعب بالالعاب وتذكرت اني نسيت جنطـتي على الفرشه يم الغراض رحت حته اشوفه وفجئه صار بوجهي شيخ مروان ..................... شيخ مروان ... بعد مرور 3 اشهر على طلعت سهى  من طلعت سهى  من البيت كمت ما اتحمل فراكها وحيل تعبت صحتي بسبب التفكير وقلت الاكل مـآ تغيب عن بآلي ليل ونهہآر آفگربيهآ آني عشـگتهہآ وهہيهہ آنفس مـآلي وطفح الكيل رحت على ابويه وطلبت منه يخطبها الي وبعد ساعات طويله من الحجي اقتنع ورحنه خطبناها ااوووف اول ماشفتها ردت روحي وعافيتي اي هيه عافيتي يآبعد گل طـوآيفي اتعشينه يمهم وبعدها اجوي البنات كالو سهى  راح اطلعنه ضلو يتوسلو كومه ياله قبلنه همه طلعو اني صعدت بالسياره ولحكتهمتفاجئت بيها يعني تسوق سياره وله لبسها الطالعه بي لو بيدي هہسـه آمـوتهہآ مـن آلگتل شـلون هيج آهلهآ يخلوهہآ تطـلع آتسـودنت وقطـرت عقل مـضـلت بيهہ مـو بيدي آغآر عليهآ شـلون يشــوفهآ غيري وصلو همه وراحو يلعبون اني بقيت واكف يم الغراض وعيني عليهم فجئه اجتي سهى  باتجاهي شيخ مروان ..... شلونج سهى  شـلونج يآ نبضـ گلبي سهى  .... زينه آلحمـد للهہ ضـلينهہ سـآگتين فتره وآحد يبآوعآبوجه آلثآني جآن آگو گومـه حجي مـضـمـوم حسـيته يريد يگليآ سهى  ،،،،،، مـروآن ليش خطبتني يعني تريد اترجعني لذل شـيخ مـروآن ،،،،، آسـف سهى على آلي جرآلج آبسـببي آني آعتذر وآدري آبنفسـي آذيتج هہوآي آتمـنه آنج آتسـآمـحيني شيخ مروان...... سهى  آنآ احبنج واعشكج وانتي النفس الي اتنفسهآنتي روحي ولوعةّ گلبي سهى ...... وشنو الي يثبت انك تحبني شيخ مروان ..... حريت آيدهہآ وحطـيتهہآ على گلبي وآشـرتلهہآ عليه وگتلهہآ هہذآ آلي يثبت رآح يحجيلج سـهہر آليآلي وآلتعب رآح يحجيلج عن عشـگي آلج وعن گل لحضـه مـريره عشـتهہآ بدونج شـنو تردي يجرالج اذا رتي تفتحين عياده  يم بيت اهلي قابل صدكي وعتقدي اني احبج ولوتفرين العالم كله ما تلكين احد يحبج ابكدي سهى  لا تخسريني تره هاي اخر فرصه النه سهى ......

دنگت رآسـي وگتله مـروآن اني آحبك و هاي المده كلها ما نسيتك آ قآطـع گلآمـي وگآل شـيخ مـروآن ،،،،، شـلون شـلون عيدي مـآ سـمـعت سـمـسـ ،،،،، آني آحبگ شـيخ مـروآن ،،،،، آفييييش مـن غديت فدوهہ لصـآحب هہل صـوت مـآ جآي آصـدگ سهى ،،،،، مـروآن بآوع آني تآبت يمـگم هوآي اذا تريدنه نستمر ونزوج فراح تكون اكو شروط وتسجل بالمحكمه حته ماتتراجع ابيوم واضمن حقي شيخ مروان .... عيب هذا الحجي جآ آشايفتني موش زلمه واتراجع عن جلمتي سهى ......لا حشاك شيخنه بس اني هذا الاريده شيخ مروان ....... عمي كولي امري لالله  سهى  .... اول شي بيت وحدي و العياده  تفتحلي وتخليني اداوم بيها شيخ مروان ...... بخصوص البيت فاني مشتري ومجهزه واما العياده  فوعد مني ابنيلج وحده بعد الزواج سهى  ..... هاهيه راح انطي خبر الموافقه لاهلي والله كريم 5 شيخ مروان ....... جا يعني تحجين صدك ما اجي اصدك آليومـ گل آلآلعآب تريدون تصعدوها على حسابي
ضـحگت وبآلفعل لعبنه گومـه العاب وفعلا كان يوم من احله ايام حياتي مـآآنسـآ آبعمـري رجعنه وهمه راحو وثاني يوم كعدت ويه امي وكلتلها اني موافقه وهيه بالساعه كاعده تقنع بيه حته اغير رئيي وبآبآ هہم وحآولو ويآيآ گوومـه بس اني جنت اموافقه وطبعأ مع الشروط الي حطيتها بعد 3 ايام ردينه خبر الموافقه وحددنه المشيه الاربعاء وعقد المهر والخطوبه الخميس طلعت لسوك وشتريت كومه فساتين واحذيه وغيرها ............... ابيوم العقد طلبت انو تكون حفله بسيطه عزمت بس الكرايب حيل وصديقاتي
وهمه هم ما كدرت هواي ناس تجي وياهم بسبب الطريق جانو جايين بس خواته وامه والجناين وعماته خالاته وشيخه ونضال ما خلوهم يجون لبست فستان گريمـي بسـيطـ بنطـي وظــهر مـآلته گله مـفتوح ومـن گدآمـ گلهہ لمـعوسويتلي مكياج وتسريحه ام الصالون ورند  وزينه  ويايه ما فارگوني بدت الحفله وركص بس اني ما ركصت عود ثكيله ههه بعدين كوموني حته نعقد وحطو رجلي بالماي ونطوني قران وغيرها من الاشياء ،،،سـرحت بيهہ آلذآگره ليومـ آلعقد مـآلتي مـن رحت فصـليهہ وشـلون گآن وضـعي ،،،هہزين رآسـي ومـآ ردت هہل آفگآر تنغض عليهہ فرحتي وبعدها تم العقد اجه عليه مروان حته يلبسني الذهب يمه فدووهہ طالع ايخبل جان لابس زي عربي گلهہ هہيبهہ آوقآر ومـن يمـشـي تنهہز آلگآع آبمـشـيته اجه لبسني اذهب وثنينه الفرحه ما واسعتنه وهہوهہ بسـ صـآفن عليه ويضحك بعد ماخلصت الحفله ورآحو لزمت وبدلت وعلكت الديجي وكعدت اركص وذبيت لحم ههه والكل ويايه يركص حته محمد لليل حيل ياله طفيته حددنه العرس بعد 3 اسابيع بطلب من عنده وبديت اجهز .......
بدينه نجهز اني وامي وبسرعه بسرعه علمود نلحك وما اعرف شلون خلصت 3اسابيع بهل سرعه وما شفت مروان غير بس مره وحده قبل الحنه بيوم رحت لمركز تجميل سويت تنضيف وصبخت شعري وزرعت رموش ورجعت بيوم الحنه لبست بدله حمره
وسويت تسريحه ومكياج وسوينه الحنه ابيتنه والبنات كلها تركص واني كوه متحمله ما اهز جتف رحت صحت رند  وزينه  وكتلهم كوموني واني بديت امثل واكوللهم لالا ما اريد استحي وهمه خربانات ضحك عليه كمت ركصت وبرد كلبي ههه وبعدين اجه مروان حناني نكلبت ادنيه بالهلاهل وبعدها راح ويمكن بدلت ٥ مرات وبعد ما خفت الناس كنت ركصت وهلهلت وخربانه ضحك ونست روحي والكل يايه يركص علواهس واني لو بيدي انزع البدله والبس دشداشه بس غير عيب من كرايب مروان ثاني يوم كعدنه من الصبح اني اخذت البدله ورحت لصالون اني ورند وزينه وخالتي كعدت ام الصالون حطتلي مكياج ورفعتلي شعري وحطتلي تاج لبست بدلهوحطتلي الطرحه وبعدها رجعنه جانت الساعه ١ ضلينه نركص ونضحك و وصارت الساعه ٣ واجه عليه مروان واخذني ورحنه للقاعه جانت مكلوبه الامه كلب جنه جايبين مطرب وشعل الجو شعل اني جنت لابسه بركع ومروان كلساع ايكلي طالع شعرج ويكعد يعدل بي خبلني بحيث اله شويه واذب البركع واكله ها هسه طالع شعري وراها كالو راح نزفكم واول ما صعدنه لسياره بدو يرمون واني تخبلت 3 وكمت اكله لصكر امشي بسرعه حته ما اسمع سديت اذني من الخوف ومروان بس يضحك عليه بعدها زفونه الفندق ابغداد لان الطريق طويل منا لناصريه وبقينه بي اسبوع وراها سوينه سبعه ابيت اهلي ومن بعدها رحنه لايران واهاي جانت اول مره ازورها وجانت تخبل ورحنه زرنه امام ارضا وبقينه ابأيران ١٠ ايام وما خليت مكان ما رحتله وراها ورجعته رحت ودعت اهلي وتوجهنا لناصريه اول ما وصلنه استقبلونه بالطلق والذبايح واني محتميه ابمروان وساده اذني بس الحمد لله ما اغمه عليه يمكن تعودت بس الخوف ياكلني اكل طبينه البيت الشيخ علي ورحنه سلمنه وجانو امسوين حفله صغيره بمناسبت زواجي بس ابد ما شفت نضال والشيخه الكل سلمنه هدايه بمناسبت زواجنه ومن ردت اطلع اجت اشيخه وعتذرت مني ونطتني بطانيه واني سامحتها وكلت بلكي ولعل الله يهديها رحت لبيتي الي صاير كبال بيت الشيخجان بيت جبير ومجهز ابجميع الاثاث وكلش حلو اني لزمت الفرشات والبطانيات كلها ضميتها بالمخزن لان جانو هواي والمخزن فارغ