طيورالسعد بس على چف الردايا
وطن
گلبي تعايش مع همومو تئالف واطن..
مني الليالي اخذن مافرحني وأطن..

من حيث خيم عليه العوز والفقري..
وأيام فرحي نكسر عامودها الفقري..
رغم الجره يادول اخذي الحچي فقري
غير العراق الأبي مايرهملنه وطن..

#ابو_شجاع_الحليحل

عتابه

عگب نزل المسرّه منزل الهم
دليلي ومن جفوني منزل الهام
حرام تطب يجدمي منزل لهم
اذا ماهم تلگو عالابواب

ابو ثابت الجبوري

بذلنا ما بدينه وما بچنه
والي يبچن رواسي ما بچنه
ليالي العوز جن وما بچنه
بچينه من اعجزنه عن العطى

مؤيد الجربوع..

يازين قدر مشاعر هالذي اوفالك..
ياما سهرلك معه نجوم السمه وفالك..
الگلب الهجرته يلو تدري شكثر في لك
جروح ماجاوبني اضماد وادمنه..
وياما اهديناك بيب العين ود منه..
هساع يومن وهسنا بيك وادمنه..
تريدني انساك فال الله ولا فالك..

تعال شبيك صدّك فاكدينك
وبلچي السنة الاخرى فاك دينك
صم ايدك ولتظل فاك ادينك
تراهم ما يعرفون الصخى

اي والله👍👍

المابيهم الفود لا ترجى شواربهم
ولا ترجى منهم وفى وطيب وشواربهم
الردى ويا الغلط دايم شواربهم
ما ينفعونك اذا مكروه يجرالك
دور علجواد تلكه الخير يجرالك
الي نباهم هله وتبشر ويجرالك
لو ضامك الضيم تلكاها بشواربهم

خلهم يخايب تكيد لا تعن الهم
مازال للغير ود وشوك عن الهم
ياما بجدي يلاجي الخير عان الهم
غير المغثه فلا منهم. رثا حالك
ومست لياليك في عز الظهر حالك
اللي تعنيهم تراهم علعزل حالوك
كافيك مشفج يخايب لا تعن الهم

ابالك تگرب الشينين وتحل
تراهم چ المرارة تهيظ وتحل
ديار ميسرة الصعبات والتحل
حسافة بادلتهم بالرخمه

بدمـعي نــوگ حـايل تـِرِد مِـجراه
ولا مـثلي جــرى بالنــاس مِـجراه
خـل ياخـذ مـعاي الــوكت مِـجراه..
حــالي حــال زاچــين الأنـساب..

علش طلعتو من عيني تراكم
‏وليش الناس انه بعيني تراكم
‏كفر وفراكم عندي تراكم
‏على ضهري لو شايلي جبله

‏ فهد ال تركي

عمد چتلي وليفي وما اداني
اله فارش جفنها وما د اني
گبل گلتو لغيرك ما اداني
اشوف امرافج گروم االردى،

منكم گطعت الرجى حيل وغسلت ايدي
راحن رسوم القوى صارن تواچيدي،

الوكت حالف درب نمشيه النتيه
ماريد گلب الهفه بهواج ولا انتيه
اني متيه رشد ياحيف ولا انتي
ماهمج الهام في عشرت هواج بخت
وبس اني مزنت غثه فوگ بمصيرج بخت
ياباه ياالهخذج الله شقادي بخت
من دون كل الخلك ماشاف الا انتي

حزني عليهُم كل مسا ومصباحي
ومن يومٍ غابو ما عِشت بفراحي
إمجابل گبرهُم وعنّ أعِن بصياحي
وجعد أتأمّل بلچي إيردهُم ربي ؟

ماچان اعمي النواضر لولا ماني
حزين ولاابيع سري لو لاماني
شرد اگل العواذل لي لاموني
اگوللهم فرح واني بشگا..

ياصاح هم الوكت كلو تبايد علي
حسي فضحني وره ضعون الجفوني علي
النام ليل الدجى يلوم بحالي علي
مايدري شوگ المشو ماعچ دليلي معچ
يادنيا اخذتي الولف شنهو وراي اطمعچ
ياريح من ترحلي اخذي عيوني معاچ
خلهن يشوفن عشيري ولا يردن علي