Дўстлар, Файзбоғ (Темурмалик) буни юмор кўринишида кўрсатяптию, лекин бу ишлар жуда ачинарли. Ожиз бўлиб қоляпмиз. Бизни ҳеч ким эшитмай қўйяпти. Ҳокимларнинг бу иши аслида амалдаги президент гапириб келаётган ижтимоий сиёсатига зид. Гап ва амалимиз бир-бирига тушмай қўйди. Давлат ва солиқ тўловчилари ўртасида катта ишончсизлик пайдо бўлди. Шуларни айтмоқчидим холос.

Марҳамат энди бориб Лоланинг иштони, Мунисанинг эри суннат бўлган-бўлмагани, Отажонов жинниликларини муҳокама қилсангиз бўлади)

Айтганча, Отажонов аввал президент бўлишни режалаган, жиддий мавзуларни муҳокама қилишга чорлаган бўлса, ҳозирги жинниликлари амалдаги ҳокимиятга фойда келтиряпти. Одамлар у билан овора. Тепадагиларнинг эса қулоғи тинч.

@Zafarello

Чет элга чиқсам кола, ўзимизда эса пепси ичаман доим. Бизда кокаколани таъми бошқача, шуни сезганмимизлар ҳеч? Эсимда, олдинги даврда колаларнинг умуман гази бўлмас эди, ширин чой ичгандек бўларди одам, ҳозиргисига газ қўшилган, лекин таъми қандайдир ғалати, бемазадек. Кола компанияси ўз стандартларига эътибор қаратмас эканми, хоҳлаган давлат уни ўз истакларидан келиб чиқиб ишлаб чиқараверарканми, қизиқ.

@freemanuz

Қозоғистондаги воқеанинг бизга ўхшаш томонлари ҳам бор. Масалан, чет элнинг нуфузли таълим даргоҳларида ўқиб келган киши автоматик тарзда аллақандай билимли, замонавий, иноватор бир одамга айланиб қолмаслигини исботлаяпти бу кейс. Одамнинг даражаси қаерда ўқигани, қайси давлатларда бўлгани билан эмас, шахсий ютуқлар ва билим салоҳияти билан ўлчанади.

Яъни, айтмоқчиманки, сунъий идрок мавзуси доирасида маънавиятнинг қанчалик муҳимлиги ҳақида гапирадиган ёки “кўп давлатларда бўлганман, Тошкент энг зўр шаҳар”, дея оғиз кўпиртириб гапирадиган ўзимизнинг эркатой амалдор(лар)нинг интеллектига кўп ҳам ишонавермаслик керак. Русларда ажойиб бир мақол бор: “Можно вывезти человека из деревни, а вот деревню из человека не вывести никогда”.

@freemanuz

Реал Мадрид фанатлари учун хушхабар)

@freemanuz

Ҳазилсиз айтадиган бўлсам, Хави Барсада сифатли иш олиб борди. Ёшлар билан яхши жамоа шакллантирди, молиявий инқирозларга қарамасдан ўтган йили Ла лигада чемпион бўлди, ЕЧЛда ҳам узоқ йиллардан сўнг илк марта чорак финалгача етиб борди. Умуман олганда, ўйин томондан ҳам катта ўсиш бор, менга каталонияликларнинг бугунги ўйин услуби ёқади.

Бугунги Барсанинг иккита камчилиги бор: таркибнинг мукаммалмаслиги ва Хавининг ҳаддан ташқари эҳтиросларга берилиши. Даврон Файзиев мана бу ерда яхши тушунтириб берган.

@freemanuz

1960 йил. Орол денгизи.

@freemanuz

​​Жуда қийин ўйин бўляпти. Саудия футболчилари биздан кучсизроқ эканлигини тушунган ҳолда асосий урғуни фол ишлатиш ва провокацияларга қаратмоқда. Ва қайсидир маънода бу антифутбол тактикаси самара беряпти ҳам — бизникилар ўзининг комбинацион футбол ўйинини йўлга қўя олмаяпти. Лекин бир мартагина ўхшаган ҳужумимиздан гол уриб кетдик. Катта ёрдам бериши керак бу гол иккинчи бўлимда. Энди рақиб ҳам футбол ўйнашга тушади, ҳақиқий футбол ўйинида эса табиийки биздан кучсизроқ улар, айнан мана шу жараёнда биз ўз устунлигимизни намойиш этиб ютиб чиқишимиз керак.

Ҳозирча 1-0. Норчаев зўр гол урди.

@freemanuz

2-0. Биз учун турнирдаги энг қийин ва энг принципиал рақибни енгдик. 2 йил аввалги финал ва 4 йил аввалги яримфинал учун қасос олдик. Чиройли ғалаба. Энди Индонезия билан Олимпиада йўлланмаси учун кураш олиб борамиз.

Ўйинда ғалаба қозона туриб ҳам қўшимча бўлимлар ўйнаб бўлишини шу ҳакам кўрсатди: биринчи бўлимга 10, иккинчисига нақ 16 дақиқа қўшиб берилди😐

@freemanuz

Шогирдим футбол канал очибди. Тўғри, футбол каналлар жуда кўп, лекин Азизбекнинг ''мемчи'' эканлигини эътиборга олсак, асло зерикмайсиз. Линк қолдираман.👇

https://t.me/chapanifutbol17

Гвардиолага Роберто Де Дзербидан мастер класс

@freemanuz

Любой бошқа лигада мана шундай натижани қайд этиб турган жамоа чемпионликни қўлга киритарди. Аммо Гвардиоласи бор АПЛда эмас.

@freemanuz

Темур Кападзе турнир давомида ҳар битта жамоага қарши таркиб ва алоҳида тактикалари мавжудлигини кўрсатиб келяпти. Умуман олганда, 23 ёшгача бўлган футболчилар орасида иккита тенг кучли таркиб йиғиш учун мураббийда ўта юқори потенциал бор бўлиши керак. Агар бу сафар ҳам Кападзенинг режаси иш берса, уни бемалол топ мураббий даражасига чиқарсак ҳам бўлаверади.

@freemanuz

Жасур Жалолиддиновни туширмаса бўлмайди-ёв. Ҳужумларимиздаги креативликни ошириб берарди. Бу жамоанинг деярли барча ҳужумлари айнан сардорнинг хатти-ҳаракатлари билан бошланарди. Бугун шу нарса етишмаяпти. Балки "Б" режаси сифатида уни олиб қўйгандир, ўша режани ишга тушириш вақти келди.

@freemanuz

Бир йилда деярли 1 млнга кўпайибмиз, шунча бола туғиляпти йил давомида. Ана шу туғилганлар ичидан келажакда битта кучли дарвозабон чиқиб қолса яхши бўларди, ҳозиргиларни бирортасидан умид йўқ шекл.

@freemanuz

Бу постни ёзиб турган вақтимда Ўзбекистон гол уриб кетти😁

@freemanuz

2-0. Индонезия бизга қарши курашавериб безиб кетди чоғи, охирида ғалабамизни тезлаштириб бериш учун ўзи ёрдам берворяпти)

Айтганимдек, Жалолиддинов ўйинни кучайтириб берди.

@freemanuz

Ғалаба қозондик. Олимпиадага чиқдик.

Қоил қолдирган томони, бутун турнир давомида футболчиларимиз ўйинга бўлган муносабати доим катта ёшдаги одамларникидек бўлди: рақибнинг провокациялари, агрессияси, қўполликларига қарамай ҳар сафар чиройли футбол ўйнашга ҳаракат қилишди, бошқа жиҳатларга умуман эътибор беришмади. Бу жамоада чемпионлик руҳи юзага келганини исботламоқда, Кападзе нафақат ажойиб тактик мураббий, балки яхши психолог ҳам эканини кўрсатиб берди. (Лекин битта камчиликни ҳам кўрсатиб ўтиш керак, негадир бугун иккинчи гол ва қизил карточкадан кейин жамоа ўйинни ташлаб қўйгандек таассурот уйғонди: кераксиз финтлар, тўп йўқотилиши, прессингларга киришмаслик... Футболчилар ҳар қандай вазиятда рақибга жиддий қарашлари керак)

Футболчиларнинг рақибдан яккакурашлардаги устунлиги ҳар бир ўйинда намоён бўлди ва шу сифат турнир давомидаги асосий қуролларимиздан бирига айланди. Бирорта гол ўтказиб юбормаганимизнинг асосий сабаби ҳам шунда бўлса керак. Ҳам комбинацион футбол кўрдик, ҳам жисмоний. Ажойиб. "Гол ўтказмасдан чемпион бўламиз", деганди жамоа сардори турнир бошида. Иш шунга қараб кетяпти.

Дарвоқе, шу ерда бошқа бир мавзуга эътибор қаратсак. Катанец сўнги вақтларда соғлиқ билан муаммолари сабаб футболдан бироз четланиб қолаётганини кўряпмиз, яқин келажакда мураббий айнан шу туфайли терма жамоадан кетишга қарор қилса ҳам ажабланмайман. Албатта, Катанец етук мураббий, унинг даврида ҳали бирон марта мағлуб бўлмаганмиз, лекин ҳар қандай одам учун соғлиқ биринчи ўринда эканини инобатга оладиган бўлсак, менимча, воқеаларнинг бундай ривожини эҳтимолдан холи деб бўлмайди. Муҳими, шундай бўладиган тақдирда, бизда унинг ўрнига муносиб номзод бор.

@freemanuz

2018 йилги видеодан парча. Лас Вегас — Қорақалпоғистон 1❤️

@freemanuz