Bahonalaringiz qancha koʻpaysa bilingki siz imkoniyatdan shuncha uzoqlashyapsiz.

Ba’zida ustaning uyi ham oʻzi ham ta’mirga muhtoj boʻlib qoladi.

Vaqt adolatli hakam. U siz bilan kim samimiy bo'lgani kim shunchaki oʻyin oʻynaganini albatta koʻrsatadi.

Omad sizga ba’zida kulib qaramasligi mumkin shuning uchun ba’zida uni qitiqlab yuborish kerak.

Hatto chumchuqlar fast foodlar ta’sirida semirib ketmoqda ekan.

Sogʻligʻingizga jiddiy e’tibor bering.

Sen o'z ishingni bilib qilsang, vazifangda sustlik ko'rsatmasang, senga butun olam qarshi bo'lganda ham bir mo'yingni xam qilolmas. Chunki haq hamisha g'olibdir, haqsizlik ersa mag'lub.

©Abdulla Qodiriy ("Mehrobdan chayon" kitobidan)

Yoshligida kitob bilan ajrashganlar butun umr aliment to'lashadi...

Vaqt o`tgan sari biz o`zimizni sarhisob qilishni kuchaytirishimiz kerak. Ayniqsa shunday ulug` oylarda.

Zarur deb oʻylaganingdan ham kam gapir

Biror joyga mos kelishing, sening u yerga tegishli ekanligingni anglatmaydi…

O‘z o‘rningda bo‘l! Shunda qadr topasan!

Boshida katta edi,
Ramazonda rejalar...
Namoz oʻqimoqchiydim, Uxlamasdan kechalar.

Hozir goʻyo katta ish,
Saharlikka turvolish.
Negadir sal mushkulroq,
Tahajjudga uyg'onish.

Bunday boʻlish menimcha, Taqvoning yoʻqligidan.
Qalbning qorayganligi,
Gunohning ko'pligidan.

Aniq topshiriq yoki koʻrsatmalar berilmagan nuqtadan bachkanalik boshlanadi.

Germaniya va Italiya shaharlarida har 10 metrda teatrlarni uchratasiz, bizda esa har 10 metrda …

Yaxshi bo'lish naqadar yomon...

▶️ УМУМТАЪЛИМ МАКТАБЛАРИ ЎЗ ВАЗИФАСИ ВА МАҚСАДИНИ УНУТДИМИ?

Кейинги 25-30 йил ичида, ижтимоий тармоқлардаги хамда газета, журнал ва телевидениядаги маълумотларни кузатиб бориб шунга амин бўлдимки, Умумтаълим мактаблари тизими, тамоман ўз фаолияти йўналишидан чиқиб, фақат рейтинбозлик учун қалбаки "шиширилган" хисоботлар бериш тизимига айланган "мактабларга" ўзариб бўлган!
Ижтимоий тармоқлар, фақат дарсдан ташқари, яъни ўқувчи билими ўсишига заррача наф бермайдиган, фойдасиз хўжакўрсин тадбирларга ва "лайк"ларга хамда ўқувчи келажакда фойдаланмайдиган "келажак соати" дарсларига тўлиб тошган!
▶️ Айниқса ҳар куни, кун ора турли хил "платформабозлик" авж олиб, ўқитувчиларга тинчлик қолмади, "100% ўқувчиларингни киргазишинг шарт"- дея юқоридан босимлар ўтказиши ортиқча!
Аксига олиб, платформалари чала тузилгани учун, қотиб-ишламай, барчани овораю сарсон қилмоқда!
▶️ Лекин ўқувчига География, Физика, Геометрия, Химия фанларидан савол берсангиз, турган гапки жавоб ололмайсиз!
Сабаби, мактаблар ўқитувчилари қалбаки тадбирлар ўтказишга, буни ортидан "устамалар" олишга қаттиқ бел боғлашган!
▶️ Аксарият холларда "мени ўқувчим инглиз тилидан, "Ielts-8" сертификатини олди"- деб мақтаниб чиққанларини кўриб қоламиз, лекин ўқувчи билан инглиз тилида сухбатлашсангиз, лом-мим дея олмайди?! Хўш бундай кўр-кўрона тайёр жавоблари бор тестларни, тўтиқушдек ёдлаб олган ўқувчи ёки ўқитувчидан нима фойда бор?
▶️ Буни устига хозирги даврга келиб барча фанлар бўйича ММТВ дан чаласавод ўқитувчилар томонидан тузилган, маъноси ва фойдаси жихатдан жудаям саёз бўлган, тайёр "брак" йиллик тақвим режалар берилиши ортидан, ўқитувчилар хам ўз устида ишлашни, ўз фанларига оид билимларини ошириш учун, кучли олимлар китобларидан маълумотлар қидиришни йиғиштириб қўйишган?!
▶️ Дарсликларга келадиган бўлсак, 2-синф дарсликларидан бошлаб, то 11-синф дарсликларигача оддийдан-мураккабликка ва кетма-кетлик тамойилларига амал қилинмаган, яъни мисоллар, масалалар, маълумотлар "боғдан-тоғдан" бўлиб кетган?!
▶️ Ишонмаганлар, фарзандлари 2-синфда ўқийдиган Ота-оналардан бир сўраб кўрингчи, боласи билан биргаликда уй вазифасини бажаришда, қандай қийналаётган эканлар?
▶️ Гапирсам гап жуда ҳам кўп, лекин гапнинг индаллосига ўтадиган бўлсам, мактаблар ўз номи билан Умумтаълим мактаби бўлиб, ўқувчи барча яъни 17-18 та фан бўйича, бошланғич билимга эга бўлишлари шарт!
▶️ 9-синфни битириш чоғида, ушбу фанлардан олган билимларни итеграллаштира олган холда, бирон касбни танлаши шарт!
▶️ Касб-хунарни танлаган ўқувчи, хунар-техника билим юртига кириши, ОТМ да ўқишни давом эттиришни истаган ўқувчи эса, ўша ўзи орзу қилган ОТМ бошидаги лицейга кириши лозим!
▶️ Эслатиб ўтаман, зинхор-баъзинхор касбга ўқитишни умумтаълим тизимига аралаштириб бўлмайди!
Бунга сабаб, Умумтаълим мактабларида бунга етарли дарс соатлари ҳам, ушбу сохадан дарс бера оладиган етук ўқитувчи ҳам, керакли жихоз-ускуналар ҳам йўқ!
Буни устига бошқа керакли фанларни қисқартиришга тўғри келади.
▶️ Шундоқ ҳам инглиз тили дарс соатларини кўпайтириш учун, Жисмоний тарбия фанлари дарсларидан бир соатдан қисқартирилиб, инглиз тили ва бошланғич синфлар информатикасига ажратиб берилди?!
▶️ Бу билан хорижий тил, ўқувчи соғлиғидан, жисмоний тайёргарлигидан устун қўйилди!
▶️ Мана хозирда ММТВ да 2026-2027-ўқув йилидан Бошлаб, 10-11-синфлардан жисмоний тарбия дардларини тўлиқ олиб ташлаб, ўрнига инглиз тилини кўпайтириш режаси тузилаётгани маълум бўлди?!
▶️ ММТВ да жисмоний тарбия фани бўйича тажрибали мутахассис йўқлигидан, жисмоний тарбия фани тўлиқ тугатилиш холатига келмоқда!

P/S: Мен, юқоридаги қисқартириб келтирилган маълумотларни ёзишдан мақсадим, кимнидир ёмонлаш учун эмас, балки келажак авлодни билимсиз бўлиб ўсаётганига юрагим ачигандандир!
Буни ўқиган, бармоқ билан санарли даражада қолган тажрибали ўқитувчилар ҳам, юқоридаги фикрларимга қўшиладилар деган умиддаман.
Ҳали саноқли бўлсада, тажрибали, билимли фан ўқитувчилари қолган.

Шулардан фойдаланиб, барча талабларга тўла жавоб бера оладиган, болаларимиз билимини оширишга хизмат қиладиган, чет элларга "осилмаган холда" Миллий Ўқув Дастурини тузиш вақти келмадими?!

Dushmaning xato qilayotgan mahalda unga halaqit qilma

📢 Тескари ҳақиқатлар

1. Қалбингда пулга муҳаббат пасайгани сари — пул сенга кўпроқ муҳаббат қўйишни бошлайди.

2. Илминг ошгани сари — оғриғинг ҳам каттариб боради.

3. Шариат қонун-қоидаларини ўрганганинг сари — ҳаётинг оғирлашмайди, аксинча, енгиллашиб бораверади.

4. Ўзингни камтар тутганинг сари — ҳайбатинг ошиб бораверади.

5. Аллоҳдан қўрққанинг сари — унга яқинлашиб кетаверасан.

6. Эҳсон қилганинг сари — пулинг кўпаяди.

7. Илмингни улашганинг сари — илминг ортади.

8. Ўз айбларингни тан олганинг сари — ўзингга бўлган ишонч ортиб бораверади.

9. Жангга тайёрланганинг сари — тинч яшашни бошлайсан.

10. Ўзингда иҳлосни кўрганинг сари — мунофиқлашасан.

11. Одамларга ёқмоқчи бўлганинг сари — улар олдида ҳайбатинг тушади.

12. «Йўқ» дейишни кўпайтирганинг сари — сенга таклифлар ортади.

13. Осон ҳаёт истаганинг сари — қийинчиликка тушасан.

Сен қандай тескари ҳақиқатларни биласан? Ёзиб қолдир, менга фикринг жуда қизиқ!

©Ustoz_kundaligi

Senga zarar bergan odamni oqlay boshlasang, bilgin sen o'zingni unutayapsan.

Imom Gʻazzoliy.

“Inson faqat yuragi bilan to‘g‘ri ko‘ra oladi. Eng muhim narsalar ko‘zga ko‘rinmaydi.”
— Antuan de Sent-Ekzyuperi, Kichkina shahzoda