تطبيق Arabic lingo 👧🏻👦🏻
iOS: chl.li/gtXNR ⁩
‏تطبيق مجاني ناطق لتدريب الطفل على الهجاء والإملاء ، الطفل يستطيع أن يكتب الكلمات المسموعة بحركات أو بدون حركات ، تعزيز الطفل على كل محاولة ناجحة 👏🏻

البارحة كنت اقوم بدراسة حالة .. و مع الأم اكيد نسقسيها بش نعمر المعلومات الأولية ✅

كي وصلنا لحالة ولادتها السابقة للطفل، لقيتها ناسية تقريبًا بعض التفاصيل اذ لم نَقُل جُلّها و هذا امر سلبي لك و لطفلك

يجب على الام تذكر تفاصيل الولادة و قبل الولادة ( حتى الإرهاق الشديد التي كانت تعاني منه في مرحلة الولادة )
إذ تُقسّم نسييًا شدة التفاصيل ( شديد ، متوسط ، ضعيف)
كما أنها تركز إذا تعرضت للغضب في فترة الحمل المشاكل المضايقات العقاقير
و تركز على تفاصيل الحمل ( إذا كانت الولادة عسيرة ، إذا تم استخدام الملقط ، إذا نقص الأكسجين …الخ )

لأنه لا قدّر الله و الطفل مستقبلاً تعرض لإضطراب معين او مشكل معين يقدر المختص بعمر الاستمارة و يفهم الاسباب الأولية ، لأنه الطفل مرتبط ارتباطًا وثيقًا بأمه اي اضطراب او مشكل ظهر له تعود إلى فترة الحمل و الولادة ثم نبدأ بالتقدم في المرحلة ، لنعرف منذ بدأ السبب 🌷

لا تعتقدوا و تجزموا ان تربيتكم الآن للأطفال يوافق عليها ابناءكم (كُلها) بعد سنوات طويلة
مهما اعتقدتي انك وصلتي للقمة بتعلم جميع طرق التربوية الناجحة إلا أنه سيأتي تعارض في المستقبل و هذا عادي لأن زماننا غير زمانهم ✅

في مجتمعنا تنعدم تقريبًا "ثقافة تنمية المواهب للأطفال " لماذا في رأيكم ؟ 🤔

متى ابدأ في توعية ابني حول موضوع التحرش ؟ 🤔..:

١- في العام الاول : نقولولو عيب يشوفك في كل مرة تبدليلو و كوني حريصة انه كي تبدليلو مايكون قدامكم حتى واحد

٢ - من ثلاث سنوات إلى خمس : يكون الطفل تعلم جيدًا انه عيب يشوفوه مايحبش اصلاً يبانو مناطقه مهما تعددت الظروف

٣ - عند وصوله للسنة الاولى او الروضة : يعني يخرج عن نظرك و يبعد عليك في فترة الدراسة ، تبداي توّعيه انه هناك اشخاص ممكن رايحين يحاولوا يشدّوه " امي حبيبي كاين ناس ممكن يحاوالو يشدوك هنا و هنا و هنا و هذا الشئ خطأ و ماتسكتش عليه و ارواحي قولي ولا قول للأستاذة إذا كنت المدرسة يك ؟"

- اكيد مع تعليمهم الاماكن المحظورة عن طريق قصص او مقاطع صغيرة ✅

لا يغرّك طفلك :
إذا يضرب الأطفال الآخرين فهو ليس قيادي

- لتصحيح المفاهيم الخاطئة ✅

صفات المربي القدوة :

‏صادق في أقواله وأفعاله
‏صادق فيما يريد
‏أمين و ملهم ومحفز
‏يجد لكل مشكلة حل
‏محاور جيد ومتفهم
‏يركز على الإيجابيات

صعوبات الرياضيات عمبالكم غير لي مايعرفش يحسب ؟ 🤔:


بل كاين بزاف انواع ارواحو نشوفو شوية منهم : ⬇️⬇️⬇️

١- لي يلقى صعوبة في الاحتفاظ بالنتائج العمليات الحسابية مثلاً :
6+7=16 / 2•5= 10 | 63\7=9
هو مام يحفظ جدول الضرب ولا العملية الحسابية بصح نهار تسقسيه مايعرفش النتيجة ..
لواش يلجأ ؟
يلجأ انه يحسب بصباعتيه ولا يدير دوائر ولا خشبيات ( حسب الموقف) بش يلقى النتيجة

٢- كاين صعوبات اكتساب المهارات الحسابية البسيطة هادو رايحين يلقاو صعوبة في مواجهة العمليات رغم انه يفهمو هاديك المسألة مثلاً:
مدينالو مسألة يعرف وش يدير فيها بصح كي يروح يطبقو يغلط في نتائج بشكل متكرر

٣- كاين لي عندو صعوبة في مفهوم الأعداد هذا مايعرفش بعد بشكل متسلسل مثلا:
مايعرفش بلي ١ يجي موراه ٢ امبعد ٣ امبعد ٤

٤- صعوبات العد هذا في الاصل يتعلم الطفل العد في مرحلة ما قبل المدرسة مثلاً : يحسب الخشيبات مرة وحدة لكل خشيبة، و يعرف ان الخشبية الأخيرة هي عدد جميع الخشيبات لي حسبهم و انه كي نحسبو ماشي شرط الترتيب
لكن لي عندهم هاد الصعوبة مايعرفوش هاد المفاهيم للأسف

٥- كاين لي عندهم ضعف لغوي كي تشرحلو خطوات المسألة ولا عملية حسابية مايفهمكش لغويًا مايعرفش لغة الرياضيات اصلاً ( ميعرفش وش هي الزائد و الناقص و لا رتب تصاعديًا او تنازليًا ..الخ )
مثلا تمدلو عملية حسابية فيها الزائد و الناقص و تقولو اولاً لازم نحسبو المجموع امبعد نقصو من المجموع عدد فُلاني ، هو مايفهمكش اصلاً وش راك تهدر.

في منشور آخر نكمل الباقي بإذن الله ❤️