قُتِلَ خلال اختطافه بعد خروجه من المطار بغية سرقته أثناء نقله مبلغ مالي كبير!!
.
.
صــــدر عـــــن المـــــديريـة العـامــــة لقــــــوى الأمــــن الداخـلي ــــــ شعبـــــة العلاقــــــات العامـــــــــــــة البـــــلاغ التــــالـي:



فجر تاريخ ١٢-٧-٢٠٢١، وأثناء انتقال المواطن (ع. ص. من مواليد عام ١٩٦٥) من مطار رفيق الحريري الدولي الى الطيّونة برفقة أحد موظفي شركة "سيلفر وينكس" وهو ينقل حقيبة بداخلها مبلغ يقدر بحوالى /٤٠٠/ ألف دولار إلى مكتب الشركة، أقدم مجهولون بحوزتهم أسلحة حربية على خطفهما وتكبيلهما واقتيادهما الى محلة الشويفات، حيث عملوا على ضربهما وسلب (ع. ص.) حقيبة المال، وتركه في المحلّة جثة هامدة، ولاذوا بالفرار الى جهةٍ مجهولة.

بنتيجة كشف الطبيب الشرعي، تبين أن المجني عليه أصيب بأزمة قلبية حادة إثر تعرضه لحالة خوف شديد من جرّاء عملية الاختطاف، ما أدّى الى وفاته على الفور.



بناءً عليه، أعطيت الاوامر وباشرت القطعات المختصّة في شعبة المعلومات في قوى الأمن الدّاخلي إجراءاتها لكشف جميع المتورطين في العملية، ونتيجة الجهود الحثيثة والاستقصاءات والتحريّات المكثّفة، توصلت الشّعبة الى إماطة اللثام عن هوياتهم، وهم:



- س. م. (مواليد عام ١٩٨٧، لبنانية) وهي الرأس المدبر، وشقيقة زوجة الضحية.



- م. ن. (مواليد عام ١٩٧١، لبناني)

- ب. ت. (مواليد عام ٢٠٠٠، سوري)



- ه. ح. (مواليد عام ١٩٩٨، لبنانية)



- ب. ع. (مواليد عام ١٩٧٣، لبناني)



- ح. ع. (مواليد عام ١٩٨٠، لبناني)



- ق. ج. (مواليد عام ١٩٨٩، سوري)



ثلاثة منهم، وهم: (ب. ع.)، (ح. ع.) و(ق. ج.) من أصحاب السوابق بجرائم سلب وسرقة

بتواريخ ١٥، ١٦و١٧-٧-٢٠٢١، وبعد عمليات رصد ومراقبة دقيقة، تمكنت قوة خاصة تابعة للشّعبة من تنفيذ مداهمات وكمائن في مناطق صور، بعبدا والضاحية، نتج عنها توقيف جميع المتورطين، وضبط /٤/ سيارات نوع "مرسيدس"، "انفينيتي"، "بي ام X5" و"رابيد".



بتفتيش الموقوفين، السيارات ومنازلهم، تم ضبط ما يلي: /٣/ مسدسات حربية مع ذخيرتها وسكين، كمية من: حشيشة الكيف، السالفيا، حبوب مخدّرة "(كبتاغون" و"الفراولة")، /٣/ علب بلاستيكية تحتوي مادة الكوكايين، مبلغ مالي وقدره /٢٢،٢٢٥/ $، و /١٨،٨٤٩،٠٠٠/ ليرة لبنانية، /١٢/ هاتف خليوي، إضافةً الى بعض المجوهرات.

المصدر : الأمن العام اللبناني

( يا أخي لاتنشر أخبار مو حلوة !!)

- بتجينا بعض المعاتبات واللوم أنو مافي داعي ننشر أخبار بتخوف المسافرين !!

- ببساطة صفحتنا مو لنشر أخبار ترفع المعنويات أو تخوف المسافر أو حتى تدخله بمتاهات التوتر والقلق

- نحنا مطلوب مننا نقل الصورة كماهي سواء كانت بالأبيض والأسود أو بالألوان لحتى يكون الجميع بصورة الوضع الحقيقي

- أنت سيدي المحترم على طريق سفر لازم يكون عندك إطلاع كامل عن طبيعة الطريق

- كمان الوضع نفسه ينطبق على السيدات المسافرات لازم يكون عندها فكرة ايمت تحجز صباحا ولامساء ولا بأي يوم

- بيتصل فيك واحد مقيم برا بيخبرك أنو بده يبعت مرته وأولاده وخايف عليهم وبنفس الوقت بتتصل أم بدها تبعت بنتها على سفر هدول بيضلوا عايشين على أعصابهم من لحظة إقلاع الطائرة حتى اللحظة يلي بيوصلوا فيها لباب البيت بالشام نحنا مافينا نجمل صورة الوضع قدام هدول الناس وطبعاً الأمان بالله دائماً ونحنا بنكتب منشان كمان يزيد الحذر والوعي والإنتباه

- يعني موضروري المدام أو السيدة تنزل على على آخر طرز لابسة تياب فخمة ومبالغة بارتداء الاكسسوارات والماكياج .... الخ

- عفواً وعذراً بعرف أنو هي أمور شخصية مابيحقلنا نتدخل فيها بس نصيحة لوجه الله حتى لو كنت جايبة معك ماركات باريس كلها خلي هندامك بسيط ومتواضع جدا بحيث مايلفت نظر أثناء سفرك وتنقلك بين المطارات لأنه ببساطة بكل مطارات العالم في حرامية ولصوص محترفين بتدور على المظهر والشكل

- كمان ياصبية انت يلي مسافرة لأول مرة موضروري إذا شفتي ختيارة على العكازة بالمطار وطلبت منك تحملي عنها الشنتة مباشرةً طيبة قلبك تسبقك وتحمليها لأنه انت مابتعرفي شوفي بقلب هل الشنتة يمكن يكون فيها أشياء مخالفة للقانون وهل الختيارة شعرت على حالها أنو مراقبة وحبت تتخلص منها !!!

- كمان الحكي للشباب مافي داعي التشخيص بأفخم موبايل ويكون باكيت الدخان من أفخم الماركات والنظارات الشمسية شغل ارفع شوفك دير بالك تحديداً على شنتاية الباسبور والمصاري يلي رابطها على خصرك بتجي صبية بتعملل حالها تفركشت قدامك وبلمح البصر بتلاقي موبايلك انسحب وطار شقى العمر يلي بالحقيبة الشخصية بعد عن الازدحام ولاتتعاطى مع حدا لو اجت وحدة وطلبت منك خدمة لتساعدها خود حذرك وانتبه

( بعتذر على الإطالة وبرجع بكرر مو القصد من الكلام هو التدخل بالأمور الشخصية نحنا بنعرف وين حدودنا تماماً ولكن نحنا استعرضنا شريحة من كتر القصص والحالات يلي مرقت علينا وخاصة ضمن المطارات موجود عصابات نشل وسرقة بطرق احترافية )

( عاااجل )

قطع طريق ⁧ ضهر البيدر ⁩ بالاتجاهين بسبب تعطل شاحنة بعد حاجز قوى الامن الداخلي وتتم المعالجة وتنظيم السير من قبل القطعة المعنية
يطلب من السائقين سلوك طريق ترشيش باتجاه بيروت او البقاع

حالة الطرق العامة من دمشق إلى بيروت :

- عودة فتح طريق ضهر البيدر بعد إغلاقه لمدة ٣ ساعات بسبب تعطل شاحنة على المسلك

- اضطر جميع السيارات المتوجهة إلى مطار بيروت والعاصمة بيروت التوجه عبر طريق ترشيش كحل بديل أثناء فترة انقطاع طريق ضهر البيدر

- طريق مطار بيروت سالك بشكل طبيعي ولاصحة لجميع الأخبار المتداولة عن تعرضه للإغلاق من قبل المحتجين

- ازدحام شديد يشهده شارع الحمرا والطرق المحيطة بالجامعة الأميركية

- مطار بيروت يعمل بشكل طبيعي واعتيادي واليوم تحول الضغط عكسي وبدأ على الرحلات المغادرة بدلاً من القادمة ( العالم راجعة على أعمالها بعد نهاية إجازة العيد )

خدمة ترحال 00963999213539

خدمة الزبائن 00963113453358

حسب تجربتك كمسافر أفضل طاقم ضيافة على مستوى التعامل مع المسافر أي شركة طيران برأيك؟!

( إيمت رح ترجع تفتح الحدود متل أول ؟!)

- هاد السؤال يومياً بنستقبله بعشرات الاتصالات

- بشكل عام حالياً موضوع عودة فتح الحدود على مايبدوا مطول نتيجة عدم وجود حالة الاستقرار بالمؤسسات اللبنانية

- بعدين على شو الواحد بده يطلع على لبنان حتى لو فتحت الحدود ؟!

- بيروت كلها مافيها حبة دواء بصيدلياتها ولا مازوت فيها ولا بنزين ولاحتى غاز !!

- الوقود بمولدات المشافي قرب يخلص والظروف الصحية جداً متردية

- حتى المصارف والبنوك مفلسة مامعها رصيد تعطي المودعين أموالها !

- اليوم أحد الأوتيلات بالروشة قام بإلغاء حجوزات النزلاء عنده وطلب منهم البحث عن أوتيلات بديلة بسبب نفاذ المازوت من مولدات التوليد الخاصة فيه !

- يعني. باختصار الظروف الخدمية والمعيشية ضمن لبنان أصبحت شبه معدومة والأسواق التجارية عم تصفر صفير !!

- اللبنانيين ذات أنفسهم صاروا عم يوصوا على أدوية وأغراض من الشام بسبب عدم توفرها في لبنان متل أدوية الضغط والسكري والاكسسوارات الطبية !!

- لذلك يلي ناطر لتفتح الحدود على منتظر ياحبيبي أو بالأحرى لوين بدك تسافر ؟!!