✳️ تقسيمات الطب الحديث

🍀 تنقسم السنه إلي ترمين ( ترم اول و ترم ثاني )

كل ترم يقسم الي اجزاء يطلق عليها اسم مديول module

🌸 المديول : هو جزء من المنهج يتم شرحه خلال فتره زمنيه معينه 🌸

- تقدر الفترة الزمنيه المعينه بالاسبوع
( يعني ٥ اسابيع - ٦ اسابيع - اسبوعين ..الخ ) و يتم تقدير هذه المدة حسب الكلية بتاعتك

🌿 اذا أردت أن تتكلم عن المديول ستتكلم باسبوع و الساعة المعتمدة
( حيث أن الساعة المعتمدة تقدر ب 25 درجه ) و تقريبا يكون الساعة المعتمدة تساوي الاسبوع

يعني مديول عدد ساعاته المعتمدة ٢ و يتم شرحه خلال اسبوعين
استفدت أنه عليه ٥٠ درجه و بعد اسبوعين هيخلص المديول

مديول عدد ساعاته المعتمدة ٥ ساعات و يتم شرحه خلال ٥ اسابيع
المستفاد : أنه عليه 5*25=125درجة
و بعد الخمس اسابيع هيخلص

💢 يقسم درجات المديول الي
* امتحان بعد ما يخلص المديول يطلق عليه اند مديول end module عليه نسبة 20% من درجات المديول
*امتحان عملي و يكون عليه 30% من درجات المديول
* امتحان في اخر الترم و يسمي اند سيمستر end semester و يكون عليه 40% من درجات المديول
* 10% من درجات المديول نشاط
🥰🥰🥰🥰🥰🥰🥰🥰🥰🥰🥰

الأوراق المطلوبة للتقديم للكليات :-

‌1️⃣⁩ صورة بطاقة الترشيح .

‌2️⃣⁩ أصل شهادة الثانوية العامة + صورة منها .

‌3️⃣⁩ أصل شهادة الميلاد + صورة منها .

‌4️⃣⁩ صورة البطاقة الشخصية .
‌
‌5️⃣⁩ عدد ٦ صور حديثة مقاس ٤ × ٦ .

‌6️⃣⁩ استمارة ٢ جند [ للذكور فقط ] .

‌7️⃣⁩ المصاريف [ تختلف من فرقه للتانية ]


‌♦️⁩نصائح هامة أثناء التقديم للجامعة

‌1️⃣⁩ صور بطاقة الترشيح بعد ما تطبعها حوالي ٥ صور ، لأنك هتدخل بيها من بوابة الجامعة وهتبقي ضمن ورق التقديم وهتحتاجها .

‌2️⃣⁩ الصور مينفعش تبقي غير مقاس ٤ × ٦ لو روحت بصور صغيرة هترجع بيها ومش هياخدوا ورقك .

‌3️⃣⁩ استمارة ٢ جند و ٦ جند بتيجي من منطقة التجنيد اللي انت تابع ليها ، وبعض المدن والمراكز بتجيبها من مديرية الأمن ، أفضل حاجة تسأل واحد من بلدك أكبر منك وكان في ثانوية وقوله كنت جايبها منين .

‌4️⃣⁩ بعض الكليات بتطلب دوسيه بلاستيك مع ورق التقديم ، عشان تحط في ورقك .

‌5️⃣⁩شهادة الميلاد لو عندك واحدة
قديمة ،‌⁩👏 اتأكد إن فيها رقم ثلاثي تحت كده ، لو مش فيها ، استخرج واحدة تانية غيرها جديدة وهيكون فيها الرقم الثلاثي ده .


‌6️⃣⁩ لما تروح تجيب استمارة ٢ جند واستمارة ٦ جند ، هتجيبها بالبطاقة فقط ، وممكن حد يجبهالك عادي .

‌7️⃣⁩ صور البطاقة الشخصية مهمة في بعض الكليات فالكل يعملها احتياطي

ودا الأكل

قلت اوريكم النظام عندنا في دمياط في المدينه الجامعيه 😍😍
وكل ده ب ٣٠٠ جنيه في الشهر اكل وشرب وسكن 😂🤩💪

نصيحة أول شهر في كلية الطب 💥💥💥

بص يا دكتره
أنا عارف إنك لسه طالع من ٣ ث طازة
و كنت من أوائل الفصل و أوائل المحافظات و الاول على السبع قارات 😂😂

بس عاوز اقولك نصيحة مهمه معظم الناس بتغلط فيها اول شهر و تضيع نفسها بنفسها

الكلية ال انت داخلها كلها انجليزي و أنا عارف إنك بتكره الانجليزي بس كونك انك تحاول تترجم اكبر قدر ممكن دا الحل الافضل
يعني اطلع من اول شهر كل يوم ب ١٠٠ كلمة جديدة
بص هو الموضوع مش صعب
بس كونك انك تمل هو دا الاصعب
متحاولش تصعبها على نفسك و تقول أنا فشلت
لا عادي هتبص هتلاقي نفسك مش فاهم حاجه و قاعد كدا بتبص للدكتور و تلاقي ناس بتجاوب و انت مش فاهم حاجه
الناس ال بتجاوب دي كانت مذاكرة الكلام دا أو واخده عنها خلفية فالمفروض انت متزعلش و متقولش أنا مقصر بالعكس خليه دافع انك تذاكر اكتر

بص لنفسك لما كنت بتذاكر في ٣ ث هتلاقي مذكرتك كانت حوالى ١٠ ساعات في اليوم
أنا مش عاوزك تقل عن ال ٦ ساعات مذاكرة بص اقعد مع الكتاب و ونس الكتاب و اشرب نسكافية معاه و كوباية شاي و الدنيا زي الفل
أما متحاولش ترمي الكتاب و تقول فكك من ال يشكك

الحاجه التانية انت كنت مجتهد في الثانوية و كنت معروف و الاستاذة بيذكروا فيك ٢٤ ساعة
متحاولش من اول شهر تبين نفسك و انك دحيح و كنت عميد الطب السابق و واخد الدكتوراة
لا عادي اقعد طالب عادي في المدرج و اسمع و لو عندك معلومة اتقل على الرز يستوي عشان متخدش عين تجيب اجلك 😂😂🌚❤️

السلام عليكم ورحمة الله وبركاته❤️


ازيكم يا دكاترة👩🏻‍⚕️👨🏻‍⚕️… واسمحوا لي أقول لكم يا "دكاترة" وآخذكم وندخل سوا كلية طب دِمياط.👩🏻‍🦯🧑🏻‍🦯

📌النهاردة جايين نعطي لكم نظرة عامة عن كلية الطب في دِمياط بس من قريب أوي أوي.👀

••أهم حاجة لازم تعرفوها إن أنتم استثناء جدًا عن الباقي🌚، تدرون ليش؟!😂 علشان دي الكلية الأزهرية العلمية الوحيدة في دِمياط.🧚🏻‍♀️

••طيب هي الكلية عامله ازاي من جوا بقى؟!👀

بُصي يا ست الضاكتورة ويا عم الضاكتور -أيوا خلاص اتعودوا بقى على ضاكتورة وضاكتور علشان هتسمعوها كثير👥🌝-، الكلية فيها ٤ مباني 🕵🏻:
المبنى الأول: مبنى الإدارة.
ودا فيه كل حاجة خاصة بالشئون وخزينة الكلية ومكان دفع المصاريف ومكتب العميد والوكيل والجودة وكل دا🏃‍♀️، حاجة صغنونة بس كمان وهي إن الشئون اللي في المبنى دا بتاعة البنين بس🥲-تفرقة عنصرية🥲-، طيب فين بقى شئون البنات🧚🏻‍♀️؟! دي بقى موجودة في المبنى الثاني.🤌🏻

المبنى الثاني: مبنى المعامل.
دا بقى فيه شئون البنات🧚🏻‍♀️، وكمان فيه الأماكن اللي بنأخذ فيها السكاشن ( اللي هي العملي🔬🌡 )، وكمان فيه مكتبة الكلية📚، وفيه كمان skill lab ( اللي بنتعلم فيه مهارات على مدار السنين⚗️)، وبرضو فيه المكاتب الخاصة بكل قسم📓، والمشرحاااااااااه⚔️، أيوا بقى ما أنت بقيت ضاكتور قد الضونياااااا🤌🏻😂، طيب والمدرج اللي هنتصور فيه فين بقى؟!🧐دي بقى وظيفة المبنى الثالث👇🏻

المبنى الثالث: مبنى المدرجات.
بنأخذ المحاضرات في المبنى دا🎤وكمان فيه بيتعمل مؤتمرات وتكريمات خاصة بالكلية🏆، وكمان فيه متحف الأناتومي🫀🫁🧠 وبيكون فيه jars (برطمانات) فيها قطع من جثث بقى علشان تدرين والبنات👩🏻‍⚕️👨🏻‍⚕️، يعني إيه؟!🧐


المبنى الرابع والأخير: المسجد.♥️
ومتوفر فيه مكانين منفصلين للبنين والبنات.♥️

••فيه كمان مكتبة في الكلية قصاد مبنى المدرجات📚🌝، طيب دي تختلف إيه عن مكتبة الكلية اللي موجودة في مبنى المعامل؟!🧐
دي المكتبة اللي بيتباع فيها الكتب سواء كتب الأقسام أو كتب خارجية أو مراجع أو تصوير ورق أو مذكرات لدكاترة سواء من دِمياط أو أي كلية ثانية.🤺
طيب إيه وظيفة المكتبة اللي في مبنى المعامل؟!🥲
دي مكتبة للقراءة العامة، فيها كتب كثيرة ومصادر للقراءة في المجال الطبي لوحابب تقرأ عادي وكمان مكان للمذاكرة📚، ولأن كليتنا محافظة فالمكتبة دي مقفولة في معظم الأحيان.🙂

وبكدا أكون قلت لكم كل حاجة داخل كلية طب دِمياط من حيث المباني.🤺🕵🏻

••فيه حاجة كمان نسيتها😂🤌🏻، فيه ملعب في الكلية علشان تبقوا تلعبوا فيه لو لقيتوا وقت إن شاء الله🏃‍♀️، ومتاح للبنين والبنات لا تقلقوا.🧚🏻‍♀️😂

بس كدا.😇

لو فيه أي استفسار أو سؤال عن أي حاجة اكتبوا في التعليقات وهنجاوبكم إن شاء الله.❤️

"أكثروا من الصلاة على النبيّ محمّد صلّ الله عليه وسلّم واستغفروا وحوقلوا".🤎🌻
ومع العلم دي الكليه القديمة مش الجديده الجديده متحف فني بجد وصورتها هيا صوره القناه 🫣🤩
ويا ألف مرحبًا بكم في صرح طب دِمياط العظيم، هنيئًا لكم جميعًا وبالتوفيق.🎓🥼

🌸بالنسبة لاسئلة امتحانات كلية الطب🤩🔥

هنتكلم في نقطتين

✳️*اولا اايه نوع الاسئلة*

انت بتمتحن غالبا على كل مديول مرتين
مرة في اخر المديول ومرة تانية في اخر الترم
الامتحان الاول بيكون اسمه end module exam بيكون كل شهر يعني نهاية المديول
الامتحان التاني بيكون اسمه final exam يعني نهاية الترم
كل واحد ليه نوع من الاسئلة
🍀ال end بيكون اسئلة Mcqs -multiple choice questions - او اسئلة اختياري بنسبة ١٠٠٪ او تكون صح وغلط وده مش كتير اوي.
ده حسب اللائحة لكن في بعض الحالات النادرة جدا


🍀تاني نوع هو ال final
وده بيكون 10 في الميه اختياري و 90 في الميه مقالي
طب تشمل ايه ؟
تشمل وصل واكمل و عرف وعدد وفسر واكتب نبذة مختصرة عن
دي الاسئلة الاساسية بس ممكن دكتور يبتكر ويحط نوع جديد من الاسئلة.
وده بقى هو اللي بيحتاج منك حفظ وتسميع

✳️

ثانيا هل الاسئلة صعبة ولا سهلة*
الموضوع معتمد على الكلية والقسم
ضضانت اول مهتدخل هتعرف انهو قسم بيجيب اسئلة صعبة وانهو بيسهل مثلا هيقولولك الاناتومي صعب فتذاكره حلو وتخلي بالك وهكذا
بس عموما هديلك نسب توضحلك الدنيا وتطمنك برده
هتلاقي في اسئلة بتذاكرها بيجي منها بالنص من ٣٠-٦٠ ٪
ثاني جزء هيكون جزء مباشر جدا ويتحل علطول وده بيكمل النسبه لحد ٨٠- ٩٠ ٪
هيفضل معاك ١٠ بالمية او اقل دول هم اللي بيكونو فيهم شغل شوي
والصعوبة اللي فيهم هو انك قرأت تفاصيل الموضوع ولا عديتها مش اكتر
يعني احيانا هتلاقي حجات تحسها مش مهمة فبتعديها فممكن يجي منها
لكن اضمنلك لو انت ذاكرت المنهج كله ومسبتش حاجة هتلاقي الامتحان كله سهل وتجيب ٩٥ و ٩٦ كمان باذن الله
وعليكم وعلى مذكره الامتياز سواء نظري او عملي او مراجعه نهائيه حاجه محترمه جدا
شبه كتاب المعاصر والمرشد وكده 😍💪
فلا تقلق ابدا
لو انت بتذاكر اول باول اقل تقدير هتجيبه جيد جدا او امتياز كمان
فتوكل على الله ♥️♥️♥️

بسم الله الرحمن الرحيم 🚨
✅ لو أنت طالب او طالبه جبتي 610 او اكثر فانتم ان شاء الله في طب دمياط  الجديده فالرساله دي ضروري تتقرأ بعناية

🔴احنا بفضل الله hero of medicine   ودي السنه التالته لينا على التوالي بفضل الله في الشرح والتعليم الطبي

✅

  ليه اتابع القناة معاكم

⁉️

🟢هتخليك داخل الكلية من غير ما تتوه التوهه بتاعت فرق اللغة
🔴ومن غير ماتتوه التوهة بتاعت بندرس ايه في الكلية ✅وبندرس من انهي مصادر✅ والي بندرسه بندرسه بانهي نظام جديد ولا قديم ✅ وهنسكن فين فيه مدينة جامعيه ولا مفيش مدينة والسكن الخارجي اجيبه منين وازاي ✅

✅وهنقدم لكم كورس مصطلحات طبية - 
مجاني بالكامل Medical Terminology

🟢تعريف ب أول موديول في الكلية: Normal Human Body
وشرح تمهيدي له لحين بداية الدراسه⚡️

📌متابعة ونصائح دورية على مدار السنة
كل اللي يهمك ويخلي رحلتك أسهل هنكون جنبك فيه

🟢وإن شاء الله مكملين معاكم في شرح كل الموديولات لحد ما توصلي لهدفك وتحققي الامتياز بإذن الله 🥇🏆

🚨  هعملك ريكورد ضروري تسمعه كويس
🚨  وهيكون فيه رسالة مثبتة مدعمة بلينكات كل الكلام الي أنا قولته دا 
📣  و مش هسيبك تدخل الكلية إلا وانت مجهز نفسك💯✅

⚠️ مش عليك إلا انك تثبت القناة عندك في أول التليجرام وتتابع أول بأول وتحول لينك القناة لزمايلك إلي اترشحوا القاهرة بحيث زي مكنتو متفوقين سوا في ثانوي تكون متفوق معاك في الكلية

❌اوعي تبخل على زميلك وشيري القناة ليه عشان يستفيد زيك
✔️والدال على الخير كفاعله
https://t.me/firstyear27

الغربه

السؤال الي دايما شاغل بال كل الناس وخصوصاً البنات 😂
دلوقتي الغربه ؟😓
واني بعيد عن اهلي ؟
وازاي هتعود عليها وعلى بعد اهلي عني ؟


"ها هي الحرية التي كنت تنتظرها منذ زمن بعيد تطل عليك الآن، لقد حان الوقت لتقول وداعًا لوالديك وإخوتك، ثمانيةَ عشر عامًا من حياتك قضيتها وأنت تستعد لهذه اللحظات، إنها لحظات مهمة ستنطلق فيها نحو ما يمكن تسميته بـ أروع سنوات حياتك، إنها حياة جديدة مليئة بمشاعر مختلطة من الشعور بالحماس والإثارة إلى الشعور بالارتباك والتشوش، وحتى تحقق النجاح من هذه المرحلة يجب أن تبدأ أولًا في ترتيب أمورك"

من أهم العوامل اللي بيبقي ليها تأثير على نفسيتك والتغلب علي الكليه وصعوباتها هي الغربة والبعد عن الأهل والصحاب، الغربه دي واحدة من العوامل اللي بتقوي شخصيتك جدًا، هتتعود مع الأيام والسنين وهتبقي بطل لوحدك 💜 وبعد ما هتبقي مش مستحمل يوم في دمياط، هتطبق بالشهر، هتنمي شخصيتك وتفتح عقلك وتبني شخصية راجل بمعني صح.

- طب أعمل ايه علشان أستفاد منها؟
= بص ي صحبي أول حاجة لازم تستعين بالله كده، أنت هناك وحدك، هتقابل ناس كتير، هتمر بمواقف غريبة لم تتخيلها، هتبقى في دوامة وخاصةً في البداية، فلازم تستحضر السند الأقوى لك في كل حين، أيمنا ذهب ومهما حدث، إنها العلاقة الأهم، علاقتك مع الله عز وجلّ، العلاقة دي اللي هتبث فيك روح الهمة والطموح، هتمدك بالصبر والقوة مهما حدث، هتحفظك من الانحراف والانجراف نحو مصير مجهول، افتكر دايمًا: "لو خُيّرت بين الله وما سواه، عليك أن تختار الله ورضاه ومرضاته ولن تندم أبدًا"، ارجع لربك دايمًا قبل كل خطوة.💜

- اي كمان؟
= حدد هدفك، اسأل نفسك دايمًا: أنا جاي هنا ليه؟ حط هدفك وحلمك قدام عينك، أنت مش جاي علشان تلعب وتتفسح وتخربها، انت جاي تتعلم وتذاكر وتبني نفسك، مش جاي تعيش حياتك في الفاضي، مش معنى كلامي إنك ماتخرجش وتتفسح وتفرّح نفسك، بس قصدي خروجة واحدة آخر الأسبوع كفاية، اعمل توازن.

طب السؤال الي دايما كله بيفكر فيه أنا اخد معايا اي ؟

=خد ثقه اهلك
اي والله أهلك محملينك مسؤولية وأمانة وثقة عظيمة ي صحبي، أوعك في يوم تفكر تخون الأمانة، ماتفكرش إنك كنت في سجن وخلاص الباب اتفتح وكل حاجة بقت براحتك، بالعكس انت بقيت مسؤول عن نفسك أكتر، حافظ على تربيتك وأصلك وماتضيعش تعب أهلك معاك من طفولتك لمجرد أنهم مش شايفينك، لو هما مش معاك فربنا مطّلع عليك وعارف انت بتعمل ايه كويس ي صحبي، فاتعدل كدا أوماال😂
لو عايزين تسألوا في اي حاجه احنا معاكم

النهارده هنجاوب عن سؤال مثير للجدل شويتين
أجيب لابتوب و لا تابلت ؟!!!
باختصار : حسب احتياجك
بمعني
لو محتاج حاجة للدراسة فقط
قولا و احدا تابلت (و تاب المدرسة ويس او تجيب حاجه عاليه تعيش معاك ال7 سنين دول
كدراسة انت محتاج شاشة كبيرة كويسة تشوف عليها الشرح و تفتح عليها الكتب و تستخدم القلم في المذاكرة م اكتر
بس انا بستخدمه في حاجات تانية غير الكلية
زي ( برمجة ـ جرافيك - مونتاج ـ دوبلاج)
من الاخر الناس اللي شغالة فريلانس عموما
هنا هسالك سؤال بسيط ..
انت شغال فعلا و لا بترمي لبعدين !!
لو شغال فانت اكيد عارف ان اللاب افضل طبعا
بس اكيد برده عارف ان المجالات دي بتحتاج لاب كويس و عالي شوية
طب لو حابب لسه اتعلم
مفيش مشكلة لو عندك امكانية و كمان تكون صادق مع نفسك م مجرد رغبة عابرة
و علفكرا يا شباب انا بقدر ده جدآ و بقدر اي حد بيعمل اي حاجه بجانب الكلية 😍
و ده السعي اللي بنتكلم عنه
انت اللي بتعمل نفسك بايدك محدش هيجي يشدك و يقولك قوم
+ ان دي افضل مصادر الرزق الحلال بجانب الكلية

لحد هنا لازم تبقا خلاص واخد قرار انا رايح فين 🤔

هنتكلم الوقتي عن موضوعين مهمين جدا

الاول
مميزات و عيوب كل واحد بشكل تفصيلي شوية
اللاب 💻
بيعطيك مجال واسع شوية في الاستخدام ، برامج اكتر و مجالات اكتر
و ممكن توصل بيه لمواصفات عالية جدا

بس للاسف 😞
صعب شوية في التنقل ، متقدرش تكتب بخطك و تعلم في الكتب بشكل كويس ( م افضل حاجة للدراسة)
، اسعاره عالية شوية عن التاب ( بالذات لو محتاجه لاي شغل بجانب الكلية ، لان كل حاجة و ليها مواصفات معينة )
........
التاب
خفيف ، سهل و بسيط ، معاك قلم تظبط دنيتك بيه ، برامج الاندرويد او iOS الكتير ، مواصفاته بقت كويسة جدا و مقاربة للاب ( ممكن تشتري باد و تستخدمه كلاب عادي جدا)
اسعاره كويسة جدا و ممكن تبدأ بحاجة رخيصه عادي لانك محتاج شاشة و قلم كويسين م اكتر

بس للاسف😞
لازم تضيف لسعره القلم و الباد و جراب كويس لانه عرضة للكسر بسبب حجم الشاشه الكبير

الموضوع التاني
لو عايز اميكس الاتنين
قدامك يا باشا التابات اللي بنظام ويندوز او الايباد
بس للاسف اغلبهم سعره عالي شوية

من الاخر

تاب المدرسة شغال و برده الايباد شغال
فيه فرق ؟!!!
اكيد فيه فرق
بس لازم تكون انسان لطيف بمن حولك و نراعي الظروف العامة
لو اهلك حالتهم المادية كويسة مفيش مشكلة
اشتري يا عم ايفون و ايباد و ماك وعيش حياتك 🤩
و لو اهلك حالتهم المادية متوسطة
حسسهم بالرضا عن ابسط الامور و مشي الدنيا😊
لو عايز شوية نصايح و انت بتختار
مفيش مشكلة
م لازم تجيب كل حاجة مرة واحدة و م شرط السنادي
استثمر في حاجة كويسة تعيش معاك اكتر
وفي مفاجأة أن شاء الله انتظروا انطلاق ستور دكتور 😊
اول استور طبي في مصر هيقدم لاب توب وتاب وساعات وسماعات وكل حاجه بأسعار اقل بكتير من السوق لان إحنا مش بندفع اجار او كهرباء او ضرائب
انتظروا يوم 1/9 ننصح الناس متشتريش حاجه دلوقتي وتستني الخصومات والعروض 😍