በአዲስ አበባ ሀገረ ስብከት አስተባባሪነት በዐቢይ ጾም ሰንበታት በ54 አብያተ ክርስቲያናት የስብከተ ወንጌል አገልግሎት ላይ ለተሳተፉና በጎ አስተዋጽዖ ላደረጉ አካላት የምስጋና እና የዕውቅና የምስክር ወረቀት ተሰጠ።

በየክፍላተ ከተማ ቤተ ክህነቱ በአንደኛነት ከተመሰገኑ አድባራት መካከል ደብራችን #ቀጨኔ_ደብረ_ሰላም_መድኃኔዓለም_ቤተክርስቲያን
በዐብይ ጾም በተዘጋጀው ልዩ ጉባኤ ከ54 አድባራት እና ገዳማት መካከል የላቀ ዝግጅት እና አመርቂ ጉባኤ በማዘጋጀት በአንደኛነት ከተመሰገኑ አድባራት መካከል ተሸላሚ ሆኗል።

ሊቀ ማእምራን የማነ ዘመንፈስ ቅዱስ የሀገረ ስብከቱ ዋና ሥራ አስኪያጅ በሀገረ ስብከቱ  የስብከተ ወንጌልና ሐዋርያዊ ተልእኮ ዋና ክፍል አዘጋጅነት በዐቢይ ጾም ሰንበታት የተሰጠውን የወንጌል አገልግሎት  በእጅጉ አድንቀው አገልግሎቱን የመሩ የሀገረ ስብከቱ ዋና ክፍልና የሰባክያነ ወንጌል ኅብረት እንዲሁም እስከ ታች ባለው የቤተ ክርስቲያናችን መዋቅር የተቀመጡትን አገልጋዮች አመስግነዋል።

ዋና ሥራ አስኪያጁ አክለው የቤተ ክርስቲያናች መግቢያ  ፣ መኖሪያውና  መድረሻው የሆነው የቅዱስ ወንጌል አግልግሎትን ዓላማውን በተረዳና  ዘመኑን ባነበበ መልኩ መሰጠት እንዳለበት  ለነገ የማንለው ተልእኮ ነው ብለዋል።

/ፍኖተ ሕይወት ሰ.ት.ቤት ሚድያና ሕዝብ ግንኙነት ዋና ማስተባበሪያ ክፍል።/

• Facebook 👉 m.facebook.com/FinoteHiwotSundaySchool
• Telegram 👉 t.me/finotehiwott

• Tiktok 👉 tiktok.com/@finotehiwot 
• YouTube 👉 m.youtube.com/@finotehiwot1958

፻፴፪ ኛው መደበኛ የቅዱስ ሲኖዶስ ምልዐተ ጉባኤ አዲስ የቅዱስ ሲኖዶስ ዋና ጸሐፊና የመንበረ ፓትርያርክ ጠቅላይ ሥራ አስኪያጅ  ምደባ አካሔደ።

የቅዱስ ሲኖዶስ ምልአተ ጉባኤ በዛሬው ዕለት ባደረገው ስብሰባ የሚከተለውን ውሳኔ አስተላልፏል፦

፩. ብፁዕ አቡነ  ሳዊሮስን የመንበረ ፓትርያርክ ጠቅላይ ዋና ሥራ አስኪያጅ፤ 

፪. ብፁዕ አቡነ ዲዮስቆርስን የቅዱስ ሲኖዶስ ጸሐፊ፤

፫. ብፁዕ አቡነ ሕርያቆስን የሐድያ ሀ/ስብከትን እንደያዙ የአዲስ አበባ ሀ/ስብከት ሊቀ ጳጳስ፤

፬. ብፁዕ አብነ ናትናኤል ዘኮሎራዶን የቅድስት ሀገር ኢየሩሳሌም ገዳማት ሊቀ ጳጳስ፤

፭. ብፁዕ አቡነ ናትናኤልን ሜኒሶታን እንደያዙ የኮሎራዶ ሀ/ስብከትን እንዲመሩ፤

፮. ብፁዕ አቡነ ሄኖክ የደቡብ አፍሪካና ምዕራብ አፍሪካ ሀ/ስብከት ሊቀ ጳ ጳስ፤

፯. ብፁዕ አቡነ ዕንባቆምን የገዳማት መምሪያ ሊቀ ጳጳስ ሆነው እንዲመሩ፤

፰. ብፁዕ አቡነ ሙሴ አውስትራልያን እንደያዙ የግቢ ቅዱስ ገብርኤልና የበዐታ ለማርያም ገዳም ሊቀ ጳጳስ ሆነው እንዲመሩ ወስኗል።

ግንቦት 16 ተዝካሩ ለቅዱስ ዮሐንስ ወንጌላዊ

በዚህችም ቀን የወንጌላዊ ቅዱስ ዮሐንስ መታሰቢያው ነው። በእስያና በኤፌሶን በዙሪያቸው በአሉ አገሮች ሁሉ ስለ መስበኩና ከባሕር በመስጠምም ወደ ፈጣሪያቸው እግዚአብሔር እስከ መለሳቸውና የክብር ባለቤት ጌታችን በእጆቹ ላይ በሚያደርገው ተአምራት በትምህርቶቹም ከሰይጣን ወጥመድ እስከ አዳናቸው ድረስ ጣዖታትን ከሚያመልኩ ከክፉዎች ሰዎች ስለደረሰበት መከራ ነው።

በሸመገለም ጊዜ ወንጌልን ጻፈላቸው ሦስቱ ወንጌላውያን ያስቀሩትን እስከሚጽፍ መንፈስ ቅዱስ አነሳስቶታልና የወልድንም አኗኗሩንና ሰው መሆኑን ዓለም የማይወስነውንም ተአምራቱን።

ከዚህም በኋላም ወደ ሰማይ እንደ ወጣና በሰማይ የሚኖሩ የመላእክት ሠራዊት ሥርዓታቸውን አይቶ አቡቀለምሲስ የሚባለውን ጻፈ።

ለስብከቱም የበዓሉ መታሰቢያ ሊሆን ግብጻውያን ይህን ሠሩ ዳግመኛም በእስክንድርያ አገር ውስጥ ቤተ ክርስቲያኑ የከበረችበት ቀን ነው።

ለእግዚአብሔር ምስጋና ይሁን እኛንም በዚህ በከበረ ሐዋርያ ጸሎት ይማረን በረከቱም ከእኛ ጋራ ትኑር ለዘለዓለሙ አሜን።
ምንጭ - ስንክሳር

/ፍኖተ ሕይወት ሰ.ት.ቤት ሚድያና ሕዝብ ግንኙነት ዋና ማስተባበሪያ ክፍል።/

• Facebook 👉 m.facebook.com/FinoteHiwotSundaySchool
• Telegram 👉 t.me/finotehiwott

• Tiktok 👉 tiktok.com/@finotehiwot 
• YouTube 👉 m.youtube.com/@finotehiwot1958