60 የጥቁር አንበሳ ግቢ ገባኤ የሕክምና ተማሪዎች ተመረቁ።

በማኅበረ ቅዱሳን የአዲስ አበባ  ማእከል ግቢ ጉባኤያት አገልግሎት ዋና ክፍል መንፈሳዊ ተከታታይ ትምህርታቸውን ሲያስተምራቸው የቆዩ የጥቁር አንበሳ ግቢ ገባኤ ተማሪዎችን ዛሬ መጋቢት 6 ቀን 2018 ዓ.ም በጽርሐ ጽዮን ሐዋርያት ጎላ ቅዱስ ሚካኤል ቤተ ክርስቲያን አስመርቋል።

በምትሄዱበት፣በምትሠማሩበት  የሥራ መስክ ሁሉ የዳር ተመልካቾች ሳትሆኑ በንቃትና በጥንቃቄ  ቅድስት ቤተክርስቲያንን እና ሀገራችሁን እንዲሁም ያስተማራችሁን ማኅበር ማኅበረ ቅዱሳንን በቅንነት፣ በታማኝነት እንድታገለግሉ ሲሉ በማኅበሩ የአዲስ አበባ  ማእከል የሕዝብ ግንኙነት ትብብር አገልግሎት ዋና ክፍል ኅላፊ አቶ አማረ ምትኩ  ለዕለቱ ተመራቂዎች መልእክታቸውን  አስተላልፈዋል።

በዕለቱ መምህራነ ቤተ ክርስቲያን ፣ ተመራቂ ፣የተመራቂ ቤተሰቦች እንዲሁም ተጋባዥ እንግዶች ተገኝተዋል።

©ማኅበረ ቅዱሳን ብሮድካስት አገልግሎት