اخر بوست مشان مادة الرياضيات😐😐
يجماعة لازم نعرف شي
بالإجماع بين الطلاب وبما أنو في نسبة منيحة مضروبة بالفحص(على حسب حكيهن)
هاد يعني أنو
المعدلات رح تكون منخفضة متل السنة الماضية
ف يلي حيصير أنو معدلات القبول الجامعي رح تكون منخفضة وهاد الشي شفناه
فلا تقطع الأمل..
وخليك مكمل ورب العالمين رح يخترلك الخير
حاج نق
وركزوا ع المواد الباقية😐🤨
كل سنة نفس السيناريو خصوصاً بهل المادة🥲💔

💙 لنيرداتنا الحلوين ....

الأحد هو آخر محطة من رحلتكن مع البكالوريا… آخر ورقة، آخر امتحان، وآخر وجع راس بهالمرحلة!
ونحنا، كإدارة كروب نيردات البكلوريا، حابين نحكيلكن كلمتين من القلب:

عنجد فخورين فيكن كتير… كل حدا منكن تعب وسهر ومرق بظروف مو سهلة، بس كفيتوا ووفيتوا.
وصدقوني، تعبكن ما رح يضيع… الله شايف، والدنيا بتردّ التعب، ورح تجنوا ثماره قريب، بكل دعوة من قلب أمكن، وبكل خطوة جاية بحياتكن.

المعدل مهم، بس مو هو كلشي… الأهم إنكن عملتوا اللي عليكم، وحاربتوا، ووصلتوا لهون.

🔜 وبما إنكن خلصتوا تقريبًا، حان وقت تنتقلوا للمرحلة الجاية...
مرحلة الجامعة!
مكان جديد، حياة جديدة، قرارات مصيرية… ولهيك، عملنالكُن كروب خاص لطلاب الجامعات، لنتشارك فيه كلشي مفيد، ونتساعد مثل ما كنا سوا بالبكالوريا.

رابط الكروب: https://t.me/UUiHa
كروب الجامعات يلي رح يجمعنا من جديد ويكون بيتنا الثاني بكل خطوة جاية❤️

جلسة الإنقاذ في علم الاحياء كاملة عمار السعدي

وهيك بكون انتهت رحلة 12 سنة

بتمنالكن التوفيق بحياتكن المستقبلية
والله يخترلكن يلي فيه الخير

مبدئياً بكرى ناطرنا حكي كتير
اول شي
https://t.me/UUiHa

فوتوا ع غروب الجامعات

تاني شي
بكرى في فعالية بالقناة🌚💚

موفقين 🤍

---

🎓 أهلاً وسهلاً فيكن طلابنا
رح نعطيكم لمحة عن قناتنا

🔹 شو هي قناة نيردات البكالوريا؟
قناة تعليمية بدأت نشاطها من يوليو 2023، وبتكبر يوم بعد يوم بفضل تفاعل الطلاب والمشرفين. هدفها الأساسي هو دعم طلاب البكالوريا العلمي والأدبي بكل الطرق الممكنة.

🔹 شو بتقدّم القناة؟
✅ ملفات منظمة لكل المواد
✅ شروحات مبسطة ومراجعات نهائية
✅ نصائح لتنظيم الوقت والدراسة بذكاء
✅ بوت المكتبة الشاملة @nerdatbot لتسهيل الوصول لأي ملف بدقيقة
✅ مجتمع داعم ومشرفين جاهزين يساعدوك بأي وقت

🔹 مين بيشتغل عليها؟
فريق نيردات بإدارة مشرفين مميزين

💡 إذا كنت جديد هون، بلّش بهدول الخطوات:
1. تابع القناة وفعّل الإشعارات
2. جرّب البوت @nerdatbot
3. شارك بحل الأسئلة وساعد رفقاتك بغروب المناقشة
4. لا تتردد تسأل أو تطلب أي ملف أو المساعدة

📢 نيردات مو بس قناة... هي عيلة بتدعمك لتوصل لهدفك!

منتمنالكن التوفيق
وبداية خير عليكن يارب🤍
#neda@NerdatBac
help:chat

قصتي مع #النتائج

لما كنت بكالوريا
بعد الفحص انبسطت يومين تلاتة
وبعدها صابني لعنة #النتائج

على أيمت حتطلع؟
شقد رح جمع ؟
رح حقق حلمي ؟
ووقتي كان فراغ بفراغ
قرفت الفيس والانستا والتلغرام
كلشي تواصل اجتماعي كرهتوا
لأن وين ما افتح شوف اشاعات طلعت النتائج وعن مواعدها وغيروا

إنتظرت كتير
حرفيا حتى أكل ماعاد اشتهي


حصيلة تعب سنين عم انتظرها بفارغ الصبر

مو بس أنا
وأهلي ناطرين يشوفوا تعب ابنهم يلي حطو كل أملهن فيه
وقدموا كتير شغلات مشانوا

هون أنا صرت لهي حالي بشغلات
صرت حتى دور ع شغل بس بدي اخلص من هل هم😂💔

وبعد طول إنتظار بفتح فيس وبلاقي بوست من صفحة الوزارة أنو النتائج ع ساعة ٦ المسا


كانت الساعة ١١ الضهر
أنا هون حرفياً عشت توتر كتير صعب

المهم رحت توضيت وصليت بالجامع وقتها ودعيت ربي انو لا يخيبني

بتصير الساعة اربعة بفتح الموقع وبحاول فيه

وقت صارت الساعة خمسة بتفاجئ انو طلعوا النتائج

ولاد عمي طلعوا كلن ناجحين قلتلن دخيلكن حطولي رقمي بقى

نشف دمي

حطيت رقمي وبعدها

وبشوف اني ناجح

بس طبعاً أقل من المجموع يلي كنت متوقعوا
بس الحمد لله رب العالمين

وأحتفلت وكانت فرحة كبيرة الي اني خلصت من هل هم

حرفيا الحارة كلها وزعتلن شعيبيات😂😂

فرحة النجاح حلوة يا جماعة🤍🤍

الله يطعمكن ياها جميع

منشوفكن بالجزء التاني بقصة #تسجيل الجامعة

#neda@NerdatBac

انت طالب بكالوريا ببداية السنة
في كم شغلة لازم تسويهن مشان تضمن راحة بالدراسة

🛑أول شي يا طالب لازم يكون عندك غرفة خاصة فيك بحيث ما تزعج حدا من عيلتك وما تنزعج

🛑ولازم يكون عندك طاولة أو خزانة خاصة فيك وبكتبك واوراقك

بحيث ما تضيع وتضيع والدتك معك😂🤦🏻‍♂️

🛑وكمان لازم تكون الأضاءة بالغرفة كويسة بحيث ما يصير معك ضعف نظر(صارت معي🥲💔)

🛑تلزق ورقة كرتون كبيرة على الحيط فوق الطاولة وبتشتري من هدول الورق الصغار الملونين يلي بلتزقوا ع الحيط ماعاد اذكر اسمهن🙂🤣
مشان تكتب ملاحظاتك عليهن طول هل سنة (هي شغلة كتير مهمة ورح تساعدك)

🛑وأهم شي بدك تبلش تخفف من ساعات الاستعمال للموبايل واذا عندك العاب بتقضي عليهن وقت طويل خفف واحذفهن بالمستقبل

🛑 وطبعا شي مهم بهل فترة انك تدرس كل درس بدرسه فقط لاغير ولا تقصر

🛑 وطبعاً لازم تكون متراضي مع أهلك وما تزعجهن وما يزعجوك
رح يكونوا رفقاتك بهل مرحلة


🛑وأخيراً انتبه من رفقة السوء🤍

#nedal@NerdatBac

طلابنا سامحونا ع تقصير
بس اسبوع ومنخلص امتحانات جامعية
ومنتفاضالكن
رح ابلش معكن بسلسة نصائح مبدئياً
وهاد اول بوست❤️
#nedal@NerdatBac

🔴 #رسـمـياً | صدرت نتائج البكالوريا دورة 2025 الآن

#تسجيل_الجامعة

بعد ما طلعت النتائج
وكانت النتيجة اقل من المتوقع

بلشت احتار بأي فرق بدي فوت
كان في قدامي كتير مجالات واختيارات
وصل فيني التفكير والحيرة لدرجة صرت شوفها بالمنام

لأخر شي حطيت ببالي ثلاث افرع هندسية
التلاتة حبيتن كتير

وصرت احتار بينهن كمان لا تزعلوا😂
على هي حلوة وهديك احلى

رتبتن بالمفاضلة ووقف قبولي ع أول فرع هندسي ع جزء من العلامة 0.1
ودخلت فرعي يلي مشرشحني بس معلش بحبو😂
هاد كان اختيار رب العالمين

بس في ملاحظة مهمة ياجماعة
الأهل لازم تاخد رأيهن

بس أهلك ما بصير يجبروك تختار فرع انت ما بتحبوا
لأن حتفشل فيه
وحتى ان نجحت فيه حيكون بدون شغف


لازم ما يضغطوا عليكم
ياما طلاب جايبة مجاميع طب وغيروا
وتسجل هندسات
خلص مو جوها
ف يعني لا تسجل غير الفرع يلي كان حلمك وانت صغير
هاد مستقبلك أنت
وانت المسؤول عليه
#ملاحظة
يُفضل قبل ما تسجل فرع تسال طلاب مسجلة فيه
مشان تعرف الدراسة كيف وشو المواد يلي فيه وهيك

بتمنالك التوفيق والاختيارات الصحيحة يارب❤️❤️

#neda@NerdatBac

https://t.me/PhysicswithMARWA26

قناة لشرح منهاج الفيزياء حديث 💡
من الصفر و لكلشي ب خص المادة رح تلاقو بقناتنا ، وسوا حتى نوصل لل ٤٠٠ بقوة 💜
شرح ، اختبارات ، ملاحظات ، و كل أفكار الأبحاث أتمتة ، تحريري رح تكون بقناتنا 💜⚡🔥

رابط قناتنا وانشرا بين رفقاتك ☁️

كروب المناقشة 💜💜

https:/

⭕ #عاااجل || قرار مجلس التعليم العالي رقم (349) بشأن إلغاء اختبارات القبول للعام الدراسي 2025/2026 باستثناء بعض الأقسام.

https://t.me/Nerdat_Bot

🔴🔴🔴🔴🔴
أغلبكن مشكلتوا بالنسيان طيب اقتراح جربوا هي الخطوات.
#الخطوة_الاولى
ادرس درسك بهدوء وتأني وتركيز وحفظ عن ظهر قلب.

#الخطوة_التانية
أي درس بتدرسوا وبتحفظوه بعد ساعتين أو 4 ساعات بس رجعوا سمعوه لحالكن تسميع سريع.

#الخطوة_الثالثة:
خطوة قبل ما تناموا
مراجعة سريعة لهل درس أو يفضل لكلشي درستوه بفترة النهار (قبل ما تناموا يعني آخر شي بتعملوا هوي المراجعة وبتناموا دغري).

#الخطوة_الرابعة
خطوة بعد يومين
اعملوا نظرة ع يلي درستوه مراجعة سريعة عن حاضر أو غايب ويلي بتكون نسيتوا احفظوا.

بأول خطوة انت بتكون درست الدرس وحفظتوا بعد كم ساعة بتكون بلشت تفقد جزء من معلوماتك لهيك بيجي دور الخطوة الثانية يلي بترجع بتذكرك بجزء من هالمعلومات بيجي دور الخطوة الثالثة يلي هي بتعمل ع تركيز كلشي بدماغك بعد كم يوم بتكون نسيت وفقدت جزء ضعيف من المعلومات يلي ما تثبتت مليح هون بيجي دور الخطوة الرابعة يلي بتكون ثبتت كل المعلومات بدماغك وأمورك تمام اعمل هيك ع كل دروسك النظرية أما العملي (رياضيات وفيزياء وكيمياء) ف كتر تطبيق وحل مسائل.

بتمنالكن التوفيق والنجاح الدائم انتوا قدها
#Nedal@NerdatBac

#سلسلة_نصيحة

طبيعي اول ما تبلش دراسة تحس بصعوبة كثير

طبيعي انك تشوف البكالوريا ضخمة لأن لسا أنتو ب اول المنهاج(طبعاً ضخمة نوعاً ما بس كلو بيندرس مع الوقت)

طبيعي انك تحس بنسيان بس لا تنسى انك رح تراجع المادة مرة وتنين وبعدها بتترسخ المعلومات بمخكن



طبيعي انك تخاف وتتوتر بس مع الوقت بيختفي هل شي

كلشي بهل فترة طبيعي تحس فيه والوقت كفيل انو يعلمك كيف تمشي وتتعلم
المهم أنكن ما تقصروا بدراستكن وتدرسوا كلشي أول ب أول
ولازم نلتزم بالمذاكرات يلي عم تنعمل
بتمنالكن التوفيق🤍

#Nedal @NerdatBac

السلام عليكم ، 
🔰 #بكالوريا_علمي نود إعلامكم بأنه تم إضافة عدد من (النماذج والمخططات والنماذج ) خلال الفترة الماضية. 
 
🔹 رابط البوت ⬇️ 
https://t.me/NerdatBOT

السلام عليكم
تم إضافة عدد كبير من الملفات إلى البوت إضغط 👈 /start لعرض التحديثات
https://t.me/NerdatBOT