ሁሉም ሲጠምም ቀን ሲከፋብን
ኃጢያቱ በዝቶ ፀሎት ጠፋብን ።

ፍቃዱ ግርማ / ዘ-በኩር /

t.me/fikee21

ክረምት
ዝናብ ሲያካፋ
ብርዱ ሲከፋ
ሁለቱ ወራት
ሲሆኑ አመት
ወንዙ ሲሞላ ከዳር እስከ ዳር
እእሄው ዘንድሮም....
ትራስ አቅፌ ሊወጣብኝ ነው የህዳር ጀንበር ።


ፍቃዱ ግርማ / ዘ-በኩር /

t.me/fikee21

ምንም እኮ ሊያፅናናኝ አልቻለም እና ባብድ ሊፈረድብኝ ነው ?

t.me/fikee21

ግን እንዴት ነው እግዚአብሔር ?
ከምንም ንክኪ እራሴን አጥፍቼ
አለም ከመረረኝ ፣
መኖር እችላለሁ አንተ ጋር መጥቼ ?
እ.....


t.me/fikee21

አምላኬ ሆይ አንተው አስችለኝ
ከሰማይ ሆነህ ስለምታየኝ
እኔማ ደካማ ነኝ እንደምታወቀኝ
ድንቅ ችሎታ ብቃት የሌለኝ ።

ፍቃዱ ግርማ / ዘ-በኩር /

t.me/fikee21

ለሆነውም ስላልሆነውም ሁሉ እግዚአብሔር ይመስገን ።

ለሁሉም ግዜ አለው ።

ፍቃዱ ግርማ / ዘ-በኩር /

t.me/fikee21

እስኪ ግጥም ...

እስኪ ግጥም ልብየሚያደርስ!
ግጠሙልኝ ሮሮየን የሚናገር በሽታየን
                                     የሚፈውስ
በከንቱ ሜዳ የቀረ የብዙ ዘመን ድካሜን
ሰሚ ያጣውን ጩኸቴን የዕምባ ማሰሮ
                                          ሸክሜን!
ይናገርልኝ እንደሆን በሉስኪ ስንኝ 
                                   ቋጥሩ!
ከጥሪ ከለቅሶ ይልቅ ግጥም ያደምጣል
                                        ሀገሩ!!!

@chr 7th

t.me/fikee21

ምን ሆነሻል አታልቅሺ
አይዞሽ በቃ አታልቅሺ
ይገባኛል ታደክማለች እቺ አለም
'ማያልፍ ግን ምን የለም
ጠንከር በይ እጅ አትስጪ
ጣይ ይበዛል ወደ ስኬት ስትሮጪ  ።

ፍቃዱ ግርማ / ዘ-በኩር /

t.me/fikee21

አዘልኩሽ
አቀፍኩሽ
ሲበዛ ሳሳሁሽ
አይኔ ብሌኔ አልኩሽ ።

አንድ አለሜ ብዬ ወስኜ ቆርጬ
አንቺን አፈቀርኩኝ ከራሴ አብልጬ

ግና  አንቺ ዛሬ.....
ገፋሺኝ እንደ ጉድ ረሳሺው ትላንትን
ረገጥሺው መወደዴን
አደማሺው ልቤን ።

እናም የኔ ቆንጆ....
ሰላም ግቢ አንቺ መሄድሽም ቢያመኝ
አመሰግናለሁ ስላጠነከርሺኝ ። 🙏

ፍቃዱ ግርማ / ዘ-በኩር /

t.me/fikee21

ቢጎዙ ቢጎዙ ቢያካልሉ ሀገር
የለወጥ መነሻው ማንነት ነው ስፍር ።

ስለሄዱ አይቀናም የስኬት ጎዳና
አይሳካም የለም ታቅፎ ስንፍና ።

ተቀምጦ እጅ አጣጥፎ
መክበር የለም......
ከውድቀት በር ተስልፎ ።

ስማ እንግዲ እውነት ሀቁን ፣
ዋጥ አድርገው ቢመርህም
መልፈስፈስህ ገደል ይግባ ፣
ጠንከር በል ብቸኛ ነህ የለም ማንም ።


ፍቃዱ ግርማ [ ዘ-በኩር  ]


t.me/fikee21

ወጣቶች ነበርን
በእውቀቱ ስዩም

ጊዜ ሲራመድ ኮቴው ድምጥ አልባ
ከየት ተነስቶ ወደ የት ገባ
ከየት ተነስቶ ወዴት ደረሰ
ጠጉር መንጥሮ፣ ፊት እያረሰ፤

ወጣቶች ነበርን
ቅጽር የሰራን ፤ አምባ የሰበርን
ኮካ ኮላውን ባሲድ በርዘን
ብንጎነጨው፤ የማይመርዘን፤
በራዱን ያጋልን፣ ሙት ልብ ያስነሳን
ግራዋ በልተን ፤ ሎሚ ያገሳን፤

ተስፋችን ብዙ፤ እድሚያችን ለጋ
ስንሰማራ፣ ትርጉም ፍለጋ

ገላችን አይፈዝ፣ ጭቃ ቢለሰን
የማናስቀይም፤ ቡትቶ ለብሰን
ገጻችን ብሩህ፤ ልባችን ሽፍታ
ስንመነጠቅ፤ ወደ ከፍታ
የስኬት ገነት፣ ደጃፏን ከፍታ
ምትቀበለን ፣ እየመሰለን
ከቁመታችን፤ በላይ የዘለልን፤

ወጣቶች ነበርን
ዛሬ እንደዋዛ
ዘንድሮን ምሰን፤ ታችአምናን ቀበርን፤


t.me/fikee21

ምድር ለወንድ ልጅ ፈታኝ ቦታ ነው እርግጠኛ መሆን ያለብህ አንተ ጠንካራ ትሆናለህ እንጂ ሕይወት መቼም ቢሆን ቀላል ልትሆን አትችልም ።

ፍቃዱ ግርማ / ዘ-በኩር /

t.me/fikee21

በክንዶቼ እቅፍ
ለዘላለም እርፍ
ላርግሽና ውስድ
አንቺን ከኔ ግምድ
ዝምድ
ውድድ
ደምሽን ከደሜ
ህልምሽን ከህልሜ
ይቀዳ ከአንድ ምንጭ..
ፍቅርሽና ፍቅሬ
ነፃነት ሞገስ ነሽ..
ኩራትና ክብሬ ።

ገደፍ በይና ከ'ኔ...
ሽጉጥ ከአንገቴ
ድፍን ሀገር ይይሽ....
ግቢና ከቤቴ ።

ፍቃዱ ግርማ / ዘ-በኩር /

t.me/fikee21

አምላክ አስር ሰጥቶ አንድ እየለመነ
የሰው ልጅ በክፋት ልቡ ደነደነ
ያጣን ቀርቦ መርዳት
ተካፍሎ አብሮ መብላት
ቢሆን የሁሉ አመል ፣
ሁሉም ሰው ቢዘምር ለሰላም ለፍቅር
ገነትን ምድር ለይ እንሰራት ነበር ።

ፍቃዱ ግርማ / ዘ-በኩር /

t.me/fikee21

ስም ሆኖ ከቀረ ሰው ሆኖ መፈጠር
ካላገናዘብን ጥላቻን ከፍቅር
ዛሬ ለይ እያለን የዘራነው ክፋት
ለነገ ጉዟችን ይሆናል እንቅፋት
ተፈጥረን በአምሳሉ
የጠፋብን ውሉ
ለመልካም ተፈጥረን
መሆንን ያቃተን
ለስም የቀረብን በአካል የራቅን
ሰው ሆነን ተፈጥረን ሰው መሆን አቃተን ።


ፍቃዱ ግርማ / ዘ-በኩር /

t.me/fikee21

 
እንቅፋት ሆነው የጣሉህ ሁሉ
ያዘኑ መስለው ያሽቃብጣሉ
የጉዳትህን ልኩን ሳያውቁ
ቁስልህን ረስተው......
ብዙዎች አሉ ቀላል ነው ብለው የሚሳለቁ
እናም......
ለአንተ ያለህ አንተው ነህና
መከራን ቻለው ቀና በልና ።

ፍቃዱ ግርማ / ዘ-በኩር /

t.me/fikee21

ናፍቀው ተነፋፍቀው
በትዝታ አልቀው
ከሰውነት ወጥተው
ከተስፋ ስር ወድቀው

የተያዩ ለታ ሰላም ሲባባሉ
ማንም ሳይሰማቸው....
በልባቸው ደሴት ፍቅርን ያዜማሉ ።

ፍቃዱ ግርማ [ ዘ-በኩር]

t.me/fikee21

እግዚአብሔር ይመስገን 🙏🙏🙏

t.me/fikee21

መልካም ነበረ.....
እጃችን ረጥቦ ብናሳርፈው ያን ምስኪን አባት
ውስጤ በንዴት ሳይቆጥር አመት
አካል መንፈሴ ሳይቀጣጠል ሳይለኩስ እሳት
መልካም ነበረ.....
ምትክ ለሌለው ለአንዱ ጌታ አለሁኝ ቢሉት
ምንም ቸግሮት ባይቆም ከሰው ፊት
መልካም ነበር.......
ግን ምን ያደርጋል.... ?
ቀኑ ሲከፋ ዘመን ሲዘምም
ልጅ ለአባቱ እንዴት አይሆንም?!

ከፋኝ መረረኝ.....
ወንድ ነኝና ሌሊት አለቀስኩ
ውለታው ከብዶኝ እየተሳቀኩ።

        

ፍቃዱ ግርማ  [ዘ-በኩር ]

t.me/fikee21

ፍቅር ለማይገባው መተረክ ትዝታ
ናፍቆት ለማይገባው ማልቀስ መንታ መንታ
መወደድ ላልገባው እራስን መገብር
አስከዬት ነው መወደድ እሰከዬት ነው ፍቅር ?
አለኝ ሲሉት ማጣት
ኖርኩኝ ሲሉ መሞት
ቆምኩ ሲሉ መውደቅ
ዳንኩ ሲሉ መድቀቅ
መጡ ሲሉ መራቅ
ቻል እንግዲህ እራሴ.....
እንዲህ ነው አንዳንዴ እያነቡ መሳቅ ።
    
  ፍቃዱ ግርማ / ዘ-በኩር /

t.me/fikee21

"ባጭር ቀረን" ስንል - እድሜ ላበደሩን
ቀርፀው ላሳመሩን
ለኩሰው ላበሩን
ቺርስ!!
።።።።
ፊታችንን ዐይተው
እንደተቸገርን - ካይናችን ላወቁ
ስለማርያም ብለን
እስክንለምናቸው - ቆመው ላልጠበቁ
ቺርስ!!!
።።።።
ወድቀው ለማይጥሉ -ነግሰው ለሚያነግሱ
ነውራችንን ዐይተው
ልክ እንደ ድመት ኩስ ፣ ለሚያለባብሱ
ብድር አበድረው ፣ ፈጥነው ለሚረሱ😉
ቺርስ!!!!
።።።።።።
ላባ ላረጉልን ፣ የመከራ ሸክሙን
ቀልደው ላሳቁን ፣ ተጫውተው ላከሙን
በቸከ ዘመን ላይ...
ስጋ ለበስ ትንግርት -ሆነው ላስደመሙን
ቺርስ!!!!!
።።።።።።።።።።።
(✍️ Bewketu Seyoum )


t.me/fikee21