በነብስሽ ሰይፍ ሲያልፍ
አይሁድ ተሰብስበው..
ተወዳጁ ልጅሽ በአደባባይ ሲገረፍ
የጅራፉ ብዛት ለቁጥር የጠፋው
የጀርባው ግርፋት ልብሽን ሲያደማው
ተጠማሁ ሲል ጌታ በሚያሳዝን ልሳን
እመቤቴ ማርያም ምን ቃል ወጥቶሽ ይሆን
ምን ተናግረሽ ይሆን
እንዴት ብለሽ ይሆን
ባህር ለይ የቆሙ....
ዘለላ እግሮቹ በችንካር ሲመቱ
ማንም ሰው ሳይሰማሽ ምን አልሽ አዛኝቱ ??

ፍቃዱ ግርማ / ዘ - በኩር /

t.me/fikee21
t.me/fikee21

እንኳን ለጌታችን ለመዳኒታችን ለኢየሱስ ክርስቶስ የትንሳኤ በዓል አደረሳችሁ ፡፡

መልካም ፋሲካ 🙏

t.me/fikee21

ዝናቡ ሲያካፋ ፣
ንፋሱ ስነፍስ ሰው በሩን ሲዘጋ
እባክሽ አትጨክኝ ፣
እጅሽን ከፍ አርጊ ከጥላሽ ልጠጋ ።


ፍቃዱ ግርማ / ዘ-በኩር /

t.me/fikee21

ፀፀት ሲበላኝ ሆዴ ሲላወስ
ጋደም ብዬ ምኑን ልንተራስ!

ፍቃዱ ግርማ / ዘ-በኩር /

t.me/fikee21

/ ገፅ 228 /

  ዮርዳኖስ  ጉዕሽ

ዛሬ የመጨረሻ ወሳኔዬን ታጥቂያለሁ ። እያንዳንዱ ትንፋሼ የምክንያት ነች ። የነገን የስሌት ቅመራ ያልተቀበለች ። ነገ ምንድነው?  የራሱ ነው ። የሚያመጣውን ራሱ ያውቃል ፤ መፍትሔውም ከጎኑ ነው ። ነገ ይቅናው ።


ፍቃዱ ግርማ / ዘ - በኩር /

ክፉ ሰው እራሴ ለመሆኔ ምስክር አልሻም!

t.me/fikee21

እንደምነሽ አንቺው ለውሎሽ ለአዳሩ
እኔንስ ሆድ ባሰኝ ሲገረፍ ክራሩ ።

ፈቃዱ ግርማ ( ዘ-በኩር )

t.me/fikee21

ፊት ለፊቴ ዛሬ ሳያት
ቃል አጣሁኝ ምን ልበላት
ምን ልበላት በአንደበቴ
ጥሎኝ ሸሽቷል እኔነቴ ።

ፍቃዱ ግርማ ( ዘ - ዘበኩር )

t.me/fikee21

ትጎዛለች አህየው
በውጥንቅጥ መኖር
ሀሳብ ተሸክማ ተራራ የሚያክል
እናት ግን መቼ ነው ልቧ እርፍ የሚል ?
መቼ ነው የሷ ቀን ለራሷ የምትኖረው
ልጄ ሳትል ወላ ሌቱን የምታድረው
መቼ ነው ?

እናትነት የማይፈታ ሚስጥር ።

ፍቃዱ ግርማ  ( ዘ - በኩር )

መድፉ ሳይተኮስ ቦምቡ ሳይፈነዳ
ያ ሁሉ መኩዋንንት እንደ በግ ተነዳ ።

t.me/fikee21

የፍየል ወጠጤ ፣
ትክሻው ያበጠ ልቡ ያበጠበት
እንዋጋ ብሎ ከነብር ላከበት ።

አሉ ።

t.me/fikee21

በእውቀቱ_ስዩም
አገሬ

አገርን ለፈሪ፥ አይሰጡም አደራ
ዳር አድርጎት ያድራል፥ የማሀሉን ስፍራ፤

አገርን ለፈሪ፥ አደራ ብሰጠው
የዘላለም ቤቴን፥ ባንድ አዳር ለወጠው፤

አባ ነጋ ሞቶ

አባ ጽልመት መጥቶ

አገሬ እንደ ዛጎል፥ እያብረቀረቀች
ከባሕር ተገፍታ፥ የብስ ላይ ወደቀች።

❝ዝም ስትል የማታውቅ የሚመስላቸው ብዙ ናቸው..ምክንያቱም እነሱ በማውራት ያምናሉና ነገር ግን ያወሩትን አይኖሩትም።...አንተ ግን በማውራት አትመን ዝም ብለህ ልታወራ የፈለከውን ኑረው ከዛም ባንተ ዝምታ ውስጥ የኖርከው ህይወት ጥሶ ይወጣና አንተ ዝም እንዳልክ ሳታወራ ሰዎች ያወሩልሃል።❞

"እመጓ" ( ዶ/ር አለማየሁ ዋሴ እሼቴ /


t.me/fikee21

በሀሳብ ተውጬ እጄን በአፌ ጫንኩኝ
ማታ ባልሺኝ ነገር ፈገግ ስል ዋልኩኝ
ይጎሰማል እሄው ልቤ እንደ ከበሮ
ይወዘወዘኛል ያንቺው ፍቅር አስሮ ።

ፍቃዱ ግርማ / ዘ-በኩር /

t.me/fikee21

እድሜ ለበደልሽ
እድሜ ለጭካኔሽ
እድሜ ላንቺ ክፋት
ላንቺ ይብላኝ እንጂ...
እኔማ.....
እንደ ምንም  ብዬ ያቺን ቀን አለፍኳት ።

እድሜ ላንቺ እድሜ ኑሪ ነፍ አመት
ማድመጥ ጀምሪያለሁ የእራሴን ልብ ምት
ምንድን ነው ትዝታ ምን ያደርጋል ናፍቆት
ምን ያደርጋል ትላንት
ምን ያደርጋል ፀፀት ላለፈ እንደ ዘበት ።

እና
ወደ አሻሽ ሂጂ
ያሻሽን አፍቅሪ ያሻሽን ውደጂ
ከኔ የተሻለ ሰው አግኝተሽ  እንደሁ
ይቅናሽ ብዬሻለሁ ።

ፍቃዱ ግርማ / ዘ-በኩር /


t.me/fikee21

ብዙ ግዜ አያቴ ጋር ቁጭ ብዬ  የምትነግረኝ እሰማት ነበር ።

አንድ ቀን ማታ ቁጭ ብለን ሰለነጌ መጨነቀን እያወራን ነብር ። ከማሃል አያቴ ስሙ ልጆች ስትል ቀጠለች ። ንጉሱ የሆነችን ሴት ነጌ ጣዋት ሁለት አንገት ያለው ፈረስ ካላመጣሽ ከነ ቤተሰብሽ እስራት ነው የማስተላለፍባችሁ ይላታል ። ሴትዮዋ ጨነቃት ጠበባት እናም ወደ ጎረቢት ሄዳ ትቀመጣለች ትነሳለች ግራ የተጋቡት ጎረቢቶቿ ምን ሆነሻል ሲሉ ጠየቋት ? ንጉሱ ያላትን ነገር ነገረቻቸው አንዱ ሰውዬ እና ለዚ ነው የምትጨነቂው አላት?  አዎ አለች ። ሰውዬው አይዞሽ ለሊቱን ወይ ሁለት አንገት ያለው ፈረስ ተወልዶ ያድራል ወይ ንጉሱ ይሞታሉ ዝም ብለሽ ተኚ አላት ። ሲነጋ ንጉሱ ሞቱ ተበለ ። አያችሁ ነጌን አቅዱ እንጂ አትጨነቁ አለቺን አያቴ ።


t.me/fikee21

ይቅር በለን
( በእውቀቱ ስዩም)

የዘራም አጨደ
ያጨደም አስገባ
ያስገባም ጋገረ
የጋገረም በላ"
ከዚያ ምን ይመጣል
ፍርፍር ሆኖ ገብቶ: ፍግ ሁኖ ይወጣል::

በሸመታም ይሁን: በወራሪ ዝርፍያ
በስርአት ይሁን : በሽምያ በግፍያ
በግብዣም ይድረሰን: ወይ በመቀላወጥ
የምንበላው ህብስት: የምንጨልፈው ወጥ
ማለፍያው ሰርገኛው: ዶሮና ምስሩ
ወደታች ስንምሰው : ብዝበዛ ነው ስሩ::

የርግማኑን ራስ : ሆድ ይዘን ተፈጥረን
መቸገር ሳያንሰን
ለጠበቃ አልባዎች ሸክም አሸጋግረን
ከጥንት እስከዛሬ
ጭንቅህን በልሳን ተርጉመህ ባትነግረን
ይቅር በለን በሬ
አህያ ሆይ ማረን!!