የልብ ትልቁ ተግባር የተሰወረውን ማየት ነው ።

ፍቃዱ ግርማ /ዘ-በኩር/

t.me/fikee21

ፍሬ የሌለው ድካም አቁሙ ።

t.me/fikee21

እሳት ወይ አበባ

ሎሬት ፀጋዬ  ገ/መድህን

ወንድ ብቻውን ነው እሚያለቅስ

ከወዳጅ ዘመድ ርቆ
አንጀቱን በአንጀቱ ታጥቆ
ተሸሸጎ ተገልሎ ፥ ተሸማቆ ተሸምቆ
ከቤተ - ሰው ተደብቆ
መሽቶ የማታ ማታ ነው ፥ ሌት ነው የወንድ    
                               ልጅ እንባው
ብቻውን ነው የሚፈታው .......
ብቻውን ነው የሚረታው .......
ችሎ ፥ ወጦ ፥ ተጨብጦ ፥ ተማምጦ
                                 ተጣጥሮ
በሲቃ ግት ተወጥሮ
እንደ ደመና ተቋጥሮ
እውስጥ አንጀቱ ተቀብሮ ....
መሽቶ ፥ ረፍዶ ፥ ጀምበር ጠልቆ
የጨለማ ድባብ ወድቆ
በእንቅልፍ ጥላ ሲከበብ ፥ በዝምታ   
                             ሲዋጥ አገር
ፍጡር ሁሉ ተሰለምልሞ ፥ ብቸኝነት
                   ብቻ  ሲቀር ......
የኃላ የኃላ ማታ
ምድር አገሩ በእፎይታ
አይኑን በእንቅልፍ ሲያስፈታ
ሁሉ በእረፍት ዓለም ርቆ ፥ ብቸኝነት
                             ብቻ ሲቀርብ
ያኔ ነው ወንድ አይኑ የሚረጥብ
የብቻ ፥ እንባ አይኑ የሚረጥብ ።
    .......................

t.me/fikee21
t.me/fikee21
t.me/fikee21

ለከፋው መድሃኒት ደርሶ ለጨነቀው
እስኪ ወዲ በሉኝ ፣
መላ መፍትሔውን ጠንቅቄ ልወቀው ።

Sad Feeling 😞

ዘ - በኩር

t.me/fikee21

ሰማይ ጠቀስ ጥፋት ቤቴን ስለሞላው
አምላኬ ንገረኝ.... ?
እኔ ግን አንተ ጋር ሚዛኔ ስንት ነው ?
እየዘነጋሁኝ...
ገነትን ታክል ቤት አንተን ያክል አባት
እኔኮ ድፍረቴ...
መጥቼ እቆማለሁ ደግሜ ካንተ ፊት
እባክህን አምላክ እባክህን ጌታ
ልቤን ገስፅልኝ እንዳላመነታ
እንዳላፈገፍግ ከትልቁ ክብር
አግዘኝ ልከተል የመስቀሉን ፍቅር ።

ደግፍኝ ልሻገር ልላቀቅ ከኃጢያት
ያቺን መሪር ግዛት ሶዖልን ልልፋት
እቀፈኝ በክንድህ ለደቂቃ አልውጣ
አንተው ያዘኝ ፣
አለም መቼም አታዋጣ ።

እረ አንተው ተቆጣኝ
እረ አንተው ግረፈኝ
እረ አንተው ገስፀኝ
እረ አንተው መልሰኝ
እኔማ አልሆነኝም......
የጀመርኩት መንገድ ጭራሽ እያጠፋኝ።

ሰማይ ጠቀስ ጥፋት ቤቴን ስለሞላው
አምላኬ ንገረኝ... ?
እኔ ግን አንተ ጋር ሚዛኔ ስንት ነው?

ስንት ነው ተመኑ ለነብሴ የደከምኩት
ስንቴ ነው በአንተ ስም አለምን የጣልኳት ???

ስንት ነው የሚል ቃል እኔ እማበዛብህ
ተመኔን ሚዛኔን የደጋገምኩብህ
ነብሴ ተጨናንቃ ፍፁም ሰላመመኝ
መላ ሲጠፋኝ ነው...
እኝኝ የምልብህ አትቀየምብኝ ።

እና
ሰማይ ጠቀስ ጥፋት ቤቴን ስለሞላው
ንገረኝ አምላኬ... ?
እኔ ግን አንተ ጋር ሚዛኔ ስንት ነው ።

ፍቃዱ ግርማ / ዘ-በኩር /

t.me/fikee21
t.me/fikee21
t.me/fikee21

ለመጣ ለሄደው ልቡ ከባከነ
እግሩ መቆሚያ አጥቶ ሁሌ ከኳተነ
አእምሮ ሀሳቡ ከጠፋበት ውሉ
ማንም ሰው ሳይነካው፣
ደርሶ ካስቀየመው የገዛ አመሉ
በግርድፍ ፍርዳችን እብድ ነው ሳንለው
እንዲህ አይነቱን ሰው
በፍጥነት እንርዳው ።

ፍቃዱ ግርማ / ዘ-በኩር /

t.me/fikee21

ድክመቴን አነተ ታውቃለህና ጌታ ሆይ አበርታኝ ።

ፍቃዱ ግርማ / ዘ-በኩር/

t.me/fikee21
t.me/fikee21
t.me/fikee21

አታውቀውምና ፣
ዬት እንደሚያደርስህ የሕይወትህ መስመር
ቀድመህ በማንም ለይ ጣትህን አትቀስር
እናም....
ካለሆነ ለመውደድ
አትቸኩል ለመፍረድ ።

ፍቃዱ ግርማ / ዘ-በኩር/

t.me/fikee21
t.me/fikee21
t.me/fikee21

በነብስሽ ሰይፍ ሲያልፍ
አይሁድ ተሰብስበው..
ተወዳጁ ልጅሽ በአደባባይ ሲገረፍ
የጅራፉ ብዛት ለቁጥር የጠፋው
የጀርባው ግርፋት ልብሽን ሲያደማው
ተጠማሁ ሲል ጌታ በሚያሳዝን ልሳን
እመቤቴ ማርያም ምን ቃል ወጥቶሽ ይሆን
ምን ተናግረሽ ይሆን
እንዴት ብለሽ ይሆን
ባህር ለይ የቆሙ....
ዘለላ እግሮቹ በችንካር ሲመቱ
ማንም ሰው ሳይሰማሽ ምን አልሽ አዛኝቱ ??

ፍቃዱ ግርማ / ዘ - በኩር /

t.me/fikee21
t.me/fikee21

እንኳን ለጌታችን ለመዳኒታችን ለኢየሱስ ክርስቶስ የትንሳኤ በዓል አደረሳችሁ ፡፡

መልካም ፋሲካ 🙏

t.me/fikee21

ዝናቡ ሲያካፋ ፣
ንፋሱ ስነፍስ ሰው በሩን ሲዘጋ
እባክሽ አትጨክኝ ፣
እጅሽን ከፍ አርጊ ከጥላሽ ልጠጋ ።


ፍቃዱ ግርማ / ዘ-በኩር /

t.me/fikee21

ፀፀት ሲበላኝ ሆዴ ሲላወስ
ጋደም ብዬ ምኑን ልንተራስ!

ፍቃዱ ግርማ / ዘ-በኩር /

t.me/fikee21

/ ገፅ 228 /

  ዮርዳኖስ  ጉዕሽ

ዛሬ የመጨረሻ ወሳኔዬን ታጥቂያለሁ ። እያንዳንዱ ትንፋሼ የምክንያት ነች ። የነገን የስሌት ቅመራ ያልተቀበለች ። ነገ ምንድነው?  የራሱ ነው ። የሚያመጣውን ራሱ ያውቃል ፤ መፍትሔውም ከጎኑ ነው ። ነገ ይቅናው ።


ፍቃዱ ግርማ / ዘ - በኩር /

ክፉ ሰው እራሴ ለመሆኔ ምስክር አልሻም!

t.me/fikee21

እንደምነሽ አንቺው ለውሎሽ ለአዳሩ
እኔንስ ሆድ ባሰኝ ሲገረፍ ክራሩ ።

ፈቃዱ ግርማ ( ዘ-በኩር )

t.me/fikee21

ፊት ለፊቴ ዛሬ ሳያት
ቃል አጣሁኝ ምን ልበላት
ምን ልበላት በአንደበቴ
ጥሎኝ ሸሽቷል እኔነቴ ።

ፍቃዱ ግርማ ( ዘ - ዘበኩር )

t.me/fikee21