Abdulmanap Nurmagomedov bir idmançı üçün vacib olan üç şeyi deyirdi: birincisi saç düzümü, ikincisi gecələr çölə çıxmamaq, üçüncüsü isə məşqə vaxtında gəlmək. Mən uşaqlığımda, kiçik yaşlarımda həmişə uzunsaçlı olmuşam. Onun zalında məşq etmək üçün mütləq saçlarını kəsdirməli idin. Abdulmanap deyirdi ki, "Siz qızlara qəşəng görünmək istəyirsiniz, lakin bir döyüşçüdə bunlar olmamalıdır. Döyüşçü öz məşqinə köklənməlidir, böyük titullar qazananda onsuz da qızlar özləri gələcək. O zaman artıq saçınızdakı bir telə belə ehtiyacınız olmayacaq".