搞鳩藍屍大行動 (半休台)

Forwarded from 612 Reminder via @CommentsBot

不得不說現時黃營嘅內鬥現象，某程度上歸咎於某幾班人嘅雙重標準、缺乏政治觸覺但扮大袋，俾其他人講中就話人「分化、內鬥」。以近期話題為例：

1. Mirror/Error v. 達哥/Ming仔：前者「賺藍絲錢」但照撐甚至FF無表態嘅藝人係黃；相反後者同樣「賺藍絲錢」但罷工、捐20萬照屌。反正班人有追開就係黃，唔睇、過氣嘅就暗紅。Alright，黃色經濟圈條界咁就set好。

2. 經濟左派 v. 政治右派：面對任何政治話題都自認極右大屌左癌，眼中政治光譜係條直線；骨子裏尋求普世價值但又以傾左為恥，左翼極左都係膠。簡單黎講就係連自己政治光譜都未搞清就人云亦云。

話要同紅州人一齊住/同右派同聲同氣，俾人歧視食返極右鐵拳就咦咿哦哦向返左翼取暖，要外國極右accept流亡港人/移民，一路受住左膠俾嘅益一路屌左膠大愛接收難民。

喺香港就廢事扮右直接要求港府介入市場限制炒樓對抗大商家云云，日提夜提嘅梁天琦政綱都大把左翼理念。

打住極右名頭大玩政治自助餐，所以由呢班人捧出一堆同樣「只許州官放火，不許百姓點燈」嘅「國際跣」/「論述page」都係咎由自取。

3. 移民 v. 留守：一班認為無法200萬人同時罷工所以罷工無用嘅人居然會覺得集體移民係有用，更笑人等入集中營，自比孫中山流亡抗爭搵道德高地包裝自己移民享受自由instead of真係抗爭打乜線乜線。莫講用咩屋企人俾家用呢啲例子玩暗諷，睇到都覺得cringe。

先不論集體移民過後港府少咗幾多稅收、呢筆錢又對港府有幾多殺傷力，日日睇住論政KoL馬後砲就當正自己係軍師有ability去指指點點，但連香港嘅錢從來唔需要香港人搵返黎、要地唔要人嘅道理都唔知。好簡單，求其去PE/Hedge Fund/ibank掃兩掃睇下支那仔多定香港人多，又有幾多新香港人願意做低層做爛市。若然自己對經濟真係咁大影響力，咁港府肯定頂唔順你罷兩三日工啦？

其次假設真係至少50萬個年交3皮稅嘅人移民（已經廢事計佢allowance，都當全部人平均月入3皮要交一個月稅），頂其量都係一年150億。求其一年課水去科學園都500億啦喎。咁咪deficit得仲勁囉？你估中共push security law果陣無concern過咩啊軍師，無人走邊有得換血繼續洗錢啊。換完血班人又唔洗交稅？

無話留守好有用/好認同Ventus Lau玩情緒勒索啊，只係啲邏輯支離破碎但又大佔道德高地狗眼看人低果下好笑。（just get tired of「咁留守有乜用、係咪要情緒勒索」呢類bullshit駁論去掩飾自己嘅低賤）

Anyways，到最後呢班人應該都仲係會用「主流comment/正負評多都唔代表我地喎」、「你都有睇乜乜論壇所以無資格笑我地」去掩飾自己支離破碎嘅邏輯；面對異見駁唔到就直接標籤人「PR、五毛、波台狗」後自我感覺良好認為自己係民主鬥士喺網上做完風紀就對抗咗中共（一陣又會俾人問起邊隻腳屙尿）；笑完鄰國誇誇群後，炒完車俾人講兩句就話「善心提醒、鼓勵自己嘅先係真手足」，唔會有認錯嘅一日。簡單黎講公我贏字你輸。

呢班人幾時先會realize到自己先係黃絲陣營大部分chaos嘅源頭？

#Reminder隨筆

6 views15:07