搞鳩藍屍大行動 (半休台)

#九龍城裁判法院第二庭
#鄭念慈裁判官
#1110旺角 #續審[6/2]
深夜補充，非即時
補回2020年10月28日審訊

鄭 (34)

控罪：在公眾地方管有攻擊性武器

繼續審訊
🟢控方盤問-辯方證人梁小姐

當時大概四至五點到灣仔天樂里，個時灣仔一帶同平時一樣平靜。當時嘅裝束係同平時出街一樣，t-shirt牛仔褲。無印象有無避免著黑色衣物。個時無帶帽，但係唔肯定有無帶口罩，因為帶左成年。

平時裝束都係深色為主。工作地點係荃灣，平時可以搭巴士同地鐵往返工作地點。係2019年11月10號個時無印象街頭有好多抗爭活動。平時有睇開新聞。唔知道個日夜晚已經有街頭，因為無收到通知，平時係急症室嘅時候，如果有抗爭活動嘅話，部門主管會同我地講第二日要小心返工路途。當我到九龍塘五六點已經發現街頭抗爭活動，以自己理解，當時有人係商場裡面聚集，而且叫佢地走。被告當時裝束係黑色t-shirt、黑色牛仔褲、帽都係黑色。被告平時有帶帽習慣，衣物都係白色黑色為主。當時2019年11月已經知道街頭抗爭活動。個時無同被告講過唔好著個啲衫。當日自己提議去九龍塘，睇電話同埋行街。梁被問到點解放工係天樂里咁近銅鑼灣，可以行街睇電話，唔係銅鑼灣個區買，佢回答佢去慣九龍塘買開同維修開，以及個時rush hour 驚港島塞車，所以過左海先。

知道被告居住係鑽石山。當日夜晚想約潘。個時係無直接去旺角，因為荃灣之後先決定約佢。潘住太子界限街個頭。梁被問到點解係九龍塘點解逗留成個幾鐘，差唔多一個小時，佢回應因為佢哋首先搵左泊車位，之後再去地鐵站出口入又一城。當時知道警察要攔截，但係因為其他入口無封，所以照入左。當時入左去唔出黎，係因為入去個個路口有其他認
人行緊街，所以照係入面。

其後係九龍塘去左荃灣，因為被告送自己返屋企，當時大約八點鐘左右。後尾去旺角係因為佢哋三個第二日休息，同潘傾開計，所以搵埋潘一齊食糖水。杯問到點解係九龍塘遇到街頭抗爭活動，點解仲要去旺角，梁回應因為係荃灣出旺角，出發時唔知道有。當時潘無講話有咩特別，亦都無問。被問到點解唔問潘，個啲活動會阻礙你地食糖水，梁回應覺得無需要。記得當時被告裝束，被告有腰包係身。

［睇證物P9 第十副相］
唔肯定係咪相中嘅袋，但知道係黑色類似嘅。

被告一時時攞住呢個腰包出街，有時唔孭袋。被告2019年11月10有帶。被告係荃灣爭鮮時無特登展示過個袋。被告無攞嘢出黎俾自己睇。佢個時攞左雷射筆同埋釣鉛俾佢望一望。
被問到點解當時會攞出黎，梁回應因為當時閒談講到釣墨魚，分享心得嘅時候，自己問咩意思，之後被告就話係袋裡面有，所以攞出黎俾佢睇。被問到同被告識左咁耐，個晚先傾釣墨魚？梁回答係。當時被告攞左出黎俾你睇。

［睇相集第14幅相］
相中個支？好似
黑色長條？類似
鎖匙扣係後面？唔敢肯定

當時無開到，亦見唔到有電芯。被問到釣墨魚要用魚絲，被告有無攞出黎俾你睇？梁回答無。當時被告唔係示範俾自己睇，純碎自己問咩樣，然後被告就攞左出黎俾佢睇咩樣。

其後佢哋攞車去旺角，大概十一點幾到。到旺角之後，搵位置泊左車。杯問到上次話十點離開爭鮮，十一點左右去到旺角？梁回答搵車到攞。當時荃灣去旺角無阻礙，無街頭抗爭，無警察驅散，唔知道有人掉汽油彈。當時夜晚十一點好平靜。係十一點半至十一點九有警察突然黎但唔知做咩。之後現場有催淚彈，但唔知放黎做乜。個時十一點幾到，被問到點解唔搵正式車場？梁回答話旺角難泊，同埋無揸車經驗。個時泊係花園街，唔清楚係咪正式泊車位。泊車之後知道潘未到旺角。被問到十一點之後好趕見潘？梁回答唔趕，因為無約實。
被問到被告有無試過去停車場睇有無位、梁回答因為唔識泊車個啲，所以唔知。泊好車之後打俾潘，跟住點知潘話未黎到。潘無講幾時黎到，佢剩係話未得。被問到點解當時唔問，梁回答因為佢成日遲到，所以無問。

跟住嘅情況就係警察放催淚彈。被告之後留眼淚，手部有紅疹。成個過程都係同被告一齊。
有去唐樓茶餐廳暫避。自己個時有睇眼水，因為對催淚彈反應無咁大。被問到當時孭緊咩袋，梁回答係依家身上呢個，即30cm長 20cm寬深10cm 嘅灰色背囊。袋裡面有2-3個外科口罩同3M口罩。有一個3m口罩。有生理鹽水5支左右，唔多過10支，仲有啲女性必須品，水、鎖匙、銀包個啲。水好似係樽裝水。被問到平時需要咁大架？梁回答平時都係孭呢個袋出街。被問到你話同被告去唐樓同茶餐廳躲避，其實你唔洗避？梁回答係，因為自己無特別受影響。被問到其實無呢個情節？梁回答唔同意唔同意。當時附近有車派冰袖，之後就俾左被告，派冰袖嘅人係唔識嘅。唔清楚個個司機係唔係明顯係協助街頭抗爭。被告有紅疹出現，情況嚴重，但個個唔同。見唔到腫，但手腕泛紅。

［睇相集］(聽唔清第幾張請見諒）
認到係被告？係
觀察到佢手無紅疹？近手踭有紅點
你睇法係唔同意相中顯示唔到被告紅點？同意
相顯示唔到？有保留，因為唔知幾時影
控：張相係0145時影

被告有流眼水，自己無。

［睇相集第13副相］
有五支？係
你俾被告個啲？係
過程係點，點解無端端俾佢？因為佢當時流緊眼水，佢好痛苦同刺眼，所以就俾左佢，叫佢有需要就攞黎沖眼。
當時無幫被告滴。控指出鹽水係被告嘅？梁唔同意。再指出唔係你俾佢嘅？梁唔同意。

之後有警察出現，無見到警察俾汽油彈擊中，跟住先落車。被問到見到警察位置係亞皆老街同花園街位置？梁回答接近亞皆老街花園街交界，被問到你地經歷催淚彈之後都無搵潘？梁回答無。被問到點解唔聯絡潘？梁回應覺得無需要。控方再問點解被告出現較大過敏反應，仍然唔取消聚會？梁回答認為當時需要去安全位置，而且唐樓同茶餐廳唔係自己地方，所以決定先去太子。

其後係離開過程中，梁冇同被告拖手，但一直起被告隔離。當時突然有人叫「走呀」，下意識便跑了，亦冇求證係邊個叫，因為對方冇指名道姓係對邊個講嘅。梁當時確定唔到幾時同被告失散，但肯定係一條街嘅距離，位置係花園街街頭，轉身就唔見被告。之後梁係附近徘徊咗半小時都搵不到被告。當時有好多警察，他們唔俾人走過去，所以最終同被告失散咗。當時冇同警察解釋係因為警察唔俾證人入去，而當時亦諗唔起去解拜話拉錯人。

事發後一陣，梁收到有關被告被捕嘅相片，因為自己較早前同友人表示同被告失散，所以友人有留意以及將相傳送俾證人。其後梁係大約00:00致電潘，話食唔到糖水。係警察發射催淚彈同逃避過程，完全冇同潘聯絡。

控方想證人指出：
當晚證人同被告起各區參加抗爭活動？證人唔同意
被告向證人展示佢準備用黎照射警察嘅雷射筆？證人唔同意

鄭官質疑證人：
點解你唔幫被告滴？
點解你地遇到催淚煙之後唔往返？
點解被告咁樣嘅情況下仲要堅持食糖水？

🟢控辯雙方無覆問🟡
辯方需要時間作書面陳詞
案件押後2019年11月20號續審

5 views17:51