በሰላም ወደ ቤታችሁ ግቡ 🤓 🙌

የ“አልፋ ወንድ” ፅንሰ-ሀሳብ

​በዘመናዊው ዓለም ስለ ወንድነት ትርጉም የሚነሱ አስተሳሰቦች የተለያዩ ናቸው። ከእነዚህም ውስጥ አንዱ እና በተደጋጋሚ የሚነሳው የ“አልፋ ወንድ” ፅንሰ-ሀሳብ ነው። ይህ ሀሳብ ብዙውን ጊዜ የሚገለጸው ጠንካራ፣ የበላይ እና ስሜታቸውን በራሳቸው በቁጥጥር ስር የሚያደርጉ ወንዶችን ለመግለጽ ነው። ነገር ግን ይህን አመለካከት ብዙ ሰወች ሲተቹት ይስተዋላል።
​
የ“አልፋ ወንድ” ጽንሰ-ሀሳብ መሰረቱ ከእንስሳት ማኅበረሰብ የመጣ ነው። በአንበሳ እና በዝንጀሮ ማህበረሰብ ውስጥ የበላይ የሆነው ወንድ “አልፋ” ተብሎ ይጠራል። ይህ ወንድ ምግብን እና ሌሎችን የመቆጣጠር መብት አለው። ይሁን እንጂ የሰው ልጅ ማህበረሰብ ከእንስሳት ማህበረሰብ የበለጠ የተወሳሰበ ነው።
​የወንድነት ትርጉም ከጊዜ ወደ ጊዜ ተቀይሯል። በጥንት ዘመን፣ ወንድነት ማለት አካላዊ ጥንካሬ እና የመዋጋት ችሎታ ነበር። በዘመናዊው ዓለም ግን የወንድነት ትርጉም በጣም ሰፊ ነው።አልፋ ወንድ ሌሎችን በጉልበት የሚገዛ ሳይሆን ጠንካራ ግን ኃላፊነት የሚሰማው እና ስሜቱን መቆጣጠር የሚችል ፣ ራሱንና በዙሪያው ያሉትን የሚያከብር ብሎም ማስከበር የሚችል ነው።

        @feelings_echo

"ብዙ ጊዜ ወድቀናል ታድያ የራሳችን ውድቀቶች፣ ያመለጡን እድሎች እና ሳናሳካቸው የቀሩ የህልም ስብርባሪዎች በልባችን ተቀርጸው ይቆያሉ። እነዚህ ስብርባሪዎች በቀጣይ ጉዟችን ላይ እንደ ሸክም እና እንደ መሪ ብርሃን ሆነው ያገለግላሉ። ሁለቱንም ወደፊት ይገፉናል፣ በተመሳሳይ ሰዓት ደግሞ ይጎዱናል። በመጨረሻም በነዚህ ስብራቶች አማካኝነት ከራሳችን ጋር እንገናኛለን ።"

         @feelings_echo

የምንጋራው ብቸኛው እውነት ብቸኝነት ነው። ከሰዎች ጋር በሚኖርህ ግንኙነት እንኳን የነፍስህን ጥልቀት፣ እውነተኛውን የሕልውና ባዶነት የሚጋራህ ማንም አይኖርም። እያንዳንዱ ሰው በራሱ የንቃተ-ህሊና ውስጥ ብቻውን ተዘግቶ ይኖራል። ብዙ ጊዜ ከሰወች ጋር የሚኖሩን ግንኙነቶች እና ጓደኝነቶች ይህንን ጥልቅ የብቸኝነት ስሜት ለመሸፈን የምንፈጥራቸው ጊዜያዊ ቅዠቶች ናቸው።

ከሰወች ራቅ ራስህን አድምጠው የውስጥህ ባዶነት በዚያው መጠን ግልጽ ሆኖ ይሰማሃል።


       @feelings_echo

​"የሰው ልጅ ህይወት በሁለት ነገሮች መካከል ይሽከረከራል በፍርሀትና መተማመን ። በውጫዊ ነገሮች ላይ መተማመን ከጀመርን፣ በጊዜ ሂደት መተማመኑ ይሰበራል። የምንፈራው ነገር ሁሉ እኛን የሚጎዳው ስለፈቀድንለት ብቻ ነው።  ህይወትህ በሌሎች ሰዎች ወይም በውጪ ክስተቶች ላይ የተመሰረተ ነው ብለህ የምታስብ ከሆነ፣ ደስተኛ የመሆን እድልህ ዜሮ ነው። እጣ ፈንታን መቆጣጠር አንችልም፣ ግን በእጣ ፈንታው ላይ ያለንን ምላሽ መቆጣጠር እንችላለን። ምክንያቱም ውስጣዊ ሰላምህን ማንም ሊወስድብህ አይችልም።"

            ​— Epictetus

Akon — lonely 🎶 🖤🌃

ለትዝታ ሩቅ የሚባል ...ላለመድረስ ከፈለጉ ደግሞ ቅርብ የሚባል ቦታ የለም።

   📚; ከእለታት ግማሽ ቀን

       @feelings_echo

ተቀምጠን እያወራን ነው አይኖቿን ፈዝዠ እመለከታለሁ ስታወራ የከንፈሮቿ እንቅስቃሴ ልፈታው የማልችለው ቅኔ እንደተሸከሙ ይሰማኛል። እያየችኝ ጥያቄዋን ሰነዘረች.....

አይኔ ውስጥ ምን ይታይሀል?

ሚያበራ እንደ ከዋክብት፤
የያዘ ሚስጥር ህይወት፤
ትልቅ ተስፋ ንፁህ ውበት።


ጠየኳት....   ፊቴ ላይ ምን ተነበበሽ?

ትልቅ ሀዘን ወጣትነት፣
ጥቁር ካባ የእድሜ ብክነት፣
:
አንዴ እቀፈኝ በቀስታ ፤
የጊዜ ግትልትል ችግር በቅፅበት ለአፍታ ይገታ። 


       @Feelings_echo

ሞት እጀን ይዞ ሲስበኝ
ፈጣሪየን ተማፀንኩኝ
የመኖር ትርጉም ፍለጋ
ሀሰሳ ደስታ ፍለጋ

በመጨረሻም አገኘሁ
ከሞት አፋፍ ቆሜ ሳለሁ...
በህይወት ደዌ ተመታሁ

      @feelings_echo

ሁልጊዜ አሸናፊ የሚባለው ጠላቶቹን በሙሉ አጥፍቶ ብቻውን የቀረ ሳይሆን፣ ከሁሉ ታላቁ ድል የመሸነፍ አሸናፊነት ነው። መስራት ያለብንን ሰርተን ውድቀታችንን ካቀድን ውድቀት ወደ ክብር ሞት ወደ ህይወት ይቀየራል። ምክንያቱም አንዴ ከወደቅን ማንም ሊጥለን አይችልምና ነው።

        @feelings_echo

የፀጉሩ መጨውረር ከአዳፋ ልብሱ ጋር ተዳብሎ እብድ መሆኑን ያሳብቅበታል በአደባባይ ወጥቶ ይጮሀል አንዳንዶች ፍቅር ነው እንዲህ ያደረገው ሲሉ የሚያውቁት ሌሎች እብድ ነው ይላሉ።

"4ቱ ተአምራት ሲፈፀሙ አገኛታለሁ" ሲል ጮኸ የተናገረው ትኩረቴን ስለሳበው ቀርቤ ማዳመጥ ቀጠልኩ።

"¹ አመታት በቅፅበት ሲያልፉ
² ከዋክብት ከሰማይ ሲረግፉ
³ ፀሀይ በምስራቅ ስትጠልቅ
⁴ ንዑድ ጨረቃ ሲሰነጠቅ

ያኔ እጆችሽን እይዛለሁ
አብሬሽ ልሆን መጣለሁ

ባንገናኝ አብረን ባንሆን
ተስፋ ነውና ያቆመን
ራሴን ሳስታምም ልኑር
በትዝታ ሞትሽን ልቅበር።"

ከንግግሩ እንደተረዳሁት በርግጥም እብድ ነው እብደቱም ህመምን በትዝታ ሞትን በፍቅር ለማሸነፍ መጣሩ ነው።

        @feelings_echo

I'm back 🤞

If you can't say wrong is wrong, then you are at the last stage of slavery.

     — che guevara

  @Feelings_echo

​በጨለማ ክፍል ውስጥ ሆኖ ጨለማን የሚስለው ሰዓሊ ብርሃን ሲበራ የሚመለከተው ባዶ ሸራን አይደለም ይልቁንም የገዛ እጁን ጥላ በሸራው ላይ ሲያሳድድ እንደነበረ ነው። ጨለማን በጨለማ ውስጥ ሆኖ መሳል አይቻልም ምክንያቱም ጨለማን ለመግለጥ እንኳን ትንሽ ብርሃን የግድ ይላል።


    @Feelings_echo

የቤተመቅደሱ መጋረጃ ሲቀደድ፣ በውስጡ ምንም እንደሌለ ያዩት ካህናት በድንጋጤ አልሞቱም፤ ይልቁንም በባዶነቱ ውስጥ አዲስ አምላክ አዲስ ትርጉም ፈጠሩ እንጅ። .....  ህይወታችን ትርጉም አልባ እንደሆነ ሲሰማን የመኖር ምክንያት ልንፈጥር የተገባ ነውና።

        @Feelings_echo

- Music recommendation

🎶 Three little birds

"Don't worry about a thing cause every little thing gonna be alright"

ሞት ለማያቋርጥ ጥያቄ የምንሰጠው የሰነፍ መልስ ብቻ ነው። °°

@feelings_echo