በሙስና ወንጀል የተመዘበረ ከአራት መቶ ሰባት ሺህ በላይ ብር ከተጠርጣሪዎች ማስመለሱን የዳውሮ ዞን ፖሊስ አስታወቀ

*****

(ፌ.ሥ.ፀ.ሙ.ኮ ታህሳስ 10/2017 ዓ.ም አዲስ አበባ) ስድስት ተጠርጣሪዎች በዳዉሮ ዞን ገና ወረዳ ወልደሃነ 2ኛ ደረጃና መሰናዶ ትምህርት ቤት የትምህርት ቤቱ ዋና ርዕሰ መምህር እና ሰራተኞች ሆነው በሚሰሩበት ጊዜ ከ2012 ዓ.ም እስከ 2016 ዓ.ም ድረስ ባሉት ጊዜያት 550,655.2 (አምስት መቶ ሃምሳ ሺህ ስድስት መቶ ሃምሳ አምስት ብር ከሁለት ሳንቲም ለግል ጥቅማቸው ማዋላቸውን የዳውሮ ዞን ፖሊስ በምርመራው አረጋግጧል፡፡

የዳውሮ ዞን ፖሊስ የሙስና ወንጀል ምርመራ ዲቪዥን በደረሰዉ ጥቆማ መሰረት አንደኛ ተጠርጣሪ እና ሌሎች ከ2ኛ እስከ 6ኛ ያሉ ተጠርጣሪዎች በትምህርት ቤቱ ቋሚና ጊዚያዊ ዉክልና የትምህርት ቤቱን የፋይናንስ እንቅስቃሴ እንዲመሩ ተመድበው እየሰሩ ከፋይናንስ ተቋሙ አሰራር ዉጭ ገንዘቡን አዘው ተጠቅመዋል፡፡

በዚሁ መሰረት በ1ኛ ተጠርጣሪ ትዕዛዝ ሰጭነትና አፅዳቂነት ሌሎቹ ተጠርጣሪዎች ሰነድ በማዘጋጀት፣ ክፍያ በመፈፀምና ገንዘብ በመቀበል በማይነጣጠሉበት ሁኔታ ለሲሚንቶ ግዥ፣ ለአሸዋ ግዥ፣ ለህንፃ መሣሪያ ግዥ፣ ለጥገና እና ለትምህርት ቤቱን ግብ አጥር ለማስጠገን ጥገና በሚል ምንም አይነት መረጃ በሌለበት ብክነት መፈፀማቸዉ ተረጋግጧል።

የሰዉንና ሰነድ ማስረጃዎችን አደራጅተዉ ለዞኑ ሙስና ወንጀሎች ምርመራ ዲቭዥን ክስ እንዲመሰረትባቸው ሲል ተጠርጣሪዎቹ 407,305.2/ አራት መቶ ሰባት ሺህ ሦስት አምስት ብር ከሁለት ሳንቲም ወደ መንግስት ካዝና ገቢ አድርገዋል፡፡

የመንግስት ቀሪ ገንዘብ 143,350.2 (አንድ መቶ አርባ ሦስት ሺህ ሦስት መቶ ሃምሳ ብር ከሁለት ሳንቲም ለማስመለስ የዳዉሮ ዞን የሙስና ወንጀሎች ዐቃቤ ህግ ተጨማሪ ምርመራ እያደረገበት መሆኑ መታወቁን ከክልሉ ፖሊስ ኮሚሽን የተገኘው መረጃ ያመለክታል፡፡

ከሙስና የፀዳች እና የበለፀገች ኢትዮጵያን ዕውን እናድርግ!

#NCRS ሞባይል መተግበሪያ 

#ለAndroid ስልክ ተጠቃሚዎች
https://play.google.com/store/apps/details 

#ለApple or iPhone ስልክ ተጠቃሚዎች
https://apps.apple.com/us/app/ncrs/id6593662319

ወቅታዊና ጥራት ያለው ግዥ በመፈፀም ያለንን ውስን ሀብት ከብክነት መከላከል እንደሚገባ ተገለፀ

******

(ፌ.ሥ.ፀ.ሙ.ኮ ታህሳስ 10/2017 ዓ.ም አዲስ አበባ) የማዕከላዊ ኢትዮጵያ ክልል ትራንስፖርትና መንገድ ልማት ቢሮ በሥራ ሥነምግባርና በግዢ አስተዳደር ሥርዓት ዙሪያ የግንዛቤ ማስጨበጫ ስልጠና መድረክ ለባለድርሻ አካላት በወልቂጤ ከተማ እየሰጠ ነው።

በመድረኩ ተገኝተው መልዕክት ያስተላለፉት በምክትል ርዕሰ መስተዳድር ማዕረግ የመሰረተ ልማት ክላስተር አስተባባሪና የቢሮው ኃላፊ ዶክተር መሀመድ ኑሪዬ ሙስና እንደሀገር ማደግና መበልፀግ እንዳንችል እንቅፋት እየፈጠረ ያለ ችግር መሆኑን ተናግረዋል።

ሙስና በሀገር ኢኮኖሚና ማህበራዊ ልማት ላይ ቀውስ የሚፈጥር በመሆኑ ለተግባራዊነቱ አመራሩ ቁርጠኝነት መሳተፍ እንደሚገባውም ተናግረዋል።

በቢሮው በርካታ ለህዝብ ተደራሽ የሆኑ የመንገድ መሠረተ ልማት ፕሮጀክቶች መኖራቸውን ያነሱት ዶክተር መሀመድ፥ በግዢ ሥርዓት የሚፈፀሙ ብልሹ አሰራሮችን መከላከል የሚያስችል የግንዛቤ ማስጨበጫ መስጠት አስፈላጊ መሆኑን ገልፀዋል።

መመሪያን የተከተለ፣ ወቅታዊና ጥራት ያለው ግዥ በመፈፀም ያለንን ውስን ሀብት ከብክነት በመከላከል ለዜጎች ልማት ማዋል እንደሚገባ ኃላፊው መናገራቸውን የክልሉ ኮሙኒኬሽን ቢሮ ዘግቧል።

በውይይት መድረኩ የክልሉ የሥነምግባር እና የፀረ-ሙስና ኮሚሽን ምክትል ኮሚሽነር አቶ ፋሲካ ጌታቸው ጨምሮ የቢሮው አመራርና ሠራተኞች እና የዞንና ልዩ ወረዳ የሥነምግባርና ፀረ-ሙስና ቡድን መሪዎች እየተሳተፉ ይገኛሉ።

ከሙስና የፀዳች እና የበለፀገች ኢትዮጵያን ዕውን እናድርግ!

#NCRS ሞባይል መተግበሪያ

#ለAndroid ስልክ ተጠቃሚዎች
https://play.google.com/store/apps/details

#ለApple or iPhone ስልክ ተጠቃሚዎች
https://apps.apple.com/us/app/ncrs/id6593662319