ሀሰተኛ ሰነድ በመጠቀም ሲንቀሳቀሱ የነበሩ ግምታቸው ከ56 ሚሊየን ብር በላይ ዋጋ የሚያወጡ ቆርቆሮና ቶንዲኖ ብረቶች ተያዙ

****************

(ፌ.ሥ.ፀ.ሙ.ኮ መጋቢት 4/2016 ዓ.ም አዲስ አበባ) በአዋሽ ጉምሩክ ቅ/ጽ/ቤት ሀሰተኛ የጉምሩክ ሰነድ በመጠቀም ሲንቀሳቀሱ የነበሩ ግምታቸው ከ56.5 ሚሊየን ብር ዋጋ የሚያወጡ ቆርቆሮና ቶንዲኖ ብረቶች ተይዘዋል፡፡

የአዋሽ ጉምሩክ ቅ/ጽ/ቤት በተለያዩ ቀናት ባደረገው የቁጥጥር ስራ ግምቱ 40 ሚሊየን ብር የሚሆን ቆርቆሮ እንዲሁም ግምታዊ ዋጋው 16 ነጥብ 5 ሚሊዮን ብር የሆነ ቶንዲኖ ብረት በድሞሩ 56 ነጥብ 5 ሚሊዮን ብር የሚገመቱ ቆርቆሮና ብረት በሀሰተኛ የጉምሩክ ሰነዶች ሲንቀሳቀሱ በቁጥጥር ስር ውለዋል፡፡

በሀሰተኛ ሰነድ ሲንቀሳቀሱ የነበሩ እነዚህን እቃዎች ሲያዘዋዉሩ የተገኙ ስድስት ተጠርጣሪዎች በቁጥጥር ስር የዋሉ ሲሆን፣ የጉምሩክ ኮሚሽን በዚህ የህግ ማስከበር ስራ ላይ ለተሳተፉ የቅ/ጽ/ቤቱ አመራሮች እና ሰራተኞች የጉምሩክ ኮሚሽን ምስጋናውን ማድረሱን ከገቢዎች ሚኒስቴር የትስስር ገፅ የተገኘው መረጃ ያመለክታል፡፡

የኮንትሮባንድ እና ህገወጥ ንግድ የአፈጻጸም ስልቱ ተለዋዋጭ በመሆኑ ድርጊቱን ለመግታትና በሀገር ኢኮኖሚ የሚያሳድረውን አሉታዊ ተጽዕኖ ለመከላከል ጉምሩክ ኮሚሽን ብቻ የሚያደርገው እንቅስቃሴ በቂ ባለመሆኑ ሁሉም ባላድርሻ አካላትና ህብረተሰቡ የበኩሉን ድርሻ እንዲወጣ የጉምሩክ ኮሚሽን ጥሪውን ያቀርባል፡፡

ከሙስና የፀዳች እና የበለፀገች ኢትዮጵያን ዕውን እናድርግ!

ወቅታዊ፣ ትኩስ እና የተሟሉ መረጃዎችን ለማግኘት፡-
የጥቆማ መተግበሪያ፡- https://epfs.gov.et
ፌስቡክ፡- https://www.facebook.com/feaccOfficial/
ቴሌግራም፦ https://t.me/feacc
የጥቆማ ኢሜል፡- CorruptionReportEthiopia@feacc.gov.et
ዩትዩብ፡- https://youtube.com/@federalethicsanti-corrupti149
ቲክቶክ፡- https://www.tiktok.com/@feac1993?_t=8jEyU0ouURa&_r=1
ትዊተር፦ https://twitter.com/EthiopiaFeacc በመወዳጀት ይከታተሉን፡፡

ለባህልና ስፖርት ዘርፍ ሠራተኞች በሥራ ሥነምግባር፣ በሙስና ጽንሰ ሀሳብና በመከላከያ ስልቶች ዙሪያ ስልጠና ተሰጠ

****************

(ፌ.ሥ.ፀ.ሙ.ኮ መጋቢት 4/2016 ዓ.ም አዲስ አበባ) የፌደራል የሥነምግባርና የፀረ-ሙስና ኮሚሽን ለባህልና ስፖርት ሚኒስቴር እና ተጠሪ ተቋማት ሠራተኞች በሥራ ሥነምግባር፣ በሙስና ጽንሰ ሀሳብና በመከላከያ ስልቶች ዙሪያ ስልጠና ሰጥቷል፡፡

የሚኒስቴሩ የሥነምግባርና ፀረ-ሙስና ሥራ አስፈጻሚ አቶ ሙሉጌታ ክንፌ የስልጠናው ዓላማ ሙያተኛው የሙያ ሥነምግባርን ተላብሶ ለተገልጋዩ ቀልጣፋና ከሙስና የፀዳ አገልግሎት መስጠት እንዲችል ታሳቢ ያደረገ መሆኑን ገልፀው፤ ሙስና እና ብልሹ አሠራርን የሚፀየፍና የሚከላከል ሙያተኛ እንዲሆን ታስቦ የተዘጋጀ የግንዛቤ ማስጨበጫ ስልጠና ነው ብለዋል፡፡

ስልጠናው በኮሚሽኑ የሥነምግባርና ፀረ-ሙስና ስልጠና ዴስክ ኃላፊ በአቶ ኪዳነ ምህረት እና በአቶ ካሳነው ጤናው የተሰጠ ሲሆን፤ በሥራ ሥነምግባር፣ በሙስና ጽንሰ ሀሳብና በመከላከያ ስልቶች እንዲሁም በግዥ ሂደት የሚፈጸም ሙስናን መከላከል ትኩረት ባደረጉ ርዕሰ ጉዳዮች ላይ መሆኑ ተመላክቷል፡፡

ከሙስና የፀዳች እና የበለፀገች ኢትዮጵያን ዕውን እናድርግ!

ወቅታዊ፣ ትኩስ እና የተሟሉ መረጃዎችን ለማግኘት፡-
የጥቆማ መተግበሪያ፡- https://epfs.gov.et
ፌስቡክ፡- https://www.facebook.com/feaccOfficial/
ቴሌግራም፦ https://t.me/feacc
የጥቆማ ኢሜል፡- CorruptionReportEthiopia@feacc.gov.et
ዩትዩብ፡- https://youtube.com/@federalethicsanti-corrupti149
ቲክቶክ፡- https://www.tiktok.com/@feac1993?_t=8jEyU0ouURa&_r=1
ትዊተር፦ https://twitter.com/EthiopiaFeacc በመወዳጀት ይከታተሉን፡፡

ግብር በማጭበርበርና ደረሰኝ ባለመስጠት ከ100 በላይ ግብር ከፋዮች ላይ የእርምት እርምጃ መውሰዱን መምሪያው አስታወቀ

****************

(ፌ.ሥ.ፀ.ሙ.ኮ መጋቢት 4/2016 ዓ.ም አዲስ አበባ) በተደረገው የህግ ማስከበር ሥራ ግብር በማጭበርበርና ደረሰኝ ባለመስጠት ከ100 በላይ ግብር ከፋዮች ላይ የእርምት እርምጃ መውሰዱን የጌዴኦ ዞን ገቢዎች መምሪያ አስታወቋል።

የጌዴኦ ዞን ገቢዎች መምሪያ ኃላፊ አቶ ጌቱ ታምሩ እንደተናገሩት መምሪያው ከሚመለከታቸው አካላት ጋር በመቀናጀት መጋቢት 03 ቀን 2016 ዓ.ም ባደረገው ኦፕሬሽን 6 ግብር ከፋዮች ግብር በማጭበርበርና ደረሰኝ ባለመስጠት በህግ ቁጥጥር ሥር ውለው የምርመራ ሥራ እየተከውነ መሆኑን አስታውቀዋል።

በተደረገው ድንገተኛ የታክስ ኦፕሬሽን በ107 ግብር ከፋዮች ላይ አስተዳደራዊና ህጋዊ እርምጃዎችን መውሰዳቸውን ጠቁመው፣ ተግባሩ በቀጣይም ተጠናክሮ እንደሚቀጥል አመላክተዋል።

የግብር ማጭበርበር ባደረጉ ግብር ከፋዮች ላይ በተደረገው የህግ ማስከበር ተግባር 1 ሚሊዮን 830 ሺህ 60 ብር ወደ መንግስት ካዝና ገቢ ተደርጎል ነው ያሉት፡፡

የክትትልና ህግን የማስከበሩ ሥራ በዞኑ ዲላ፣ ይርጋጨፌ እና ገደብ ከተሞች ላይ መካሄዱን ገልጸው፣ ህብረተስቡ ግብር የሚሰውሩ አካላት ላይ አስፈላጊውን ጥቆማ በመሰጠት የተጀመረውን የልማትና የመልካም አስተዳደር ሥራዎችን በቅንጅት መሥራት ይጠበቅብናል ማለታቸውን ደ.ሬ.ቴ.ድ ዘግቧል።

ከሙስና የፀዳች እና የበለፀገች ኢትዮጵያን ዕውን እናድርግ!

ወቅታዊ፣ ትኩስ እና የተሟሉ መረጃዎችን ለማግኘት፡-
የጥቆማ መተግበሪያ፡- https://epfs.gov.et
ፌስቡክ፡- https://www.facebook.com/feaccOfficial/
ቴሌግራም፦ https://t.me/feacc
የጥቆማ ኢሜል፡- CorruptionReportEthiopia@feacc.gov.et
ዩትዩብ፡- https://youtube.com/@federalethicsanti-corrupti149
ቲክቶክ፡- https://www.tiktok.com/@feac1993?_t=8jEyU0ouURa&_r=1
ትዊተር፦ https://twitter.com/EthiopiaFeacc በመወዳጀት ይከታተሉን፡፡

ሜ/ጀነራል ክንፈ ዳኘው ከኢንፔሪያልና ሪቨራል ሆቴል ግዢ ጋር በተያያዘ በቀረበባቸው የሙስና ወንጀል ክስ ጥፋተኛ ተባሉ

***

(የፌ.ሥ.ፀ.ሙ.ኮ መጋቢት 4/2016 ዓ.ም አዲስ አበባ) ሜጀር ጀነራል ክንፈ ዳኘው ከኢንፔሪያል እና ሪቨራል ሆቴል ግዢ ጋር ተያይዞ በቀረበባቸው የሙስና ወንጀል ክስ የጥፋተኝነት ፍርድ ተላለፈባቸው።

የጥፋተኝነት ፍርዱን የሰጠው የፌደራል ከፍተኛ ፍ/ቤት ልደታ ምድብ 3ኛ የሙስና ጉዳዮች ወንጀል ችሎት ነው።

የፍትህ ሚኒስቴር የሙስና ጉዳዮች ዐቃቤ ሕግ ዳይሬክቶሬት ጀነራል የቀድሞ የብረታ ብረትና ኢንጂነሪግ ኮርፖሬሽን (ሜቴክ) ዋና ዳይሬክተር የነበሩት ሜጀር ጀነራል ክንፈ ዳኘው ላይ በ2011 ዓ.ም ከህግ ውጪ በተፈጸመ ኢንፔሪያል እና ሪቨራል በተባሉ ሁለት ሆቴሎች ግዢ ከፍተኛ ጉዳት ደርሷል በማለት ከባድ የሙስና ወንጀል ክስ አቅርቧል።

ይህንን ተከትሎ ተከሳሹ በክሱ ላይ የተጠቀሰውን የወንጀል ድርጊት አለመፈጸማቸውን ጠቅሰው በሰጡት የዕምነት ክህደት ቃል መነሻ ዐቃቤ ሕግ የተለያዩ የሰነድና የሰው ምስክሮችን በችሎት አቅርቦ አሰምቶ ነበር።

ፍርድ ቤቱ ዐቃቤ ሕግ ያቀረበውን ማስረጃ መርምሮ ሜጀር ጀነራል ክንፈ በተከሰሱበት ድንጋጌ እንዲከላከሉ ብይን የሰጠ ቢሆንም ተከሳሹ በተገቢው መከላከል አለመቻላቸውን ዛሬ ፍርድ ቤቱ ገልጾ፤ በወንጀል ህግ አንቀጽ 407 ንዑስ ቁጥር 1 ሀ እና ንዑስ ቁጥር 2 መሰረት የጥፋተኝነት ፍርድ አስተላልፎባቸዋል።

በተላለፈው የጥፋተኝነት ፍርድ በአንደኛው የሆቴል ግዢ በሙሉ ድምጽ ጥፋተኛ የተባሉ ሲሆን፣ በሌላኛው የሆቴል ግዢ ክስ ደግሞ በአብላጫ ድምጽ በአንድ ዳኛ የሀሳብ ልዩነት ጥፋተኛ ተብለዋል።

ፍርድ ቤቱ የግራ ቀኝ የቅጣት አስተያየትን መርምሮ የቅጣት ውሳኔ ለመስጠት ለመጋቢት 25 ቀን 2016 ዓ.ም ተለዋጭ ቀጠሮ መስጠቱን ኤፍቢሲ ዘግቧል።

ሜጀር ጀነራል ክንፈ ዳኘው ከዚህ በፊት ከ111 የራዳር ግዢ ጋር ተያይዞ በ3 ዓመት ከ7 ወራት ጽኑ እስራት እንዲቀጡ በ4ኛ የሙስና ወንጀል ችሎት ውሳኔ መሰጠቱን መዘገባችን ይታወሳል።

በአሁን ወቅትም በሜጀር ጀነራል ክንፈ ላይ የመርከብ ግዢን ጨምሮ ሶስት ቀሪ የሙስና የክስ መዝገቦች በፍርድ ቤት በሂደት ላይ ይገኛሉ።

ከሙስና የፀዳች እና የበለፀገች ኢትዮጵያን ዕውን እናድርግ!

ወቅታዊ፣ ትኩስ እና የተሟሉ መረጃዎችን ለማግኘት፡-
የጥቆማ መተግበሪያ፡- https://epfs.gov.et
ፌስቡክ፡- https://www.facebook.com/feaccOfficial/
ቴሌግራም፦ https://t.me/feacc
የጥቆማ ኢሜል፡- CorruptionReportEthiopia@feacc.gov.et
ዩትዩብ፡- https://youtube.com/@federalethicsanti-corrupti149
ቲክቶክ፡- https://www.tiktok.com/@feac1993?_t=8jEyU0ouURa&_r=1
ትዊተር፦ https://twitter.com/EthiopiaFeacc በመወዳጀት ይከታተሉን፡፡

ሀሰተኛ ኦዲት ሪፖርት በመስራት ወንጀል የተጠረጠሩ ግለሰቦች ፍርድ ቤት ቀረቡ

****

(ፌ.ሥ.ፀ.ሙ.ኮ መጋቢት 5/2016 ዓ.ም አዲስ አበባ) ለተለያዩ ድርጅቶች ዓመታዊ ሀሰተኛ ኦዲት ሪፖርት በመስራትና ሀሰተኛ ሰነዶችን አዘጋጅተው በመጠቀም ወንጀል የተጠረጠሩ ግለሰቦች በቁጥጥር ስር ውለው ፍርድ ቤት ቀረቡ።

ተጠርጣሪዎቹ ነጋሽ አህመድ እረሽድ፣ ቅድስት ሙሉጌታና ናርዶስ ብርሃኑ ናቸው።

ተጠርጣሪዎቹን በቁጥጥር ስር ያዋለው የፌደራል ፖሊስ ኮሚሽን የሙስና ጉዳዮች ወንጀል ምርመራ ዘርፍ ሲሆን÷ ተጠርጣሪዎቹን ፍርድ ቤት አቅርቦ የ14 ቀን የምርመራ ማጣሪያ ጊዜ ቀጠሮ ጠይቋል።

በተለይም ነጋሽ አህመድ እረሽድ በተባለው ተጠርጣሪ ላይ በተሰራው ኦፕሬሽን ስራ ግለሰቡ ‘የሂሳብ አዋቂ ነኝ’ በማለት ብቻ ከኢትዮጵያ ሂሳብ አያያዝና ኦዲት ቦርድ ፍቃድ ሳያገኝ በቂርቆስ ክ/ከ ወረዳ 2 እና ወረዳ 8 ስር ቢሮ በመክፈት የተለያዩ ድርጅቶች ዓመታዊ ኦዲት ሪፖርት በመስራትና ለገቢዎች ቢሮ እንዲቀርብ በማድረግ በህዝብና በመንግስታዊ ድርጅቶች ላይ ከፍተኛ ጉዳት በማድረስ ሙስና ወንጀል መጠርጠሩን መርማሪ ፖሊስ ለችሎቱ አስረድቷል።

በተጠርጣሪው የስራ ቦታ በተደረገ ብርበራ በንብ ባንክ፣ በንግድና በኮንስትራክሽን ባንክ በሚል የተዘጋጀ ሀሰተኛ 3 ጥራዝ ቼክ፣ ከኢትዮጵያ ሂሳብ አያያዝና ኦዲት ቦርድ ዳይሬክተር በነበሩት በአቶ የማነ ደስታ ስም ቲተርና ማህተም በማዘጋጀት፣ ሀሰተኛ ኦዲቶች እንደታደሱ ተብለው የተዘጋጁ ሰነዶች፣ ከ60 በላይ የተለያዩ ድርጅቶች ስም የተቀረጹ ማህተሞችና ቲተሮች፣ የተለያዩ የስራ ልምዶች፣ የዩኒቨርሲቲና በኮሌጆች ስም የትምህርት ማስረጃዎች ጭምር እንደተገኙ ፖሊስ ለጊዜ ቀጠሮ ችሎቱ ገልጿል።

ከተጠርጣሪው ጋር ሲሰሩ ነበር የተባሉ ግብረዓበሮች በቁጥጥር ስር መዋላቸውንም ፖሊስ ለጊዜ ቀጠሮ ችሎቱ አስታውቋል።

በተጨማሪም ቅድስት ሙሉጌታ የተባለች ተጠርጣሪን የሂሳብ ሰራተኛ ሆና የተለያዩ አመታዊ ኦዲቶች ለድርጅቶች በማድረስ ጭምር ተሳትፎ አላት በማለት መጠርጠሩን የገለጸው ፖሊስ፤ ናርዶስ ብርሃኑን በሚመለከት ደግሞ ለግል ድርጅት በሚል ኦዲት ሪፖርት በማሰራት ረገድ ተሳትፎ እንዳላት ተጠቅሷል።

በአጠቃላይ በተጠረጠሩበት ወንጀል የጣት አሻራ የማስነሳት ስራ ማከናወኑን የጠቀሰው መርማሪ ፖሊስ ቀሪ ማለትም ጉዳዩ ከሚመለከታቸው አካላት የምስክርነት ቃል መቀበልና ቀሪ ማስረጃ የማቅረብ ስራ እንደሚቀረው ጠቅሶ፤ ከወንጀሉ ውስብስብነትና ከምርመራው ስፋት አንጻር ፍርድ ቤቱ ተገንዝቦ በወ/መ/ስ/ህ ቁጥር 59/2 መሰረት የ14 ቀን የምርመራ ማጣሪያ ጊዜ እንዲሰጠው ጠይቋል።

ተጠርጣሪዎቹም ተጨማሪ ጊዜ ቀጠሮ ሊሰጥ እንደማይገባ ገልጸው የዋስትና መብታቸው እንዲፈቀድላቸው መጠየቃቸውን ኤፍቢሲ ዘግቧል።

የግራ ቀኝ ክርክሩን እና የፖሊስ ምርመራ መዝገብን የተመለከተው ጊዜ ቀጠሮ ችሎቱ ተጨማሪ የምርመራ ማጣሪያ ጊዜ ፖሊስ እንደሚያስፈልገው ከግምት ውስጥ በማስገባት የተጠርጣሪዎችን የዋስትና ጥያቄ ለጊዜው በማለፍ ለፖሊስ የ14 ቀን የምርመራ ማጣሪያ ጊዜ ፈቅዷል።

ከሙስና የፀዳች እና የበለፀገች ኢትዮጵያን ዕውን እናድርግ!

ወቅታዊ፣ ትኩስ እና የተሟሉ መረጃዎችን ለማግኘት፡-
የጥቆማ መተግበሪያ፡- https://epfs.gov.et
ፌስቡክ፡- https://www.facebook.com/feaccOfficial/
ቴሌግራም፦ https://t.me/feacc
የጥቆማ ኢሜል፡- CorruptionReportEthiopia@feacc.gov.et
ዩትዩብ፡- https://youtube.com/@federalethicsanti-corrupti149
ቲክቶክ፡- https://www.tiktok.com/@feac1993?_t=8jEyU0ouURa&_r=1
ትዊተር፦ https://twitter.com/EthiopiaFeacc በመወዳጀት ይከታተሉን፡፡

በሳውላ ከተማ ከ64 ሚሊዮን ብር በላይ ጉድለት ያሳዩ ግለሰቦች ለህግ እንዲቀርቡ ተደረገ

****

(ፌ.ሥ.ፀ.ሙ.ኮ መጋቢት 5/2016 ዓ.ም አዲስ አበባ) የመንግስትን ህጋዊ አሰራር ባለመጠበቅ ከ64 ሚሊዮን ብር በላይ የህዝብና የመንግስት ገንዘብ ጉድለት ያሳዩ ግለሰቦች ለህግ እንዲቀርቡ መደረጉን የሳውላ ከተማ ገቢዎች ጽህፈት ቤት አስታወቀ።

ጽህፈት ቤቱ የአሰራር ጉድለቶችን የማጥራት ሥራ እየሰራ የቆየ ሲሆን፥ በዚህም በኦዲት ሥራዎች ላይ የሰነድ ማበላለጥ፣ በተመሳሳይ ንምራ ቁጥር የተለያዩ የገቢ ርዕሶች እንዲሁም የገንዘብ መጠንና የከፋይ ስም በበራሪና በቀሪ ደረሰኝ ላይ አለመጣጣምና ማጭበርበር፣ ወደ ግል አካውንት ገንዘብ ማስገባት፣ ካርኒ አላግባቢ መቁረጥ ፣ ወጭ የሆኑ ደረሰኞችን ተመላሽ ያለማድረግ የተስተዋለ የአሰራር ችግሮች መሆኑን የሣውላ ከተማ ገቢዎች ጽህፈት ቤት ኃላፊ አቶ ጌታሁን ኩማ ገልጸዋል። ።

በዚህ መነሻነት በሁለት ግለሰቦች የተስተዋለው የኦዲት ግኝት በጠቅላላው ስልሳ አራት ሚሊዮን አንድ መቶ ዘጠና አምስት ሺ ዘጠና አራት ብር ከስልሳ ዘጠኝ ሣንቲም ግኝት ሆኖ የተረጋገጠ ሲሆን ይህም ለህግ ቀርቦ ውሳኔ እንዲያገኝ እየተሰራ መሆኑን አቶ ጌታሁን አስረድተዋል ።

ይህን ተከትሎ በውስጥም በውጭም የሚስተዋሉ ሌብነቶችን በአሰራር ትግል በማድረግ የማጥራት ስራው ተጠናክሮ የሚቀጥል መሆኑን የጠቀሱት ኃላፊው መረጃ በመስጠትና ደረሰኞችን በማቅረብ ትብብር ላደረጉ አካላት ላቅ ያለ ምስጋና አቅርበዋል።

መንግሥት ሌብነትን በመታገል የጀመረውን ህግ የማስከበር ስራ ከፍፃሜ የሚያደርስ መሆኑን በመገንዘብ ግብር ከፋዮች የሚጠበቅባቸውን ግብር ያለምንም ስጋት እንዲከፍሉ ኃላፊው ጥሪያቸውን ማቅረባቸውን ደ.ሬ.ቴ.ድ ዘግቧል።

ከሙስና የፀዳች እና የበለፀገች ኢትዮጵያን ዕውን እናድርግ!

ወቅታዊ፣ ትኩስ እና የተሟሉ መረጃዎችን ለማግኘት፡-
የጥቆማ መተግበሪያ፡- https://epfs.gov.et
ፌስቡክ፡- https://www.facebook.com/feaccOfficial/
ቴሌግራም፦ https://t.me/feacc
የጥቆማ ኢሜል፡- CorruptionReportEthiopia@feacc.gov.et
ዩትዩብ፡- https://youtube.com/@federalethicsanti-corrupti149
ቲክቶክ፡- https://www.tiktok.com/@feac1993?_t=8jEyU0ouURa&_r=1
ትዊተር፦ https://twitter.com/EthiopiaFeacc በመወዳጀት ይከታተሉን፡፡