ولا يغث گلبي اليضم عني ضواه
شعندي وي فانوسهم وانا الصبح

رضيت بموت روحي،
بشرط يرضون..

ماچذّب تغيّرت
‏ما احچي كلمة وصرت
‏حيل ابتعد منّة
‏ومبتعد من كُل شخص
‏يحچيلي شي عنّة
‏من گتلة كلشي انتهى
‏وماريد نرجع بعد
‏چذبت كلش لأن
‏بالواقع اتمنة .

جاي اقهر امي والله شاهد
تصحه الصبح تلگاني گاعد
تگلي الكواغد يمته تنعاف
تسمي الصور ذني كواغد !

كد كلمه اعوفك
حتى نرتاح
واسوء يوم ذاك البي عرفتك !
عندك فرصه وحده
وبس خيارين
لو تكسرني
لو تكسر كلمتك

كعدت من الحلم باچي
خسرتك بالصدك والطيف!

مامهتم بروحي تريدني أهتم بيك؟
ترا هاذ السهر تعويد مو عبالك متانيك

مّبتعدين، بّس نتشابه هُواي.
وأحِس شيصّير بيك، يصَير وياي.
مانختلِف، مّنسَجمين بالروح،
مّثل المّاي من تديرة عَلمّاي.

وهي حيرهَ ، وجهيي درتهَ
بس إحساسي شلون أديرهَ !

بعَد ماريد تبقى وياي
راح أرجع وافك
أنذوره الساده
المزار الـ زرته مره وبي دعيت هواي
رَاح أرجعله بلكي
يبطل مراده !

هالفترة اعيش احساس ماعشتة
اول مرة احسك مو مهم انتة
هو الانتصار الصدك من حسيت
"انعدمت رغبتي بـ الشي الادمنتة"

لاتحَن وتگول اعَرُفك
أنتَ مَريت بسَكتِي
وذَبلت رُوحَي الحَنيِنه
وطِيحَتنيّ ومَا گلِت مَشِتاگ مَره
وُرجَفت غُصَنك لّن سَمُوك شِجرة .

خاف أموت ولسَه ما طايبلي خاطر
وخاف أموت وجبت عُمري
شامر أحلامِي إعلى باچر  .

مـن تگول على احد أنك متفاهم وياه ، لازم تڪون مريت وياه بهواية أختلافات بوجهـات النظر وگدرت تتجاوزها بسلام ، لمن تگول على أحد أنه يقدرك لازم تكون مريت وياه بأوقات تعبك وحزنك وضل وياك بنفس التقدير ، لمن تگـول على احد يحبك لازم تگون مريت وياه بوقت انكسار حقيقي وضل الشخص بنفس الشغف تجاهك ، فـسهل جـدًا أحد يحبك وانت بحالة حلوة ، وانت ماشي وياه بوجهات النظر، سهل احد يشاركك حياتك وانت واگف على رجليك بس اللي يحبك من صدك هو الوحيد الي يگـدر يشوف نور بداخلك بأڪثر وقت تكون منطفي بي.."

الوجع هدني
الجسم من كل مكان يصيح
خلصت طاقتي وتعبان
ماانكر
يوميه بحياتي انصدم
بالاحداث
انهدم حيلي
وبعد مابيه حيل احزر
ماجنت ادري
الظروف تغير الانسان
مصدوم شكثر يا أني
متغير ..

١١:١١ مَ

أنا لا أعلَم من الحُب سوى أن أراك بخير حتى و إن لَم تكن مَعي، تخَليت معك عن عادَتي في حُبِ أشخاصي بأنانية فـ ها أنا أُحاول أن أُضَمد جِراحًا سببها لك غَيري، أقف في المُنتَصف و أرى عينيكَ تَشع بِحُبٍ آخَر، ربما و من أعَظم صور الحُب إنَني تناسَيت حُبي و تجاهلت صوت قلبي و ألمه حتى، لِتكون انتَ بخَير 🤍..