ياهَوة يسُوه دموَع عِينَك؟
وياهَوة يَستاهل نشَد وتگلة وينَك

الشامة والشفة ورگبتك سودنني
آنه أول تالي أرد للبيت أغني ؟

مشيت بلا سبب مافكرت شيصير
ولا گلت اليحبك ممكن تجرحة
عفتني بيا ذنب سويته وياك؟
وشنو نوع السمعته وتعجز تشرحة
الحجوا عني كدامك صدكتهم ليش؟
وما كلفت نفسك توصل توضحة
جنت محتاج منك بس حرف وتروح
حتى اقنع بعد ما حاجه للفرحه
هسه تگلي  سامح وانسى الصار
وهيج بكل سهولة ونگلب الصفحه!
ترا العفته جرح ميطيب بالنسيان
بگلمه اسامح تگدر ترجعه
اني گلي صلح ومسامحك ؏ الصار
بس گلبي لنگسر وياك شيصلحةة؟.

أحن لگلبك الماحَن ..

لـشعر مو باب رزقي لـخاطرك جان

ما طايب بعَدني يصلَن عظامي
وبعدني من الدَمع ما يابس الثامي
الحيرة لا أگدر أعوفَك لا أظل وياك
لغُم دايستَك جدامي .

واحلف كارهك …
واكتشف يطلع شوگ !
من ضمن السوالف بالحجي الكلته
ردت جم مره اطلعك كلبي مابي باب
دورته اعله كيفي وكل كتر درته
واتعلمت كلشي في سبيل انساك
بس فراك وجهك ما تعلمته !

هواي گالوا
لو يحبّك چا كتَبلك
كافي تتوچه على چذبة
هواي گالوا
تبچي چَي يبچي التحبّه
و هوَ يبچي أعله اليحبّه
يا حَبيبي
حِزنك الما أدري المَن
صار حِزني
روحي شجرة زينة
محتامة أعله بَيتك
و آنه هَم لو عِندي غَيرك
چا نسيتك .

خايف احِچيلك
       واعدلَك
چَم صُبح ما مر عَليّة
خايف ﭑحچيلك
        وامُوت !
خايف ﭑحچَيلك
وصوتي من ﭑلرچف
يبُقى بلاية صَوت .

اطوطح بشوفتك
حرموك مني شعجب!
شنهي انته قابل خمر
تهديد دزيت الك،
نص ساعه اذا ماتجي
ماعدنه شي ننتضر.."

ولا يغث گلبي اليضم عني ضواه
شعندي وي فانوسهم وانا الصبح

رضيت بموت روحي،
بشرط يرضون..

ماچذّب تغيّرت
‏ما احچي كلمة وصرت
‏حيل ابتعد منّة
‏ومبتعد من كُل شخص
‏يحچيلي شي عنّة
‏من گتلة كلشي انتهى
‏وماريد نرجع بعد
‏چذبت كلش لأن
‏بالواقع اتمنة .

جاي اقهر امي والله شاهد
تصحه الصبح تلگاني گاعد
تگلي الكواغد يمته تنعاف
تسمي الصور ذني كواغد !

كد كلمه اعوفك
حتى نرتاح
واسوء يوم ذاك البي عرفتك !
عندك فرصه وحده
وبس خيارين
لو تكسرني
لو تكسر كلمتك

كعدت من الحلم باچي
خسرتك بالصدك والطيف!

مامهتم بروحي تريدني أهتم بيك؟
ترا هاذ السهر تعويد مو عبالك متانيك