تفاركنه برغم ماردنه الأفراك
وكلمن أخذ جرحه وذكرياته
وصار الليل كلش مو حلو الليل
بعد ماجان وياك شحلاته
شنسى وذكريات هواي وياك

وانتَ كاسر خَاطري لـ خِاطر مَنو ؟

وهنه اول ايام ثكال علـ مسجون
بعدين بمرور الوكت يتعود
بس ماعلمتني شون اخلص الـ ليل
انا ماعرف انام وماكو يمي احد!

ماشفت شكد جان طبعك بارد
من جنت اجيلك محترك...
والكاك حيل تعاند
من جان عندك جم محب
وما عندي غيرك واحد
كل ذني موصوجك تره؟
“صوج" اهتمامي الزايد "

المفروض چنت انسحب
من بده يقل السهر
بس عاندت زايد ومنا
ورايح بعد لو اموت ماعاند

خليتني بعازه بشر يفتهم موضوعي.

كُل قصيدة تضوج منها ، هاي عنَك!
كُل خنگتي البية منَك ...
واعدتني تصوغ عُمري بكل برائة
عوف وعدَك عُمري وينه؟!

لترجعيلي ما أقبلج اني أسف
الشفته بروحتچ مو مال ميخالف
انا بروحتج يا سادة ما خليت
واحد ما رحتله و وجهي ظل تالف
وكلش منعزل منطوي
وچم يوم مباوع بالمراية
وكلشي ما شايف نرجع ،
لكن تمرين بالمريت بي
سنتين أنساج وأحط راسي وافز خايف

انه كائن مو حجر
ماكدرت اترك جكاره!
شلون رايدني أترك بشر؟

وفي صبحٍ وقفت امام مرآتي
وقد بانت على وجهي خساراتي
ارى وجها على المرآتِ يكرهني
وما اقساهُ كره الذاتِ للذاتِ..

شجاك؟
تكبرت من كتلك اهواك
شكثر غيرك اجو بس ما
ذفتهم
دكو باب كلبي
شلعو الباب
لجل عينك ابد ما
دخلتهم

جربت غيرك أحب
وأعشك تفاصيله
حاولت بي أنعجب
بس شفته ماله ذنب
يحجيلي عن حبه إلي
وعن حبك أحجيله
يطلع وياية وأظل أذكر
مواعيدك يلزم إدية
لأن يعرفني أحن لإيدك
ولليوم ماجربت أشكيله
عن همي بس هو عكسك
ترة بالشدة مايختفي
طول الوقت يمي

بعدنه انحن على الما منه رده
وبعدهي عيونه من فركه رمده
وبعدنه شما نريد انام بالليل
ندفع دمعه رشوه للمخده

ألم بروحي احاول مااضل مكسور
واعرف صعبه لم الجام المكسر
امشي والتفت مطلوب دم ودين
انه اتمنى استقر بس غير كون اكدر