چنت بغيابك انعزل
بس هسه راجعلي الخلگ
صاير اعاشر واضحك
صح باقي ليهسه أختنك
بس بعد ما ينزل دمع
لمن اخبارك اسمع
صاير شويه اتحمل
گمت اقتنع ابقى بنقص
مو إلا وياك اكمل ..

لا خليت راسي براس مخلوق
ولا خليت راسي على المخدة

لا تلوم الريح وحبابك ورق..

هالمره مو مرتاح اريد اتقبل ،
واتجرأ بوجه الحجي الـ منه اخجل ،
هو انه اجمع طاقه حته اشرب ماي ..
رايدني اجمعلك خلك واتحمل ؟

خليتني أصبع ندم
معضوض وآنه المو سبب
واللوم ما يجزيني
توها الچگارة تورثت
خليتني آصفن وآنتبه
بالگطف من يچويني .

ليل و حِلم مابي سَهر
چا ليش أحن لِمناطرك ..

نتواعد وانقهر اذا ارجع
اتمنى نبقه سوه،
اني اليحب الحجي
وياك بس اسمع
وشبسرعه يمشي الوكت
حتى أنسى اخذ صوره
وياك من نطلع .

شهلـ الضياع الماله تالي
اني من يا وكت صاير لا ابالي
انا اول تالي افز ماعندي غالي
وهذا من يمتى البرود
بروحي هچي !
شغيرج ياروحي احچي..

إشلع گلبي .. شلعان الگلب مريود
الشاعر من يظل مرتاح مايكتب ..

🤍.

لابُد يَوم نتلاگة
وأسولفلك عَلى الليل
ومَحطاته الغَفت تنَطُر
وأسولفلك بَـ حَنين الشِتة وآهاتة
وشيصير برَوحي مِن تمطر !!

شايف من تمشي عدل
وتعثرك الأيام ؟.
شكو مخربط يصير براسك معدل..

وليش الما يحبك
گاودت چفه
الما كاتب ع عيونك
صرت ولفه؟
اجيت وعندي ملگه
ينافس الجيلات
بس ردك البارد
موت اللهفه

وحسبالي مِن أبتعد
تتعنى لدياري
تترسني وينك شو مختفي ظل بالي !
كُل ضني أهمك مِن صدك
وتهمك أخباري ..

تمنيت من اسولف عنك ماكول جان !