ذَنبي وماعرفت انسى
وگمت كلما يلومونك
اگلهُم والله مَا قَصر
شبيدك خَاطر تسوي
حَابسني بـَ سجن مَفتوح
مو صوجك انه الـ مَا اگدر اتحَرر

گلبك صدِك لو الي
ماتمشي وي الغرب
من دون ماگُلك

براحتَك ماشايل بكلبي حقد
بَس انتَ مختار البُعد
مَوجود يَمتة ماترِد
والطوبة هَسه بساحتَك
واضِح كلامي وصدكة
ومِن تمشي راسَك دنكة
مِثلي إذا كلبَك لكة
سَاعتها أرفع هامتَك .

هديتِ حيليْ وهم ما عفتني
كَمت تطلعلـي بأحلامي..

غَصة بداخلي لهسة
الـ كدر يكسرني بعيونه
اجاني يكلي مانرهم
لازم تكبر .. وتنسى
احساس المَشاعر والمحبة وياك
وي غيري اريدك ترجع تحسة
العاش بهَل أذية وياك
تتوقع يضل نفسة ؟
المهَم
وياك راح أقسى
وَراح اعتبر هاي الفترة للونسة
بس محتاج تبريرك
تتوقع ورة عيونك
راح أكدر احب غيرك !

حَنيت
گِمت أكتِب شَعر
ديَوان كامَل بّس غِزل
كمِلتة وانطيّتة الشَخص
لا يكِتب وَلا يقَرة

أمس زرت السوالف والمواعيد
‏بعدهن ع الجسر كلشي بمكانه
‏خطواتَك لهفتك عرگة الايد
‏خوفَك لا عيون اتطب سِمانا
‏ونار اشواگنه الما تقبل تهيد
‏وبير دموعنة وصحرة لقانه

هاي عيوني محد گبلك جان يطبها
شكد تحبك يا متعبها

ڪُلشي يگودني لطاريك
الغبشة
والورد
والناس
وام ڪَلثوم
والدخـان
وشكَم زهرة بالبُستان
ألگاهن يفكرن بيك…"
ڪُلشي يگودني لطاريك

- تصب مثل المطر حنيتك على الغير
- بس گلبي اليحبك قهر شبعتة..

اضيع الكة بطاوريك ضوه يلمني
آنه اول مرة احب واحد يتعبني ".

بَعيوني
أريدك تجي
لو بَس حلم عَابر
انطيني نسمّة هوىٰ
و براحتك سافر
لو گلبي ، لو خاطري
ما أعرف شكاسر

صار الچنت ماريده وبديت أنساك،
تخيل گمت أنام وما أحچي وياك!
نسيت وگمت ماحِب التريدَه
ولا أدور عيونَك بكل قصيدة .

شكراً عالأحساس وحتى العناد
واليوم الحلو الأتمنى ينعاد
ترى لـمَن طلعت وياك حبيت
حتى ازدحام المالي بغداد…

عشت عمري قوي وتعبان !
وليغرك عمق صبري
التفاصيل الصغيره تكبر الانسان
وخجل لو شفت وجهي
يوميه على المرايه الگه شي خربان ..


القصه الخافو يعيشوها عايشها !

نفس هذا الوكت قبل أول العام طول بطول خصرك نايم وياي ويا غيري هسه اتبدل الحال خذاك الروج جنك جثه بالماي الخذاك لهسه ما حس بخلل بيك؟
ماشك بنصيبه مستعمل هواي

كلبت الرسايل واختنگ صدري چنت تكلي احبك كبل الشلونك هسه شلوني ماتدري ! .

بين منو المتمسك
وبين منو المتخلي
من أنت اساس المشكلة
ونايم لكيتك قبلي !
حبيتك وكلها درت
من الغريب الأهلي
خلصت عمري بكلبي احب
أمنيتي احب بعقلي .